Category: Uncategorized

Source : https://kasukumedia.com/intege-nto-yari-itwaye-perezida-wa-iran-yakoze-impanuka/

All Gospel Today (AGT) ni Umuryango mugari uhuriwemo n'abahanzi b'indirimbo zihimbaza Imana, abashumba, abayobozi b'amakorali, abanyamakuru bita cyane ku Iyobokamana, aba Producers n'abizera bose ndetse n'abandi. Uyu muryango watangijwe mu 2013 hagamijwe gusigasirwa ikwirakwira ry'ubutumwa bwiza cyane cyane bijyanye n'ibihe isi igezemo.

Nk'uko basanzwe babikora buri mwaka, mu gitondo cyo kuwa Gatandatu tariki 18 Gicurasi 2024, abagize uyu muryango baramukiye ku rwibutso rwa Jenoside rwa Kigali ruri ku Gisozi, hagamijwe kwibuka ku nshuro ya 30 Jenoside yakorewe Abatutsi mu 1994 igahitana ubuzima bw'inzirakarengane zirenga Miliyoni mu minsi 100.

By'umwihariko rero kuri uyu munsi hari hatumiwe abashumba batandukanye baturutse mu matorero anyuranye akorera muri Kigali hashingiwe ku nsanganyamatsiko yari ihari yo kuzana impinduka nziza (Transformation) nyuma y'uko hari ibintu byinshi byangiritse bigatukisha izina ry'Uwiteka binyuze mu itorero, harimo nko kuba hari abayobozi b'amatorero ndetse n'amadini bijanditse mu gukora Jenoside yakorewe Abatutsi mu 1994.

Umuyobozi w'umuryango All Gospel Today, Rev. Alain Numa yavtangaje ko kuba hari abayobozi b'amadini n'amatorero bakoze Jenoside yakorewe Abatutsi, byagize ingaruka n'ubu zigikomeje kugaragara ku bakristo bamaze guta icyizere bari bafitiye abapasiteri n'abapadiri.

Yagize ati: 'Hari ibintu byinshi byangiritse bitukisha izina ry'Uwiteka kandi binyuze ku itorero. Hari abapadiri, abapasiteri bagiye babigiramo uruhare rukomeye. Kugera ubu ngubu, ndahamya ko hari abantu benshi kwizera kwabo kwangiritse, badashobora gupfa kwizera itorero, umupadiri cyangwa umupasiteri bitewe n'ibyo bikomere yagiye ahura na byo. Ibi ngibi rero, ni uguhinduka kwacu twese ari umunyamakuru, ari umuhanzi, n'undi wese.'

Bishop Nzeyimana Innocent, Umuvugizi w'Itorero Nayoti mu Rwanda akaba n'Umuyobozi w'amadini n'amatorero akorera mu Mujyi wa Kigali, yavuze ko iki gikorwa bakoze kivuze ikintu kinini ku bashumba by'umwihariko nk'abantu bahagarara imbere y'abantu benshi.

Ati: 'Ubwo rero niba dufite abo twasimbuye batubanjirije bayoboraga amadini mbere ya Jenoside batabashije guhagarara mu cyuho kugira ngo babashe gukumira ikibi, bamagane Jenoside, babashe guhagarara ku muryango nyarwanda bakoresheje ijambo ry'Imana, kandi babashe kwereka abantu uburyo icyo bapfana kiruta icyo bapfa, kandi bose bari mu ishusho y'Imana;

Twebwe nk'abanyamadini dukwiriye guhaguruka tukamagana ikintu cyose cyatanya abanyarwanda, cyatuma abantu batabana neza cyangwa badahuza. Kubera ko iyo tugeze hano tukabona imibiri 250,000 iruhukiye muri uru rwibutso, tukabona impinja zishwe muri Jenoside, tukabona urubyiruko n'abakuze barimo n'abari mu madini anyuranye, ubwo duhita tumenya ko hari abantu bambuwe ubumuntu babwamburwa n'abandi kandi bitari bikwiriye kuba.'

