Category: Uncategorized

Kuva ku wa Gatanu tariki ya 01 Werurwe 2024 mu Buhinde, byari ibicika mu birori by’iminsi itatu bibanziriza ubukwe bw’umuhungu wa Mukeshi Ambani umuherwe wa mbere muri Asia akaba ari mu baherwe ba mbere 10 Isi ifite kugeza magingo aya.

Ibi birori byabereye Gujarat mu buhinde aho ako gace kagenderewe n’amagana y’abanyacyubahiro bari bavuye hirya no hino ku Isi baje mu birori bibanziriza ubukwe bwa Ambani Annat umuhungu muto wa Mukeshi. Ubuyobozi bw’ikibuga cy’indege cya Jamnagar bwatangaje ko bakiriye indege zirenga 130 z’abantu bari baje mu birori bya Annat Ambani.

Mbere y’uko ibi birori bitangira, ku wa Gatatu Anant Ambani n’umukunzi we babanje gusangira n’abarenga 51,000 barimo abatifashije n’abandi bifuzaga kureba ibi birori ariko kubera umubare w’abari bagenwe ukabazitira.

Umuhanzikazi Rihanna wubatse izina ku Isi hose, yaririrmbye muri ibi birori yishyurwa arenga Miliyari 11.5 Rwf kuririmba inshuro imwe gusa akaba ari nayo nshuro ya mbere yari aririmbye mu bukwe mu gihugu cy’Ubuhinde nk’uko yabitangaje nyuma.

Bill Gate wabaye umuherwe wa mbere ku Isi igihe kirekire kuri ubu akaba akiri mu myanya ya mbere, yitabiriye ibi birori ndetse agaragaza ibyishimo byinshi nyuma yo kubona uko yakiriwe ndetse n’uko ibirori byari biteguye bigendanye n’umuco w’abahinde.

Mu butumwa yanyujije ku mbuga nkoranyambaga, Bill Gates agize ati “Iyi ni isnhuro ya mbere nitabiriye ibirori by’ubukwe mu Buhinde, kandi byari byiza cyane. Amahirwe masa Anant na Radhika. Mwakoze kubwo kuduha impamvu yongera kuduhuza n’inshuti zacu za cyera.”

Mark Zuckerberg nyiri imbuga nkoranyambaga nka Facebook, Instagram, WhatsApp, Thread yitabiriye ibirori by’ubu bukwe ari kumwe n’umugore we ndetse atangaza ko yakunze imico y’ubukwe bwo mu bahinde. Abinyujije ku mbuga nkoranyambaza ze, Zuckerberg yagize ati “Nakunze ubukwe bwo mu Buhinde. Amahirwe masa Anant na Radhika.”

Ivanka Trump umukobwa wa Trump ari kumwe n’umugabo we, Jared Kushner ndetse n’umukobwa wabo Arabella bitabiriye ibi birori ndetse bahagararira Trump utarabashije kuhaboneka. Abakinnyi ba Filime by’umwihariko abakunzwe cyane mu Buhinde bose bari bahari barangajwe imbere na Shah Rukh Khan, Salman Khan ndetse na Aamir Khan.

Mark Zuckerberg yitabiriye ibirori bibanziriza ubukwe bwa Anant na Radhik

Umukinnyi wa Filime Saif Ali Khan na Kareena Kapoor Khan bitabiriye ibi birori

Ivanka Trump umukobwa wa Trump ari kumwe n’umugabo we Jared Kushner ndetse n’umukobwa wabo Arabella bari mu Buhinde aho bagiye mu birori bibanziriza ubukwe bwa Anant na Radhik

Bill Gates na Paula Hurd bashimishijwe no kwitabira ibi birori

Rihanna yakoreye arenga Miliyari 11.5 Rwf kuririmba mu gitaramo rimwe gusa

Abakinnyi ba Film bagaragaje imbyino ziri mu muco w’Abahinde

Anant na Radhik bazakora ubukwe ku wa 12 Nyakanga 2024

Mu gihe Perezida wa Repubulika y'u Rwanda Paul Kagame yitegura gusoza manda ye, abahanzi batandukanye bakomeje gushyira ahagaragara indirimbo  zigaruka no ku bigwi byamuranze mu gihe amaze ayobra u Rwanda.

Abinyujije ku rubuga rwa Instagram, umuhanzi Yvan Muziki yagize ati 'Maze kandi rero ntawagakwiye gusigara yicaye igihe Mukuru yinjiye mu ngabo ze, azirimo zirimo umugabo. Mucyo tumuhe impundu arazikwiye Uwangabiye, maze muhaguruke tumwizihize atwizihire dore ni uwacu yaje ngo twikoranire mu ntoki. Karame Rudasumbwa numpamagara nzitaba Karame.'

