Category: Uncategorized

Ni mu gihe u Rwanda rufite intego ko mu mwaka wa 2025 ruzaba ruroba toni ibihumbi 112 z'amafi, ariko kuri ubu rukaba ruroba toni zitageze ku bihumbi 50 ku mwaka.

Mukahigiro Nuriat wo mu karere ka Rutsiro nyuma yo guhabwa ayo mahugurwa yasanze bagaburiraga amafi mu buryo butari kinyamwuga.

Ati 'Twagaburiraga nk'uko ugaburira itungo nta mibare tubanje gukora bigatuma isamake zigwingira kandi iyo zimaze kugwingira kuzikura mu bugwingire ntibipfa gushoboka'.

Simparinka Celestin afite kareremba 16 mu karere ka Karongi yororeramo amafi ibihumbi 60. Aya mahugurwa yatumye amenya ko yagaburaga ibiryo bidahuye n'ikigero amafi agezemo kuko mbere yo kongera ibiryo cyangwa kubihindura atabanzaga ngo apime uburemere bwayo.

Ati 'Uburobyi bw'isuzuma buzagabanya igihombo twahuraga nacyo kuko hari igihe wasangaga uri kugabura ibiryo byinshi, cyangwa bidahuye ikigero cy'amafi uri kugaburira'.

Mukanshogoza Nelie wororera amafi mu murenge wa Gishyita mu karere ka Karongi yavuze ko bafata akadobo bakadaha ibiryo mu mufuka basuka muri kareremba.

Ati 'Muri aya mahugurwa twabonye ingano y'ibiryo tuzajya tugabura ku munsi dukurikije umubare w'amafi tugaburira n'ikigero agezemo. Bizadufasha kongera umusaruro w'amafi tuge tubonamo n'amanini kuko twarobaga tugasanga inyinshi ni uduto'.

Umukozi w'Umuryango ARCOS wita ku bidukikije n'iterambere, ushinzwe umushinga wo kubungabunga urusobe rw'ibinyabuzima mu kiyaga cya Kivu, Aline Francoise Mbabazi, yabwiye IGIHE ko mu busesenguzi bakoze basanze mu bidindiza ubwiyongere bw'umusaruro w'amafi harimo kuba aborozi bayo badasobanukiwe ibijyanye no kuyagaburira.

Ati 'Twasuye amakoperative yororera muri kareremba, twababaza ngo uragabura ibiro bingahe ugasanga akubwiye ibitandukanye n'ibya mugenzi we. Nicyo cyatumye dutegura aya mahugurwa kugira ngo tubafashe kongera umusaruro'.

Nambajimana Phocas, umukozi wa RAB muri gahunda y'ubworozi bw'amafi n'uburobyi yabwiye IGIHE ko bamwe mu borozi b'amafi batazi uko bagaburira amafi bituma igihugu kitagera ku ntego cyihaye yo kongera umusaruro w'amafi.

Ati 'Bagabura bikeya amafi ntakure neza cyangwa bakagabura byinshi bigapfa ubusa kandi ibiryo by'amafi bifite igiciro kitari gitoya'.

Amafi aboneka mu Rwanda arimo Limnothrissa miodon(isambaza), Haprochromis sp, Nile Tilapia, Catfish, Protopterus aethiopicus, na Carpio ya Sprinus ariko ayigaje mu bworozi bwo muri kareremba ni tilapia kuko ariyo aberanye cyane n'ikirere cy'u Rwanda akaba ari nayo Abanyarwanda bakunda.

Abororera mu kareremba beretswe uko bagaburira amafi agatanga umusaruro ushimishije

RAB igiye gushyira imbaraga mu kwereka aborozi uko bagaburira amafi

Aborozi b’amafi bo mu Kiyaga cya Kivu bahawe ubumenyi buzabafasha kongera umusaruro w’amafi

Babitangaje ku wa 10 Gicurasi 2024, mu gikorwa cyo kumurikira Abanya-Rusizi telefone igezweho ya make, airtel Rwanda ku bufatanye na Minisiteri y'Ikoranabuhanga na Inovasiyo iri kwegereza abaturage mu turere dutandukanye muri gahunda ya connect Rwanda 2.0.

Connect Rwanda 2.0 ni gahunda igamije guteza imbere ikoranabuhanga mu Banyarwanda.

Kuva iyi gahunda yatangira Abanyarwanda barenga ibihumbi 520 bo mu turere twa Kayonza, Nyamasheke, Nyanza, Burera, Nyaruguru na Rubavu, bamaze kugura iyi telefone.

Ruhamiriza John, ukora amasafuriya mu murenge wa Kamembe yashimiye airtel Rwanda yabazaniye izi telefone avuga ko yari amaze igihe kinini nta telefone afite kuko iyo yahoranye bayimwibye.

