Category: Uncategorized

Rutahizamu w’Umunyarwanda ukinira ikipe ya AFC Leopards muri Kenya, yavuze uburyo umukino we wa mbere muri iyi kipe yari ku gitutu gikomeye kubera ko yasabwaga byinshi kandi yari ataramera neza 100%.

Mu ntangiriro za Gashyantare 2024, ni bwo uyu rutahizamu wakiniraga Marines FC mu Rwanda, yerekanywe nk’umukinnyi mushya wa AFC Leopards ikina icyiciro cya mbere muri Kenya.

Ni umukinnyi watangiye neza kuko umukino we wa mbere yabashije kureba izamu aho wari umukino wa gicuti batsinzwemo na Nairobi City Stars ibitego 3-2, ibitego bibiri byose bya AFC Leopards byatsinzwe na Gitego Arthur.

Mu kiganiro cyihariye yahaye ikinyamakuru ISIMBI yavuze ko uku gutangira neza abikesha kuba yarahinduye imitekerereze, ahindura n’uburyo yakoragamo imyitozo no gushyira umutima kuri ruhago gusa.

Ati “ikintu cyamfashije ni uko nahihduye imitekerereze, iyo ugeze ku rwego rwo gukina nk’umukinnyi wo ku rwego rwo hejuru, uba ugomba kuzamura imitekerereze kugira ngo wite ku kazi, wite ku kikujyanye.”

“Nahinduye uburyo nakoragamo imyitozo, niha gushyira umutima ku kintu kimwe ari cyo mupira w’amaguru, ni cyo kintu kirimo kumfasha.”

Yakomeje avuga ko umukino we wa mbere wari umukino utoroshye kuko abantu bose bari bamwitezeho ibitangaza.

Ati “Umukino wa mbere wari umukino w’igitutu kinshi, abantu bose bari banyitezeho ibintu byinshi, banyitezeho ibitangaza, amaso yose yarari kuri njyewe, nafataga umupira Stade yose ikitega ibintu byinshi cyane kandi icyo gihe ntabwo umubiri wanjye wari umeze neza ku buryo natanga 100%, nari ku gitutu ariko nyuma y’uko ntangiye gutsinda cyarashize ubu ni ugutuza nkafasha ikipe yanjye kubona amanota 3 umukino ku mukino.”

Ku rwego rwa shampiyona ya Kenya n’iy’u Rwanda, Gitego Arthur yagize ati “shampiyona ya Kenya iri hejuru y’iy’u Rwanda kuko shampiyona ya hano urugero amakipe menshi akinisha abakinnyi bakiri bato, imikino yose haba harimo ihangana kubera ko abakinnyi benshi ni bato bafite inyota, bafite imbaraga gutsinda ubibara umukino urangiye.'

“Si kimwe n’amakipe menshi mu Rwanda afite abakinnyi bakuru. Ikindi shampiyona y’aha yerekanwa mu mateleviziyo mpuzamahanga biragufasha kuba wakigurisha ikindi ni uko bategura imikino navuga ko badusize.”

Yagize amahirwe yo guhura n’abakinnyi babiri b’abanyarwanda bakinira Gor Mahia, Emery Bayisenge na Sibomana Patrick Papy aho bagerageje kumusobanurira amateka y’ikipe agiyemo.

Ati “bagerageje kunsobanurira ku mateka y’iyi kipe nkinira, uburyo nakwitwara kugira ngo nkomeze kwitwara neza, banyereka imikino y’ingenzi ku ikipe. Hari ibintu byinshi bambwiye byamfashije.”

Umunsi we wa mbere muri Kenya ntabwo wari wohoroshye kimwe n’uko utari ukomeye cyane bitewe n’uko kugenda kwe hari bamwe batabihurizagaho aho hari ababishakaga abandi batabishaka, gusa byaje gukemuka ubu nta kibazo kirimo.

Ikintu cyamugoye cyane muri iki gihugu ngo ni ubushyuhe, n’aho ibindi ni ibisanzwe.