Yvan Muziki aganira na InyaRwanda yagize ati 'Iyi ndirimbo ni iyo kwizihiza ibigwi bye by'imyaka 30 amaze atuyoboye, kandi agejeje u Rwanda ku byiza bitagira uko bisa. Ni indirimbo imusingiza, ivuga ibyiza bye, ni indirimbo imugaragaza uwo ariwe.'

Uyu muhanzi kandi yashishikarije urubyiruko kugira ishyaka ryo kwita ku byiza Perezida Kagame akorera abanyarwanda, kugira ngo bibabere umurage wo kuzakora ibyiza akomeje kubaraga.

Yvan yatangaje ko yahimbiye iyi ndirimbo Perezida Paul Kagame ngo ijye imwizihiza, imwakire aho ageze hose, 'bakumva y'uko umutware watugezemo aho akandagiye hose, aho ageze hose ikaba ari indirimbo izajya imusingiza iteka.'

Iteka rya Perezida rya Perezida ryasohotse ku wa 11 Ukuboza 2023, ryemeje ko amatora ya Perezida wa Repubulika azabera rimwe n’ay’Abadepite ku wa 15 Nyakanga 2024. Ku banyarwanda baba hanze y’u Rwanda, amatora azaba ku wa 14 Nyakanga 2024.

Mu bakandida bamaze kwemeza ko baziyamamariza umwanya w’Umukuru w’igihugu harimo na Perezida Paul Kagame wemeje ko azahagararira umuryango wa FPR-Inkotanyi. 

Inyikirizo y'iyi ndirimbo yise 'Muhaguruke Yaje' igira iti: 'Muhaguruke yaje Umugaba w'Ikirenga, Karame yaje mumwakirane impundu, karame yaje, umubyeyi wa bose karame yaje. Yaje ngo tujye inama tujye imigambi yo kubaka u Rwanda rwatubyaye, karame yaje.'

Muri iyi ndirimbo, yashimiye Perezida Kagame wamuhaye igihugu gitekanye aho aryama agasinzira, amushimira ko yakuye abanyarwanda muri nyakatsi akabubakira ruzungu, akaba umubyeyi w'imfubyi, abapfakazi na rubanda rugufi ndetse n'ibindi bikorwa by'ubutwari n'ubwitange byamuranze mu rugendo rwo kubohora no guteza imbere u Rwanda.

Yvan Muziki yashyize hanze indirimbo ivuga ibigwi  Perezida Paul Kagame

Ni indirimbo iri mu njyana ya gakondo ikubiyemo ubutumwa bushimira Perezida Kagame

Ayishize ahagaragara mu gihe habura igihe gito ngo habe amatora y’Umukuru w’igihugu yahujwe n’ay’Abadepite

“>Kanda hano urebe indirimbo Yvan Muziki yahimbiye Perezida Paul Kagame yise ‘Muhaguruka Yaje’

“>

Umubare munini w'abantu bafite aho bahurira n'itumanaho, bahorana ikibazo cy'aho nimero y'umuntu ishyirwa nyuma y'uko bimenyekanye ko yitabye Imana.

Umukozi wa MTN Rwanda ushinzwe amashami yayo akorera mu gihugu haba amato n'amanini, Abaho Innocent, yatangaje ko ubusanzwe nimero aba ari iy'umuntu ku giti cye nta wundi bakwiye kuyihuriraho.

Yasobanuye ko nk'uko mu nzego za Leta iyo umuntu yitabye Imana hagomba gukosorwa imyirondoro ye mu bigo bibishinzwe, ari nako no mu itumanaho iyo umuntu yamaze kwitaba Imana terefoni ye ikwiye guhita iva ku murongo kuko nta wundi uba ugomba kuyikoresha, cyeretse iyo hari impamvu ikomeye yemejwe n'ubuyobozi bwa Leta yuko iyo nimero ishobora guhabwa undi muntu.

Ati: 'Icyo gihe ashobora kuba ari umwe mu bazungura be, yujuje ibyangombwa byose dusaba iyo nimero tukaba twayimuha nawe. Ariko ubundi nimero ni iy'umuntu ku giti cye, niba utakiriho ntabwo ubundi nimero yawe igombye kuba ikora.'

