Category: Uncategorized

Yabigarutseho ubwo yari mu mwiherero w'Inama Njyanama y'Akarere waganiriye ku buzima bw'akarere.

Kimwe mu bibazo uyu mwiherero waganiriyeho ni ikibazo cy'umubare munini w'abadafite akazi muri aka karere. Ibarurishamibare rigaragaza ko abadafite akazi mu karere ka Rusizi bagera kuri 26,5%.

Ni ikibazo ubuyobozi bw'akarere bugaragaza ko giterwa no kuba hari abasore n'inkumi basuzugura imirimo y'amaboko, ngo bategereje akazi ko mu biro.

Iki kibazo ubuyobozi buvuga ko giteye impungenge ko abo basore n'inkumi binemfaguza imirimo y'amaboko hari impungenge z'uko bashobora kwishora mu butekamutwe no mu bujura, bagahita inkomyi y'umutekano mu muryango nyarwanda.

Dr Odette Uwizeye, Umuyobozi w'Inama Njyanama y'Akarere ka Rusizi usanzwe ari umukozi wa Kaminuza y'u Rwanda yavuze ko iki kibazo cy'abasuzugura imirimo y'amaboko no muri Kaminuza y'u Rwanda bakibona kuko hari abanyeshuri ba Kaminuza y'u Rwanda bava mu biruhuko badafite amafaranga yo kwiyandikisha, bikaba ngombwa ko akatwa ku mafaranga bagenerwa yo kubatunga azwi nka buruse.

Ati 'Iyo utarabona akazi utekereza ko wabona ibyiza ujya mu gahari ufitiye ubushobozi'.

Umuyobozi w'Akarere ka Rusizi Dr Anicet Kibiliga yavuze ko aka karere gafite amahirwe yo kuba hari imirimo myinshi irimo kubaka imihanda, gutera ibiti by'imbuto n'amashyamba.

Ati 'Akazi ni akazi ikizima ni amafaranga. Akarere kacu kabonye inkunga nyinshi mu mishinga yo gutera ibiti by'imbuto n'amashyamaba. Hari imihanda iri kubakwa. Iyo mirimo yo guterura amatafari, guhereza amazi ni imirimo twese twakuze dukora'.

Mu rwego rwo guhangana n'ikibazo cy'ibura ry'akazi, Guverinoma y'u Rwanda yihaye intego yo guhanga imirimo mishya 1 498 000 idashingiye ku buhinzi n'ubworozi kuva mu 2017 kugera mu 2024.

Magingo aya mu Rwanda abadafite akazi ni 17%, intego ya Guverinoma y'u Rwanda ni uko mu 2050 abadafite akazi bagomba kuzaba batarenze 5%.

Meya Kibiliga yabwiye urubyiruko rusuzugura imirimo y’amaboko ko nawe yabyirutse ayikora

Meya Dr Kibiliga yakebuye urubyiruko rw’i Rusizi rusuzugura imirimo y’amaboko, avuga ko iyi mirimo we na bagenzi babyirutse bayikora

Ibi bituma abantu bibaza itandukaniro ryo kwitwa ishyaka n'Umuryango, n'impamvu FPR-Inkotanyi yitwa 'Umuryango aho kwitwa 'ishyaka'.

Umunyamabanga Mukuru w'Umuryango FPR-Inkotanyi, Gasamagera Wellars, yavuze ko Umuryango wa FPR-Inkotanyi atari ishyaka.

Yagize ati “Umuryango wa FPR-Inkotanyi si ishyaka, Umuryango wa FPR-Inkotanyi, ni umutwe wa politiki, ufite kuva ugishingwa mbere na mbere, kwifuza ko wahuza Abanyarwanda bose. Abanyarwanda bose bakajyamo nta n'umwe uhejwe ariko nta n'umwe ubihatiwe.”

Yavuze ko bisaba umutima w'umuntu kugira ngo winjire muri FPR-Inkotanyi. Ati “Iyo uwugiyemo nta karita baguha, ni umutima wawe ujyanamo ndetse n'aho ushakiye, ushobora kuwuvamo. Nabyo biremewe.”

