Category: Uncategorized

Nyuma y’amezi abiri arwaye, Yunia Mukangarambe nyirakuru wa The Ben, yitabye Imana mu gitondo cyo kuri uyu wa Kane tariki 28 Werurwe 2024 ubwo yari ajyanwe kwa muganga kugira ngo yitabweho n’abaganga.

Umwe mu bari hafi y’uyu mukecuru, yatangaje ko nyirakuru wa The Ben yitabye Imana mu gitondo cya kare ubwo yari arembye hanyuma bamujyana kwa Muganga agashiramo umwuka atari yahabwa ubuvuzi.

Kuva yakwitaba Imana muri iki gitondo, nta butumwa The Ben yari yatangaza bujyanye n’uyu mubyeyi witabye Imana kuko atari ko buri wese ahita abona imbaraga zo kugira icyo atangaza mu gihe ari mu gahinda k’ako kanya.

Uyu mukecuru we yitabye Imana mu gihe n’umwuzukuru we Green P yari ari mu Rwanda nyuma y’igihe kirekire yituriye i Dubari ari ho ashakira ubuzima nk’abandi bose.

Mukangarambe Junia witabye Imana mu gitondo cyo kuri uyu wa 28 werurwe 2024, abyara Mama wa The Ben na Green P.

Nyirakuru wa The Ben wari usanzwe atuye mu Karere ka Kayonza yitabye Imana mu gitondo cyo kuri uyu wa 28 Werurwe 2024

Burya iyo wamaze kumanika akaboko uti nemeye ko runaka ambera umugore, ni uko uba wemewe kuba uwe wenyine, kimwe mu byo abashakanye bapfa ni uko umwe aca undi inyuma, tugiye kurebera hamwe bamwe mu bakinnyi bagiye bajya kwisayidira ku ruhande bagafatwa.

Abakinnyi ni bamwe mu bantu bakurikirwa n’abantu benshi kandi ni bamwe mu bakurura igitsina gore, bigatamu rimwe na rimwe bateshuka bakaba baca inyuma abakunzi babo, ariko umunyarwanda yaravuze ‘ngo burya nta mugabo uhazwe n’umugore umwe.’

Mu Rwanda biragoye ko wawenya ngo runaka yaciye inyuma umugore we, aha akenshi biterwa n’uko bakunda kugira ibanga cyane ndetse Abanyarwandakazi badakunda ko ibintu byabo bivugwa ariko si uko badacibwa inyuma.

Muri iyi nkuru turagaruka ku bakinnyi ba ruhago bamenyekanye baciye inyuma abagore babo.

Olivier Giroud

Muri 2011 yashakanye na Jennifer Giroud, uyu rutahizamu wa AC Milan mu Butaliyani ukomoka mu Bufaransa, yaje gufatanwa na Celia Kay muri hoteli muri 2014 ndetse yemera n’icyaha asaba imbabazi.

Mesut Ozil

Muri 2013 uyu mudage yakundanye n’umuhanzikazi Mandy Capristo ariko baje gutandukana muri 2014 amushinja kumuca inyuma ariko muri 2015 baje gusubirana ariko bongera gutandukana muri 2017 nabwo amushinja kumuca inyuma, nibwo yahise ajya mu rukundo n’umunyaturikiya, Amine Gülşe baje gushakana muri 2019 ubu bafitanye umwana.

Patrice Evra

Sandra umugore w’umukinnyi wakiniye amakipe nka Manchester United, Patrice Evra yababajwe cyane n’uko uyu mugabo yamuciye inyuma n’umunyamideli, Margaux Alexandra.

Thierry Henry

Muri 2003 Thierry Henry ufatwa nk’umunyabigwi wa Arsenal yashakanye na Nicole Merry ariko nyuma gato yo kwerekeza muri FC Barcelona muri 2007 yaje gutandukana n’uyu mugore, ni nyuma yo kumushinja kumuca inyuma na Sadie Hewlett. Byatumye uyu mugabo atanga miliyoni 10 z’amadorali zo gutandukana na we.

Wayne Rooney

Uyu ni umwongereza wamenyekanye mu ikipe ya Manchester United n’ikipe y’igihugu y’u Bwongereza, yagiye aca kenshi umugore we bashakanye muri 2008.

Uyu mukinnyi aheruka gushinjwa guca inyuma umugore we n’umunyamideli Tayler Ryan.

Ryan Giggs

Uyu mukinnyi wakiniye Manchester United, amaze imyaka 8 atavugana na nyina, ni nyuma y’uko amenye ko yaciye inyuma umuvandimwe we, Rhodri Giggs. Gusa umugore we Stacey Cooke ntiyamutaye.

