Category: Uncategorized

Bizumuremyi  Radjabu usanzwe ari umutoza wa Etincelles FC ndetse akaba yari ahagarariye ikipe ya Scandinavia WFC yasohowe mu nteko rusange nyuma yaho ikipe ye itakarije ubunyamuryango bwa FERWAFA.

Ibi byabaye hashize iminota 37 inteko rusange itangiye, aho umuyobozi wa FERWAFA yabajije niba nta munyamuryango uributakaze ubunyamuryango bigendanye n’uko amatekegeko abivuga. 

Umunyamabanga wa FERWAFA Kalisa, yavuze ko ikipe ya Scandinavia WFC ihagarikwa cyangwa se itakaza ubunyamuryango bwa FERWAFA. 

Umunyamabanga yakomeje avuga ko ikipe ya Scandinavia WFC itigeze yitabira shampiyona ya 2021-22, 2022-23 na 2023-24 kandi amategeko akaba avuga ko ikipe imaze imyaka 3 ititabira amarushanwa ya FERWAFA ihita itaza ubunyamuryango.

Ibyo bikimara kuba, Bizumuremyi Radjabu wari waje ahagarariye ikipe ya Scandinavia WFC yasabwe gusohoka mu nteko rusange kugira ngo   atange umwanya, ndetse Inteko rusange ikomeze. Bizumuremyi Radjabu yahise yisohokera nk’uko byari bisabwe. 

Iyi nteko rusange ya FERWAFA yitabiriwe n’abanyamuryango 41 kuri 58 bemewe, gusa Scandinavia WFC ikaba yahise ivamo

Umugenzuzi Mukuru w'Imari ya Leta, buri mwaka azenguruka mu bigo byose bifite aho bihuriye n'ikoreshwa ry'ingengo y'imari ya Leta kugira ngo agenzure niba ikoreshwa neza, yarangiza agakora raporo ikubiyemo amakosa yose yagiye abona muri buri kigo ajyanye n'ikoreshwa nabi ry'umutungo w'Igihugu.

Ibyo iyo birangiye, ageza iyo raporo ku Nteko Ishinga Amategeko hanyuma nayo igakora akazi kayo, nk'urugero Komisiyo ishinzwe gukurikirana imikoreshereze y'imari n'umutungo by'igihugu izwi nka 'PAC' ihamagaza inzego n'ibigo byagaragaweho n'imicungire mibi kugira ngo bibarizwe mu ruhame imvano y'ayo makossa byisobanure.

Ubwo hari uhise wibaza ati 'hanyuma se hakurikiraho iki?', nanjye namuha igisubizo nk'icyo umwe mu bayobozi ajya akunda gutanga aburira abakora ibyaha agira ati 'Igihugu kiri maso.' Ubwo ibikurikiraho hari izindi nzego ziba ziri maso zibireba, byose mu gusigasira umutungo w'igihugu.

Umugenzuzi Mukuru w'Imari ya Leta agenzura inzego zose zofite aho zihuriye n'ikoreshwa ry'ingengo y'imari ya Leta, akagenzura ibintu bitatu by'ingenzi ari byo ibitabo by'ibaruramari, kubahiriza amategeko n'amabwiriza ndetse n'agaciro k'ifaranga [uburyo ibyakozwe bihwanye n'amafaranga yabitanzweho].

Zimwe mu nzego zitahwemye kugaragarwaho n'amakosa y'imicungire y'umutungo ni uturere, aho wasangaga amakosa akabije ndetse agenda yisubira, gusa nk'uko bigaragazwa na raporo y'Umugenzuzi Mukuru w'Imari ya Leta y'umwaka wa 2023, hari intambwe ifatika yatewe mu turere igendanye no gukosora ayo makosa.