Uyu muyobozi yakomeje avuga ko nyuma y'amateka mabi yaranze igihugu agizwemo uruhare n'abanyamadini, abari gukora uyu murimo muri iki gihe bafite umukoro wo kuzana impinduka bakagaragaza itandukaniro ry'abahagarariye imiryango ishingiye ku myemerere y'iki gihe n'aba mbere binyuze mu gutanga inyigisho zuzuye zibasha kubaka umuntu, zikamugira umuntu wubaha Imana kandi ukunda n'igihugu cye.

Yavuze ko ibi babitangiye, aho bagiye bakora ibikorwa bitandukanye birimo gusura no kwigisha abafungiye mu magereza atandukanye babihanisha ibyaha byayo n'ibindi.

Akomoza ku kigero iyi mpinduka igezeho yagize ati: 'Ni urugendo kuko kunga abantu no kubabanisha ni urugendo nkurikije icyizere dufite namwe mubona kuko abantu bose bari mu gihugu bafite amadini babarizwamo. Kuba rero uyu munsi iyo bigeze mu gihe cyo kwibuka, abanyarwanda bose baza gufatanya kandi barigeze kuba mu byiciro bitandukanye ibyo abantu bari baragize amoko, tubona biri ku kigero cyiza dukurikije aho tugeze.

Ni urugendo, hari abagifite ibisigisigi tukibasha guha inyigisho zibahindura dukoresheje ijambo ry'Imana n'ibiganiro dutanga ahantu hatandukanye, kuko ntabwo dutanga ibiganiro mu matorero gusa ahubwo n'inzego z'ibanze ziratwiyambaza.'

Umuramyi w'Umurundi utuye mu Rwanda, Fabrice Nzeyimana unabarizwa mu itsinda rya Fabrice & Maya, ni umwe mu bagize ihuriro AGT nawe wari witabiriye iki gikorwa cyo #Kwibuka30, akaba anafite igitaramo ku itariki 2 Kamena 2024 gifite intego imwe yo kuzana impinduka mu itorero, kikaba kizabera kuri Christian Life Assembly Nyarutarama.

Fabrice Nzeyimana yavuze uko yagize igitekerezo cyo guhuza imbaraga na AGT muri iki gikorwa cyo #Kwibuka30. Yagize ati: 'Insanganyamatsiko y'igitaramo cyanjye nayo ni ukuzana impinduka. Rero nk'umwe mu bagize itsinda All Gospel Today, navuze ngo reka nihuze nabo kugira ngo tubeho ubuzima bw'ibyo tuvuga bizane impinduka muri sosiyete.

Twatekereje kuza hano ku rwibutso rwa Jenoside rwa Kigali kubera ko dutekereza ko itorero n'abahanzi ba Gospel ndetse n'abandi babarizwa mu Iyobokamana dukeneye kongera gutekereza ku ruhare rwacu mu kongera kubaka igihugu n'ubumwe n'ubwiyunge by'abanyarwanda.'

Source : https://kasukumedia.com/mu-rwego-rwo-kwibuka-ku-ncuro-ya-30-israel-mbonyi-gaby-kamanzi-fabrice-nabandi-basuye-urwibutso-rwa-gisozi/

Hamis Kiggundu yabonye izuba ku wa 10 Gashyantare 1984 azwi nka Ham, ni umucuruzi, umushoramari, kabuhariwe mu bijyanye n'ubwububasti kandi agenda mu bihe bitandukanye agira ibikorwa byo gufasha.

Hirya y’ibyo akaba ari umwanditsi n'umunyamategeko.

Kiggundu afite kompanyi ikomeye izwi nka Ham Group, yagiye yandikwaho inkuru zikomeye n'ibinyamakuru bitandukanye nka Forbes.

Ari mu baherwe ba mbere bakomeye muri Uganda, umutungo we ukaba ubarirwa muri Miliyari isaga y'amadorali agera muri Miliyari zisaga 1300 z’amanyarwanda.

Mu mwaka wa 2021, Forbes yatangaje ko uyu mugabo afite abakozi barenga ibihumbi 7.

Ubuto bwa Kiggundu n'amashuri

Kiggundu yavukiye muri Kalungu ho mu Karere ka Masaka rwagati muri Uganda, avukana na Haruna Segawa na Nakayiza Jalia umuryango wabo ukaba ukomeye mu birebana n'ishoramari mu gihe kirekire.

