Category: Uncategorized

Ibitaramo byatumiwemo Ben na Chance, byateguwe n’Umuryango w’ubugiraneza witwa Heart of Worship in Action Foundation washinzwe ndetse ukaba uyoborwa na Willy Gakunzi Makuza usanzwe ari umuramyi, umuvugabutumwa akaba n’umwanditsi w’ibitabo. Igitabo aheruka gushyira hanze cyitwa “When Light Fades Away Hope Remains”.

Bizabera mu Mijyi itandukanye muri Canada akaba ari nayo binitwa “Canada Tour”. Ni bwo bwa mbere Ben na Chance bageze muri Canada. Bakigerayo batunguwe cyane kuko basanze ari igihugu gitangaje. Mu kiganiro bakoreye ku mbuga nkorangambaga mu buryo bwa LIVE, kikayoborwa na Willy Gakunzi wabatumiye, aba baramyi batangaje byinshi.

Ben yavuze ko Canada yabakiriye neza cyane, yumvikanisha ko baziyongeza iminsi yo kubayo mbere yo kugaruka mu Rwanda, bagafata umwanya uhagije wo kuyigiriramo ibihe byiza bazaratira abanya-Kigali. Ati “Twari twiyemeye ku bantu ngo tuzasubirayo vuba”. Chance yunzemo ati “Canada ni uburyohe, mbega ahantu heza we!!”.

Willy Gakunzi yabajije Chance wagaragaraga yifubitse cyane kubera imbeho icyo yabonye muri Canada gishya gitandukanye n’i Kigali, amusubiza ko yabonye ibintu byinshi. Ati “Isuku nyinshi, amazu apanze neza, imihanda,..Mana we mbega imihanda! Ahantu harambitse”.

Ben uvuga ko Canada ari iwabo w’imbeho, we mu gutebya kwinshi ariko harimo n’ukuri yavuze ko ‘bacanganyukiwe bakigera muri Canada ku kibuga cy’indege. Ati “Ikibuga ubwacyo cyaraducanganyikishije, tugira umugisha tubona Imana idusohoyemo tutayobye.”

Yakomeje avuga ko n’aho imodoka zikarika bahahuriye n’ibibazo ati “Dusohotse mu kibuga twinjira muri parikingi, irancanganyikisha, sinzi ukuntu abantu baparikamo uko bamenya aho baparitse. Ibyo na byo biratambuka twinjira mu muhanda, tusanga imihanda iteye ubwoba!”.

Pastor Serugo Benjamin [Ben] wakuriye mu byaro byo muri DR Congo mu buzima bwo kuragira inka, yavuze ko ageze muri Canada yatunguwe no kubona imodoka esheshatu ziri mu cyerekezo kimwe, no mu kindi hakagendamo izindi esheshatu, “birabanza biraducanga nabyo, ukabona bimeze neza nk’inka ziri ku musozi zimeze neza (bahise baseka)”.

Chance yavuze ko afite amakuru menshi azavuga ageze mu Rwanda, ati “Mfite amkuru, mfite umunwa, urimo urandya”. Ben wamaze kumenya guteka abyigiye muri Canada, yavuze ko abatuye muri iki gihugu batamubaniye neza kuko batigeze bamuha ishusho y’ubuzima muri iki gihugu kuko baba babyoroheje ariko yigereyeyo asanga birakomeye.

Igitaramo cya mbere Ben na Chance bazagikorera muri Ottawa tariki 27 Mata 2024. Chance yateguje igitaramo cy’umuriro kuko “Imana yaduhaye ibintu byinshi tubazaniye, turabasaba ngo muzaze tubibahe”. Nyuma ya Ottawa bazakurikizaho igitaramo bazakorera muri Toronto tariki 04 Gicurasi 2024.

Ben na Chance bahise baririmba indirimbo yabo igezweho cyane muri iyi minsi “Zaburi Yanjye” irimo amagambo avuga ngo Nahoraga njye kuvumba amashimwe y’abandi, nkarebera mu madirishya aband batamba, Yesu utarobanura ku butoni araza azura ibyanjye byapfuye, bibaho.” 

