Category: Uncategorized

Uko umukino uri kugenda umunota ku munota:

40′ Macel Sabitzer wa Borussia Dortmund ahawe umupira na Julian Brandt maze nawe arekuye ishoti ari inyuma y’urubuga rw’amahina gusa Thibaut Courtois arishyira muri koroneri itagize icyo itanga 

35′ Vinicius Junior ahawe ikarita y’umuhondo nyuma yo gukandagira umunyezamu wa Borussia Dortmund,Gregol Kobel 

26′ Kuri ubu umukino utangiye gufata irangi umupira uva ku izamu rimwe ujya ku rindi, Vinicius Junior ahinduye umupira mwiza washoboraga guteza ibibazo gusa ba myugariro ba Borussia Dortmund bawukuraho nta nkomyi

24′ Borussia Dortmund ikomeje guterera amahirwe inyoni ,uwitwa Niclas Füllkrug abonye umupira nawe asigaranye n’umunyezamu arekura ishoti gusa rikubita igiti cy’izamu 

21’Iyi kipe yo mu Budage irase igitego kidahushwa ku mukino wa nyuma wa UEFA Champions League ndetse ishobora no kwicuza,uwitwa Karim Adeyemi ahawe umupira mwiza asigaranye n’umunyezamu gusa atinda gutera mu izamu birangira Dani Carvajal ashyize umupira muri koroneri 

18′ Borussia Dortmund iri gukina yugarira cyane abakinnyi ba Real Madrid barimo Vinicius Junior babuze aho banyura

14′ Ikipe ya Borussia Dortmund irase uburyo buremereye ku mupira Füllkrug yarahaye Julian Brandt gusa arekuye ishoti rinyura hepfo y’izamu nyuma yuko ba myugariro ba Real Madrid bari bikanzemo ko habayemo kurarira kandi ataribyo

12′ Jason Sancho yarabonye umupira azamutse acenga neza birangira Camavinga amuteretse hasi haterwa kufura 

8′ Jude Bellingham akoze ku mupira we wa mbere ashyiraho umutwe agora ngo awushyire kwa Vinicius gusa birangira wifatiwe n’umunyezamu wa Borussia Dortmund,Gregol Kobel 

6′ Umukino urimo guhangana ku buryo nta kipe irimo irapfa kumurana umupira iminota 

3′ Ikipe ya Real Madrid yaribonye uburyo bwa mbere ku mupira waruzamukanwe na Vinicius Junior gusa birangira umurenganye atangira guhagurutsa abafana 

1’Umukino utangijwe na Borussia Dortmund gusa umufana abuse ajya mu kibuga bituma umukino uba uhagazebo gato

Umunyabigwi, Zinedine Zidane niwe wazanye igikombe cya Champions League muri sitade 

Abakinnyi 11 ba Real Madrid babanje mu kibuga:

Courtois

Carvajal

Rüdiger

Nacho

Mendy

Camavinga

Kroos

Valverde

Bellingham

Vinicius

Rodrygo

Abakinnyi 11 ba Borussia Dortmund babanje mu kibuga:

Kobel

Ryerson

Hummels

Schlotterbeck

Maatsen

 Emre Can

Sabitzer

Brandt

Sancho

Füllkrug

Adeyemi

Real Madrid yageze ku mukino wa nyuma nyuma yuko yazamutse iyoboye itsinda C ryarimo Union Berlin, Napoli,SC Braga. Muri 1/8 yasezereye RB Leipzig,muri 1/4 isezerera Manchester City naho muri 1/2 isezerera FC Bayern Munich.

Borussia Dortmund yo igeze hano yarazamutse iyoboye itsinda F ryarimo Paris Saint-Germain, Newcastle United na AC Milan. Muri 1/8 yasezereye PSV Eindhoven,muri 1/4 isezerera Atletico Madrid naho muri 1/2 isezerera Paris Saint-Germain.

Ikipe ya Real Madrid igiye gukina uyu mukino irimo irashaka kwegukana igikombe cya 15 cya UEFA Champions League kuko isanzwe ifite ibikombe 14 ndetse ikaba arinayo kipe ifite ibi bikombe byinshi aho ikurikirwa na AC Milan ifite 7 mu gihe Borussia Dortmund yo igiye gukina uyu mukino ishaka iki gikombe cya 2 nyuma yicyo yatwaye mu mwaka w’imikino wa 1996-97.

Imibare yerekana aya makipe yombi amaze guhura inshuro 13 muri iri rushanwa rya UEFA Champions League, Borussia Dortmund ikaba yarashoboye gutsindamo 3,banganya 4 naho Real Madrid itsinda 6.

Umukino aya makipe yombi aheruka gukina muri Champions League wabaye muri 2017 ukaba wararangiye Real Madrid itsinze ibitego 3-2,icyo bakaba bari bahuriye mu itsinda rimwe rya H.

Muri rusange imibare yerekana ko mu mikino 20 Real Madrid iheruka gukinamo n’amakipe yo mu Budage muri Champions League yatsinzwemo umukino umwe naho naho igaysindamo 13.

Ni ubwambere mu mateka ya Real Madrid igeze ku mukino wa nyuma wa Champions League datsinzwe umukino n’umwe guturuka mu matsinda mu gihe mu mikino 11 Brussia Dortmund yo yatsinzwemo umukino umwe gusa.

Ikipe ya Borussia Dortmund iraba ikina umukino wayo wa nyuma wa Champions ku nshuro ya 3 ndetse n’ubundi ubwo yawuherukagaho yari kuri Wembley stadium muri 2013 itsindwa na FC Bayern Munich yiwabo mu Budage.

Real Madrid yo iraba umukino wayo wa nyuma wa 17 ikaba yaratakajemo 3 gusa ,ni uwo 1981 itsinzwe na Liverpool,1964 itsinzwe na Inter Milan ndetse nuwo mu 1962 itsinzwe na Benfica.

Ikipe ya Borussia Dortmund iraba ifite abakinnyi 2 bakinnye umukino wayo wa nyuma iheruka gukina muri Champions League aribo Matt Hummels ndetse na Marco Reus uri bube ukina umukino we wanyuma muri iyi kipe.

Umukinnyi wo kuza kwitondera cyane muri uyu mukino ni Vinicius Junior bitewe n’imibare ye. 

Kugeza ubu amaze gutsinda ibitego 5 ndetse yanatanze imipira 4 ivamo ibitego muri Champions League y’uyu mwaka bikurikira 7 yari yatsinze n’imipira 4 ibivamo yari yatanze muri Champions y’umwaka ushize .