Ati 'Najyaga mbura aho mbitsa amafaranga none mbonye telefone nzajya nyabitsaho. Abantu bampamagaraga ngo mbahomere amasafuriya bakambura ariko ubu noneho bazajya bambona'.

Sebakungu Aman yasubije neza ibibazo bijyanye na gahunda ya connect Rwanda ahembwa iyi telefone. Yavuze ko iyi telefone izamufasha kwiteza imbere kuko izajya imufasha kwamamaza ibikorwa bye.

Ati 'Ni telefone nziza ifite internet ya 4G na 3G na Whatsapp ku buryo ibasha guhamagara mu mahanga ukoresheje WhatsApp, ni telefone imeze neza nta kibazo ifite na kimwe'.

Umuyobozi w'ishami ry'imari muri Airtel Rwanda, Kazibwe Paul yavuze ko iyi telefone ifite ububiko bwa GB 32 kuri ubu iri kuboneka mu mashami yose ya Airtel Rwanda no ku mazu yayo y'ubucuruzi.

Ati 'Iyi telefone igura 20,000Frw ukongeraho ikindi gihugumbi kiguhesha guhamagara ukwezi kose udahagarara na GB 30 za internet, uhabwa GB1 buri munsi mu gihe cy'iminsi 30'.

Umuyobozi w'ishami rishinzwe iterambere ry'ikoranabuhanga muri Minisiteri y'Ikoranabuhanga na Inovasiyo, Gordon Kalema, yavuze ko smartphone ari igikoresho cy'ingenzi cyane kuko ifasha kwishyurana amafaranga, mu kumenya amakuru y'ubucuruzi, guhamagarana, gufasha abana gusubiramo amasomo, kubona serivise za Leta ku irembo, n'ibindi byinshi.

Biteganyijwe ko mu Ntara y'Iburengerazuba hazatangwamo telefoni zigezweho nk'izi zigera ku 280,000 hakajya hatangwa izigera ku 3000 muri buri murenge bivuze ko mu karere ka Rusizi hazatangwa telefone ibihumbi 54.

Muri iki gikorwa abaturage babazwa ibibazo kuri gahunda ya connect Rwanda 2.0 ubisubije neza agahembwa telefone

Airtel Rwanda yegereje abanya-Rusizi telefone zitezweho kwihutisha iterambere ryabo

Abaturage ba Rusizi bishimiye izi telefone

Izi telefone zitezweho kwihutisha iterambere ry’abaturage ba Rusizi

Ni telefone ihendutse kandi ikora byose bikorwa na telefone zigezweho za smartphones

Ni intama 50 zaguzwe mu 2021 binyuze mu mushinga PRISM wateguwe na Leta y'u Rwanda ifatanyije n'Ikigega Mpuzamahanga giteza imbere ubuhinzi n'ubworozi, IFAD, binyuze muri Minisiteri y'Ubuhinzi n'Ubworozi, uyu mushinga ugashyirwa mu bikorwa na RAB.

Kuri ubu izi ntama zimaze kororoka aho zimaze kuba 144, buri imwe ikaba ishobora kugira ibiro 50 mu gihe izororwaga mu Rwanda mbere inini usanga ifite ibiro 15 cyangwa 20.

RAB yatangaje ko kugeza ubu aborozi babiri aribo bamaze guhabwa icyororo kuri izo ntama mu gihe abandi 30 bamaze kwiyandikisha kugira ngo bahabwe icyororo cy'intama nshya.

Umukozi wa RAB Sitasiyo ya Gishwati, Ndayambaje Nathan, yavuze ko izo ntama zitezweho kuvugurura icyororo cy'intama zari zisanzwe mu Rwanda.

Ati 'Ubu icyororo cy'intama zisanzwe cyari cyarasubiye inyuma kuko havukaga intama ntoya bigatuma intama ziba nkeya ariko ubu ng'ubu kuko dufite intama zikura vuba kandi zikagira inyama nyinshi bizongera umusaruro w'inyama mu gihugu dore ko dukeneye inyama nyinshi.'

Ndayambaje yavuze ko intama zaguzwe muri Kenya kuri ubu kandi bazitezeho kongera umusaruro w'ubwoya bwazo kuko bukorwamo imyenda mu Karere ka Musanze hakaba hari n'uruganda rwatangiye kubukoresha.

Ati 'Zaguzwe kubera impamvu ebyiri, twashakaga kugira ngo dukemure icyororo cyari kiri gusubira inyuma mu borozi, ariko noneho kubera ko mu Rwanda hari kuza ikoranabuhanga twanaziguze kugira ngo ubwoya bwazo bukorwemo ubudodo bwavamo imyenda.'