Nyuma ya Toronto na Ottawa, Ben na Chance bazataramira muri Edmonton tariki 11 Gicurasi 2024, bakurikizeho gutaramira abatuye umujyi wa Vancouver tariki 18 Gicurasi 2024, bazakurikizeho Winnipeg tariki 25 Gicurasi 2024, basoreze Montreal tariki 01/06/2024. Amatike yo kwinjira muri ibi bitaramo ari hanze. Kanda HANO ugure itike ya Toronto.

Willy Gakunzi wateguye ibi bitaramo yabwiye inyaRwanda ko “Ben & Chance ni abakozi b'Imana twakoranye mu bihe bitandukanye. Ni abantu nzi neza ko bafite umutima wo kuramya by'umwimerere. Twaririmbanye na Chance kera tukiri abana, na nyuma yaho nabanye na Ben nk’umuryango.” 

Yakomeje agira ati “Ni abantu twakomeje kugirana ubusabane ndetse tuza no gukorana indirimbo muri 2020. Ubwo nazaga gutangiza Heart of Worship in Action Foundation i Kigali muri 2019, ni bamwe mu baramyi nanone twakoranye. Muri make, Ben & Chance ni abakozi b'Imana nkunda, nubaha, nemera kandi mbonamo imbuto yo kuramya by’ukuri”.

Willy Gakunzi avuga ko ibihimbano bya Ben na Chance birimo ubutumwa, bikaba biri mu byatumye abatumira kugira ngo baheshe umugisha abatuye muri Canada, Ati: “Nizera neza ko buzahembura imitima y’abatuye muri Canada. Abatuye Canada bose ndabararikira kwitegura no kuzitabira ibitaramo twabateguriye”.

Yavuze ko buri mwaka bazajya bategura ibitaramo nk’ibi bakifatanya n’abakozi b’Imana batandukanye. Ati “Ni byo, ni ibitaramo bya mbere ntumiyemo abakozi b'Imana kuva mu Rwanda. Heart of Worship in Action Foundation, ni umurimo ushingiye/uhagaze ku nkingi 3, mu myizerere yanjye bikaba ari byo bigize kuramya mubikorwa:

– Faith & Worship (Kwizera & Nokuramya): Twizera ko ubutumwa bwa Kristo buhindura ariryo shingiro ryo kwizera kwacu kandi ko kuramya kuzuye kugaragara mu bikorwa bifatika.

– Integriry & Honesty (Ukuri nubunyanga mugayo): Uko dukora imirimo dukora bifite agaciro cyokimwe numurimo dukora (mission).

– Accountability & Transparency (gukorera mukuri kugaragara): Tuzi uburemere bwumurimo dukora, bigatuma dukomeza umutima twatangizanye wokuramya mubikorwa kandi mu kuri.

Iki ni Igikorwa ngarukamwaka. Buri mwaka Heart of Worship in Action Foundation izajya itegura ibikorwa twise 'Let's Worship Together' hanyuma dutumiremo abakozi b'Imana batandukanye. Twifuza ko buri mwaka tuzajya tubana n’abaramyi bavuye mu Rwanda ndetse no mu karere”.

Willy Gakunzi wakoranye na Ben na Chance indirimbo bise “Uhoraho”, avuga ko intego nyamukuru y’ibi bitaramo ari ukwagura ubwami bw'Imana, guhuza umubiri wa Kristo mu karere k’ibiyaga bigali ndetse na Canada, hanyuma bikabaha imbaraga zo gushyira kuramya kwabo mu bikorwa.

Ati “Mu by’ukuri ntabwo njye, Willy, ku giti cyanjye ninjiye mu gutegura ibitaramo, ahubwo nk’umuyobozi w’umurimo, ni bimwe mu nkingi duhagazeho zituma dukora umurimo. Mission yanjye ni uku empowering umubiri wa Kristo biciye mu mpano zitandukanye yantije, haba mu bihangano, mu gutegura ibitaramo n’ibiterane, mu kwigisha;

Mu kwandika, mu bikorwa byo guteza imbere abandi, ndetse no mu kazi nkora buri munsi, mparanira ko Yesu ashyirwa hejuru. Ni cyo nifuza kandi nicyo nsaba buri munsi. Canada ndetse n’abandi bose hirya nohino, ndabatumirango muzaze dufatanye kuzamura Izina rya Yesu ubwo tuzaba turi kumwe n’abakozi b'Imana Ben & Chance”.

