Category: Uncategorized

Ni mu muhango wabereye ku Rwibutso rwa Jenoside rwa Kigali, witabiriwe n'abarokotse bo mu miryango abo baririmbyi batandukanye bakomokagamo, abakunzi n'abanyamuryango ba Chorale de Kigali muri iki gihe.

Igikorwa cyo kwibuka cyabanjirijwe n'igitambo cya Misa cyaturiwe muri Chapelle ya Notre Dame de Citeaux, abagize iyi Korali bakomereza ku Rwibutso rwa Jenoside rwa Kigali ruherereye ku Gisozi.

Abari bitabiriye uyu muhango nyuma yo gushyira indabo ku mva zishyinguwemo abarenga ibihumbi 250 bazize Jenoside yakorewe Abatutsi mu 1994 baguye muri Kigali no mu nkengero zayo, babanje kuganirizwa na Padiri Mukuru wa Saint Michel, Innocent Consolateur ku bihe bitandukanye by'amateka yaranze u Rwanda kugeza kuri Jenoside yakorewe Abatutsi.

Uwari uhagarariye IBUKA mu Karere ka Gasabo,Théogène Kagambire yashimiye Chorale de Kigali ku gikorwa bateguye cyo kwibuka abahoze ari abanyamuryango bayo bishwe muri Jenoside yakorewe Abatutsi kuko ari ukubasubiza agaciro bambuwe n'abicanyi. Yavuze ko Ibuka izakomeza gushyigikira Chorale de Kigali mu bikorwa byose birebana no kwibuka izajya itegura.

Ati 'Nagira ngo mbihanganishe mu izina rya IBUKA. Muri iki gihe twibuka Ku nshuro ya 30 IBUKA irashimira leta y'ubumwe. Kwibuka ni igihe cyiza twahawe kugira ngo duhe agaciro abavandimwe bacu. Imyerere twagize nayo ntiyabaye shyashya. Iyo nka Chorale de Kigalli bamwe mu bari bayiyoboye baba bemera Imana baba bararokoye benshi kuko hari abari bakomeye mu mashyaka atandukanye.''

Yakomeje agaragaza mu myaka myinshi Abatutsi bagiye bahutazwa ariko ubu ibyo bikaba bitakiriho.

Pastor Aaron wavuze ahagarariye imiryango ifite abaririmbyi bibutswe, yashimangiye ko kuba Chorale de Kigali ifata umwanya ikibuka bagenzi babo bazize Jenoside yakorewe Abatutsi, ari ikimenyetso gikomeye cy'igihango bafitanye kandi ko aho bari babasabira.

Ati 'Ikindi muri ino myaka ndaryama ngasinzira. Twaratotejwe ariko ubu dufite amahoro. Nta mwana w'Umututsi wigaga ariko ubu dufite Leta y'ubumwe kandi ndayishimira.''

Perezida wa Chorale de Kigali, Hodari Jean Claude yavuze ko kwibuka abari abanyamuryango bayo bazize Jenoside yakorewe Abatutsi ari inshingano bihaye kandi batazatezukaho mu rwego rwo kubagaragariza ko umuryango bashinze uzirikana uruhare bagize mu gutuma ufite aho ugeze ubu.

Ati 'Uyu munsi twawuhariye kwibuka abantu bacu bashinze Korali igakura. Ntabwo ndi buvuge byinshi ndashima abo twibuka ubwabo kuko bakoze neza, Korali izahora ibaha ikuzo barabatwambuye ariko ntibatwambuye indirimbo zabo n'amateka yabo. Imiryango yabo ndayishimira. Imiryango y'abacu nimuze turirimbe kuko namwe muri abacu tuzabane kugeza tubasanze.''

Yakomeje avuga ko bibuka buri mwaka ariko ubu bwo bikaba byari umwihariko kuko babikoreye ahantu hanini. Ikindi yavuze ko bagifite imbogamizi zo kuba hari abantu baririmbaga muri iyi Korali bazize Jenoside bataramenya ngo nabo bajye babibuka.

Ati 'Icyo gihe ntikorwaga urutonde rw'uko binjiraga n'uko basohokaga.''

Yagaragaje ko nka Chorale de Kigali bagira ibyago by'ababibukira ku bagize uruhare muri Jenoside ntibibuke abashinze chorale bayizize.

Uwera Alice, wari uhagarariye Minisiteri y'Ubumwe bw'Abanyarwanda n'Ishingano Mboneragihugu (Minubumwe), yavuze ko yifuriza iyi Korali gukomera kubera abayo yabuze.

Ati 'Ndabifuriza gukomera. Turazirikana abahoze ari abahanzi n'abaririmbyi ba Chorale de Kigali. Nyuma yo guhagarika Jenoside ihame ry'ubumwe bw'Abanyarwanda ryashyizwe imbere. Nyuma yimyaka 30 haracyari ibikomere ku mubiri no ku mitima, dushyize hamwe ntawe ukwiriye guheranwa namateka ashaririye twanyuzemo.''

Uyu muhango waranzwe n'igitaramo cy'indirimbo ziganjemo izahimbwe n'abahanzi ba Chorale bibukwa nka Saulve Iyamuremye wahimbye indirimbo nyinshi ziririmbwa mu Kiiliziya Gaturika.