Iyi Raporo igaragaza ko mu mwaka warangiye ku wa 30 Kamena 2023, uturere n'umujyi wa Kigali byari byagenewe amafaranga angana na miliyari 1,127 Frw, akaba ari nayo Umugenzuzi Mukuru yarebaga uko yakoreshejwe n'uburyo ibitabo byatwo by'ibaruramari bigaragaza imikoreshereze nyakuri yayo, nta binyuranyo cyangwa ibyuho birimo.

Raporo ya 2023 igaragaza ko mu turere 27 n'Umujyi wa Kigali, uturere 25 bihwanye na 92.5% twabonye nta makemwa mu bitabo by'ibaruramari, akaba ari ku nshuro ya mbere bigeze kuri icyo kigero, kuko nko mu 2022 uturere 12 ari two twari twabonye nta makemwa, mu gihe mu 2021 nta karere na kamwe kari kabonye nta makemwa mu bitabo by'ibaruramari.

Uretse uturere 25 twabonye nta makemwa, bivuze ko umutungo wakoreshejwe neza, uturere tubiri nitwo twabonye byakwihanganirwa [Kamonyi na Ruhango], ugereranyije na 13 twari twayibonye mu mwaka wabanje.

Minisitiri w'Ubutegetsi bw'Igihugu, Musabyimana Jean Claude, yavuze ko iyi ntambwe bayikesha ingamba zitandukanye zashyizweho, zirimo gahunda yo kwigiranaho, gukorera hamwe kw'abashinzwe kugenzura imari ya Leta kugira ngo ibitabo byose bikenerwa n'abagenzuzi bibonekere igihe, gutanga inama no kongerera ubumenyi abakozi n'ubuvugizi.

Ati 'Nka Minisiteri y'Ubutegetsi bw'igihugu, turashimira buri wese, uturere n'abafatanyabikorea bagize uruhare mu guca aka gahigo. Leta yacu ikomeza kwita cyane ku kubaza inshingano nk'inzira izana impinduka ziganisha ku iterambere.'

Uretse ku bitabo by'ibaruramari uturere twateye intambwe idasanzwe, no mu bindi byiciro naho hari intambwe yatewe, nko ku birebana non kubahiriza amategeko n'amabwiriza mu mwaka wa 2022/2023, uturere dutandatu twabonye nta makemwa, mu gihe 21 twabonye byakwihanganirwa.

Utwo turere dutandatau twabonye nta makemwa muri icyo cyiciro ni Huye, Ruhango, Ngororero, Nyamasheke, Karongi na Nyaruguru.

Ni mu gihe ku birebana n'agaciro k'ifaranga, uturere 23 twabonye byakwihanganirwa ugereranyije na 18 twari twayibonye mu mwaka wabanje, mu gihe dutanu gusa ari two twabonye biragayitse ugereranyije na 10 twayibonye mu mwaka wabanje.

Hari ushobora kumva nta makemwa, byakwihanganirwa na biragayitse ntamenye impamvu yabyo n'icyo bisobanuye muri raporo y'Umugenzuzi Mukuru w'Imari ya Leta.

Ubundi iyo abagenzuzi barangije gukora ubugenzuzi bw'ikoreshwa ry'umutungo w'igihugu muri buri kigo, bagira icyo babivugaho bigendeye muri bya byiciro bitatu [ibitabo by'ibaruramari, kubahiriza amategeko n'amabwiriza n'agaciro kw'ifaranga].

Muri buri cyiciro bakora icyo twakwita nko gutanga amanota. Abitwaye neza cyane, ni ukuvuga abakoresheje neza umutungo wa Leta nk'uko wagombaga gukoreshwa bahabwa inota ryitwa 'Nta makemwa', naho abagize amakosa bakora ariko adakabije, ashobora gukosorwa byoroshye bahabwa inota ryitwa “Byakwihanganirwa', naho abagaragaweho n'amakosa akabije bahabwa inota rya 'Biragayitse'.