Ati “navuga ko ikintu cyangoye cyane ni ubushyuhe, ikirere cya hano cyarangoye kuko harashyuha cyane ntabwo hameze nko mu Rwanda, ariko ndimo kugenda menyera.”

Ntabwo yifuza kuba yatinda mu gihugu cya Kenya, yifuza gukora cyane ku buryo hazaboneka ikipe nziza igura amazezerano ye muri AFC Leopards.

Ati “intego zanjye nifuza ko muri Kamena nazahindura ikipe nk’aba najya ahandi hisumbuyeho kuko byose birashoboka iyo usenze, ukarwana, ukizera ubundi ugategereza byose hari igihe bikunda, ndumva ntazarangiza amasezerano yanjye aha, mfite icyizere ko hari ikipe izaza ikagura amasezerano yanjye kandi ikipe nziza, iri ku rwego rurenze urwa AFC Leppards.”

Gitego Arthur yavuze ko umukinnyi yakuze akunda, arebera ubu anamugisha inama bitewe n’ibyo yakoze, ni Sugira Ernest.

Ati “mu Rwanda navuga ko umukinnyi nkunda, mbere na mbere ni inshuti yanjye, ni umujyanama, ni umuntu wanjye wa hafi, ni Sugira Ernest ibyo yakoze twese turabizi mu ikipe y’igihugu ndetse n’ahandi hantu yagiye anyura, ni we mukinnyi navuga ko njyewe nkunda mu Rwanda cyangwa nakuze nkunda nkumva ko ibyo yakoze nanjye ngomba kubikora nkanarenzaho.”

Yavuze ko nubwo yagiye gukina hanze no mu Rwanda hari amakipe amwifuza ariko we icyo yatekerezaga kwari ugusohoka akajya gukina hanze y’u Rwanda, noneho kuva muri Marines FC ukajya muri AFC Leopards ari ibintu byiza cyane.

Gitego Arthur w’imyaka 22 wanamaze gukinira ikipe y’igihugu Amavubi, nta gihindutse akazaba ari mu bakinnyi bazakina imikino ya gishuti u Rwanda ruzakina na Botswana na Madagascar muri uku kwezi, yasinyiye AFC Leopards amazezerano y’imyaka 2.

Rutahizamu Gitego Arthur yatangiye neza muri Kenya

Gitego yavuze ko yahinduye imyumvire

Sugira Ernest ko ni we afatiraho icyitegererezo

Umukinnyi w’Umugande ukinira APR FC, Taddeo Lwanga yavuze ko umukino wa Rayon Sports bafite mu mpera z’iki cyumweru biteguye gutanga 200%.

Uzaba ari umukino w’umunsi wa 24 wa shampiyona y’icyiciro cya mbere mu Rwanda umwaka w’imikino 2023-24, aho Rayon Sports ari yo izawakira ku wa Gatandatu tariki ya 9 Werurwe 2024 kuri Kigali Pelé Stadium saa 18h00′.

Umugande ukinira APR FC, Taddeo Lwanga yavuze ko ikintu kirimo kubafasha ari uko bafata umukino ku mukino, aho nyuma gutsinda Etoile del’Est, ubu hakurikiyeho Rayon Sports.

Ati “Nk’uko nabikubwiye turimo turafata umukino ku mukino, ubu turangizanyije na Etoile del’Est, ubu noneho tugiye kwitegura Rayon Sports.”

Uyu mukinnyi uzaba ukina umukino we wa 3 uhuza APR FC na Rayon Sports, aho uwa mbere ari uwo batsinzwe 3-0 muri Super Cup ndetse n’uwo banganyije 0-0 mu gice kibanza cya shampiyona, yabwiye ISIMBI ko abakunzi b’iyi kipe bakwitega ko bazatanga byose kugira ngo babawutsinde.

Ati “Bitegure umukino mwiza. Umukino wa Rayon Sports tugomba gutanga 200%.”