Gutsinda ibitego 5 ndetse ukanatanga nibura imipira 5 yabivuyemo mu myaka 2 yikurikiranya ya Champions League,ni Vinicius Junior wenyine umaze kubikora nyuma ya Luis Figo wari warabikoze ari muri FC Barcelona.

Ikiza gusa nuko ari buze kuba afashwe na myugariro wa Borussia Dortmund,Matt Hummels nawe wamaze kwerekana ko ashoboye dore ko kugeza ubu muri Champions League y’uyu mwaka amaze gukina iminota yose ataruhuka ndetse mu gihe bakwegukana igikombe yahita akuraho agahigo kari gafitwe na Cristiano Ronaldo wakinnye iminota yose muri Real Madrid mu mwaka w’imikino wa 2017-18 ndetse bikarangira batwaye n’igikombe.

Carlo Ancelotti utoza Real Madrid araba ashaka igikombe cya 4 cya UEFA Champions League nk’umutoza mu gihe Edin Terzić utoza Borussia Dortmund we araba ashaka icya 1 dore ko ntacyo agira mu buzima bwe.

Ubwo abafana ba Borussia Dortmund berekezaga kuri sitade ya Wembley ahagiye kubera umukino 

Uyu mukino wabaye ku gicamunsi cyo kuri uyu wa Gatandatu tariki 1 Kamena 2024 muri BK Arena, warangiye ikipe Petro de Luanda yegukanye irushanwa rya Basketball Africa League mu 2024 nyuma yo gutsindira ku mukino wa nyuma, Al Ahly Ly amanota 107-94. Ni umukino warebwe na Perezida Kagame na Madamu.

The Ben ni we muhanzi w'umunyarwanda wahawe kuririmba asoza iyi mikino. Ni ubwa mbere yari aririmbye muri iyi mikino ihuza ibihugu bitandukanye byo muri Afurika.

Yaririmbye yiyongera ku rutonde rw'abandi baririmbye mu mikino yabanje barimo umunya-Nigeria, Adekunle Gold, Kevin Kade, Ish Kevin, Ariel Wayz, Kivumbi, Chriss Eazy, Kenny Sol n'Itorero Inganzo Ngari.

Imbere y'ibihumbi by'abantu, The Ben yisunze indirimbo ze zakunzwe zirimo nka 'Lose Control', 'Habibi', 'Why' yakoranye na Diamond, agaragaza ko ari umuhanzi ukomeye mu Rwanda.

Mu kiganiro cyihariye na InyaRwanda, The Ben yavuze ko yanejejwe no gutamira abitabiriye imikino ya BAL. Ati “Ndiyumva neza cyane! Ndumva meze neza, ibyo twateguye guha abantu ni byo tubahaye, kandi na bo barishimye cyane ni byo tuba tugamije.”

Yavuze ko guhitamo indirimbo aririmba mu bitaramo nk’ibi atari ikintu kimworohera, kuko bimusaba kunyuza amaso mu ndirimbo ze, kandi akita cyane ku mahitamo y’abakunzi be.

Ati “Gupanga ‘Playlist’ yanjye birangora biri mu bintu bingora iyo ngiye kuririmba, kuko indirimbo zose twagiye duha abakunzi bacu zabagiriye akamaro, rero ntibyari byoroshye, ariko nibaza ko izo twahisemo zari sawa.”

Ku rubyiniro, uyu muhanzi yifashishije itsinda ry’ababyinnyi ryitwa Ishami Talent basanzwe bifashishwa cyane mu mikino ya BAL. 

The Ben avuga ko gukorana n’uru rubyiruko byamusabye kwitonda no gutegura neza, kuko yashakaga gukora ikintu cyiza.  

Ati “Navuga ko bitari byoroshye kuko iyo ushaka gukora ikintu cyiza kandi ugikunze hari ‘Pressure’ (igitutu) iba ihari, ariko nanone muri rwa rukundo ukora uko ushoboye ukabikora neza.”

The Ben yatangaje ko yanyuzwe no gutaramira ibihumbi by'abantu ku mukino wa nyuma wa BAL

The Ben yatangaje ko yifashishije itsinda ry'ababyinnyi Ishami Talent mu rwego rwo kugaragaza neza ibihangano bye yari yateguye

The Ben yaririmbye indirimbo zirimo '”Ngufite ku Mutima”, “Ni forever”, “Why” na “Lose Control” n'izindi

The Ben yatangaje ko guhitamo indirimbo aririmba bimuba kwitonda no kugisha inama abantu banyuranye

The Ben yavuze ko yari amaze igihe yitegura kuririmba muri iyi mikino ya BAL 

Ibyishimo ni byose ku ikipe ya Petro de Luanda yo muri Angola yegukanye irushawa rya BAL 2024

KANDA HANO UREBE IKIGANIRO TWAGIRANYENA THE BEN NYUMA YO KURIRIMBA

Ni umukino wabaye kuri uyu wa Gatandatu saa kumi z’umugoroba ubera mu nzu y’imikino n’imyidagaduro ya BK Arena. 

Ikipe ya Clube Atlético Petroleos de Luanda yageze hano nyuma yo gusezerera  Cape Town Tigers muri 1/2 ni yo yabonye mu nkangara mbere ku manota 2 yakozwe na Yanick Moreira inakomeza kugenda imbere mu minota ya mbere.

Ikipe ya Al Ahly Ly yo yari yarageze hano nyuma yo gusezerera Rivers Hoopers muri 1/2 nayo ibifashijwemo n’abarimo Lual Lual Acuil wakoraga amanota yiganjemo 2 ndetse na Robert Golden wakoraga amanota 3, nayo yaje kuyobora umukino.

Bijyanye no guhangana gukomeye kwari hagati y’aya makipe, buri imwe yakoraga amanota ikajya imbere n’indi igahita iyishyura, ariko biza kugera aho abakinnyi ba Al Ahly Ly batakaza imipira cyane (turn overs), biha amahirwe Clube Atlético Petroleos de Luanda kurangiza agace ka mbere ariyo iyoboye n’amanota 26-24.

Mu gace ka Kabiri ikipe ya Al Ahly Ly Sporting Club yaje ikosora amakosa yari yakoze mu gace ka mbere, abakinnyi bayo barangajwe imbere na Mouloukou Souleyman Diabate, Majok Machar Deng na Robert Golden bakora amanota, aba ari nayo iyobora umukino.

Abakinnyi ba Clube Atlético Petroleos de Luanda babaye nk’abacika intege ndetse batangira gukora amakosa menshi, gusa Nicholas Faust we akanyuzamo agakora amanota.

