Category: Uncategorized

Tariki 17 Mata 2024 hasohotse ubutumwa busaba umuntu ku giti cye, abafite ibikorwa by'ubwubatsi aho imodoka ziva cyangwa zinjira kuri ku cyubakwa, ibirombe n'ahandi ko bagomba kubanza koza amapine y'imodoka mbere yo kwinjira mu muhanda wa kaburimo.

Ub butumwa bwavugishije benshi ku rukuta rwa X yahoze ari Twitter bibaza niba umuntu utwaye imodoka avuye ahari umuhanda w'igitaka azajya abanza koza amapine n'imodoka mbere yo kwinjira muri kaburimbo.

Uwiyita Mutwarasibo yagize ati 'None muretse kwigiza nkana umuntu azajya ava murugo nagera kuri kaburimbo abanze ahagarare boze imodoka ahubwo nimudukorere imihanda kuko natwe sitwe dukunda gutaha mu byondo.'

Eric Nkunda we yibajije ati 'Ubu se umuntu wese uvuye mu muhanda w'igitaka agomba guca mu kinamba? Umuganda dusanzwe tuwukora ariko hari imihanda minini umuganda utagira icyo umara, urugero batanze ni uriya wa Rebero ugera Mageragere.'

Ubuyobozi bw'Umujyi wa Kigali bubinyujije kuri X bwasobanuye ko abagomba kwitwararika ku bikorwa byo kwanduza imihanda ari abatwara imodoka zitwaye amabuye, umucanga n'igitaka byuzuye cyane ku buryo bigenda bimeneka mu muhanda.

Bugira buti 'Ubutumwa twatanze bureba cyane cyane imodoka zikora mu bwubatsi zitwara igitaka, imicanga n'ibindi zikarenza ibyo zemerewe gutwara bikagenda bimeneka mu muhanda bikawanduza.'

Turabashimira ibitekerezo mwatanze, byatweretse ko gahunda y’isuku muyishyigikiye. Ubutumwa twatanze bureba cyane cyane imodoka zikora mu bwubatsi zitwara igitaka, imicanga n’ibindi zikarenza ibyo zemerewe gutwara bikagenda bimeneka mu muhanda bikawanduza.#IsukuHose pic.twitter.com/3v1w5I1dBW

— City of Kigali (@CityofKigali) April 18, 2024

Umujyi wa Kigali umaze imyaka myinshi uyoboye indi yose ya Afurika ku byerekeye isuku n'umutekano ndetse ni intego ukomeyeho mu rwego rwo gukomeza gukurura ishoramari mvamahanga n'abakerarugendo b'ingeri zitandukanye.

Abatwara ibinyabiziga bapakiye umucanga n’amabuye banduza imihanda baburiwe

Muri iy'inkuru tugiye kuvuga ku bahagaze neza kugeza ubu muri Afurika bishingiye ku birori n'ibitaramo bamaze gukoramo n'uburyo usanga umuryango mugari waramaze kubabonamo icyizere kiruseho.

Uncle Waffles

Yavukiye mu gace ka Lungelihle Zwane muri Eswatini, ubu akorera ahanini muri Afurika y’Epfo , ikinyamakuru cya Billboard cyamaze ku mubatiza izina ry'Igikomangomakazi cy'injyana y'Amapiano.

Bitewe n'ubuhanga bwe, Drake ari mu bantu bamukurikirana byihariye, ari muri bake kandi bamaze guca agahigo ko gucuranga mu iserukiramuco ry'umuziki n'ubuhanzi rya Coachella.

Ni we kandi wasusurukije abitabiye iserukiramuco rya Global Citizen muri Accra mu mwaka wa 2022.

Dope Caesar

Sarah Oboh [Dope Caesar ni umunya-Nigeria umaze imyaka irenga itandatu avanga umuziki, yasoreje muri Vibes DJ Academy, afite ubuhanga mu guhuza indirimbo nyinshi mu buryo bwihariye [Mix] uhereye kuri Brick&Love yakunzwe na benshi.

DJ Ghboi

Akorera ahanini muri Beijing na Accra, afite umwihariko wo guhuza injyana zo mu mico inyuranye bikanyura ababyumva, uburyo kandi yitwara ku rubyiniro nabyo birushaho kongera umunyu mu byo akora.

DJ Alba Nalo

Akorera muri Windhoek mu gihugu cya Namibia, amaze imyaka 7 akora uyu mwuga, ari mu bitabazwa cyane muri iki gihugu, yitabajwe kandi nk'umujyanama w'abakora uyu mu mwuga na Komisiyo y'Abongereza mu Karere ka Afurika y'Amajyepfo.

DJ Zinhle

Amaze ibinyacumi asusurutsa abantu  mu birori n'ibitaramo bitandukanye, abaha umuziki uvanganye ubuhanga bwihariye akomoka muri Afurika y’Epfo.

Umutungo wa DJ Zinhle ubarirwa muri Miliyari  hafi 4 Frw, afite imbuga nkoranyambaga akurikirwaho na za Miliyoni.

DJ Pierra Makena

Makena we amaze kugwiza ibigwi muri Afurika y'Iburasirazuba, ni Umunya-Kenya ibihugu bitari bike biramwitabaza nk'u Burundi, Ghana, Nigeria na Leta Zunze Ubumwe z'Amerika mu bitaramo, ibirori n'ibindi bikorwa bihuza abantu benshi.

DJ Poizon Ivy

Ubusanzwe yitwa Ivy Awino yavukiye muri Nairobi, Kenya akurira muri Dallas muri Leta ya Texas, amaze kuba igikingi gikomeye mu kuvanga umuziki.