Chorale de Kigali yabanje Misa yo gusabira abayihozeho batabarutse muri Jenoside

Abagize iyi korali bashyize indabo ku mva zishyinguwemo Abatutsi baruhukiye mu Rwibutso rwa Gisozi

Abagize Chorale de Kigali bunamiye inzirakarengane zishyinguye mu Rwibutso rwa Kigali

Chorale de Kigali yaririmbye ibihangano bitandukanye birimo indirimbo yahimbiye abayihozemo 17 bibukwaga bazize Jenoside

Bacanye urumuri rw’icyizere, bibuka abazize Jenoside bagize uruhare rukomeye kugira ngo iyi korali ibeho

Igikorwa cyo kwibuka abahoze muri Chorale de Kigali bitabye Imana muri Jenoside cyabereye mu Rwibutso rwa Kigali

Iki gikorwa kiba buri mwaka ariko kuri iyi nshuro cyabereye ku Rwibutso rwa Kigali ruherereye ku Gisozi

Iyi Korali yaririmbye ibihangano bitandukanye birimo ibyahimbwe na bamwe mu bo bibukaga bazize Jenoside

Imwe mu ntego zituma iyi Korali yibuka harimo gukomeza gufasha bamwe bayirimo biganjemo urubyiruko rutazi amateka kuyasobanukirwa

Théogène Kagambira wari uhagarariye IBUKA mu karere ka Gasabo, yashimiye Chorale de Kigali ku gikorwa bateguye cyo kwibuka abahoze ari abanyamuryango bayo bishwe muri Jenoside

Padiri Innocent Consolateur yasabye abitabiriye uyu muhango wo kwibuka gukomera ku bumwe, bakirinda ko Jenoside yakongera kubaho ukundi

APR ya Handball yegukanye irushanwa ryo Kwibuka Jenoside yakorewe Abatutsi mu 1994 itsinze mukeba wa yo Police HC.

Kuri iki Cyumweru tariki ya 2 Kamena 2024 ni bwo hasojwe imikino Mpuzamahanga yo Kwibuka Jenoside yakorewe Abatutsi mu 1994 (Handball 2024 International Genocide Memorial Tournament).

Iri rushanwa ryabaye mu byiciro bibiri abagabo n’abagore, hitabira amakipe yo mu Rwanda na Uganda, gusa mu bagore muri rusange hitabiriye amakipe 5, amakipe ahura hagati ya yo maze habarwa amanota, igikombe cyegukanwa na Three Stars. Ikipe ya Prisons yo muri Uganda yabaye iya kabiri ni mu gihe iya gatatu yabaye University of Kigali.

Mu bagabo umukino wa nyuma wahuje APR HC na Police zose zo mu Rwanda aho APR yaje kwegukana igikombe itsinze ibitego 24-22.

Ni umukino utari woroshye kuko APR yaje ifite gahunda yo kwihorera nyuma y’uko Police yari yayitsinze muri shampiyona.

APR yatangiye neza umukino itsinda ubona Police itarinjira mu mukino neza aho ku munota 18 APR yari ifite ibitego 10-4.

Police yagarutse mu mukino ndetse igabanya ikinyuranyo amakipe bajya kuruhuka ari 16 bya APR kuri 13 bya Police.

Police yagarutse mu gice cya kabiri ibona yiminjiriyemo agafu, icurika ikibuga ndetse ubwo bari bageze ku munota wa 17 yari yamaze kujya imbere ya APR ifite ibitego 20-17.

Mu minota 10 ya nyuma APR yongeye kugaruka mu mukino ni nyuma y’uko umutoza Anaclet akoze impinduka umunyezamu Arsene wasaga n’uwarushye aha umwanya Peter wagaruye ikipe mu mukino.

Ibi byatumye bongera kuyobora umukino babifashijwemo na Karim wagoye Police muri iyi minota ni mu gihe APR yahagaze neza mu bwugarizi bituma abakinnyi nka Mbesutunguwe, Kubwimana badakina uko bikwiye. Umukino warangiye APR yegukanye igikombe ku bitego 24-22.

Umwanya wa gatatu mu bagabo wegukanywe na Gicumbi Handball Team, ni nyuma yo gutsinda Prisons yo muri Uganda.

Abakinnyi bitwaye neza mu irushanwa

Abagore: Adokorach Brenda (Prisons), Uwineza Frolence (Three Stars) , Jane Uwase (Three Stars), Aber Priscillah (Prisons), Uwanyirigira Betty (Three Stars), Noella (Three Stars) and Lamunu Scovia (Prisons).

Abagabo: Ayo Patrick (Prisons), Muhumure Elise (APR), Anthony (APR), Aboku Dablniel (Prisons) Akayezu Andrew Kibonge (Police), Musoni Albert (APR) na Kayijamahe Yves (Police)

APR yatsinze Police

Mbesutunguwe ntabwo yahiriwe n’umukino

Kibonge wa Police byamusabye kuryama ngo atsinde igitego

Muhumure Elise ni umwe mu bakinnyi ba APR bitwaye neza

APR ishyikirizwa igikombe

APR yishimira igikombe

Three Stars yegukanye igikombe mu bagore

Gicumbi yegukanye umwanya wa 3

Ku munsi w’ejo ku wa Gatandatu Saa tatu z’ijoro kuri Wembley Stadium mu gihugu cy’u Bwongereza nibwo umuriro wakaka mu mukino wa nyuma wa UEFA Champions League ya 2023-24 wari wahuje Real Madrid yo mu gihugu cya Espagne na Borussia Dortmund yo mu gihugu cy’u Budage.

Bralirwa yari yahisemo kwifatanya n’abakiriya bayo mu gusangira ikinyobwa cya Heineken gisanzwe gitera inkunga iyi mikino ya Champions League mu gikorwa cyabereye muri Atelier du Vin iri Kicukiro arinako bihera ijisho uyu mukino.

Uyu mukino warangiye Real Madrid ariyo yegukanye igikombe itsinze ibitego 2-0 bya Dani Carvajal ku munota wa 74 ku mupira wark uturutse muri koroneri yaritewe na Toni Kroos na Vinicius wagitsinze ku munota wa 83 ku mupira yaru ahawe na Jude Bellingham.