Umuhanzi Nyarwanda The Ben ari mu gahinda gakomeye nyuma y’uko Nyirakuru yitabye Imana ari mu nzira ajyanwa kwa muganga.

Uyu mubyeyi wari utuye mu Karere ka Kayonza, yitabye Imana mu gitondo cyo kuri uyu wa Kane tariki ya 28 Werurwe 2024.

Nyirakuru wa The Ben ubyara nyina, Mukangarambe Yunia, yitabye ubwo yari mu nzira ajyanywe kwa muganga, akaba asize atashye ubukwe bw’umwuzukuru we The Ben washakanye na Pamela.

Nyirakuru wa The Ben yitabye Imana

Mu mpera z’iki cyumweru Kuva kuri uyu wa 5, shampiyona y’icyiciro cya mbere mu mupira w’amaguru mu Rwanda irasubukurwa hakinwa imikino y’umunsi wa 25 umunsi nawo uzatanga amakuru mashya ku rutonde rwa shampiyona.

Tugendeye ku mateka ya shampiyona y’u Rwanda kuri uba amakipe agera kuri 5 niyo umuntu yavuga ko akirwana n’ubuzima bwo gusigara mu cyiciro cya mbere uyu mwaka.

Aya makipe ni Sunrise FC ifite amanota 26, Etincelles FC ifite amanota 25, Bugesera FC ifite amanota 23, Gorilla FC ifite amanota 23 na Etoile de l’Est ifite amanota 19.

Impa twafashe aya makipe ni uko kuri ubu bikigoye kuba yakuzuza amanota 31 kandi amateka atwereka ko nta kipe yigeze impanuka mu cyiciro cya kabiri ifita amanota 31 kuzamura ku rutonde rwa shampiyona.

Ahantu bitereye ubwoba ni uko kuva shampiyona y’u Rwanda yagira amakipe 16, ubu nibwo bwa mbere shampiyona igeze ku munsi wa 24 ikipe ya nyuma iri hejuru y’amanota 18 bivuze ko Etoile de l’Est nayo itarizera kumanuka.

Aya makipe imikino yayo ya nyuma iteye ite?

Nibura amateka agaragaza ko ikipe ya nyuma mu mikino itanu ya nyuma, itajya ipfa kuburamo amanota 6, bivuze ko nibura Etoile de l’Est yizeye kuzageza amanota 25 ariko birumvikana ko ataba ahagije.

Etoile de l’Est

Niyo kipe ya nyuma ku rutonde rwa nyuma n’amanota 19. Iyi kipe, kuri uyu wa Kane irasura Gasogi United iri ku mwanya wa 10 n’amanota 29, umuntu yavuga ko yo ibura nk’amanota 3 ikizera kuguma mu cyiciro cya mbere.

Tariki 2 Mata, Etoile de l’Est izakira Gorilla FC nayo itarizera icyiciro cya mbere, nyuma yaho Etoile de l’Est izasura Amagaju FC tariki 28 Mata yakire Marine FC tariki 3 Gicurasi isure Police FC, naho tariki 11 yakire Bugesera FC.

Gorilla FC

Ikipe ya Gorilla FC ni imwe mu makipe nayo asumbirijwe, dore ko nubwo yirukanye umutoza Gatera Musa uwamusimbuye Yvan nawe nta kirakorwa. Iyi kipe ifite umukino izakiramo Police FC tariki 30 Werurwe. Nyuma yaho izasura Etoile de l’Est, yakire Musanze FC, isure Sunrise FC, yakirwe na APR FC, isoreze kuri Mukura Victory Sports.

Bugesera FC

Iyi kipe iri ku mwanya wa 14, irakira Etincelles FC mu mukino udasanzwe, nyuma yaho isure Marine FC, yakire Rayon Sports, isure Police FC yakire Muhazi United isoreze kuri Etoile de l’Est.

Etincelles FC

Ni imwe mu makipe nayo igowe nk’ikipe imaze imyaka ariko kuri ubu ikaba igowe cyane n’umutekano w’icyiciro cya mbere. Iyi kipe irasura Bugesera FC mu mpera z’iki cyumweru yongere isure Rayon Sports yakire Muhazi United isure AS Kigali yakire Kiyovu Sports isoreze kuri Gasogi United.

Sunrise FC

Mu 2020-21, yamanutse mu cyiciro cya kabiri bitunguranye nta wabikekaga. Sunrise FC irakira AS Kigali mu mpera z’iki cyumweru isure Kiyovu Sports, isure Gasogi United, yakire Gorilla FC isure Amagaju FC isoze yakira Marine FC.