Ibintu akora abihuza no gucuranga ibicurangisho by'umuziki bizwi nka Piano na Cello yakoreye radiyo ya iHeart Media muri Amerika ndetse aca agahigo ko gucuranga mu isabukuru y'imyaka 20 ya  WNBA.

Ni we kandi DJ wihariye w'itsinda rya Dallas Maverick, ibikorwa byinshi amaze gukora bishimangira ibigwi mu muziki.

DJ Kess

Akomoka muri Ghana, ubuhanga bwe mu kuvanga umuziki bwaciriye inzira n'abandi bari n'abategarugori bakora umwuga nk’uwe wo kuvanga umuziki.

Amaze igera  imyaka kuri 15 atangiye kubikora by'umwuga, akunze kwambara nk'umugabo, yacuranze mu mwaka wa 2011 muri Big Brother Africa.

Gutangira kuvanga umuziki byaje ubwo yigaga mu mashuri yisumbuye ku kigo bagura Turntable aba ari we wenyine wifuza kuyigerageza.

Handi na Wanni

Ni itsinda ry'impanga zo muri Nigeria, bamaze kugwiza ibigwi mu kuvanga umuziki, uyu mwuga bakaba barawutangiye ubwo bakoraga kuri televiziyo bizakurangira bisanze bakunda umuziki, mu 2021 batangira kujya bavanga umuziki bataramiye mu birori bya Spotify Heat.

DJ Nana

Yavukiye mu Ntara ya Kogi muri Nigeria, ari mu bavanzi b'umuziki bakiri bato kandi bakomeje kugaragaza impinduka mu ruganda rwo kuvanga umuziki.

Yamamaye cyane nyuma yo kwegukana irushanwa rya Cool FM, yagiye ahatanira ibihembo bitandukanye yaba imbere mu gihugu no hanze yacyo.

Aba bari n'abategarugori bose twagarutseho bakomeje kwerekana itandukaniro rikomeye mu muziki, bikomeje no gutera imbaraga abandi batari bake babafatiraho urugero.

Kuwa 05 Mutarama 2024 ni bwo Kenny Sol yasezeranye mu mategeko na Kunda Alliance Yvette kuri ubu bakaba basangije ababakurikira ubutumwa bugaragaza ko bagiye kunguka umwana.

Ubutumwa bashyize hanze Kenny Sol agaragara afashe kunda y'umugore we nkuko bombi banezerewe bongera bati'Babiri muri umwe.'

Basaba nkabakomoza ku kuba barahuje kandi bakaba bagiye kunguka uwo Imana yifuje ko bagira ariyo mfura yabo.

Kenny Sol yaherukaga kumvikana avuga ko mu bintu bya mbere abayumva afitiye amatsiko ari ukuzabona umunsi ugera akabona uwo yibarutse [Aga Kenny gato nkuko yabivuze].

Abantu batandukanye barase amashimwe uyu muryango mushya nka Miss Nishimwe Naomie wabifurije guhirwa.

Uyu mugabo mu busanzwe afite imyaka 27 yasoreje yize mu bigo birimo Musambira mu mashuri yisumbuye azagukomereza muri Nyundo Music.

Yatangiye akorera muri Yemba Voice azagukomeza afashwa na Bruce Melodie mu gitangaza agira igihe cyo kwikorana nk'umuhanzi ku giti cye kuri ubu akaba ari umwe mu bagize 1:55AM.

Kenny Sol na Kunda Alliance baheruka gusezerana kubana imbere y’amategeko bagiye kunguka imfura yaboIbyishimo ni byose mu muryango mushya wa Kenny Sol na Kunda Alliance bitegura kwibaruka 

Uyu musore yagize izina rikomeye mu batunganya indirimbo mu Rwanda, nyuma y’uko arambitse ikiganza ku ndirimbo ‘Funga Macho’ ya Bruce Melodie.

Yabaye ikimenyabose, nyuma y'uko Shaggy wamamaye ku Isi ahuje imbaraga na Bruce Melodie basubiramo iyi ndirimbo 'When she's around', ndetse baje no kuyishyira mu rurimi rw'Igifaransa mu rwego rwo kwagura imbago z'ayo.

Iyi ndirimbo yatumye Bruce Melodie ataramira ku nshuro ye ya mbere muri Leta Zunze Ubumwe za Amerika, ndetse agaragara mu biganiro bikomeye muri kiriya gihugu nka 'Good Morning'.

Yanamushyize ku rundi rwego abasha kuba umuhanzi wa mbere w'umunyarwanda wagize indirimbo yashyizwe ku rutonde rwa Billboard.

Mu kiganiro cyihariye na InyaRwanda, Prince Kiiiz yavuze ko nubwo hari abavuga ko akiri umwana, ariko ibikorwa bye byagaragaye kuri Billboard.

Ati “Ndumva nshaka gukomeza kuba umwana nkora utwo tuntu twihariye…Nanjye narabibonye kuri ya shene yabo [Ya 1:55 Am bavuga ko ari umwana], bagereranya, ariko njye nta kintu bimpinduraho, akazi ni akazi.”

Muri uyu mwaka, uyu musore amaze gukora indirimbo eshatu z’abahanzi banyuranye ariko kandi yanagize uruhare mu gukora indirimbo ebyiri ziri kuri Album ya Papa Cyangwe.

Kandi yumvikanisha ko mu mpeshyi y’uyu mwaka wa 2024, afite indirimbo nyinshi ari gukoraho zirimo na Album ya Bruce Melodie ‘iriho indirimbo nyinshi’.

