Category: Uncategorized

Ibi byabaye kuri uyu wa Gatandatu tariki 11 Gicurasi 2024, ubwo abantu 15 bari mu kirombe cya Koperative yitwa COMIKA bari mu gikorwa gukogota amazi mu kirombe ngo babashe gukomeza akazi ko gucukura.

Mu gihe bari muri ako kazi ko gukogota amazi, moteri yabazimiyeho, maze bafatwa n'umwuka wo mu kirombe 'gaz' , abakozi batanu bahita bapfa.

Abapfuye ni Ngengimana Eric w'imyaka 32 y'amavuko, Ngendahimana Phanuel w'Imyaka 36, Manishimwe Jean Pierre w'Imyaka 29, Ntakaziraho Jean Damascene w'imyaka 35 na Ndayishimiye Gaspard w'imyaka 22 y'amavuko.

Umuvugizi wa Polisi y'u Rwanda mu Ntara y'Amajyepfo, SP Emmanuel Habiyaremye, yemereye IGIHE iby'aya makuru.

Yagize ati 'Bikekwa ko moteri bajyanyemo yabacuze umwuka, batanu muri bo bitaba Imana, naho icumi bakurwamo ari bazima harimo batanu bajyanwe ku bitaro bya Remera-Rukoma kwitabwaho n'abaganga, abandi bajyanwa ku kigo nderabuzima cya Karangara baravurwa barataha.''

SP Habiyaremye yakomeje avuga ko iperereza ryahise ritangiye kuri iki kibazo.

Yasabye abantu kwirinda kwishora mu bucukuzi bw'amabuye y'agaciro mu buryo bunyuranyije n'amategeko, cyane cyane mu gihe cy'imvura, anasaba abaturage gutanga amakuru mu gihe hari ikibazo nk'iki kugira ngo impanuka nk'izi zirindwe.

Kugeza ubu, imirambo ya ba nyakwigendera yajyanywe ku bitaro bya Remera-Rukoma.

Iyi mpanuka y’ikirombe yabereye mu murenge wa Ngamba

Mu gitondo cyo kuri uyu wa Gatandatu tariki 11 Gicurasi 2024, nibwo abayobozi bo mu itorero ADEPR mu Rwanda, abo mu nzego z’ubuyobozi bwite bwa Leta n’iz’umutekano, abakristo n'inshuti z'abateranira kuri ADEPR Gihogwe bazindukiye kuri uru rusengero mu gikorwa cyo Kwibuka ku nshuro ya 30 inzirakarengane z'Abatutsi bishwe bazira uko bavutse bari basanzwe bahakorera umurimo w'Imana.

Ku ikubitiro, habanje umwanya wahariwe amakorali, maze abaririmbyi bose bagaruka ku mateka mabi yaranze igihugu mu 1994, ari nako bihanganisha abarokotse, bavuga bati ‘nyuma y’ibyabaye hari icyizere cy’ubuzima.’ 

Nyuma y’isengesho ryabimburiye ibindi bikorwa byose byakorewe muri uyu muhango, umushumba mukuru wa Paruwasi ya Gihogwe yavuze gato ko kuri uyu munsi hibukwa abari abanyetorero 45 b’iyi Paruwasi bishwe muri Jenoside yakorewe Abatutsi, byumwihariko abari ababwirizabutumwa 2, abadiyakoni 4, abaririmbyi 12, n’abakristo 47.

Umuyobozi wa ADEPR, Ururembo rwa Kigali, Pastor Valentin Rurangwa wari n’umushyitsi mukuru muri iki gikorwa, yagarutse ku gutsindwa kw’amadini n’amatorero mu gihe cya Jenoside yakorewe Abatutsi ndetse n’icyo akomeje gukora muri iki gihe mu rwego rwo kugarura abari baravuye ku Mana mu nsengero no kurushaho kubaba hafi hirindwa icyabatoneka. 

