Category: Uncategorized

Ni indirimbo yasohotse mu ijoro ryo kuri uyu wa Kabiri tariki 4 Kamena 2024, isamirwa hejuru n'abarimo abayobozi ahanini biturutse ku butumwa uyu muhanzi yakubiye muri iyi ndirimbo.

Nka Minisitiri w’urubyiruko n’Iterambere ry’Ubuhanzi, Dr Utumatwishima Abdallah, yanditse kuri konti ye ya X [Yahoze ari X] agira ati 'Singire uwo nzumva ngo Nywe Mana uturindire u Rwanda, uturindire n'umusaza.'

Minisitiri Utumatwishima yashimye Nel Ngabo ku bw'iyi ndirimbo ivuga ahashize ndetse n'ahazaza, kandi ashima Clement wagize uruhare mu ikorwa ryayo.

Ni mu gihe Ambasaderi w’u Rwanda mu Buholandi, Olivier Nduhungirehe yanditse agira ati 'Singire uwo numva ngo “nywe”! Yaba umunyamakuru w’umubirigi, uw’umufaransa cyangwa umuholandi!'

Nel Ngabo yabwiye InyaRwanda ko kuvugurura iyi ndirimbo akayihuza no kwamamaza Perezida Kagame mu matora ateganyijwe y'Umukuru w'Igihugu, kubera ko yakozwe ku mutima n'ibikorwa Umukuru w'Igihugu amaze kugeza ku Banyarwanda.

Ati 'Iyi ndirimbo nayivuguruye kubera ko mbere na mbere ndi umufana wa Nyakubahwa Perezida Kagame. Kandi nashakaga gutanga umusanzu wanjye mu kumwamamaza, urebye ni byo. Ariko mbere na mbere ni uko ndi umufana, kandi nanjye, ibyiza yatugejejeho ndabyishimira nk'undi munyarwanda wese.'

Nel Ngabo usanzwe ari umwe mu bahanzi b'ikiragano gishya mu muziki, avuga ko iyi ndirimbo ayifata nk'idasanzwe mu rugendo rwe rw'umuziki, kuko yagiye yakira ibitekerezo by'abantu banyuranye, bagaragaza ko banyuzwe n'ibyo yaririmbye.

Ati 'Nyifata nk'iy'ibihe byose (indirimbo) mu rugendo rwanjye rw'umuziki. Navuga ko ari indirimbo idasaza kuri njye.'

Amashusho y'iyi ndirimbo yafashwe mu byumweru bibiri bishize, agaragaza ibikorwa binyura by'iterambere u Rwanda rumaze kugeraho n'imishinga ihanzwe amaso. Yanditswe na Ishimwe Karake Clement afatanyije n'umwanditsi ubimazemo igihe kinini, Danny Vumbi.

Muri iyi ndirimbo hari aho Nel Ngabo aririmba agira ati 'Dore abapinga bahagurutse barashaka ko twangara birenze. Nyagasani Mana badukize, dukomeze inzira igana imbere. Uturindire u Rwanda, urinde n'Umusaza.'

Hari ahandi aririmba agira ati 'Akomeje guhesha Umunyarwanda wese ishema, ibikorwa bye ubwabyo birivugira… Mana uturindire u Rwanda, utirindire n'Umusaza. Twamuhisemo batureba, u Rwanda rutubana ubuki, Yarukuye habi cyane, bamwe banze ko rutuza, ubu baravuga ngo nywe!'

Nel Ngabo yatangaje ko yasubiyemo indirimbo ye 'Nywe' bitewe n'uko yakozwe ku mutima n'ibikorwa Perezida Kagame amaze kugeza ku Banyarwanda 

Nel Ngabo yavuze ko iyi ndirimbo ari umusanzu we mu kwamamaza Perezida Kagame mu matora ateganyijwe muri Nyakanga 2024 

Director Gad ari kumwe na Nel Ngabo mu ifatwa ry’amashusho y’iyi ndirimbo

Nel Ngabo yafatiye amwe mu mashusho y’iyi ndirimbo muri Sitade Amahoro 

KANDAHANO UREBE AMASHUSHO Y'INDIRIMBO 'NYWE PK24' YA NEL NGABO

Iyi siporo yayitangiye kuwa Mbere saa tatu za mu gitondo ayisoza kuwa Kabiri n’ubundi saa tatu za mu gitondo. Izi siporo ntabwo yazikoze wenyine kuko yagiye akorana n’abahanzi, abayobozi, abanyamakuru n’abandi nubwo bo batamaze ayo masaha nk’aye.

