Category: Uncategorized

Ni icyemezo cyatowe n’Abasentaeri 214 kuri 171, aho uyu mutwe ufatwa nk’Abasenateri watoye icyemezo cyo gutinzaho iyi gahunda yo kohereza abimukira mu Rwanda.

Aba bashingamategeko batoye iki cyemezo, nyuma y’uko umutwe w’Abadepite uzwi nka 'House of Commons’ bo bari baherutse kwemeza iyi gahunda mu cyumweru gishize ku wa Gatatu.

Abasesengura ibijyanye n’imikorere y’Inteko Ishinga Amategeko mu Bwongereza, bavuga ko 'House of Lords’ idashobora kuburizamo iyi gahunda, icyakora ko ishobora kuyitinzaho igihe cy’umwaka wose.

Ni mu gihe Minisitiri w’Intebe w’u Bwongereza, Rishi Sunak we yavugaga ko indege izazana abimukira ba mbere igomba gufata ikirere muri uyu mwaka.

Gusa mu minsi micye ishize, Guverinoma y’u Bwongereza yavuze ko bigoye kwemeza igihe abimukira ba mbere bazohererezwa mu Rwanda.

Uyu mushinga mushya, wajyanywe na Minisitiri Rishi Sunak nyuma y’uko Guverinoma y’u Bwongereza n’iy’u Rwanda, zivuguruye amasezerano, zigasubiza impungenge zari zagaragajwe n’Urukiko rw’Ikirenga rwari rwatesheje agaciro amasezerano ya mbere.

UKWEZI.RW

Mu mashusho yashyizwe hanze, ubwo Gen (Rtd) Kale Kayihura yavugaga uko yabonye u Rwanda ubwo bazaga mu bukwe bw’abana babo, aho umukobwa we aherutse gushyingiranwa n’umuhungu wa CG (Rtd) Emmanuel Gasana, yavuze ko yatunguwe.

Mu Kinyarwanda cyiza, Gen (Rtd) Kare Kayihura, yagize ati 'Ejo bundi tujya mu bukwe i Kigali nanyuze hariya i Musanze kuko twagiye n’imodoka. Nari maze nk’imyaka ntajyayo ariko icyantangaje mu myaka micye ubu ngubu ubu Musanze irarutka Kisoro inshuro 10.'

Yakomeje agira ati 'Njyewe sinumva impamvu, ndabaza abacuruzi, mujyayo, byakumvikana gute Musanze iri hakurya hariya, ubu yaradusize, ikibazo kiri he ?'

Gen (Rtd) Kale Kayihura wavugaga ko abaturage bo muri Kisoro bakwiye kwibaza iki kibazo kandi bakagishakira igisubizo, yavuze ko bikenewe ko na bo biga umuco w’i Rwanda wo gukora umuganda ukorwa buri kwezi.

UKWEZI.RW

Babitangaje kuri uyu wa Mbere tariki 22 Mutarama 2024, mu kiganiro n'itangazamakuru cyabereye kuri Institut Français, ari n'aho iri serukiramuco rizabera mu gihe cy'iminsi itatu, ubundi rikomereza muri Camp Kigali ari n'aho rizasorezwa tariki 27 Mutarama 2024.

Rigiye kuba ku nshuro ya kabiri kandi ritegurwa n'umuryango Iteka Youth Organization ukorera mu Rwanda ku nsanganyamatsiko igira iti 'Art, a Tool for Humanity.'

Rifite intego yo kugaragaza impano no kumenyekanisha umuco nyafurika, kugaragaza uruhare rw'umuco mu kongera kubaka no gusigasira ubumwe.

Muri rusange rirangwa n'ibikorwa birimo imbyino, ubugeni, imyambarire, ikinamico n'ibindi binyuranye bifasha abaryitabira gususuruka.

Bigaragara ko kuri iyi nshuro rizaririmbamo abahanzi barimo Josh Ishimwe, Michael Makembe, Itorero Himbaza Club, Itorero Intayoberana, Chorale Christus Regnat, Abeza b'Akaranga, Umuti Arts n'abandi banyuranye bazatangazwa mu minsi iri imbere.