Igice cya mbere cyarangiye ikipe ya Al Ahly Ly yateretsemo ikinyuranyo cy’amanota 12 aho yari ifite n’amanota 52 kuri 40.

Mu gace ka Gatatu, Clube Atlético Petroleos de Luanda yaje yisize insenda abakinnyi bayo barimo Childe Dundao na Lukeny Gonçalves bakora amanota ubutitsa ndetse bigera n’aho bava inyuma baterekamo n’ikinyuranyo cy’amanota 3.

Mouloukou Souleyman Diabate na Robert Golden ba Al Ahly Ly nabo ntibashatse gutanga agahenge, bakomeje guhatana mu mukino wabonaga uryoheye ijisho, agace ka Gatatu karangira amakipe yombi anganya amanota 75-75.

Mu gace ka Kane ari nako ka nyuma, Clube Atlético Petroleos de Luanda yaje yakaniye cyane ari nako ikora amanota menshi binyuze ku bakinnyi bayo barimo Nicholas Faust.

Yagiye iyobora umukino maze Al Ahly Ly iyigenda inyuma, birangira itsinze umukino yanateretsemo ikinyuranyo kinini ifite amanota 107 kuri 94.

Iyi kipe yo muri Angola yahise yegukana igikombe cya Basketball Africa League 2024 kikaba ari icya mbere itwaye kuko yakundaga kugarukira muri 1/2 ndetse muri 2022 ikaba yari yageze no ku mukino wa nyuma ariko ikaza kuhatsindirwa.

Uyu mukino wa nyuma wa BAL 2024 kandi warebwe na Perezida Kagame ari kumwe na Madamu. 

Ni umunsi wa Kane Perezida Kagame yitabiriye iyi mikino ya nyuma yaberaga i Kigali nyuma yo kureba uwo gushaka umwanya wa Gatatu wegukanywe na Rivers Hoopers itsinze Cape Town Tigers ndetse akaba yarebye n’ibiri yabanje mu mpera z'icyumweru gishize.

Abakinnyi ba Petro de Luanda bishimira igikombe begukanye 

Ikipe ya Petro de Luanda yegukanye igikombe cya BAL 2024 itsinze Al Ahly Ly amanota 107-94

Ni indirimbo y'iminota 3 n'amasegonda 34' iri mu zigize iyi Album y'indirimbo esheshatu, zitsa ku ngingo zinyuranye nk'imibereho ya muntu itangaje muri iki gihe, uko injyana ya Hip Hop hari abatayicira inzira, ubuzima bwa nyuma y'urupfu n'ibindi.

Aba baraperi bombi bahuje imbaraga mu gukora iyi Album, ku gitekerezo bahawe na Mico The Ben. Mu kuyikora no kuyitunganya bifashishije aba Producer batandukanye, ariko zose zasohokeye muri Studio ya Ibisumizi ndetse iri kuri shene ya Riderman.

Mu ndirimbo 'Amategeko 10' aba baraperi bagaruka ku rukundo rw’iki gihe rutakiramba, imiryango itandukana uko bucyeye n’uko bwije. Bakanavuga ko bitumvikana uburyo umuntu yiyanga kugeza ubwo yibagishije bimwe mu bice by'umubiri.

Nka Bull Dogg avuga ko uburaya n’ubutinganyi bwahawe intebe muri iki gihe. Yavuze ko muri iki gihe ubuzima butoroshye, aho usanga umubyeyi afite umwana wamunaniye n’ibindi.

Muri iriya ndirimbo hari aho Riderman aririmba agira bati '[…] Abakunzi ntibagitindana, ingo zihora mu gutongana, kimwe n'abandi mbona ibibera mu Isi nkumirwa, wagira ngo harabura iminsi micye imbehe ikubikwa, tugeze aho twibura pe tukirangisha, turarora abatari twe tukisanisha, tugeze aho twiyanga pe, tukibagisha […]'

Umwe mu bakoresha urubuga rwa X mu izina rya 'Star Gallery' yanditse agaragaza ko usesenguye iyi ndirimbo, aho aba baraperi baririmba ku kwibagisha, ari ubutumwa bweruye ku muhanzi Bruce Melodie ndetse na Brianne wamamye mu kuvanga imiziki.

Bamwe mu bakoresha imbuga nkoranyambaga, bamaze iminsi bahererekanya amashusho bagaragaza ko Dj Brianne yibagishije inda cyo kimwe na Bruce Melodie.

Mu gusubiza, Riderman yumvikanishije ko iyi ndirimbo bayikoze muri Gashyantare 2024, kandi atekereza ko kiriya gihe Bruce Melodie na Dj Brianne bari bataragira iyo gahunda yo kwibagisha inda nk'uko bivugwa na bamwe mu bakoresha imbuga nkoranyambaga.

Ati 'Have se kandi witubeshye (ra), iyi tape (Album) yabaye 'recorded muri Fevrier' (yakozwe muri Gashyantare 2024) ubanza batari banabishyira mu mishinga.'

Riderman yanumvikanishije ko we na Bull Dogg barenze umurongo w'indirimbo zicyurira abantu cyangwa za mpangara nguhangare. Ati 'Ikindi kandi ntitukiri muri uwo murongo.'

Ku wa 16 Gicurasi 2024, Bruce Melodie yatangaje ko atigeze yibagisha inda nk’uko byavuzwe cyane ku miyoboro itandukanye ya Youtube mu minsi ishize.

Abavuga ibi bashingira ku kuba amaze iminsi afite imiterere imugaragaza nk’umuntu wayobotswe cyane na siporo nk’uko amaze iminsi abigaragaza mu mashusho anyuranye afatira mu mazu atandukanye akoreramo siporo (muri Gym).

Uyu muhanzi yavuze ko amaze iminsi abona inkuru z’abantu bavuga ko agiye gutanga umuryango we kugira ngo amenyekane, ariko ngo si byo.

Yavuze ko yanatunguwe n’ibintu z’abantu bavuze ko yibagishije inda kugirango agire imiterere myiza. Ati “Inda yanjye ariko! Ngo nibagishije inda ni ukuri kw’Imana, nonese ni inde wantwazaga ako kanure ngo avuge kari kamubangamiye, uzi ko mwebwe mungendaho mukagenda no kunanure nibikiyemo imbere.”

Bruce Melodie yavuze ko inda ye ikiriho, kandi ko akomeje Siporo. Yavuze ko nubwo yaba yarabagishije inda ‘nta mukene wabikora’. Ati “Gusa niba naranakabagishije, nta mukene buriya ujya ukora ibyo, hari imikino abakene bakora. Narakoze ibyo naba ngeze ku rundi rwego.”