Tugarutse k'uko uturere tw'itwaye mu igenzura ry'Umugenzuzi Mukuru w'Imari ya Leta mu mwaka warangiye ku wa 30 Kamena 2023, ku bigendanye n'iyubahirizwa ry'inama zatanzwe n'Umugenzuzi w'Imari ya Leta naho hari impinduka nziza, kuko zashyizwe mu bikorwa ku mpuzandengo ya 67% ugereranyije na 65% mu 2022 na 56.5% mu 2021.

Nyaruguru ni yo yahize utundi aho yashyize mu bikorwa inama z'Umugenzuzi Mukuru w'Imari ya Leta ku kigero cya 84%, mu gihe Ngoma yaje ku mwanya w'inyuma ku kigeri cya 46%.

Izo mpinduka kandi zanagaragariye ku igabanuka ry'uturere twitabye PAC, kuko muri uyu mwaka hitabye gusa uturere dutandatu gusa, ari two Burera, Nyagatare, Rulindo, Muhanga, Ngoma ndetse na Rubavu.

Umugenzuzi Mukuru w’Imari ya Leta, Kamuhire Alexis, ubwo yagezaga Raporo ku Nteko Ishinga Amategeko

Uturere twagaragaweho n’imicungire mibi y’umutungo wa Leta twitaba PAC

Hari intambwe ifatika yatewe kuburyo n’uturere twitabye PAC kuri iyi nshuro twagabanyutse cyane

Ni igikorwa cyabaye kuri uyu wa Gatandatu tariki ya 25 Gicurasi 2024, ubwo hasozwaga umuganda w'uku kwezi. Ibikorwa by'umuganda byabereye mu Kagari ka Mahango mu Murenge wa Kibungo, ahakozwe umuhanda muri site y'imiturire iherutse gushyirwaho.

Abakozi ba Jibu kuva ku buyobozi bukuru bifatanyije n'abaturage mu gusibura umuhanda ari nako hakorwa n'ibindi bikorwa bitandukanye.

Nyuma y'umuganda imiryango ijana yahawe amacupa arimo n'amazi meza akorwa n'uru ruganda.

Umuyobozi Mukuru wa Jibu, Tuyisenge Bruno, yavuze ko impamvu bakoranye umuganda n'abaturage ari ukugira ngo bafatanye nabo mu bikorwa by'iterambere.

Ati ' Impamvu rero twahisemo guha abaturage ijana amacupa, ni uko tubizi ko hari abantu benshi bagifite imbogamizi y'intambwe ya mbere, bakavuga ngo nafashe icyemezo naguze amazi bwa mbere, iyo ikaba ariyo mbogamizi rero ubu niyisanga afite icupa arumva ko bitagoye gukomeza kugura amazi yacu neza.'

Tuyisenge yavuze ko indi mpamvu bahisemo gutanga amacupa ari uko babonye ko hari icyo amazi batanga afasha abaturage harimo kubarinda kurwaragurika n'ibindi byinshi.

Yavuze ko bazakomeza ibikorwa byiza byinshi bazajya bakorera mu baturage mu rwego rwo kubafasha kunywa amazi meza no kwirinda indwara.

Mukampangaje Diane utuye mu Mudugudu wa Kacyiru mu Kagari ka Mahango mu Murenge wa Kibungo, yavuze ko yagorwaga no guteka amazi yo kunywa ngo kuko inkwi zihenze cyane.

Ati ' Ubu rero bizanyorohera kuko umuryango wanjye uzajya ubasha kunywa amazi meza kandi n'ubuzima bwabo bubashe kugenda neza. Twanywaga amazi mabi kubera ubunebwe bwo kuyateka no kubura inkwi, ubu rero ya mafaranga twakaguze inkwi tuzajya tuyakoresha mu kuzana amazi meza ya Jibu.'

Bikorimana Oreste utuye mu Murenge wa Remera mu Kagari ka Kinunga, yavuze ko yishimiye guhabwa amazi meza n'icupa ryayo.