Intama ni itungo ryuza rifite ubushobozi bwo kuba ryabangurirwa nyuma y'amezi 12 rivutse, rihaka amezi atanu. Ifite ubushobozi bwo kubyara kabiri mu mwaka cyangwa ikaba yabyara intama ebyiri icyarimwe.

Kuri ubu umunyarwanda arya ibilo umunani by'inyama ku mwaka mu gihe ibipimo mpuzamahanga bisaba ko buri muturage yarya nibura ibilo 45 by'inyama ku mwaka.

RAB ivuga ko bifuza ko amatungo magufi yatanga umusaruro w'inyama ungana na 80% inka zigatanga 20% akaba ari yo mpamvu abaturage bari korozwa amatungo magufi ku bwinshi.

Muri gahunda ya Leta y'imyaka irindwi u Rwanda rwari rwiyemeje ko buri mwaka hazajya haboneka toni ibihumbi 150 z'inyama ariko ubu haboneka toni ibihumbi 130, uruhare rw'amatungo magufi rwari ruto akaba ariyo mpamvu abaturage bari korozwa amatungo magufi menshi atanga inyama arimo Ihene, Ingurube, Inkoko n'Intama.

Imibare y'Ikigo cy'Igihugu cy'ibarurishamibare igaragaza ko umubare w'intama ziri mu gihugu wagabanyutse ugera ku ntama ibihumbi 600 muri 2021 uvuye ku ntama ibihumbi birenga 730 zagaragaraga mu Rwanda mu 1992.

Rutahizamu wa Bugesera FC ukomoka muri Nigeria, Ani Elijah yemeje ko Police FC na Bugesera FC ari amwe mu makipe yamwegereye amubwira ko amwifuza.

Uyu rutahizamu usoje umwaka we wa mbere muri Bugesera FC, ni umwe mu bakinnyi bahiriwe n’uyu mwaka w’imikino nubwo atakinnye umukino usoza shampiyona kubera amakarita 3 y’imihondo yabonye.

Amakuru avuga ko amwe mu makipe akomeye mu Rwanda nka Rayon Sports, Police FC yegereye uyu musore yifuza ko umwaka utaha w’imikino yayazamo.

Mu kiganiro yahaye ikinyamakuru ISIMBI, Ani Elijah yavuze ko koko ayo makuru ari yo, Rayon Sports na Police FC yamwegereye.

Ati “Mu by’ukuri nkubwije ukuri hari amakipe yanyegereye, bizaterwa na yo, umwanzuro uraza gufatwa nyuma y’uyu munsi, ngiye kwicarana n’abampagarariye turebe igikurikiraho. Yego Rayon Sports na Police FC ziri mu makipe yanyifuje.”

Yakomeje avuga ko Bugesera FC itazamugora kuko mu masezerano ye hari ingingo ivuga amafaranga ikipe izamwifuza izishyura.

Ati “Nk’umukinnyi w’umunyamwuga mu masezerano yanjye harimo ibyo ikipe izanyifuza nkifite amasezerano ya Bugesera FC ibyo izatanga.”

Ani Elijah akaba asigaranye umwaka umwe w’amasezerano, akaba asoje shampiyona afite ibitego 15 anganya na Victor Mbaoma wa APR FC usigaje umukino umwe ejo wa Amagaju.

Ani Elijah yavuze ko Police FC na Rayon Sports zamwegereye

Ani Elijah yemeje ko yanditse asaba ubwenegihugu kugira ngo abe yakinira ikipe y’igihugu Amavubi.

Hari hamaze iminsi havugwa amakuru ko uyi rutahizamu wa Bugesera FC ukomoka muri Nigeria yasabye ubwenegihugu ndetse akaba yaranabuhawe.

Gusa ntabwo yagaragaye mu bakinnyi umutoza yahamagaye azitabaza ku mukino wa Benin na Lesotho.

Ani Elijah akaba yabwiye ISIMBI ko yanditse asaba ubwenegihugu, ategereje icyo bazamusubiza ariko yakwishimira guhamagarwa.

Ati “Yego ni byo. Natanze icyifuzo cyanjye, igihe cyo bazampamagara bizanshimisha. Buri kimwe cyose kizamenyekana kuko nk’ubu wabonye ko bamaze guhamagara abakinnyi bazifashishwa, nta gitutu, igihe cyose umutoza azabona ko hari icyo nafasha akampamagara njye nditeguye cyane.”

Ishyirahamwe ry’umupira w’amaguru mu Rwanda, FERWAFA, riheruka gutangaza ko mu gihe rizabona umukinnyi ufite icyo yafasha azasabirwa ubwenegihugu ubundi azakinire Amavubi.

Yasabye kuba umunyarwanda ategereje asubizwa

Ibi babigarutseho ubwo baganiraga n'itangazamakuru ribasanze kwa muganga, aho bari guhererwa ubuvuzi ku buntu, mu gikorwa cyateguwe n'Ingabo na Polisi, cyiswe 'Citizen outreach Campaign', ibintu abaturage bavuga ko ari ubudasa bw'u Rwanda kandi bakabishimira ubuyobozi.