Muri Werurwe 2024, yajyanye na Bruce Melodie ndetse na Kenny muri Kenya mu bikorwa byari bishamikiye ku kumurika ibihangano by'uyu muhanzi.

InyaRwanda yabonye amakuru avuga ko mu byo Prince Kiiiz yaganiriye na Bruce Melodie ndetse na Kenny Mugarura harimo no kuba yasinya muri 1:55 AM.

Bamubwiye ko bazamuha Miliyoni 30 Frw ariko undi ababera ibamba, avuga ko ari make  ugereranyije n'ibikorwa bye. Mu 2023, ubwo byavugwaga ko Kiiiz agiye kwinjira muri 1:55 AM yahabwaga Miliyoni 20 Frw arazanga, bigera n'ubwo ahabwa Miliyoni 25 Frw.

Kiiiz yabwiye InyaRwanda ko ibiganiro byabaye ntacyo byatanze, kuko iyo biza gukunda yakabaye yaratangiye gukora muri 1: 55 AM. “Nta ‘deal’ ziri hagati aho, niba zinahari zarapfuye?

Uyu musore avuga ko aya mafaranga aba ari make cyane ahanini bitewe n’ibiba bikubiye mu masezerano. Abajijwe niba byaratewe n’uko yaba yarasabwe kujya akorera indirimbo gusa Bruce Melodie, Kiiiz yavuze ko atariko bimeze.

InyaRwanda ifite amakuru yizewe avuga ko amasezerano Prince Kiiiz yari afite muri studio ya Country Records yarangiye, ariko yakomeje akazi mu gihe ategereje  ko yicarana n'ubuyobozi bw'iyi studio bakongera amasezerano cyangwa se bagaharika imikoranire.

Ubwo yari mu kiganiro na InyaRwanda Tv, Prince Kiiz yumvikanishije ko amasezerano ye atari kurangira muri Werurwe 2024 nk'uko byavuzwe. Yasubije ko ikintu gituma akomeza gukorera ahantu ‘ari amasezerano’, kuko muri we aba atekereza ko byaba byiza agize studio ye bwite azajya akoreramo indirimbo.

Mu ndirimbo Prince Kiiiz akora, ahanini zumvikanamo umwihariko n'ibicurangisho bidasanzwe byumvikana mu ndirimbo zo mu Rwanda ari nacyo ashimangira ko gifasha ibikorwa bye kutisanisha n'ibyakozwe n'abandi.

Mu Rwanda hari abahanzi bakomeye batarakorana nawe. Ariko bake bakoranye nawe bagaragaza ko afite ahazaza heza.

Atangira urugendo rwa 'Production' yahereye ku gutunganya indirimbo nyinshi zitandukanye ariko iyakunzwe cyane ni ''Funga Macho'' ya Bruce Melodie yakoze mu 2022.

Yanakoze indirimbo ya Alyn Sano yitwa 'Boo and Bae' aho yagize uruhare runini mu myandikire yayo ndetse no kuyirangiza. Hari kandi 'Addicted' ya Kenny Sol n'iya Calvin Mbanda yitwa 'Joliki'.

Prince Kiiiz avuga ko afite intego yo 'gushyira umusanzu ku ruganda rw'umuziki nyarwanda no guhindura imikorere imwe n’imwe ku bijyanye no kwandika indirimbo ndetse na mix na mastering aho byari bisanzwe bizwi ko zirangirizwa ahandi, njye nkagerageza kujya mbikora byose; mbigira nk’umwihariko wanjye.'

Prince Kiiiz yavuze ko atarava muri Country Records nubwo amakuru avuga ko amasezerano ye yageze ku musozo

Kiiiz avuga ko mu mpeshyi y'uyu mwaka azashyira hanze ibihangano binyuranye

Prince ntiyerura cyangwa ngo yemeza Miliyoni 30 Frw yahawe na 1:55 AM ya Coach Gael kugirango ayikorere

Byatangiye Prince Kiiiz ahabwa Miliyoni 20 Frw zigenda zizamurwa bitewe n'ibihe n'ibyo yifuzaga gukorana na 1:55 AM

Kiiiz yavuze ko ibiganiro yagiranye n'abarimo Bruce Melodie ubwo bari muri Kenya ntacyo byatanze

Prince Kiiiz ari kumwe n'Umuyobozi wa Country Records, Nduwimana Jean Paul 'Noopja'- Aha yakiraga igikombe mu byatanzwe na Isango na Muzika Awards

KANDA HANO UREBE IKIGANIRO TWAGIRANYE NA PRINCE KIIIZ

“>

Minisiteri ya Siporo (MINISPORTS) yasabye abakinnyi b’Abanyarwanda bakina hanze ya rwo bifuza kuba bakinira amakipe y’Igihugu y’u Rwanda kwiyandikisha binyuze kuri ‘form’ yatanze.

Ni itangazo iyi Minisiteri yashyize ku mbuga nkoranyambaga za yo, rireba gusa abakinnyi baba hanze y’u Rwanda, bakina imikino itandukanye bakaba bifuza gukinira u Rwanda ko bakwiyandikisha.

Iri tangazo riragira riti “Uri umukinnyi w’umunyarwanda uba hanze ya rwo? Ufite ubushakte bwo gukinira igihugu cya we, iyandikishe nonaha.”

Iyi Minisiteri ikaba yashyize hanze ‘form’ buzuza iboneka ku rubuga rwa yo aho umukinnyi ajya agashyiramoimyirondoro ye yose.