Ibyo wamenya kuri Ben na Chance babimburiye abandi gutarama muri ibi bitaramo

Imyaka 7 irashize kuva Ben na Chance batangiye kuririmbana nk’umugabo n’umugore. Indirimbo batangiriyeho ni “Ririmbira Umwami” yageze hanze mu 2016. Icyo gihe inyaRwanda yabanditseho inkuru ivuga ngo “Couple ya Ben na Chance abaririmbyi bakomeye ba Alarm Ministries batangiye kuririmba ku giti cyabo”.

Beretswe urukundo rwinshi, babera benshi icyitegererezo mu muziki wa Gospel dore ko nyuma yabo twatangiye kubona andi ma ‘couples’ menshi yateye ikirenge mu cyabo nka James na Daniella, Papi Clever na Dorcas, Zabron na Deborah, Rene & Tracy n’abandi. Kuri ubu umugabo ushatse umugore uzi kuririmba, bahita baririmbana nka couple.

Ben na Chance bazwi nk’inzu yo kuramya Imana [House of Worship] ni abaririmbyi bakomeye ba Alarm Ministries, bakaba abakristo muri Foursquare Gospel church. Chance yahamije ko kuririmbana nka ‘Couple’ bazabikomeza na cyane ko biri mu muhamagaro wabo n’iyerekwa bafite ry’uko inzu yabo izakorera Imana.

Chance ufatwa nk’ishyiga ry’inyuma muri Alarm Ministries nayo ifatwa nk’umubyeyi w’andi matsinda yose mu Rwanda, yagize ati: “Tuzakomeza kuririmba nka couple, twembi dusengera Foursquare. Vision ni ukubaka ubwami bw'Imana uhereye mu rugo (Njye n'inzu yanjye tuzakorera Uwiteka) Joshua 24: 15”.

Mu rugendo rw’umuziki bamazemo imyaka 7 nka couple, Ben na Chance bakunzwe mu ndirimbo zitandukanye zirimo “Yesu Arakora” imaze kurebwa n’abarenga Miliyoni 6 kuri Youtube, “Amarira”, “Impano y’ubuzima”, “Mu nda y’ingumba” n’izindi. Indirimbo zabo bazinyuza kuri shene ya Youtube yitwa Ben & Chance Ministry.

Igitaramo cyabo cya mbere bagikoze kuwa 20 Gicurasi 2018, muri Kigali Serena Hotel. Icyo gihe bamurikaga Album yabo ya mbere bise ‘Izina rya Yesu Rirakomeye’. Ni igitaramo Ben na Chance batumiyemo Aline Gahongayire, Bigizi Gentil (Kipenzi), Healing Worship Team na Alarm Ministries.

Willy Gakunzi niwe watumiye Ben na Chance

Ben na Chance bageze muri Canada mu mpera z’iki cyumweru

Bakiranywe urugwiro na Willy Gakunzi wabatumiye

Ibitaramo bazakorera muri Canada bizashyirwaho akadomo tariki 01 Kamena 2024

Ben na Chance bishimiye uburyo bakiriwe n’umuryango wa Willy Gakunzi

Ben na Chance barakunzwe cyane mu muziki wa Gospel

Igtaramo cya cya Ben na Chance kizaba tariki 27 Mata 2024

REBA INDIRIMBO “ZABURI YANJYE” YA BEN NA CHANCE IKUNZWE CYANE

Muri iki cyumweru kiri kugana ku musozo, abahanzi nyarwanda biganjemo abakora umuziki wo kuramya no gihimbaza Imana ntibahwemye gushyira hanze indirimbo nshya kandi zinogeye amatwi.

Mu ndirimbo zagiye ahagaragara muri iki cyumweru, InyaRwanda yaguhitiyemo 10 muri zo ziyoboye izindi zagufasha gusoza neza icyumweru, ari nako witegura kwinjira mu gishya kizatangira tariki 22 Mata 2024.