Yagize ati: “Muri biriya bihe bya Jenoside, hagaragaye ubugwari ku ruhande rw’amadini n’amatorero kimwe n’izindi nzego zari mu gihugu zishinzwe kurengera abaturage. Babaye ibigwari, iyo bataba ibigwari, iyo bagira umutima bakunda abo bayobora ntabwo bari kwemera ko ubwicanyi nka buriya bw’indengakamere bukorerwa igice kimwe cy’abanyarwanda.”

Yakomeje avuga ko ayo mateka y’ubugwari muri iki gihe bayaheraho bubaka ibishya, batanga inyigisho z’isanamitima, begera abarokotse, ari nako babafasha mu buryo bufatika, aho kugeza ubu bamaze kububakira amazu 19.

Muri uyu muhango, Senateri Mureshyankwano Marie Rose yatanze ikiganiro ku mateka y’u Rwanda guhera mu gihe abakoloni bageraga mu Rwanda bafatanyije n’abihayimana bo muri Kiliziya Gatolika bitwaga abimisiyoneri, mu gihe cy’ubukoloni na za Repubulika, mu gihe cya Jenoside yakorewe Abatutsi, ndetse n’uko yaje guhagarikwa n’ingabo zahoze ari iza RPA zari zirangajwe imbere na  Perezida Kagame.

Mu buhamya yatanze, umubyeyi warokokeye i Jali  n’ikiniga cyinshi, avuga inzira ikomeye cyane yanyuzemo ndetse n’ubwicanyi ndengakamere bwakorewe umwana we wari igisekeramwanzi ndetse n’umugabo we wari umwalimu mu itorero rya ADEPR. 

Umuyobozi waje ahagarariye umuryango wa Ibuka mu Karere ka Gasabo, yakomeje  abarokotse Jenoside yakorewe Abatutsi, aboneraho no gushimira iki gikorwa cyo Kwibuka itorero rya ADEPR ryateguye gikorwa muri Paruwasi zose mu bihe bitandukanye.

Uyu muyobozi abwira urubyiruko yagize ati: “Aya mateka twanyuzemo rubyiruko, uku guteshwa agaciro, ntimuzemere ko igihugu cyacu gisubira aho cyavuye. Birasaba gukunda u Rwanda.”

Uyu muhango, wasojwe n’igikorwa cyo gushyira indabo ku rukuta ruriho amazina ya bamwe mu bakristo basengeraga kuri ADEPR Gihogwe bishwe muri Jenoside yakorewe Abatutsi mu 1994.

Igikorwa cyo kwibuka ku nshuro ya 30 Jenoside yakorewe Abatutsi mu Rurembo rwa Kigali giteganijwe ku ya 24 Gicurasi 2024, mu gihe kugeza ubu habarurwa imibare y’abasengeraga muri uru rurembo ibarirwa mu 687 ariko igikorwa cyo gushakisha n’abandi bambuwe ubuzima kikaba gikomeje.

Umuyobozi w’Itorero ADEPR Ururembo rwa Kigali yavuze ko abanyamadini n’amatorero baranzwe n’ubugwari mu gihe cya Jenoside, n’icyo  bakomeje gukora hirindwa ko ibyabaye byazongera kubaho ukundi

Abasengera kuri ADEPR Gihogwe bibutse ku nshuro ya 30 Jenoside yakorewe Abatutsi

Hon. Senateri Mureshyankwano Marie Rose niwe watanze ikiganiro ku mateka y’u Rwanda

Iki gikorwa cyitabiriwe n’inzego zose z’umutekano mu Rwanda

Umukozi wa Ibuka yagarutse ku by’itorero rya ADEPR ryaciyemo ibice abanyetorero, avuga no ku bashumba biyambuye umwambaro wa gishumba bakica abakristo babo

Amakorali anyuranye yatambukije ubutumwa bw’inkomezi mu ndirimbo

Korali Rangurura yo kuri ADEPR Gihogwe yahumurije abitabiriye uyu muhango

Hibutswe abakristo n’abayobozi basengeraga kuri ADEPR Gihogwe bazize uko bavutse bakavutswa ubuzima muri Jenoside yakorewe Abatutsi

