Category: Uncategorized

Hasojwe Shampiyona y’abakozi ya 2025=26 aho ikipe zihagarariye Urwego rw’Abinjira n’Abasohoka mu Rwanda [DGIE], zihariye ibihembo, mu mu[ira w’amaguru, Basketball na Volleyball zegukanye ibikombe.

Iyi Shampiyona ihuza Ibigo by’Abakozi ba Leta ndetse n’iby’Abikorera yasojwe ejo hashize ku wa Gatandatu, tariki ya 14 Gashyantare 2026 ubwo hakinwaga imikino ya nyuma.

Ni Shampiyona binyuze mu byiciro bitandukanye aho ibigo bifite abakozi 100 kuzamura [Catégorie A] bishyirwa mu cyiciro cyabyo, ibigo bifite abakozi bari munsi y’100 [Catégorie B] na byo bigashyirwa ukwabyo bigakina ndetse n’ibigo by’abikorera [Secteur Privée] bigakina ukwabyo.

DGIE ikina mu cyiciro cya Caégorie A, yegukanye igikombe cy’umupira w’amaguru itsinze RBC ibitego 2-1, inegukana kandi icya Basketball mu bagabo nyuma yo gutsinda NISR amanota 78-76 mu gihe kandi yanegukanye icya Volleyball mu bagabo itsinze nanone NISR amaseti 3-2.

Muri Volleyball mu cyiciro cy’abagore muri Catégorie A, RBC ni yo yegukanye igikombe nyuma yo gutsinda Rwanda Révenue Authority amaseti 3-0, irongera yegukana igikombe muri Basketball mu bagore nyuma yo gutsinda CHUB amanota 57-50.

Mu cyiciro cya Catégorie A muri Volleyball y’abagabo, Minisiteri y’Ubuzima ni yo yegukanye igikombe nyuma yo gutsinda Rwandair amaseti 3-0.

Muri ruhago y’ibigo by’abakozi ba Leta bari munsi y’100 [Catégorie B], RDB itozwa na Ishimwe Cédrid wahoze muri Interforce FC n’Umunyamakuru wa B&B Kigali FM, Hatungimana Désire, yegukanye igikombe nyuma yo gutsinda RAC kuri penaliti 4-3 nyuma yo kunganya igitego 1-1.

Mu bigo by’abikorera [Secteur Privée], ikipe y’Uruganda rwa SKOL ni yo yegukanye igikombe nyuma yo gutsinda Ubumwe Grande Hotel igitego 1-0.

Ubwo iyi Shampiyona yasozwaga, Perezida w’Ishyirahamwe ry’Imikino y’Abakozi mu Rwanda, Niyonshuti Johnson, yavuze ko imikino isoza Shampiyona y’uyu mwaka, yabahaye icyizere cy’uko u Rwanda ruzahagararirwa neza mu mikino Nyafurika y’Abakozi.

Ati 'Iyi mikino ya nyuma itweretse ko dufite amakipe akomeye azahagararira neza u Rwanda.'

Iyi shampiyona kandi , Umuryango w’Urugaga rw’ amadini n’amatorero (RICH) ku bufatanye na Rwanda Biomedical Centre (RBC) bakoze ubukangurambaga bwo kurwanya no kwirinda malariya, baha ubutumwa abakinnyi, abafana n’abandi bari bitabiriye iyo mikino.

Bibukije abitabiriye ko malariya ikiri ikibazo cy’ubuzima rusange kigira ingaruka ku miryango myinshi, ariko ko ishobora kwirindwa no kuvurwa hakiri kare umuntu akigaragaza ibimenyetso byayo ko agomba guhuta yihutira kujya kwa muganga.

Umutoza mukuru wa RDB, Ishimwe Cedric

Umunyamakuru Desire Hatungimana wa B&B ari mu batoza ba RDB

RDB yegukanye igikombe itsinze RAC

Skol yatwaye igikombe itsinze Ubumwe

Kabega Winfride umuyobozi mukuru ushinzwe abakozi muri skol

Byari byishimo bikomeye kuri Skol

Wari umukino uryoheye ijisho

Mazimpaka Andre aba mu batoza ba RBC

Immigration yigaranzuye RBC iyitwara igikombe

Umunyezamu wakiniye amakipe akomeye hano mu Rwanda, Kimenyi Yves yagaragaje ko umunyezamu wa APR FC, Ishimwe Pierre asa n’ukorerwa ihohoterwa n’itangazamakuru rya Siporo.