Uyu muhanzi yavuze ko yikunda cyane, kandi azi agaciro ku buzima bwe ku buryo adashobora kubukikiniramo. Ati “Ntabwo njya nibagirwa abantu ubuzima bwanjye bufitiye akamaro.”

Petro Atletico de Luanda yo muri Angola yegukanye shampiyona Nyafurika ya Basketball (BAL) ya 2024 itsinze Al Ahly Benghazi yo muri Libya ku mukino wa nyuma amanota 107-97.

Uyu munsi ku wa Gatandatu tariki ya 1 Kamena 2024 ni bwo iri rushanwa ryari rimaze iminsi ribera mu Rwanda muri Kigali Arena ryasojwe.

Ni nyuma y’uko ejo hashize ku wa Gatanu Rivers Hoopers yo muri Nigeria Nigeria yegukanye umwanya wa 3 itsinze Cape Town Tigers yo muri Afurika y’Epfo.

Petro de Luanda ibifashijwemo n’abarimo Nicholas Faust na Cummings yegukanye agace ka mbere ku manota 26-24.

Iyi kipe ntabwo yagize agace ka kabiri keza kuko Al Ahly Benghazi abasore ba yo nka Majok Deng na Golden bagoye Petro bituma bagatsindwa ku manota 28-14. Amakipe yagiye kuruhuka ari 52 ya Al Ahly Benghazi kuri 40 ya Petro de Luanda.

Petro de Luanda yagarutse mu gace ka gatatu ifite inyota yo kugabanya ikinyuranyo cy’amanota batsinzwe maze abakinnyi nka Lunkey Gonçalves na Faust bagize uruhare rwo gutsinda aka gace ndetse banakuramo amanota 12 bari barushijwe, yagatsinze ku manota 35-23.

Agace ka nyuma k’umukino na Petro de Luanda yagatsinze irusha cyane Al Ahly Benghazi. Yagatsinze 32-12 maze umukino urangira ari 107 ya Petro de Luanda kuri 94 ya Al Ahly Benghazi.

Nicholas Faust wa Petro de Luanda na Majok Deng wa Al Ahly Benghazi ni bo batsinze amanota menshi muri uyu mukino aho batsinze 24 buri umwe.

Petro de Luanda ikaba yegukanye BAL 2024 yabaga ku nshuro ya 4 ikaba icyambuye Al Ahly yo mu Misiri ifite igikombe cy’umwaka ushize.

Igikombe bahataniraga

Petro de Luanda yegukanye igikombe cya BAL

Uyu mukobwa wamamaye mu ndirimbo zirimo nka 'Booty Bounce” yakoranye na Diamond, yarebye umukino wahuje ikipe ya Rivers Hoopers yo muri Nigeria na Cape Town Tigers yo muri Afurika y’Epfo.

Ni umukino wabaye mu ijoro ryo kuri uyu wa Gatanu tariki 31 Gicurasi 2024 muri BK Arena, ukaba warangiye Rivers Hoopers yegukanye umwanya wa Gatatu nyuma yo gutsinda Cape Town Tigers ku manota 80 kuri 57.

Uyu mukobwa yageze i Kigali mu gitondo cyo ku wa Kane tariki 30 Gicurasi 2024. Mu kiganiro yagiranye na TNT, yavuze ko ari kugirira ibihe byiza mu Rwanda, kandi ko yanyuzwe n’ubwiza ‘bw’iki gihugu. Ati “Iki gihugu ni cyiza, nshingiye kubyo maze kubona kugeza. Ibintu byose ni byiza.”

Yavuze ko yakozwe ku mutima n’uburyo BK Arena yubatse, yumvikanisha ko nk’umuhanzi ‘inyubako nk’iyi ni yo dukeneye muri Kenya’. Uyu mukobwa yavuze ko ari nk'ibishoboka, yakwimura BK Arena akayishyira mu Mujyi wa Nairobi’.

Ati “Arena ni nziza cyane, dukeneye inyubako nk’iyi muri Kenya. Mbese ni nk’uko twayiterura tukayitereka i Nairobi’.

Abaye umuhanzi wa kabiri ugeze i Kigali, akifuza ko inyubako nka BK Arena yubakwa mu gihugu akomokamo. Mu 2019 ubwo Diamond yataramiraga i Kigali, yasuye BK Arena ataha ayirahira, abwira Abanya-Tanzania ibyo yabonye i Kigali.

Icyo gihe Diamond yagize ati “Mu Rwanda nahasanze iriya Arena numva binkoze ahantu, bagenzi bacu bo mu Rwanda bamaze kubona Arena ya mbere muri Afurika y'Iburasirazuba, natembereye ibice byaho bitandukanye n'umujyanama wanjye twaratangaye. Bambwiye ko bayubatse mu mezi make.”

BK Arena ni yo nzu nini y’imikino y’amaboko, ishobora kwakira abantu 10,000 bicaye neza, biyigira nini muri Afurika y’Iburasirazuba, ni iya karindwi muri Afurika. Iyari nini kugeza ubu muri aka karere ni Kasarani Indoor Arena y’i Nairobi muri Kenya yakira abantu 5,000.

Iyi nyubako yuzuye itwaye arenga Miliyoni 100 z’amadorari. Mu kuyifungura, Perezida Paul Kagame yavuze ko ashimira abanyarwanda “kubera ko ibi byubatswe biturutse mu mutungo w’igihugu cyacu”.

Victoria avuga ko yakunze kwitabira imikino ya NBA Africa yaberaga muri Afurika y’Epfo, ari ko ari ubwa mbere akorane na BAL byanamufashije kuza i Kigali kureba iyi mikino.

Mu rugendo rwe, yanasuye ibice bitandukanye by’u Rwanda, aho yageze mu Karere ka Bugesera, ndetse ari no gutekereza gusura ingagi mu Buringa. Uyu mukobwa yavuze ko muri iki gihe ari gukora kuri Album ye shya, kandi agaragaza ko yashyigikiwe kuva yakwinjira mu muziki.

Victoria Kimani yavutse ku wa 28 Nyakanga 1985, ni umwanditsi w'indirimbo usanzwe ufitanye amasezerano n'inzu ufasha abahanzi mu bya muzika ya Chocolate City yo mu gihugu cya Nigeria, ibi byatumye aba umuhanzikazi wa mbere wakoranye n'iyi Label.

Ariko yanakinnye muri Filime yitwa '7 Inch Curve'. Uyu mukobwa yatangiye umuziki ari mu baririmbyi bafashaga Mercy Myra mu miririmbire.