Kiggundu yakuriye mu muryango w'abasilamu anavuga ko imyemerere n'imyizerere ya k'isilamu biri mu byamufashishije kurenga umutaru mu buzima bwe kandi ko adashobora kuva muri iri dini.

Yize amashuri abanza muri Kabojja International muri Kampala,azagusoreza muri Kaminuza ya Makerere aho yakuye impamyabumenyi mu mategeko.

Uko yisanze mu bushabitsi bikomeye

Ham Group yayitangije muri 2005 ari kompanyi y'ubucuruzi bw'ibikoresho byifashishwa mu bwubatsi. 

Ibyo bikaba byaravuye mu kuba yari umuntu wa hafi wa se Hajji waje kumuha igishoro.

Uyu mugabo yaje kwinjira mu bucuruzi bw'ibibanza n'amazu muri 2009 ni bwo yinjiye mu bijyanye n'ubwubatsi maze mu 2010 yubaka umuturirwa rwagati muri Kampala.

Ham yakomeje kwerekana ko muri Afurika byoroshye kubaka aho mu gihe cy’andi mezi 18 yari amaze kuzuza indi nyubako y’akataraboneka ikomatanije ibikorwa by'ubucuruzi.

Ibyo bikorwa yubakaga byatangiye kumufasha kubona amadeni yo ku rwego rwo hejuru ya Banki, yaje kwinjira kandi no mu bikorwa by'ubuhinzi n'ubworozi byagutse.

Bidatinze yaje gusaba ko yahabwa uburenganzira kuri Nakivuko Stadium akayubaka bijyanye n'igihe maze Leta imwegurira aka gace mu gihe kingana n'imyaka 49.

Ku wa 25 Mata 2024, Perezida Museveni yongeye gushimangira iby'iyi myaka ko ariyo Kiggundu yahawe kandi byizewe ko azaba yaramaze kugaruza ibyo yashoyemo ubundi hakongera kuvugurura amasezerano cyangwa kuyasesa.

Iyi Stade kuri ubu yamaze kuzura ikaba yaratangiye kubakwa mu 2017, ifite ubushobozi bwo kwakira abantu bari hagati y'ibihumbi 30 na 35, ikaba ifite n'ibindi bice byo gukoreramo ibikorwa bitandukanye.

Byizerwa ko iyi stade yuzuye itwaye Miliyoni 200 z'amadorali asaga Miliyari 257 Frw, ikaba iri mu zigezweho ziri mu gace ka Afurika y'Iburasirazuba.

Mu 2023 ni bwo bisa nkaho yuzuye  maze ku wa 25 Mata 2024 ifungurwa ku mugaragaro na Perezida Yoweri Kaguta Museveni wongeye gusingiza ubushake n'ubushobozi bwa Kiggundu.

Uyu mushoramari anafite n'inganda n'ibikorwa byagutse by'ubuhinzi agenda afasha abatishobye

Muri Mata 2020 Kiggundu yafashishije Abanya-Uganda benshi mu bihe by'icyorezo cya COVID19, anafasha kandi abanyamakuru ba Uganda nk'urwego abona rukomeye rugikeneye kwiyubaka bihereye mu barukoramo.

Muri Nyakanga 2021 yatanze amashilingi Miliyoni 530 ni ukuvuga asaga Miliyoni 180 Frw yo gufasha Guverinoma mu kugura inkingo za COVID19.

Muri Nyakanga 2024 yagize uruhare mu bikorwa byo kubungabunga ibidukikije, atanga ibiti bisaga ibihumbi 100 byatewe ku mihanda iri muri Kampala.

Bimwe mu birego yagiye agarukamo mu bihe bitandukanye

Muri Gashyantare 2020 yashinje ubujura Banki ya Diamond Trust avuga ko mu gihe cy'imyaka 10 yambuwe agera kuri Miliyoni 30 z'amadorali nayo mu buryo budasobanutse byanarangiye nyuma y'igihe habayeho kumvikana dore ko iyi Banki yagiye itsindwa kenshi ikongera ijurira.

Ham amaze kwamamara cyane

Imikorere y'uyu mugabo yatumye yegukana ibihembo bitandukanye ubu akaba ari mu bagabo bazwiho kugira imidugudu y'amazu ahenze igiye itandukanye muri Uganda.