Iri serukiramuco ry'imbyino n'umuco rizatangira tangira tariki 24 Mutarama 2024 kugeza tariki 27 Mutarama 2024; bivuze ko rizamara iminsi ine.

Umuyobozi wa Iteka Youth Organization, Niyonzima Yannick yavuze ko iri serukiramuco rizarangwa n'ibikorwa birimo kumurika ibihangano binyuranye n'umuziki.

Yavuze ko rizakomeza kuba buri mwaka, kandi buri gihe bazajya bashingira ku bitekerezo by'abantu mu rwego rwo kuryubaka.

Yannick anavuga ko umwaka utaha batekereza kuzifashisha abahanzi bo mu bindi bihugu mu rwego rwo kwagura iri serukiramuco.

Akomeza ati 'Turashaka kwimakaza amahoro, iterambere n'ubumuntu dukoresheje ubuhanzi. Kandi tukarema ubumwe mu bahanzi muri sosiyete no ku Isi yose muri rusange.'

Akomeza ati 'Ni iserukiramuco rizarangwa no kumurika ibikorwa birimo nk'imyambaro yo muri Afurika, hazaba ibiganiro bigaruka ku muziki n'ubumuntu, bikazasozwa n'igitaramo kizahuriramo abahanzi banyuranye muri Camp Kigali.'

Michael Makembe utegerejwe muri iri serukiramuco, avuga ko nk'umuhanzi watumiwe yatangiye imyiteguro afatanyije n'ikipe bazakorana izamufasha gucuranga mu buryo bw'umwimerere (Live) no gutanga ibyishimo ku bantu bazaba bitabiriye.

Uyu muhanzi asanzwe akora umuziki gakondo ushingiye ku muco ariko nanone ukaba umuziki ugezweho uvanze n'ibintu bigezweho.

Kuri we, amaze igihe kinini cyane yitegura kuririmba muri iri serukiramuco, ndetse yagiye akorana n'abandi bahanzi bazahurira ku rubyiniro.

Ati 'Ndatekereza ko umunsi tuzakorera igitaramo bizaba ari umunsi w'amateka, cyangwa umunsi wo kwerekana umuco, kandi kwerekana umuziki wihariye, ndakeka bizaba ari ukwigaragaza nk'umuhanzi ku giti cyanjye, kandi nk'umuhanzi uzaba uri muri 'Iteka African Cultural Festival (IACF2024)' bizaba ari umwihariko ku kuntu nzagaragara.'

Michael Makembe asanzwe yitabira amasezerukiramuco akomeye mu bihugu bitandukanye byo ku Isi. Uyu muhanzi avuga ko kuba batumirwa mu bindi bihugu ahanini bituruka ku kuba 'abahanzi bo muri iki gihugu bafite impano zihariye'.

Yavuze ko ari iby'agaciro kandi ni ikintu gifite imbaraga kuba abasha kuririmbira i mahanga imbere y'abantu benshi batumva neza ururimi rw'ikinyarwanda, ariko kubera umuziki bose bakabasha kwisangamo.

Uwangizaga Herniette usanzwe ari umuririmbyi wa Chorale Christus Regnat, avuga ko kuva bakwemeza kwitabira iri serukiramuco batangiye imyiteguro ihagije, kugirango bazafashe abazitabira iri serukiramuco kunogerwa.

Yavuze ati 'Turi Korali ishingiye kuri Kiliziya Gatolika, aka kanya tuje kubera ko mu ndirimbo turirimba harimo n'izirata umuco nyarwanda ariko kandi tunaririmba n'indirimbo zo mu bindi bihugu, ubushize mu gitaramo cyacu mwarabibonye hari n'indirimbo twaririmbye igaragaza umuco w'ibihugu byo muri Afurika.'

