Category: Uncategorized

Umukunzi wa mbere w’umuhanzi Diamond Platnumz, Sarah yavuze agahinda n’akababaro yanyuzemo ubwo yamenyaga ko uyu muhanzi yamusimbuje Nyampinga wa Tanzania wa 2006, Wema Sepetu.

Uyu mukobwa mu kiganiro aheruka guha Wasafi Media, yavuze uburyo Diamond yamusezeranyije ko bazabana harimo no kwimuka bagahita baba mu nzu imwe nyuma yo gukora igitaramo cye cya mbere mpuzamahanga.

Nyuma yo kuva gukora icyo gitaramo, Sarah yatunguwe no kuvumbura ko Diamond yamukatiye atarigeze amubwira.

Ati 'Twigeze kutumvikanaho. Naramuhamagaye (Diamond), ambaza niba niteguye kwiyunga na we, mubwira ko niteguye. Yarambwiye ngo agiye kujya hanze mu gitaramo. Diamond yambwiye ko 'ningaruka ndashaka ko uzazana ibintu bya we byose tugahita tubana’. Naragiye ndatuza nizeye ko azagaruka tugakomezanya. Nyuma y’igihe gito nahuye n’umunyamakuru ambaza niba Diamond yaragarutse mubwira ko ataraza.'

Yakomeje avuga ko uwo munyamakuru yamusetse, muri iryo joro akaba ari nabwo yamenye ko Diamond yagarutse ndetse ari mu rukundo na Wema Sepetu.

Ati 'Umunyamakuru yarasetse we n’inshuti ye nyuma y’uko mpakanye. Muri iryo joro, Wema Sepetu yagarutse mu giturage aho twabaga. Sinari nzi ko Diamond yari ahari. Numvise abo bari bagiye kumusuhuza bavuga ko bagiye guhura n’umukunzi wa Wema Sepetu. Kuko Wema yari icyamamare nakurikiye icyo gikundi kujya kureba umukunzi we, natunguwe no kubona uwo mukunzi we ari Diamond.'

Sarah yakomeje avuga ko Diamond akimubona, yategetse inshuti ye kumutwara mu kabari bakamugurira inzoga kugira ngo adateza ibibazo.

Ati 'Nari mpagaze ahantu mbona buri kimwe. Bwa mbere nababajwe n’uko atambwiye ko yagarutse, nongera mbabazwa n’uko ari mu rukundo n’undi mukobwa. Nahise mfata umwanzuro ko ngomba gukora ibishoboka Diamond akambona. Ubwo yari ambonye, yabwiye inshuti ye kuntwara mu kabari kuko yari afite ubwoba ko nashoboraga guteza ikibazo, ibintu ntari gukora. Ni uko urukundo rwa Diamond na Wema rwatangiye njye birangirira aho.'

Mu gitaramo Diamond aheruka gukora, yazanye Sarah ku rubyiniro abwira abakunzi be ku nkuru ya bo y’urukundo. Uyu muhanzi kandi yemeje ko indirimbo 'Kamwambie’ ari indirimbo yaririmbye kubera uyu mugore.

Gukundana kwa Diamond na Wema Sepetu, Sarah yabifashe nk’ubugambanyi yakorewe

Diamond aheruka guhamagara Sarah ku rubyiniro akomoza ku nkuru ya bo y’urukundo

'Ni Danger' iri mu ndirimbo zamamaye mu buryo bukomeye mu 2016. Icyo gihe, yagarutsweho cyane ku mbuga nkoranyambaga no mu bitangazamakuru, ahanini biturutse mu kuba uyu muhanzi yarifashishijemo amagambo akoreshwa cyane n'urubyiruko.

Unyujije amaso mu buryo amashusho yakozwemo, amagambo ayigize, aho yafatiwe n'ibindi byatumye iyi ndirimbo igarukwaho cyane kuva mu 2018 yajya hanze.

Kuri uyu wa Mbere tariki 13 Gicurasi 2024, Danny Vumbi yatangaje ko agiye gushyira hanze iyi ndirimbo nyuma y'uko ayisubiyemo yifashishije Bwiza.

Mu kiganiro yagiranye na InyaRwanda, Danny Vumbi yavuze ko iyi ndirimbo igaragaza ishusho 'y'umuhanzi Danny Vumbi iyo uyivuze'.

Akomeza ati 'Umuntu wese ukurikirana hafi umuziki Nyarwanda abona isura ya Danny Vumbi. Ni indirimbo yabaye ikimenyabose imfungurira amayira mu ruhando rwa muzika.'

Danny yavuze ko yahisemo kuyisubiramo ayikoranye na Bwiza kubera ko ari 'umuhanzi uri kubyitwaramo neza'.

Avuga ko mu gusubiramo iyi ndirimbo bakoresheje amagambo 'twita 'slingue' akoreshwa n'urubyiruko'. Ati 'Kandi Bwiza ni urubyiruko aracyari muto.'

Uyu muhanzi asobanura ko iyi ndirimbo 'Ni Danger' yatumye amenyekana ku rwego rwiza, kandi yamuhaye akazi kuva yayishyira hanze 'kugeza ubu'. Ati 'Muri macye yampinduriye ubuzima.'  

Intangiriro y'umuziki wa Danny Vumbi

Danny Vumbi yatangiye umuziki mu 2004, icyo gihe yinjiye anashinga itsinda rya The Brothers yabarizwagamo na bagenzi be.

Yibuka ko igitaramo cya mbere bakoze bahembwe ibihumbi 20 Frw. Kandi avuga ko mu 2009 ubwo bakoraga indirimbo ‘Bya bihe’ byabaye nk’intangiriro yo gutandukana.

Danny avuga ko muri uriya mwaka, bacitse intege, kandi buri wese atangira urugendo rwo kwikorana.

Mu 2010, nibwo yasohoye album ye ya mbere yise ‘Urugendo’ iriho indirimbo yakoranye n’abahanzi barimo The Ben, Jay Polly, Kamichi n’izindi.

Imwe mu ndirimbo yamenyekanyeho iriho ‘Wabigenza ute’. Niyo ndirimbo avuga ko yamenyekanye cyane.