U Rwanda rumaze igihe cyane cyane mu mupira w’amagururushaka abakinnyi bafite inkomoko mu Rwanda, bakuriye hanze bakabaganiriza ngo barebe ko bakwemera gukinira Amavubi, hari abo byemeye ariko hari n’abandi bitarakunda ibiganiro bigikomeje.

Rwanda Sports calls on all Talented and Ambitious Rwandan Athletes from the diaspora to play for the Motherland in various sports disciplines.

Please fill out and submite the form bellow.https://t.co/XslcNCFQDe pic.twitter.com/N3uSLDilUm

— Ministry of Sports|Rwanda (@Rwanda_Sports) April 19, 2024

Umuhanzi Nyarwanda, Rusanganwa Norbert [Kenny Sol] n’umugore we Kunda Alliance Yvette baritegura kwibaruka imfura ya bo.

Ni nyuma y’amezi 4 Kenny Sol na Alliance basezeranye imbere y’amategeko mu muhango wabereye mu murenge wa Nyakanga tariki 1 Mutarama 2024.

Abinyujije ku mbuga nkoranyambaga ze, Kenny Sol yashyizeho amafoto agaragaza ko we n’umugore we usanzwe uba muri Canada bitegura kwibaruka.

Amakuru avuga ko Kenny Sol na we yaba yitegura kujya kuba muri Canada asanzeyo umugore we.

Gusa uyu muhanzi ubwo yari abajijwe niba koko afite gahunda yo kwimuka akajya muri Canada, yasubije ko nta hantu heza ho gutura nko mu Rwanda ariko na none buri muntu afite uburenganzira bwo gutura aho ashaka ku Isi.

Kenny Sol na Alliance baritegura kwibaruka

Ikigo cy'Igihugu cy'Ibarurishamibare giherutse gutangaza ko mu 2023, umusaruro mbumbe w'u Rwanda wari miliyari 16.355 Frw uvuye kuri miliyari 13.720 Frw mu 2022. Ubuhinzi bwatanze 27% by'umusaruro mbumbe wose, inganda zitanga 22%, serivisi zitanga 44% naho ibindi bisigaye bigira 7%.

Ni mu gihe muri uri uyu mwaka wa 2024, hari ibihugu bikomeye bifite ubukungu buri hejuru cyane ku isi, hashingiwe ku musaruro mbumbe wabyo (GDP).

Dore ibihugu 10 bya mbere mu bukungu/ bikize cyane ku Isi mu 2024, hashingiwe ku makuru atangwa na IMF yashyizwe ahagaragara ku ya 10 Mata:

1.     Leta zunze ubumwe za Amerika

Leta Zunze Ubumwe za Amerika nicyo gihugu kiza ku mwanya wa mbere mu bihugu bifite ubukungu buri hejuru ku Isi, kikaba n'igihugu cya mbere gikize cyane, kikaba gikomeje gushikama kuri uyu mwanya wa mbere cyicayeho kuva mu 1960 kugeza mu 2023. Ubukungu bw'iki gihugu bufite ubudasa, kuko ahanini bushingiye ku nzego zikomeye zirimo urw'imari, inganda, serivisi zitandukanye ndetse n'ikoranabuhanga riteye imbere.

Amerika, ishyira imbaraga cyane mu guteza imbere umuco wo guhanga udushya no kwihangira imirimo, ikagira uburambe mu by'ubucuruzi ndetse n'ibikorwa remezo bihamye. Muri uyu mwaka, umusaruro mbumbe (GDP) w'iki gihugu ungana na Miliyari 27.974 z'Amadolari, ukaba wariyongereyeho 1.5% ugereranije n'umwaka ushize.

2.     U Bushinwa

U Bushinwa bwarazamutse cyane mu iterambere ry'ubukungu, buva ku mwanya wa kane mu 1960 bugera ku mwanya wa kabiri mu 2023. Ubukungu bw'u Bushinwa ahanini bushingiye ku nganda, ibyoherezwa mu mahanga n'ishoramari. Hamwe no kugira ubukungu bugirwamo uruhare rufatika na guverinoma, u Bushinwa bumaze kugira imirimo myinshi n'abakozi benshi, iterambere rigaragara ry'ibikorwa remezo, ndetse n'isoko ryagutse ku rwego mpuzamahanga. Iki gihugu, gifite umusaruro mbumbe wa Miliyari 18.566 $, ukaba warazamutse ku kigero cya 4.2%.

3.     U Budage

Ubukungu bw'u Budage bwibanda cyane ku byoherezwa mu mahanga, kandi iki gihugu kizwiho ubuhanga mu bijyanye n'ubwubatsi, ibinyabiziga no gukora imiti. Iki gihugu gikura inyungu mu bakozi bacyo bafite ubumenyi, ubushakashatsi bukomeye, ibikorwa by'iterambere, ndetse no kwiyemeza guteza imbere guhanga udushya. Umusaruro mbumbe w'u Budage wiyongereyeho 0.9%, ukaba ukangana na Miliyari 4.730 z'amadolari.

4.     U Buyapani

Ubukungu bw'u Buyapani bugaragarira ahanini mu ikoranabuhanga ryaho riteye imbere, ubuhanga mu gukora, na serivisi z'inganda. Inzego zaho zikomeye zirimo iz'ibinyabiziga, ibikoresho bya Elegitoronike, imashini, hamwe n'urw'imari. Umusaruro mbumbe w'u Buyapani ugeze kuri miliyari 4.291 z’amadolari, ukaba wariyongereye ku kigero cya 1.0% ugereranije n'umwaka ushize.