Abarwayi bari kwitabwaho n'izo nzego z'umutekano, bavurwa indwara zigera kuri 11 zirimo iz'amagufwa, iz'amenyo, izo mu nda, iz'abagore, iz'uruhu ndetse n'indwara z'abana.

Bamwe mu baturage bahawe serivisi muri icyo gikorwa baganiriye na IGIHE, bavuze ko babyakiriye neza cyane.

Mukashyaka Anne Marie, umwe mu bahawe ubwo buvuzi, yavuze ko yari afite uburwayi bw'amenyo abumaranye igihe kirekire aho amenyo ye hafi ya yose ajegera ndetse ko kubera ubwo burwayi hari indyo zimwe na zimwe atari agishobora kuba yafata harimo nk'ibigori, imyumbati ndetse n'ibijumba, kandi ari byo akenshi biboneka kuko abyihingira.

Yavuze ko bitewe n'ubushobozi bucye atari yarigeze ashobora kwivuza, ariko ubu bikaba byakemutse.

Ati 'Ndashimira Perezida Paul Kagame ku bw'igikorwa cyiza yatugejejeho n'ingabo yohereje kuduha ubufasha ku ndwara zitandukanye ku buntu. Ndanezerewe cyane kuko mbonye ubuvuzi nizeye, ngiye gukira ubuzima busubire ku murongo'.

Ayo mashimwe ayasangiye na Karangwa Alexis, wo mu Murenge wa Kabagari, mu Karere ka Ruhango, wavuze ko abaturage bose banejejwe n'igikorwa cyiza bagejejweho na Leta y'u Rwanda ku bufatanye n'ingabo z'igihugu gifitiye akamaro kanini abaturage bose.

Ati' Nari mfite ikibazo cy'amagufa, ariko nahawe ubuvuzi natangiye kugira icyizeye cyo kuzakira. Ndabatumye muzamushimirire Umukuru w'Igihugu wadutekerejeho akatwoherereza abaganga bakomeye.''

Umuyobozi w'Akarere ka Ruhango, Habarurema Valens, yabwiye abaturage kujya baha agaciro ubwo bufasha baba begerejwe kuko bishimangira ko umuturage w'u Rwanda ari ku isonga.

Yagize ati 'Ibikorwa nk'ibi bigaragaza ko Leta y'u Rwanda yitaye ku baturage bayo kandi ko ubuzima bwabo buri ku isonga kuruta ibindi byose, kuko abaturage badafite ubuzima buzima, u Rwanda ntirwaba rugeze kubyo rumaze kugeraho byose rukomora ku bubuyobozi bwiza.''

Yakomeje akangururira abaturage kujya bipimisha indwara zitandura kenshi, kugira ngo bamenye uko ubuzima bwabo buhagaze zitarabazahaza.

Iki gikorwa cyatangiye ku wa 29 Mata 2024, gihera ku Bitaro by'Intara bya Ruhango, biherereye mu murenge wa Kinazi, kimara iminsi itanu, nyuma gikomereza mu Bitaro bya Gitwe.

Kugeza ubu, hamaze kuvurwa abaturage barenga 3400, aho 34 muri bo bahawe serivisi zijyanye no kubagwa, mu gihe igikorwa gisozwa ku wa 10 Gicurasi 2024.

Abaturage bahawe ubuvuzi ku ndwara zigera kuri 11 zitandukanye

Iki gikorwa cyatangiriye mu bitaro bya Ruhango gikomereza mu bitaro bya Gitwe

Abaturage bo mu Ruhango bishimiye ubuvuzi bahawe n’inzego z’umutekano

Abapolisi bari mu gikorwa cyo kwakira abaturage babuzuriza imyirondoro mbere yo kuvurwa.

Indwara z’amenyo ziri mu zo abaturage bivuje cyane muri iki gikorwa cy’ingabo na Polisi.

Abaturage benshi bitabiriye ibi bikorwa babikunze cyane kuko byabaruhuye ingendo n’amafaranga.

Ubwo umugore we yagiraga isabukuru y’amavuko, umuhanzi akaba n’umuganga Muyombo Thomas wamenyekanye nka Tom Close, yandikanye ishimwe, agaragaza ko umugore we Ange Ingabire Tricia asobanuye buri kimwe mu buzima bwe, amwifuriza gukomeza gukabya inzozi nziza mu minsi iri imbere.

Ni ubutumwa yanyujije kuri konti ye ya Instagram igihe umugore we Ange Tricia yizihizaga isabukuru y’amavuko kuwa Gatanu tariki 03 Gicurasi 2024. Tom Close yasobanuye umugore we mu magambo atatu. Yavuze ko ari umuhanga cyane, umugore uzi kwita ku bantu kandi akaba mwiza imbere n’inyuma.

