Category: Uncategorized

Umutoza w’ikipe y’igihugu Amavubi, Frank Spittler yavuze ko biteze ko FIFA izasubiza yemerera Ani Elijah gukinira Amavubi.

Rutahizamu ukomoka muri Nigeria ukunira Bugesera FC, Ani Elijah nyuma yo gusaba gukinira Amavubi ari mu mwiherero kimwe n’abandi bitegura imikino y’ijonjora ryo gushaka itike y’igikombe cy’Isi u Rwanda rufitanye na Benin muri Côte d’Ivoire tariki ya 6 Gicurasi na Lesotho muri Afurika y’Epfo tariki ya 11 Gicurasi.

Nubwo ari mu mwiherero ariko akaba atemerewe gukina iyi mikino kuko amategeko amugonga nta bwenegihugu afite.

Umukinnyi udafite inkomoko muri icyo gihugu, amategeko ya FIFA ateganya ko agomba kuba amaze byibuze imyaka 5 aba muri icyo gihugu, Ani Elijah we ahamaze umwaka umwe.

Ishyirahamwe ry’umupira w’amaguru mu Rwanda, FERWAFA, rikaba ryarandikiye FIFA riyibaza niba nta kuntu uyu mukinnyi yakinira u Rwanda bakaba bategereje igisubizo.

Umutoza Frank Spittler yavuze ko ari umukinnyi mwiza ufite icyo yafasha bityo FERWAFA ikaba irimo gukorana na FIFA ngo barebe ko yakinira u Rwanda.

Ati “Mbere na mbere Elijah ni umukinnyi mwiza kandi Federasiyo yacu irimo gukorana na FIFA ngo barebe niba yakinira ikipe y’igihugu yacu, rero twamuzanye mu mwiherero kugira ngo buri kimwe nigitungana azabe yiteguye.”

Yavuze ko azi neza ko hari amategeko ya FIFA yahindutse bityo bakaba bagomba kubigendamo gake, nta mpamvu yo guhubuka.

Ati “Ndabizi ko amwe mu mategeko ya FIFA yahindutse mu kwezi gushize rero tugomba kwitonda, ibuntu byose bigomba gukorwa mu buryo bwa nyabyo, dutegereje igisubizo cya FIFA tukareba ikizaba.”

Abajijwe niba yizeye ko kuzaba amufite mu mikino yo mu kwezi gutaha, yavuze ko yizeye ko FIFA izatanga igisubizo cyiza.

Ati “Yego, twizeye ko tuzabona igisubizo cyiza cya FIFA ku buryo yazabasha kudukinira ariko bidakunze dufite undi rutahizamu mwiza, Nshuti Innocent.”

Yemeje ko we n’abungiriza be ari bo basabye ko yaza mu Mavubi nyuma yo kugaragaza ko yifuza gukinira u Rwanda, akaba ari umukinnyi babona wafasha bitewe n’imikinire ye ndetse n’umwanya akinaho.

Ani Elijah ari mu mwiherero nubwo atemerewe gukinira Amavubi

Umutoza abona ari umukinnyi wafasha Amavubi

Ni mu mukino wa nyuma w’iki gikombe wakinwe kuri uyu wa Gatandatu saa kumi zuzuye kuri Wembley Stadium. Ikipe ya Manchester United yaje muri uyu mukino, umutoza wayo abizi ko yamaze kwirukanwa, gusa yagombaga gukora uko ashoboye kugira ngo batsinde uyu mukino, nibura bikureho igisuzuguriro cyose bagize muri uyu mwaka w’imikino.

Ikipe y’amashitani atukura byaje kuyihira maze ku munota wa 30 gusa ba myugariro Manchester City bakora amakosa aho Jusko Gvardiol yakoresheje umutwe agiye kuwuha umunyezamu gusa birangira wifatiwe n’Umunya-Argentine, Alejandro Garnacho ahita awifatira aterekamo igitego cya 1.

Nyuma y’iminota 9 Manchester United yongeye kubona igitego cya 2 gitsinzwe na Kobbie Mainoo ku mupira yahawe na Bruno Fernandes nanone ku makosa wabonaga ya ba myugariro na Manchester City.