Hatabaye kujya kure, muri aya makipe niho umuntu yashakira amakipe abiri azajya mu cyiciro cya kabiri gusa buri kimwe kirashoboka ariko hari ikipe usanga zarakererewe.

Iyi niyo gahunda y’imikino y’umunsi wa 25 iteganyijwe mu mpera z’iki cyumweru

Ku Cyumweru saa kumi n’imwe n’iminota 30 taliki 31 Werurwe ni bwo hategerejwe umukino ukomeye muri shampiyona y’icyiciro cya mbere mu Bwongereza ushobora no kuzagira uruhare mu kugena ikipe izegukana igikombe.

Manchester City izaba yakiriye Arsenal kuri Etihad Stadium. Iyi kipe itozwa na Pep Guardiola nubwo izaba uri imbere y’abafana bayo, ariko ikomeje guhura n’ibibazo by’imvune kugeza n’aho abakinnyi 7 bashobora kuzawusiba kubera iki kibazo.

Ba myugariro 4, Kyle Walker, John Stones na Manuel Akanji bose bagiriye ibibazo by’imvune mu makipe y’ibihugu, bituma bavamo bajya kwitabwaho n’abaganga b’ikipe, ariko bose nta n’umwe urakira ku buryo yakina umukino wa Arsenal nk’uko The Sun ibitangaza.

Umukinnyi ukina mu kibuga hagati, Matheus Nunez nawe yagize ikibazo cy’imvune ku kuguru bituma anakurwa mu ikipe ye y’igihugu ya Portugal, ubwo bivuze ko nawe adahari.

Kevin De Bryne wagize ikibazo cy’imvune mbere yo kujya mu karuhuko k’amakipe y’ibihugu nawe kugeza ubu ntabwo arakira ndetse ku munsi w’ejo imyitozo yayikoreye mu ikipe y’abatarengeje imyaka 23.

Undi mukinnyi nawe byitezwe ko ashobora kutazagaragara kubera imvune ni Jack Grealish kongeraho n’Umunyezamu Ederson wavunitse urutugu.

Mu gihe Manchester City yakina idafite aba bakinnyi bose byaba biha amahirwe Arsenal yo gutsinda nk’uko yabigenje mu mukino ubanza itsindira kuri Emirates Stadium igitego 1-0.

Kuri ubu iyi kipe y’abarashi niyo iyoboye urutonde rwa shampiyona n’amanota 64 mu gihe Manchester City yo ari iya 3 n’amanota 63.

Kevin De Bryne ashobora kudakina umukino wa Arsenal kubera imvune 

Jack Grealish nawe ntabwo arakira ku buryo yakina na Arsenal 

Kayle Walker na John Stones nabo bashobora kudakina na Arsenal kubera imvune 

Kapiteni w’Ikipe y’Igihugu ya Argentine na Inter Miami muri Leta Zunze Ubumwe za Amerika, Lionel Messi yavuze ko kugeza ubu atazi icyo azakora nasoza gukina umupira w’amaguru.

Uyu rutahizamu w’imyaka 36 umaze kwegukana Ballon d’Or 8, mu kiganiro Big Time yavuze ko atazi igihe azasezerera ruhago, bizaterwa n’imbaraga azaba afite.

Ati “Nanjye ndisuzuma. Menya igihe ndi gukora neza, igihe bitameze gutyo, igihe nakinnye neza n’igihe ntitwaye neza. Ninumva ari cyo gihe cyo gutera iyo ntambwe, nzabikora ntatekereje ku myaka. Igihe ntakiri kumva uburyohe bwo gukina cyangwa gufasha bagenzi banjye, nzasezera.”

Abajijwe icyo azakora nasoza gukina, yavuze ko ntacyo aratekerezaho gifatika, ngo yirinda gutekereza cyane ku hazaza ahubwo akishimira buri munsi abonye.

Ati “Nta kintu gifatika mfite ubu. Ntabwo ndabitekerezaho. Kugeza ubu, ngerageza kwishimira buri munsi, buri bihe, ntatekereje ahazaza. Nizeye gukomeza gukina igihe kirekire kuko ni byo nishimira. Igihe nikigera, nzagerageza kureba inzira inyuze, ibyo nkunda n’akazi gashya.”

Lionel Messi ni umwe mu bakinnyi barambye mu kibuga, muri 2021 ni bwo yatandukanye na FC Barcelona nyuma y’imyaka 17 yari ayimazemo, yerekeza mu Bufaransa muri Paris Saint-Germain yakiniye imyaka 2, ubu ari muri Inter Miami amazemo umwaka umwe.