Hacanwe urumuri rw’icyizere nk’ikimenyetso kigaragaza ko u Rwanda rwavuye mu bihe by’icuraburindi kandi rudateze kubisubiramo ukundi

Uyu mubyeyi yatanze ubuhamya bw’ibyamubayeho muri Jenoside yakorewe Abatutsi bwashenguye benshi

Ubwo abayobozi berekezaga ahari urukuta rw’amwe mu mazina yabashije kumenyekana

Senateri Mureshyankwano yashyize indabo ku rukuta rw’amazina

Inzego z’umutekano zashyizeho indabo

Iki gikorwa kmcyitabiriwe n’abaturutse mu madini n’amatorero atandukanye

Umuhanzi Bruce Melodie ntabwo agaragara ku rutonde rw’abahanzi bari buririmbe muri Kigali Pelé Stadium APR FC yishimira igikombe cya shampiyona ya 2023-24 yegukanye.

Uyu munsi ni bwo shampiyona isozwa, APR FC iraba yakiriye Amagaju akaba ari nabwo iza gushyikirizwa igikombe cya shampiyona yegukanye.

Mu rwego rwo kwishimira iki gikombe yegukanye ku mwaka wa yo wa mbere isubiye kuri gahunda yo gukinisha abanyamahanga, kikaba igikombe cya 22 mu mateka ya yo, yateguye ibirori byo kukishimira.

Ni ibirori yatumiyemo abahanzi bagezweho bagomba gususurutsa abakunzi b’iyi kipe muri Kigali Pelé Stadium.

Kuri gahunda hari Bruce Melodie, Riderman na Chriss Eazy, aba bagafashwa ba Dj Toxxyk uri bube uvanga vanga imiziki.

Gusa ku mugoroba w’ejo hashize ku wa Gatandatu, mu buryo butunguranye Bruce Melodie ntabwo yagaragaye mu bahanzi bari bube bari muri ibi birori, amakuru ISIMBI yamenye avuga ko uyu muhanzi atumvikanye na APR FC kuko yasabaga ko yubakirwa urubyiniro kandi ntabyo bateguye ndetse iyi kipe ikavuga ko itanabona aho rujya.

Bruce Melodie yakuwe mu bahanzi bagomba kuririmba mu birori bya APR FC

Riderman, Chriss Eazy na DJ Toxxyk ni bo bari bususurutse abakunzi ba APR FC

Inama Nkuru y'Ishyaka yateranye kuri uyu wa 11 Gicurasi 2024, yemerezwamo imigabo n'imigambi ndetse n'urutonde rw'abakandida bazahagararira iryo shyaka mu matora y'Abadepite.

Green Party of Rwanda yatangaje ko izahatana mu matora y'Umukuru w'Igihugu aho umuyobozi wayo, Habineza Frank yagaragaje ko yiteguye kutsinda amatora.

Nk'ushaka kuyobora igihugu, hagaragajwe ibyo bazashyiramo imbaraga kandi bazanereka Abanyarwanda babasaba kubatora hifashishijwe inzego zinyuranye.

Dr Habineza Frank agaragaza ko afite icyizere cy'uko abanyarwanda bazamutorera kuyoborera igihugu nubwo mu matora aherulka yatsinzwe afite amajwi 0,48%.

Ubutabera

Mu rwego rw'Ubutabera, Green Party of Rwanda yagaragaje ko harimo ibibazo bibangamiye iyubahirizwa ry'uburenganzira bwa muntu kandi ko hari ibiteganywa gukorwa kugira ngo bishakirwe umuti urambye.

Mu bizakorwa harimo gushyiraho itegeko rivanaho ahantu hafungirwa abantu binyuranyije n'amategeko abakekwaho ibyaha bakajya bashyikirizwa RIB, gushyiraho gahunda yo kugaburira abagororwa indyo yuzuye no kugaburirwa amafunguro atandukanye aho kurya imvungure gusa.