Uyu muyobozi yavuze ko n'iyo umuntu yavuye mu Muryango wa FPR-Inkotanyi, aba ashobora kongera kuwugarukamo.

ati “Aha nirirwa nakira amabaruwa y'abantu bambwira ngo twavuye mu Muryango ariko turashaka kuwugarukamo. Icyo kintu rero cyo guhuza Abanyarwanda bose nicyo dushyira imbere.”

@rpfinkotanyi

Why is FPR-Inkotanyi a community and not a political party? “The reason is that we focus on uniting all Rwandans without exclusion or coercion.'

♬ original sound – FPR-Inkotanyi

Kuki FPR-Inkotanyi yitwa Umuryango, aho kuba ishyaka?

'Impamvu ni uko duhuje Abanyarwanda bose kandi twifuza ko nta n'umwe uhezwa.' pic.twitter.com/Eefi2nwYJd

— FPR-Inkotanyi (@rpfinkotanyi) June 4, 2024

Yavuze ko iyi myitwarire itandukanye n'imyitwarire iranga amashyaka.

ati “Ishyaka rigira abantu barijyamo, aho baba bari bikamera nka 'club' kuko utarimo ntabwo aba arimo. Ariko twebwe turavuga ngo n'utarimo na we naze. Niyo mpamvu rero tutabyita ishyaka rya politiki, tukaryita Umuryango kuko duhuje Abanyarwanda bose babishaka kandi twifuza ko nta n'umwe wahezwa cyane cyane iyo twemeranya kuri ya mahame tugenderaho.”

Yakomeje agira ati “Ntabwo tubyita ko ari ishyaka, tubyita ko ari Umuryango kuko tudaheza, kuko tutagira ikarita y'umunyamuryango (membership), [kandi] twifuza ko n'abo batari abanyamuryango [members] nabo bazamo.”

FPR Inkotanyi yavutse ku wa 25 Ukuboza 1987 nyuma y'inama ya RANU yafatiwemo umwanzuro wo gutangiza uyu muryango ndetse hashyirwaho abakada, urugaga rw'urubyiruko n'urw'abategarugori.

Iri rushanwa ngarukamwaka riri mu marushanwa 3 akomeye muri Afurika yo gusiganwa ku maguru, rizaba tariki 9 Kamena 2024 aho abasiganwa bazazenguruka umujyi wa Kigali. Riba rifunguye kuri buri muturage wese utuye Isi, ibihugu 34 ni byo bimaze gutanga abantu biyandikishije muri iri rushanwa rigiye kuba kunshuro ya 19. 

Ibyo bihugu ni; U Rwanda, Kenya, Uganda, Belgium, Japan, Spain, France, China, Tanzania, USA, UK, South Sudan, Zambia, Zimbabwe, Ethiopia, Eritrea, Netherlands, South Africa, Denmark, Poland, Canada, Ghana, Nigeria, Senegal, Italy, Jamaica, Argentina, Mexico, Brazil, Signapore, Sweeden, DR Congo, Norway na Cheque Republique.

Kugera ubu imibare iragaragaza ko abantu bangana n’ibihumbi 6,131 ari bo bamaze kwiyandisha bemeza ko bazitabira iri rushanwa. Abantu bagera ku bihumbi 3,356 nibo bamaze kwiyandisha bazava hanze, naho abantu ibihumbi 2,775 bakaba ari bo bamaze kwiyandikisha b’imbere mu gihugu.

Irushanwa rya Kigali International Peace Marathon ubwo riheruka gukinwa tariki 11 Kamena 2023 ryagukanwa na George Onyancha ukomoka muri Kenya, mu gihe muri Half Marathon na bwo umunya-Kenya Kipyeko Kennedy yabaye uwa mbere, mu bagore, ritwarwa na Moseti Winfridah Mora.

Abantu basaga 2,878 nibo bamaze kwiyandikisha muri Half Marathon

Abantu 694 ni bo bamaze kwiyandisha muri Full Marathon

Abantu 2559 ni bo bamaze kwiyandikisha muri Run for peace

Kwiyandikisha biracyafunguye ku bantu bose bashaka kwitabira

Korali Yesu Araje ibarizwa mu Itorero ry’Abadivantiste b’umunsi wa karindwi rya LMS Kamukina mu Mujyi wa Kigali. Igizwe n’abaririmbyi b’intyoza mu majwi, baririmba nta byuma. Yamenyekanye nka korali y’abasore bane gusa, ariko babiri bamaze kuyisezeramo.