Iki cyari igikombe cya 15 mu mateka Real Madrid yegukanye maze abafana bayo bacyishimira banywa ikinyobwa cya Heineken gusa n’aba Borussia Dortmund bari bababaye nyuma yo gutsindirwa ku mukino wa nyuma nabo ikinyobwa cya Heineken banywaga kibafasha kwihangana.

Usibye ibi kandi abantu barebye umukino banumva umuziki wavangwaga na Dj Toxxyk ndetse na DJ Kavori wegukanye irushanwa ‘Mutzig Amabeats’ rya Bralirwa riheruka.

Iki gikorwa cyari kitabiriwe n’abantu batandukanye barimo n’ibyamamare nka DJ Marnaud usanzwe ari umufatanyabikorwa wa Heineken ndetse n’Umunyamideli akaba na rwiyemerezamirimo, Kate Bashabe.

Byari ibyishimo ku bafana ba Real Madrid arinako banywa ikinyobwa cya Heineken 

DJ Kavori nawe yari ahari arimo avanga imiziki

Kate Bashabe nawe yari yaje kwihera ijisho umukino ananywa Heineken 

Tiger gates niyo yari icunze umutekano 

Ikinyobwa cya Heineken cyafashije abafana ba Borussia Dortmund kwihangana nyuma yo gutsindwa na Real Madrid 

Dj Toxxyk nawe yafashije abafana ba Real Madrid na Borussia Dortmund kuryoherwa n’umukino avanga umuziki 

Umunyamakuru wa B&B Kigali FM,Uwimana Clarisse nawe yari ahari 

AMAFOTO: Dox visual -InyaRwanda

Ni mu muhango wabaye kuri uyu wa Gatandatu tariki 1 Kamena 2024, wabereye ku Rwibutso rwa Jenoside rwa Kigali, witabiriwe n’abarokotse bo mu miryango abo baririmbyi batandukanye bakomokagamo, abakunzi n’abanyamuryango ba Chorale de Kigali muri iki gihe. Abibukwaga bose bari 17.

Igikorwa cyo kwibuka cyabanjirijwe n’igitambo cya Misa cyaturiwe muri Chapelle ya Notre Dame de Citeaux, bakomereza ku Rwibutso rwa Jenoside rwa Kigali.

Abari bitabiriye uyu muhango nyuma yo gushyira indabo ku mva zishyinguwemo abarenga ibihumbi 250 bazize Jenoside yakorewe Abatutsi mu 1994 baguye muri Kigali no mu nkengero zayo, baganirijwe na Padiri Mukuru wa Saint Michel, Innocent Consolateur ku bihe bitandukanye by’amateka yaranze u Rwanda kugeza kuri Jenoside yakorewe Abatutsi.

Padiri Innocent Consolateur yasabye abitabiriye uyu muhango wo kwibuka gukomera ku bumwe bakirinda ko Jenoside yakongera kubaho ukundi.

Yabibukije ko kwibuka ari umwanya wo gusubiza amaso inyuma abantu bakamenya uko inabi yaganje ineza hagafatwa ingamba zo kwimika urukundo, kuko aho rwimitswe ineza ntiganzwa n'inabi. Yasabye abitabiriye kwibuka kubigira intego.

Ati “Hari igihe abantu bibuka amateka atari meza, amateka ya Jenoside arashaririye ariko ni ayacu, tugomba kwibuka, kwibuka si ukuzura urwango, kwibuka si uguhembera amacakubiri cyangwa inzika, kwibuka ni ngombwa, kuko iyo utazi aho uva ntushobora kumenya neza aho ugeze, ntiwanamenya icyerekezo.”

Uhagarariye Ibuka mu karere ka Gasabo, yashimiye Chorale de Kigali ku gikorwa bateguye cyo kwibuka abahoze ari abanyamuryango bayo bishwe muri Jenoside yakorewe Abatutsi kuko ari ukubasubiza agaciro bambuwe n’abicanyi.  

Yavuze ko Ibuka izakomeza gushyigikira Chorale de Kigali mu bikorwa byose birebana no kwibuka izajya itegura.

Ati 'Muri iki gihe twibuka ku nshuro ya 30 Jenoside yakorewe Abatutsi, IBUKA ishimira byimazeyo Leta y’Ubumwe kandi Leta y’Ubumwe bw’Abanyarwanda ihagarariye twebwe n’abaturokoye, aribo Inkotanyi. Uyu munsi turazirata, Inkotanyi nubwo zabaye Ingabo z’Igihugu zigashyiraho Leta, ariko twe tubona imyaka 30 ishize ari nk’ejo bundi…'

Yavuze ko ‘Kwibuka ari igihe cyiza twahawe kugirango twibuke abavandimwe bacu’.

Chorale de Kigali yibutse abari abanyamuryango bayo bishwe muri Jenoside yakorewe Abatutsi

Uwavuze ahagarariye imiryango ifite abaririmbyi bibutswe yashimangiye ko kuba Chorale de Kigali ifata umwanya ikibuka bagenzi babo bazize Jenoside yakorewe Abatutsi, ari ikimenyetso gikomeye cy’igihango bafitanye kandi ko aho bari babasabira. Yifuje ko iyi gahunda yazakomeza kuko ari icyerekana ko abazize Jenoside yakorewe Abatutsi bahabwa agaciro gakwiye.

Perezida wa Chorale de Kigali, Bwana Hodari Jean Claude yavuze ko kwibuka abari abanyamuryango bayo bazize Jenoside yakorewe Abatutsi ari inshingano bihaye kandi batazatezukaho mu rwego rwo kubagaragariza ko umuryango bashinze uzirikana uruhare bagize mu gutuma ufite aho ugeze ubu.

Ati 'Turibuka abantu bacu dukunda, abantu bacu bashinze Korali, abantu bacu batumye n’abandi b’abahanga bayivutsemo baboneka, Chorale de Kigali ikaba iriho, ikaba inakomeye, ikaba kandi yizeza abantu bose ko abayishinze iki gikorwa kitazigera kizima, uku kwibuka ni icyo kigamije, Chorale de Kigali ntizigera izima kugirango icyubahiro cy’abacu tugikomeze.”