Hari kandi gukuraho igifungo cy'iminsi 30 y'agateganyo, abakoze ibyaha bito bagahanishwa ibihano nsimburagifungo ndetse no kongera ubushobozi inzego z'Ubugenzacyaha n'Ubushinjacyaha mu kunoza imitegurire ya dosiye.

Yagaragaje kandi ko izacyemura ikibazo y'abacamanza bake kuko bitinza imanza bigatuma ubutabera butinda gutangwa.

Hagaragajwe kandi ko hazashyirwaho urukiko rushinzwe kurinda iremezo ry'itegeko nshinga n'amategeko mpuzamahanga ndetse n'ikigega cyo kujya gitanga indishyi ku bantu bafungwa nyuma bakaba abere.

Demokarasi

DGPR yagaragaje ko hari imyanzuro n'ibyemezo bifatirwa abaturage batabigizemo uruhare bityo ko bazashyiraho uburyo bw'ibiganiro mpaka abaturage bakabasha kungurana ibitekerezo n'uburyo bw'ikoranabuhanga bwo gukusanya ibitekerezo by'abaturage.

Hazashyirwaho uburyo bwo gutora hakoreshejwe ikoranabuhanga bwunganira uburyo busanzwe mu mpapuro, gushyiraho itegeko rigena imikorere ya Komisiyo y'Igihugu y'Amatora ku buryo imitwe ya Politiki yose iba ihagarariwe.

Hari kandi gutora itegeko rigabanya ijanisha ryo kwinjira mu Nteko ishinga amategeko rikava kuri 5% ku mitwe ya Politiki rikaba 3% n'aho abakandida bigenga bakakirwa 2%.

Yagaragaje kandi naramuka atowe azongera umubare w'abadepite ku buryo nibura umudepite umwe yahagararira abaturage ibihumbi 100, uburyo bunoze bwo gusaranganya ubutegetsi mu nzego zinyuranye

Gushyiraho ikigo gishinzwe kwakira ibitekerezo n'imishinga y'amategeko biturutse mu baturage, n'imiryango itari iya Leta kijya gikorana n'Inteko ishinga amategeko.

Iri shyaka kandi rivuga ko hazashyirwaho gahunda ihamye ihesha utugari ubushobozi ku buryo kazaba gafite abakozi bahagije, harimo ushinzwe ubuhinzi, ubworozi, ubucuruzi, umurimo n'ibindi.

Umutekano n'ububanyi n'amahanga

Muri uru rwego ishyaka rya Green Party rivuga ko hazashyirwaho itegeko rigena Inama Nkuru y'Igihugu y'umutekano izafasha urwego rwa gisivili n'inzego z'umutekano mu gukemura ikibazo by'umutekano.

Kongera imbaraga mu guteza imbere umubano mwiza hagati y'u Rwanda n'amahanga by'umwihariko ibihugu bituranye n'u Rwanda.

Politiki y'ububanyi n'amahanga izashingira ku biganiro n'amahoro, gushyigikira amasezerano ateza imbere imikoranire y'u Rwanda n'amahanga.

Kuzamura ingengo y'imari mu nzego z'umutekano, umushahara, amacumbi ajyanye n'igihe n'ibindi byafasha mu kuzamura imibereho y'abakora mu nzego z'umutekano n'ibindi.

Ubukungu hazagabanywa umusoro ku nyongeragaciro

Ishyaka rigaragaza ko Politiki y'imisoro ikigaragaramo ibibazo, hakifuzwa ko hashyirwaho Politiki igabanya imisoro ikongera imibare y'abasora ndetse no kiugabanya umusoro nyongeragaciro ukava kuri 18% ukagera kuri 14%.

Igaragaza ko izashyiraho uburyo bwo kumenya umutungo kamere uko ungana n'aho uherereye, gushyiraho gahunda yo kongerera ubumenyi ubushobozi abakozi bo mu nzego z'abikorera no gushimira abakora neza.