Mu gice cya kabiri, Pep Guardiola utoza Manchester City yakoze impinduka mu kibuga kugira ngo arebe ko yakwishyura, gusa bikomeza kugorana. Bigeze ku munota 87 Jeremy Doku winjiye mu kibuga asimbuye, yaje gutsinda igitego cya 1 cya Manchester City ku mupira yahawe na Phil Foden.

Abakinnyi ba Manchester United bashoboye kugenzura iminota yari isigaye maze birangira ari bo begukanye igikombe cya FA Cup batsinze ibitego 2-1.

Ni igikombe cya 13 cya FA Cup Manchester United itwaye mu mateka yayo ndetse ihise inabona itike yo kuzakina imikino ya Europa League nyuma yuko muri shampiyona ho yari yarangirije ku mwanya wa 8. 

Ubwo bivuze ko ikipe ya Chelsea yo yabaye iya Gatandatu izakina na Conference League.

Abakinnyi ba Manchester United bishimira intsinzi

Uko Garnacho yatsinze igitego cya 1 cya Manchester United 

Chrisy Neat umaze iminsi yihebeye gusubiramo no gukora indirimbo zubakiye ku mudiho gakondo, yatangajwe kuri uyu wa Gatandatu tariki 25 Gicurasi 2024, yiyongera ku bandi bahanzi barimo Ruti Joel, Itorero Inganzo Ngari na Mariya Yohana batangajwe mu minsi ishize.

Cyusa Ibrahim yabwiye InyaRwanda ko yongeye Chrisy Neat ku rutonde rw'abahanzi bazataramana muri iki gitaramo, kubera ko ashaka kumufasha gukomeza kugaragaza impano ye.

Ati 'Kumwongeramo ni uko ari umuririmbyi mwiza kandi akaba ari umwe mu rubyiruko rwihebeye gakondo. Ikindi ni uko atamaze igihe kinini aririmba, ariko afite impano ikwiriye kwerekwa Abanyarwanda.

Kanoheli Christmas Ruth wafashe izina rya muzika rya Chrisy Neat, yatangiye gukorera muri Studio 'Ibisumizi' y'umuraperi Gatsinzi Emery 'Riderman' mu Ukwakira 2021.

Ni nyuma y'iminsi micye yari ishize asoje amasomo ye ku ishuri rya Muzika rya Nyundo. Yinjiye mu mwuga wo gutunganya indirimbo z'abahanzi (Music Production) mu gihe uyu mwuga wari umaze igihe kinini wihariwe n'abagabo.

Mu 2016 ni bwo yagiye kwiga amasomo y'umuziki ku Nyundo. Yigeze kuvuga ko ubwo yahataniraga kwiga muri ririya shuri yagize ubwoba, ahanini biturutse ku banyempano yabonaga bari bahatanye ariko kandi 'nishimira ko nahawe umwanya nkagaragaza impano yanjye'.

Ati 'Icyo gihe nahisemo gucuranga Piano nkanaririmba, banyuze abari bagize Akanama Nkemurampaka, ni uko natangiye urugendo rwanjye.   

Uyu mugore yabanje gukorera muri studio ya Capital Records mbere y'uko yerekeza mu Ibisumizi. Avuga ko kwinjira mu batunganya indirimbo, ahanini byaturutse ku kuba yarakuze yiyumvamo gukora ibintu bitandukanye n'ibyo abandi bakora.

Ati 'Nakunze gusura studio zitandukanye, aba Producer bagashima ibikorwa byanjye, ibyo rero byampaye imbaraga zo kumva nakora umuziki.'

Muri muzika, uyu mugore aherutse gushyira hanze indirimbo ‘Yarakuze’ yakoranye na Riderman, ‘You got Me’, ‘Imaragahinda’ yasubiyemo, ‘Urungano’, ‘Urukundo’, ‘Ndakwiye’, ‘Ikibondo’ n’izindi.