Tom Close yabwiye umugore we kunogerwa n'isabukuru ye, amwifuriza kongera kurota inzozi nziza kandi akazikabya, arenzaho ko amukunda. Ati 'Uyu munsi w’isabukuru yawe ukubere umunsi wuzuye umunezero, ibyiza no kongera kurota inzozi nziza uzakabya mu minsi iri imbere. Ndagukunda mama w’abana banjye.'

Ibi byishimo rero ntibyagarukiye aho, ahubwo n’inshuti n’abavandimwe ba Tricia bakomeje kumwifuriza ibyiza gusa mu mwaka mushya atangiye. Bamwe mu nshuti ze za hafi rero, bamuteguriye ikirori cyo kumwereka ko bifatanyije nawe ku isabukuru ye y’amavuko ari nako bamwibutsa ko bamukunda.

Muri abo harimo Nyampinga w’u Rwanda wa 2016, Mutesi Jolly, Uwicyeza Pamella n’umugabo we Mugisha Benjamin [The Ben], Butera Knowless n’umugabo we Ishimwe Clement, n’abandi.

Miss Jolly washyize hanze aya mashusho, yayaherekesheje amagambo agira ati: “Mu ijoro ryashize twizihize Ange wacu mwiza. Uri imbaraga zidasanzwe, turagukunda cyane. Isabukuru nziza na none.”

Tricia yashimiye byimazeyo inshuti ze zamuzirikanye zikamukorera ibirori byo kumwifuriza isabukuru nziza

Amarira ni menshi cyane ku ikipe ya Etoile del’Est imanutse mu cyiciro cya kabiri nyuma yo kunyagirirwa imbere y’abakunzi ba yo na Bugesera FC ibitego 3-0.

Wari umukino Etoile del’Est yasabwaga gutsinda kugira ngo igume mu cyiciro cya mbere ariko birangira byanze kuko na Bugesera FC yari mu murongo utukura nta kosa yagombaga gukora.

Etoile del’Est isubiye mu cyiciro cya kabiri yaherukagamo umwaka ushize, Imanukanye na Sunrise FC yatsinze Marines FC 2-1 ariko bikaba ntacyo bivuze kuko icyari kuyifasha ni uko Bugesera FC na Etoile del’Est zari kunganya.

Uko umukino urimo kugenda

Iminota 4 y’inyongera

Iminota 90 y’umukino ikaba irangiye maze umusifuzi wa kane, Mukansanga Salima yongeraho iminota 4.

88′ Abafana ba Etoile del’Est bangiwe gusohoka

Abafana ba Etoile Etoile del’Est bashatase gusohoka ariko DASSO banga ko basohoka umukino utarangiye

Kugeza ubu Sunrise FC na Etoile del’Est ziri mu cyiciro cya kabiri

14. Etincelles 32 (-9)
15. Sunrise FC 32 (15)
16. Etoile del’Est 31 (-19)

76′ Impinduka ku ruhande rwa Bugesera: Niyomukiza yahaye umwanya Hitimana Placide, Gakwaya Leonard yahaye umwanya Kaneza Augustin

70′ Etoile del’Est ikoze impinduka: Etoile del’Est ikoze impinduka Muhoza Daniel ahaye umwanya Irankunda Daniel

69′ Patience arakoye Bugesera: umunyezamu wa Bugesera FC, Niyongira Patience akuyemo umupira ukomeye cyane yari atewe na Sunday Inemesit Akang

66′ Gusimbuza kwa Bugesera FC: Dushimimana Olivier ahaye umwanya Gakiza Aime

Etoile del’Est yabuze aho iminera

Etoile del’Est urabona ko byanze, mu bwugarizi irimo guhuzagurika, ni mu gihe mu busatirizi babuze aho bamenera kuko ubwugarizi bwa Bugesera buhagaze neza.

54′ Bugesera ikoze impinduka 2

Umunyezamu Habineza Fils François yahaye umwanya Nsabimana Jean de Dieu, Gihozo Irene Basir aha umwanya Kwizera Epaphrodite

53′ Daniel wa Etoile del’Est yateye ishoti rikomeye ariko umunyezamu arikuramo

50′ Gooooooal Bugesera FC: Ssentongo Farouk atsindiye Bugesera FC igitego cya gatatu n’umutwe, ni ku mupira wari uhinduwe na Byiringiro David

46′ Igice cya kabiri kiratangiye, Bugesera FC ni yo itangije umupira

HT: Etoile del’Est 0-2 Bugesera FC

Igice cya mbere cy’umukino kirarangiye. Amakipe yombi agiye kuruhuka ari 2 bya Bugesera FC ku busa bwa Etoile del’Est.