Lionel Messi yavuze ko atazi icyo azakora nasoza gukina umupira w’amaguru

Muhire Kevin yavuze ko abagishidikanya k’ubushobozi n’intsinzi barimo gutanga mu ikipe y’igihugu ko bakomeza gushidikanya ntacyo bitwaye ariko bo bazi ko igihe kizagera bakemera.

Ni nyuma y’uko ikipe y’igihugu imaze iminsi yitwara neza ariko hakaba hari abatabyemera babifata nk’aho ari ibirimo kubagwirira.

Yabitangaje ubwo bari bageze ku kibuga cy’Indege Mpuzamahanga cya Kigali i Kanombe bavuye muri Madagascar aho bakinnye imikino 2 ya gicuti uwa Botswana banganyije 0-0 n’uwo batsinzemo Madagascar 2-0.

Muhire Kevin abajijwe icyo avuga kubatemera kandi bamaze igihe batsinda, yavuze ko bazakomeza guhatana intsinzi zikaboneka n’aho ababashidikanyaho bakomeze bashidikanye.

Ati “Abashidikanya bakomeze bashidikanye, twebwe icyo dukora ni ukujya mu kibuga tugatanga ibyishimo ku hadushyigikiye. Nta wutegetswe kwemera bose, igikuru ni igukora ibyo ugomba gukora, utakwemera azageraho akwemere, tuzakomeza duhatane kandi intsinzi izakomeza iboneke kuko si ibintu byatugwiririye kuko twarateguye.”

Yakomeje avuga ko ubu bafite ikipe nziza ndetse n’umutoza yahinduye byinshi ku buryo bahora bumva bafite inyota yo gutsinda.

Muhire Kevin yavuze ko abatabemera bazageraho bakemera

Kuwa 22 Werurwe 2024 ni bwo Phiona Nyamutooro wari usanzwe ari umwe mu bagize Inteko Ishingamategeko ya Uganda yagizwe Umunyamabanga wa Leta muri Minisiteri y'Iterambere ry'Ingufu n'Amabuye y'Agaciro.

Kuwa 27 Werurwe 2024 ni bwo yarahiriye izI nshingano mu muhango wayobowe na Perezida Museveni. Akimara kurahira yashyize hanze ubutumwa bw'ishimwe.

Minisitiri Phiona Nyamutooro yagize ati: 'Uyu munsi narahiriye inshingano nk'Umunyamabanga wa Leta. Mwarakoze Nyakubahwa Perezida Museveni kwizerera mu mbaraga zanjye nk'umuyobozi muto.'

Yagaragaje ko ibyo agezeho ari intambwe ikomeye ku rubyiruko abasaba kuba maso kugira ngo bakomeze kugira uruhare mu kubaka igihugu cyabo.

Ku rundi ruhande Eddy Kenzo wari waherekeje Minisitiri Phiona Nyamutooro bavugwa mu rukundo, yamurase amashimwe agira ati: 'Niby'umunezero kuba umwe mu baguherekeje mu irahira ryawe.'

Yongeraho ati: 'Kukubona ukomeje urugendo nk'umuyobozi w’akataraboneka bintera ishema. Imana ikomeze kugufasha no kukuyobora muri byose ukomeza gukorera igihugu cyacu.'

Kubona Eddy Kenzo yaherekeje Minisitiri Phiona Nyamutooro byongeye inkuru zivuga ko baba bari mu rukundo nubwo bo bakomeza kuvuga ko ari inshuti magara z'igihe kirekire.

Mu mwaka wa 2023 ni bwo byatangiye kunugwanugwa ko bari mu rukundo ndetse byemezwa ko Minisitiri Phiona Nyamutooro yahaye impano y'imodoka Eddy Kenzo.

Aya makuru yongeye kugaruka kuri ubu, biturutse ku buryo Eddy Kenzo ari mu ba mbere barase amashimwe Minisitiri Phiona ubwo yahamagarirwaga inshingano nshya.

Mu mpera z'icyumweru gishize bombi bajyanye gusura umwe mu bakobwa ba Eddy Kenzo ku ishuri banagaragara batizanya ikote.

Minisitiri Phiona Nyamutooro afite impamyabumenyi y'icyiciro cya Kabiri cya Kaminuza mu buhanzi n'iyi cyiciro cya Gatatu cya Kaminuza muri 'Public Administration'. Ni umwe mu rubyiruko rw'imbere mu ishyaka riri ku butegetsi rya NRM.

Minisitiri Phiona Nyamutooro yarahiriye inshingano nshya ashimira Perezida MuseveniEddy Kenzo na Minisitiri Nyamutooro bavugwa mu rukundo ubwo baganiraga na Perezida MuseveniAkanyamuneza kari kose kuri Minisitiri Phiona Nyamutooro n’abamuherekeje mu irahira