5.     U Buhinde

U Buhinde buza ku mwanya wa 5 mu bihugu bifite umusaruro mbumbe (GDP) uri hejuru ku Isi mu 2024. Ubukungu bw'u Buhinde bufite ubudasa bw'iterambere ryihuse bushyimangirwa n'inzego z'ibanze muri iki gihugu zirimo iz’ikoranabuhanga mu itumanaho, serivisi, ubuhinzi n’inganda. Umusaruro mbumbe ugeze kuri miliyari 4.112 z’amadolari, ukaba wariyongereye ku kigero cya 6.3%.

6.     U Bwongereza

Ubukungu bw'u Bwongereza bugizwe ahanini na serivisi, inganda, imari, n'inzego zo guhanga udushya. London ikora nk'ihuriro ry'imari ku Isi yose binyuze mu gukurura ishoramari ry'amahanga. 

Kwiyongera mu bukungu mu Bwongereza byatewe n'ubufatanye bw'Isi yose mu bijyanye n'ubucuruzi. Umusaruro mbumbe w'iki gihugu uhagaze kuri Miliyari 3,592 $, ukaba wariyongereyeho 0.6%.

7.     U Bufaransa

Byari biteganyijwe ko u Bufaransa buzagira GDP igera kuri miliyari 2,920 z’amadolari ya Amerika mu 2023, birangira ugeze kuri miliyari 3,182 z'amadolari. Ubukungu bw'u Bufaransa bushimangirwa ahanini n'inganda, ubukerarugendo, ibicuruzwa bihenze n'urwego rw'ubuhinzi. Iki gihugu kizwiho kugira imibereho myiza, ibikorwa remezo biteye imbere n'ishoramari ryinshi mu bushakashatsi n'iterambere. Umusaruro mbumbe w'u Bufaransa wiyongereyeho 1.3% ugereranije n'aho wari uhagaze mu mwaka ushize.

8.     U Butaliyani

U Butaliyani bufite isoko ryateye imbere cyane, buka ari igihugu cya 3 gifite ubukungu buri hejuru mu bihugu by'Ubumwe bw'ibihugu by'u  Burayi. Iki gihugu kizwiho kugira ubucuruzi bukomeye kandi buteye imbere, ndetse n'inganda zikorana umwete kandi zipiganwa ku isoko mpuzamahanga. Umusaruro mbumbe w'iki gihugu ugeze kuri miliyari 2,280 z’amadolari, ukaba wariyongereye ku kigero cya 0.7%.

9.     Brazil

Ubukungu bwa Brazil bugaragarira mu byiciro byinshi bikubiyemo ubuhinzi, ubucukuzi bw’amabuye y’agaciro, inganda na serivisi zitandukanye. Ikigaragara ni uko iki gihugu ari ihuriro rikomeye ku Isi mu bijyanye n'umusaruro w'ubuhinzi no kohereza ibicuruzwa mu mahanga. Umusaruro mbumbe w'iki gihugu wiyongereyeho 1.5%, ukaba ugeze kuri miliyari 2,272 z’amadolari.

10. Canada

Ubukungu bwa Canada bushingiye cyane ku mutungo kamere w'iki gihugu, bukubiyemo peteroli, gaz, amabuye y’agaciro, n'imbaho. Byongeye kandi, iki gihugu gifite serivisi zateye imbere, inganda zikora neza, cyashyize imbaraga mu guteza imbere udushya n'iterambere ry'ikoranabuhanga. Umusaruro mbumbe w'iki gihugu wazamutse ku kigero cya 1.6%, uhagaze kuri Miliyari 2,242 z’amadolari.

  

Ni intambwe ikomeye ateye mu muziki we kuko ateguye igitaramo kidasanzwe mu gihe gito cyane kingana n’imyaka itatu n’amezi macye amaze mu muziki dore ko yawutangiye muri Covid-19. Abaye umuramyi wa kabiri mu Rwanda ukora umuziki ku giti cye uteguriye igitaramo muri BK Arena nyuma ya Israel Mbonyi umaze kuhataramira inshuro ebyiri.

Chryso Ndasingwa akorera umurimo w’Imana muri New Life Bible Church Kicukiro. Yavukiye i Nyamirambo mu Mujyi wa Kigali, akurira mu muryango w'Abakristo Gatolika, nyuma aza kwimukira mu itorero rya New Life Bible Church ari na ho abarizwa kugeza ubu. Yatangiye umuziki mu buryo bw’umwuga mu gihe cya Covid-19.

Uyu musore watangiye umuziki wo kuramya no guhimbaza Imana mu buryo bw'umwuga mu bihe bya Covid-19, aho yagendaga aririmba indirimbo zo mu gitabo akazisubiramo mu buryo bugezweho. 

Ni indirimbo zashyirwaga kuri YouTube ye, abenshi bakagaragaza ko afite impano kugeza ubwo nawe aje gushyira hanze indirimbo ye bwite yise 'Mubwihisho'.

Mu gihe kitari kirekire amaze mu muziki, amaze gushyira hanze indirimbo zitandukanye zirimo eshanu yashyize hanze mu 2022 ziri kuri EP [Extended play] ye yise 'Wahozeho'.

Iyi EP iriho indirimbo zirimo “Ntajya ananirwa”, “Nta yindi Mana”, “Wahozeho” ndetse na “Biratunganye” yakoranye na Uwineza Rachael. Chryso Ndasingwa avuga ko ubutumwa buri kuri iyi EP bugaruka ku kongera kwibutsa abantu ko urukundo rw'Imana ruriho kandi ruzahoraho.

