Category: Uncategorized

Umuhanzi ukomoka muri Uganda, Eddy Kenzo yageze mu Rwanda abajijwe ku rukundo rwe n’Umunyamabanga wa Leta muri Minisiteri y’Iterambere ry’Ingufu n’Amabuye y’Agaciro muri Uganda, Phiona Nyamutoro yanga kugira byinshi abivugaho.

Mu gitondo cyo kuri uyu wa Gatanu tariki ya 29 Werurwe 2024 ni bwo uyu muhanzi yageze mu Rwanda aho yitabiriye igitaramo yatumiwemo na Nemeye Platini cya ‘Baba Experience’ kizaba ku munsi w’ejo ku wa Gatandatu muri Camp Kigali.

Uyu mugabo ntabwo itangazamakuru ryari kumurekura ritamubajije ku rukundo rwe na Minisitiri Phiona Nyamutoro aheruka no guherekeza yagiye kurahira.

Ubwo yari abajijwe niba koko bakundana, yagize ati “Ibyo tube tubiretse”. Mu gushaka nko kumwinja, umunyamakuru yamubajije niba yarishimiye kuzamurwa mu ntera k’umukunzi we, agira ati “yego”.

Phiona Nyamutoro yari asanzwe mu Nteko Ishinga Amategeko ya Uganda ahagarariye urubyiruko by’umwihariko akaba umunyamuryango wa NRM, Ishyaka riri ku butegetsi muri Uganda.

Tariki ya 22 Werurwe 2024 ni bwo Nyamutoro yagizwe Umunyamabanga wa Leta muri Minisiteri y’Iterambere ry’Ingufu n’Amabuye y’Agaciro muri Uganda. Aba bombi batangiye kuvugwa mu rukundo umwaka ushize ubwo Phiona yari akiri Umudepite.

Eddy Kenzo yari yaherekeje Phiona kurahira, aha bari kumwe na Perezida Yoweri Kaguta Museveni

Ubwo Phiona yarahiraga

Mu bakinnyi ba Filime bakize kurusha abandi, hari umutungo ubazwe mu buryo bw'amafaranga baba bafite ni kimwe mu byibandwaho harebwa urusha undi umutungo. 

Kuri uru rutonde higanjemo abakinnyi ba filime b’abagore bubatse izina banahuriye ku kuba bamaze igihe kinini muri sinema byumvikana ko uburambe bwabo muri uyu mwuga ari naho babashije gukura agatubutse.

Dore abagore 10 bo muri Sinema batunze agatubutse ku Isi mu 2024:

1. Jami Gerts ufite $3.2 Billion

Ku mwanya wa mbere mu bakinnyikazi ba filime bakize ku Isi mu 2024, hari icyamamarekazi Jami Gerts wamamaye muri filime nka ”Lost Boys’. ‘Less Than Zero’ n’izindi. Uretse kuba anakina filime, Jami Gerts ninawe waguze ikipe ya ‘Atlanta Hawks’ ikomeye muri NBA. Afite umutungo wa Miliyari 3.2  z’Amadolari.

2. Impanga za Olsen ($500 Millinon)

Abavandimwe babiri b’impanga aribo Mary-Kate Olsen na Ashley Olsen nibo bari ku mwanya wa kabiri. Bombi bamamaye cyane muri filime yitwa ‘Full House’ ndetse basanzwe ari n’abahanzi b’imideli. Batunze miliyoni 500 z’Amadolari.

3. Reese Witherspoon ($420 Million)

Icyamamarekazi muri Sinema, Reese Witherspoon wamamaye muri filime zitandukanye zirimo nka ‘Legally Blonde’, ‘Wild’, ‘Big Little Lies’ n’izindi, ndetse anakora ibikorwa by’ubucuruzi bw’imyenda ikorwa na kompanyi ye akaba anafite inzu itunganya filime yitwa ‘Hello Sunshine’. Reese afite umutungo wa miliyoni 420 z’amadolari.

4. Victoria Principal ($400 Million)

Umukinnyi wa filime akaba n’umwanditsi wazo, Victoria Ree Principal, wamamaye cyane kuva mu 2001 niwe uri ku mwanya wa kane. Victoria wanagannye ubucuruzi bw’ibikoresho by’ubwiza bikorwa na kompanyi ye ‘Principal Secret’ atunze miliyoni 400 z’amadolari.

