Category: Uncategorized

Inteko rusange y'Umutwe w’Abadepite yasabye Minisiteri y’Ibikorwa remezo, gukemura mu gihe kitarengeje amezi 6 ikibazo cy’imiryango 80 yo mu Karere ka Kirehe yasenyewe n’ibikorwa byo kubaka urugomero rw’amashanyarazi rwa Rusumo, ikaba ikeneye kubakirwa inzu nshya n'indi miryango 35 ikeneye gusanirwa.

Abadepite bagaragaje ko bamwe mu baturage bo mu Karere ka Kirehe baturiye urugomero rw’amashanyarazi rwa Rusumo, bagaragaje ko inzu zabo zasenywe n’imirimo yo kubaka urwo rugomero rw’amasharazi.

Ituritswa ry’intambi ni ryo ryabaye nyirabayazana mu isenyuka ry’inzu z’abaturage, bamwe mu bagize Inteko Ishinga Amategeko umutwe w’Abadepite bibaza impamvu uyu mushinga wagiye gutangira hatarakozwe inyigo inoze itari gushyira ubuzima bw’abaturage mu kaga.

Komisiyo ishinzwe kugenzura ikoreshwa ry’imari n’umutungo mu Inteko Ishinga Amategeko Umutwe w’Abadepite, yasabye Minisiteri y’Ibikorwaremezo gukemura iki kibazo mu gihe kitarenze amezi atandatu.

Urugomero rw’amashanyarazi rwa Rusumo ruzageza amashanyarazi mu bihugu bya Tanzania, u Burundi n’u Rwanda gusa bivugwa ko uwo mushinga wacunzwe nabi kuburyo ikigero wagombaga kuzatangaho amashanyarazi kizagabanukaho 14 %.

Buri gihe abantu babyuka barajwe ishinga no gushaka iterambere ariko ku rundi ruhande, abatakirwana no gushaka iterambere bashaka guhanga udushya tuzabitirirwa mu gihe bazaba batakari ku Isi kuko nta muntu kampara kuri iyi si.

Umuhanga yavuze ko amafaranga ariyo ayoboye Isi mu mpande zose  haba mu miyoborere, imibereho, imimerere y'Isi muri rusange. Aha urugero ni uko ibyorezo n’ibiza byinshi biri kubaho biterwa n'amwe mu mashoramari akunze kwangiza ikirere bityo hakabaho ibyorezo.

Nyamara n'ubwo bamwe babikora mu nyungu zabo, hari bamwe mu bacyebura abantu mu magambo macye ariko abantu bakabigira amagambo ntibabyiteho. 

Mu mwaka wa 2015, Bill Gates yavuze ko ku Isi hazabaho icyorezo kizatuma abantu batava mu rugo ariko abantu ntibabyitaho kugeza babonye Covid 19 mu mwaka wa 2019.

Kubwo kuba abanyamafaranga bakunze kuvuga ikintu runaka kandi cyikaba, kuri ubu batangiye gushaka uko bubaka inzu munsi y'ubutaka. Ibi bintu byatangiye gutera bamwe kugira inkeke y'icyo baba bikanga kuko n'ubundi hejuru ku Isi ntacyo bari babaye bari babayeho mu buzima bwiza.

Bill Gates, Mark Zuckerberg, Oprah Winfrey, Richard Branson na Larry Page ni bamwe mu baherwe bamaze kwibikaho ibirwa ndetse kuri ibyo birwa bakaba baratangiye kubakaho indaki ndende kandi nini zifite byose abantu bakwifuza.

Urugero rwa hafi, Mark Zuckerberg aherutse kuzuza inzu nini iri munsi y'ubutaka yamutwaye arenga Miliyari 600Rwf ikaba ifite aho yakororera amatungo, aho gukinira, aho kwivuriza ndetse n'ibindi byose umuntu yakenera mu buzima busanzwe.