Abari bayigize ni Muhayimana Elisa Claude (Tenol), Nsengimana Amiel (Bass), Twayinganyiki Edgard (Soprano) na Mudagani Pilote (Alto). Mu mezi macye ashize Muyahimana Elisa Claude na Mudagani Pilote basezeye iyi korali, bishavuza benshi.

Yesu Araje choir yamamaye mu ndirimbo zitandukanye nka Nta munyagara w’isengesho, Bundi bushya, Nzaguruka, Zakayo, Yobu, Golgotha n’izindi. Mu myaka 6 ishize batubwiye ko bafite indirimbo zirenga 150 zanditse na 48 zikoze, birumvikana ubu zariyongereye cyane.

Nta mukobwa wigeze aririmba muri iyi korali kubera ko “abakobwa akenshi baragorana iyo hajemo ibintu byo kujya kuririmba ahantu mu misozi bidusaba kugenda n’amaguru cyangwa Repetitions zacu ntibazishobora turepeta akenshi nijoro bitewe n’ubuzima.”

Umwe mu batumye iyi korali iba ubukombe ni Elisa Muhayimana [Elsa Cruz] kuri ubu uri kuririmba ku giti cye. Nyuma yo gufata uwo mwanzuro, yashinjwe gusenya korali, kwiba Cano  ya Korali ndetse hanavugwa ko yahagaritswe mu Itorero aryozwa guhemukira Yesu Araje.

Mu kiganiro na inyaRwanda, Elsa Cruz yakuye igihu ku byamuvuzweho byose anavuga byinshi ku rugendo rwe rushya amazemo amezi ane (4). Yavuze ko kuririmba ku giti cye yari asanzwe abikora ari no muri korali ariko “nkabikora kubera impamvu runaka”.

Mu bikorwa yamye aririmbamo nk’umuhanzi wigenga akiri no muri Yesu araje, harimo ubukwe n’ibirori binyuranye. Nyuma yo kubyara imfura ye n’umugore we Chantina, yahise akora indirimbo y’ishimwe ndetse hari n’iyo yakoze ubwo yasozaga Kaminuza. Ibyo byose byatumye “nkora indirimbo iri personal [yanjye bwite]”.

Elsa Cruz yavuze ko kuba atakiririmba muri Yesu Araje choir “ntacyo twapfuye kindi, ahubwo ni uko abayigize nabonaga tudafite icyerekezo kimwe kandi nta bajyana batasezeranye, byabaye ngombwa ko jye na mugenzi wanjye Mudagani Pilote tuyisezera.”

Yikije ku byo yavuzweho birimo kuba yarahagaritswe n’Itorero, abyamaganira kure. Ati “Ibyavuzwe ni byinshi nyuma y’uko tuvuye muri korali, ariko ukuri guhari ni uko ari njye na mugenzi wanjye Mudagani Pilote twayisezeye tukanabimenyesha itorero mu nyandiko”. 

Yatangaje ko atigeze ahagarikwa mu Itorero, ndetse ko abanye neza n’abo bahoze baririmbana kuko basengana, ati “Nyuma yo gusezera ntabwo itorero ryigeze riduhagarika rwose, turi abizera basanzwe b’itorero, turaterana, icyo twahagaritse ni ukuririmba muri Yesu araje choir. Turasengana bararirimba nanjye nkaririmba.” 

Elsa Cruz wari umaze imyaka myinshi muri Yesu Araje choir anayibereye umuyobozi, kuririmba ku giti cye biri ‘official’ yabitangiye mu kwezi kwa Mbere kwa 2024. Ku bya Cano ari gushyiraho indirimbo ze kandi yarahoze ikoreshwa na Yesu Araje choir, yavuze ko yari yarayibatije, nyuma yo gutandukana arayisubiza, ariko abemerera ko bajya bakoresha indirimbo ziriho.

Elsa Cruz yakuye igihu ku makuru yakurikiye isezera rye muri Yesu araje choir

Elsa Cruz amaze gukora indirimbo 3 ari zo: “Si Ubusa”, “Burya” na “Kwimuka”, ndetse n’iyindi imwe yo Kwifatanya n’Abanyarwanda mu bihe byo kwibuka ku nshuro ya 30 Jenoside yakorewe Abatutsi muri Mata 1994. Ni indirimbo yise “Ni nde wundi”, akaba yarayikoranye n’abakunzi be bagize itsinda ryitwa EL Music Group.