Ibi yabigarutseho ku wa Gatanu mu kiganiro cya Live kuri TikTok ya Rugimbana Theogene cyarimo abantu batandukanye cyagarutse no ku ngingo zitandukanye zirimo idindira ry’iterambere rya ruhago nyarwanda, aho itangazamakuru ryagaragaye nk’ikibazo.

Kimenyi Yves wari mu bari kuri iyi Live, yagaragaje ko itangazamakuru ari ryo zingiro rya byose aho yatanze urugero ku byabaye kuri Ishimwe Pierre.

Umunyezamu Ishimwe Pierre amaze iminsi agaruka mu itangazamakuru ko ari we utsindisha ikipe ya APR FC, byarenze itangazamakuru binagera mu bafana aho birirwa bamuririmba n’iyo nta kosa yakoze umukino urarangira ukumva ngo “nta munyezamu dufife.”

Yves yavuze ko nk’umwana w’umunyarwanda yakabaye ashyigikirwa ariko ibyo akorerwa bigoranye ko yazagaruka ku rwego rwe.

Ati 'Umukinnyi w’Umunyarwanda warimo uzamuka neza agakora ikosa rimwe, biba ibintu birenze. Nababajwe n’uburyo uriya mwana Pierre bamaze iminsi bamunenga. Ni ibintu bisanzwe. Biriya ni nko kumuhungabanya, kugira ngo yongere abirenge agere ku rwego rwo hejuru yari ari ho ni ibintu birenze.'

Kimenyi Yves yanagarageje ko abanyamakuru binjiye mu makipe ari bo bayasenya kuko agura abo bashaka, yanemeje ko inshuro nyinshi bagiye bitambika amakipe yabaga agiye kumusinyisha.

Ati 'Hari igihe ikipe igushaka, ariko ugasanga hari umunyamakuru ugomba gutanga undi mukinnyi, ubwo ibyawe bikaba birapfuye. Byagiye bimbaho inshuro nyinshi. Wareba uwo wabazanye ukabona nta kinyuranyo aje gukora kandi wenda yari aje ngo agire icyo amarira ikipe.'

Ishimwe Pierre amaze icyumweru akorera imyitozo mu Ntare FC aho umutoza yavuze ko kwari ukumugabanyiriza igitutu cyari kimaze kuba cyinshi mu bafana.

Ishimwe Pierre amaze iminsi mu bihe bitamworoheye

Kimenyi Yves ntabwo ibyo itangazamakuru rikora abyemera

Al Hilal SC yo muri Sudani ikina Shampiyona y’u Rwanda, yakatishije itike ya 1/4 cya CAF Champions League.

Iyi kipe nk’uko ikina Shampiyona y’u Rwanda aho yakirira imikino yayo kuri Stade Amahoro, uyu munsi yari yakiriye Saint-Éloi Lupopo mu mukino usoza itsinda C.

Ni umukino wagiye kuba Al Hilal iyoboye itsinda n’amanota 8 isabwa kunganya gusa kugira ngo ihite igera muri 1/4.

Lupopo FC yari iya nyuma n’amanota 5, yasabwaga gutsinda gusa ikarenga amatsinda.

Ntabwo byaje kuyihira kuko Al Hilal SC yayitsinze 1-0 cya Steve Ebuela ku munota wa 26, inzozi zayo zirarangirira i Kigali.

Ni umukino wabonetsemo amakarita 2 y’imituku iyahawe Junior Mendy wa Saint-Éloi Lupopo ku munota wa 44, ni nyuma y’uko yari ahawe ikarita ya kabiri y’umuhondo isanga iyo yari yahawe ku munota wa 32.

Na Al Hilal SC ku munota wa 75 yabonye ikarita itukura yahawe Salaheldin Sadi, na we yari ikarita ya kabiri y’umuhondo ni nyuma y’iyo yari yabonye ku munota wa 52.

Undi mukino wo muri iri tsinda, Mamelodie Sundowns yatsinze MC Alger 2-0 ihita nayo igera muri 1/4

Abanyarwanda bagiye gukomeza kuryoherwa n’iyi mikino aho Al Hilal yazamutse n’amanota 11, Mamelodi 9. MC Alger ifite 7 na Saint-Éloi Lupopo ifite 5 zasezerewe.

Wari umukino utoroshye

Al Hilal yageze muri 1/4 cya CAF Champions League

Umukinnyi wa filime Nyarwanda, Bizimana Pamella [Innocente] yavuze ko gukina muri 'Bamenya’ byatumye bamwe bamwanga bakanamutinya.