Ubwo yari akimara kubaka iyi ndaki, yatangaje amagambo menshi arimo amwe mu magambo akomeye yavuze ducyesha ikinyamakuru Guardians. 

Mark Zuckerberg yaravuze ngo 'Nta muntu wakuraho urupfu ku buzima bwe ariko yarutinza.' Ibi byatumye abantu bongera kugira amacyenga kucyo aba baherwe bamenye bityo bakaba baratangiye kubaka munsi y’ubutaka.

Si rubanda rugufi gusa rufite iki kibazo ahubwo mu mwaka wa 2022, Leta ya New Zealand by'umwihariko abashinzwe gutora amategeko, baganiriye ku kibazo cy'abantu bari batangiye kugura ku bwinshi ubutaka muri iki gihugu bavuga ko bashobora kuzarangira banyazwe ubutaka bwabo.

Bamwe mu bashyigikiye iyubakwa ry'aya mazu munsi y'ubutaka, bavuga ko ari uburyo bwiza bwo kuba bashakira umwanya abaturage ku Isi kuko bakomeje kwiyongera umunsi ku wundi bikaba biri mu bibazo abantu bihangayikishije Isi. Ni muri urwo rwego abantu bamwe na bamwe badaterwa amabuye kubwo kubaka no gutura mu ndaki.

Ku rundi ruhande, hari abatari bashira amacyenga aba baherwe barimo barubaka inzu munsi y'ubutaka bacyeka ko hari izindi mpamvu z'uko Isi yaba iri mu marembera dore ko hari ubuhanuzi bwo muri Bibiliya bwenda guhura na bimwe mu bikorwa biri kuba ku Isi.

Usomye Bibiliya mu gitabo cya Ibyahishuwe Igice cya 6 umurongo wa 15 kugera ku murongo wa 17 haranditse ngo 'Abami bo mu isi n’abatware bakomeye n’abatware b’ingabo, n’abatunzi n’ab’ububasha n’imbata zose n’ab’umudendezo bose bihisha mu mavumo no mu bitare byo ku misozi,  babwira imisozi n’ibitare bati”Nimutugweho, muduhishe amaso y’Iyicaye kuri iriya ntebe n’umujinya w’Umwana w’Intama,  kuko umunsi ukomeye w’umujinya wabo usohoye kandi ni nde ubasha guhagarara adatsinzwe?”

Kubwo guhuza Bibiliya ndetse n’ubumenyi bugenda bwaguka umunsi ku wundi, nibyo bishyira mu rujijo abantu aho Isi yaba igana cyane ko ubuhanzi buri muri Bibiliya buri gusohora cyane muri iki gihe.

Abaherwe benshi barimo bubaka inzu ziri munsi y’ubutaka kuruta kuba imiturirwa miremire

Mu nzu iri munsi y’ubutaka y’umuherwe, Hoffman akaba Co-Founder w’urubuga LinkedIn

Inyubako za Mark Zuckerberg ziri munsi y’ubutaka zitwaye umwanya munini cyane

Kuri uyu wa Kabiri, nibwo abakinnyi ba Muhazi United bagombaga guhembwa imishahara y’amezi 3 baberewemo n’ubuyobozi, ariko umunsi warinze wira amazi yabuze ifu.

Tariki 18 Werurwe uyu mwaka, nibwo abakinnyi ba Muhazi United bahagaritse imyitozo, bavuga ko nibura bagomba guhembwa imishahara y’amezi 2 kugira ngo basubukure imyitozo.

Icyo gihe abakinnyi bamaze icyumweru nta myitozo bakora, kugera kuri uyu wa Mbere w’icyumweru, aho basubukura imyitozo bijejwe amafaranga bazahabwa ku wa 3.

Abakinnyi ba Muhazi United bahamagawe umwe kuri umwe, babwirwa ko bagaruka mu myitozo ku wa Mbere ndetse ku wa Gatatu bagahabwa amafaranga bifuza.