Bamwe mu bayobozi bafatanyije nawe harimo Jackie Lumbasi wahoze ari Umuyobozi wa Royal FM, Umuyobozi Mukuru wa Rwanda Cooperation Amb. Christine Nkulikiyinka, Ambasaderi w’Umuryango w’Ubumwe bw’u Burayi mu Rwanda, Beleven Calvo Uyarra ndetse n’Umuyobozi Mukuru wa Rwanda Green Fund, Teddy Mugabo.

Will Wilson yavuze ko izi siporo ziri mu bukangurambaga bwo kurwanya kanseri no kuyitahura kare ariko zigamije no gukusanya amafaranga yo gufasha Rwanda Cancer Relief; umuryango w’abavura kanseri wigisha ukanahugura abaganga uko batahura kanseri hakiri kare.

Ku ikubitiro nk’uko yabitangaje abinyujije ku rubuga rwe rwa X yahise akusanya arenga Miliyoni 3 z’amafaranga y’u Rwanda. Uyu mugabo w’imyaka 46 usanzwe ari umufotozi w’inyamanswa avuga icyamuteye kujya muri ubu bukangurambaga ari uko umugore we yavuwe akanakira kanseri y’uruhu n’iyi ibere. 

Niyo mpamvu yari afite intego yo gukora siporo zifite ibirometero bingana n’ibiri hagati ya Kigali n’ibitaro biri i Londres aho umugore we yavuriwe kanseri umwaka ushize.

Umuyobozi mukuru w’Ishami ry’Umuryango w’Abibumbye ryita ku Buzima Dr. Brian Chirombo nawe wari witabiriye ubukangurambaga bwo kurwanya kanseri no kwiyitahura kare bwa Will Wilson yavuze ko hagikenewe imbaraga mu buvuzi bwa kanseri n’izindi ndwara zitandura zingana nk’izashwizwe mu kuvura no kuryanya indwara zandura nka malaria, virusi itera SIDA n’izindi.

Kuwa Kabiri Will Wilson abinyujije ku rubuga rwe rwa X yavuze ko amasaha 24 yayarangije ndetse anashimira abamufashije.

Will Wilson wamaze amasaha 24 akora siporo ataruhuka 

Will Wilson yakoranye iyi siporo n’abantu batandukanye 

Kugeza ubu hari indirimbo zengetse zitezweho gufasha abanyarwanda kuryoherwa n'impeshyi bitewe n'ubuhanga zikoranwe ndetse n'abazigizemo uruhare. Mu njyana zose, abahanzi nyarwanda barakaniye bisobanuye ko nta muntu n'umwe uzagira irungu muri iyi mpeshyi.

Mu minsi ishize, nibwo umuhanzi akaba na Producer Mugisha Robinson wamamaye nka Element Eleéeh yatangaje ko agiye gutangira gushyira hanze indirimbo zikoze mu njyana ya Afro Gako. Kuri ubu rero yamaze gushyira ahagaragara amashusho y'indirimbo iri kwigarurira abantu mu buryo budasanzwe, akaba yarayise 'Milele.'

Iyi ndirimbo imaze amasaha 24 gusa igiye ahagaraga, imaze kurebwa n'abarenga ibihumbi 210 kuri YouTube. Iyi ndirimbo ni nayo iyoboye urutonde rw'indirimbo zitezweho kwinjiza no gususurutsa abanyarwanda muri iki gihe cy'impeshyi bari kwinjiramo.

Kuri uru rutonde kandi, hariho indirimbo zinyuranye zagiye zisohoka mu bihe bitandukanye kuva uyu mwaka watangira, ariko zikaba zikomeje gutigisa imbuga no kwigarurira imitima y'abakurikiranira hafi umuziki nyarwanda.