Uwanziga avuga ko bamaze kwitegura mu buryo buhagije, kuko bamaze gusubiramo indirimbo ze bazaririmba. Ati 'Twatangiye imyiteguro, ku munsi nyirizina, ku itariki 27 Mutarama 2024 nzi ko abantu bazishima.'

Kwinjira ku munsi wa nyuma w'iri serikuramuco ni ukwishyura 5000Frw mu myanya isanzwe, 10,000 Frw muri VIP na 20,000 Frw muri VVIP, amatike araboneka ku rubuga rwa www.rgtickets.com. 

Umuyobozi wa Iteka Youth Organization, Niyonzima Yannick yatangaje ko biteguye gukora ibishoboka byose iri serukiramuco rikajya riba buri mwaka mu rwego rwo kugaragaza uko ubuhanzi bugira uruhare mu kubaka amahoro arambye 

Michael Makembe wanyuze mu irushanwa rya ArtRwanda-Ubuhanzi, yavuze ko yamaze gukora imyiteguro ihagije mbere yo kwitabira iri serukiramuco rigiye kuba ku nshuro ya kabiri 

Uwanziga Herniette wo muri Chorale Christus Regnat, yavuze ko nyuma yo gutanga ibyishimo mu gitaramo cyabo bwite, baniteguye gususurutsa abakunzi babo muri iri serukiramuco 

Iri serukiramuco rizatangira kuri uyu wa Gatatu tariki 24 Mutarama 2024, rizasozwa ku wa Gatandatu tariki 27 Mutarama 2024 muri Camp Kigali 

Ikiganiro n'itangazamakuru cyabereye kuri ‘Institut Français ari n'aho iri serukiramuco rizabera mu gihe cy'iminsi itatu

 

Uhereye ibumuso: Uwanziga Herniette wo muri Chorale Christus Regna, Yannick Niyonzima uyobora Iteka Youth Organization, ndetse n'umuhanzi Michael Makembe  

KANDA HANO UREBE AMASHUSHO Y’INDIRIMBO ‘ZIRAVUMERA’ YA CHORALE CHRISTUS REGNAT

“>

KANDA HANO UREBE UBWO MICHAEL YASUBIRAGAMO INDIRIMBO ‘TAJABONE’

“>

Imbaduko iri hejuru abahanzi nyarwanda batangiranye umwaka wa 2024, itanga icyizere gifatika cy'uko uyu mwaka uzaba udasanzwe mu mateka y'umuziki nyarwanda n’impano nshya ariko  zigaragaza.

Uyu mwaka, watangiranye amaraso mashya bigendanye n'umwaka ushize wa 2023 wasohotsemo indirimbo nyinshi zakunzwe zikagera no ku rwego mpuzamahanga zica uduhigo.

Nubwo buri munsi havuka abahanzi bashya, hari abigaragaje kurusha abandi ndetse banatangiranye umwaka amahirwe indirimbo zabo zigakundwa cyane ndetse zigacurangwa hirya no hino kurusha iz'abahanzi babimazemo iminsi.

1.     QD

“>

Shema Qusay Diaby umaze kumenyekana ku izina rya QD binyuze mu ndirimbo ye imaze kwigarurira imitima ya benshi yise 'Teta,' ni umwe mu bahanzi bakizamuka batangije neza abanyarwanda umwaka mushya, kandi bitezweho ibyiza byinshi bitewe n'impano idasanzwe yibitseho.

2.     Li John

“>

Iradukunda Jean Aimé [Li John] ukomeje kuzamuka neza mu muziki, yatangiranye umwaka indirimbo nshya ikunzwe n'abatari bake yafatanije n'umuvandimwe we yitwa 'Naragusariye.'

Mu kiganiro yagiranye na InyaRwanda, Li John yasobanuye ko yabonye umuvandimwe Pamaa ashoboye umuziki, maze yiyemeza gukorana nawe kugira ngo barusheho gukora ibintu byiza.

Li John amaze imyaka itatu atangiye kuririmba. Ni mu gihe ibijyanye no gutunganya indirimbo yabitangiye yiga mu mashuri yisumbuye, akomereza muri Uganda aho yabyize mu ishuri, asoje atangira kubikora mu buryo bw'umwuga ahereye ku ndirimbo 'Log Out' ya Marina.