Yavuze ko kunywa amazi meza byamugoraga cyane kuko byasabaga kuyateka rimwe na rimwe inkwi zikabura.

Mukabarakare Clementine utuye mu Murenge wa Rukira yavuze ko umwana we yajyaga arwara inkorora n'ibicurane kubera kunywa amazi mabi.

Ati ' Ubu agiye kunywa amazi meza anayajyane ku ishuri kuburyo izo ndwara zitazongera kumwibasira.'

Umuyobozi w'Akarere ka Ngoma wungirije ushinzwe imibereho myiza y'abaturage, Mukayiranga Groliose, yashimiye Jibu ku gikorwa cyiza yakoze cyo gutanga amacupa y'ubuntu ku baturage benshi.

Yavuze ko bizafasha abaturage benshi mu kunywa amazi meza binabarinde indwara zitandukanye ziterwa n'umwanda.

Umuyobozi Mukuru wa Jibu yabanje gukorana umuganda n'abaturage

Abakozi ba Jibu babanje gukorana umuganda n'abaturage

Abaturage ijana bahawe amacupa ya Jibu ku buntu

Visi Meya Mukayiranga Groliose, yashimiye Jibu ku kuba yahaye amacupa arimo amazi abaturage

Rwanda Premier League Board ifite mu nshingano zayo kugenzura, gutegura no gushakira ubushobozi amakipe agize Shampiyona y’icyiciro cya mbere mu Rwanda yemeje uburyo bwo kuzajya ihemba amakipe ikurikije imyanya yasorejeho muri Shampiyona.

Ibi byatangajwe n’Umuyobozi wayo, Hadji Yusufu Mudaheranwa mu nama nyunguranabitekerezo idasanzwe yateranye kuri uyu wa Gatandatu ku Cyicaro cyayo ku Kimihurura mu Karere ka Gasabo mu Mujyi wa Kigali yahuje abayobozi b’amakipe 16 yakinnye Primus National League ya 2023-24.

Mu ngingo zari ku murongo w’ibyigwa harimo kurebera hamwe uko Shampiyona y’umwaka ushize yagenze no guhana ibitekerezo ku mpinduka zakorwa mu mwaka utaha kugira urwego rwa Shampiyona ruzamuke ndetse n’amakipe arusheho kubona ubushobozi.

Harimo kwereka abanyamuryango raporo y’umutungo w’umwaka wa Shampiyona ya 2023-24 ndetse no kubereka bamwe mu bafatanyabikorwa bashya byitezwe ko bazazamura ingengo y’imari yari isanzwe igenerwa amakipe buri mwaka.

Harimo kandi gukora imbonerahamwe y’imikino ya Shampiyona y’umwaka utaha idashingiye ku guhura kw’amakipe hakurikijwe uko yahuye mu gice kibanza cya Shampiyona. Iyi gahunda ikazashyirwa hanze kare, nyuma yo kuzamuka kw’amakipe avuye mu Cyiciro cya kabiri ndetse no kwerekana ko amakipe yose yujuje ibisabwa (CAF Club Licensing) biyemerera gukina Shampiyona.

Hari kandi guhemba amakipe yose uko ari 16 ku mpera ya Shampiyona hakurikijwe imyanya yarangirijeho, uburyo busimbura ubwari busanzweho aho ikipe imwe rukumbi yegukanye igikombe cya Shampiyona ari yo yagenerwaga igihembo cya Miliyoni 25 Frw.

Hari kandi kuba buri mukino hazajya hahembwa umukinnyi witwaye neza (Man of the match) kugira ngo hazamurwe ireme ry’irushanwa no guhatana hagati y’abakinnyi.

Abagize amakipe 16 kandi batanze ibitekerezo ko hari bimwe byari bikwiye guhinduka umwaka utaha w’imikino harimo nko kuba hazamurwa umubare ntarengwa w’abanyamahanga bakwemererwa gukina mu Cyiciro cya mbere mu Rwanda bari basanzwe ari batandatu.