Ku birebana n'izamuka rikabije ry'ibikomoka kuri petiroli, izamuka ku biciro ry'ibiribwa rya hato na hato igaragaza ko izashyiraho ingamba zihamye zishingiye ku kongera umusaruro w'imbere mu gihugu.

Ibindi igaragaza ko izakora bishingiye ku kongera ibikorwaremezo by'amashanyarazi n'amazi hibandwa cyane ku ngufu zisubira n'ibindi.

Ikindi Green Party ishamngira ni uko izagabanya inyungu ku nguzanyo zitangwa n'ibigo by'imari ku buryo nibura itarenza 12%.

Kubahiriza ibidukikije no gufata neza ubutaka

Uretse ibijjyanye no gushyiraho amategeko n'uburyo buhamye bwo kubungabunga ibidukikije, Green Party yemeza ko hazashyirwaho uburyo bw'ikoranabuhanga buzafasha kuburira no kumenya mbere y'uko ibiza bitera.

Kongerera ubushobozi n'uburyo Meteo Rwanda ngo ijye ibasha gutangira amakuru ku gihe kandi yizewe no kubaka uruganda rukoresha ibikoresho ingufu zituruka ku mirasire y'izuba.

Hazashyirwaho kandi itegeko rishyiraho urukiko rujyanye no gukurikirana ibyaha bibangamira ibidukikije n'umutungo kamere muri rusange.

Gushyiraho uburyo bwo gutunganya imyanda y'amazi mu misarani, aturuka mu ngo, mu nganda n'ahandi hahurira ahantu henshi, akajyanwa ahantu hahmwe akabyazwa umusaruro ndetse no gutunganya imyanda isanzwe.

Hari kandi no gushyiraho itegeko ribuza ikoreshwa ry'ingufu za kirimbuzi mu Rwanda.

Ubuzima

Muri uru rwego biteganyijwe ko ishyaka rya DGPR niriramuka rizashyira imbere kongera ingengo y'imari y'urwego rw'ubuzima, gushyiraho uburyo umurwayi ukoresheje mituweli abasha kugura imiti muri farumasi zigenga no kongera imiti itangwa ku bigo nderabuzima.

Hari kandi gushyiraho umushahara ku bakora mu nzego z'ubuvuzi bakagendana n'igihe tugezemo no kongera ibigo by'ubushakashatsi ku bijyanye n'ubuzima ndetse no gushyiraho ishami muri Kaminuza y'Icyiciro cya gatatu ryigisha amategeko ajyanye n'ubuvuzi.

Itangazamakuru

Gushyiraho itegeko riha ingengo y'imari yihariye ihoraho ihabwa igitangazamakuru cya leta, izaturuka ku musanzu utavunanye wa buri mu nyarwanda wese, bigatuma kiva mu bucuruzi bwo kwamamaza.

Hazashyirwaho kandi Ikigega gitera inkunga itangazamakuru ryigenga, kikabafasha kubona inguzanyo ku nyungu ntoya no kwiteza imbere ndetse no gushyiraho Minisiteri y'Itangazamakuru.

Hari kandi imigambi yo kongera ibikorwaremezo binyuranye birimo iby'ubwikorezi, kubaka inganda muri buri murenge zitunganya umusaruro w'ibikomoka ku buhinzi n'ubworozi ndetse no guhanga imirimo nibura ibihumbi 500 buri mwaka.

Harimo kandi guteza imbere siporo, ubukerarugendo, ubumwe n'ubwiyunge ndetse n'ibindi bitandukanye.