Hodari yashimye umuhate w’abashinze Chorale de Kigali, avuga ko iyi korali izakomeza kubaha ikuzo kubera uruhare bagize mu ikomera ryayo. Ati “Tuzajya tubashima iteka!”

Mu ijambo rye uwari uhagarariye Minisiteri y'Ubumwe bw'Abanyarwanda n'Ishingano Mboneragihugu (Minubumwe), ari na we wari umushyitsi mukuru, Madame Uwera Alice, yashimiye cyane Chorale de Kigali ku gitekerezo cyiza bagize cyo kwibuka abahoze ari abanyamuryango bayo.

Yibukije ko kwibuka ari inshingano za buri munyarwanda kugira ngo ibyabaye bitazasubira ukundi. Yashimiye Izahoze ari ingabo za RPA ku ruhare zagize mu guhagarika Jenoside none ubu abantu bakaba babanye mu bumwe bashyize imbere ubudaheranwa.

Ati “Imyaka 30 irashize Jenoside yakorewe Abatutsi ihagaritswe n’Ingabo zari iza RPA Inkotanyi, ikaba yarasize impfubyi n’abapfakazi bari bafite ibikomere ku mutima no ku mubiri, igihugu cyari cyabaye amatongo […]'

'Nyuma y'imyaka 30 Jenoside ihagaritswe haracyari ibikomere byo ku mubiri no ku mutima, byugarije umuryango Nyarwanda.'

Uyu muhango kandi waranzwe n’igitaramo cy’indirimbo ziganjemo izahimbwe n’abahanzi ba Chorale bibukwa nka Saulve Iyamuremye wahimbye indirimbo nyinshi ziririmbwa mu Kiiliziya Gaturika.

Chorale de Kigali isanzwe yibuka abahoze ari abaririmbyi bayo bazize Jenoside yakorewe Abatutsi ariko kuri iyi nshuro yazanyemo umwihariko wo gutegurira gahunda ku rwibutso no kuririmba indirimbo zahimbwe n”abanyamuryango bibukwa.

Chorale de Kigali kandi yanaririmbye imwe mu ndirimbo yahimbye n’umwe mu bahanzi bayo yumvikanamo amazina y’abahoze baririmbamo bazize Jenoside yakorewe Abatutsi.

Benshi muri aba baririmbyi bari mu bayishinze, bayisigira umurage mwiza wo kuririmba mu buryo bunoze:

1.Iyamuremye Saulve (1924-1994): Yari yarashakanye na Nyirashaka Adris babyarana abana 10. Ni umwe mu bashinze Chorale de Kigali mu 1996, kandi yabaye Perezida w’iyi korali. Yamenyekanye nk’umuhimbyi w’indirimbo, umuyobozi w’indirimbo, umuririmbyi mu ijwi rya Soprano n’umucuranzi wa Piano.

Yiciwe muri Kiliziya i Nyamasheke hamwe n’umugore we n’abana bane, ari naho bashyinguye. Yasize abana, abakwe, abakazana n’abuzukuru.

2.Karangwa Claver (1935-1994): Yashakanye na Agnes babyarana abana 9, ni umwe mu bashinze Chorale de Kigali mu 1966, yabaye umuyobozi w’indirimbo, kandi yakoraga muri Caritas Rwanda, abamuzi bavuga ko yarangwaga no gukunda kuririmba cyane, kandi yagiraga umwete mu byo yakoraga byose. Yiciwe iwe mu rugo i Nyamirambo, yicanwa n’umugore n’abana batandatu, imibiri y’abo ntiyabonetse ngo bashyingurwe mu cyubahiro. Yasize abana batatu.

3.Nzajyibwami Herni (1930-1994): Yari yubatse, afite abana 14; yayoboye Chorale de Kigali kuva mu 1980-1987, yaririmbaga ijwi rya Basse.

Yabaye Mwalimu,  ‘Comptable’ mu cyahoze ari ‘Prefecture’ Cyangugu, akora muri OCIL Cafe Gikondo, mu buzima busanzwe yarangagwa no gusabana cyane, agakunda kuririmba cyane. Uyu mugabo yiciwe i Nyamirambo ku Mumena, ubwo abo bari kumwe bamusigaga kubera ko yari arwaye. Umubiri we nturashyingurwa mu cyubahiro. Harokotse umugore we n’abana 9.

4.Rwakabayiza Jean Berchmas (1951-1994): Yari yarashakanye na Caritas babyarana abana 5. Yabaye umunyamabanga wa Chorale de Kigali n’umuyobozi w’indirimbo. Yamenyekanye nk’umuhimbyi w’indirimbo, akanaririmba ahakeneye ubufasha hose.

Yanabaye umucuranzi wa Piano. Mu buzima busanzwe yarangwaga no gukunda kuririmba, akaba n’umuryarwenya cyane. Yishwe tariki 7 Mata 1994, nyuma yo gushinyagurirwa bikomeye, aho abicanyi bamutemaguye, bamukubita ubuhiri kugeza ashizemo umwuka. Mu muryango we hasigaye abana babiri.

5.Mutarambirwa Joseph (1940-1994): Yashakanye na Mariya Uwankana, babyarana abana 6. Yari umuririmbyi mu ijwi rya Soprano,

kandi yakoze muri Immigration ku kibuga cy’indege.

Yari umuntu utuje, ukunda amahoro agakunda kuririmba, akamenya kuvuga imisango asaba abageni, yagiraga gahunda. Yiciwe iwe mu kiyovu cy’abakene muri Rugenge, bamwicanye n’umufasha we, bashyinguye ku rwibutso ku Gisozi

6.Kalisa Bernard (1956-1994): Yashakanye na Marie Pierre, babyarana abana babiri. Yabaye umuririmbyi wa Tenor, umuhimbyi w’indirimbo n’umucuranzi wa Piano.