3.     Aobeats

“>

Hatangimana Anani umaze kumenyekana nka Aobeats ni umwe mu bahanzi batangije neza abanyarwanda umwaka, nyuma yo gushyira hanze indirimbo yise 'Uri Keza' yakiriwe neza n'abakunzi b'umuziki nyarwanda.

4.     Addy d'Afrique

“>

Ishimwe Adelaide umaze kumenyekana ku izina akoresha mu buhanzi rya Addy d'Afrique, yamamaye cyane nyuma yo kugaragaza ubuhanga budasanzwe, ubwo yasubiragamo indirimbo y'umuhanzikazi Clarisse Karasira na Mani Martin bise 'Urukerereza.'

Nyuma yo gushyira hanze ibisigo ndetse n'indirimbo zirimo iyitwa 'Mundangire,' Addy d'Afrique yatangiye umwaka anyura imitima ya benshi mu ndirimbo nziza ya gakondo yise 'Rudasumbwa.'

5.     Nillan

“>

Ntare Senga Moses watangiye kuririmba mu 2018, nawe ni umwe mu bahanzi bakizamuka ukomeje gutanga icyizere mu muziki nyarwanda.

Uyu musore wiyita Nillan YNB [Ya Ntare] yatangiye neza umwaka, nyuma yo gushyira hanze indirimbo yakoranye na Mistaek bise 'Credit Card.'

6.     Manick Yanni

“>

Manigabe Delphin ukoresha amazina ya Manick Yanni mu muziki, ari mu bahanzi nyarwanda bakizamuka batangiranye imbaduko mu mwaka wa 2024, kuko yatangiye ashyira ahagaragara indirimbo yise 'Akayobe.'

Kuri ubu kandi uyu musore w'imyaka 21 y'amavuko, aritegura no gusubiranamo iyi ndirimbo n'umuhanzi King James wiyemeje kumufasha mu gihe cy'imyaka itanu.

7.     Da Rest

“>

Umuhanzi Ishimwe Prince wahisemo izina rya Da Rest mu muziki, amaze igihe gito atangiye gukora ku giti cye, nyuma yo gutandukana n'itsinda rya Juda Muzik yari amazemo imyaka itandatu.

Nyuma y'indirimbo zirimo You, Nakupenda, Papa, Mama, Somebody n'izindi, yamaze gushyira ahagaragara n'iyindi nshya yise 'Distance' mu rwego rwo gsuhimangira ko azanye imbaraga zidasanzwe mu mwaka wa 2024.

8. The Nature

“>

Umuhanzi The Nature ukunzwe cyane mu ndirimbo yise ‘Umuvuno,’ ubusanzwe yitwa Mugisha Prince akaba afite imyaka 25 y’amavuko. Uyu musore ufite impano idasanzwe nawe ari mu bitezweho gukomeza kwigaragaza cyane muri uyu mwaka.

9. Fela Music

“>

Abavandimwe bagize itsinda rya Fela Music, Shimye Faida na Ngabo Lucky, ni bamwe mu bahanzi bakizamuka bakomeje kwigaragaza neza mu ruganda rwa muzika nyarwanda. 

Nyuma y’izirimo Diyama, Infinity, Wasanga n’izindi bakoze mu bihe byashize, aba basore batangiranye 2024 indirimbo nziza bise ‘Utulips.’

10. Shemi

“>

Shemi, ni umwe mu bahanzi b’abahanga bakiri bato u Rwanda rufite. Shema Gibril amaze igihe gito yinjiye mu muziki, ariko kugeza ubu akomeje gutambuka kuri benshi bamaze imyaka myinshi muri uyu mwuga. 

Mu mwaka ushize, yakoze indirimbo zakunzwe cyane zirimo ‘One Time’ na ‘Peace of Mind.’ None 2024 yayitangiye akorana n’umwe mu bahanzi bagezweho mu Rwanda, Ish Kevin mu ndirimbo bise ‘Big Shaq.’