Yavuze ko hari umuntu wigeze kumugira inama yo kumukorera igitaramo cye, kandi akamwishyura Miliyoni 2 Frw, hanyuma byose akabyikorera.

Danny yavuze ko yanze gutanga iki gitaramo, ahitamo kucyitegurira, ariko ko kiriya gihe yahombye cyane, ku buryo yinjije nibura ibihumbi 200 Frw.

Uyu muhanzi igihe cyarageze asohora Album yise ‘Kuri Twese’, yakurikije Album yise ‘Inkuru Nziza’ iriho indirimbo nka ‘Umugozi’ yakoranye na Bruce Melodie, ‘Ibare’ n’izindi, ndetse aherutse gushyira hanze Album yise ‘365’.

Danny Vumbi yatangaje ko yahisemo gusubiramo indirimbo ye 'Ni Danger' kubera ko yamuhinduriye ubuzima

Danny Vumbi avuga ko yifashishije Bwiza muri iyi ndirimbo kubera ko ari umwe mu bagezweho

KANDA HANO UREBE AMASHUSHO Y'INDIRIMBO 'NI DANGER' YA DANNY VUMBI

“>

Abakristo bemera ko indirimbo zifite uruhare runini mu kubafasha kurushaho kwegerana n'Imana, kwihana ibyaha, kugeza ibifuzo byabo ku Mana ndetse no gusuka imitima yabo imbere y'Imana mu buryo babyifuzamo.

Ntiwavuga izi ndirimbo rero ngo wirengagize abazihimbye kandi bigomwe bagatanga umusanzu ukomeye mu kwagura ubwami bw'Imana babinyujije mu muziki wo kuramya no guhimbaza.

Dore bamwe mu bahanzi b'indirimbo zo kuramya no guhimbaza Imana mu Rwanda bafatwa nk'ab'ibihe byose mu Rwanda hashingiwe ahanini ku bigwi byabo muri uyu muziki no ku gihe bawumazemo:

1.     Theo Bosebabireba

“>

Biragoye cyane ndetse bishobora kuba bitanashoboka kubona umuntu uwo ariwe wese yaba umukuru cyangwa umuto utazi izina Bosebabireba cyangwa se bimwe mu bihangano bye.

Uwiringiyimana Théogène wamenyekanye cyane nka “Bosebabireba” mu ndirimbo ziganjemo ubutumwa bwomora imitima y'abemeramana, amaze imyaka irenga 16 mu muziki, akaba yarakunzwe cyane mu ndirimbo zakanyujijeho zirimo 'Ikiza urubwa', 'Ingoma', 'Icyifuzo', 'Bugacya', 'Bosebabireba' n'izindi.

2.     Israel Mbonyi

“>

Umuramyi Israel Mbonyicyambu wamamaye nka Israel Mbonyi, azwiho amateka adasanzwe yo kuzuza inyubako Yyakira abantu benshi mu Rwanda ya BK Arena inshuro zireze imwe. Kugeza ubu, Israel Mbonyi ni umwe mu bahanzi bayoboye abandi mu kugira igikundiro mu Rwanda  no hanze yarwo.

Uyu muhanzi yatangiye kumenyekana mu muziki w'Akarere mu minsi ishize ubwo yasohoraga indirimbo ziri mu Giswahili nka Nina siri, Nitaamini, Jambo, Sikiliza, Malengo ya Mungu n'izindi nyinshi.

3.     Alex Dusabe

“>

Alex Dusabe ni umwe mu bahanzi b'umuziki wo kuramya no guhimbaza Imana bamaze igihe bawukora kuko yatangiye kumenyekana mu 2000, uyu akaba azwi cyane mu ndirimbo nka Ni kuki turira, Umuyoboro, Ibyiringiro n'izindi.

4.     Aime Uwimana

“>

Umuhanzi Aimé Uwimana [Bishop w'abahanzi] ufatwa nk'icyitegererezo ku bahanzi baririmba indirimbo zicurangwa mu nsengero, yavukiye mu Burundi, igihugu yaje kuvamo yinjira mu Rwanda mu 1994. Muri icyo gihe, icy'ibanze kuri we yumvaga ari ukwiga akazakomeza umuziki nyuma.

Uwimana Aimé, izina rye ryazamuwe n'indirimbo nyinshi zirimo ''Muririmbire Uwiteka'', ''Une Lettre d'Amour'', ''Ngwino mukiza twibanire'', ''Iminsi yose'', ''Urwibutso'', ''Inkovu z'urukundo'' n'izindi. Yatangiye gukora umuziki mu 1994 amaze kwakira Kirisitu nk'Umwami n'Umukiza.

5.     Adrien Misigaro

“>

Adrien Misigaro ni umwe mu bahanzi bakomeye mu muziki wo kuramya no guhimbaza Imana bakorera umuziki wabo muri Leta Zunze Ubumwe za Amerika, yamenyekanye cyane mu ndirimbo nka “Ntacyo nzaba” yakoranye na Meddy ndetse n'indi nshya baherutse gukorana yitwa 'Niyo Ndirimbo' n'izindi zikundwa n'abatari bacye.

6.     Thacien Titus

“>

Umuhanzi Thacien Titus ari mu bafite izina mu muziki wo kuramya no guhimbaza Imana by'umwihariko mu Itorero ADEPR. Yamamaye mu ndirimbo zirimo 'Aho ugejeje ukora', 'Uzaza ryari Yesu', 'Uzampe iherezo ryiza', 'Mpisha mu mababa', 'Rwiyoborere', 'Haburaho gato', 'Impanuro', 'Nshyigikira' n'izindi.

7.     Richard Ngendahayo

“>

Umuramyi Richard Nick Ngendahayo ukorera umuziki uhimbaza Imana muri Leta Zunze Ubumwe za Amerika, ni umwe mu banyabigwi mu muziki wo kuramya Imana, yamamaye mu bihangano bitandukanye byomora inguma z'imitima y'abihebye zirimo 'Mbwira ibyo ushaka', 'Ibuka', 'Gusimba Umwonga', 'Si Umuhemu', 'Yambaye Icyubahiro', 'Wemere ngushime', 'Ijwi rinyongorera', 'Unyitayeho', 'Sinzakwitesha' n'izindi.