Iki gitekerezo cyikaba cyizaganirwaho no mu nama y’Inteko Rusange ya FERWAFA iteganyijwe ku Cyumweru tariki 26 Gicurasi 2024 ndetse n’ibiganiro bitandukanye Rwanda Premier League izajya igirana n’Ishyirahamwe ry’Umupira w’amaguru mu Rwanda.

Hari kandi iyubahirizwa ry’amwe mu mategeko agenga Shampiyona no kuzamura ireme ry’amarushanwa, nko kwimakaza umuco wo guhana amakipe yitwaye nabi haba mu mikino ndetse no gutesha agaciro irushanwa. Hari kandi kuba haboneka izina ry’umupira (Rwanda Premier League match ball) umwe uhuriweho uzajya ukinwa n’amakipe yose muri Shampiyona.

Abanyamuryango kandi batangarijwe ko Shampiyona y’umwaka utaha izaba ifite umufatanyabikorwa mushya, izatangira tariki 10 Kanama 2024 izasozwe tariki 30 Gicurasi 2025.

Nyuma y’inama abayobozi b’amakipe bayitabiriye bakiriwe n’Umuyobozi wa Rwanda Premier League mu busabane bwabereye ku Cyicaro cyayo ku Kimihurura mu Mujyi wa Kigali.

Uyu munsi habaye inama yahuje amakipe yo mu cyiciro cya mbere

Nk’uko byagenze ku munsi wa mbere w'imikino ya BAL yatangiye kuwa 24 Gicurasi 2024 ikazasozwa kuwa 01 Kamena 2024, ku munsi wa kabiri Perezida Kagame nabwo yitabiriye.

Umukino wa mbere wahuje US Monastir na Petro de Luand ubwo ugeze hagati, Bwiza wari mu bari bategerejwe cyane ku munsi wa Kabiri w'imikino ya nyuma ya BAL yasusurukije bikomeye abari bateraniye muri BK Arena.

Yanaboneyeho gusogongeza abakunzi b'imikino n'imyidagaduro indirimbo yakoranye na Bruce Melodie yitwa “Ogera” igaruka ku budasa bwa Perezida Kagame n'uburyo akomeje guteza imbere u Rwanda n'abanyarwanda.

Rwagati mu mukino wa Kabiri wahuje Rivers Hoopers na AS F Douanes, Kenny Sol yacanye umucyo imbere y’abantu ibihumbi barimo Adekunle wari waje gushyigikira ikipe yo mu gihugu cye cya Nigeria.

Coach Gael nyiri 1:55AM ireberera inyungu za Kenny Sol na we yari ahari ndetse yicaranye na Adekunle bakomeje kuganira ubona ko bahuje. Kenny Sol yakoresheje imbarga nyinshi aho yinjiriye muri “Jolie” yaririmbanaga n'abakunzi be bamwakiranye urugwiro rwo hejuru.

Yakomereje kuri “Mama Loda” yahuriyemo na Calvin Mbanda, akurikizaho “Molomita” ya Gad yabahurijemo na Nel Ngabo. Kenny Sol yashimiye cyane Perezida Kagame anasaba abantu kuzamutora.

Amatora ya Perezida w’u Rwanda ndetse n’ay’Abadepite, ateganijwe ku itariki ya 14 Nyakanga 2024 ku banyarwanda baba mu mahanga no kuwa 15 Nyakanga 2024 ku banyarwanda bari imbere mu gihugu.

Perezida Kagame yitabiriye umunsi wa Kabiri w’irushanwa rya BAL ari kumwe n’abuzukuru be Bwiza yataramiye abitabiriye imikino ya BAL abasogongeza kuri ‘Ogera’ yakoranye Bruce Melodie ivuga ku budasa bwa Perezida Kagame

Yabigarutseho ubwo hatangizwaga ibikorwa byo gushimira abafatanyabikorwa b'Akarere no kugaragaza uruhare bagira mu iterambere ryako.