Dr Frank Habineza yemeje ko natorerwa kuyobora igihugu ibikubiye muri manifesto ye bizashyirwa mu bikorwa 100%

Umunyamabanga Mukuru wa Green Party Depite Ntezimana yashimye uko umusaruro wavuye mu migabo bari batanze kuko ibitekerezo byarimo byashyizwe mu bikorwa ku kigero cya 70%

Senateri Mugisha Alexis ubwo yagezaga imigabo n’imigambi ya Green Party ku barwanashyaka

Abanyarwanashyaka batanze ibitekerezo kuri manifesto ya Green Party

Abarwanashyaka ba Green Party bemeje imigabo n’imigambi yabo

Abafashwe barimo Nsigaye Valens w'imyaka 54, Kayihura Innocent w'imyaka 51, Ndatimana Idrissa w'imyaka 52, Mugabowinkaka Musa w'imyaka 71 ndetse na Majyambere Innocent w'imyaka 48.

Aba bose bakurikiranyweho gukora icyaha cya Jenoside yakorewe Abatutsi mu Mata 1994 aho bakekwaho kuba barishe abantu batandatu. Iki cyaha bakaba baragikoreye mu Karere ka Nyanza mu Murenge wa Busasamana, Akagari ka Kavumu mu Mudugudu wa Mukoni.

Abafashwe bafungiye kuri Sitasiyo ya RIB ya Busasamana mu gihe dosiye zabo zigiye gutunganwa kugira ngo zohererezwe Ubushinjacyaha.

Nsigaye Valens akekwaho kwica uwitwa Uwase wari uzwi kw'izina rya Nyirabebere. Iki cyaha akaba yaragikoreye mu Karere ka Nyanza, Umurenge wa Kibirizi, Akagari ka Rwotso mu Mudugudu wa Mubuga mu gihe cya Jenoside yakorewe Abatutsi.

Kugira ngo bimenyekane ko Nsigaye Valens yakoze iki cyaha cya Jenoside, byaturutse ku ntonganya zabaye hagati y'uyu mugabo na Musabyimana Donathile ubwo bari mu kabari, Musabyimana akamubwira ko yirirwa yidegembya kandi yarishe umwana witwa Uwase mu gihe cya Jenoside yakorewe Abatutsi muri Mata 1994.

Uyu mugabo wemera icyaha cya Jenoside yakoze, afungiye kuri sitasiyo ya RIB ya Kibirizi mu gihe dosiye ye igiye gutunganywa kugira ngo yohererezwe Ubushinjacyaha.

Ingingo ya 91 ku gisobanuro cy'icyaha cya Jenoside ivuga ko Icyaha cya Jenoside ari igikozwe kigambiriwe, kigamije kurimbura abantu bose cyangwa bamwe muri bo, bahuriye ku bwenegihugu, ku bwoko, ku ibara ry'uruhu cyangwa ku idini, bazira icyo bari cyo, haba mu bihe bisanzwe cyangwa mu bihe by'intambara:

Ibi bikubiyemo kwica abo bantu, kubatera ubumuga bw'umubiri cyangwa bwo mu mutwe, kubashyira ubigambiriye mu mibereho ishobora gutuma barimbuka bose cyangwa harimbuka igice cyabo, gufata ibyemezo bibabuza kubyara, kubambura ku ngufu urubyaro rwabo ukaruha abandi bantu badahuje.

Iyo abihamijwe n'urukiko ahanishwa igifungo cya burundu kidashobora kugabanywa kubera impamvu nyoroshyacyaha.

RIB irashishika yasabye abantu bose bafite amakuru ku bantu bakoze icyaha cya Jenoside yakorewe Abatutsi cyangwa aba bazi aho imibiri y'Abazize Jenoside yaba yarahishwe n'akoze jenoside, ko batanga amakuru kugira ngo hatangwe ubutabera ndetse n'iyo mibiri y'imurwe inshyingurwe mu cyubahiro.

RIB yagaragaje ko bidakwiriye ko abantu bafite amakuru kuri Jenoside bategereza ko bagirana amakimbirane ngo babone gutanga amakuru nko kwihimura.

Byabereye mu Mudugudu wa Muhora, Akagari ka Kamagembo Umurenge wa Nkombo mu karere ka Rusizi ku wa 11 Gicurasi 2023.

Saa tanu n'igice za mu gitondo nibwo uyu mwana w'imyaka itanu yagiye kuvoma amazi mu kiyaga cya Kivu, yijyanye ageze ahita arohama birangira yitabye Imana.