1.     Nta rindi zina — Nice Ndatabaye

Umuramyi Nice Ndatabaye watangiranye uyu mwaka imbaduko idasanzwe, yashyize hanze indirimbo yise ‘Nta rindi zina,’ ikaba ikubiyemo ubutumwa buvuga ko nta rindi zina abantu bashobora gukirizwamo ritari irya Yesu.

“>

2.     Bien – Yee Fanta – Bien Ft The Josh Kid

Umu-Producer ukiri muto kandi w’umuhanga ukomeje gushimangira impano ye mu muziki, Yee Fanta, yahuje imbaraga n’umusore witwa The Josh Kid, bashyira hanze indirimbo bise ‘Bien’ ivuga ko kuba wasiga uwo mukundana ngo ukurikiye ibintu (amafaranga) ku wundi muntu bitakuraho ko nawe igihe cye cyazagera akamera neza, kugeza n’aho uzongera kumwifuza ukamubura.

“>

3.     Yesu Mwenye Pendo Kubwa — Papi Clever & Dorcas ft Merci Pianist

Imwe muri couple zikunzwe mu muziki wo kuramya no guhimbaza Imana mu Rwanda ya Papi Clever na Dorcas, bakomeje kwagurira umuziki wabo mu mahanga, binyuze mu gushyira ibihangano byiganjemo indirimbo zo mu gitabo cy’indirimbo, mu ndimi zinyuranye zirimo n’Igiswahili.

“>

4.     Jina Hilo — Christophe Ndayishimiye

Umuramyi Christophe Ndayishimiye yashyize hanze indirimbo ikoze mu rurimi rw’Igiswahili yise ‘Jina Hilo,’ ishimangira ko izina rya Yesu ari izina ritanga ubuzima.

“>

5.     Tugumane Mwami – Hoziana Choir (ADEPR Nyarugenge)

Korali ifite ibigwi bikomeye, Hoziana ikorera umurimo w’Imana kuri ADEPR Nyarugenge, baubiyemo imwe mu ndirimbo zabo yakunzwe n’abatari bacye bise ‘Tugumane Mwami’ imaze imyaka isaga 10 igiye hanze.

“>

6.     Urufatiro — Alicia & Germaine

Ufitimana Alicia na Ufitimana Germaine ni abana b’abakobwa bakiri bato babarizwa mu Itorero rya ADEPR Ruhangira, bakaba ari imapano nshya umuziki wa Gospel Nyarwanda wungutse. 

Aba bana bavukana, bamaze gushyira hanze indirimbo bise ‘Urufatiro,’ bandikiwe na Se ubabyara.

“>

7.     Jehovah — Musabe Dieudonne

Umuhanzi w’indirimbo ziramya zikanahimbaza Imana, Musabe Dieudonne yashyize hanze indirimbo yise ‘Jehovah,’ ivuga imbaraga z’Imana yo yaremye byose.

“>

8.     Nahuye na Mesiya – Richard zebedayo

Umuramyi Richard Zebedayo umenyerewe mu gusubiramo indirimbo z’abandi bahanzi, yasubiyemo iyitwa ‘Nahuye na Mesiya,’ indirimbo ya Ambassadords Choir ivuga ko uwahuye na Yesu ahinduka mushya.

“>

9.     Ku Musaraba – Penuel Choir /EMLR Cyarwa

Mbere yo gushyira hanze indirimbo yabo ya gatatu, Penuel Choir ikorera umurimo w’Imana mu Itorero rya Methodiste Libre i Huye, bashyize hanze indirimbo nshya bise ‘Ku Musaraba’ yumvikanisha kugira neza kwa Yesu witanze agacungura abantu bose bagahabwa agakiza ku buntu.

“>

10.  Humura – New City Ruhanga SDA Church

Korali New City Ruhanga ikorera umurimo w’Imana mu Itorero ry’Abadiventiste b’Umunsi wa Karindwi rya Ruhanda [SDA Ruhanga], bashyize hanze indirimbo ‘Humura’ ikubiyemo ubutumwa buhumuriza abanyarwanda muri ibi bihe byo kwibuka abazize Jenoside yakorewe Abatutsi mu 1994.

“>

Yabitangarije mu nama y'ihuriro 'Amujae High-Level Leadership' iganirirwamo ibijyanye n'uruhare rw'abagore mu miyoborere, iri kubera i Kigali kuri uyu wa 19 Mata 2024.