Yigishije i Shyogwe muri Secondaire i Janja, kandi yakoze kwa Ramji, yigisha no muri St. Cyprien. Yiciwe muri 1Km hafi ya Kiliziya Nyamasheke ubwo yahungaga abicanyi. Umuryango we warazimye.

7.Mukanyarwaya Julienne (1951-1994): Yari yubatse yarabyaye abana bane. Yabaye umuririmbyi mu ijwi rya Alto, yakoraga muri I&M Bank keraga yitwaga BCR, yari umugore ushoboye, uzi kwirwanirira ishyaka kandi uzi ubwenge.

Mu gihe cya Jenoside interahamwe zamusanze mu rugo n’umwana we Gilbert na musaza we barabatema ubundi babazingaziga mu kiringiti bajya kubajugunya mu irimbi rya Nyamirambo. Harokotse abana 3.

8.Kayigamba Jean de Dieu (1957-1994):

Yari yarashakanye na Uwera Francoise babyarana abana 2, yaririmbaga ijwi rya Tenor, umwarimu n’umuhimbyi w’indirimbo, akaba n’umucuranzi wa Piano.

Yabaye umukozi wa BPR, kandi yakundaga gusenga cyane. Abishi babo bamujyanye ari kumwe n’umugore we n’abana, murumana we Bukeye n’abishywa be batatu, aho biciwe ntiharamenyekana.

9.Nsengumuremyi Revocate (1955-1994): Yari yarashakanye na Beatha Uwambajemariya, babyarana abana babiri. Yari umuririmbyi mu ijwi rya Tenor akaba n’umwarimu w’indirimbo.

Yakoze muri CHUK, kandi yakundaga gucuranga Piano na Gitari, kuririmba, gukina umupira w’amaguru n’ibindi. Yiciwe ku Mumena hamwe n’umugore n’umwana w’abo wa Bucura, yashyinguwe ku rwibutso rwa Gisozi. Mu muryango we, harokotse umwana umwe.

10.Bukeye Eugene Placide (1968-1994): Yari akiri ingaragu, yabaye umunyeshuri muri Kaminuza y’u Rwanda, ishami rya Mburabuturo, kandi yaririmbaga ijwi rya Tenor, yabaye n’umuhimbyi n’umwarimu w’indirimbo.

Mu gihe cya Jenoside, abicanyi bamujyanye na Mukuru we Kayigamba n’umugore n’abana be babiri n’abishywa be batatu, babicira ahantu hataramenyekana.

11.Mukadis Febronie (1940-1994): Yari yubatse, yari umuririmbyi mu ijwi rya Soprano, kandi yabaye umukozi muri Minisiteri y’Imari n’igenamigambi, yari atuye kandi agakunda kuririmba no kubyina. Yiciwe i Kayumbu muri Bugesera. Mu muryango we, harokotse abana babiri.

12.Karega Callixte (1942-1994): Yashakanye na Mukangira babyarana abana be. Yari umuririmbyi mu ijwi rya Soprano, by’umwihariko akaba yararirimbaga Solo mu ijwi ryiza rihebuje.

Yari umugabo ukunda kuririmba ikilatini, agatuza cyane, akagira n’igitsure. Yari umukozi wa Banki ya Kigali. Muri Jenoside, yajyanwe na Renzaho Tharcisse gufungura Bank mu kwa gatanu, aherekezwa n’umwana we w’umuhungu ntibagaruka, aho biciwe ntiharamenyekana. Mu muryango we, harokotse umufasha n’abana 3.

13.Ntagengerwa Emmanuel (1947-1994): Yashakanye na Mukaruzima Dancilla, babyarana abana babiri. Yaririmbaga mu ijwi rya Alto, kandi yabaye umukozi muri Banki Nkuru y’u Rwanda.

Yarangwaga no kuririmba agakunda umupira cyane. Tariki 2 Mata 1994, urugo rwe rwagoswe n’abajepe, binjira mu nzu batangira kurasa bahereye kuri we bamurasa mu mutwe, barasa n’umugore we n’umwana we. Harokotse abana batandatu.

14.Muhikira Aloys (1939-1994): Yashakanye na Aurelia Mukagaga, babyarana abana 5. Yaririmbaga mu ijwi rya Basse, kandi yabaye umubitsi wa Rayon Sports igihe kinini.

Yari umugabo w’amahoro, wakundaga gusenga, akabitoza n’abana be. We n’umuryango we biciwe ku Kivugiza, imibiri yabo iruhukiye ku rwibutso rwa Jenoside rwa Kigali.

15.Kagorora Eustache (1927-1994): Yari yarashakanye na Mukarurinda Anisie, babyarana abana icyenda. Yaririmbaga mu ijwi rya Soprano, yari umuyobozi w’indirimbo, kandi agakunda kuririmba cyane, buri mwana akagira igihozo cye amuririmbira.

Yakoraga muri Minisiteri y’Uburezi, kandi yahawe umudali wa Zahabu nk’umukozi mwiza. Bamwiciye mu kiyovu cy’epfo, ashyinguye mu rwibutso rwa Jenoside rwa Kigali. Harokotse abana bane.

16.Nsengarurema Anastatse (1948-1994):

Yashakanye na Mukabera Josepha, babyarana abana 6. Yarrimbaga mu ijwi rya Soprano, yakoze muri Magerwa, kandi yakoze kwa Mironko no muri Shilington.

Yagiraga urwenya cyane, kandi agahora aririmba cyane. We n’umugore we bararashwe, imirambo yabo bayisiga ku marembo ku Kacyiru aho bari batuye mu mazu ya BINEP. Harokotse abana bane. Bishoboka ko bashyinguye mu rwibutso rwa Jenoside rwa Kigali.