Mu 2013, yasohoye indirimbo 'Mtoto' yafatiye amashusho mu Mujyi wa Los Angeles. Hagati ya 2014 na 2016, yasohoye indirimbo 'Show' yagizwemo uruhare rukomeye Tekno Miles, umunyamuziki ukomeye muri Nigeria.

Yakomeje gushyira hanze indirimbo zirimo nka “Vex”; “Two of Dem”; “Loving You”; “Booty Bounce” yakoranye na Diamond Platnumz na Ommy Dimpoz; “All the Way” yakoranye na Khuli Chana n'izindi.

Muri Gicurasi 2015, uyu mukobwa yahuje imbaraga na bagenzi be mu ndirimbo 'Strong Girl' yaririmbyemo abarimo Waje (Nigeria), Vanessa Mdee (Tanzania), Arielle T (Gabon), Gabriela (Mozambique), Yemi Alade (Nigeria), Selmor Mtukudzi (Zimbabwe), Judith Sephuma (South Africa), Blessing Nwafor (South Africa) ndetse na Omotola Jalade Ekeinde (Nigeria).

Mu Ukuboza 2017, yasohoye Album 'Safari' yifashishijeho Sarkodie, Khuli Chana, Jesse Jagz, Phyno, ndetse na Ice Prince.

Mu 2017, kandi yatanagje ko yatandukanye na Label yamufashaga mu muziki, atangira kwikorana nk'umuhanzi wigenga.

Victoria Kimani yavuze ko yakozwe ku mutima n’uburyo yakiriwe n’imiterere y’u Rwanda
Victoria yavuze ko yishimiye gukurikirana imikino ya BAL iri kubera muri BK Arena
Victoria yavuze ko muri Kenya bakeneye inyubako nka BK Arena 

Victoria yagaragaje ko yari asanzwe akurikirana imikino ya Basketball muri Afurika y’Epfo

Victoria yavuze ko afite amatsiko yo gusura ingagi mu Birunga

Victoria ari gukora kuri Album ye nshya, ndetse aherutse gusohora imwe mu ndirimbo ziyigize

KANDA HANO UREBE AMASHUSHO Y’INDIRIMBO ‘CHINA LOVE’

“>

KANDA HANO UREBE AMASHUSHO Y’INDIRIMBO ‘PROKOTO’

“>

AMAFOTO: TNT

Iyi Album yayishyize hanze kuri uyu wa Gatanu tariki 31 Gicurasi 2024. Iriho indirimbo yise ‘Hip Hop” yatunganyijwe mu buryo bw’amajwi na Inthecity afatanyije na Knoxbeat, iriho kandi indirimbo bise ‘Miseke Igoramye’ yakozwe na Firstboy na Knoxbeat, ‘Amategeko 10’ yakozwe na Knoxbeat, ‘Nkubona Fo’ yakozwe na Dr Nganji ndetse na Knoxbeat, ‘Muba Nigga’ yakozwe na Knoxbeat ndetse na ‘Bakunda Abapfu’ yakozwe na Kdagreat na Knoxbeat.

Iherekejwe n’ibimenyetso birimo nk’icy’umusaraba, amataratara (Lunette) ndetse n’ikimenyetso cy’umunzani usobanura amategeko.

Riderman aherutse kubwira InyaRwanda ko atari we wahisemo izina bise iyi Album “Icyumba cy’amategeko”, ahubwo ni igitekerezo cya mugenzi we Bull Dogg washingiye ku izina ry’indirimbo ya Gatatu ‘Amategeko 10’ iri kuri iyi Album.

Ati “Izina ‘Icyumba cy’amategeko’ ntabwo ari njye warihisemo mu by’ukuri. Ni izina rigendeye ku ndirimbo ya Gatatu iriho yitwa ‘Amategeko 10, izina ariko ntabwo ari njye warihisemo, ni igitekerezo cya Bull Dogg. Nabivuga gutyo mu magambo macye.”

Riderman yumvikanishije ko gukorana na Bull Dogg birenze kuba ari inshuti z’igihe kirekire, ahubwo ni umuraperi mwiza buri wese ushaka gukora Hip Hop yakwifuza gukorana nawe. 

Yumvikanishije ko ubushuti bwe na Bull Dogg bwagiye bwaguka, ahanini binanyuze mu ndirimbo bagiye bakorana bombi ndetse n’izo bagiye bahuriramo n’abandi.

Ati “Ubwa mbere gukorana na Bull Dogg ni uko ari umuraperi mwiza, umuraperi twakoranye kuva cyera, ngirango abantu bazi indirimbo nyinshi twakoranye nawe, yaba ari izo nakoranye nawe nkanjye ku giti cyanjye, cyangwa se izo twakoranye duhiriyemo nk’abahanzi benshi, twembi tukazihuriramo.” 

Riderman yavuze ko Bull Dogg ari ‘umuraperi mwiza’ kandi akundira ibihangano. Azirikana ko Bull Dogg ari umuraperi bafite byinshi bahuje kuko bombi barerewe muri Saint-Andre mu Rwezantwari.

Bombi baninjiye mu muziki mu gihe kimwe (ikiragano). Ati “Twaje mu myaka imwe, twinjira mu muziki, ikindi nanone ni umuntu uhozaho. Guhera cyera ngirango ntiyigeze ahagaragara gukora ibihangano, nk’uko ntajya ntigeze mpagarara gukora ibihangano. Mfite icyubahiro cyinshi kuri we, kandi nawe amfite icyubahiro kuri njye. Rero, gukorana byari byoroshye cyane.”

1.Bakunda Abapfu

Ni indirimbo y’iminota 3 n’amasegonda 31′. Aba baraperi bombi bumvikanisha uburyo nta ntwaro yigeze ibaho kuri iyi si irusha amagambo imbaraga.

Bull Dogg aririmba avuga ko udakwiye kwitega ko uwakugiriye neza azayikwitura. Bumvikanisha neza ko iyo umuntu yitabye Imana, ari bwo abantu benshi bagaragaza ko bamukunze cyane, bamusabiye kandi babanye nawe mu buzima.

Bull Dogg yitangaho urugero akavuga ko umunsi azitahira kwa Nyagasani, indirimbo ze nyinshi zizacurangwa cyane kuri Radio, ibinyamakuru bizamuvugaho inkuru nziza. Ndetse ko benshi mu bo bagiye bashwana, bazamuvuga neza n’ubwo bateranye amagambo igihe kinini.

Hari aho baririmba bagira bati 'Abantu ubatera shida (ibibazo) bakakubwaka, wasaba ubufasha bakaguta ku byapa bamwe wateraga impuhwe bakakumwaza ujya gushyirwa mu itaka bose bakaza.”