Mu 2022, uyu muramyi yahuriye n'abarimo Aime Uwimana, Christian Irimbere, Arsène Tuyi, Chryso Ndasingwa, Rene Patrick na Tracy Agasaro ndetse na Simon Kabera watunguranye, mu gitaramo cyabereye muri Kigali Convention Center, ku mugoroba wo ku wa 23 Ukuboza 2022, mbere y'amasaha make ngo Abakirisitu bizihize ibirori bya Noheli. 

Ni igitaramo cyari gifite intego ivuga ngo 'Christmas Thanksgiving Worship' cyari kigamije gushima Imana, cyateguwe n'Ihuriro Irere Family Network ryashinzwe na Nirere James n'umugore we Nirere M. Jackie.

Mbere yaho gato, nabwo uyu muhanzi yari yaririmbye mu gitaramo yahuriyemo n'abarimo Ben na Chance cyiswe 'Igicaniro Concert' cyategurwaga na Prayer House ku bufatanye n'ikigo RG Consult gitegura ibitaramo ngarukakwezi.

Tariki 05 Gicurasi 2024 ni bwo amaso yose y’abakunzi b’umuziki wa Gospel mu Rwanda azaba yerekejwe i Remera kuri BK Arena ahazabera igitaramo cy’amateka cy’umukozi w’Imana, Chryso Ndasingwa, aho azaba amurika umuzingo we wa mbere yise ‘Wahozeho’ ugizwe n’indirimbo 18 zatumbagije izina rye. 

Ni igitaramo cyiswe “Wahozeho Album Launch” akaba ari na cyo cya mbere uyu muramyi uri no kuminuza muri tewolojiya azaba akoze mu mateka ye. Iki gitaramo yacyitiriye indirimbo ye yabaye intero n’inyikirizo ku bakunzi benshi b’umuziki wa Gospel, iyo akaba ari iyitwa “Wahozeho”. 

Mu kiganiro na InyaRwanda, Chryso Ndasingwa yabajijwe uko yiyumva kuba agiye gukorera muri BK Arena igitaramo cye cya mbere, asubiza ko ari inzozi ze zibaye impamo. Yagize ati “Ndumva nezerewe cyane kuko cyari icyifuzo maranye iminsi myinshi, none ndashima Imana ko yaduciriye inzira”.

Yavuze ko Album ye ya mbere “Wahozeho” agiye kumurika igizwe n’indirimbo 18 zikubiyemo ubutumwa bw’amashimwe menshi ku Mana nk’uko umwanditsi wazo abisobanura ati: “[Album] Isobanuye ikoraniro y'abantu batabarika bazanye intego imwe yo kuramya uwahozeho kandi uzahoraho”.

Muri iki gitaramo Chryso Ndasingwa azaba ari kumwe n’abaramyi basizwe amavuta y’Imana barimo Aime Uwimana, Josh Ishimwe, Papi Clever na Dorcas, True Promises Ministries na Asaph Music International. Imiryango izaba ikinguye kuva saa kumi z’umugoroba.

Amatike yo kwinjira muri uyu mugoroba w’amashimwe uzayoborwa na Tracy Agasaro, yamaze kugera hanze, akaba aboneka kuri www.ticqet.rw. Ushobora no guhamagara nimero zikurikira bakagufasha kubona itike byoroshye; 0784237492; 0788838879; 0788622852.

Abari kugura amatike mbere y’uko igitaramo kiba bari kubyungukiramo cyane kuko ibiciro biri hasi. Itike ya Silver [mu myanya isanzwe] iragura 5,000 Frw mu gihe ku munsi w’igitaramo izaba igura 10,000 Frw. Itike ya Premium iragura 10,000 Frw mu gihe ku ku muryango izaba igura 15,000 Frw.

Itike ya Gold iragura 12,000 Frw mu gihe ku munsi w’igitaramo izaba igura 17,000 Frw. Platinum iragura 15,000 Frw mu gihe izaba igura 20,000 Frw ku munsi w’igitaramo. Itike ya Diomond wagereranya na VVIP iragura 20,000 Frw mu gihe ku munsi w’igitaramo izaba igura 25,000 Frw.

Umuhanzi Chryso Ndasigwa ategerejwe muri BK Arena mu gitaramo azamurikiramo umuzingo we wa mbere

Ni igitaramo yatumiyemo abaramyi bakomeye hano mu Rwanda 

Kuwa 18 Mata 2024 nibwo inkuru y’icamugongo yamenyekanye ko ku isaha ya saa 13:20 ku masaha yo mu Rwanda, Umugaba w'Ingabo za Kenya, Gen Francis Ogolla n’abo bari kumwe bakoze impanuka y'indege.

Nyuma Perezida wa Kenya, William Kipchirchir Samoei Arap Ruto yatangaje ko iyi mpanuka yaguyemo abasirikare 10 barimo Gen Francis Ogolla, yavuze ko yari intwari asaba ko amabendera yururutswa ko iki gihugu kinjiye mu bihe bidasanzwe by''icyunamo cy'iminsi itatu.

Iyi ndege ikaba yarimo abantu 12 babiri bakaba aribo barokotse, itsinda rya gisirikare rifatanyije n'izindi nzego bakaba bahise batangira iperereza ku mvano y'uru rupfu.

Umukobwa wa Gen Ogolla, Lorna yashyize hanze ubutumwa bw'akababaro, agaragaza ko Se yari umugaba w'ibikorwa kurusha amagambo kandi ko asoje urugendo rwe akora ibyo yari amaze imyaka 40 akora neza nk'umusirikare urinda ubusugire bw'igihugu.

