Category: Uncategorized

Umutoza mushya wa Rayon Sports, Umufaransa, Julien Mette yavuze ko kwizera gutwara igikombe APR FC itaratsindwa umukino n’umwe bigoye nubwo mu mibare bigishoboka.

Ni nyuma y’imyitozo yakoresheje ejo hashize yitegura umukino wo kwishyura wa 1/8 mu gikombe cy’Amahoro.

Julien Mette yavuze ko bigendanye n’amanota APR FC irusha Rayon Sports (iyirusha 6 iramutse itsinze ikirarane cya Marines yaba 9), bigoye kuyitwara igikombe ariko ngo byose biracyashoboka mu mibare.

Ati “Ntabwo ndi hano kubeshya, bizagorana bigendanye n’ikinyuranyo kirimo nk’uko ubivuze, APR FC ntabwo baratakaza umukino n’umwe, bifitiye icyizere cyinshi, tuzabaha akazi.”

“Mu mibare birashoboka, ugomba kuba wifitiye icyizere kandi ukizera ko wabikora, twabonye nk’ibyo bidasanzwe mu myaka ishize, ni yo mpamvu twese dukunda umupira w’amaguru, ni ukwizera ko bishoboka ariko ni byo amahirwe ni make.

Yakomeje avuga ko bidakunze ko yegukana igikombe cya shampiyona agomba kwegukana igikombe cy’Amahoro.

Ati “ndi hano kwegukana igikombe, bitabaye igikombe cya shampiyona ni icy’Amahoro, tugomba kwegukana igikombe.”

Julien Mette, ni umutoza mushya wa Rayon Sports wageze mu Rwanda mu ijoro ryo ku wa Gatanu tariki ya 19 Mutarama 2023.

Biteganyijwe ko umukino we wa mbere awutoza uyu munsi, ni umukino wo kwishyura wa 1/8 mu gikombe cy’Amahoro bari bwakiremo Interforce FC batsinze 4-0 mu mukino ubanza.

Umutoza wa Rayon Sports yavuze ko kwegukana igikombe cya shampiyona bigoye

Uyu mugabo witwa İlter Türkmen asanzwe akorera Banki y’ahitwa Tekirdağ muri Turkey, ubu rero we n’umuganga Dr. Haluk Soylemez rurageretse, nyuma y’uko amwizeje ko azamubaga igitsina cye kikiyongeraho santimetero 3, ariko ahubwo kikaba cyagabanutseho 1 Cm.

Aramurega mu nkiko, ndetse akasaba indishyi z’akababaro z’ibihumbi 500 z’amafaranga akoreshwa muri Turukiya anganga n’ibihumbi 16 USD (arenga Miliyoni 17 Frw).

Uyu mugabo we n’abamwunganira mu nkiko, bavuga ko yabazwe inshuro ebyiri kandi ko ubwo buvuzi bwo kumubaga bwamuteye ububabare bukabije ariko ko yabyihanganiye kuko yari azi ko icyo yifuzaga kizagerwaho, none aho kugira ngo kigerweho cyasubiye inyuma.

Ngo muri Mutarama 2022, uyu mugabo witwa İlter Türkmens yagiye kwibagisha kwa Dr. Soylemez, aza kuhazaharira cyane, amara ukwezi kose atabasha kugenda, ariko aza kongera kujya kwibagisha.

Uku kubagwa kose, kwamuteraga ububabare, ariko ngo ikibabaje ni uko ibyo yifuzaga bitabaye nk’uko uwo muganga yabimwizezaga ahubwo igitsina cye kikaba cyararushijeho kuba kigufi.

Ikindi cyamubabaje ngo ni uko igitsina cye ubu gifite inkovu nyinshi ariko ngo ikibabaje ni uko yifuzaga ko igitsina cye kiva kuri 12 Cm kikagira 15 Cm, none ahubwo ubu ngo gifite 11 Cm.

Ni mu gihe uyu muganga we avuga ko n’ubundi igitsina cy’uyu muganga cyari gifite izi santimetero, ndetse akisobanura avuga ko impamvu kitabaye kirekire nk’uko yabyifuzaga, ari ikibazo cy’imiterere y’umubiri we, naho kuri we ngo ntacyo atari yakoze.