Mu ndirimbo ibihumbi n'ibihumbi zagiye agahagaraga muri uyu mwaka, InyaRwanda yaguhitiyemo 20 gusa zakwinjiza neza mu mpeshyi ya 2024:

1.     Milele — Element

“>

2.     Jugumila — DJ Phil Peter ft Chriss Eazy & Kevin Kade

“>

3.     Molomita — Gad ft Nel Ngabo & Kenny Sol

“>

4.     Vole — Christopher Muneza

“>

5.     Ni Danger Remix — Bwiza ft Danny Vumbi

“>

6. Tuliwawelu (We Outside) Dj Marnaud Feat Kevin Klein & Davydenko

“>

7.     Bwe Bwe Bwe — Bruce The 1^st ft Ish Kevin, BullDogg & Kenny K-Shot

“>

8.     Miseke Igoramye — Riderman & BullDogg

“>

9.     Siba — Papa Cyangwe

“>

10. Follow Me — Shema Tattoo ft Mistaek , Afrique & Bushali

“>

11. Impamvu — Kivumbi King

“>

12. Hawayu – Yampano

“>

13. Golo — Passy Kizito

“>

14. Nipe — Mr. Kagame

“>

15. Mpa Wowe — Calvin Mbanda

“>

16. On God – RunUp & Pallaso

“>

17. Ntiwamvamo — Logan Joe ft Kenny K-Shot

“>

18. Sinabyaye — Zeo Trap

“>

19. Naragusariye — Li John ft Pamaa

“>

20. Ndagaswi — Juni Quickly ft  BlueBoy, Concept, Hollix 

“>
 

Mu ijoro ryo kuri uyu wa Kabiri rishyira ku wa Gatatu, nibwo ikipe ya Police FC yashoje gahunda zo gusinyisha rutahizamu Ani Elijah wari umaze iminsi avugwa mu makipe atandukanye. Uyu rutahizamu ukomoka muri Nigeria yishyize umukono ku masezerano y’imyaka ibiri, atanzweho Miliyoni zisaga 40.

Ani Elijah yari amaze hafi ukwezi avugwa mu ikipe ya Police FC gusa bikaba ibyo gusinya bitari byagakozwe. Ikipe ya Police FC yitegura gusohokera u Rwanda mu mikino ya CAF Confederation Cup yaguze umwaka wa Ani yari afite muri Bugesera FC ndetse banamuha amafaranga ye bwite yo gusinya umwaka wa kabiri.

Ubwo Police FC yatangiraga urugendo rwo gushaka Ani Elijah, ikipe ya APR FC nayo yaje kubijyamo ariko iza guhita ikuramo akayo karenge kubera kwanga guhangana.

Mu cyumweru gishize ikipe ya Rayon Sports nayo yaje gushaka uyu mukinnyi ndetse ifite n’amafaranga yo guhita imugura yamaze no kumvikana ba Bugesera FC, ariko Uwayezu Jean Fidele uyobora Rayon Sports aza kugira ubwoba bwo guhangana na Police FC ahita abivamo.

Ani Elijah umaze gukina umwaka wa mbere mu Rwanda, ari mu bakinnyi batsinze ibitego byinshi kuko we na Victor Mboama bose bakomoka muri Nigeria, batsinze ibitego 15.

Ani Elijah ikipe ya Police FC niyo yagaragaje cyane ko yari imukeneye none birangiye imwegukanye 

Ani aherutse guhamagarwa mu ikipe y’igihugu Amavubi gusa kubera kubura ibyangongwa bimwemerera kuyikinira ntabwo yabashije kujyana n’abandi 

Ani ni umwe mu bakinnyi bahataniye ibihembo by’umukinnyi witwaye neza muri shampiyona y’umwaka utambutse

Umunya-Nigeria wakiniraga Bugesera FC, Ani Elijah yamaze gusinyira Police FC amasezerano y’imyaka ibiri.

Uyu rutahizamu yatsinze ibitego byinshi muri shampiyona ya 2023-24, aho yatsinze ibitego 15 anganya na rutahizamu wa APR FC, Victor Mboama.

Uretse Police FC na Rayon Sports yari yamweretse ko imukeneye ariko ibiganiro ntibyagenda neza bitewe n’ibyo uruhande rwa Ani Elijah rwifuzaga.

Police FC imaze igihe mu biganiro na Ani Elijah wari usigaranye umwaka umwe wa Bugesera FC, gusa byaragoranye kuko amafaranga yatangaga yari make.

Police FC yari yiteguye kwishyura miliyoni 30 Bugesera FC ariko iza kunaniranwa n’ayo iha Ani Elijah.

Amakuru ISIMBI yamenye ni uko uyu rutahizamu yamaze gutangwaho miliyoni 50 z’amafaranga y’u Rwanda, miliyoni 30 zikazajya muri Police FC izindi 20 zigatwarwa n’umukinnyi.