Mu mpera z’umwaka ushize, MTN Rwanda yari ifite abakiliya barenga miliyoni 7, ubwo yishimirga isabukuru y’imyaka 25 imaze igeza ku baturarwanda serivisi zinoze z’itumanaho n’ikoranabuhanga.

Tariki 25 Gashyantare uyu mwaka, ni bwo hasojwe isiganwa ngaruka mwaka rya Tour du Rwanda ryabaga ku nshuro ya 16. Iri siganwa, ryegukanwe na Peter Blackmore, mu gihe mu bakinnyi 64 bashoje, Areruya Joseph ariwe wasoreje abandi. 

Mu kiganiro Urukiko rw’Imikino igitambuka kuri Radio 10, kuri uyu wa Kabiri bari bakiriye Areruya Joseph wagarutse muri rusange uko ikipe ye ya Java Inovotec Pro Team yitwaye muri Tour du Rwanda, ndetse n’umusaruro we bwite.

Umunyamakuru Claude Hitimana ubwo yamubaza ku mpamvu zatumye asoreza abandi, Areruya Joseph yavuze ko byabaye nko gutanga icyigisho ko byose bishoboka.

Yagize ati: “Nk’uko natangiye mbivuga hari igihe upanga ibintu ariko ntibibe ari ko bigenda. Mu irushanwa ryo gusiganwa ku magare habaho abakinnyi bitangira abandi, twese twari twitanze kuri Mugisha Moise ariko birangira bidakunze kandi tuba twaratakaje imbaraga nyinshi ndetse twaratakaje n’ibihe. Twageze mu isaganwa hagati ndi mu myanya y’inyuma, gusa hari abakinnyi bagiye bavamo kandi abenshi bari inyuma yanjye.

Naje kwisanga ndi ku mwanya wa nyuma ndavuga nti ntabwo ngomba kuvamo kugira ngo nereke n’abana b’abanyarwanda kuko ndi umwe mu bakinnyi bigeze kwitwara neza ku igare mu Rwanda nkatwara Tour du Rwanda kugira ngo mbereke ko byose bishoboka ko n’uwa nyuma wamuba. 

Byarashobokaga ko nanjye nava mu irushanwa simvugwe nk’umuntu wabaye uwa nyuma ariko nagumyemo kugira ngo ntange n’icyigisho ku bana, hatazagira ubona ari uwa nyuma agahita ava mu irushanwa.”

Areruya Joseph w’imyaka 28, ni umwe mu bakinnyi bakomeye kandi bafite amateka hano mu Rwanda, nyuma yo kwegukana Tour du Rwanda ya 2017, ndetse akegukana na La Tropicale Amissa Bongo, ari nawe munyarwanda rukumbi wegukanye iri siganwa, gusa muri iyi minsi akaba adahagaze neza kuko usibye na Tour du Rwanda uyu musore no muri shampiyona z’imbere mu gihugu adahagaze neza. 

Areruya Joseph ni umwe mu bakinnyi bakundishije abantu igare bigendanye n’amateka yakoreye mu Rwanda na Afurika 

Areruya Joseph yegukanye Tour du Rwanda ya 2017 ndetse aba umunyarwanda wa 3 wari uyegukanye

Umunyezamu wa AS Kigali n’ikipe y’igihugu Amavubi, Kimenyi Yves yavuze ko umunsi w’ubukwe bwe yari afite amatsiko menshi yo kubona umugore we, Uwase Muyango Claudine mu myambaro y’abageni.

Tariki ya 4 Mutarama 2024 ni bwo aba bombi basezeranye imbere y’Amategeko mu biro by’Umujyi wa Kigali, tariki ya 6 Mutarama 2024 bakora indi mihango yose y’ubukwe yari isigaye.

Bakoze ubukwe n’ubundi bamaze igihe babana, mu kiganiro n’ikinyamakuru ISIMBI, abajijwe icyo avuga ku kubanza kubana n’uwo muzashakana mugakora ubukwe nyuma, n’abatabyemera avuga ko buri muntu yagakwiye gushyigikirwa mu mahitamo ye yahisemo kuko haba hari impamvu iba yaratumye biba.

Ati 'Nkeka ko ari cyo gihe Imana yarateguye (…) Buri muntu wese aba afite impamvu yo gutuma biba mbere cyangwa nyuma, nkumva ahubwo byakabaye byiza icyo gikorwa kibaye umuntu akagishyigikira mu gihe cyabaye.'

Bakoze ubukwe nyuma y’imyaka hafi 3 amwambitse impeta ya fiançailles, uku gutinda gukora ubukwe avuga ko byatewe n’uko banze gukora ubukwe muri COVID-19 kubera hari kuza umubare muke w’abantu nk’uko amategeko yabiteganyaga kandi bo bifuzaga ko bwitabirwa n’abantu benshi.