Yakomeje avuga ko bataratwara igikombe cya shampiyona nubwo benshi bamaze kukibaha kubera ko barusha Rayon Sports ya kabiri amanota menshi.

Ati “Ntabwo birarangira, tugomba gutsinda kugeza tunonye amanota atwemerera kwegukana shampiyona. Tugomba gutsinda kugeza twegukanye shampiyona.”

Amakipe yombi agiye guhura APR FC ari yo iyoboye urutonde rwa shampiyona n’amanota 55, Rayon Sports ya kabiri ikaba ifite amanota 45.

Taddeo Lwanga yavuze ko biteguye gutanga ibishoboka byose ngo batsinde Rayon Sports

Ku wa 21 Gashyantare 2024 n’ibwo umuhanzi Rusanganwa Norbert wamamaye nka Kenny Sol yasinye amasezerano yo kwinjira muri 1:55 Am ya Karomba Gael, Bruce Melodie, Mike Nshuti na Made Beats batakivuga rumwe kuri ubu utuye mu Bwongereza.

Kenny Sol ni ubwa kabiri araba akoranye na Bruce Melodie kuko bakoranye bwa mbere mu 2020 kugeza mu 2021. Aba bari kumwe bakoranye indirimbo “Ikinyafu” yakunzwe cyane. Kenny Sol kandi yakoze indirimbo zirimo ‘Yoy & I’ ‘Agafire’ na ‘Umurego’.

Icyakora kuva byatangazwa ko Kenny Sol yinjiye muri 1’55 AM , iyi nkuru yasamiwe hejuru na benshi bakurikirana bya hafi imyidagaduro nyarwanda, bahuriza ku kwibaza niba uyu musore yari akeneye kujya muri iyi nzu ifasha abahanzi nka Bruce Melodie, Element na Ross Kana.

Benshi bavugaga ko urwego Kenny Sol amaze kugeraho ruhagije ku isoko ry’u Rwanda ndetse ko atari akeneye umufasha kuguma kuri uru rwego kandi bakemeza ko 1:55 AM batafata Kenny Sol ngo bamushyire ku rwego mpuzamahanga kandi na Bruce Melodie atararugeraho, bityo ko ahubwo agiye guha imbaraga Bruce Melodie aho kwiyitaho.

Umwe mu baganiriye na InyaRwanda, yagize ati “Kenny Sol agiye kuba umuntu uri aho afasha Bruce Melodie kwandika indirimbo no kuziririmba ariko kuba umuhanzi mpuzamahanga ntabwo mbibona vuba aha.

 

Simvuze ko atabikora, ahubwo azabikora nyuma ya Bruce kandi nawe urabona ko bitaramukundira, rero ntago baba barashoye amafaranga angana kuriya muri izi ndirimbo Bruce Melodie amaze akorana naba Eddy Kenzo, Harmonize, Bahati, wongereho na Shaggy, none ngo bazahindura inzira ataragerayo.

Biragoye rwose gusa wenda nawe arabizi ahubwo akurikiye amafaranga”.

Icyakora ibi byose byabaye InyaRwanda ifite amakuru ko Kenny Sol yitegura kujya hanze guturayo n’umugore we.

Ku wa 01 Gashyantare 2024 mu Murenge wa Nyakabanda mu karere ka Nyarugenge nibwo Kenny Sol yasezeranye mu mategeko n’umukunzi we Kunda Tounda Alliance Yvette bari bamaze igihe kinini bakundana.

InyaRwanda yari ifite amakuru ko Kenny Sol n’umugore we bazahita berekeza mu gihugu cya Canada dore ko ariho bari kuzatura.

Byagenze bite kugirango Kenny Sol asinye muri 1:55 AM kandi ari hafi kwimuka?

Amakuru InyaRwanda yamenye ni uko aba bombi basezeranye, umukobwa atwite umwana wabo w’imfura.