Igitekerezo cy'iki gitaramo 'Migabo Live Concert' cyavuye ku ndirimbo yakunzwe n'Abanyarwanda, uyu muhanzi yaririmbiye Umukuru w'u Rwanda, amushimira imiyoborere myiza n'ubutwari bwe bwayoboye urugamab rwo guhagarika Jenoside yakorewe Abatutsi mu 1994;

Gucyura no gutuza Abanyarwanda mu gihugu cyababyaye ndetse akaba arugejeje aho ruba ikitegererezo muri Afurika mu kwiyubaka n'iterambere rirambye kandi ryihuse.

Nk'umuhanzi, avuga ko yumvise umusanzu we ari uko yahuriza hamwe abakunzi b'umuziki w'u Rwanda n'abahanzi b'indirimbo gakondo batandukanye, abatuye Umujyi wa Kigali n'inkengero zaweo guhurira hamwe bagatarama u Rwanda ruganje, banakeza 'iyo ntore izirusha intambwe'.

Akomez ati 'Kandi twishimira ibyagezweho muri iyi myaka 30, tunakundisha abato izo ndangagaciro bibutswa kandi gusigasira ibyagezweho.'

Kwinjira muri iki gitaramo ni ukwishyura 8,000 Frw mu myanya isanzwe, 15,000 Frw muri VIP, 30,000 Frw ku meza y’umuntu na 220,000 Frw ku meza y’abantu umunani. Ushobora kugura itike yawe unyuze ku rubuga www.ibitaramo.com  cyangwa se uguhamagara Nimero: 0787837802.

Uguze itike mbere y'ukwezi kwa Gatandatu (Kamena) ahabwa igabanyirizwa (Discount) riri hafi ya 20% ku itike aguze. Abazagura ibyicaro ku meza bazaba baherezwa ibyo kunywa. 'Table' y'abantu umunani igura 250,000 Frw kandi buri wese azanywa bijyanye no guhitamo kwe.

Chrisy Neat usanzwe ari Producer muri studio 'Ibisumuzi' yongewe mu bahanzi bazataramana na Cyusa Ibrahim

Cyusa Ibrahim yavuze ko yatumiye Chrisy Neat kubera ubuhanga agaragaza muri njyana gakondo

 

KANDA HANO UREBE AMASHUSHO Y'INDIRIMBO YA CHRISY NEAT

“>

KANDA HANO UREBE AMASHUSHO Y'INDIRIMBO YA CYUSA IBRAHIM

“>

Ni mu mukino wabereye muri BK Arena kuri uyu wa Gatandatu saa munani n’iminota 30. Umukino watangiye ubona amakipe yombi akina yegeranye mu bijyanye no gutsinda nta kipe nimwe ishaka gusiga indi. 

Ikipe ya Petro de Luanda yatsindirwaga n’abakinnyi barimo Markeith Cummings na Lukeny Gonçalves mu gihe US Monastir yo yabifashwagamo n’abarimo Firas Lahyani.

Agace ka mbere kaje kurangira US Monastir ariyo iyoboye n’amanota 16-13. Agace ka kabiri katangiye Petro de Luanda yo muri Angola iri hejuru ndetse iminota 2 gusa yarihagije ngo ibe yamaze gukuramo ikinyuranyo binyuze kuri Childe Dundao wakoraga amanota 2.

Abakinnyi ba AS Douanes barimo Marcus Christopher Crawford bakomeje gukina bagerageza gukora amanota 3 ariko ntibibahire bituma Petro de Luanda itangira kubajya imbere.

Igice cya mbere cyarangiye iyi kipe yo muri Angola iyoboye n’amanota 38 kuri 33. Mu gace ka Gatatu AS Douanes ikina neza ubona ifite gahunda yo gukuramo ikinyuranyo yongeye kubifashwamo na Firas Lahyani wabonaga yahiriwe no gutsinda amanota 3.

Abakinnyi ba Petro de Luanda barimo Lukeny Gonçalves bagiye barakanira maze agace ka Gatatu nako karangira bagikomeje kuyobora n’amanota 54 kuri 52.

Mu gace ka Kane ari nako ka nyuma AS Monastir yaje ikina neza gusa Petro de Luanda igakomeza kuyigenda imbere. 