Rutahizamu w’Umurundi wakiniraga ikipe ya Al Ta’awon muri Libya, Shabani Hussein Tchabalala yamaze gutandukana n’iyi kipe ku bwumvikane.

Muri Nzeri 2023 ni bwo uyu rutahizamu yerekeje muri Libya muri iyi kipe ikinamo umunyarwanda, Haruna Niyonzima.

Nyuma y’amezi 4 akaba yamaze kumvikana n’iyi kipe gutandukana ku bw’umvikane.

Ni nyuma y’uko iyi kipe itubahurije ibyo bumvikanye mu masezerano harimo no kutamuhembera igihe.

Amakuru avuga ko nyuma yo gutandukana n’iyi kipe, ubu ibiganiro bigeze kure na AS Kigali yahozemo ngo abe yayigarukamo.

Tchabalala wakiniye Amagaju FC, Rayon Sports, Bugesera FC mu Rwanda, bivugwa ko nyuma y’uko Shema Fabrice agarutse hafi ya AS Kigali ari umwe mu bakinnyi yifuza ko yagaruka muri iyi kipe.

Umugore witwa Maria do Socorro Azevedo yasabye ko umurambo w’ikirangirire muri ruhago Pelé utabururwa hagausuzumwa neza ko ari se.

Arantes do Nascimento wamamaye nka Pelé wabaye Minisitiri wa Siporo muri Brazil yitabye Imana tariki 29 Ukuboza 2022 aguye muri São Paulo muri Brazil aho yazize uburwayi.

Nyuma y’umwaka n’amezi 6 yitabye Imana, habonetse umugore w’imyaka 60 uvuga ko uyu mugabo witabye Imana ku myaka 82 yari se.

Ni ikibazo uyu mugore yatangiye kugaragaza muri 2019 ariko kuko yari umukene cyane ko yakoraga akazi ko mu rugo abura amikoro yo gushaka uwamuburanira.

Pelé mbere y’uko yitaba Imana akaba yari yaremereye Maria do Socorro Azevedo ko bazapima DNA akareba niba koko ari umwana we.

Yaje kwitaba Imana bitabaye ari nayo mpamvu hifashishijwe Edinho Nascimento na Flavia Christina, abana ba Pelé ngo barebe niba bafitanye isano n’uyu mugore ariko basanga ntaho bahuriye.

Umunyamategeko w’uyu mugore ari we Marcos Fernando dos Santos Sousa, yavuze ko nta kindi gisigaye uretse gutaburura umurambo wa Pelé bakawupima.

Maria do Socorro Azevedo yabwiye ibitangazamakuru byo muri Brazil ko abamushinja gukurikirana imitungo ya Pelé atari byo ahubwo we akeneye kumenya ukuri amaze imyaka 60 atazi.

Pelé akaba yarasize umutungo ufite agaciro k’amapawundi miliyoni 78. Muri yo 60% yasize avuze ko uzagananwa n’abana be, 10% ugabanwe n’abuzukuru be 2 ni mu gihe 30% bizahabwa umugore we wa 3.

Abavugwa ko banditse basezera, barimo Umunyabanga Nshingwabikorwa w’Akarere ka Muhanga, Bizumuremyi Al Bashir, Umunyamabanga Nshingwabikorwa w’Akarere ka Rulindo, Kanyangira Ignace, Umuyobozi w’Imirimo rusange (DM) w’Akarere ka Huye Muhanguzi Godfrey.

Ikinyamakuru Umuseke, kivuga ko mu bandi bayobozi banditse basezera, barimo Umuyobozi w’Ishami ry’Ubutegetsi n’Imali mu Karere ka Rulindo, Mugisha Delice, Umuyobozi w’Ishami ry’Ubutaka, Imiturire n’ibikorwaremezo (One Stop Center) mu Karere ka Rulindo, Bavugirije Juvénal, na Niyonsenga, Umuyobozi w’Ishami ry’ubutaka, Imiturire n’ibikorwa remezo mu Karere ka Gicumbi.