Ku bindi bibuga

Gorilla 2-1 Mukura VS (Warangiye)
Sunrise FC 1-0 Marines (HT)
Kiyovu Sports 0-0 Rayon Sports (igice cya mbere ntikirarangira)

39′ Goooal! Igitego cya kabiri cya Bugesera FC: Dukundane Pacifique wahoze muri Etoile del’Est ni we utsindiye Bugesera FC igitego cya kabiri

37′ Goaaal Igitego cya Bugesera: Bugesera FC ifunguye amazamu ku gitego gitsinzwe na Byiringiro David kuri kufura

33′ Muzungu yagerageje ishoti rikomeye ariko rinyura hejuru y’izamu rya Etoile del’Est

30′ Muhoza Daniel wa Etoile del’Est yahinduye umupira mwiza imbere y’izamu rya Bugesera FC ariko Batagatifu Yves awutera nabi unyura hanze y’izamu.

24′ Bugesera FC ihushije uburyo bwabazwe: Niyomukiza Evariste ahaye umupira mwiza Dushimimana Olivier bakunze kwita Muzungu ari mu rubuga rw’amahina, awutera yigaramye ariko unyura hanze gato y’izamu rya Habineza Fils François

16′ Kurarira kwa Bugesera: Isigizwe Rodrigue ahannye ikosa ashaka Tuyihimbaze Gilbert ariko basifura ko yaraririye

I Nyagatare cyanyoye…

Undi mukino urimo kubera i Nyagatare kuri Golgotha Stadium, Sunrise FC yamaze gushyiramo icya mbere cyatsinzwe na Mukoghotya Robert.

10′ Kurarira kwa Etoile del’Est: Kapiteni Mumbere Mbusa acomekeye Batagatifu Yves ariko umusifuzi wa kabiri w’igitambaro avuga ko habayeho kurarira

5′ Gusatira kwa Bugesera FC: Evariste yacomekewe umupira mwiza ariko myugariro wa Etoile del’Est, Turatsinze John arahagoboka arawumutanga

4′ Koruneri ya Bugesera: Ndayishimiye Celestin yahinduye umupira imbere y’izamu ushyirwa muri koruneri ariko bayiteye yigira mu ntoki z’umunyezamu Patience.

3′: Kapiteni wa Bugesera FC, David agerageje gutera mu izamu ariko habura ushyiramo, Evariste asubijemo unyura hanze y’izamu

1′: Etoile del’Est ni yo itangije umukino

Umunota wo Kwibuka

Mbere y’uko umukino utangira, umusifuzi Ruzindana Nsoro yabanje gusaba abakinnyi n’abari muri Stade bose guhagurika hagafatwa umunota wo Kwibuka Jenoside yakorewe Abatutsi mu 1994.

Byivanze i Ngoma….

Ubwo imvura yari iguye, abari ahadatwikiriye bahise binjira no mu myanya y’icyubahiro, ubwo imvura yari ihise kubakuramo byagoranye ndetse bamwe mu baguze amatike babanza kubura aho bicara. Ababishinzwe barimo kubikemura.

Nubwo ibitego 15 biri hanze Bugesera FC nta mpungenge ifite

Nubwo Bugesera FC idafite rutahizamu wa yo Ani Elijah umaze gutsinda ibitego 15 muri shampiyona, abava muri iyi kipe bakubwira ko nta mpungenge ibateye kuko ngo yari amaze iminsi ititwara neza.

Amakuru avuga ko borohereje abatoza akazi kuko kumwicaza ari muzima, nta kibazo afite byari ihurizo kuri bo.

Saa 14:34′: Mbere y’uko uyu mukino utangira, muri Stade ya Ngoma hamanutse imvura ikangranyije abari muri Stade, benshi bati “ni imvura y’umugisha”.

Abafana bo ni benshi cyane muri Stade ya Ngoma baje kwihera ijisho uyu mukino w’amateka.

Ibyo wamenya kuri uyu mukino

Ni umukino ukomeye cyane ku mpande zombi kuko ikipe itsindwa bidasubirwaho igomba kumanuka mu cyiciro cya kabiri. Mu gihe zanganya byaha amahirwe Sunrise FC kuba ari yo iguma mu cyiciro cya mbere ibaye yatsinze Marines ubundi Bugesera FC na Etoile del’Est zikamanukana.

Ni umukino Etoile del’Est yagiye gukina ari iya 14 n’amanota 31, Bugesera iya 15 n’amanota 29 inganya na Sunrise FC.

N imukino amakipe yombi agiye gukina abura abakinnyi ba yo b’inkingi za mwamba, Bugesera FC ntifite rutahizamu Ani Elijah umaze gutsinda ibitego 15 anganya na Victor Mbaoma wa APR FC akaba ari nabo bayoboye abamaze gutsinda ibitego byinshi, Etoile del’Est ntifite Gabriel Godspower bose bafite amakarita 3 y’umuhondo atabemerera gukina uyu mukino.