Ni amagambo yatangajwe na Perezida Ndayishimiye ku Cyumweru tariki 21 Mutarama 2024 ubwo yagiranaga ikiganiro n’urubyiriko rusaga 500 i Kinshasa muri Repubulika Iharanira Demokarasi ya Congo.

Perezida Evariste Ndayishimiye ushinzwe urubyiruko mu Muryango wa Afurika Yunze Ubumwe, yavuze ko urubyiruko rw’u Rwanda ruboshywe bityo ko rukeneye gufashwa kwibohora.

Yagize ati 'Urugamba turimo rugomba gukomeza kugeza ubwo n’abaturage b’u Rwanda nabo batangiye kugaragaza igitutu kuko ntekereza ko urubyiruko rw’u Rwanda rudashobora kwemera gukomeza kuba imfungwa mu karere.'

Aya magambo yahise yamaganirwa kure na bamwe mu Banyarwanda barimo n’abanyapolitiki, yanamaganywe na Guverinoma y’u Rwanda mu itangazo yashyize hanze.

Iri tangazo rya Guverinoma y’u Rwanda, ritangira rigira riti 'Guverinoma y’u Rwanda yababajwe n’amagambo rutwitsi kandi atari aya kinyafurika ya Perezida w’u Burundi Evariste Ndayishimoye yavugiye mu gikorwa cyabereye i Kinshasa tariki 21 Mutarama 2024.'

Guverinoma y’u Rwanda kandi ko nka Perezida Ndayishimiye uri mu mwanya mwiza wa Afurika Yunze ubumwe wo guharanira iterambere ry’urubyiruko, amahoro n’umutekano, atari akwiye gushinja u Rwanda ibintu bidafite ishingiro binabiba amacakubiri mu Banyarwanda no mu batuye mu karere k’Ibiyaga Bigari.

Iri tangazo rigakomeza rigira riti 'Abanyarwanda bakoranye imbaraga mu kunga ubumwe no gusigasira iterambere ry’Igihugu. Urubyiruko rw’u Rwanda rwabyaje umusaruro aya mahirwe, kandi rukomeje kugira uruhare runatanga umusanzu mu kubaka ahazaza heza.'

Guverinoma y’u Rwanda yavuze ko umuntu wese uhamagarira urubyiruko rw’u Rwanda gukuraho ubutegetsi bwarwo, ari ibintu bibabaje cyane, ariko kuba byavuzwe n’umukuru w’Igihugu cy’igituranyi, byo ari agahomamunwa.

UKWEZI.RW

Umuhanzikazi Marina ni umwe muri bake bafite impano idasanzwe ndetse igaragarira buri wese.

Icyakora impano y'uyu mukobwa, hari abadatinya kuvuga ko muri iyi minsi itarimo gutanga ibyo yakabaye itanga bitewe n'ubushobozi yerekanye igihe cyatambutse.

Marina ubwo yinjiraga mu muziki abikesha guhamagara kuri Radio Kiss Fm, agatsindira gukorerwa indirimbo, byabaye ikiraro kuri iyi mpano yari nshya 2017. Yakoranye igihe gito na Uncle Austin, wakoraga ikiganiro yagaragarijemo impano, yerekeza kwa Bad Rama [The Mane music].

Muri The Mane, urugendo rwabaye ruhire kuko yakoreyemo indirimbo zitandukanye zirakundwa, yegukana ibihembo by'umuhanzikazi mwiza inshuro nyinshi.

Iyi nzu yafashaga abahanzi yaje gusinyisha abandi bahanzi nka Nyakwigendera Jay Polly, Safi Madiba, Queen Cha ndetse na Calvin Mbanda.

Uko abahanzi babaga benshi muri iyi nzu, imbaraga zayo zarakendereye kugeza isenyutse , nta muhanzi n'umwe ukiyibarizwamo.

Gusenyuka kw'iyi nzu, byagize ingaruka mbi kuri Marina wari warasinye igihe kirekire ndetse ari naho ateze amakiriro. Bad Rama wari ufitanye amasezerano maremare n'uyu mukobwa, nawe yanze kuva ku izima ngo avuge ko gufasha uyu muhanzikazi bimunaniye cyangwa se abishoboye, ahubwo akomeza gusunika iminsi avuga ati 'Ndaje, ndagarutse'.