Afite kandi ibikorwa by'ubucuruzi bushingiye ku mideli, udushya n'umuco kimwe na siporo n'imyidagaduro mu buryo bwagutse.

Ham atuye mu nzu y’akataraboneka iherereye muri Kampala iri ku buso bunini ikaba yaranashowemo asaga Miliyoni 32 z'amadorali.

Uyu mugabo akaba afite abagore batatu n'abana nk’uko aheruka kubyerekana mu mafoto yasangije abamukurikira ku mbuga nkoranyambaga.Muri Mata 2024 ubwo Perezida Museveni na Kiggundu batahaga Stade ya NakivuboNakivubo ifite ikoranabuhanga rigezweho kandi iri mu nyubako nkeya zihagazeho zinagutse z’imikino n’imyidagaduro Akarere kungutseAha Kiggundu yari kumwe na Madamu Jeannette Museveni na we wari wagiye gusura Nakivubo StadiumAfite inganda zitandukanye n’ibikorwa by’ubuhinzi bugezweho byinjiza za MiliyariUyu mugabo aheruka kwerekana abagore be batatu ndetse yizerera mu idini rya Islam cyane

Source : https://inyarwanda.com/inkuru/143099/afite-imyaka-40-miliyari-1300frw-nabagore-3-injira-mu-buzima-bwumuherwe-wumugande-ham-wuju-143099.html

Uko tubikyesha urubuga politico.cd  wro muri Repulika iharanira democracy ya Congo, muri iri joro ahagana mu ma saa kumi za mugitondo humvikanye amasasu y’imbunda ziremereye mu gace ka Gombe mu murwa mukuru wa Kinshasa. 

Biravugwa ko iyo mirwano yashamiranyije Ingabo za Congo, yahereye mu Rugo rwo kwa Vital Kamere, ny’uma iza kw’imukira ku ngoro ya perezida Tshisekedi rwitwa Palais de la Nation. Ubu igisirakare cya congo kirahamya cyaburijemo umugambi wo guhirika ubutegetsi bw’icyo gihugu.

Mu itaganzo ryashizwe hanze n’abayobozi ba Congo, baravuga ko mubafashwe harimo byibuza umuturage umwe wa America, n’undi umwe w’umunya Canada.

Source : https://politico.cd

Ni igikorwa cyabaye kuri uyu wa 17 Gicurasi 2024, abacyitabiriye babanza gusura Urwibutso rwa Jenoside rwa Kigali ruri ku Gisozi, bunamira abasaga ibihumbi 259 barushyinguwemo.

Hakurikiyeho ibiganiro bigaruka ku mateka y'u Rwanda mbere y'ubukoloni, mu gihe cy'ubukoloni, nyuma yabwo, amateka ya Jenoside yakorewe Abatutsi ndetse na nyuma yayo.

Umuyobozi Mukuru wa ULK, Dr Sikubwabo Cyprien, yavuze ko bibabaje kubona abantu bize kaminuza bafatwa nk'intiti ndetse n'abakabaye bafata iya mbere mu gukemura ibibazo byugarije igihugu, ariko bamwe muri bo bakaba barakoze Jenoside yakorewe Abatutsi mu 1994.

Ati ''Ubundi birazwi ko umuntu wize muri kaminuza aba ari mu cyiciro cy'abitwa intiti cyangwa abanyabwenge. Muri rusange abize kaminuza baba ari ba bantu bafatwa nk'aho bafite imitekerereze yagutse kurenza abandi, mu gukemura ibibazo biri muri sosiyete cyangwa mu miryango yabo. Gusa ikibabaje si uko byagenze mu 1994, ahubwo ubwo bumenyi bw'abize muri kaminuza bwakoreshejwe mu kuvangura, mu gutoteza, guhiga no kwica Abatutsi.''

Dr Sikubwabo Cyprien yavuze ko ULK ishyize imbere gutanga uburezi bufite ireme ariko hadasigajwe n'indangagaciro z'ubumuntu, ibituma uzifite abasha kugira umutimanama muzima umutera gukora ibyiza ku buryo atagira uruhare mu bikorwa bibi byanageza kuri jenoside.

Muri iki gikorwa kandi, Nyirumuringa Théophile warokotse yatanze ubuhamya bw'urugendo rugoye rw'uko yiciwe abe mu 1994 ndetse Interahamwe zikamutema mu mutwe inshuro eshatu ku buryo yari yaratakaje icyizere cyo kubaho.