Ni umwe mu bahanzi babirambyemo kuko yatangiye kwigwizaho umubare munini w'abakunda ibihangano bye kuva mu 2005 kugeza n'uyu munsi indirimbo ze nyinshi zikaba zifashishwa mu matorero atandukanye iyo bageze mu mwanya wo kuramya.

8.     Bigizi Gentil

“>

Bigizi Gentil ni umuramyi utuye muri Amerika, akaba yaramamaye mu ndirimbo “Imvuyo Yiwe”, “Kipenzi”, “Yesu arabaruta”, “Umugoroba”, “Ntacyo mfite”, “Tujyane” n’izindi. Mu bihe byashize ubwo yari akiri mu Rwanda, yatunguwe n’abana ba Apotre Dr Paul Gitwaza bamubwira ko ari we muhanzi wa Gospel bakunda cyane. 2018, Hon. Edouard Bamporiki nawe yatangaje ko akunda bihebuje uyu muramyi icyo gihe akaba yaravuze ko indirimbo ze azumva inshuro 5 ku munsi.

9.     Serge Iyamuremye

“>

Iyamuremye ni umwe mu bahanzi bafite izina rikomeye mu muziki wo kuramya no guhimbaza Imana. Azwi cyane mu ndirimbo nka Yesu agarutse yakoranye na James & Daniella, Biramvura, Urugendo yakoranye na Israel Mbonyi n'izindi nyinshi.

Serge Iyamuremye kandi, ni umwe mu bamaze igihe muri uyu muziki kuko abimazemo imyaka irenga icumi.

10. Domic Ashimwe

“>

Iyo uvuze izina Dominic Ashimwe mu muziki uhimbaza Imana, ku bawukurikira bahita bibuka indirimbo nka Nemerewe kwinjira, Ndishimye, Wambereye imfura, Ashimwe, Arikumwe natwe n'izindi zahembuye imitima y'abatari bake kuva mu myaka yo ha mbere kugeza ubu.

11. Prosper Nkomezi

“>

Prosper Nkomezi uri mu baramyi bagezweho muri iki gihe aherutse gutangaza ko nubwo yakuriye mu muryango w'abemera Imana cyane ko Se umubyara yari Pasiteri, we atahise yisanga mu gakiza ahubwo byamusabye kugenda urugendo rurerure mbere yo kumaramaza mu murimo w'Imana.

Nkomezi, yatangiye kuririmba yujuje imyaka 18 nyuma y'igihe kinini yamaze atekereza kuzibera umukinnyi wa ruhago cyane ko ahamya ko yari anayizi.

Uyu muramyi yakunzwe cyane mu ndirimbo zirimo 'Nzayivuga,' Wanyujuje indirimbo, Ibasha gukora, Nzakingura, Urarinzwe n'izindi.

12. Gentil Misigaro

“>

Gentil Misigaro umaze kwamamara mu muziki wo kuramya no guhimbaza Imana, ni mubyara wa Adrien Misigaro na we uzwi cyane mu muziki wo kuramya Imana.

Gentil Misigaro yamenyekanye mu ndirimbo zitandukanye zahembuye benshi zirimo 'Biratungana', 'Hari imbaraga', 'Buri munsi', 'Umbereye maso', 'Turning everything around in my favour' n'izindi.

13. Patient Bizimana

“>

Umuririmbyi Patient Bizimana wubatse izina mu kuramya no guhimbaza Imana, amaze imyaka irenga 16 akora umuziki wubakiye ku gusingiza Imana no kugarura abantu kuri Yesu. Kandi, yaguye igikundiro cye mu ngeri zose.

Uyu muririmbyi yamamaye mu ndirimbo nka 'Iyo neza' yakoreye ibitaramo mu bihugu bitandukanye byo muri Afurika, ndetse no mu 2022 yataramiye mu Burayi.

Bizimana avuga ko yiyumvisemo impano yo kuramya mu 2002, yinjira mu muziki mu buryo bw'umwuga mu mwaka wa 2007 nyuma y'igihe cyari gishize yinjiye mu Itorero Restoration Church.

Yavukiye muri Repubulika Iharanira Demokarasi ya Congo ku itariki ya 1 Gashyantare 1987 akurira mu Rwanda. Arazwi cyane mu ndirimbo zirenga 50 zirimo nka 'Iyo neza', 'Amagambo yanjye', 'Menye neza' n'izindi.

14. Bosco Nshuti

“>

Umuhanzi Bosco Nshuti, uri mu bafite izina rikomeye cyane mu muziki wo kuramya no guhimbaza Imana, watumbagirijwe izina n'indirimbo yise “Ibyo Ntunze”, ni umwe mu bahanzi bakunzwe mu basengera muri ADEPR. Anaririmba muri New Melody no muri Korali Siloam yo muri ADEPR Kumukenke.

Ni umuhanga mu myandikire n'imiririmbire, watangiye kuririmba kera akiri muto, ahera mu makorali ariko byumwihariko akaba yaratangiye kuririmba ku giti cye mu 2015.

Izina rye rizwi cyane mu bihangano bitandukanye bihembura imitima ya benshi birimo “Ibyo Ntunze”, “Umutima”, “Utuma nishima”, “Ngoswe n'ingabo”, “Uranyumva”, “Ntacyantandukanya”, “Nzamuzura”, “Ni wowe”, “Dushimire”, “Isaha y'Imana”, “Ni muri Yesu” n'ibindi.

15. Simon Kabera

“>

Lt Col Kabera yakoze mu nzego zitandukanye mu gisirikare cy'u Rwanda harimo ko yabaye mu Nama y'Ubutegetsi y'Ibitaro bya Gisirikare guhera mu 2019. Mbere yaho, yagiye mu butumwa bw'amahoro muri Sudani y'Epfo, UNMISS.

Ni umuntu usanzwe azwi mu bijyanye n'iyobokamana n'ubuhanzi uzwi cyane mu ndirimbo yise 'Mfashe inanga,' ndetse inshuro nyinshi agaragara mu bikorwa byo kuvuga ubutumwa bwiza bw'Imana.