17.Mbonyumuhungu Damien: Itariki y’amavuko ye ntizwi. Yari yubatse afite umwana umwe. Yaririmbaga mu ijwi rya Tenor, yabaye umukozi wa BACAR, Fina Bank cyangwa GT Bank

 Perezida wa Chorale de Kigali, Bwana Hodari Jean Claude yavuze ko abanyamuryango b’iyi korali bazakomeza kuzirikana uruhare rw’abayo bishwe muri Jenoside yakorewe Abatutsi

Alice wari uhagarariye Minisiteri y'Ubumwe bw'Abanyarwanda n'Ishingano Mboneragihugu, yagaragaje gahunda zitandukanye Guverinoma yashyizeho mu rwego rwo kubaka ubumwe bw'Abanyarwanda kuva mu myaka 30 ishize

Padiri Mukuru wa Saint Michel Innocent Consolateur, yatanze ikiganiro kibanze ku rugendo rw’itegurwa n’ishyirwa mu bikorwa rya Jenoside yakorewe Abatutsi

Umuyobozi Wungirije wa Chorale de Kigali, Bigango Valentin ari kumwe na Christine bayoboye umuhango wo kwibuka abanyamuryango ba Chorale de Kigali bazize Jenoside yakorewe Abatutsi
Muri uyu muhango, haririmbwe zimwe mu ndirimbo zahimbwe na bamwe mu baririmbyi 17 bibutswe bishwe muri Jenoside yakorewe Abatutsi 

Imiryango y'abaririmbyi ba Chorale de Kigali bishwe muri Jenoside, inshuti, abavandimwe bifatanyije n'iyi korali mu kwibuka ku nshuro ya 30 abaririmbyi bayo

Abitabiriye iki gikorwa bibukijwe ko kwibuka ari inshingano za buri munyarwanda, kandi bagaharanira guhangana n'abahakana bakanapfobya Jenoside yakorewe Abarutsi

Hibutswe abahanzi b'indirimbo n'abahimbyi baririmbaga muri Chorale de Kigali
Bashyize indabo ku mva bunamira inzirakaranengane zishyinguye mu rwibutso rwa Jenoside rwa Kigali ku Gisozi

KANDA HANO UREBE UMUHANGO WO KWIBUKA ABARI ABARIRIMBYI BA CHORALE DE KIGALI

“>

Amateka y'urugamba rwo kubohora igihugu n'urwo guhagarika Jenoside yakorewe Abatutsi, Maj Gen Vincent Gatama, yayagarutseho ku wa Gatatu tariki 1 Kamena mu 2024, mu kiganiro yagejeje ku bitariye igikorwa cyo kwibuka Imiryango yazimye muri Jenoside yakorewe Abatutsi, cyabereye mu Karere ka Huye.

Maj Gen Gatama yagaragaje ko Abatutsi bamaze igihe kinini batotezwa mu gihugu cyabo, ndetse ashimangira ko umugambi wa Jenoside watangiye mbere ya 1959, ubwo benshi birukanwaga mu Gihugu.

Ni ingingo ahera ku kuba n'uwo mugambi wo kubirukana waratangiye gutekerezwaho mbere ya 1959. Abishingira kandi ku buryo ingabo ya cyami yavuyeho mu Rwanda ndetse Umwami Yuhi III Musinga akameneshwa.

Maj Gen Gatama yasobanuriye abari muri uwo muhango, ko ingabo za RPA zarwanye intambara ebyiri, imwe yo kwibohora n'indi yo guhagarika Jenoside, gusa imwe yivanga mu yindi.

Ati 'Urugamba rwo guhagarika Jenoside narwo rwaje mu rundi rugamba rwari rusanzwe ruhari rw'uko hagombaga kubaho guharanira uburenganzira no guharanira kubaho kuko igihe cyari kimaze kuba kirekire abantu barabuze uburenganzira, baraheze mu buhunzi n'abari mu Gihugu nabo batariho neza.'

'Hariho urugamba rwo kubohora igihugu kubera guharanira uburenganzira, ariko muri urwo rugamba habamo noneho gutangiza Jenoside ku Batutsi igamije kubarimbura, aho niho haziramo noneho urugamba rwo kuyihagarika […] urugamba rwo guhagarika Jenoside ruva mu rugamba rwo kwibohora.'

Bitandukanye n'uko bamwe bashobora kubitekereza, Maj Gen Gatama, yagaragaje ko Intego y'uru rugamba itari ugufata ubutegetsi, kuko byo byanashobokaga mu gihe kitageze ku kwezi.

Ati 'Urugamba rwo guhagarika Jenoside iyo biza kuba ari ugufata igihugu ngo Jenoside ihagarare, byari gufata iminsi itageze ku kwezi kuba Kigali ifashwe, iyo imbaraga zishyirwa kuri Kigali ari ugufata ubutegetsi, byarashobokaga ko mu gihe kitageze ku kwezi Kigali yari kuba ifashwe, ariko se Jenoside yari kuba ihagaze?'

Yashimangiye ko intego yari uguhagarika Jenoside, ari nayo mpamvu Kigali itibanzweho cyane.

Ati 'Ngira ngo nicyo gituma Umugaba w'ikirenga w'Ingabo ari we Nyakubahwa Perezida wa Repubulika uyu munsi wayoboraga urugamba icyo gihe, yashyize imbere ibindi bice by'u Rwanda kurusha n'umujyi w'ubutegetsi wa Kigali, icyari kigamijwe kwari ugutabara no guhagarika Jenoside.'

Ku wa 6 Mata mu 1994 ubwo indege ya Perezida Habyarimana yahanurwaga, bugacya Jenoside yakorewe Abatutsi itangira gushyirwa mu bikorwa, Paul Kagame yahise ategeka Ingabo 600 zahoze ari iza RPA zari muri CND, gutangira urugamba rwo kuyihagarika.