Lorna yagize ati'Data yari umuyobozi w'icyubahiro waharaniye gushyira mu bikorwa  inshingano ze kandi wumvaga buri umwe akishyira mu mwanya we, yitabye Imana azize mu mpanuka y'indege.'

Akomeza agira ati'Yarimo akora ibyo yakoraga neza, agerageza guha umutekano ukwiye Kenya mu myaka 40. Umunsi umwe nzabara inkuru y'uburyo yigishaga akoresheje ibikorwa atari amagambo.'

Tukaba twifuje kugaruka ku mateka yihariye ya  Gen Francis Omondi Ogolla waabonye izuba kuwa 12 Gashyantare 1962.

Yinjiye mu gisirikare kuwa 24 Mata 1984 nyuma y'imyitozo n'amasomo ya gisirikare y'ibanze yahawe ipeti rya 2nd Lieutenant hari kuwa 06 Gicurasi 1985, yinjira mu mutwe w'ingabo zirwanira mu kirere.

Mu nyuma yahawe amasomo mu birebana n'ubutasi no kurwanya iterabwoba, yakomeje kandi amasomo aza kubona impabumenyi ya Kaminuza mu bya gisirikare.

Yari afite kandi impamyabumenyi y'icyiciro cya Kabiri muri politiki, gukemura amakimbirane  mu bya gisirikare no kubungabunga amahoro.

Akagira kandi iy'icyiciro cya Gatatu mu Bubanyi n'Amahanga.

Yagiye azamurwa mu mapeti ubwo yari afite irya Maj Gen yagizwe Umugaba w'Ingabo zirwanira mu Kirere, hari kuwa 15 Nyakanaga 2018 umwanya yamazeho imyaka 3.

Mbere yaho ariko yari yaragiye akora imirimo itandukanye mu mutwe w'Ingabo zirwanira mu Kirere.

Yabayeho indorerezi mu bagisirikare muri Yogoslavia hagati ya 1992 na 1993. Yari umukristo wanayoboye umuryango w'ivugabutumwa mu gisirikare imyaka igera ku 10.

Yabayeho kandi Umuyobozi w'Umuryango w'Ingabo zirwanira mu Kirere muri Afurika hagati ya 2018 na 2019.

Yabayeho kandi Umugaba w'Ingabo wungirije w'ingabo za Kenya.

Kuwa 28 Mata 2023 ni bwo Perezia William Ruto yamuzamuye amukura ku ipeti rya Lt Gen amugira Gen ahita anamugira Umugaba w'Ingabo za Kenya, inshingano yarahiriye kuwa 29 Mata 2023.

Gen Ogolla yari yarashyiranwe na Aileen, bari bafitanye abana 2 baramaze no kunguka umwuzukuru w'umuhungu.

Gen Ogolla wari Umugaba w’Ingabo za Kenya waguye mu mpanuka y’indege Ubutumwa bw’akababaro bwa Lorna A Omondi Ogolla umukobwa we avuga ko azabara inkuru za Se umunsi umwe 

Gen Ogolla yari agiye kumara umwaka ari Umugaba w’Ingabo n’Imyaka 40 yinjiye mu gisirikare Cpt Sora ari mu basirikare icyenda bari kumwe na Gen Ogolla batabarutse Sgt Rose Nyawira na we yaguye mu mpanuka y’indege yaguyemo abasirikare bari mu kaziCpt Hilary Litali wari inshuti cyane ya bagenzi be wabaga yishimana abyinana nabo na we yaguye mu mpanuka

Ni urugendo avuga ko rwaranzwe n'ibyiza n'ibibi, ariko kandi yarashikamye kuko uretse gukunda gusobanura filime, yumvaga ashaka no gushyira itafari ku muziki w'u Rwanda, binyuze mu gushyigikira no guteza imbere abanyempano bigaragaza mu bihe bitandukanye.

Yatangiye mu gihe cya Covid-19, aho ibikorwa byinshi byari byarafunzwe mu rwego rwo kubahiriza amabwiriza yo kwirinda iki cyorezo, ariko kandi yafashe igihe cyo kwihugura ibijyanye no gukoresha imbuga zitandukanye zicururizwaho umuziki kugirango ibihangano by'umuhanzi we bijye bicuruzwaho.

Mu kiganiro cyihariye yagiranye na InyaRwanda, Junior Giti yavuze ko kimwe mu byamugoye atangira urugendo rwo gufasha Chriss Eazy ari ubwoba kuko ibyo yiteguraga gushora yibazaga niba bizagaruka.

Ati 'Imbogamizi ya mbere nagize ni ubwoba. Gufata amafaranga ukayashora mu muhanzi, mu gihe utabona uko azagaruka. Ukibaza uti ejo hazaza bizagenda gute? Ariko kandi harushya intangiriro.'

Junior Giti avuga ko atangira urugendo benshi mu bajyanama bazwi bakoranye n'abahanzi banyuranye bari bamaze kubivamo, ahanini biturutse ku kutumvikana n'abahanzi, cyangwa se ishoramari ryagiye ribagonga bagahitamo kuba babihagaritse.

Avuga ko ibi byamukomye mu nkokora. Ati 'Natangiye mu gihe abarimo ba Mukasa, Richard washinze Super Lever, Kiwundo n'abandi bari barahagaritse akazi ko gufasha abahanzi, urumva nabaye nk'umunyeshuri utangiye ariko udafite umwarimu wo kumuyobora, byanatumye intangiriro ya mbere igorana.'