Yashimiye Inkotanyi zamurokoye umutwe we waratangiye kubora zikamuvura, nyuma akabasha kwiga ubu akaba ari umugabo wubatse ufite umugore n'abana babiri.

Prof Dr Rwigamba Balinda washinze Kaminuza Yigenga ya Kigali (ULK), ni we watanze ikiganiro ku mateka y'u Rwanda mbere y'ubukoloni kugeza kuri Jenoside yakorewe Abatutsi.

Yakomoje ku kuba abakoloni ari bo babanje gusenya u Rwanda ubwo bacagamo ibice abarutuye bikabageza ku moko n'urwangano rwanavuyemo Jenoside yakorewe Abatutsi.

Yasabye urubyiruko gusigasira ibimaze kugerwaho hubakwa u Rwanda, nyuma y'uko Inkotanyi zihagaritse jenoside zikanubaka u Rwanda.

Ati ''Twibuke twiyubaka dushimangira ibyo PFR Inkotanyi bagezeho, tubiteze imbere, tubishyigikire. Mu Rwanda, urubyiruko ni 65%, ibyo biri mu nshingano zacu ko nta kuntu abantu bitanze, ngo twebwe twoye guteza imbere igihugu cyacu.''

Ibi kandi byashimangiwe na Gatete Eugène wahagarariye IBUKA muri iki gikorwa, wibukije abacyitabiriye ariko cyane cyane urubyiruko ko bafitiye u Rwanda umwenda wo gukomeza kubiba amahoro n'ubumwe mu Banyarwanda.

Umuyobozi Nshingwabikorwa w'Akarere ka Gasabo, Umwali Pauline, na we yunze mu ry'abandi bayobozi batanze ibiganiro, yihanganisha abarokotse Jenoside yakorewe Abatutsi mu 1994, anabasezeranya ko igihugu kizakomeza gukora ibishoboka byose kugira ngo hitabwe ku mibereho yabo myiza.

Ati ''Nagira ngo mbabwire ko rero ubuyobozi bwite bwa leta tuzakomeza kwita ku mibereho y'abarokotse jenoside batishoboye. Aha harimo kubashakira amacumbi ku bayakeneye, harimo imishinga y'iterambere itandukanye, harimo kwishyura amashuri ku bakiga batishoboye batabasha kubikora, ndetse n'ibindi byose tubona nk'ubuyobozi bikenewe n'uwarokotse jenoside utishoboye.''

Umwali Pauline kandi yanaboneyeho gusaba urubyiruko kwiga amateka y'u Rwanda ndetse n'aya Jenoside yakorewe Abatutsi mu 1994 by'umwihariko, kugira ngo rujye runabasha kunyomoza abayagoreka bakoresheje ibirimo imbuga nkoranyambaga cyangwa ibitabo byandikwa bivuga ibihabanye n'ukuri kw'ibyabaye mu Rwanda.

Abayobozi ba ULK ubwo bashyiraga ingabo ku mva

Muri iki gikorwa hanacanwe urumuri rw’icyizere

Nyirumuringa Théophile warokotse yatanze ubuhamya bw'urugendo rugoye rw'uko yiciwe abe muri Jenoside, na we Interahamwe zikamutema ariko nyuma Inkotanyi zikamurokora

Abanyeshuri ba Glory Academy na bo bitabiriye iki gikorwa

---

Source : http://igihe.com/amakuru/u-rwanda/article/ulk-yibutse-abazize-jenoside-abigamo-bahabwa-umukoro-wo-gusigasira-ubumwe

Sean Combs, uzwi cyane ku mazina y'ubuhanzi nka Puff Daddy, P. Diddy, cyangwa se Diddy, ni umuraperi w'Umunyamerika akaba ari naho atuye kugeza ubu. Yamamaye cyane nk'umu-producer muri Uptown Records mbere y'uko ashinga label ye yitwa Bad Boy Entertainment, muri 1993. Yifashishije label ye yazamuye abahanzi bamamaye cyane nka The Notorious B.I.G., Mase, na Faith Evans.