Umunyabanga Nshingwabikorwa w'Umurenge wa Nkombo, Abdul Djabar Ntahomvukiye yabwiye IGIHE ko bakimenya aya makuru bajyanye n'inzego z'umutekano na RIB aho iyi mpanuka yabereye basanga atari ngombwa ko umurambo w'uyu mwana woherezwa ku bitaro gukorerwa isuzuma.

Agace umuryango w'uyu mwana utuyemo kamaze kugezwamo amazi meza ari naho gitifu Ntahomvukiye ahera asaba abaturage b'Umurenge wa Nkombo kujya bakoresha amazi meza ari mu mavomo Leta y'u Rwanda yabegereje aho kuvoma amazi y'ikiyaga cya Kivu.

Avuga ko n'iyo haboneka impamvu ituma bavoma aya mazi bidakwiye ko umwana yijyana kuvoma ikivu atari kumwe n'umuntu mukuru.

Ati 'Twaganiriye n'abaturage tubereka ko umwana adakwiye kujya kuvoma mu Kiyaga cya Kivu atari kumwe n'umuntu mukuru'.

Ahantu uyu mwana yarohamye hafite ubujyakuzimu bwa metero imwe n'igice bivuze ko umuntu mukuru ataharohama ngo apfe.

Iyi mpanuka yabereye hagati y'ahitwa ku Rutare rwa Ndaba no mu isantere ya Rubengera mu gitondo ku wa 11 Gicurasi 2024.

Iyi FUSO yari ipakiye ibicuruzwa birimo kawunga, umuceri, amavuta yarenze umuhanda iribarangura, ihitana Nzamurambaho Emmanuel w'imyaka 53 wari uyitwaye, batatu bari kumwe na we barakomereka.

Umuvugizi wa Polisi y'u Rwanda mu Ntara y'Iburengerazuba SP Karekezi Twizere Bonavanture yabwiye IGIHE ko bataramenya icyateye iyi mpanuka.

Ati 'Iperereza riri gukorwa kugira ngo hamenyekane icyateye iyi mpanuka, kuko yabaye mu masaha ya nijoro n'abakomeretse tukaba tutari kubabaza uko byagenze dutegereje ikizava mu iperereza'.

SP Karekezi yihanganishije umuryango wa nyakwigendera avuga ko mu bikunze gutera impanuka harimo uburangare bw'abakoresha umuhanda, kudasuzumisha ibinyabiziga no kutaruhuka bihagije.

Ati 'Impanuka nyinshi kuzirinda birashoboka. Ubutumwa twaha abakoresha umuhanda icya mbere niba uri umushoferi ukwiye gusuzumisha ikinyabiziga cyawe, ukirinda gutwara ufite umunaniro igihe wumva ufite umunaniro ugaparika ku ruhande ukabanza ukaruhuka ugakomeza urugendo'.

Abakomerekeye muri iyi mpanuka boherejwe kuvurirwa ku Bitaro bikuru bya Kibuye mu Karere ka Karongi.

Mu karere ka Karongi impanuka y’imodoka yahitanye umwe batatu barakomereka

Iyi modoka yari ipakiye ibicuruzwa bitandukanye

Yabigarutseho ku wa 10 Gicurasi 2024, ubwo Urwego rw'ubwiteganyirize mu Rwanda, RSSB rwibukaga abahoze ari abakozi ba Caisse Sociale du Rwanda, bazize Jenoside yakorewe Abatutsi mu 1994, bibera ku Rwibutso rwa Jenoside rwa Nyanza ya Kicukiro.

Ni ubutumwa Col Mugisha yatanze ubwo yagaragazaga ko nubwo Jenoside yatware Abatutsi barenga miliyoni, uwayiteguye yari 'umuswa ' kuko nta musaruro na we yayikuyemo, aho ubu udafunzwe, yarangaye mu bice bitandukanye by'Isi.