Bivugwa ko aba bayobozi bose bahoze bakorera mu Karere ka Rulindo, bamwe baza kwimurirwa mu bindi bice mu buryo butumvikana, bamwe bohorezwa mu Turere dutandukanye turimo Muhanga, Huye na Gicumbi.

Andi makuru kandi avuga ko uku kwimurirwa ahandi, byari bigamije gusibanganya ibimenyetso by’inyereza ry’amafaranga y’ingurane z’abaturage bashinjwa gusangira no kunyereza.

Uwahaye amakuru ikinyamakuru Umuseke, yagize 'Bose bahuriye kuri dosiye imwe, kuko bahaye amafaranga y’ingurane abaturage batayagenewe kandi batari ku rutonde rw’abagombaga kuyahabwa, bikavugwa ko iyo myirondoro y’abahawe ayo mafaranga ari baringa kuko abayahawe nta butaka bahafite.'

Bikavugwa kandi ko abagombaga kuyahabwa bahafite ubutaka batigeze bayabona kuko bazaga kuyishyuza mu Karere, bakabwirwa ko bayabonye.

Ni mu gihe kandi aba banditse basezera bigeze gufungwa bashinjwa kunyereza amafaranga y’ingurane, baza kurekurwa by’agateganyo.

Src : Umuseke

UKWEZI.RW

Ku wa 14 Mutarama 2024 ni bwo inkuru yabaye kimomo ko Sous Lieutenat   Madison Marsh yabaye Nyampinga wa Leta Zunze Ubumwe za Amerika [Miss America 2024].

Iyi nkuru ikaba yarafashe intera ugereranije n'izindi zari zarayibanzirije z'uko hari abasirikare b’igitsina gore  muri Amerika bagiye bitabira amarushanwa y'ubwiza bamwe bakenegukana amakamba anyuranye.

Ibi byanatumye InyaRwanda ibategurira  inkuru yibaza niba igihe cyazagera abasirikare bakiri mu nshingano mu Rwanda b'abari n'abategarugori bakagaragara mu bikorwa by'imyidagaduro nk'abasaza babo bahereye mu muziki ariko byumwihariko bakaba banakwitabira amarushanwa y'ubwiza.

Ubwo ACP Rutikanga yari mu kiganiro cya Isango Star kizwi nka Sunday Night mu kibazo yabajijwe n'umuhanzikazi uri mu bahagaze neza Bwiza unaheruka gushyira indirimbo hanze yise 'To You'.

Uyu muhanzikazi yamubajije impamvu abantu bari mu nzego z'umutekano ubona bagenda gake mu bikorwa by'imyidagaduro nko kwitabira amarushanwa y'ubwiza no gukoresha imbuga nkoranyambaga.

Mu gusubiza iki kibazo ACP Rutikanga yagaragaje ko byose bishingira ku mahame ya Politiki ya Guverinoma gusa avuga ko bishoboka ko igihe cyazagera hakagira amavugururwa akorwa ibyo nabyo mu Rwanda bigatangira gukorwa.

Mu buryo bwe ACP Rutikanga yagize ati'Buriya rero tugengwa n’ikintu cyitwa amahame ya Politiki ya Guverinoma [Doctrine] buri gihugu kigira ayacyo, kigira uburyo gishaka guhamo abantu bacyo imyitwarire iboneye, dufite uko twambara dufite uko dufata imbunda dufite uko tugenda, dufite uko duhagarara dufite uko twogosha.'

Agaragaza uko buri gihugu kigira ibyacyo agira ati'Naguha nk'urugero ugiye nko muri Amerika usanga umupolisi afite ibisage [dread] ubwanwa anishushanijeho [Tattoo] ntakibazo ho biremewe ariko twebwe ntibyemewe kuko niyo mahame ya Guverinoma yacu.'

Yongeraho ati'Ibyo rero byo kugira Nyampinga kugeza ubu impamvu mvuga kugeza ubu hari igihe bishobora kuzahinduka ntabwo bijyana n'amahame yacu ariko na none hari n’ibyo uharira abandi reka ubwiza hajyemo ba Bwiza nyine.'