Diddy cg Puff Daddy yakomeje kwamamara cyane aho yagiye asohoro imizingo(albums) myinshi irimo indirimbo zamenyekanye nka 'I'll Be Missing You,' 'Can't Nobody Hold Me Down,' na 'Last Night.' Nyuma y'umuziki, Diddy sibyo akora gusa dore ko no mu mideri ntacyo wamubeshya aho yaje gushinga inzu y'imideri yitwa Sean John, ndetse n'izindi businesses zitandukanye nka Ciroc vodka n'izindi.

Mu rugendo rwe rwa muzika yagiye azamura bagenzi be nawe kandi atiyibagiwe dore ko yagiye atwara ibihembo bitandukanye nka Grammy Awards n'ibindi…

Uyu musaza rero wavutse mu kwezi k'Ugushyingo tariki 4 mu mwaka wa 1969, avukira ahitwa Harlem, New York City, New York muri Leta Zunze Ubumwe z'Amerika, ubu ari mu mazi abira nk'uko natangiye mbibabwira aho ashobora no kuba yasubizwa mu nkiko.

Ushobora kwibaza impamvu yabyo; ni nyuma yaho CNN igaragaje agace k'amashusho ye agaragara ari muri Intercontinental Hotel muri Leta Zunze Ubumwe z'Amerika, videwo igagara Diddy ahondagura umugore we; aya mashusho yagaragaye nyuma y'uko uyu Diddy yaramaze kwizera ko ibirego bisa nk'ibyo yari akurikiranyweho yifashishije abamwunganira be byari byamazwe gukurwa mu nkiko.

Reka tubitege amaso niba koko baramushyira inyuma y'amadirishya cyangwa arakomeza agakoresha abo bamufasha mu nkiko ibirego bikamuvaho burundu dore ko n'ubwo aregwa, uwahohoteye ntacyo abitangazaho cyangwa ngo abe ariwe utanga ibirego.

Source : https://kasukumedia.com/p-diddy-mu-mazi-abira-ibishobora-kumusubiza-mu-nkiko/

Vera Sidika ni umugore w'umunya-Kenya wamenyekanye cyane cyane kuva mu mwaka wa 2012 ubwo yagaragara mu mashusho yakutswe cyane ya P-Unit yitwa You Guy bafatanije n'undi muhanzi witwa COLLO. Uyu Vera Sidika agaragara muri iyi ndirimbo yahise ikundwa cyane abantu batangira kumwibazaho gusa abandi bakamwireka ko bamushyigikiye niho yahise azamukira atangira kwinjira mu gukorera amafaranga yaba ku mbuga nkoranyambaga ndetse na za Televisions.

Uyu Vera Sidika  kandi afite ibiganiro byinshi akora akenshi yibanda mu kwamamaza amavuta yo kwisiga, perfums… ibintu n'ubundi akorera cyane ku mbuga ze zitandukanye aho abarirwa mu kayabo ka $2.5 million atunze; tugerageje ni nka Miliyari eshatu z'amanyarwanda.

Uyu mugore rero w'icyamamare akaba n'umunyemali kuko afite businesses nyinshi ari naho akomora kariya kayabo yibitse; ngo agarukanye imbaraga nyinshi aho agiye kwigaragaza cyane yaba kuri TVs n'imbuga nkoranyambaga; ibintu avuga ko yari yarabigabanije kujyirango abanze yite ku muryango ndetse n'ubushabitsi bwe.

Imana izamubashishe!

Source : https://kasukumedia.com/imbaraga-vera-sidika-avuga-ko-agarukanye-arazishingira-kuki/

Amakuru mpamo agera ku intyoza.com ni uko ahagana ku i saa mbiri n'iminota 30 z'ijoro ryo kuri uyu wa 18 Gicurasi 2024, mu Mudugudu wa Nyamabuye, Akagari ka Gishyeshye, Umurenge wa Rukoma ho mu Karere ka Kamonyi, Umugore witwa Mugeni Thamar yishwe aciwe umutwe n'abagizi ba nabi bamusanze aho aba ari naho akorera.

Aya makuru, abaturage bahaye umunyamakuru wa intyoza.com anemezwa n'ubuyobozi bw'Akarere ka Kamonyi, aho aba bagizi ba nabi basanze Mugeni Thamar w'imyaka 43 mu nzu ya Konoshe acururizamo Inzoga n'Imineke bamwica bamutemye ijosi. Bikekwa ko hakoreshejwe icyuma.