Umutoza wa Rayon Sports, Umufaransa Julien Mette yageze mu Rwanda aho avuye gukarishya ubumenyi.

Nyuma y’umwaka w’imikino wa 2023-24 Julien Mette wari usoje amasezerano ye muri Rayon Sports yahise ajya muri Maroc kwigira License A ya CAF kugira ngo igihe azaba agitoza muri Afurika n’abona ikipe azabashe gutoza imikino Nyafurika kuko License A ya UEFA afite itamwemerera gutoza imikino Nyafurika.

Ku Cyumweru tariki ya 2 Kamena 2024 ni bwo yageze mu Rwanda, ubu intambwe ikurikiyeho ni ukuganira na Rayon Sports ku kuba yakongera amasezerano.

Amakuru ISIMBI yamenye ni uko Rayon Sports yifuza kugumana uyu mutoza ni mu gihe na we yiteguye kuyigumamo mu gihe baba bumvikanye.

Byitezwe ko Julien Mette ari we uzasoza icyiciro cy’igeragezwa ry’abana 46 bamaze iminsi bakoresha bashakamo 2 bazamuka mu ikipe nkuru, ni mu gihe hazatoranywamo abandi bajya mu bato b’iyi kipe.

‘

Rayon Sports igiye kujya ku isoko ry’abakinnyi n’icyizere cyinshi, ni nyuma y’uko menshi mu mafaranga yari yiteze yamaze kuboneka.

Iyi kipe yari imaze igihe ituje, benshi bibaza uko izabaho umwaka utaha w’imikino wa 2024-25 kuko abakinnyi ba yo benshi bamaze gusoza amasezerano kandi bikaba bigaragara ko nta mikoro yo kongeramo abandi.

Iyi kipe yaratuje ikora ibintu bya yo bucece, mbese byari “akabigira kabizi karya imboga karitse”, na yo yakomeje kugaragaza ko nta bushobozi kuko aho bari biteze amafaranga yari ataraza.

Amakuru ISIMBI yamenye ni uko byibuze 85% by’amafaranga iyi kipe izakoresha mu kugura abakinnyi banongerera abandi mu mwaka utaha w’imikino bamaze kuyabona.

Ubusanzwe amafaranga ya mbere y’ibanze ikoresha mu kugura abakinnyi ni amafaranga y’abaterankunga bo ku kuboko, kandi bategekeka aba baterankunga kuyatangira rimwe.

Amakuru ISIMBI yamenye ni uko umuterankunga mukuru wa Rayon Sports, Skol yamaze guha iyi kipe miliyoni 120 z’amafaranga y’u Rwanda izifashisha mu kugura abakinnyi (aya ntaho ahuriye n’ayari mu masezerano batanga buri kwezi), yamaze kugera kuri konti.

Iyi kipe kandi yamaze kwakira amafaranga y’umuterankunga mushya baheruka gusinyana wa Tap&Go bagomba kuzaba bambaye ku kaboko. Ku mwaka agomba kujya yishyura miliyoni 68, yamaze kuzishyura.

Aya akaza yiyongera ku mafaranga ya Kompanyi ya Choplife na yo bambara ku kaboko agomba kwiyongera kuko ubuyobozi bwa Rayon Sports ku wa Mbere bwabonanye na nyirayo, Mr Eazi wari mu Rwanda, baganira uburyo bwo bakongera amafaranga bahaga iyi kipe nubwo hataramenyekana ayo bongereyeho, ubusanzwe bishyuraga miliyoni 54 z’amafaranga y’u Rwanda ku mwaka.

Aya mafaranga akaba yiyongera ku mafaranga abakunzi ba Rayon Sports bakusanya yo kwisinyishiriza umukinnyi bashaka ushobora kuba Muhire Kevin. Ayo mafaranga yose iyo uyateranyije aragenda akagera muri miliyoni hafi 300.

Rayon Sports ikaba igiye gutangira kujya ku isoko ry’abakinnyi izakoresha umwaka w’imikino aho hari akanama kashyizweho ndetse bazafatanya n’umutoza Julien Mette. Byitezwe ko uyu mwaka izagura abakinnyi bashoboye atari ibyo kuzuza umubare, nishaka izakoresha abakinnyi 20 ariko yizeye neza ko bazatanga umusaruro.