5.Jessica Alba ($390 Million)

Icyamamarekazi muri Sinema, Jessica Alba, uzwiho kugira uburanga bukurura benshi, yatangiye kumenyekana akiri muto afite imyaka 13 gusa. Azwi cyane nko muri ‘Fantastic Four’, ‘Honey’, n’izindi. Uretse gukina filime Jessica Alba anafite kompanyi ikora ibikoresho by’abana yitwa ‘The Honest Company’ imwinjiriza agatubutse. Kuri ubu Alba atunze miliyoni 390 z’Amadolari.

6. Jennifer Aniston ($320 Million)

Undi mugore ufite izina rikomeye i Hollywood, Jennifer Aniston wamamaye cyane muri filime nyinshi nka ‘Friends’, ‘Just Go With It’, ‘Murder Mystery’, n’izindi. Aniston w’imyaka 55 y’amavuko atunze miliyoni 320 z’amadolari.

7. Julia Roberts ($255 Million)

Umunyabigwi muri Sinema anamazemo igihe, Julia Roberts, wubatse izina muri filime zitandukanye zitandukanye zirimo nka ‘Mystic Pizza’, ‘Steel Magnolias’, ‘Pretty Woman’ n’zindi. Julia Roberts afite umutungo wa Miliyoni 255 z’Amadolari.

8. Sandra Bullock ($250 Million)

Icyamamarekazi muri Sinema, Sandra Bullock wahoze ari umwarimu mbere yo gukina filime, azwi muri filime zirimo ‘Bird Box’, ‘The Proposal’, ‘Ocean’s 8’ yakinannye na Rihanna n’izindi. Sandra Bullock wagizwe umugore mwiza kurusha abandi mu 2015, atunze miliyoni 250 z’amadolari.

9. Julia Louis Dreyfus ($247 Million)

Umunyarwenyakazi Julia Louis Dreyfus anakina filime, wakunzwe muri ‘Downhill’, Tuesday’, Veep’ n’izindi. Julia ufite Se w’umuherwe witwa Gerard-Louis Dreyfus, nawe yabashije gukorers agatubutse muri Sinema, aho ubu atunze miliyoni 247 z’amadolari.

10. Jane Fonda ($200 Million)

Icyamamare muri Sinema, Jane Seymour Fonda w’imyaka 86 wamamaye muri filime nka ‘Grace and Frankie’, ‘Barbarella’, ’80 For Brady’ n’izindi. Jane Fonda unazwoho kuba akora ibikorwa byo kuvugira uburenganzira bw’abagore, atunze miliyoni 200 z’amadolari.

Kuri uyu wa Gatanu tariki 29 Werurwe 2024 ni bwo umunyabigwi mu muziki wa Africa y’Iburasirazuba, Edrisah Kenzo Musuuza wamamaye nka Eddy Kenzo, yageze ku kibuga cy’indege mpuzamahanga cya Kigali i Kanombe.

Yakiriwe na Nemeye Platini ari nawe wamutumiye mu gitaramo gikomeye cyo kwizihiza imyaka 14 amaze mu muziki yise ‘Baba Xperience’ giteganyijwe kuri uyu wa 30 Werurwe 2024 muri Camp Kigali.

Eddy Kenzo akigera ku kibuga cy’indege, yijeje abanyarwanda kuzabaha igitaramo kidasanzwe, avuga ko ubushuti bwe na Platini P bumaze igihe kinini kandi buhamye ari na cyo gitumye aza kumushyigikira.

Eddy Kenzo wavuze ko mu Rwanda ari mu rugo, yavuze ko iyo ari mu Rwanda akunda kurya ubugari ndetse avuga ko atibuka umunsi wa mbere aza mu Rwanda ariko ibyo ari byo byose akaba ari mu myaka 15 ishize.

Iki gitaramo Platini P agiye gukora, kizagaragaramo Eddy Kenzo, Urban Boyz, Kenny Sol n’abandi.