Yigeze kuvuga ati 'Niba hari ikintu mfite kiruta ibindi, icya mbere ni ukuba Umunyarwanda nkaba ndi mu Rwanda, nkaba mfite uburenganzira ko abana banjye bazarukuriramo, abuzukuru, abuzukuruza n'ubuvivi.'

'Ikindi kirenze kuri ubu buzima buri hano, ni uko nakiriye Yesu, nziko na nyuma y'ubu buzima hari ikindi gihugu Yesu yagiye kudutegurira tuzabamo. Uko nkunda kuzaba mu ijuru, ni ko mfite urukundo nkunze igihugu cy'u Rwanda nk'umunyarwanda mu gihe nkituyemo.'

16. Bright Patrick

“>

Ni we muhanzi watangije mu Rwanda mu buryo bweruye injyana ya Hiphop mu muziki wo kuramya no guhimbaza Imana. Niyo njyana yatangiriyemo umuziki ndetse na n’uyu munsi ayishikamijeho umutima. Uwo ni Bright Patrick Mugabe umuraperi w’umunyarwanda uri kubarizwa muri iyi minsi mu gihugu cya Canada.

Bright Patrick agitangira umuziki mu njyana ya Hiphop-Gospel abakristo benshi bo mu Rwanda ntibabyumvaga, gusa hari abandi bishimiye cyane umuhamagaro we wo guhimbaza Imana mu njyana ya Rap, bamusaba gukomeza no kudacika intege. Muri abo bamukomeje harimo n’Intumwa y’Imana Dr Paul Gitwaza wanatangaje ko azakorana indirimbo n’uyu muraperi. 

Uyu muhanzi yakunzwe cyane mu ndirimbo zirimo ‘Imbohe’, ‘Umucunguzi’, Ndiho’, ‘L’Inverse’, ‘ID’ yakoranye na Gaby Kamanzi, n’izindi.

17. Papa Jesus

“>

Dieudonne Karangwa Shabani 'Papa Jesus], ni umunyabigwi mu muziki wo kuramya no guhimbaza Imana cyane ko yatangiye kuwukora kera cyane utaratera imbere ngo uhabwe agaciro. Shabani, yamenyekanye cyane mu ndirimbo ze zakunzwe cyane nka 'Papa Jesus', 'Golgota' n'izindi nyinshi.

Usibye kuba ari umuhanga mu kuririmba, uyu mugabo azwiho no kuba umucuranzi mwiza wa gitari ndetse n'umuvugabutumwa wagejeje benshi kuri Kristo.

18. Enric Sifa

Enric Sifa ni umunyamuziki utuye muri Leta Zunze Ubumwe za Amerika. Ni we waririmbye indirimbo yakunzwe cyane hambere yise 'Ingorofani ihindutse indege'. Indirimbo ze zibanda ahanini ku butumwa buvugira indushyi, abakene n'abihebye, zigasubiza imbaraga mu bugingo ababa baremerewe n'imitwaro.

Uyu muhanzi yaciye mu buzima bubi nyuma y'uko ababyeyi be bitabye Imana, yabayeho igihe kinini atagira ibyo kurya, aho kuba ndetse n'agahinda kari kenshi.

19. Chryso Ndasingwa

“>

I Kigali ubu nta Yindi nkuru usibye ivuga ko Chryso Ndasingwa wakoreye igitaramo cy'amateka muri BK Arena, inyubako ubusanzwe yubahwa na buri muhanzi bitewe nuko ijyamo umubare munini w'abakunzi b'umuziki, yarangiza akayuzuza nyuma y'igihe gito cyane yinjiye mu muziki wo kuramya no guhimbaza Imana.

Ubusanzwe, Chryso Ndasingwa akorera umurimo w’Imana muri New Life Bible Church Kicukiro. Yavukiye i Nyamirambo mu Mujyi wa Kigali, akurira mu muryango w'Abakristo Gatolika, nyuma aza kwimukira mu itorero rya New Life Bible Church ari na ho abarizwa kugeza ubu. Yatangiye umuziki mu buryo bw’umwuga mu gihe cya Covid-19.

20. Josh Ishimwe

“>

Umuhanzi Josh Ishimwe umaze kwigarurira imitima y'abakunda indirimbo zo kuramya no guhimbaza Imana zaba izo muri Kiliziya Gatolika ndetse n'Amatorero ya Gikirisitu, ni umusore w'imyaka 23 y'amavuko, wadukanye uburyo bwo gukora umuziki wo kuramya no guhimbaza Imana abinyujije mu njyana gakondo. Yatangiye umuziki mu 2020.

Ni umusore ubusanzwe wakuriye mu Itorero rya ADEPR aho kuri ubu abarizwa muri ADEPR Samuduha. Amaze gusubiramo indirimbo zizwi haba muri Kiliziya Gatolika ndetse n'izikoreshwa mu matorero nka ADEPR n'ahandi.

Zimwe muri izi ndirimbo harimo 'Inkingi Negamiye, Yesu Ashimwe, Hari icyo nkwaka, Rumuri Rutazima, Imana iraduteteruye, Reka Ndate Imana Data, Munsi y'Umusaraba, Yezu Wanjye, Amasezerano, Yesu Ndagukunda' n'izindi.

 

Tugiye kureba hamwe imibare y’ibanze yaranze shampiyona y’icyiciro cya cya mbere mu Rwanda umwaka w’imikino 2023-24. Ni shampiyona yaranzwe n’ihangana ku ikipe ya Musanze FC yabashije kwegukana umwanya wa 3 bwa mbere mu mateka kuva  yashingwa.

Iyi shampiyona yegukanwe n’ikipe ya APR FC ifite amanota 68, ikaba yarabikoze idatsinzwe umukino n’umwe. Ikipe ya Etoile de L’Est na Sunrise FC nizo kipe zamanutse mu cyiciro cya kabiri, gusa zikaba zararanzwe no guhangana kuko zageze ku munsi wa nyuma zigifite icyizere.