Ibi byabaye igihe, birangira, Bad Rama avuga ko ubu arimo gufasha abahanzi bo muri Congo batuye muri Amerika kuko ariho asigaye aba.

Muri icyo ihe cyose, impano ya Marina yasaga n'idafite gikurikirana [bigoye kuba hari uwo wabaza uyu mwari]. Icyakora yirwanagaho, ukabona asohoye indirimbo imwe cyangwa ebyri mu mwaka.

Inkuru nziza ku bakunzi ba Marina n'ab'umuziki nyarwanda muri rusange, yatashye mu matwi ya benshi ubwo Marina yatangiraga umwaka wa 2024 asohora indirimbo yise 'Ndokose' yakoranye na Ykee Benda wo muri Uganda, ariko byabaye amahire ubwo byamenyekanaga ko Marina yasinye amasezerano yo gukorana na Decent Entertainment ya Alex Muyoboke wagwije ibigwi mu kureberera inyungu z'abahanzi nyarwanda.

Muyoboke Alex yafashije abahanzi nka The Ben, Tom Close, Urban Boyz, Dream Boyz, Charly na Nina' n'abandi.

Bikimara kumenyekana ko Muyoboke agiye gufasha Marina, hibajijwe niba Bad Rama uvuga ko we na Marina bafitanye amasezerano yo gukorana, kera kabaye yaba agiye kurekura cyangwa azakomeza akaba  aho ahari [inyuma y'amarido].

Usibye Bad Rama bizwi ko yashoye imari muri Marina, hari undi ushinjwa Marina ndetse ko bikavugwa ko yaba afite ijambo rinini ku cyerekezo n'ibikorwa bya Marina ariwe Yvan Muziki.

Yvan Muziki bizwi ko akundana na Marina ariko bo bakavuga ko ari inshuti magara [ubuzima bw'umuntu ni ntavogerwa] bityo ubwo ni inshuti magara.

Mu kiganiro aba bombi baherutse kugirana na InyaRwanda, bahamije ko Yvan Muziki [inshuti ya Marina] ariyo izabazwa uyu muhanzikazi umunsi umuziki uzaba ugenda biguruntege.

Yvan Muziki yabajijwe niba bitamukundira ko yashora imari mu izina rya Marina, avuga ko nubwo yabikora, hari ibindi biba bikenewe atapfa kwifasha ariyo mpamvu umuhanzi aba agomba kugira umujyanama ukurikirana ibikorwa bya buri munsi.

Icyakora, Marina yavuze ko umunsi umuziki we uzaba urimo kujya aho umwanzi awushaka, bizabazwa Yvan Muziki.

Yagize ati “Inshuti nicyo ziberaho, umunsi muzabona ntarimo gukora, muzabimubaze”.

Usibye ibyo kuba Marina yarishinganishije, hari n'amakuru avuga ko bitewe n'uko umubano aba bombi bafitanye, Marina ngo nta gikorwa cya muzika yakora atagishije inama uyu muhanzi usanzwe atuye mu Bubuligi ariko urimo kubarizwa mu Rwanda muri iki gihe.

Iyo ugeregeje kubaza abantu bo mu myidagaduro, bakubwira ko Alex Muyoboke kugirango ashobokane na Marina, bisaba kuba nta bandi bantu bamuri mu bitugu.

Umwe yagize ati 'Muyoboke yabasha Marina ariko byasaba ko bamureka akaba we. Agakora ibintu mu buryo bwe, naho ba Yvan Muziki na Bad Rama nibakomeza kumugundira, ntacyo mbijeje'.

Mu kiganiro na InyaRwanda, Yvan Muziki yavuze ko mbere yo kwemeza imikoranire kwa Marina na Alex Muyoboke, babanje bakabiganiraho ndetse akaba yizeye ko bazakorana neza.

Marina yakunzwe cyane mu ndirimbo zitandukanye zirimo ; ‘Too much, Burigade, Sorry’ n’izindi zituma impano ye ishimwa na benshi kuri ubu akaba aherutse iyo yakoranye Ykee Benda wo muri Uganda.