Uyu muyobozi niho yahereye agaragaza ko imyumvire y'abaturage yagiye ihunduka uko imyaka ishira kugeza naho bagira uruhare mu kwiyubakira ibikorwaremezo birimo nk'imihanda ibintu utasanga ahandi.

Yagize ati 'Turebye gusa mu mwaka ushize, abaturage bacu bahuje ubushobozi, ubundi ahandi iyo mwumva ngo ibindi bihugu byaje kwigira ku Rwanda ni uko bitumvikana ko umuturage yakiyubakira imihanda burya ntibibaho. Bazi ko ari ibikorwaremezo bakavuga ngo ni Leta izabikora.'

Yakomeje ati 'Mu mwaka ushize gusa mu Karere kacu ka Kicukiro abaturage bitanze arenga miliyoni 400 Frw zagombaga kubaka imihanda y'imigenderano. Turabashimira ryose ku ruhare bagize.'

Yagaragaje ko uretse uruhare rw'abaturage ariko n'abafatanyabikorwa mu iterambere ry'akarere ka Kicukiro batanze umusanzu ukomeye kandi wagiye wiyongera aho hagati ya 2015-2019 ibikorwa byabo byatwaye agera kuri miliyari ebyeri.

Meya Mutsinzi yagaragaje ko imyumvire y'abafatanyabikorwa mu iterambere yagiye ihinduka cyane kuko uhereye nyuma ya 2019-2024 nibura ibikorwa byabo mu Iterambere ry'Akarere ka Kicukiro byatwaye arenga miliyari 15 Frw.

Umuyobozi ushinzwe imibereho myiza mu Ihuriro ry'Abafatanyabikorwa mu iterambere ry'Akarere ka Kicukiro, Benjamin Musuhuke yagaragaje ko bagize uruhare mu guhindura imibereho y'abaturage batuye muri ako karere mu gihe bahamaze.

Yagaragaje ko nk'abafatanyabikorwa bagize uruhare mu bikorwa byo guhuza inzibutso zirimo urwa Gahanga, Nunga na Karembure zahurijwe hamwe kugira ngo kuzikurikirana byorohe.

Yagaragaje ko kandi hari imanza 2100 za Gacaca zarangijwe mu zarengaga ibihumbi 2500 zari zitararangizwa.

Ku rundi ruhande ariko yagaragaje ko hakenewe imbaraga yo guhuza ibikorwa bikorwa n'abafatanyabikorwa, ikoreshwa ry'ikoranabuhanga mu guharanira ko bakomeza kwesa imihigo mu buryo bwiza.

Umuyobozi Nshingwabikorwa w’Akarere ka Kicukiro, Mutsinzi Antoine yagaragaje ko abaturage bakomeje kugira uruhare mu kwiyubakira ibikorwaremezo

Hashimiwe n’abafatanyabikorwa bakomeje kugira uruhare mu Iterambere ry’Akarere ka Kicukiro

Abaturage bagize uruhare rukomeye mu kwiyubakira ibikorwaremezo birimo imihanda mu Karere ka Kicukiro

Umwe mu mihanda yubatswe mu bushobozi bw’abaturage

Byatangajwe ku wa 24 Gicurasi 2024, mu nama nyunguranabitekerezo ku igenamigambi ry'imyaka itanu (DDS) rikubiyemo ibyo Akarere ka Rusizi gateganya gukora mu myaka itanu iri imbere.

DDS uturere tuzashyira mu bikorwa kuva mu 2024-2029, izagira imyaka itanu mu gihe iri kugana ku musozo yari ifite imyaka irindwi.

Umuyobozi w'ishami ry'ingenamigambi mu Karere ka Rusizi, Nyabyenda Emile, yasobanuye ko impamvu imyaka ya DDS yagabanutse ari uko n'imyaka ya manda y'umukuru w'igihugu yagabanutse ikava kuri irindwi ikagera kuri itanu kandi bigomba kungana.