KANDA HANO WUMVE INDIRIMBO ‘BAKUNDA ABAPFU’

2.Mu banigga

Ni indirimbo ifite iminota 3 n’amasegonda 14′. Bitsa cyane ku rubyiruko rukunda ubuzima bw’iraha, burimo gusinda, kwishimisha bidasanzwe mu buryo bukomeye n’ibindi bisiga urwibutso rudasanzwe kuri bombi.

Nka Bull Dogg agaruka ku binyobwa n’ibiribwa benshi mu rubyiruko bakunda kwifashisha. Ariko banagaruka ku ngaruka zigera kuri abo bose bishobora mu buzima bw’iraha ntibibuke kwizigamira.

KANDA HANO WUMVE INDIRIMBO ‘MU BANIGGA’

3.Nkubona Fo

Muri iyi ndirimbo y’iminota 3 n’amasegond 14′ bahuriza ku kumvikanisha imigenzereze n’imiterere ya benshi itari ikwiriye muri sosiyete.

Bagaruka nko ku bugizi bwa nabi, uburara n’ibindi bitari bikwiye yaba mu Rwanda no mu mahanga. Nka Bull Dogg avuga ko atishimira ugerageza kwitambika umugisha we, Riderman avuga ko iyo hagize umwangisha abandi atabikunda.

Bull Dogg na Riderman bavuga ko niba hari urya ibye akarya n’iby’abandi ari ikibazo gikomeye. 

Bati 'Nkubona Fo, buri uko ukinira ku isahane y'undi muntu nkubona fo, buri uko ushatse kubanira (kwitambika) imigisha yanjye nkubona fo, iyo wibye iby'abandi nkabibona simbishima nkubona fo, iyo unyanganyije i nigga (abantu) zakoze zivunika nkubona fo, kuno ushinyagurira abo urusha ubushobozi, nkubona fo”

KANDA HANO WUMVE INDIRIMBO ‘NKUBONA FO’

4.Amategeko 10

Ni indirimbo ifite iminota 3 n’amasegonda 34′. Riderman aririmba agaragaza ko muri iki gihe benshi bimitse inzangano nyinshi, gushwana kwa buri munsi, ubutinganyi n’indi mico yimitswe n’abantu benshi muri iki gihe kandi bitari bikwiye.

Anagaruka ku rukundo rw’iki gihe rutakiramba, imiryango itandukana uko bucyeye n’uko bwije. Anavuga ko bitumvikana uburyo umuntu yiyanga kugeza ubwo yibagishije.

Bull Dogg avuga ko uburaya n’ubutinganyi bwahawe intebe muri iki gihe. Yavuze ko muri iki gihe ubuzima butoroshye, aho usanga umubyeyi afite umwana wamunaniye n’ibindi.

KANDA HANO WUMVE INDIRIMBO ‘AMATEGEKO 10’

5.Miseke igoramye

Ni indirimbo y’iminota 4 n’amasegonda 15′. Riderman aririmba avuga ko hari benshi bishushanya bagaragaza ko bakunda Hip Hop, nyamara iyi njyana batayiteza imbere nk’uko byari bikwiye.

Avuga ko abaraperi batishushanya nk’uko benshi babivuga. Bavuga ko batizera bene-muntu, ndetse ko hari benshi bakunze kurema inkuru zisubiza inyuma abakora Hip Hop, nyamara ibyo bavuga atari ukuri.

Bavuga ko bitumvikana ukuntu hari abantu bashinja abaraperi ibintu nyamara ‘tutarabikoranye’. Yunganirwa na Bull Dogg uvuga ko ‘abamusaba ibyo gukizwa nabo bisuzumye wasanga batarakizwa’.

KANDA HANO WUMVE INDIRIMBO ‘MISEKE IGORAMYE

6.Hip Hop

Ni indirimbo y’iminota 3 n’amasegonda 29′. Baririmba bumvikanisha ko injyana yaH ip Hop ariyo ivuga ukuri kurusha izindi njyana zose abana b’abantu bahimbye.

Bavuga ko izindi njyana ‘muzajye muzumvisha abakivera’. Riderman aramwunganira akavuga ko iyi njyana idasanzwe, kuko irimo ibidasanzwe, bisaba ko umuraperi ahabwa umwanya akaragaza ibimurimo byose.

Ayivuga nk’ibiganza bidasanzwe, kandi nk’intwaro ikomeye ku muraperi. Ariko kandi yiyama abantu bose baca intege abakora Hip Hop, kuko igihe kizagera iyi njyana igaciribwa inzira. 

KANDA HANO WUMVE INDIRIMBO ‘HIP HOP’

Kuri ubu ibinyamakuru by'amahanga byahagurutse mu mugambi wo gushaka guhungabanya Abanyarwanda mu bihe binjira mu matora, bitangira gusohora inkuru z'uruhererekane zigamije kwanduza isura y'u Rwanda n'ubuyobozi bwarwo, nyuma y'imyaka 30 Jenoside yakorewe Abatutsi ihagaritswe.

Ibi bikorwa byiswe 'Rwanda Classified' biri gukwirakwizwa n'ibinyamakuru bisaga 17 byiganjemo ibyo ku Mugabane w'u Burayi, bikifashishwamo abantu barahiye ko badateze kuvuga ibyiza ku Rwanda mu gihe rukiyoborwa na FPR Inkotanyi yahagaritse Jenoside.

Paul Rusesabagina wafunguwe ku mbabazi za Perezida, nyuma yo gusubira muri Amerika, akunze kwifashishwa n'abashaka kugaragaza nabi u Rwanda.

Ubwo Rusesabagina yaburanaga ibi byaha, yemereye urukiko ko ari we washinze umutwe wa MRCD-FLN wagabye ibitero by'iterabwoba mu Majyepfo y'Uburengerazuba bw'u Rwanda. Iperereza ry'u Bubiligi ryagaragaje ko yawushakiraga inkunga y'amafaranga.

Kwivuguruza byahindutse ikirango cya Rusesabagina

Rusesabagina yafunguwe muri Werurwe 2023 nyuma yo guhabwa imbabazi na Perezida Paul Kagame. Mbere yaho, nk'uko Minisiteri y'Ubutabera yabigaragaje, yari yabanje kwandika ibaruwa, asaba imbabazi ashingiye ku mpamvu zirimo uburwayi budakira afite, no ku kuba yaricujije ibikorwa MRCD-FLN yakoze, birimo kwica abasivili, igakomeretsa abandi.

Iyi Minisiteri yasobanuye ko Rusesabagina yarekuwe nyuma y'ibiganiro by'ubuhuza by'u Rwanda na Amerika, byayobowe na Leta ya Qatar, byari bigamije kureba niba yafungurwa.