Eddy Kenzo yakiriwe na Platini P

Eddy Kenzo yatangaje ko azaririmba indirimbo zirimo ‘No one like me’ 

Benshi babifata nk’inzozi zizaba zibaye impamo kubona umukinnyi nka Noam Emeran yambaye umwenda uriho ibendera ry’u Rwanda akinira ikipe y’iguhugu Amavubi, gusa kugeza ubu uyu mukinnyi biracyagoranye.

Uyu rutahizamu usatira anyuze ku ruhande w’imyaka 21, akinira FC Groningen mu cyiciro cya kabiri mu Buholandi, ni nyuma yo kuva muri Manchester United.

Ni umwe mu bakinnyi bakabaye baremeye gukinira u Rwanda mu buryo bworoshye, ariko kuva muri 2021 babigerageza ntibirakunda.

Hari impamvu 2 zumvikana zari gutuma Noam Fritz Emeran yemera gukinira u Rwanda, iya mbere ni uko se umubyara, Emeran Fritz Nkusi yakiniye u Rwanda, iya kabiri ni uko nyina ari umunyarwandakazi.

Amakuru ISIMBI yamenye ni uko uyu mukinnyi yiteguye gukinira igihugu ababyeyi be bazamubwira gukinira.

Nyina we ku giti cye yumva yakinira u Rwanda, ariko impamvu byakomeje kugorana ni se, Emeran Fritz Nkusi kubera ko yababajwe cyane n’uburyo yakiniye u Rwanda ariko nyuma akamburwa ubwenegihugu.

Emeran Fritz Nkusi wari myugariro wo ku ruhande rw’iburyo, yakiniye Amavubi hagati ya 2005 na 2007. Nyuma y’uko u Rwanda ruhanwe kubera gukinisha Daddy Birori (hari mu ijonjora ryo gushaka itike y’igikombe cy’Afurika cya 2015) kubera ko yari afite imyirondoro inyuranye, hafashwe umwanzuro wo kwambura ubwenegihugu abakinnyi bose babuhawe kugira ngo bakinire u Rwanda, ni cyo cyiciro na Fritz Nkusi yabwambuwemo.

Muri 2021 nyuma yo kubona ko bigoye ko yakwemera ko umwana we yakinira u Rwanda, amaze kubatera utwatsi inshuro nyinshi, FERWAFA yagerageje no kwifashisha umwe mu bakinnyi bakinanye ngo abe yabimwumvisha ariko amutera utwatsi amubwira ko bitashoboka, ngo ntacyamwizeza ko umwana we na we atazamburwa ubwenegihugu.

Amakuru agera ku kinyamakuru ISIMBI ni uko aho ibintu bigeze ubu, uyu mubyeyi noneho yemeye ibiganiro ariko bitararangira kuko bivugwa ko hari amafaranga yasabye kugira ngo Emeran Noam aze gukinira u Rwanda.

Mu gihe byakunda nubwo bifite amanota make, muri Kamena 2024 Emeran Noam yazahamagarwa mu Mavubi azaba agiye gukina imikino ya Benin na Lesotho mu ijonjora ryo gushaka itike y’Igikombe cy’Isi.

Biracyagoranye ko Emeran Noam akinira Amavubi

Emeran Fritz Nkusi yababajwe n’uko bamwambuye ubwenegihugu

Kenshi usanga isi ya politike idahura cyane n'iy’imyidagaduro cyane ko ababibamo batabayeho ubuzima bumwe n'imikorere yabo isa nk’igenda ku mirongo ibiri iringaniye.

Akenshi abantu baba mu myidagaduro akabaye kose baba bashaka kugashyira hanze, nyamara byagera muri politike bigasaba kubanza gutekereza cyane.

Nubwo biba gacye, hari ubwo ababa muri ibi byiciro bibiri bagiye bisanga bakundana. Tugiye kugaruka ku bavuzwe cyane barimo Robert F Kennedy Jr uri mu biyamamariza kuyobora Amerika.

Cheryl Hines umugore wa Robert F Kennedy Jr

Cheryl Hines ni umukinnyi wa filime n'umunyarwenya ukomeye, akaba umugore wa Robert F Kennedy Jr wo mu miryango y'imbere muri politike ya Leta Zunze Ubumwe z'Amerika ndetse muri iyi minsi arimo kwiyamamariza kuyobora iki gihugu.