Rusizi ni Akarere gafatwa nk'igicumbi cy'ubuhinzi, ubworozi n'ubucuruzi nyambukiranyamipaka.

Aka Karere gatuwe n'abarenga ibihumbi 480 biganjemo abahinzi ku kigera cya 74%. Ubuyobozi bwako buvuga ko mu byo buteganya gukora ,mu guteza imbere ubuhinzi harimo kongera ubuso kuri buri gihingwa no kongera ubuso bw'imyaka itangirwa ubwishingizi.

Umuyobozi w'Akarere ka Rusizi, Dr Anicet Kibiliga, yavuze ko mu byo bateganya gukora mu myaka itanu iri imbere harimo imihanda ya kaburimbo ireshya n'ibirometero 122, ibiraro umunani birimo bitanu byo mu kirere, inganda zirimo urw'ibiryo by'amatungo no kongera ubuso buhinzeho imingazi hakanubakwa uruganda ruyikoramo amamesa.

Ati 'Tuzubaka uruganda rw'amamesa. Turifuza ko abaturage bacu barya amamesa. Amamesa burya ni meza cyane by'umwihariko iyo aturutse ku ngazi z'umwimerere. Turashaka gufatanya na CIMERWA kugira ngo uru ruganda rwubakwe ariko abaturage na bo tubasaba ko batera ingazi kuko ingemwe zigiye kuza'.

Mukashema Antoinette wo mu Murenge wa Bugarama amaze imyaka itatu atangiye guhinga imingazi ndetse yatangiye no gusarura.

Uyu muhinzi yabwiye IGIHE ko imingazi yerera imyaka hagati y'ibiri n'itatu, igiti kimwe kikaba gishobora kwera ibitoki 12.

Ati 'Igitoki kimwe iyo nkijyanye mu isoko bakigura 3000 Frw. Amamesa ino turayakunda cyane kuko dukunda guteka imboga n'isombe'.

Mukashema yavuze ko ubuhinzi bw'imingazi nibushyirwamo imbaraga hakanubakwa uruganda ruyikoramo amamesa bizaba ari igisubizo ku baturage by'umwihariko abo mu Mirenge ya Bugarama na Muganza.

Ati 'Amamesa turya ava muri Congo, hari n'ayavaga mu Burundi ariko ntakiza. Tubonye uruganda ruyakora hano mu Bugarama byadufasha kuko kugira ngo tubone amamesa, tubyikoreye biratuvuna. Dutema ibitoki, tukabiteka mu mazi tukabikamura. Urwo ruganda nirwubakwa ntabwo izo mvune tuzongera guhura na zo'.

Uretse gukorwamo amamesa, abaturage bo mu Bugarama by'umwihariko abana basoroma imbuto z'imingazi bakazirya nk'imbuto zisanzwe.

Mu Karere ka Rusizi habarurwa hegitari 10 zihinzeho imingazi, aka Karere kakaba gateganya kuzongera zikagera kuri hegitari 150 mu myaka itanu iri imbere.

Meya w’Akarere ka Rusizi, Kibiliga yasabye abaturage kwitabira ubuhinzi bw’ingazi

Iyi nama yitabiriwe n’abarimo abajyanama b’akarere n’abayobozi b’imirenge

Mu Karere ka Rusizi, ubuhinzi bw’imingazi bugiye gushyirwamo imbaga hanubakwe uruganda ruzikoramo amamesa

Uretse gukorwamo amamesa, imbuto z’ingazi zinaribwa nk’imbuto zisanzwe

Rwanda Premier League Board ifite mu nshingano zayo kugenzura, gutegura no gushakira ubushobozi amakipe agize Shampiyona y’icyiciro cya mbere mu Rwanda yemeje uburyo bwo kuzajya ihemba amakipe ikurikije imyanya yasorejeho muri Shampiyona.