Byaje kugera aho amakipe yombi anganya maze habura isegonda rimwe ngo umukino urangire uwitwa Firas Lahyani ahawe umupira na Marcus Christopher Crawford aterekamo amanota 3 ubundi AS Monistir ihita isoza umukino ariyo iyoboye n’amanota 70 kuri 67.

US Monastir yatsinze Petro de Luanda ku isegonda rya nyuma 

Ni ibiganiro byitabiriwe n'abayobozi bakuru barimo Umugaba w'Ingabo zirwanira ku Butaka wa Uganda Lt Gen. Kayanja Muhang, Umuyobozi Mukuru ushinzwe Ubutasi n'Umutekano, Maj James Birungi n'abandi batandukanye.

Uru ruzinduko ruje rukurikira urwo itsinda ry'u Rwanda ryari riyobowe n'Umugaba w'Ingabo z'u Rwanda zirwanira ku Butaka, Maj Gen Vincent Nyakarundi, ryagiriye muri icyo gihugu muri Mata 2024 rikakirwa na Gen Kainerugaba, bakaganira ku ngingo zitandukanye z'ubufatanye n'ibibazo by'umutekano muke mu Karere.

Gen. Kainerugaba, akaba n'umuhungu wa Perezida Yoweri Museveni, yagaragaje kenshi ko u Rwanda na Uganda ari ibihugu by'abavandimwe, bityo ko bikwiye guhahirana, ababituye bakagenderana nta mbogamizi bahura na zo.

Yagaragaje kandi ko bidakwiye kugarukira aho, ahubwo ko n'ingabo zikwiye gukorana bya hafi kugira ngo zibashe guhangana n'ibibazo bibangamiye umutekano w'ibihugu byombi ndetse n'Akarere muri rusange.

Gen Muhoozi aheruka mu Rwanda muri Mata mu 2023, aho Perezida Kagame na Madamu Jeannette Kagame bamwakiriye ku meza, mu isangira ryo kumwifuriza isabukuru nziza y'amavuko.

Icyo gihe Perezida Kagame yamushimiye uruhare yagize mu kuzahura umubano w'u Rwanda na Uganda.

Yagize ati 'Turabona amahoro hagati y'ibihugu byacu. Mushobora kugira amahoro ariko hari igihe bitaba ngo mube inshuti, ariko ubu ndatekereza ko ubu byombi tubifite. Turi inshuti ndetse dufite n'amahoro. Warakoze General Muhoozi ku ruhare wagize muri ibi, kuba warabaye ikiraro gihuza impande zombi.'

Mu 2022 ubwo General Muhoozi yizihizaga isabukuru y'amavuko, yatumiye Perezida Kagame mu birori byabereye i Kampala muri Uganda, biba ikimenyetso simusiga cy'uko umubano hagati y'ibihugu byombi wongeye kuzahuka.

Umugaba Mukuru w'Ingabo z'u Rwanda, Gen Mubarakh Muganga, yakiriwe n'Umugaba Mukuru w'Ingabo za Uganda, Gen Muhoozi Kainerugaba

Uru ruzinduko ruje rukurikira urwo itsinda ry'u Rwanda ryagiriye muri icyo gihugu muri Mata 2024

Ibihugu byombi bisanganywe umubano mwiza mu mpande nyinshi

Abagaba b’Ingabo b’ibihugu byombi bari bagaragiwe n’abayobozi bakuru mu ngabo ku mpande zombi

Uyu munyamakuru yari mu Rwanda aho yitabiriye Inama yahuje abayobozi b'ibigo byo muri Afurika (Africa CEO Forum). Ni umwe mu bayoboye ibiganiro by'abayobozi muri iyi nama.

Kuyi uyu wa Gatandatu, tariki ya 25 Gicurasi 2024, Larry Madowo yasangije abamukurikira kuri X, amashusho yafatiye mu muhanda Kigali-Gatuna mu masaha y'ijoro, ahagana saa yine n'igice.

Aha yagaragaje ko yatangajwe cyane no kubona mu rugendo yakoze kuva i Kigali kugera hafi n'umupaka wa Gatuna, yarabonye amatara yose yo ku muhanda yaka.