Uyu mukinnyi wa filime nyarwanda, yemeje ko gukina muri filime ikunzwe cyane ya Bamenya byatumye abantu benshi batangira kumwanga ndetse bakanamutinya, bitewe n’uruhare rw’umugore w’umugome akunze gukina.

Uyu mukobwa yavuze ko nubwo gukina filime byamuhesheje kumenyekana, byanatumye hari abamwibeshyaho bakamufata nk’aho ari wa muntu mubi agaragaza muri filime.

Yagaragaje ko hari n’abafana bamwandikira bamubwira ko uko bamubonaga byahindutse kubera iyo myitwarire agaragaza ku rubuga rwa sinema.

Mu kiganiro yagiranye na ISIMBI, Innocente yagize ati 'Kecapu na Bamenya ni bo babanje kwangwa ariko uyu munsi bisa nk’aho ari njyewe ugezweho. Uzi ko byageze ku rwego ahantu basigaye baca mu gikari bakanyandikira bakambwira bati 'naragukundaga ariko nsigaye nkwanga’.'

Yavuze ko ibi ari ibintu bisanzwe ku bakinnyi ba filime, cyane cyane iyo umuntu akina neza agashimisha abakunzi ba sinema, ku buryo bamwibagirwa nk’umuntu usanzwe bakamubona nk’uwo akina.

Innocente aherutse kandi kuvugwa cyane ku mbuga nkoranyambaga, nyuma y’amafoto yakwirakwijwe agaragaza umukobwa bivugwa ko ari we we wambitswe impeta y’urukundo na Tukowote nubwo yahise abihakana yivuye inyuma, agaragaza ko ayo makuru atari yo.

Mu butumwa yahise ashyira ku rukuta rwe rwa Instagram , Innocente yagize ati 'Tukowote ni umugabo mwiza pe! Ariko sinjye yambitse iyo mpeta muri kuvuga kuko ntabwo ndi umukunzi we kandi sinigeze muba. Ntimugakabye ni ukuri.'

Yakomeje ashimangira ko nta prank yigeze akorana na Tukowote, ndetse ko adakunda gukora ibintu agamije kuvugisha abantu ku mbuga nkoranyambaga.

Innocente yavuze ko gukina filime byatumye abantu bamufata uko atari

Mu ijoro ridasanzwe ryo ku wa Gatandatu tariki 14 Gashyantare 2026, umuhanzi Yvan Muziki yanditse amateka akomeye mu buzima bwe bwite no mu muziki, ubwo yasabaga umukunzi we Marina kumubera umugore, imbere y’abari bitabiriye igitaramo cyo kumurika album ye nshya yise 'Inganzo Ntahangarwa'.

Iki gitaramo cyabereye muri Kigali Universe cyari cyitabiriwe n’abahanzi n’abakunzi b’umuziki benshi, barimo Massamba Intore, Jules Sentore, Yvanny Mpano, Itorero Inyamibwa na Kidum, bose bahurira mu gushyigikira uyu muhanzi wari ugiye kumurika album ye ya mbere mu Rwanda nyuma y’imyaka myinshi akorera umuziki hanze y’igihugu.

Mu ijambo rye ryakoze ku mitima ya benshi, Yvan Muziki yatangaje ko Marina ari umuntu w’ingenzi mu buzima bwe, ndetse ko igihe cyo kubigaragaza ku mugaragaro cyari kigeze.

Yagize ati 'Nagize amahirwe nabonye uwo duhuje umwuga w’umuziki. Ni we nkunda. Mberetse imfura yanjye (Album), none mberetse n’umukazana (Marina). Mwakoze kuza kudushyigikira.'

Ubwo yamwambikaga impeta, Marina yabanje gukuramo izindi mpeta yari yambaye, mbere yo kwemera iyo yahawe n’umukunzi we, ibintu byateje ibyishimo byinshi n’amashyi mu bari aho, cyane ko byabereye ku munsi wahariwe abakundana.

Album 'Inganzo Ntahangarwa' igizwe n’indirimbo 17, aho Marina yagize uruhare rukomeye mu kuyitegura, haba mu myandikire no mu kuyiririmbamo. Ku rubyiniro, aba bombi banaririmbye zimwe mu ndirimbo bakoranye, bagaragaza ubufatanye bukomeye mu muziki no mu buzima busanzwe.

Iki gitaramo kandi cyabaye umwanya wo gushimira abamufashije, aho Yvan Muziki yahaye Massamba Intore impano y’ingofero, mu rwego rwo kumushimira uruhare yagize mu kumwinjiza mu muziki.

Marina yambitswe impeta