Dr Nahayo Sylvere, Umuyobozi w'Akarere ka Kamonyi yemereye intyoza.com ko aya makuru y'iyicwa ry'uyu muturage ari impamo. Yagize ati' Twabimenye, iperereza ririmo gukorwa ngo hamenyekane uwabikoze'.

Kumenyekana kw'aya makuru nkuko Umubyeyi wa Nyakwigendera yabitangaje, avuga ko mu rugo(aho nyakwigendera yakoreraga) haje uwitwa Dushimimana Laurent, akomanze ku muryango(urugi) yacururizagamo abura umukingurira.

Akomeza avuga ko akimara kubona ko abuze umukingurira, yagiye iwabo agarukana na Nyina wa Nyakwigendera, akoze ku rugi ngo akingure abona hadakinze, yinjiye munzu arebye asanga bamwishe. Bahise bihutira gutabaza ubuyobozi, aho inzego z'ubuyobozi zitandukanye zirimo Polisi, RIB, DASSO na RF bahise batabara.

Amakuru agera ku intyoza.com kandi, ni uko hari umwe mu baturage wahise afatwa akekwaho kuba hari aho ahuriye n'ibyabaye, bitewe n'uko yashyizwe mu majwi nk'uwari usanzwe afitanye ibibazo na nyakwigendera.

Umurambo wa Nyakwigendera woherejwe ku bitaro bya Kacyiru mu gihe iperereza ryahise ritangira ngo hashakishwe uwo ariwe wese waba wagize uruhare mu iyicwa ry'uyu muturage.

intyoza

Source : https://www.intyoza.com/2024/05/19/kamonyi-rukoma-abagizi-ba-nabi-bishe-umuturage-bamuciye-umutwe/

Yabitangaje ku wa 18 Gicurasi 2024 ubwo Diyoseze Gatolika ya Cyangungu yibukaga ku nshuro ya 30 Jenoside yakorewe abatutsi.

Ni igikorwa cyabanjirijwe no kunamira Abatutsi bashyinguye mu rwibutso rwa Jenoside yakorewe abatutsi rwa Kamembe, igitambo cya misa no gushyira indabo kumva iruhukiyemo Boneza Joseph wari Padiri mukuru muri Paruwasi ya Mibilizi wishwe muri Jenoside.

Mu gihe cya Jenoside yakorewe Abatutsi, ku cyicaro cya Diyosezi Gatolika ya Cyangungu hahungiye Abatutsi benshi barimo n'abahageraga bakomekeye mu bitero byo guhiga no kwica Abatutsi.

Mukamusoni Béatha wari umukozi wa diyosezi kuva mu 1977 kugera mu 2012, mu buhamya bwe avuga bagerageje kurwana ku Batutsi babahungiyeho ariko akavuga ko umutima wo gutabara abatutsi, abapadiri batari bawuhurijeho.

Ati 'Ntabwo bari bawuhuje. Hari abari bafite ubwoba, ariko hari n'abari ntibindeba . Hari n'uwabivuze abwira Abatutsi ngo n'ubundi agasuzuguro kanyu niko muzazira'.

Umuyobozi wungirije w'Akarere ka Rusizi, ushinzwe Iterambere ry'ubukungu, Habimana Alfred yibukije abitabiriye iki gikorwa ko hari abagipfobya Jenoside yakorewe Abatutsi kubera inyungu babifitemo bityo ko Abanyarwanda bose bakwiye kubima amatwi kugira ngo Jenoside itazagaruka.

Padiri Nkundayezu Oscar Jenoside yakorewe Abatutsi yatangiye amaze ibyumweru bitatu arwaye malariya ariko yakoresheje imbaraga nke yari afite arwana ku Batutsi.

Nubwo atari azi gutwara imodoka hari aho byageze biba ngombwa ko apakira ibiryo mu modoka akajya abishyira Abatutsi bari bahungiye muri sitade ya Rusizi.

Musenyeri Sinayobye Edouard yavuze ko kwibuka Jenoside yakorewe abatutsi ari umwanya wo gushima abagize ubutwari bakarokora Abatutsi no kugaya abagize ubugwari, bakica cyangwa bagatererana abatutsi.