Muri izi nkuru, Rusesabagina yabajijwe impamvu yafunguwe nyuma y'imyaka ibiri n'amezi arindwi kandi yari yarakatiwe igifungo cy'imyaka 25, asubiza ati 'Ni ukubera igitutu.'

Aha yirengagije ibaruwa yanditse asaba imbabazi Perezida, yemera ko yahemukiye Abanyarwanda ndetse n'umuhate wa Qatar yamwakiriye muri Ambasade yayo i Kigali.

Mu igororero rya Nyarugenge, Rusesabagina yari yarahawe icyumba cyihariye yabagamo, cyarimo iby'ingenzi byose byagombaga kumufasha kubaho neza nk'umurwayi.

Ni icyumba kigari cyabagamo igitanda, inzitiramibu n'akabati ndetse yari yaremerewe kurya indyo yihariye no gukoresha mudasobwa kugira ngo imufashe gukurikirana urubanza rwe.

Yavuze kandi ko yatotezwaga, agakubitwa, nyamara buri cyumweru yazaga gusurwa n'abayobozi ba Ambasade y'u Bubiligi n'iya Amerika mu Rwanda bagenzwa no gukurikirana imibereho ye.

Icyo gihe yanahabwaga telefone, akavugana n'umuryango we nubwo we yavuze ko yahabwaga akawumenyesha amakuru ye yose.

Muri izi nkuru Rusesabagina yivugira ko ubwo bamufunguraga, yabyemeye ari uko amaze kuvugana kuri telefone n'umukozi wa Ambasade ya Amerika mu Rwanda, ukibaza uburyo umuntu wari ufashwe nabi yakubiswe bikamenyekana ageze muri Amerika.

Ikinyoma Rusesabagina atajya asiga inyuma mu gihe aganira n'ibinyamakuru, ni uko ngo yarokoye Abatutsi bahungiye muri Hôtel de Mille Collines mu gihe cya Jenoside, nyamara abenshi mu buhamya batanze, baragaragaje ko barokowe no kuba baramwishyuye amafaranga menshi.

Igiteye agahinda muri ibi byose bikomeje gukwirakwizwa kuri Rusesabagina, ni uko nta pfunwe na mba aterwa n'abo FLN yishe mu bitero yagabye ku Rwanda hagati ya 2018 na 2019.

Bamwe barapfuye basiga imfubyi n'abapfakazi, abandi bakurizamo ubumuga budakira nyamara we aracyagaragaza ko ntacyo bimubwiye, ko azakomeza kurwanya u Rwanda kugeza ku iherezo.

Ibyo abifashwamo n'ibihugu bikomeye bimukoresha mu nyungu zabyo, kugira ngo bisebye u Rwanda cyangwa se byandike amateka yarwo uko atari, byose bigamije kuryanisha Abanyarwanda no kubasubiza inyuma.

Rusabagina yafungiwe mu cyumba cyiza, kirimo igitanda, akabati n’ameza

Ubuzima Rusesabagina yari abayemo bwari butandukanye n’ubw’abandi bagororwa, kuko yabonaga byose yakeneraga

Ibibazo byo mu Burasirazuba bwa RDC bikomeje kuba agatereranzamba atari uko byananiranye ahubwo ari uko ubutegetsi bwa Kinshasa bwatereye agati mu ryinyo, bukanga kubahiriza amasezerano yasinywe, bugashyira u Rwanda mu majwi mu mvugo za buri munsi.

Ni amasezerano agaruka ku kwambura intwaro imitwe irenga 200 ibarizwa muri iki gihugu, Abanye-Congo bavuga Ikinyarwanda bagashakirwa umutekano byuzuye, bakareka kwicwa uko biboneye, ingabo za M23 zikavangwa n'igisirikare cya RDC n'abasubizwa mu buzima busanzwe bigakorwa binyuze mu mategeko.

Ubwo yari mu kiganiro na IGIHE, Amb Mwawasi yabajijwe ku cyo Kenya iri gukora ngo iki kibazo kibe cyashyirwaho akadomo, avuga ko Kenya yakomeje gushyiraho akayo ngo ibi bibazo bikemuke binyuze mu masezerano ya Nairobi n'aya Luanda ariko bikaba bigikomeje kugorana.

Ati 'Twe twishingikirije cyane kuri ayo masezerano yombi cyane ko tubona ari yo agomba gutanga ibisubizo kuri ibyo bihugu byombi. Nizera ko uko byagenda kose igisubizo tuzagikura muri ayo masezerano yombi igihe azaba ashyizwe mu bikorwa.'

Nk'umuyobozi umaze amazi make ahawe guhagararira igihugu cye mu Rwanda, Amb Mwawasi yagarutse ku mishinga migari agiye gushingiraho mu gukomeza guteza imbere umubano w'ibihugu byombi kuri ubu uhagaze neza.

Yavuze ko nubwo atigeze arubamo ariko yahoze arwumva rutangwaho ingero nyinshi zijyanye n'uko rwiyubatse nyuma y'ibihe bigoye rwanyuzemo, bikaba akarushyo ko Abanyakenya mu biganiro byabo ari gake utasanga baruganiraho.

Ati 'Ubwo nageraga mu Rwanda bwa mbere natunguwe n'uburyo Abanyarwanda banyakiranye ubwuzu nka Amabasaseri w'Umunyakenya. Ndetse sinakwibagirwa kuvuga uko nabonye Umujyi wa Kigali uri ku murongo muri byose.'

Icyakora ku rundi ruhande ntibyamutunguye cyane ko umubano wa Kenya n'u Rwanda atari uwa vuba aha, ibituma ugendereye undi aba agomba gufatwa nk'umuvandimwe.

Ambasaderi w'igihugu runaka ni umuntu ukomeye cyane, kuko nk'uko byumvikana neza aba ahagarariye Umukuru w'Igihugu cye mu cyo yatumwemo, ahagarariye inyungu zose z'icye muri icyo gihugu kindi.

Abajijwe niba yari yarigeze atekereza ko hari igihe azahabwa izi nshingano, yavuze ko atigeze anabirota kuko byaje bimutunguye, ariko kuko hari izindi nshingano bijya gusa yari yarahawe yazakiranye yombi.

Ati 'Nakoze muri Loni cyane mu ishami ryayo riri i Nairobi, nkorera Ishami ryayo rishinzwe Kurengera Ibidukikije, ibyumvikana ko ntari mushya mu nshingano nk'izi z'ububanyi n'amahanga. Ubwo bunararibonye bumfasha gutumika izi nshingano neza.'