Marina aherutse gusinya muri Decent Entertainment ya Muyoboke Alex

Muyoboke Alex aherutse gusinyisha Marina umaze iminsi adafite aho ahengeka umusaya

Yvan Muziki avuga ko yabanje kugishwa inama

Bad Rama avuga ko afitanye amasezerano na Marina y’imyaka 10

Reba ikiganiro InyaRwanda yagiranye na Marina na Yvan Muziki

“>

Reba “Ndokose” ya MARINA NA Ykee Benda wo muri Uganda

“>

Ikipe ya APR FC ikomeje kwanikira andi makipe muri shampiyona y’u Rwanda yakabaye ari mbisi, ariko amakipe akaba yasiganiye guhangana nayo. Kuva APR FC yatangira gukina icyiciro cya mu Rwanda nyuma ya Jenoside yakorewe Abatutsi mu1994, nta mwaka n’umwe iyi kipe iba idahatanira igikombe cya shampiyona ku buryo bweruye, ndetse n’ikimenyi menyi niyo kipe ifite ibikombe byinshi bya shampiyona muri iyo myaka yose.

Buri mwaka rero usanga hari ikipe nibura igomba kuba ihanganiye na APR FC igikombe, rimwe ikaba yagitwara, cyangwa se APR FC ikaba yagitwara ariko wenda iyo kipe yayigoye.

Police FC ikipe yakabaye isigara ku rugo, igahangana na APR FC, ariko ikaba iri kuvoma yanga 

Kuva APR FC yabona izuba,Rayon Sports niyo kipe yakunze guhangana nayo cyane, ndetse niyo kipe iyikurikira mu bikombe. Amakipe nka Atraco FC, Mukura Victory Sports Kiyovu Sports, na AS Kigali yagiye abuza amahwemo ku gikombe cya shampiyona, ndetse rimwe na rimwe ikagera ku mukino wa nyuma itarizera igikombe. Dufashe nk’urugero, mu mwaka w’imikino 2011/2012, APR FC yarinze igera ku mukino w’umunsi wa nyuma wa shampiyona, itarizera igikombe kubera Police FC, ikaba icyo gihe yaregukanye igikombe ifite amanota 52 naho Police FC ifite amanota 50, ndetse na Mukura ifite amanota 49.

Ka dufate imyaka ya vuba

Kuva mu mwaka w’imikino 2019-20, nibwo Rayon Sports yatangiye gusubira inyuma, ndetse imbaraga zikanga APR FC zikomeza kubura. Icyo gihe, Shampiyona yarangiriye ku munsi wa 23 kubera COVID-19. Icyo gihe APR FC yari ifite amanota 57 Rayon Sports ifite amanota 50 dore ko APR FC icyo gihe yari itaranatsindwa.

Nyuma y’iyi shampiyona, habaye igisa n’impinduka, dore ko ikibazo cy’ubukungu bwari bwaribasiye Rayon Sports itagifite umugongo uhangana na APR FC. Icyo gihe, Shema Fabrice wari warageze muri AS Kigali 2018, yatangiye kugura abakinnyi benshi kandi bakomeye, ku buryo bari gukora buri kimwe muri shampiyona y’u Rwanda.

Kiyovu Sports yatangiye kubura umutwe Mvukiyehe Juvenal aba yinjiye mu ikipe, ndetse atangira kugura abakinnyi bakomeye barimo Kimenyi Yves, Babuwa Samson, ndetse n’abandi.

Urugamba APR FC yarwanaga na Rayon Sports, rwatangiye kwimukira kuri AS Kigali iba ikipe ihagararariye ayandi mu guhangana na APR FC. Shampiyona ya 2020/21 yabaye mu matsinda, irangira APR FC inganya amanota 19 na AS Kigali gusa iyirusha umubare w’ibitego. Ikikwereka ko ibintu byari bikomeye, Espoir FC niyo yabaye iya gatatu, Rayon Sports iza ku mwanya wa 7.

Rayon Sports, ikipe rukumbi izi ubwenge bwo guhangana na APR FC ndetse ikanyuzamo bikayihira 

Shampiyona ya 2021/22, Ikipe ya Kiyovu Sports yasigariyeho AS Kigali ihangana na APR FC ariko akagozi gacika ku munsi wa nyuma, kuko APR FC yegukanye igikombe cya shampiyona n’amanota 66, Kiyovu Sports ifite amanota 65.

Umwaka wakurikiyeho, Kiyovu Sports ntabwo yanyuzwe, nabwo yagarutse ishaka igikombe cya shampiyona ndetse abantu babonaga ko nta gisibya. APR FC nabwo yegukanye igikombe cya shampiyona inganya amanota 63 na Kiyovu Sports, ariko iyirusha ibitego.