Ati 'Uwaba yaritwaye nabi, ku mutima we yabyiyumvisha ko yagize nabi, agasaba imbabazi Imana, akanasaba imbabazi abo yahemukiye kuko ibyo biraruhura'.

Kuva Jenoside yakorewe abatutsi yahagarikwa n'ingabo za RPF Inkotanyi, Kiliziya Gatorika mu Rwanda ikomeje kugira uruhare mu isanamitima n'ubwiyunge aho ihuza abarokotse Jenoside n'abayikoze mu gikorwa cyo gusaba imbabazi no kuzitanga.

Mu bo Diyoseze Gatolika ya Cyangungu yibuka bishwe muri Jenoside harimo abari abanyeshuri mu iseminari nto, abari abakozi ba diyosezi, abafureri, Padiri Boneza Joseph wiciwe ku Cyapa n'abandi.

Muri iki gikorwa Diyosezi Gatolika ya Cyangungu yaremeye abarokotse Jenoside yakorewe Abatutsi ibaha inka, mu rwego rwo kubafasha kwibuka biyubaka.

Diyosezi Gatorika ya Cyangungu yibutse Abatutsi bishwe muri Jenoside

Abihayimana n’ubuyobozi bunamiye abishwe muri Jenoside yakorewe Abatutsi

Mgr Sinayobye yagaye abihayimana bijanditse muri Jenoside, avuga ko bakwiye gusaba Imana imbabazi bakazisaba abo bahemukiye

Mukamusoni wari umukozi wa Diyoseze ya Cyangungu avuga ko hari abapadiri bigize ntibindeba banga gutabara abatutsi, agashima Padiri Oscar na bagenzi be bitandukanyije n’ikibi

Padiri Oscar Nkundayezu watwaye imodoka atarayimenya kubera umutima wo gutabara abatutsi, ashimira Imana yamufashije

Kiliziya yaremeye abarokotse Jenoside barimo uwari uherutse kwibwa inka ye

---

Source : http://igihe.com/amakuru/u-rwanda/article/musenyeri-sinayobye-yagaye-abihaye-imana-bijanditse-muri-jenoside

Abantu benshi bakomeje kwibaza ku musore ukomeje gusaza imbuga nkoranyambaga zitandukanye cyane cyane urwo akoresha adasiba rwa Instagram aho aba akoresha handle ya @byose.mulenge.official

Dore ko mu gihe gito atangiye gukoresha imbuga nkoranyambaga amaje kwibikaho abamukurikira (followers) benda kugera ibihumbi makumyabiri (20,000 Followers on Instagram); ibidakunze kuba kuri blogger/vlogger ukizamuka.

Uyu musore aganira n'umunyamakuru wacu; yamutangarije ko ibyo yinjiyemo yari yabitekerejeho kandi abizi neza ko hari icyo byamarira sosiyete y'abanyamurenge aho bari hose. Abajijwe ibyo azajya aganiraho cg avugaho abenshi bakunze kwita content creation mu rurimi rw'icyongereza; yavuze ko content iyariyo yose igamije kuba yashyira abanyamulenge hamwe biciye mu myidagaduro, ubukungu, iyobokamana, n'ibindi yabikoramo content. Akomeza avuga ko icyamuzanye kuri iyi mihanda ari uguhindura neza umukino wa showbiz y'abanyamurenge burundu; bikava mu nyito gusa bikaba ingiro.

Akomeza aganira n'umunyamakuru wacu; yabajijwe niba atari amaronko yaba amuzanye muri uru ruhando rwo gukoresha imbuga nkoranyambaga dore ko benshi tuzi bazikoresha zinabatunze, yasubije ko kuva kera yabikundaga kandi aramutse anabonyemo agatubutse atakanga, ariko asobanura ko ikumajyanyemo ari kuzamura showbiz y'abanyamulenge ikagera ahashimishije dore ko arizo zari inzozi ze kuva akiri umwana, ndetse no kubona abanyamulenge bashyize hamwe, akomeza avuga ati: 'ibindi byaza nyuma y'icyo shyizeho umutima wanjye'.

Source : https://kasukumedia.com/byosemulenge-ni-muntu-ki-azanye-iki-nkigisubizo-mu-itangazamakuru/