Yagize icyizere nyuma y'ibikorwaremezo n'imbuga zagutse

Uyu mugabo wamamaye mu gusobanura filime, avuga ko uko imyaka yagiye ishira yagiye agira icyizere cy'ubuzima no gukomeza gushoramari mu bahanzi, ahanini biturutse kuri gahunda zitandukanye Leta y'u Rwanda yagiye ishyiramo imbaraga, birimo nko gushyiraho aho gukorera ibitaramo n'ibindi.

Avuga ko muri iyi myaka babonye ibiraka bya Leta, kandi babasha gusobanukirwa neza uko bakoresha imbuga nkoranyambaga bagacuruza ibihangano by'abo. Ati 'Ariko imyaka ibiri ishize byaduhaye icyizere, twabonye inyubako nka BK Arena yakira ibitaramo by'abahanzi bakomeye natwe twaririmbiyemo, imbuga nyinshi zicururizwaho imiziki zaragutse natwe turazifashisha, kandi tubona byaratanze umusaruro.'

Avuga ko ashingiye ku myaka ibiri ishize afasha umuhanzi Chriss Eazy, yabonye ibyiza byinshi atari yiteze byatumye aniyemeza gusinyisha undi muhanzi mu inzu ifasha abahanzi mu bya muzika ya Giti Business Group yashinze, ananyuzamo gukora filime.

Uyu mugabo agaragaza ko mu gihe cy'ukwezi kumwe azaba yatangaje umuhanzi wa kabiri, kandi ko hari abo batangiye ibiganiro biganisha ku mikoranire.

Yavuze ko bimwe mu byo ashingiraho ahitamo umuhanzi harimo 'kuba afite impano igaragarira buri wese kandi afite ikinyabupfura. Ati 'Ntabwo nakubwira ko ari umukobwa cyangwa se umuhungu, ariko kenshi nita ku muhanzi ufite 'Discipline', kuko n'iyo yibanze mu mikoranire yanjye n'umuhanzi n'undi wese.'

Junior Giti avuga ko agifite inyota yo kugeza Chriss Eazy ku rwego mpuzamahanga, kandi ni nayo ntego yubakiye ku muhanzi mushya agiye gusinyisha.

Imibare ntibeshya!

Junior Giti avuga ko uko umubare w’abareba ibihangano bya Chriss Eazy wagiye wiyongera byamuhaga imbaraga n’icyizere cy’uko azabasha kugera ku ntego ze, kandi akabona ko guhitamo gutangira gukorana n’uyu muhanzi atigeze yibeshya.

Yumvikanishije ko indirimbo z’umuhanzi we zagiye zica agahigo, kandi ku mbuga z’abanyabirori, ibitaramo n’ibirori zirahiganza cyane, bituma abasha gukorera ibitaramo no mu bihugu byo mu mahanga.

Mu gihe cy’imyaka ibiri bamaranye bakorana, amaze kumukorera indirimbo zirindwi (7). Junior Giti avuga ko buri wese ashobora gutekereza ko yakoreye indirimbo nke Chriss Eazy, ariko ngo siko bimeze, kuko gushyira hanze indirimbo ‘ushingira ku kuntu iza mbere zabanje’.

Ati “Ndatekereza nta muntu wadutera amabuye. Jya kuri Youtube, cyangwa se ku zindi mbuga urebe imibare y’abamaze kureba indirimbo ze.”

Chriss Eazy yatangiriye ku ndirimbo ‘Fasta’ imaze kurebwa b’abantu Miliyoni 1.3, akurikizaho ‘Amashu’ imaze kurebwa n’abantu Miliyoni 4, ‘Amashimwe’ yakoranye n’umuraperi Fireman imaze kurebwa n’abantu ibihumbi 581, ‘Inana’ yaciye ibintu imaze kurebwa n’abantu Miliyoni 7.8, ‘Edeni’ imaze kurebwa n’abantu Miliyoni 4, ‘Stop’ igeze kuri Miliyoni 2.3 n’aho ‘Jugumila’ yakoranye na Dj Phil Peter na Kevin Kade imaze kurebwa n’abantu Miliyoni 3.6.

Ntiwakwibagirwa kandi indirimbo ‘Bana’ yabaye idarapo ry’umuziki mu mpeshyi ya 2023, yakoranye n’umuhanzi Shaffy wo muri Leta Zunze Ubumwe za Amerika imaze kurebwa n’abantu barenga Miliyoni 10. Iyi ndirimbo yatumye aba bombi binjira ku rutonde rw’abahanzi batandatu bafite ibihangano byarangeje Miliyoni 10.

Kuri Junior Giti ni ‘umusaruro w’imbaraga twashyize mu mikoranire n’abandi, ariko no gutega amatwi icyo sosiyete ishaka’.

Junior Giti yatangaje ko agiye gusinyisha undi muhanzi muri Giti Business Group

Junior yavuze ko imyaka ibiri ishize akorana na Chriss Eazy byamuhaye ishusho yo kwagura gushora imari mu muziki

Junior yavuze ko gutangira gufasha umuhanzi adafite uwo kurebereraho mu byo buhoraho byamukomye mu nkokora

Chriss Eazy ari kwitegura gushyira hanze indirimbo 'Sehoma' yahimbiye umubyeyi we

KANDA HANO UREBE AMASHUSHO Y'INDIRIMBO 'JUGUMILA'

 “>

KANDA HANO UREBE AMASHUSHO Y'INDIRIMBO 'BANA'

“>