Mu mikino 3 yahuje aya makipe yombi, Bugesera FC yatsinzemo imikino 2, banganya umukino umwe.

11 amakipe yombi agiye kubanzamo

Etoile del’Est: Fils Francis, Mumbere Moussa, Turatsinze John, Alex Missiri, Ndayishimiye Celestin, Batagatifu Yves, Sadick Sulley, Gihozo Irene Basir, Fatai Abdullahi, Muhoza Daniel na Niyonshuti Yusufu

Bugesera FC: Niyongira Patience, Nshimirimana David, Niyomukiza Evariste, Isingizwe Rodrigue, Dukundane Pacifique, Byiringiro David, Ntakirutimana Theotime, Gakwaya, Tuyihimbaze Gilbert, Dushimimana Olivier na Ssentongo Farouk

Umutoza Eric Nshimiyimana yarebye uyu mukino

Rutahizamu Ani Elijah utakinnye uyu mukino

Emmy Fire usanzwe ari umujyanama w’abakinnyi benshi

Abafana ni benshi

ISIMBI iguhaye ikaze kuri Ngoma Stadium yo mu Karere ka Ngoma Iburasirazuba ahagiye kubera umukino w’umunsi wa 30, akaba ari wo munsi usoza usoza shampiyona y’icyiciro cya mbere mu Rwanda umwaka w’imikino wa 2023-24, Etoile del’Est yakiriye Bugesera FC.

Kugeza ubu Sunrise FC na Etoile del’Est ziri mu cyiciro cya kabiri

14. Etincelles 32 (-9)
15. Sunrise FC 32 (15)
16. Etoile del’Est 31 (-19)

76′ Impinduka ku ruhande rwa Bugesera: Niyomukiza yahaye umwanya Hitimana Placide, Gakwaya Leonard yahaye umwanya Kaneza Augustin

70′ Etoile del’Est ikoze impinduka: Etoile del’Est ikoze impinduka Muhoza Daniel ahaye umwanya Irankunda Daniel

69′ Patience arakoye Bugesera: umunyezamu wa Bugesera FC, Niyongira Patience akuyemo umupira ukomeye cyane yari atewe na Sunday Inemesit Akang

66′ Gusimbuza kwa Bugesera FC: Dushimimana Olivier ahaye umwanya Gakiza Aime

Etoile del’Est yabuze aho iminera

Etoile del’Est urabona ko byanze, mu bwugarizi irimo guhuzagurika, ni mu gihe mu busatirizi babuze aho bamenera kuko ubwugarizi bwa Bugesera buhagaze neza.

54′ Bugesera ikoze impinduka 2

Umunyezamu Habineza Fils François yahaye umwanya Nsabimana Jean de Dieu, Gihozo Irene Basir aha umwanya Kwizera Epaphrodite

53′ Daniel wa Etoile del’Est yateye ishoti rikomeye ariko umunyezamu arikuramo

50′ Gooooooal Bugesera FC: Ssentongo Farouk atsindiye Bugesera FC igitego cya gatatu n’umutwe, ni ku mupira wari uhinduwe na Byiringiro David

46′ Igice cya kabiri kiratangiye, Bugesera FC ni yo itangije umupira

HT: Etoile del’Est 0-2 Bugesera FC

Igice cya mbere cy’umukino kirarangiye. Amakipe yombi agiye kuruhuka ari 2 bya Bugesera FC ku busa bwa Etoile del’Est.

Ku bindi bibuga

Gorilla 2-1 Mukura VS (Warangiye)
Sunrise FC 1-0 Marines (HT)
Kiyovu Sports 0-0 Rayon Sports (igice cya mbere ntikirarangira)

39′ Goooal! Igitego cya kabiri cya Bugesera FC: Dukundane Pacifique wahoze muri Etoile del’Est ni we utsindiye Bugesera FC igitego cya kabiri

37′ Goaaal Igitego cya Bugesera: Bugesera FC ifunguye amazamu ku gitego gitsinzwe na Byiringiro David kuri kufura

33′ Muzungu yagerageje ishoti rikomeye ariko rinyura hejuru y’izamu rya Etoile del’Est

30′ Muhoza Daniel wa Etoile del’Est yahinduye umupira mwiza imbere y’izamu rya Bugesera FC ariko Batagatifu Yves awutera nabi unyura hanze y’izamu.