Yatunguwe kandi no kubona imihanda ikoze neza, nta binogo biyirimo ndetse n'imirongo n'ibyapa bigomba kuba biyiriho, byose bimeze neza.

Muri iyo mashusho yagize ati 'Hashize nk'amasaha abiri n'igice tuvuye muri Kigali, [ubu] twegereye umupaka wa Gatuna, ariko ahantu hose hari amatara akora kandi neza, ubu ni saa Ine n'iminota 37 z'ijoro. Imirongo y'imihanda imeze neza kandi nta n'ibinogo twigeze tubona.'

'Natembereye cyane kuri uyu Mugabane [wa Afurika] ariko nta hantu na hamwe nari nabona ibimeze gutya. Amatara kuva mu Mujyi wa Kigali kugeza ku mupaka wa Uganda! Imihanda idafite ibinogo, birashoboka cyane [ko n'abandi babikora], u Rwanda rwarabikoze.'

Muri uru rugendo Madowo yari kumwe na Eleni Giokos nawe usanzwe ari umunyamakuru wa CNN ukorera ku Biro byayo biri Abu Dhabi.

Aba bombi bahuye n'umugabo witwa Richard warimo ataha muri ayo masaha, afite telefoni mu ntoki ndetse asigaje urugendo rungana n'ibilometero bine ngo agere aho atuye.

Richard yabajijwe niba koko aba yumva atekanye, nawe ababwira ko nta kibazo kuko aba yumva afite umutekano usesuye.

We drove at night in Rwanda. This is what we saw pic.twitter.com/5Z8klA8uwL

— Larry Madowo (@LarryMadowo) May 25, 2024

Larry Madowo ukora kuri CNN yashimishijwe n'umutekano n’isuku biri mu Rwanda

Inteko rusange y'Inama y'Igihugu y'Urubyiruko mu Karere ya Gicumbi yagarutse ku mubare ukiri muto w'urubyiruko rubasha kwitabira umwuga w'ubuhinzi n'ubworozi, isaba ko bamwe mu rubyiruko ruhagarariye abandi mu mirenge bashishikariza bagenzi babo kwitabira uyu mwuga, aho kwirirwa bategereje kuzabona akazi ko mu biro kandi n'ubuhinzi buri mu byabakura muri ubwo bushomeri.

Ni ubutumwa bwanagarutsweho na Guverineri w'Intara y'Amajyarugru, Mugabowagahunde Maurice, wababwiye ko icya mbere ari ugutekereza gukura amaboko mu mifuka, bakitabira imyuga itandukanye ibafasha kwiteza imbere, ntibirirwe bibaza uko bazakoresha impamyabumenyi bafite, ahubwo bakisuganya bagafashanya gukora iyo bwabaga ngo bishakemo ibisubizo.

Ati “Turabakeneye, nk'ubuyobozi kandi twiteguye kubafasha, murebe uko mwakwegerana muhuze imbaraga n'ibitekerezo nimubona imishinga ifatika mwegere ubuyobozi bw'Akarere bubafashe kwiteza imbere, haba mu buhinzi, ubworozi n'indi myuga tuzabashyigikira.”

Muri aka Karere ka Gicumbi habarurwa urubyiruko 115,713 rutuye mu bice by' icyaro ndetse n'abagera kuri 8,546 batuye mu dusantire twakwitwa utw'umujyi, abenshi muri bo bakunze kumvikana bataka ubushomeri, bavuga ko babuze akazi ngo biteze imbere.

Umwe mu rubyiruko rw'Akarere ka Gicumbi waganiye na IGIHE, yavuze ko akora ubuhinzi ariko bagenzi be ntibarabasha kubwitabira kubera imyumvire bafite aho bavuga ko ubuhinzi n'ubworozi bikorwa n'abakuze gusa cyangwa abafite imirima mu cyaro.