Perezida Kagame yagaragaje ko mu myaka 30 ishize ubukungu bw'u Rwanda bwari bushingiye ku nkunga z'amahanga, aho abantu babaga bategereje ko igihe inzara iteye hari umuntu wo hanze ushinzwe kubaha ibyo kurya.

Yavuze ko urugamba rwakurikiye urwo guhagarika Jenoside yakorewe Abatutsi ari ugufasha Abanyarwanda guhindura iyo myumvire.

Ati 'Ubwo twatangiraga urugendo rwo kongera kubaka igihugu, icyo twabonye cy'ibanze cyari uguhindura imyumvire y'abaturage bacu. Abaturage bari bicaye hariya bazi ko niba hateye inzara, hari umuntu ugomba kubazanira ibyo kurya. Niba hateye indwara y'icyorezo hari umuntu ugomba kubafasha.'

Nyuma ya Jenoside yakorewe Abatutsi mu 1994, ubukungu bw'u Rwanda bwari bwaramanutse ku rugero rwa 50% munsi ya zeru (-50%).

Kuva mu 1995 kugeza mu 2000 u Rwanda rwacungiraga ku nkunga z'amahanga ku rugero rurenga 70%. Imibare ya Banki y'Isi igaragaza ko mu 1994, umunyarwanda yinjizaga Amadolari ya Amerika 111.9$ mu gihe umusaruro mbumbe w'igihugu mu 1994 wari miliyoni 753.6$.

Perezida Kagame ati 'Twamaze igihe twarimenyereje gufashwa n'abandi kandi byangije ibintu byinshi. Twabishimangiye kenshi kandi hari ingero nyinshi zo kubigaragaza, zerekana ko dukeneye kubisezerera. Bahawe ubushobozi n'ibikoresho bikenewe kandi batangiye kwishakamo ibisubizo.'

Mu myaka 30 ishize ubukungu bw'u Rwanda bwazamutse ku muvuduko ubarirwa ku mpuzandengo ya 7% ku mwaka.

Imbaraga zakoreshejwe zatumye mu 1995 ayo umuturage yinjiza yikuba kabiri agera kuri 227%. Mu 2000 Umunyarwanda yinjizaga Amadorali ya Amerika 268, na ho mu 2023 yageze kuri 1040$.

Ubushakashatsi ku mibereho y'ingo mu Rwanda bwakozwe mu mwaka wa 2000, bugaragaza ko icyo gihe ikigero cy'ubukene cyari kuri 60.4% kivuye kuri 77.8% mu mwaka wa 1994, icyizere cyo kurama kiri ku myaka 49.

Abana bagwingiye bari 42,7%, naho abana bagaragazaga ibimenyetso bikabije by'imirire mibi ari 29%. Mu 2015, abana bagwingiye bari 38%, baramanuka bagera kuri 33% mu 2020.

Mu 2000, ubushakashatsi ku bipimo by'imibereho myiza y'abaturage bwagaragaje ko 90% by'Abanyarwanda bakoraga ubuhinzi naho 89% bakaba bari mu cyiciro cy'abadakorera umushahara cyangwa abikorera ibyabo.

Ubukene bwaragabanyutse, bugera kuri 38,2% na ho ubukene bukabije bugera kuri 16% mu 2017 bigizwemo uruhare na gahunda zirimo EDPRS ya mbere n'iya kabiri, VUP n'izindi, ndetse ubu imiryango ikiri munsi y'umurongo w'ubukene ikomeza gufashwa kubwigobotora.

Perezida Kagame yahamije ko 'Ubufasha buva hanze tuzabwakira, cyangwa se bwaba bunakenewe ariko bukwiye kuza bushyigikira ibyo nawe wabanje kwifashamo.'

Ingengo y'imari y'u Rwanda y'umwaka wa 2023/2024 igera kuri miliyari 5.115,6 Frw. Inkunga z'amahanga zingana na 13% mu gihe inguzanyo ziva mu mahanga zigera kuri 24% by'ingengo y'imari yose.