Abakinnyi bagarutse mu myitozo, bakora bisanzwe, kugera kuri uyu wa Gatatu, umunsi bari bategerejeho amafaranga.

Uyu munsi, abakinnyi babajije amafaranga yabo, ubuyobozi bubabwira ko hari umuntu uri kubura ngo asinye ubundi babone amafaranga yabo.

Ibi abakinnyi babibonye, babwiye umutoza Ruremesha Emmanuel ko ubuyobozi bwabatekeye umutwe ko batazagaruka mu myitozo mu gihe badahawe amafaranga yabo. Ubuyobozi bw’iyi kipe ntacyo buratangaza kuri iki kibazo.

Abakinnyi ba Muhazi United babwiye umutoza ko atazigera ababona mu gihe ubuyobozi butarabaha amafaranga yabo

Miss Kenza Ameloot wanditse amateka akomeye yo kuba umunyarwandakazi wabaye Nyampinga w'u Bubiligi, yifashishije amafoto yafashe ubwo aheruka mu Rwanda akagirana ibihe byiza n'umukunzi we, Seppe D'Espallier, maze amwifuriza isabukuru nziza.

Abinyujije ku rubuga rwa Instagram, Miss Ameloot yagize ati: 'Isabukuru nziza ku nshuti magara/ umukunzi wanjye. Nsubije amaso inyuma mu bihe byiza nagiranye nawe mu ruzinduko twakoreye mu Rwanda.'

Umukunzi wa Kenza Johanna Ameloot wujuje imyaka 25 uyu munsi, asanzwe ari umukinnyi w'umupira wa Basketball ukinira ikipe Telenet Antwerp Giants.

Miss Ameloot yaciyen aka gahigo, nyuma y'imyaka 24 nta munyarwandakazi wegukana ikamba rya nyampinga mu bihugu by’imahanga, dore ko uwabiherukaga ari Sonia Rowland wabaye Miss France mu 2000.

Ibirori byo gutangaza uwegukanye ikamba rya Nyampinga w'u Bubiligi byabereye mu gace ka Adikerke de Panne, mu nzu y'imyidagaduro ya Proximus Theater, mu ijoro ryo ku itariki 24 Gashyantare 2024.

Umunyarwandakazi Kenza Johanna Ameloot yabaye ‘Miss Belgique 2024’ ahize abakobwa 32 bari bahatanye muri aya marushanwa y’ubwiza ngarukamwaka.

Kenza Ameloot wabaye w’imyaka 21 wabaye Miss Belgique 2024, abyarwa n’umunyarwandakazi Gakire Joselyne. Ubusanzwe, Kenza asanzwe ari umunyamideli uri mu bagezweho bakiri bato mu Bubiligi.

Yavukiye mu Bubiligi ahigira amashuri abanza n'ayisumbuye, kuri ubu akaba ari umunyeshuri mu ishami ry'ubucuruzi mpuzamahanga, akaba n'umunyamideli wabigize umwuga.

Mu Kwakira kwa 2023 nibwo Kenza Ameloot uheruka mu Rwanda nk’uko yabyerekanye mu mafoto yashyize ku rubuga rwa Instagram akurikirwaho n’abantu basaga ibihumbi 14.

Reba amwe mu mafoto ashimangira urukundo rwa Miss Belgique Kenza Amaloot n’umukunzi we wizihiza isabukuru y’amavuko uyu munsi: 

Ku munsi w’abakundana

Seppe D’Espallier ni umukinnyi ukomeye wa Basketball

Umunyarwandakazi Miss Kenza Johanna Ameloot yaciye agahigo ko kuba Nyampinga w’u Bubiligi

Miss Belgique n’umubyeyi we 

Miss Ameloot asanzwe ari umunyamideli

Miss Belgique yifurije isabukuru nziza umukunzi we

Aya masezerano yari akubiyemo ingingo zitandukanye ariko zose zibanda cyane ku kuba The Ben azakomeza kumenyakanisha iyi kipe no kuyihagararira ndetse ibi bikaba byarashimangiwe na The Ben ubwe nk'aho yavuze ko afite abakunzi benshi ahantu hatandukanye bityo ko nabo agomba gutuma bamenya iyi kipe ikiri nshya muri Basketball y'u Rwanda.