Ibi byatangajwe n’Umuyobozi wayo, Hadji Yusufu Mudaheranwa mu nama nyunguranabitekerezo idasanzwe yateranye kuri uyu wa Gatandatu ku Cyicaro cyayo ku Kimihurura mu Karere ka Gasabo mu Mujyi wa Kigali yahuje abayobozi b’amakipe 16 yakinnye Primus National League ya 2023-24.

Mu ngingo zari ku murongo w’ibyigwa harimo kurebera hamwe uko Shampiyona y’umwaka ushize yagenze no guhana ibitekerezo ku mpinduka zakorwa mu mwaka utaha kugira urwego rwa Shampiyona ruzamuke ndetse n’amakipe arusheho kubona ubushobozi.

Harimo kwereka abanyamuryango raporo y’umutungo w’umwaka wa Shampiyona ya 2023-24 ndetse no kubereka bamwe mu bafatanyabikorwa bashya byitezwe ko bazazamura ingengo y’imari yari isanzwe igenerwa amakipe buri mwaka.

Harimo kandi gukora imbonerahamwe y’imikino ya Shampiyona y’umwaka utaha idashingiye ku guhura kw’amakipe hakurikijwe uko yahuye mu gice kibanza cya Shampiyona. Iyi gahunda ikazashyirwa hanze kare, nyuma yo kuzamuka kw’amakipe avuye mu Cyiciro cya kabiri ndetse no kwerekana ko amakipe yose yujuje ibisabwa (CAF Club Licensing) biyemerera gukina Shampiyona.

Hari kandi guhemba amakipe yose uko ari 16 ku mpera ya Shampiyona hakurikijwe imyanya yarangirijeho, uburyo busimbura ubwari busanzweho aho ikipe imwe rukumbi yegukanye igikombe cya Shampiyona ari yo yagenerwaga igihembo cya Miliyoni 25 Frw.

Hari kandi kuba buri mukino hazajya hahembwa umukinnyi witwaye neza (Man of the match) kugira ngo hazamurwe ireme ry’irushanwa no guhatana hagati y’abakinnyi.

Abagize amakipe 16 kandi batanze ibitekerezo ko hari bimwe byari bikwiye guhinduka umwaka utaha w’imikino harimo nko kuba hazamurwa umubare ntarengwa w’abanyamahanga bakwemererwa gukina mu Cyiciro cya mbere mu Rwanda bari basanzwe ari batandatu.

Iki gitekerezo cyikaba cyizaganirwaho no mu nama y’Inteko Rusange ya FERWAFA iteganyijwe ku Cyumweru tariki 26 Gicurasi 2024 ndetse n’ibiganiro bitandukanye Rwanda Premier League izajya igirana n’Ishyirahamwe ry’Umupira w’amaguru mu Rwanda.

Hari kandi iyubahirizwa ry’amwe mu mategeko agenga Shampiyona no kuzamura ireme ry’amarushanwa, nko kwimakaza umuco wo guhana amakipe yitwaye nabi haba mu mikino ndetse no gutesha agaciro irushanwa. Hari kandi kuba haboneka izina ry’umupira (Rwanda Premier League match ball) umwe uhuriweho uzajya ukinwa n’amakipe yose muri Shampiyona.

Abanyamuryango kandi batangarijwe ko Shampiyona y’umwaka utaha izaba ifite umufatanyabikorwa mushya, izatangira tariki 10 Kanama 2024 izasozwe tariki 30 Gicurasi 2025.

Nyuma y’inama abayobozi b’amakipe bayitabiriye bakiriwe n’Umuyobozi wa Rwanda Premier League mu busabane bwabereye ku Cyicaro cyayo ku Kimihurura mu Mujyi wa Kigali.

Uyu munsi habaye inama yahuje amakipe yo mu cyiciro cya mbere