Kugeza uyu munsi mu Rwanda habarurwa Abanyakenya barenga 8000 bafite ishoramari rigaragara muri serivisi zitandukanye zirimo uburezi, ubuvuzi, amabanki n'ibindi byinshi.

Nko mu burezi, Kenya ifite Kaminuza ya Mount Kenya, mu itangazamakuru rikaba mu bigo bikomeye nka Rwanda Today, The East African, Royal FM na Kiss FM, mu mabanki rikaba muri BPR Rwanda Plc ndetse Abanyakenya baherutse kugura iyari Cogebanque, ubu yabaye Equity.

Izindi banki zisanzwe mu Rwanda zifite inkomoko muri Kenya harimo nka Guaranty Trust Bank Rwanda Plc yihuje na Fina Bank mu 2013 na NCBA Bank Rwanda Plc nyuma yo kwihuza kwa CBA na Crane Bank mu 2018.

Amb Mwawasi ati 'Dufite ibigo byinshi by'Abanyakenya biri mu bucuruzi hano. Ubucuruzi hagati y'u Rwanda na Kenya bukomeje kuzamuka umunsi ku wundi, ibyo tuzakomeza kubiha imbaraga ariko ikirenze ibyo ni Umuhora wa Ruguru.'

Uyu muhora Amb Mwawasi avuga ni inzira y'ubwikorezi ihuza Kenya, Uganda, u Rwanda, u Burundi, Uburasirazuba bwa RDC na Sudani y'Epfo, akavuga ko u Rwanda rutahwemye gukora uko rushoboye ngo rube ahantu heza Abanyakenya bakorera, na we mu bimuraje ishinga ari ukuwuzamura.

Ati 'Twakoze byinshi, n'inzinduko zitandukanye. Twashakaga kureba uko twateza imbere ubucuruzi, cyane cyane tugaha imbaraga Umuhora wa Ruguru. Ni ibintu by'ingenzi kuri njye ndetse mu mwaka ushize ubwo Perezida [Ruto] yari yatumiwe na mugenzi we Perezida Paul Kagame, twasinye amasezerano atandukanye.'

Yerekanye ko amwe mu masezerano amaze gushyirwa mu bikorwa andi hakaba hategerejwe kuyasuzuma bitarenze uku kwa Gatandatu, byose bikajyana no kwita ku Banyakenya barenga 8000 baba mu Rwanda.

Muri Mata 2023 u Rwanda na Kenya byasinyanye amasezerano 10 agamije ubufatanye mu ngeri zirimo uburezi, ikoranabuhanga, ubuhinzi n'izindi, aho ibihugu byombi biyitezemo ko azarushaho guteza imbere abaturage babyo.

Amb Mwawasi yavuze ko abiri muri yo yamaze gushyirwa mu bikorwa, andi bari gukorana na Minisiteri y'Ububanyi n'Amahanga y'u Rwanda ngo barebe ko yasuzumwa muri Kamena 2024, bikazakorwa mbere y'amatora ateganyijwe mu Rwanda, akerekana ko byose bigeze ahashimishije.

Ku mushinga wo kwagura Umuhanda wa Gare ya Moshi wa Kenya ugakomereza muri Uganda no mu Rwanda, uyu muyobozi yavuze ko ubu Kenya igiye gukorana na Uganda, hagatangirirwa mu bice bya Naivasha.

Ati 'Bagahera za Naivasha aho ugarukiye ugakomereza Kisumu, ukambuka ukagera Malaba. Ibyo ni byo byari bikenewe cyane byaganiriweho mu nama iherutse kubera i Mombasa ariko nziko u Rwanda, Uganda na Kenya biri gufatanya mu gushaka amafaranga y'uwo mushinga Naivasha kugera Malaba.'

Amb Mwawasi akavuga uyu muhanda wa Naivasha – Malaba nuramuka wuzuye uzarufasha kwishyura make ku bijyanye n'ibicuruzwa kuko abacuruzi bazajya bafata ibicuruzwa i Malaba byoroshye bitandukanye n'inzira isanzwe ikoresha umuhanda wa Gare ya Moshi uva Mombasa ujya Nairobi.

Ati 'Ubu ibicuruzwa bigera Naivasha, bigasaba ko babipakira mu mamodoka bagakoresha umuhanda, ibisa no kwishyura kabiri. Wishyura umuhanda ukongera kwishyura gare ya moshi, ibigaragaza ko ibihugu byose haba Kenya n'u Rwanda bizabyungukiramo umunsis uzaba wuzuye.'

Ambasaderi wa Kenya mu Rwanda, Janet Mwawasi Oben yagaragaje ko ikibazo cya RDC kizakemurwa no kubahiriza amasezerano Luanda n’aya Nairobi

Amatora y'Umukuru w'Igihugu n'abadepite ateganyijwe ku cyumweru taliki 14 Nyakanga ku Banyarwanda baba hanze y'igihugu no kuwa mbere taliki 15 Nyakanga 2024 ku batuye imbere mu gihugu. Ni amatora ya kane U Rwanda rugiyemo kuva Jenoside yakorewe Abatutsi ihagaritswe n'Ingabo za FPR Inkotanyi, akaba aya mbere ahujwe n'ay'abadepite akazabera umunsi umwe.

Aya matora ni amatora adasanzwe ku Rwanda kuko abaye mu gihe rwibuka imyaka 30 ishize Jenoside yakorewe Abatutsi ihagaritswe, n'imyaka 30 igihugu cyibohowe ndetse ko aje mu gihe u Rwanda ruri mu ntangiriro z'icyerekezo gishya cy'iterambere, Vision 2050.

Komisiyo y'Igihugu y'Amatora, NEC, igaragaza ko kuri iyi nshuro Abanyarwanda basaga miliyoni 9.5 ari bo bazitabira amatora, barimo miliyoni ebyiri bazatora bwa mbere. Nibwo bwa mbere u Rwanda rugize ubwitabire bwinshi bw'abazitabira amatora ugereranyije n'andi matora yayabanjirije.

Imyiteguro yo kwakira abakandida yaratangiye taliki 17 Gicurasi haba ku mwanya wa Perezida wa Repubulika ndetse no ku myanya 53 y'abadepite itorerwa muri 80, bikazasozwa taliki 30 Gicurasi, hakazatangazwa urutonde rwa burundu rw'abemerewe kwiyamamaza taliki 14 kamena 2024. Komisiyo y'Amatora iherutse kugaragaza ko n'ubwitabire buri hejuru.

Ibyavuye mu matora bizatangazwa Taliki 20 Nyakanga naho ibya burundu bikazatangazwa Taliki 27 Nyakanga 2024.