Akomeza agira ati'Nibyo koko barahari beza mu gisirikare mu gipolisi ariko na none kugeza ubu iyo umuntu ahisemo kuza mu gipolisi ni uko abona ariho hamubereye kandi niyo atakizamo ntiyari no kujya muri ayo marushanwa.'

ACP Rutikanga yagaragaje ariko ko hahoraho impinduka ati'Ariko birashoboka ko igihe kizagera bakavuga bati oya reka duhindure amahame ahinduke twongere dufungure amarembo n'abapolisi bazajye bajya mu marushanwa y'ubwiza.'

Yavuze ko kandi igihe ibyo byazaba bibaye bazitabira amarushanwa y'ubwiza ku mpande zose ati'Ubwo urumva hajemo kujya mu marushanwa y'ubwiza hazazamo no kujya mu ya Rudasumbwa.'

ACP Rutikanga yagaragaje ko kuba inzego z’umutekano zitagaragara mu bikorwa by’imyidagaduro cyane ari ukubera amahame Guverinoma igenderaho kugeza ubuBwiza yabarije abari n’abategarugori babarizwa mu nzego z’umutekano

KANDA HANO WUMVE UNAREBE TO YOU YA BWIZA

“>

 

Muri Kamena uyu mwaka uyu mwaka, nibwo Koukouras yagizwe umutoza wa Kiyovu Sports ubwo Mvukiyehe Juvenal yari akiri Perezida wayo.

Tariki 14 Ugushyingo, nibwo uyu mutoza yatandukanye na Kiyovu Sports aho yari amaze kuyitoza imikino 10 ikipe ikaba yari ku mwanya wa 5 n’amanota 15.

Koukouras Petros ajya kugenda, yari yumvikanye iki na Kiyovu Sports

Kubera ko ubuyobizi bwa Kiyovu Sports aribwo bwifuje gusesa amasezerano bwagombaga kugira icyo buha uyu mutoza kugira ngo batandukane mu mahoro. Kiyovu Sports na Koukouras bumvikanye ko agomba guhabwa umushahara w’amezi 6 ubundi bagatandukana neza.

Ku ikubitiro, Kiyovu Sports yahaye Koukouras amafaranga angana na Miliyoni  5 z’amezi  abiri kuko ku kwezi yahembwaga Miliyoni ebyiri n’igice z’amafaranga y’u Rwanda.

Kiyovu Sports yumvikanye na Koukouras ko amafaranga y’andi mezi 4 yari asigaye bazayamuha tariki 20 Ukuboza gusa ntabwo babikoze. Muri ayo mafaranga harimo amafaranga y’amazi 2 y’umushahara, andi mezi 2 akitwa amafaranga yo gusesa amasezerano ndetse n’amafaranga yari ragurije ikipe afasha abakinnyi.

Aganira na InyaRwanda, Koukouras yemeje ko igihe cyo kwishyurwa cyageze akabura amafaranga. Yagize Ati ” Itariki twari twaravuganye zarageze ntihagira igikorwa. Ntabwo nigeze mpamagara Ndorimana kuko tutumvikana mu rurimi, ahubwo nahamagaye Perezida wungirije ndetse mwandikira n’ubutumwa bugufi gusa ntiyigeze ansubiza na n’ubu.”

Petros Koukouras yemeje ko namara gutanga ikirego muri FIFA, Kiyovu Sports igomba kumwishyura amafaranga y’amazi 6 kuko amasezerano bari bagiranye aricyo yavugaga.

Umutoza Koukouras avuga ko ibyo yari yakoze kwari ugufasha Kiyovu Sports bagatundana nta manza zibayeho, kuko yabonaga iri mu bihe bigoye, gusa bakaba barabyanze 

Kiyovu Sports kuri uyu wa kabiri irakina na Gorilla FC mu mukino wo kwishyura w’igikombe cy’Amahoro