Iki gihe iyi nzu bari bacumbitsemo batangiye kuyakiriramo abahungaga ndetse igice gito kigirwa ibitaro byitaga ku bakomeretse.

Aba basirikare bakomeje guhatana bonyine kugeza ku itariki ya 11 Mata 1994 ubwo batayo ya Alpha yabaga mu karere ka Gicumbi, yasesekaraga i Kigali iyobowe na Sam Kaka maze ibongerera ingufu babasha gufata uduce dutandukanye mu mujyi no guhagarika Jenoside.

Kurikira umuhango wose wo kwibuka imiryango yazimye muri Jenoside

Iki gikorwa cyo kuzirikana imiryango yazimye muri Jenoside yakorewe Abatutsi cyabimburiwe n'urugendo rwo kwibuka

Uru rugendo rwo kwibuka rwitabiriwe n'abantu benshi biganjemo abatuye Umujyi wa Huye

Maj Gen Gatama yavuze ko iyo intego aba ari ugufata Kigali, byari gukorwa mu gihe gito cyane

Meya w'Akarere ka Kamonyi Dr Nahayo Sylvere, yabigarutseho ubwo abaturage bashyikirizwaga ikiraro cyatwaye arenga miliyoni 24 Frw n'umuyoboro w'amazi meza watwaye arenga miliyoni 250 Frw byatanzwe na Nyiranuma usanzwe afasha abo baturage mu bijyanye no guteza imbere imibereho myiza.

Ku wa 4 Gicurasi 2024 nibwo Ambulance y'ibitaro bya Remera Rukoma yagiye kureba umurwayi ku Kigo Nderabuzima cya Kabuga giherereye mu murenge wa Ngamba ariko ikagirira ikibazo mu nzira kubera kwakirika k'umuhanda.

Dr Nahayo yagaragaje ko nubwo hakiri impungenge ku buhahirane cyane ko umuhanda wangiritse, hari gushakishwa ingengo y'imari n'abafatanyabikorwa kugira ngo umuhanda utunganywe kandi ko bishimiye ibyashyikirijwe abaturage.

Yakomeje ati 'Twishimiye iki kiraro n'uyu muyoboro tubonye kandi n'abaturage babyishimiye. Iki kiraro kizafasha mu bijyanye n'ubuhahirane haba ari abacyambuka bakoresheje amaguru cyangwa imodoka.'

Meya Nahayo yakomeje abwira abaturage ko ubuyobozi bw'akarere buri gushaka umufatanyabikorwa uzafasha mu kubaka ikiraro giheruka kugwamo ambulance kugira ngo hanozwe ubuhahirane n'ibindi bice by'Akarere ka Kamonyi.

Nyiranuma umaze imyaka 58 mu Rwanda wanagize uruhare mu kugeza ibyo bikorwaremezo ku baturage, yagaragaje ko hari inzu 400 bagiye kubaka zizatuzwamo abantu batishoboye ndetse ku ikubitiro hari kubakwa inzu umunani.

Padiri Rudahunga Cyiza Edmond uyobora ishuri rya Fr. Ramon Kabuga TSS, yagaragaje ko kubona ikiraro bizabafasha mu migenderanira ku buryo biborohera kuko cyari cyarangiritse cyane.

Ati 'Kiriya kiraro iyo gisenyuka byari kuba bigoye cyane, kuba cyasanwe biraduha icyizere ko imodoka ndende zitabashaga kugera hano zizajya zihagera. Ikibazo ubwacyo ntikirakemurwa kuko umuhanda utaratunganywa ariko imodoka ndende ubu zahanyura n'ubwo into bitarakunda.'

Yakomeje asaba ubuyobozi bw'Akarere ka Kamonyi gukora ibishoboka byose kugira ngo umuhanda utunganywe kuko ari ingenzi cyane mu migenderanire ndetse ufasha n'abanyeshuri bagana ku mashuri.

Musenyeri Smaragde Mbonyintege uri mu kiruhuko cy'izabukuru yasabye abaturage bahawe amazi kuyafata neza no kubyaza no kuyabungabunga kuko ari bo bifitiye akamaro.

Ambulance iherutse kugwa muri uyu mugezi

Ibi yabigarutseho ubwo yaganiraga na One Nation Radio mu kiganiro cyibanze ku rugendo rw'imyaka 30 nyuma ya Jenoside yakorewe Abatutsi n'uko yakomeje kugirirwa icyizere n'igihugu mu bihe bitandukanye.

Uwacu Julienne yagaragaje ko uwagiriwe icyizere n'igihugu nta gihombo kibamo cyane ko bagenerwa umushahara runaka kandi ko uwanyuzwe na wo wamuteza intambwe ishimishije.

Ati 'Wagiriwe icyizere muri iki gihugu ugahabwa inshingano ukazikora nta gihombo kibamo kuko dukora duhembwa kandi tubona amafaranaga atari make. Ingeso yo kutanyurwa no gushakisha indonke mu nzira zitari zo n'urubyiruko rubyumve nta cyo bigutwaye kwakira igihembo cyangwa umushahara ubona mu buryo bwemewe n'amategeko ukabikoresha neza.'

Yagaragarije urubyiruko ko umuntu ugera mu nshingano zo gukorera igihugu agashaka gukira yifashishije inzira y'ubusamo bitabura kumugiraho ingaruka.

Ati 'Bishobora kuguhira bwa mbere ariko sinzi ko byaba ubwa kabiri n'ubwa gatatu kandi ngo uwububa abonwa n'uhagaze. N'igihe hataragira ukubona na we nta mahoro ubona yo mu mutima. Aho gushyira imbaraga mu kazi uba ushaka ikintu gitwikira kwa kutanyurwa.'

