Category: Uncategorized

Perezida Ndayishimiye yabivigiye i Kinshaka ku Cyumweru tariki 21 Mutarama 2024, ubwo yaganiraga n’urubyiruko rurenga 500.

Ndayishimiye usanzwe anafite inshingano zo kuzamura urubyiruko mu Muryango wa Afurika Yunze Ubumwe, yavuze ko agiye gukora ibishoboka byose ngo agafasha urubyiruko rw’u Rwanda kwigobotora, ngo kuko rumeze nk’urufungiye mu Gihugu cyarwo.

Ni amagambo yahise yamaganirwa kure n’abanyapolitiki banyuranye, ndetse ku wa Mbere tariki 22 Mutarama 2024, Guverinoma y’u Rwanda ishyira hanze itangazo yamagana iri jambo 'rutwitsi’ ivuga ko ritari rikwiye kuvugwa n’ufite mu nshingano amahoro n’umutekano n’urubyiruko by’umwihariko akaba Umukuru w’Igihugu cy’igituranyi cy’u Rwanda.

Kuri uyu wa Kabiri tariki 23 Mutarama 2024, Umunyamabanga Mukuru wa Leta mu Biro by’Umukuru w’Igihugu cy’u Burundi, Jerome Niyonzima, yashyize hanze itangazo avuga ko ibisobanuro byahawe ijambo rya Ndayishimiye, byahimbwe.

Yavuze ko Ndayishimiye atavuze ko ashaka gufasha urubyiruko rw’u Rwanda gukuraho ubutegetsi, ahubwo ko 'yababajwe n’uko urubyiruko rw’u Rwanda rutaboneka mu mahuriro y’akarere kugira ngo ruganire n’abandi, aruhamagarira kujya rwitabira.'

Iri tangazo rya Jerome Niyonzima rikomeza rivuga ko ubutumwa bwa Ndayishimiye bwakorewe amakabyankuru, hagamijwe kuyobya uburari ku kibazo nyirizina kiri hagati y’u Burundi n’u Rwanda.

Muri iri tangazo, u Burundi bwongeye gushinja u Rwanda gufasha abahungabanya umutekano w’iki Gihugu cy’igituranyi, nyamara u Rwanda na rwo ntirwahwemye kubihakana rwivuye inyuma.

UKWEZI.RW

Uyu mwarimu yatawe muri yombi ku ya 22 Mutarama 2024 nyuma y’uko akekwaho gusambanyiriza umwana mu Mudugudu wa Rebero mu Kagari ka Kiziguro mu Murenge wa Nkungu.

Uyu mwarimu afite imyaka 32, mu gihe umwana w’umukobwa akekwaho gusambanya we afite imyaka 15.

Umwana wasambanyijwe, wahise ajyanwa ku Bitaro bya Bushenge kugira ngo yitabweho n’abaganga, yavuze ko uwo mwarimu yabanje kumusambanya ku Cyumweru tariki 21 Mutarama 2024, ubundi akamuha amafaranga igihumbi kugira ngo ntabivuge, akamubwira ko ku munsi ukurikiyeho bazahurira mu isantere akamugurira Fanta ubundi bakongera kubikora.

Amakuru y’ifatwa ry’uyu mwarimu, yemejwe n’Umuyobozi Wungirije w’Akarere ka Rusizi ushinzwe Iterambere ry’Ubukungu, Ndagijimana Louis Munyemanzi wavuze ko inzego zahise zitangira iperereza.

Yagize ati 'Icyo turi gukora nk’ubuyobozi bw’Akarere, ni ugukurikirana ko uwahemukiwe yitabwaho n’inzego z’ubuzima zibishinzwe ariko noneho n’uwakoze icyaha akaba ari gukurikiranwa na RIB.'

UKWEZI.RW

Mnere yo guhura na APR FC mu gikombe cy’Amahoro, AS Kigali yagaruye rutahizamu w’Umurundi wakinaga muri Libya, Shani Hussein Tchabalala.

Uyu munsi AS Kigali ikaba ikina na APR FC mu mukino wo kwishyura wa 1/8 mu gikombe Cy’Amahoro aho umukino ubanza APR FC yari yabatsinze 1-0.

Mu ijoro ryakeye ni bwo AS Kigali yatangaje ko yamaze gusinyisha uyu rutahizamu wahoze ayikinira bakaza gutandukana muri Nzeri 2023 ubwo yari agiye muri Al Ta’awon yo muri Libya.

Ntabwo byakunze ko aguma muri iyi kipe kuko ku Cyumweru nibwo impande zombi zemeje ko zamaze gusesa amasezerano.

Tchabalala umwe mu bakinnyi ngenderwaho iyi kipe yari ifite, akaba ayigarutsemo mu gihe cy’amezi 6, ni ukuvuga kugeza umwaka w’imikino wa 2023-24 urangiye.

Shabani Hussein Tchabalala yakiniye amakipe atandukanye mu Rwanda arimo Amagaju FC, Rayon Sports, Bugesera FC na AS Kigali.

Tchabalala yagarutse muri AS Kigali

Bikubiye mu itangazo ryatanzwe n’umuvugizi wa M23 mu bya Politiki, Lawrence Kanyuka kuri uyu wa Kabiri tariki 23 Mutarama 2024.

Muri iri tangazo rigaragaza uko ishusho y’urugamba ruhagaze kuri uyu wa Kabiri, uyu mutwe wa M23, wavuze ko kuva mu gitondo abo bahanganye baramutse basuka ibisasu mu bice bituwemo n’abaturage.

Iri tangazo rikomeza rigira riti 'Muri iki gitondo saa 09:45′, ubufatanye bw’ubutegetsi bwa Kinshasa bashimuse abantu 12 (abacuruzi n’abashoferi) muri Katshiru.'