The Ben yari yavuze ko na mbere y’uko asinyira gukorana n’iyi kipe, yari asanzwe ari umukunzi w’imikino.

The Ben yari yagize ati “Mbere na mbere ndi umukunzi w'imikino byumwihariko Basketball, rero Orion baraje baranyegera bambwira ko bashaka ko dukorana, bambwira intego bafite numva koko ari ibintu byiza ndetse ari na gahunda nziza bafite niko guhita nemera gukorana na bo.'

Icyakora usibye ibyabere muri icyi cyumba, amasezerano y’imikoranire ku mande zombi yarategerejwe iburirwa irengero.

The Ben agaragaza ishyirwa mu  bikorwa byayo, yaryumyeho ndetse na Mutabazi James nyiri iyi kipe aryumaho ku buryo ntawe uzi aho aya masezerano yarengeye.

Umunyamakuru wa InyaRwanda ubarizwa mu gisata cy’imikino, Ishimwe Olivier Ba, yavuze ko yakurikiranye iby’aya masezerano ariko akabura The Ben mu bikorwa by’iyi kipe.

Yagize ati “Erega biriya bintu ni ukudutekera umutwe, amasezerano ya The Ben na Orion Basketball Club y’imyaka itanu yarangiye uriya munsi asinywa. Mu byo The Ben yari gukora na kintu na kimwe yakoze, nta The Ben mu kibuga, nta The Ben ashyigikira Orion. Mbese nta The Ben mu mikino”.

Oliveir avuga ko hashobora kuba harabayeho ubwumvikane ku mande zombi, bakanzura kubeshya itangazamakuru.

Ati “The Ben na Mutabazi birashoboka ko baba barumvikanye ikiraka cy’uwo mwanya, bakanzura kubeshya ko basinye imyaka itanu kugirango iyo kipe ivugwe cyane ko yari nshya. Cyangwa se The Ben akaba yaratekewe umutwe.

Gusa nawe nubwo yaba yaratekewe umutwe, yari kujijisha akubaha izina rye, akamamaza iyi kipe niyo cyaba icyumweru kimwe none yarushye agitangira”.

Ubwo InyaRwanda yageragezaga kuvugisha buri umwe yaba The Ben cyangwa se Mutabazi James wa Orion Basketball Club, ntago Telefone zabo zabashije kuboneka ku murongo. Icyakora turakomeza gukurikirana iby’iyi nkuru.

Amasezerano yaba bombi abaye agihari, yakabaye agiye kugera muri kimwe cya kabiri cyayo kuko hashize imyaka ibiri, hari kuba hasigaye itatu.

Amasezerano ya The Ben na Orion BBC yaheze mu kirere 

The Ben ubwo yerekanwaga nk’ugiye kwamamaza ibikorwa bya Orion BBC

“>Reba ikiganiro kigaruka kuri aya masezerano

“>

Turamenyesha ko uwitwa HIRWA Bruce mwene Bimenyimana Philippe na Niyitegeka Victoire, utuye mu Mudugudu wa Rugarama, Akagari ka Rugarama, Umurenge wa Nyamirambo, Akarere ka Nyarugenge, mu Mujyi wa Kigali wanditse asaba uburenganzira bwo guhinduza amazina asanganywe ariyo HIRWA Bruce, akitwa BIMENYIMANA HIRWA BRUCE lan mu gitabo cy’irangamimerere. Impamvu atanga yo guhinduza izina ni Izina ry’umuryango.