Ni inama iganirwamo uruhare rw’abagore mu miyoborere

Perezida Kagame yavuze ko Abanyarwanda bahawe ibikenewe bakaba baratangiye kwishakamo ibisubizo

Iyi nama yitabiriwe n’abagore baturutse mu bihugu 19 bya Afurika

Iyi nama y'iminsi itatu, yatangiye imirimo yayo ku wa gatatu tariki 17 Mata 2024 mu Karere ka Musanze, izasozwa ku wa 19 Mata, abayiteraniyemo bagezwaho raporo yakozwe na komite nzezuzi, bemeze kandi ishingiro ry'ibyakozwe no kubakira ubushobozi bw'abagenzuzi n'uburyo bakoresha bagenzura.

Umuyobozi wa Komite Ngenzuzi y'Inama Mpuzamahanga ku Karere k'Ibiyaga Bigari, ICGLR Audit Committee, Philip Kirui Kiplangat, avuga ko intego yayo ari uguteza imbere amahoro umutekano n'iterambere muri aka karere, no kumenya neza niba umutungo kamere by'umwihariko amabuye y'agaciro adakoreshwa mu guhembera amakimbirane.

Yavuze ko ayo mabuye ahabwa ibirango by'aho yaturutse guhera ku bucukuzi kugeza igihe ajyanywe ku isoko hirindwa ko ubucukuzi butemewe bwakoreshwa mu buryo buhungabanya umutekano.

Yagize ati “Icyo tugomba guharanira ni uko bukorwa mu mucyo, kubazwa inshingano mu bucuruzi bw'akarere n'ibihugu binyamuryango. Turishimira ko hari intambwe igaragara imaze guterwa muri uru rwego. Icyo dusaba ibihugu binyamuryango, ni uko bashyira mu bikorwa ibyo baba bagiriweho inama kugira ngo n'ubucuruzi bugire agaciro.”

Umuyobozi Mukuru ushinzwe imari n'ubutegetsi muri ICGLR, Ham Mungurire Mungyereza, yavuze ko iyo bahuriye hamwe bagasangizanya amakuru n'inama, bituma bashyiraho umurongo uboneye uhuriweho n'ibihugu binyamuryango birinda ko ubucukuzi n'ubucuruzi bwakorwa n'imitwe yitwaje intwaro bigahungabanya umutekano n'ubukungu.

Yagize ati “Iyo tuzi neza ko ayo mabuye yabonetse mu buryo bwemewe nta gihugu kiyafiteho ikibazo, bituma ahabwa agaciro ndetse n'amahoro akagerwaho. Iyi nama iradufasha kureba neza niba koko ibyo byubahirizwa kandi bituma n'ibihugu binyamuryango bigirana icyizere bikagabanya amakimbirane.”

Umuyobozi w'Ishami rishinzwe kugenzura inkomoko y'amabuye y'agaciro mu Kigo Gishinzwe ubucukuzi bw'amabuye y'agaciro, mine, Peteroli na gaze, RMB, Kanyangira John, yasabye ko harushaho gukomeza kubahiriza amategeko hirindwa amakimbirane hagaranirwa iterambere.

Ati “Inama duhora dutanga ku bihugu binyamuryango ni uko ayo mabuye y'agaciro yaba intandaro y'ubukire aho kuba intandaro y'amakimbirane, ni naho tugenda dukangurira abakora ubucukuzi bw'amabuye y'agaciro n'ubucuruzi bwayo ko mubyo bakora byose bagomba kubahiriza amategeko yashyizweho muri ibi bihugu biherereye mu Karere k'Ibiyaga bigari.”

Inama ya 24 ya Komite Ngenzuzi y'Inama Mpuzamahanga ku Karere k'Ibiyaga Bigari, yitabiriwe n'Ibihugu by'u Rwanda rwayakiriye, Tanzania, Zambia, Kenya, Uganda, Sudan na Repubulika Iharanira Demokarasi ya Congo.