Yagaragaje ko abari mu nshingano n'abifuza kuzijyamo hari indangagaciro zikwiye kubaranga zirimo kunyurwa n'ibyo babonye mu nzira nzima, gukunda igihugu n'ibindi.

Uwacu yagaragaje ko umuntu ukunda igihugu agomba kubijyanisha n'ibyo akora ku buryo aharanira ko gitera imbere aho kwimakaza inyungu ze bwite.

Yakomeje ati 'Gukunda igihugu bivuze gukunda abenegihugu, guharanira ko gitera imbere kugira ngo inyungu rusange zijye imbere uzabone na we izawe. Nta gukira umuntu anyuze iy'ubusamu n'iyo ubibonye kubicunga birakunanira kubera ko uba wumva n'ejo uzabibona.'

Yavuze ko hari amakosa urubyiruko rujya rukora yo gushaka kubaho mu buzima nk'ubwo abantu bamaze igihe kinini bari mu kazi babayeho, bigatuma bisanga mu makosa aganisha ku kurya ruswa.

Ati 'Aho kugira ubugugu n'ubusambo no gushaka gusambira byinshi, bigendemo buhoro buhoro birashoboka.'

Uwacu Julienne wanyuze mu mirimo itandukanye mu gihugu, yagaragaje ko u Rwanda ruha amahirwe umuntu uwo ari we wese hatarebwe aho akomoka.

Yakomeje agaragaza ko abari mu nshingano n'abazashaka kuzijyamo bakwiye kwimakaza umuco wo kudatatira igihango n'icyizere bagirirwa n'ubuyobozi bw'igihugu, kutimakaza ubusambo, inda nini n'ibindi bigamije kurigisa umutungo wa rubanda.

Yagiriye urubyiruko inama kandi yo kutirebera mu ndorerwamo z'ibyahise kuko igihugu kidatanga amahirwe gishingiye ku byo imiryango bavukamo yanyuzemo cyangwa amakosa bakoreye igihugu.

Ku bijyanye no kuba hari abantu batunzwe no kuvuga nabi igihugu kugira ngo babone amaramuko, yagaragaje ko ari ubugwari bukomeye asaba urubyiruko ruba mu mahanga kwirinda kubyijandikamo.

Ati 'Ni ubugwari bwo ku rwego rukomeye […]Rubyiruko dufite ingero z'abantu bazima bakoze neza, bakora niba ari ishoramari barikora neza niba ari inzego za leta bazikoramo neza…reka twigane izo ngero.'

Yashimangiye ko kuba u Rwanda rwarahisemo kubakira ku bumwe byakemuye ibibazo byinshi kandi byashimangiye ko abantu bose bashobora gufata inshingano kandi bakazikora neza.

Yahishuye ko Guverinoma y'ubumwe yabaye indunduro y'imiyoborere mibi ishingiye ku macakubiri n'ivangura byari byararanze igihugu ku buryo kuri ubu hubakwa ibikorwaremezo mu bice byose by'Igihugu.

Uwacu Julienne yasabye abari mu nshingano z’ubuyobozi kunyurwa n’ibyo bahabwa kuko aribyo bifasha gukomeza kuba intangarugero

Yavuze ko gutanga ibitekerezo kuri iyi politiki byamaze kurangira, hakaba hasigaye kohereza umushinga mu Nteko Ishinga Amategeko y'u Rwanda kugira ngo usuzumwe.

Ni ingingo yagarutseho tariki ya 27 Gicurasi 2024, ubwo hatangizwaga umushinga 'Ijwi riranguruye ry'itangazamakuru' washyiriweho ibibazo bigikoma mu nkokora umwuga w'itangazamakuru rya kinyamwuga mu Rwanda.

Ni kenshi hagiye humvikana inkuru z'abanyamakuru cyangwa abakorera ku muyoboro wa YouTube batawe muri yombi, akenshi bazira kutubahiriza amahame agenga umwuga bakora bigatuma barenga ku mategeko.

Rushingabigwi, yavuze ko muri ibi bihe hari ubwo aya makosa aterwa n'ikoranabuhanga ryatumye 'amakuru aba menshi hakaziramo n'amakuru atubaka, umuntu akibasira undi, ingengabitekerezo yaragarutse n'ibindi.'

Yakomeje agira ati 'Ngira ngo ikindi kibazo ni uko muri iyi myaka bigoye cyane kumenya umunyamakuru n'utari umunyamakuru mu batangaje inkuru […] bigatuma hizerwa inkuru zitari kwizerwa.'

Bimwe mu bikubiye muri uyu mushinga w'itegeko, harimo ingingo zigaruka ku bushobozi mu itangazamakuru bujyanye n'ubumenyi n'imibereho, hakazamo n'ibijyanye n'itegeko rivuguruye rigenga urwego rw'itangazamakuru mu Rwanda.

Harimo kandi ingingo igaruka ku rwego rw'abanyamakuru bigenzura n'izindi zigaruka ku ikoranabuhanga rishya n'ubuhuzabikorwa mu itangazamakuru ryo mu gihugu.

Ubushakashatsi bwo mu 2021 ku gipimo cy'imiterere y'itangazamakuru mu Rwanda, Rwanda Media Barometer, bwagaragaje amahame remezo agenga abanyamakuru yubahirizwa ku rugero rwa 57.3%.

Abanyamakuru 96.6% bagaragaje ko bazi neza aya mahame abagenga, ariko akaba yubahwa ku rugero rwa 55.6%.

Ikigero cy'abanyamakuru babona amahugurwa mu mwuga cyari kuri 59.6%, mu gihe uruhare rw'amahuriro y'abanyamakuru mu iterambere ry'uru rwego rwo rwari kuri 67.8%.

Umushinga wa politiki nshya y’itangazamakuru ugiye gushyikirizwa abadepite