Iyi shampiyona yatangiye   tariki 18 Kanama 2023 isozwa tariki 12 Gicurasi. Amakipe 16 nk’ibisanzwe niyo yayitangiye . Imikino 240 niyo yakinwe muri uyu mwaka w’imikino ikaba yarabonetsemo ibitego 518, bivuze ko ari ibitego 2.14 kuri buri mukino. Imikino ibanza ya shampiyona yabonetsemo ibitego ibitego 262, bivuzeko ari ibitego 2.1 kuri buri mukino.

Umukino wa mbere wahuje Rayon Sports yatsinze Gasogi United ibitego 2-1. Igitego gifungura Shampiyona kikaba cyaratsinzwe n’Umugande, Charles Bbaale ukinira Rayon Sports.

Muri iyi mikino 240, yabonetsemo amakarita y’umutuku 19, aho ikarita ya mbere y’umutuku yahawe Umunyezamu wa Bugesera FC, Niyongira Patience ku mukino w’umunsi wa mbere ubwo bahuraga na AS Kigali kuri Kigali Pele.

Rukundo Abdulrahaman niwe watsinze igitego cyihuse muri iyi shampiyona kuko yagitsinze ku isegonda rya 20 mu mukino Amagaju FC yanganyijemo na Mukura igitego 1-1. Igitego gisoza shampiyona cyatsinzwe na Salomon Adeyinka ukinira Musanze FC, akaba yaragitsinze ku munota wa 85 ubwo batsindaga Police FC igitego 1-0 ku munota usoza shampiyona.

Rukundo Abdourahimani ukinira ikipe y’Amagaju FC, niwe watsinze igitego cyihuse muri uyu shampiyona cyabonetse ku isegonda rya 20 

Umunsi wa 13 n’uwa 14, niyo minsi yabonetseho ibitego byinshi (28) mu gihe umunsi wa 2 ariwo wabonetseho ibitego bike (10). Ikipe ya Musanze FC na APR FC nizo zayoboye urutonde rwa shampiyona gusa, aho Musanze FC yayoboye shampiyona iminsi 11 naho APR FC iyobora iminsi 19 harimo 15 y’imikino yo kwishyura.

Amakipe yose y’i Burasirazuba yabayeho aya nyuma, aho ikipe ya Etoile de l’Est yabaye iya nyuma inshuro 22, Sunrise FC inshuro 5, Muhazi United inshuro 2 na Bugesera FC inshuro 1.

Umukino Kiyovu Sports yatsinzemo Etoile De l’Est ibitego 6-1, ndetse n’umukino APR FC yatsinzemo Marine FC ibitego 5-2, niyo mikino yabonetsemo ibitego byinshi (7).

Charles Baale ukinira Rayon Sports niwe watsinze igitego gifungura shampiyona ubwo Rayon Sports yakinaga na Gasogi United 

Heritier Nzinga Luvumbu na Ani Elijah nibo bakinnyi rukumbi batsinze ibitego 3 mu mukino umwe (Hat trick) aho Luvumbu yabikoze bakina na Sunrise FC naho Ani Elijah abikora bakina na Gasogi United.

Shampiyona yatangiye ifite abatoza bakuru 16 ariko ababashije kuyisoza ni (9) Bivuze ko barindwi batakaje akazi. Abo batoza ni Yamen Zelfani watozaga Rayon Sports, Petros Koukouras (Kiyovu Sports), Nshimiyimana Maurice (Etoile de l’Est) Muhire Hassan (Sunrise FC) Eric Nshimiyimana (Bugesera FC), Cassa Mbungo Andre (AS Kigali) na Gatera Musa watozaga Gorilla FC.

Ni ubwa mbere shampiyona y’u Rwanda ikipe imanutse mu cyiciro cya kabiri ariko yari ifite amanota arenga 30.

Ikipe ya Marine FC niyo yatsinze imikino mike yo hanze kuko yatsinzemo imikino 2 inganya 2,, ikaba ifite amanota 8 kuri 45 yakiniye hanze. APR FC niyo kipe ifite amanota menshi yo hanze kuko yatsinze imikino 10 inganya 5 ikaba ifite amanota 35.

Kiyovu Sports na APR FC nizo kipe zitatsindiwe mu rugo umukino n’umwe, gusa Kiyovu Sports ikaba yarasaruye amanota 34 kuri 45 yakiniye mu rugo. Etoile de l’Est niyo kipe yabonye amanota make mu rugo agera kuri 14.

Ikipe ya APR FC niyo yatsinze ibitego byinshi 47, mu gihe Etoile ariyo yatsinze ibitego bike 20. APR FC kandi niyo kipe yatsinzwe ibitego bike 17 mu gihe Etincelles FC ariyo yatsinzwe ibitego byinshi 44. Ikipe ya Police FC niyo yitwaye nabi mu mikino yo kwishyura, aho mu mikino 15 yatsinzemo imikino 2 inganya 2 bivuzeko ifite amanota 8 kuri 45 yakiniye.

Ikipe ya APR FC niyo yatsinze imikino myinshi 19, mu gihe Bugesera FC na Muhazi United arizo yatsinze imikino mike 7. Ikipe ya Muhazi United niyo yanganyije imikino myinshi 12, ikaba ikurikirwa na APR FC Kiyovu Sports yanganyije imikino 11. APR FC niyo kipe yashoje Shampiyona idatsinzwe mu gihe Etoile de l’Est ariyo yatsinzwe imikino myinshi 17.

Ikipe ya Police FC niyo kipe yitwaye nabi mu mikino ya shampiyona yo kwishyura aho yatahanye amanota 8 gusa 

Sunrise FC yamanutse ifite amanota 32 ku rutonde rwa shampiyona, ibintu bitari byarigeze bibaho 

AS Kigali ukurikije uko yatangiye shampiyona n’umwanya yashorejeho umuntu yavuga ko ariyo kipe yakoze akazi gakomeye 

Musanze FC niyo kipe yo mu ntara yaje hafi, ikaba ndetse umwanya wa 3 yabonye ari ubwa mbere yari ibikoze

APR FC niyo kipe rukumbi yashoje shampiyona idatsinzwe 

Rayon Sports ishoje shampiyona itayoboye urutonde rwayo n’umunsi n’umwe, ibintu bidakunze kubaho

Umuraperi Gatsinzi Emery wamamaye nka Riderman yavuze ko ubwo yazaga kuririmba mu birori byo guha igikombe APR FC yashimishijwe bikomeye no kubona bamwe mu bakanyujijeho mu mupira w’amaguru mu Rwanda nka Gatete barongeye guhuzwa bagahabwa agaciro bakwiye.