Andrew Cuomo na Sandra Lee

Mu myaka ya za 2000 ni bwo Andrew Cuomo yisanze mu rukundo n'icyamamare mu guteka no kwandika Sandra Lee, muri ibyo bihe byose bakaba barakomeje guhisha iby'urukundo rwabo.

Byaje kurangira Andrew abaye Guverineri wa Leta ya New York, gusa bakomeza gukundana batarigeze basezerana kuko Sandra Lee atari umuntu wizerera mu birebana n’ibyo.

Muri 2019 ni bwo baje gutandukana, biza no kurangira Cuomo ahatiwe kwegura ku mwanya wa Guverineri akurikiranweho ibyaha by'ihohotera rishingiye ku gitsina.

Sandra na we bidateye kabiri yambitswe impeta n'umukunzi mushya arusha imyaka myinshi.

Shery Lee Ralph na Senateri Vincent HughesUmugabo wa Kabiri w'umukinnyi wa filime n'umuhanzi Sheryl Lee Ralph ni Senateri wa Leta ya Pensylvania, akaba yitwa Vincent Hughes. Ubwo basezeranaga muri 2005, Ralph yakerewe kugera ahabereye isezerano ryabo ho isaha yose. Ni ubukwe bwaritabiwe n'abagera kuri 425, bususurutswa na Korali y’abagera kuri 82.

Perezida Nancy Reagan na Jane Wyman

Perezida Ronald Reagan yabaye Umukuru w'Igihugu cya Leta Zunze Ubumwe z'Amerika wa 40, mbere yaho ariko yari umukinnyi wa filime akanaba mu rukundo na Jane Wyman wari icyamamare kumurusha.

Aba bombi baje gusezerana kubana, babyarana abana 2, batandukana umugabo agikunda bikomeye uyu mugore.

Uyu mugabo yaje no kumwandikaho mu gitabo ariko Jane we akomeza guceceka kugera muri 2004 ubwo uyu mugabo yitabaga Imana.

Uyu mugore yashyize hanze ubutumwa bw’agahinda bugira buti: 'Amerika yahombye Perezida w’akataraboneka, igitangaza, umugwaneza kandi wiyoroshya.'

Rosario Dawson na Senateri Cory Booker

Ubwo Senateri Cory Booker yiyamarizaga kuba Perezida muri 2020, yari atangiye gukundana na Rosario Dawson icyamamare mu gukina filime.

Bari barahuye muri 2018, batangira gukundana muri 2019 ndetse byari ibyishimo kuri Rosario Dawson. Byaje kurangira Cory atabashije gutsinda, ariko bakomeza gukundana ndetse bari mu bitabiriye umuhango w’irahira rya Joe Biden mu 2021.

Aba bombi ariko baje gutandukana biyemeza gukomeza kuba inshuti.

Marilyn Monroe na Perezida John F Kennedy

Umukinnyi w'icyamamare wa filime Marilyn Monroe yakomeje kuvugwaho kuryamana na Perezida John F Kennedy ndetse byemezwa ko uyu mugore mbere yo kwitaba Imana yabanje guhamagara umugore wa JFK akamusaba imbabazi ko yamucaga inyuma.

Perezida Nicolas Sarkozy na Carla Bruni

Umuhanzikazi w'umunyamideli Carla Bruni yamamaye cyane muri 2002 ubwo yashyiraga hanze Album ye ya mbere. Yaje gusezerana kubana na Perezida Nicolas Sarkozy mu bukwe bwitabiriwe n'abantu bacye ba hafi yabo. Mu gihe umugabo we yari ku butegetsi, Bruni yakomeje gukora umuziki.

Daryl Hannah na John F Kennedy Jr

Umukinnyi wa filime Daryl Hannah yakundanyeho na JFK Jr wo mu miryango ya ba Kennedy abanyapolitike b'imbere bari bishimanye bagaragara babyinana ahirengeye ku nyubako.

JFK Jr yaje kwitaba Imana azize impanuka, ibintu byakomerekeje cyane Daryl Hannah.

Taylor Swift na Conor KennedyTaylor Swift ubwo yari afite imyaka 22 yakundanyeho na Conor Kennedy wari ufite imyaka 18 maze n’imiryango irabashyigikira dore ko Taylor Swift yari yarakoze indirimbo ivuga ku buhangange bw’uyu muryango.