Yavuze ko guhemuzwa n'inda bitari ngombwa kuko 'uwashakaga kurya inka y'Umututsi yayiriye ariko n'ubu arashonje arashaka inyama, uwashakaga imodoka ubu atakiyirimo, uwashakaga inzu ya naka na we ntabwo akiyirimo, icyo bakuyemo ni gereza, abana babo batababona, abagaburirwa badakora, abanyabwenge baryamye muri gereza abandi barangara ku Isi.'

Ati 'Abandi barububa, barware indwara zitari ngombwa biterwa n'uwo mutima umurya, barenda kurwara kanseri y'umutima kubera guhora umeze nk'imodoka ihora igenda muri kaburimbo.'

Yavuze ko aba bakoze Jenoside nta kindi basize uretse ipfunwe basigiye abana babo, ariko akavuga ko iryo pfunwe abo bana bagomba kurisiga, kuko icyaha ari gatozi, umubyeyi ajya kubikora nta n'inama yagishije umwana we.

Ati 'Niba hari n'abari hano bafite abo babyeyi, bakwiriye guhagarara bemye, ndetse bashimire n'Imana kuba bafite ibiganza byera. Muri Abanyarwanda bashya nimukorere igihugu nk'abandi bose, mufatane mu mugongo.'

Yahumurije kandi ababuze ababo muri Jenoside yakorewe Abatutsi, arabakomeza abizeza ko uko byagenda kose nta Jenoside izongera kuba mu Rwanda.

Yerekanye ko intambara yo kurokora Abatutsi bicwaga muri Jenoside itari yoroshye kuko Abasirikare b'Inkotanyi babaga bikorera amasasu ku mutwe, barwana na leta ifite ibikoresho byose ariko ntibyabuza gutsinda.

Ati 'Urarwana n'ingabo ibihumbi 30, abajandarume ibihumbi 10 ubwo bose ni ibihumbi 40, urwane n'interahamwe ibihumbi magana, urwane n'impuzamugambi, nyamara tukabikora tutarenze n'ibihumbi 12 niba twari benshi. N'imbwa yarakubonaga ikamoka ariko ukagerageza ukarokora uwo urokoye.'

Byabaga bimeze bityo na bo amasasu abari ku mutwe, ari nako bakomerera, ibintu byasabaga ubwitange butangaje kugira ngo hagire abarokoka.

Yavuze ko Inkotanyi zatabaye Abatutsi bamwe bari bari kwicirwa i Nyanza ya Kicukiro, zari company ebyiri zavuye muri CND zoherejwe gutabara abari muri ibyo bice zishyire ibirindiro ku Irebero.

Ati 'Banyuraga mu nterahamwe, baca mu basirikare boherejwe muri ibyo bice, kuri Eto Kicukiro hari abasirikare hirya yayo hari ikigo cy'abajandarume, hari bariyeri nyinshi ariko Inkotanyi zikarwana, zirwanaho, zikomereka ariko ukagerageza uko ubabungabungira umutekano.'

Col Mugisha kandi yavuze ko byose byabaga mu bwenge bwa Perezida Kagame, wavugaga ko bataillon imwe 'inyura aha, indi ikanyura aha eshatu zihute zisange ba bandi 600. Iri imbere nihura n'umwanzi irwane izindi ziceho mwihute mutabare abantu. Bagatangatanga hose.'

Kugira ngo hagire Abatutsi barokoka hari ababigizemo uruhare batahigwaga bahishaga abaturanyi babo, abantu Col Mugisha yashimiye cyane kuko byari ibintu bitari byoroshye ariko bakagira umutima wa kimuntu.

Umuyobozi mu Ngabo z'u Rwanda, RDF ushinzwe ibikorwa byo guhuza abasivile n'abasirikare, Col Vincent Mugisha yahumurije abafite ababyeyi bagize uruhare muri Jenoside yakorewe Abatutsi kutagira ipfunwe ahubwo bagakomeza gufatanya n’abandi kubaka igihugu