Ku Cyumweru tariki ya 12 Gicurasi 2024, APR FC yari yakiriye Amagaju mu mukino w’umunsi wa nyuma wa shampiyona, ni na bwo yashyikirijwe igikombe cya shampiyona yegukanye.

Ni ibirori byari biteguye neza uretse Riderman na Chriss Eazy nk’abahanzi bari batumiwe gususurutsa abakunzi b’iyi kipe, hari Dj Toxxyk washimishije abari muri Stade mu ndirimbo zitandukanye.

Kuri uyu mukino kandi APR FC yari yatumiye bamwe mu bakanyujijeho bayikiniye nka Jimmy Gatate, Jimmy Mulisa, Didier Bizimana, Ndizeye Aime Desire, Karim Kamanzi, Kayihura Youssuf Tchami, Eric Nshimiyimana n’abandi, bakaba ari bo basohokanye iki gikombe.

Mu kiganiro Riderman yahaye ikinyamakuru ISIMBI yavuze ko yashimishijwe cyane no kuza kuririmbira abakunzi b’umupira, ibintu ahamya ko n’ubundi imikino n’imyidagaduro ari ibintu bigendana.

Ati 'Ni ibintu bishimishije cyane kubona ko mu bafana b’umupira harimo n’abafana ba APR harimo abafana b’umuziki, no mu bakunzi b’umuziki harimo n’abakunzi b’umupira. Imyidagadaguro n’imikino ni ibintu bigendana kuko n’abakinnyi iyo bagiye mu myitozo baba bumva umuziki, n’abahanzi na bo akenshi bafata umwanya bakareba imikino.'

Yakomeje agira ati 'Byakabaye bihuzwa, kuko tujya tubona nka final ya FNL baba batumiye abahanzi, si aho gusa kuko no mu yindi mikino yaba Basketball iyo bafite ibirori batumira abahanzi, mubona nka Final ya Champions League batumira abahanzi. Dushime abateguye kiriya gikorwa kuko ni igikorwa cyiza cyane.'

Yavuze ko kimwe mu bintu byamushimishije ari ukubona ukuntu APR FC yari yongeye guhuza abakanyujijeho muri ruhago, ngo byari ibintu byiza cyane.

Ati 'Mu by’ukuri twarishimye, ikintu cyanshimishije kurusha ibindi ni ukubona ukuntu bazanye abakanyujijeho (legends) baje gutanga igihembo bakanahaba, biba byiza kubona ba Jimmy Gatate, Jimmy Mulisa baje gutanga igihembo nubwo baba batagikina ariko turabakunda bakoze ibyiza baba bakwiye guhabwa agaciro ka bo bakwiye.'

Riderman akaba yavuze ko ubu arimo gukora ku muzingo we (Album) yise 'Intama mu ruhu rw’Impyisi’ yitegura gusohora aho amaze gusohoraho indirimbo 6 zirimo 'Ambutiyaje’, 'Injangwe’ yakoranye na Mr Kagame n’izindi. Gusa tariki ya 30 Gicurasi we na Bull Dogg bazashyira hanze Album bakoranye aho avuga ko abakunzi ba Hip Hop bazayikunda cyane.

Riderman yishimiye kuririmbira abakunzi b’umupira w’amaguru

Riderman yemeje ko imikino n’imyidagaduro bigendana

Kongera kubona aba bakinnyi bakanyujijeho bahujwe, byaramushimishije cyane

Gasogi United yamaze gutangaza ko yamaze gutandukana n’abakinnyi batatu b’abanyamahanga bayikiniye mu mwaka w’imikino wa 2023-24.

Gasogi United yashimiye aba bakinnyi, ni nyuma yo gusoza umwaka w’imikino wa 2023-24 iri ku mwanya wa 9 ku rutonde rwa shampiyona n’amanota 36, ni mu gihe mu gikombe cy’Amahoro yaviriyemo muri 1/2.

Abakinnyi bashimiwe batazakomezanya n’iyi kipe, Harimo umurundi Mbirizi Eric winjiye muri iyi kipe mbere y’uko umwaka w’imikino wa 2023-24 utangira. Uyu mukinnyi ukina mu kibuga hagati wari uvuye muri Rayon Sports ntabwo yagize umwaka mwiza akaba ari na yo mpamvu asezerewe.

Undi ni Umunya-Côte d’Ivoire, Henock Yao na we wari umaze muri Gasogi United umwaka umwe.

Eloundou Ngono Fernand Guy Herve wageze muri Gasogi United Kanama 2022 avuye muri Union Douala yo muri Cameroun ni we mukinnyi wa 3 iyi kipe yashimiye, imumenyesha ko batazakomezanya mu mwaka w’imikino utaha wa 2023-24.

Ni igikorwa bakoze kuri uyu wa 13 Gicurasi 2024, bahera mu Bitaro bya Kacyiru bakomereza mu bya DMC (Dream Medical Center Hospital), bakazakomereza ku bindi.

Nyirarukundo Jeanne d'Arc ni umwe mu babyeyi babyariye mu Bitaro bya Kacyiru uri mu bahawe izo mpano. Yashimiye Sosiyete Bonjour Hygiene Products Ltd ikora 'diapers' za Mami Love yifatanyije na bo mu kwizihiza Umunsi Mpuzamahanga wahariwe ababyeyi b'abagore.

Yakomoje no ku kuba izo diapers ari nziza zidatwika umwana mu mayasha, dore ko ari zo asanzwe akoresha kuko uwo mwana yabyaye ari uwa Gatatu.