Reka ne kujya mu byakurikiye iyi Kiyovu Sports yari yitendetse kuri APR FC gusa icyo wamenya ni uko ubuzima bwaje kuyigora ndetse itangira uyu mwaka w’imikino isa n’itariho.

Police FC niyo yagombaga gusigariraho Kiyovu Sports

Uyu mwaka w’imikino ujya gutangira FERWAFA yemeje ko umubare w’abanyamahanga wiyongera, ndetse amakipe nka Police FC, APR FC na Marines FC, yagarutse ku bakinnyi b’abanyamahanga.

Police FC yatangiye kugura neza nk’ikipe ishaka igikombe cya shampiyona izana umunyezamu wa mbere w’ikipe y’igihugu y’u Burundi, Rukundo Onesme, Bigirimana Abedi wari umukinnyi mwiza muri shampiyona y’u Rwanda, ndetse ndetse yongerera amasezerano Hakizimana Muhadjri.

Ubu AS Kigali iby’igikombe ntibirimo, iri kurwana no kwigumira mu cyiciro cya mbere 

Ibi byabaga amakipe nka Kiyovu Sports na AS Kigali zari zimaze iminsi zihagaze neza zarasubiye inyuma, ndetse n’icyizere cyo kuhuma mu cyiciro ubona bizabagora. Rayon Sports nayo yasaga nk’izazamutse, ariko nta muntu wari kuyizera bigendanye n’imiyoborere imaranye iminsi.

Uko abantu babitekerezaga siko byatangiye, kuko ikipe ya Musanze FC yatangiye neza uyu mwaka w’imikino ndetse iyobora shampiyona iminsi 11 yose, APR FC ifata umwanya wa mbere nyuma yaho.

Musanze FC niyo yasigara ku rugo ikaba yirengagizwa?

Ikipe ya Musanze FC navuga ko ari za kipe zitungurana muri shampiyona, nk’uko Mukura yagiye ibikora muri shampiyona mu myaka yagiye itambuka. Nta mateka akomeye Police FC ifite kuri shampiyona kurusha Musanze FC, ariko uyishyize ku munzani wabona ko uyu mwaka Police FC ariyo ifite amahirwe.

Kiyovu Sports yakanze APR FC imyaka ibiri ishize, ubu nta kiyiraje inshinga usibye gushaka ubuzima buzayifasha mu myaka iri imbere 

Police FC mu mikino yo kwishyura yaguze Peter Agblevor imukuye muri Musanze FC, ikindi gihamya ko ariyo kipe ifite gahunda kuri shampiyona. Mu mikino yo kwishyura Police FC yayinjiyemo buriye wese ayiha amahiwe gusa siko byagenze.

 Umukino ufungura imikino yo kwishyura, Police FC yatsinzwe na Sunrise FC ibitego 2-1, abantu batangira kwikangamo. Umukino wa kabiri Police FC nabwo yatsinzwe na APR FC igitego 1-0, bivuze ko Police FC ifite ubusa ku manota 6 mu mikino yo kwishyura.

Ese Rayon Sports byashoboka ko yaza kwihanganira ubwayo?

Rayon Sports iri inyuma ho amanota 6 kuri APR FC, kandi APR FC ifite ikirarane cya Marines FC byitezweko azahita aba amanota 9. Ibi bivuze ko Rayon Sports biyisaba ko APR FC itsindwa imikino 3 mu mikino isigaye, kandi na n’ubu ntabwo iyi kipe iratsindwa n’umukino n’umwe. Ibi kandi, ntabwo cyatanga icyizere ko Rayon Sports itazongera gutsindwa umukino n’umwe muri shampiyona, ibintu twavuga ko bigoye, ariyo mpamvu Rayon Sports idafite ubushobozi bwo kwirwanirira.

Kuri ubu, APR FC iyoboye urutonde rwa shampiyona n’amanota 36 mu mikino 16, Musanze FC amanota 33 mu mukino 17 naho Police FC ikaba iri ku mwanya 3 n’amanota 31. 