24′ Bugesera FC ihushije uburyo bwabazwe: Niyomukiza Evariste ahaye umupira mwiza Dushimimana Olivier bakunze kwita Muzungu ari mu rubuga rw’amahina, awutera yigaramye ariko unyura hanze gato y’izamu rya Habineza Fils François

16′ Kurarira kwa Bugesera: Isigizwe Rodrigue ahannye ikosa ashaka Tuyihimbaze Gilbert ariko basifura ko yaraririye

I Nyagatare cyanyoye…

Undi mukino urimo kubera i Nyagatare kuri Golgotha Stadium, Sunrise FC yamaze gushyiramo icya mbere cyatsinzwe na Mukoghotya Robert.

10′ Kurarira kwa Etoile del’Est: Kapiteni Mumbere Mbusa acomekeye Batagatifu Yves ariko umusifuzi wa kabiri w’igitambaro avuga ko habayeho kurarira

5′ Gusatira kwa Bugesera FC: Evariste yacomekewe umupira mwiza ariko myugariro wa Etoile del’Est, Turatsinze John arahagoboka arawumutanga

4′ Koruneri ya Bugesera: Ndayishimiye Celestin yahinduye umupira imbere y’izamu ushyirwa muri koruneri ariko bayiteye yigira mu ntoki z’umunyezamu Patience.

3′: Kapiteni wa Bugesera FC, David agerageje gutera mu izamu ariko habura ushyiramo, Evariste asubijemo unyura hanze y’izamu

1′: Etoile del’Est ni yo itangije umukino

Umunota wo Kwibuka

Mbere y’uko umukino utangira, umusifuzi Ruzindana Nsoro yabanje gusaba abakinnyi n’abari muri Stade bose guhagurika hagafatwa umunota wo Kwibuka Jenoside yakorewe Abatutsi mu 1994.

Byivanze i Ngoma….

Ubwo imvura yari iguye, abari ahadatwikiriye bahise binjira no mu myanya y’icyubahiro, ubwo imvura yari ihise kubakuramo byagoranye ndetse bamwe mu baguze amatike babanza kubura aho bicara. Ababishinzwe barimo kubikemura.

Nubwo ibitego 15 biri hanze Bugesera FC nta mpungenge ifite

Nubwo Bugesera FC idafite rutahizamu wa yo Ani Elijah umaze gutsinda ibitego 15 muri shampiyona, abava muri iyi kipe bakubwira ko nta mpungenge ibateye kuko ngo yari amaze iminsi ititwara neza.

Amakuru avuga ko borohereje abatoza akazi kuko kumwicaza ari muzima, nta kibazo afite byari ihurizo kuri bo.

Saa 14:34′: Mbere y’uko uyu mukino utangira, muri Stade ya Ngoma hamanutse imvura ikangranyije abari muri Stade, benshi bati “ni imvura y’umugisha”.

Abafana bo ni benshi cyane muri Stade ya Ngoma baje kwihera ijisho uyu mukino w’amateka.

Ibyo wamenya kuri uyu mukino

Ni umukino ukomeye cyane ku mpande zombi kuko ikipe itsindwa bidasubirwaho igomba kumanuka mu cyiciro cya kabiri. Mu gihe zanganya byaha amahirwe Sunrise FC kuba ari yo iguma mu cyiciro cya mbere ibaye yatsinze Marines ubundi Bugesera FC na Etoile del’Est zikamanukana.

Ni umukino Etoile del’Est yagiye gukina ari iya 14 n’amanota 31, Bugesera iya 15 n’amanota 29 inganya na Sunrise FC.

N imukino amakipe yombi agiye gukina abura abakinnyi ba yo b’inkingi za mwamba, Bugesera FC ntifite rutahizamu Ani Elijah umaze gutsinda ibitego 15 anganya na Victor Mbaoma wa APR FC akaba ari nabo bayoboye abamaze gutsinda ibitego byinshi, Etoile del’Est ntifite Gabriel Godspower bose bafite amakarita 3 y’umuhondo atabemerera gukina uyu mukino.

Mu mikino 3 yahuje aya makipe yombi, Bugesera FC yatsinzemo imikino 2, banganya umukino umwe.

11 amakipe yombi agiye kubanzamo

Etoile del’Est: Fils Francis, Mumbere Moussa, Turatsinze John, Alex Missiri, Ndayishimiye Celestin, Batagatifu Yves, Sadick Sulley, Gihozo Irene Basir, Fatai Abdullahi, Muhoza Daniel na Niyonshuti Yusufu

Bugesera FC: Niyongira Patience, Nshimirimana David, Niyomukiza Evariste, Isingizwe Rodrigue, Dukundane Pacifique, Byiringiro David, Ntakirutimana Theotime, Gakwaya, Tuyihimbaze Gilbert, Dushimimana Olivier na Ssentongo Farouk

Umutoza Eric Nshimiyimana yarebye uyu mukino

Rutahizamu Ani Elijah utakinnye uyu mukino

Emmy Fire usanzwe ari umujyanama w’abakinnyi benshi

Abafana ni benshi