Ati “Uyu mwana ni uwa gatatu mbyaye, ariko nsanzwe nkoresha 'Mami Love'. 'Mami Love' ni nziza ntabwo itwika abana mu mayasha, ni ukuri ashobora no kwirirwamo rwose ukamukuramo ameze neza nta kibazo. […] Ndabashimiye, kandi ndifuza ko mwakomeza kujya muduha serivisi nziza, hari abakora ibintu ejo mu gitondo bagahindura umwimerere wabyo, ugasanga ejo itwitse abana. Mukomeze mukore ibifite umwimerere.''

Umutesi Betty na we wabyariye muri ibi bitaro, yashimiye ibitaro bibitaho umubyeyi akabyara neza, bikaba bifite n'abafatanyabikorwa beza barimo ab'uru ruganda rwabahaye diapers za Mami Love, dore ko usanga hari n'ababyeyi bajya kubyara batunguwe nk'ababyara amezi icyenda atageze ugasanga batari bafite ibikoresho bihagije birimo n'iby'isuku.

Ati ''Ni igikorwa cyiza kuko urumva hari igihe umuntu aza kubyara atabyiteguye, nubwo yanabyitegura ariko ni impano iza idushyigikira nk'umubyeyi wabyaye, bakaduha impano ikaba yadufasha mu gukorera umwana isuku.''

Umuyobozi wungirije mu Bitaro bya Kacyiru akaba n'Umuganga w'inzobere mu kuvura indwara z'abagore, Dr Karegeya Adolphe, yashimiye Uruganda Bonjour Hygiene Products Ltd ku mpano rwahaye abagore babyariye muri ibi bitaro, anakomoza ku kuba ari gahunda nziza ishyigikira iyo ibi bitaro bisanganwe yo gukangurira ababyeyi kugirira isuku impinja zabo.

Ati ''Ikigo nk'iki kidusuye mu by'ukuri ni ibyishimo turabyakira, kuko kiba kije gufatikanya na zimwe mu nshingano dukora mu bitaro […] ibyo bidufasha kugira ngo ibitaro bikomeze kunoza isuku, cyane ko ibitaro byacu ni ibitaro mwabonye bifite isuku.''

''[…] natwe tunabishishikariza ababyeyi baje, kuko iyo umubyeyi atwite nta kimutungura kiba kirimo aba ateganya ko n'ubundi azabyara, hari iby'ibanze agomba kuba ateganya azaba afite, ibyo na byo biri mu byo ateganya.''

Umuyobozi Ushinzwe Ubucuruzi mu Ruganda Bonjour Hygiene Products Ltd, Kayiranga Léonard, yavuze ko uru ruganda rwifuje gusura ababyeyi babyariye mu bitaro byo hino mu mu Mujyi wa Kigali, mu kubibutsa ko ubuyobozi bwarwo bubakunda, kandi ko rubazirikana nk'abafatanyabikorwa ba buri munsi.

Ati ''Ni abafatanyabikorwa bacu ba buri munsi. Tubana buri munsi, uyu munsi rero ni umunsi wo kugira ngo tubereke ko tubakunda kandi turi kumwe na bo buri munsi. Noneho ikindi kintu gituma twifatanya na bo ni ukugira ngo dukangurire n'abandi babyeyi […] tubereke ko isuku ku bana cyangwa ku babyeyi ari ikintu cy'ingirakamaro.''

Gusura ababyeyi batandukanye babyariye mu bitaro byo Mujyi wa Kigali ni igikorwa ngarukamwaka ku Ruganda Bonjour Hygiene Products Ltd, ndetse rukaba ruteganya no kucyagura ku buryo ibyo bikorwa bigera no mu bitaro byo mu zindi ntara.

Umutesi Betty na we wabyariye mu Bitaro bya Kacyiru, yishimiye impano yahawe

Nyirarukundo Jeanne d’Arc ni umwe mu babyeyi babyariye mu Bitaro bya Kacyiru wahawe impano

Bashimiwe n’Ibitaro bya Kacyiru, kuko bashyigikiye gahunda bisanganwe yo gukangurira ababyeyi kugira isuku

Abakozi b'Uruganda Bonjour Hygiene Products Ltd rukora ibikoresho by’isuku by’abana birimo 'diapers' za 'Mami Love', basuye ababyeyi babyariye mu Bitaro birindwi byo mu Mujyi wa Kigali

Umuyobozi Ushinzwe Ubucuruzi mu Ruganda Bonjour Hygiene Products Ltd, Kayiranga Léonard, yavuze ko basuye ababyeyi babyariye mu bitaro byo hino mu mu Mujyi wa Kigali, kuko uru ruganda rubazirikana

Ibi byagaragajwe ubwo hatangizwaga ubukangurambaga bwo kurwanya ikoreshwa ry'ibiyobyabwenge bwatangijwe kuri uyu wa 13 Gicurasi muri IPRC Kicukiro.

Visi Perezida wa Komite y'Igihugu ishinzwe kurwanya ibiyobyabwenge, Ntukanyagwe Valence, akaba n'Intumwa ya Leta, yavuze ko ikibazo cy'ibiyobyabwenge cyane cyane mu rubyiruko ari ikintu kirengeje urugero kuko iterambere riri kujyana n'ibyiza n'ibibi birimo n'ibiyobyabwenge byinshi urubyiruko ruri kubona mu buryo bworoshye.

Ati ' Nk'ubu mu bigo Ngororamuco dufitemo abantu 6460 kugeza uyu munota bagiye kugororwa kubera ibiyobyabwenge aribyo bituma baba inzererezi, bituma baba abajura, hakabaho n'abandi dusanga mu nkiko aho imibare y'abantu bari mu nkiko kugeza uyu munsi ari 4000 aribo bariho baburana.'

Shema Steeve ufite imyaka 25 utuye mu Murenge wa Kinyinya, yavuze ko yatangiye gukoresha ibiyobyabwenge mu 2018 aza kubireka mu 2020.

Yatangiye kubikoresha ubwo yajyaga kwiga muri Kaminuza muri Uganda akahahurira n'ikigare cyanatumye abyishoramo, yavuze ko yakoreshaga Mugo na Cocaine

Ati 'Nagiye kwiga muri Uganda mpura n'inshuti zinyereka ibintu bishya biza kumviramo ububata. Icyatumye mbireka ni ukubabazwa n'ubuzima nari mbayemo, nari narahombye ibintu byinshi nkabona ntafite icyerekezo, ntari kugira aho mva naho ngera mpitamo kubireka.'