Umuyobozi w’Ishami rishinzwe kugenzura inkomoko y’amabuye y’agaciro mu Kigo Gishinzwe ubucukuzi bw’amabuye y’agaciro, mine, Peteroli na gaze, RMB, Kanyangira John, asaba ko harushaho gukomeza kubahiriza amategeko

Umuyobozi Mukuru ushinzwe imari n’ubutegetsi muri ICGLR, Ham Mungurire Mungyereza, avuga ko iyo bahuriye hamwe bagasangizanya amakuru n’inama, bituma bashyiraho umurongo uboneye

Ubwo yatangaga ubuhamya mu Rukiko rwa Rubanda kuri uyu wa 19 Mata 2024, uyu mutangabuhamya yagaragaje ko kuva ahari igaraje ya AMGAR kugera kuri Onatracom, hari bariyeri zigera kuri enye kandi byari bikomeye kuzinyuraho.

Ni umwe mu bahanwe kubera ko yakundaga guherekeza Simbizi Stany wayoboraga Interahamwe akaba na Perezida wa CDR nyuma y'urupfu rwa Bucyana.

Uyu Simbizi yakatiwe imyaka 14 ariko mu 2005 aza gufungurwa ku Iteka rya Perezida wa Repubulika kubera yireze agasaba imbabazi ndetse yiyemeza no kwereka Abanyarwanda ibyabaye.

Yagaragaje ko uwo Simbizi na Kajuga Robert ari bo bari bashinzwe gutanga amabwiriza ariko ko Bomboko yayoboraga bariyeri zari hagati ya Onatracom no mu gakinjiro kuko yari yungirije abakuru b'Interahamwe.

Ubwo yabazwaga ibyo yabonye, Bomboko ubwe yakoze, umutangabuhamya yavuze ko hari imodoka yo mu bwoko bwa Hiace yari ihungishije abatutsi 18 batwawe n'umusirikare witwa Lt. Mudenge washakaga kubajyana muri Milles Collines.

Icyo gihe ngo yanyuze kuri Hotel Sun City yari iya Col. Kayumba baramureka ariko bageze kuri bariyeri yari ku musigiti wo mu Biryogo, bose babavanyemo babica babatemye n'abagerageje kwiruka barabatema abyirebera.

Yabwiye Urukiko ko Lt. Mudenge wari ubatwaye muri iyo modoka yakuwemo na Bomboko amwambura imyenda hanyuma amurasa mu mutwe.

Ati 'Lt. Mudenge, Bomboko ni we wamwikuriyemo, amukuramo imyenda ye, amurasa mu mutwe, abanje kumubaza impamvu ahungisha Inyenzi. Ni Bomboko wamwirasiye.'

Yavuze ko kuri AMGAR bahanyuze bahabona imirambo myinshi cyane y'abishwe.

Yavuze ko kandi yagiye mu nama Gen Kabiligi na Col Renzaho Tharcisse bakoresheje, banatanga amabwiriza y'uko Interahamwe zigomba kwitwara kandi icyo gihe Bomboko yari ayirimo.

Nibwo batanze amabwiriza y'uko imirambo igomba gukurwa ku mihanda ikajya gushyingurwa mu marimbi, kubera ko abazungu babibonaga nabi.

Icyo gihe Bomboko yatanze igitekerezo cyo gushaka amakamyo n'imashini zicukura, bagashaka n'abashoferi bo gukuraho iyo mirambo.

Uyu mutangabuhamya yagaragaje ko nyuma yo kwemera icyaha yiyemeje kujya agaragariza abanyarwanda n'abatuye Isi ukuri kose ku byabaye.

Yagaragaje ko muri AMGAR nta ntwaro zarimo zaba imbunda n'imihoro ahubwo ko byatangirwaga muri Camp Kigali.

Umutangabuhamya yasabye Nkunduwimye uri kuburana ku byaha bya Jenoside yakorewe Abatutsi gushaka uko yabohoka akumva ko Jenoside ari icyaha kibi cyakorewe Abatutsi b'inzirakarengane bityo agasaba imbabazi.

Ati 'Akwiye gusaba imbabazi kugira ngo umutima we ubohoke akumva ko yahemukiye u Rwanda. Kuri njye niyemeje gufasha ubutabera aho nzakenerwa hose. Bitewe n'aho mba mu Rwanda umutima wanjye ukeye kandi nkaba ntekanye, nzakomera ku musanzu wanjye.'

Nkunduwimye yashinjwe kurasa uwari umusirikare amuziza guhungisha Abatutsi