Ati 'muri kiriya gihe hari hariho umubare ntarengwa w’abantu kubera COVID-19 kandi twumva ko ririya ari isakaramentu rikomeye, isakaramentu rero rikomeye ntabwo riba rigomba kugira uwo rikumira, inshuti, abavandimwe, twumvaga ko igihe cya nyacyo kizagera kizatuma abantu batubiohekera bakaza ntawukumiriwe, nabyo biri mu bintu byatuzitiye kiriya gihe.'

Umunsi w’ubukwe bwe, ikintu yari afitiye amatsiko ni ukubona umugore we mu mwambaro w’abageni, aho avuga ko yanatunguwe n’uko yasaga.

Ati 'nari mfite amatsiko yo kureba umugore wanjye. Buriya rero hari ikintu umuntu yibeshya, kuba wavuga ngo muba musanzwe mubana, ariko kuri uriya munsi w’ubukwe biba byahindutse 100%, naramubonye ndavuga nti ni we cyangwa, nabonaga biteye ubwoba, na we naramubajije nti ni akahe kantu wongereyeho ko mbona birenze, ko usa neza biteye ubwoba.'

'Ariko urumva ntabwo aba ari ikintu gisanzwe, aba ari umunsi udasanzwe, rero natakerezaga ukuntu ndi bumubone mu ikanzu, ukuntu turi bube dufatanye akaboko no kwambara impeta, njyewe ni bwo bwa mbere nari nambaye impeta ariko ubu no kuryama ndyamana na yo.'

Kimenyi Yves avuga ko abakinnyi bagenzi be yasigiye igifunguzo ari myugariro wa Gor Mahia muri Kenya, Emery Bayisenge, Nkinzingabo Fiston wagiye mu igeragezwa muri Afurika y’Epfo, rutahizamu wa One Knoxvilles muri Amerika, Nshuti Innocent ndetse Nsabimana Eric Zidane wa Police FC.

Kimenyi Yves yari afite amatsiko y’umugore we k’umunsi w’ubukwe bwa bo

Nyuma yo kumara amezi 5 badahembwa abakinnyi ba Kiyovu Sports bivumbuye banga gukora imyitozo bageze ku kibuga.

Ni nyuma y’uko iyi kipe yari yatsinze Police FC ibitego 2-1 mu mpera z’icyumweru gishize mu mukino w’umunsi wa 23 wa shampiyona y’icyiciro cya mbere mu Rwanda umwaka w’imikino wa 2023-24.

Kiyovu Sports ikaba yaragombaga gusubukura imyitozo ejo hashize ku wa Mbere tariki ya 4 Gashyantare 2023 yitegura umukino w’umunsi wa 24 izasuramo Etoile del’Est.

Abakinnyi bitabiriye imyitozo nk’ibisanzwe, bagera ku kibuga ariko banga gukora imyitozo ahubwo barataha aho bavuze ko batakora badahembwe ibirarane by’imishahara bafitiwe.

Aba bakinnyi bakaba bishyuza Kiyovu Sports imishahara y’amezi 5 aho baheruka guhembwa ukwezi kwa 9 k’umwaka ushize wa 2023.

Iyi kipe ikaba iri mu bibazo by’amikoro aho yanahagaritswe n’Impuzamashyirahamwe y’Umupira w’Amaguru ku Isi, FIFA, ikaba itemerewe kwandikisha abakinnyi bashya kubera amadeni ifitiye abakinnyi bayireze ikabatsinda.

Uretse ibi kandi, Kiyovu Sports hari abakinnyi yaguze ifitiye umwenda wa 'recruitment’ itishyuye abakinnyi ba yo, ni amafaranga arenga miliyoni 100 z’amafaranga y’u Rwanda.

Abakinnyi ba Kiyovu Sports bivumbuye

Guverinoma y'u Rwanda yasabye Umuryango wa Afurika yunze ubumwe kudashyigikira Ubutumwa bw'Umuryango wa Afurika y'Amajyepfo muri Repubulika Iharanira Demokarasi ya Congo buzwi nka SAMIDRC, iwumenyesha ko byaba bisa no kwenyegeza umuriro.

Kuri uyu wa 4 Werurwe 2024, habaye inama y'Akanama k'Amahoro n'Umutekano ka AU, yiga ku gushyigikira SAMIDRC no kuyishakira ubufasha muri uyu muryango wa Afurika no mu bandi bafatanyabikorwa.