Musanze FC birashoboka ko yakura nk’imfubyi ikarwana mpaka ku munota wa nyuma

Nyuma y’amezi abiri atagaragara mu bikorwa byose bya Rayon Sports, Umurundi Aruna Moussa Madjaliwa yaciye amarenga ko vuba asubukura imyitozo.

Ni mu butumwa yanyujije kuri page ye ya Facebook asanzwe anyuzaho amakuru ye yose.

Mu mwambaro wa Rayon Sports yagize ati “Imana nibishaka tubona vuba.”

Uyu mukinnyi yaherukaga gukinira Rayon Sports ku munsi wa 10 wa shampiyona ya 2023-24 wakinwe tariki ya 4 Ugushyingo 2023 batsinda Mukura VS 4-1, akaba yaranatsinzemo igitego.

Kuva icyo gihe ntabwo arongera kugaragara mu mikino ya Rayon Sports aho avuga ko yavunitse.

Ni nyuma yo kwitabira ubutumire bw’ikipe y’igihugu y’u Burundi yakinnye na Gabon na Gambia.

Uyu mukinnyi ukina mu kibuga hagati winjiye muri Rayon Sports muri Nyakanga 2023, yabwiye iyi kipe ko afite imvune ikomeye.

Gusa andi makuru akavuga ko yaba yarabikoze mu rwego rwo kunaniza iyi kipe, nayo ikaba yarakara ikamwirukana cyane ko ari byo yifuzaga ngo bimworohere guhindura ikipe kuko yabwirwaga ko yabonerwa ikipe nziza mu Barabu.

Uyu mukinnyi bivugwa ko n’ubuyobozi bwa Rayon bwabivumbuye bukamwihorero, nk’uko twabyanditse mu nkuru iheruka, isoko rito ry’abakinnyi rizafungwa le 28 Mutarama 2024, nabona nta mahirwe ahari yo gusohoka muri iyi kipe, azahita atangira imyitozo.

Madjaliwa yaciye amarenga yo gusubukura imyitozo

Mu mpera z’icyumweru dusoje ni bwo imikino ya shampiyona y’icyiciro cya mbere mu Bwongereza yakomezaga hakinwa umunsi wa 21.

Kuwa Gatanu, saa munani n’iminota 45 Arsenal yakiriye Crystal Palace kuri Emirates Stadium. Iyi kipe y’abarashi yari imaze igihe ititwara neza dore ko imikino 3 yikurikiranya yari ishize intsindwa ariko umujinya wose yari ifite yaje kuwutura kuri Crystal Palace iyinyagira ibitego 5-0.

Ni ibitego byatsinzwe na Gabriel Maghalaes ku munota wa 11 ahawe umupira na Declan Rice, Dean Henderson aritsinda ku munota wa 37, ku munota wa 59 Trossard atsinda icya 3 ahawe umupira na Gabriel Jesus maze umukino ugiye kurangira Gabriel Martinelli wari winjiye mu kibuga asimbuye atsinda ibitego 2 wenyine ku mipira yahawe na Eddie Nketiah ndetse na Jorginho.

Nyuma y’uyu mukino abafana ba Arsenal babonye ibyishimo kugeza n’aho abo mu gihugu cya Kenya, mu mujyi wa Nairobi bagiye gushima Imana mu rusengero ku Cyumweru. Iki gikorwa cyo gushima Imana bagikoreye mu rusengero rwitwa Friends Quaker Church ruri ku muhanda wa Ngong

Hari amashusho yashyizwe hanze na Televiziyo y’igihugu ya Kenya, akaba yanyujijwe ku rubuga rwabo rwa X yerekana abafana benshi bambaye n’umwambaro wa Arsenal bari gusenga mu resengero ndetse bakaza no gufata umwanya wo gushima Imana.

Impamvu babikoze ni uko ikipe yabo yari imaze igihe idatsinda none n’igihe itsindiye ikaba yaratsinze ibitego byinshi. Kuri ubu iyi kipe iri ku mwanya wa 3 muri shampiyona y’u Bwongereza n’amanota 43 inganya na Manchester City ya kabiri gusa yo ifite umukino w’ikirarane.

Amashusho yerekana abafana ba Arsenal bagiye gusenga nyuma yo gutsinda Crystal Palace 

Abafana ba Arsenal bagiye gushima Imana ko batsinze Crystal Palace nyuma y’imikino 3 nta ntsinzi babonaga