 

InyaRwanda yari ifite amakuru ko aba bombi bazahita berekeza muri Canada ndetse uyu mugambi niwo watumye badakora ubukwe busanzwe bumenyerewe nyuma yo gusezerana imbere y’amategeko.

Umwe mu bantu ba hafi ba Kenny Sol ubwo yaganirizaga InyaRwanda yavuze ko Kenny Sol n’umukunzi we baretse gukora ubukwe kuko biteguraga kwerekeza muri Canada ariko amasezerano ya 1:55 AM yabakomye mu nkokora.

Yagize ati “Urumva Kenny Sol yamaze gusezerana imbere y’amategeko ahita atangira kubona akazi, harimo amasezerano yo kwamamaza telefone yabonye nyuma  n’ibindi biraka birimo ibitaramo.

Ariko ibyo ntabwo aribyo byabaye ikibazo cyane ahubwo amesezerano ya 1:55 AM yo yaje ari rurangiza. Bamuhaye amafaranga meza kandi n’ahandi yari kujyayo kugirango ashake amafaranga, urumva ko byatumye ahindura ibitekerezo ako kanya kandi akunda umuziki, rero abantu Kenny aba abayeho neza ni ahantu akora umuziki neza. Rero yahisemo umuziki uherekejwe n’amafaranga aho guhitamo amafaranga aherekejwe n’umuziki”.

Abajijwe ku kuba Kenny Sol yarararetse umugambi wo kwimuka, yasubije atya.

“Erega buriya Kenny yakoze umurenge, Kunda atwite kuko ni nabyo byatumye atirirwa ajya mu by’ubukwe kuko yumvaga bagiye guhita bimuka. Rero amaze kujya muri Label, yahinduye ibitekerezo birumvikana ariko n’ubundi bizarangira agiye. Yasinye imyaka mike muri 1:55 AM ku buryo amasezerano azarangira ahita agenda cyangwa se yongerwa akaguma inaha gusa umugore we ashaka ko bagenda kuko ntago akunda ubuzima bwo kwamamara kandi mu Rwanda ntaho yabicikira.

Ahubwo bashobora no kubitekerezaho bwa bukwe bakabusubukura kuko ntago bakigiye vuba. Ibaze ko na mukuru wa Kenny wari waragiye muri Canada ngo azabakire agiye kugaruka inaha mu minsi ya vuba, bashobora gupanga ubukwe bakabukora”.

Nubwo uyu muntu atatubwiye amafaranga Kenny Sol yaba yarahawe cyangwa se igihe yahawe, wumvaga ko yahawe amafaranga meza bitewe n’uburyo yabivugaga ndetse byashobokaga ko amasezerano yabo atarenza imyaka ibiri

Kenny Sol n’umugore we basubitse ubukwe bazi ko bagiye Canada, birangira amafaranga ya Coach Gael abakomye mu nkokora

Bivugwa ko Kenny Sol yasezeranye na Kunda, atwite 

Kenny Sol aherutse kwinjira muri 1 55 AM

Coach Gael amaze gusinyisha abahanzi bane

Bruce Melodie bivugwa ko ariwe watumye haza Kenny Sol kugirango ajye amufasha kwandika indirimbo nk’uko byahoze mbere 

Maria Branyas Morera yavutse ku ya 4 Werurwe 1907, avukira i San Francisco, muri Amerika. Uyu mukecuru yaje guca agahigo ko kuba umuntu ukuze cyane kuruta abandi ku Isi muri Mutarama 2023, akuraho agahigo kari gafitwe na Lucile Randon wari ufite imyaka 118 ukomoka mu Bufaransa nyuma y’uko yitabye Imana.

Nk'uko Guinness World Records ibivuga, Maria yaje kwimukana n’umuryango we muri Epagne ubwo yari afite imyaka umunani gusa y’amavuko, batura mu gace ka Catalonia, ari naho yaje gutura ubuzima bwe bwose.