Umuvugizi wa M23 yakomeje avuga ko aba bantu bashimuswe barimo berecyeza mu mujyi wa Goma ubwo bavaga muri Butembo banyuze Katshiru aho bafatiwe.

Uyu mutwe wa M23 wasoje uvuga ko ukomeje intego yayo yo gukura ubu butegetsi bwa Congo bukomeje guhonyora uburenganzira bwa bamwe mu banyekongo.

UKWEZI.RW

Ubuyobozi bwa Kiyovu Sports bwavuze ko bwishimiye gusezererwa mu gikombe cy’Amahoro cya 2024.

Ni nyuma yo gusezererwa na Gorilla FC ku giteranyo cy’ibitego 3-3 ariko Gorilla FC igakomeza kuko yabashije gutsinda igitego cyo hanze.

Umukino ubanza wa 1/8, Gorilla FC yakiriye Kiyovu Sports ndetse inayitsinda ibitego 2-0. Umukino wabaye uyu munsi wo kwishyura Kiyovu Sports yawutsinze 3-1 maze biba 3-3 ariko Gorilla FC ikomeza kubera igitego cyo hanze.

Nyuma y’uyu mukino, vis perezida wa Kiyovu Sports, Mbonyumuvubyi Abdul Karim yavuze ko bakiriye neza gusezererwa mu gikombe cy’Amahoro.

Ati “Ni amahirwe make, ni amategeko tuviriyemo ku gitego cyo hanze. Nk’ubuyobozi ntabwo tubyakiriye nabi, twagerageje gukina ariko umupira w’amaguru murawuzi birangiye nyine Gorilla ishyizemo igitego, ibyo twatsinze byose biba ubusa. Nk’ubuyobozi tubyakiriye neza, n’abakinnyi tubabwiye ko tugomba gushyira imbaraga muri shampiyona tukareba ko twakwigira imbere.”

Ni Kiyovu Sports ivugwamo ibibazo bitandukanye bizingiye ku mikoro aho imaze amezi 2 idahemba abakinnyi.

Bakaba basezerewe perezida w’iyi kipe, Ndorimana Jean François Regis adahari ndetse n’abatoza, umukuru n’umwungiriza we bakaba batatoje uyu mukino aho bivugwa ko hari ibibazo birimo.

Kiyovu Sports yasezerewe mu gikombe cy’Amahoro

Ibi yabigarutseho kuri uyu  wa Kabiri tariki 23 Mutarama 2024 mu Nama y'Igihugu y'Umushyikirano iri kuba ku nshuro ya 19 muri Kigali Convetion Centre.

Barore Cleophas ubwo yari ahawe umwanya ngo ayobore ikiganiro kigaruka ku ishusho y'ubukungu bw'igihugu yahise aboneraho ashimira Perezida wa Repubulika y’u Rwanda ,Paul Kagame avuga ko intebe ye yazamuwe none ubu akaba ari Umuyobozi Mukuru wa RBA.

Yagize ati'Reka mbanze nshime ,ndabanza gushima kubera ko ni inshuro zigiye zirenze imwe nagiye nyura mu biro bigiye binyuranye. Hari ibiro usanga harimo intebe umuntu agira ahantu akanda ikazamuka cyangwa ikamanuka bitewe n’icyo ashaka.

Ndabashimira Nyakubahwa Perezida wa Republika ko mu bubasha bwanyu muhabwa n'Itegeko Nshinga, mu minsi ishize haricyo mwakoze Intebe yanjye irazamuka ndabashimiye. Ntabwo nareka kubazirikana rwose mwarakoze cyane, ndashimye kandi hari n'abandi b'impanga zanjye kuri rwa rupapuro nabyo turabishimira'.

Tariki 14 Ukuboza 2023 nibwo Cleophas Barore yagizwe Umuyobozi Mukuru wa RBA asimbuye Arthur Asiimwe we wagizwe Umuyobozi Mukuru wungirije muri Ambassade y'u Rwanda muri Leta Zunze Ubumwe za Amerika.

Iyi nama y'Igihugu y'Umushyikirano yatangiye kuri uyu wa Kabiri izasozwa ku munsi w’ejo,ku wa Gatatu tariki 24 Mutarama 2024.

Cleophas Barore yashimiye Perezida Kagame  

Kiyovu Sports igiye kongera kwisanga mu Rukiko rwa FIFA nyuma y’uko Umugereki Koukouras Petros wahoze ayitoza agiye kuyitwarayo.

Iyi kipe isanzwe ifitiye amadeni itarishyura umunya-Sudani, John Mano, Umugande Mutyaba ndetse n’Umurundi Ndikumana Codjifa wanatumye ihanwa ikaba itemerewe kwandikisha abakinnyi bashya kuko yananiwe kwishyura.

Kuri aba hagiye kwiyongeraho n’uwahoze ari umutoza w’iyi kipe, Umugereki Petros Koukouras watandukanye na yo mu Gushyingo 2023.

Uyu mutoza wari uzi ibihe ikipe irimo, yemeye kwicarana na yo basesa amasezerano, yari yasabye amezi 2 y’umushahara bivuze ibihumbi 6 by’amadorali, iyi kipe imubwira ko itayabona bumvikana kumwishyura miliyoni 5 z’amafaranga y’u Rwanda.

Bagombaga kumwishyura bitarenze Ukuboza 2023, gusa byarageze ntiyishyurwa yanagira uwo avugisha ntiyitabwe. Yamaze gufata umwanzuro na we wo kugana muri FIFA.

Koukouras agiye gutwara Kiyovu muri FIFA