Kuri ubu Shema yagiriye inama urundi rubyiruko yo kwitondera ibigare bagendamo kuko bishobora kubashuka bikabakoresha ibintu bibi.

Yavuze we yashinze ikigo kirwanya ibiyobyabwenge ndetse kikanatanga ubufasha ku bo byabase.

Uwase Sandrine w'imyaka 21 utuye mu Karere ka Kicukiro mu Murenge wa Masaka, yavuze ko yatangiye gukoresha ibiyobyabwenge mu 2019 ubwo yigaga mu mwaka wa kabiri w'amashuri yisumbuye.

Yavuze ko yabikoresheje nyuma y'aho se yitabiye Imana, Mama we na we aza kumusiga mu rugo wenyine.

Yaje guhura n'inshuti mbi imubwira ko agiye akoresha urumogi yakira ako gahinda akajya anabona ibitotsi.

Ati ' Ingaruka byangizeho kwiga byahise bihagarara, nari umukobwa wubashywe ku musozi ngirirwa icyizere ariko ubwo nahise ntakarizwa icyizere n'izindi nyinshi.'

Uwase avuga ko nyuma yaje kubona umufashamyumvire amufasha kubivamo ndetse banamuha igishoro acuruza imboga, kuri ubu asigaye acuruza serivisi za Mobile Money akabifatanya no kwiga umwuga w'ubudozi. Yagiriye inama urundi rubyiruko yo kwirinda ibigare.

Umukozi mu Kigo cy'Igihugu gishinzwe Ubuzima, RBC, mu ishami rishinzwe ubuzima bwo mu mutwe, Gishoma Darius, yavuze ko buri mwaka kwa muganga bakira abantu bagera hafi 5000 kubera ingaruka z'ibiyobyabwenge.

Yasabye urubyiruko kubyirinda kuko bigira ingaruka ku mwijima, impyiko, ibihaha n'ibindi bice by'umubiri.

Kugeza ubu u Rwanda rwashyizeho ibice bitandukanye byakirirwamo ababaswe n'ibiyobyabwenge.

Shema avuga ko ibiyobyabwenge yabiretse kandi yabishowemo n'ikigare

Ubu bukangurambaga bwitabiriwe n'abantu benshi

Aba baturage babwiye BTN TV, ko babangamirwa n'izo nyoni ziganjemo imisambi kuko zibonera ariko bakabura aho babariza kugira ngo bishyurwe imitungo yabo.

Bavuga ko babwiye ubuyobozi bw'aka Karere ka Burera iki kibazo ariko bubasubiza ko ntacyo bwagikoraho.

Umugabo umwe yagize ati 'Icyo kibazo uko kimeze iyo wateye ibigori n'ibishyimbo imisambi iza nka hariya ku mwaro ikajyamo ikarisha wabaza ku karere bakakubwira ngo nta buryo bakumira imisambi kuko iba irimo kuguruka.'

Yakomeje avuga ko ubuyobozi bwagakwiye kureba uko bwajya bubishyura ibyabo izi nyoni ziba zangije kuko zisurwa na bamukerarugendo benshi bakanasiga amadovise mu gihugu.

Undi muturage yagize ati 'Imisambi iratwonera cyereka Leta iduhaye imbabazi wenda ikajya idufasha ikishyura ibyo iba yangije.'

Undi mugabo yagize ati 'Iyo misambi imaze kuba myinshi cyane wagira ngo hari indi bashyizemo ku buryo twumva abanyamakuru bagenda bakatuvugira iki kibazo.'

Ubuyobozi bw'Akarere ka Burera, bwo buvuga ko iki kibazo butari bukizi,

Meya w'aka Karere ka Burera, Mukamana Soline yagize ati 'Ibyo nibwo bwa mbere mbyumvishe, ni ubwa mbere mbyumvishe pe, wenda twakurikirana.'

Yongeyeho ko bazakomeza kubungabunga iki gishanga ndetse n'abaturage bakwiye kukibungabunga.

Umunya-Cameroun ukinira APR FC, Apam Assongwe Bemol yavuze ko umwaka we wa mbere muri APR FC wamugendekeye nabi cyane kubera imvune ariko yizeye umwaka utaha azitwara neza.

Apam ni umukinnyi ukina asatira anyuze ku mpande, yageze muri APR FC muri Nyakanga 2023 akaba yarasinyiye iyi kipe imyaka 2.

Umwaka we wa mbere ntabwo wamugendekeye neza kuko yagize imvune nyinshi n’igihe yari muzima nta musaruro yatanze kuko yabuze icyizere cy’umutoza.

Mu kiganiro yahaye ikinyamakuru ISIMBI, Apam yavuze ko mu mwaka ayimazemo yasanze APR FC ari ikipe nziza, ndetse akaba yishimiye kwegukana igikombe.

Ati “APR FC ni ikipe nziza, ifite intego ngari, yaduhaye buri byose kugira ngo twitware neza, ndishimye kuba twegukanye igikombe.”

Yakomeje avuga ko umwaka we wa mbere yagize imvune zamuzengereje ariko akaba yizeye ko umwaka utaha bizagenda neza.

Ati “Urabizi imvune ni cyo kintu kiba wakwifuriza umukinnyi kugira, ariko ni umupira w’amaguru iyo ugize imvune uba ugomba kubyakira, umwaka utaha nizeye ko nzakora ibirenze.”

Yijeje abakunzi b’iyi kipe ko bagiye gukora cyane ku buryo umwaka utaha w’imikino bazaba bameze neza kurushaho.

Ati “Abakunzi ba APR FC icyo nababwira ni uko tugiye gukora cyane kugira ngo tuzabe tumeze neza kurushaho umwaka utaha. Umwaka utaha ndacyahari rwose.”

Apam Assongwe Bemol w’imyaka 23 yageze muri APR FC avuye mu ikipe y’iwabo muri Cameroun ya Apejes FC.

Apam yavuze ko atagize umwaka mwiza kubera imvune