Mu myaka 23 ishize, Maria yayimaze mu kigo cyita ku bageze mu za bukuru giherereye mu gace ka Catalonia. Nk'uko byatangajwe na Eva Carrera Boix, umuyobozi w’ikigo cyita ku bageze mu za bukuru Maria abarizwamo, avuga ko Maria yashimishijwe cyane no kubasha kwizihiza umunsi we w’amavuko ndetse anashimishwa cyane n’ubutumwa bumwifuriza isabukuru nziza ye y’amavuko yakiriye nyuma yo kuzuza imyaka 117.

Eva yagize ati: “Yishimiye kuba ashobora kwizihiza uyu munsi udasanzwe hamwe n’umuryango we ndetse na bagenzi be kandi yanishimiye cyane ubutumwa bw’abantu bamwifurizaga isabukuru nziza”.

Uyu mukecuru ngo afite ubuzima bwiza kandi buzira umuze, usibye ko ngo afite ibibazo byo kumva no kugenda kubera izabukuru.

Yagiye ku rukuta rwe  rwa Twitter ikurikirwa n’abasaga ibihumbi 16,000 ikaba  ikoreshwa n’umukobwa we mukuru w’imyaka 80 maze agira ati” Ndakuze cyane ariko ntabwo ndi ikigoryi”.

Umuntu mukuru kurusha abandi ku Isi  yujuje imyaka 117

ku ya 4 Werurwe 1907, avukira i San Francisco, muri Amerika, inyandiko ya Maria yemejwe muri Mutarama 2023 nyuma y’urupfu rwa Lucile Randon w’imyaka 118 ukomoka mu Bufaran

Myugariro wa APR FC, Niyigena Clement yavuze ko nk’abakinnyi batumva impamvu abafana b’iyi kipe bataza kubashyigikira ku kibuga kandi batsinda.

APR FC ubu ni yo iyoboye urutonde rwa shampiyona n’amanota 55, irarusha Rayon Sports ya kabiri amanota 10.

Gusa nubwo bimeze gutya, abafana b’iyi kipe bameze nk’abacitse ku kibuga, bagenda bagabanuka umunsi ku munsi.

Kuva imikino ya shampiyona ya 2023-24 yo kwishyura yatangira, ni bwo abafana b’iyi kipe batangiye kugenda baba bake ku kibuga.

Mu gihe bitegura umukino w’umunsi wa 24 wa shampiyona, Niyigena Clement aganira n’ikinyamakuru ISIMBI yasabye abakunzi b’iyi kipe kugaruka ku kibuga kubashyigikira kuko bacitse ku kibuga mu buryo bugaragara.

Ati “Urebye ubwitabire ku kibuga ntabwo abafana barimo kuza, turajya gukina ukabona nta bo, nabasaba ubufasha bakaza ari benshi kudushyigikira, namwe murabibona ko nta bo muri Stade.”

Yakomeje avuga nk’abakinnyi batazi icyabaye, ntibazi ikibazo bafite kuko ikipe itsinda ikaba iri no ku mwanya wa mbere, bakabaye baza ari benshi.

Ati “Nanjye nibaza icyo kibazo, ni gute ikipe ari iya mbere ariko abafana ntibaza kuyiba hafi, sinzi ngo birapfira he ariko na bo bashyiremo imbaraga za bo nukuri.”

Benshi mu bakurikirana umupira w’amaguru mu Rwanda bibaza impamvu abakunzi ba APR FC batakiza gushyigikira iyi kandi itsinda, gusa benshi babihuza no kuba batishimiye umutoza Thierry Froger kuko ni kenshi bumvikanye muri Stade bamuririmba, bavuga ngo abavire mu ikipe aho batishimiraga imikinishirize y’abakinnyi afite aho hari abo bamushinjaga kudakinisha ndetse no gutandukana kwa Banga Bindjeme na APR FC ni we babishinje kuko yamwimye umwanya wo gukina.

Niyigena Clement yavuze ko na bo kutaza kw’abafana bibateye impungenge

APR FC isigaye ikina ifite abafana mbarwa

Ubundi abafana b’iyi kipe babaga ari benshi