Hasingizwimana Denis yagize ati 'Njyewe maze imyaka itatu ntangiye gukora ubuhinzi, nakoraga 'pepinière' z'ibiti bike ariko kuri ubu mfite ingemwe zigera ku bihumbi 100, mbona ku mafaranga bikamfasha no gutera ibiti by'imbuto zirimo avoka, ibinyomoro, marakuja, Coeur de boef… Kandi nabitangiye mbona urubyiruko runseka none bamwe baraje mbaha akazi.'

Umuyobozi w'Inama y'Igihugu y'Urubyiruko mu Karere ka Gicumbi, Basesayose Thelesphole, yavuze ko hari urubyiruko rwisuganyije ruhinga icyayi kuri hegitari esheshatu, none rwatangiye kubona amafaranga ndetse rwiguriye n'amacumbi yo gukodesha, gusa.

Ati 'Mu nteko rusange twaganiye ku buryo twakongera umubare w'urubyiruko rukora ubuhinzi kuko ababyitabira bakiri bake, turi imbaraga z'igihugu, twiyemeje kwegera bagenzi bacu turabibashishikariza kuko bizabafasha kwikura mu bukene'.

Urubyiruko ruhagarariye abandi mu mirenge 21 ya Gicumbi rwahawe amagare ya siporo abafasha kujya mu tundi tugari ngo barebe uko bashishikariza kugira ngo bashishikarize abandi kwinjira mu buhinzi.

Guverineri Mugabowagahunde na Meya Nzabonimpa baha igikombe Umukuru w’Urubyiruko Basesayose nk’ishimwe ry’ibyo bagezeho

Guverineri w’Intara y’Amajyaruguru, Mugabowagahunde Maurice

Meya wa Gicumbi, Nzabonimpa Emmanuel, Guverineri Mugabowagahunde Maurice na Basesayose Thelesphole uhagarariye Inama y’Igihugu y’Urubyiruko muri Gicumbi, bareba amagare azafasha ubukangurambaga mu rubyiruko

Urubyiruko rusabwa gukoresha imbaraga n’ubwenge bafite

Basesayose Thelesphole uhagarariye Inama y’Igihugu y’Urubyiruko muri Gicumbi

Abayobozi bafashe ifoto bari kumwe n’urubyiruko rwari ruhagarariye abandi

Nyuma yo kujuririra Urukiko Rwisumbuye rwa Nyarugenge, biteganyijwe ko urubanza rwe ruzaburanishwa ku wa 3 Kamena 2024.

Ibyaha Nkundineza akurikiranyweho byagaragajwe ko yabikoze binyuze ku muyoboro wa YouTube mu bihe bitandukanye, aho yibasiraga Miss Mutesi Jolly wabaye Nyampinga w'u Rwanda bishingiye ku rubanza Ishimwe Dieudonne uzwi nka Prince Kid yakatiwemo gufungwa imyaka itanu.

Ubushinjacyaha bwagaragaje ko hari aho Nkundineza yise Mutesi Jolly 'akandare', akagome, impolie n'andi mazina amutesha agaciro.

Ubushinjacyaha bwari bwamusabiye gufungwa imyaka 10 no gutanga ihazabu ya miliyoni 5 Frw nubwo uruhande rwa Nkundineza Jean Paul rwagagaje ko nta cyaha yakoze, ahubwo ko akwiye kugirwa umwere.

Urukiko rwasanze Nkundineza ahamwa n'icyaha cyo gutukana mu ruhame akaba agomba guhanishwa ihazabu y'ibihumbi 100 Frw.

Rwasanze kandi agomba guhanishwa imyaka itatu y'igifungo ku cyaha cyo guhohotera uwatanze amakuru n'ihazabu miliyoni 1 Frw ku cyaha cyo guhohotera uwatanze amakuru.

Umucamanza yavuze ko amuhanishije ibihano bito biteganywa n'itegeko kuri ibyo byaha ariko ko atamusubikira ibihano kuko Nkundineza atigeze yemera icyaha mu buryo budashidikanywaho.

Nkundineza yatawe muri yombi ku wa 16 Ukwakira 2023, akatirwa igifungo cy'imyaka itatu ku wa 18 Mata 2024.

Umunyamakuru Nkundineza yarajuriye mu rukiko