Indirimbo ze ziri kuryohera benshi ukurije igihe gito amaze. “Si ubusa” yatangiriyeho, imaze kurebwa n’abarenga ibihumbi 29. Indirimbo ye ya kabiri yise “Burya” ft Chantina, yo yarakunzwe bihebuje kuko imaze kurebwa n’abarenga ibihumbi 71 kuri Youtube. 

Indirimbo ye nshya iri hanze yitwa “Kwimuka”. Ni indirimbo yaje nyuma yo kubona abantu benshi bihana bafite ikindi bararikiye “mbihuza n’uburyo Nowa yimutse ategetswe kubaka inkuge ahabwa amabwiriza yuko izaba ingana, igiti azayibazamo”. 

Yahuje ubutumwa bwo muri Bibiliya n’ubwo muri ubu buzima, agira icyo asaba abakristo, ati “Natwe rero mu gihe twihana, tugomba kugendera ku mabwiriza y’Imana kuruta kurebera ku bashumba, ku rushako ahubwo kurebera kuri Kristo ni bwo uzaba wimutse by’ukuri.”

Elsa Cruz yakomoje ku nzira n’inzozi afite mu muziki yinjiyemo nk’umuhanzi ku giti cye, avuga ko ari ndende “ariko ku bwo gufashwa n’Imana mu myaka 10 ndumva nzaba ndi inyenyeri mu bavugiramana itorero ryacu ry’Abadiventistes rizaba rifite”.

Yahishuye ko nubwo amaze gukora indirimbo 3 gusa, ari kwakira ubutumire “Invitations” bwo kujya kuririmba ahantu hatandukanye, “ariko sindabitangira, ndifuza kubanza ngatunganya ibihangano bihagije n’ibikorwa bifatika kuko sinteganya kuririmba gusa”.

Yatanze urugero rugaragaza ko adashyize imbere kuririmba gusa, avuga ko “nk’ubu muri kuno kwezi kwa 6 njyewe n’abakunzi banjye hari umuntu tuzaremera warokotse Jenoside yakorewe Abatutsi, nk’igikorwa nari nsanzwe ntegura nkiba muri Yesu araje.”

Ati “Abakunzi b’umuziki wa Gospel bo bangirire icyizere sinzabatenguha, Imana yampaye ibintu byose byatuma mbakorera ibihangano byiza. Naho abahanzi ba Gospel bo ndabasaba gushyigikirana kuko turi abakozi twese mu ruzabibu rumwe rwa Data, turi gukorera Data umwe, turerekeza mu ijuru rimwe ibidutanya bibe kure yacu rwose.”

Elsa Cruz yateguje imishinga ikomeye mu muziki anakomoza ku kwizera Imana yasekeje Chryso Ndasingwa

Inkuru yaryoheye abakunzi b’umuziki wa Gospel ndetse ikaba ikiri kwibazwaho cyane ni iya Chryso Ndasingwa, umusore muto cyane w’i Nyamirambo. Kuwa 05/05/2024 ni bwo Chryso yanditse amateka yuzuza BK Arena mu gitaramo gikomeye yise ‘Wahozeho Album Launch’, aba umuhanzi wa kabiri mu gihugu uciye aka gahigo nyuma ya Israel Mbonyi.

Kuba Israel Mbonyi yuzuza BK Arena, nta nkuru irimo kuko amaze imyaka 10 akora umuziki, afite Album enye ziri hanze zikunzwe, ndetse amaze gukora ibitaramo 4 bikomeye byabereye mu Rwanda n’ibindi birenga 20 byabereye hanze y’u Rwanda. Ibihangano bye byacengeye benshi dore ko abamukurikira gusa kuri Youtube barenga Miliyoni.

Chryso yabaye Chryso kuko yujuje BK Arena ku gitaramo cye cya mbere yari akoze mu buzima bwe. Nta n’indirimbo nyinshi afite rwose, n’ikimenyimenyi muri icyo gitaramo yamurikaga Album ye ya mbere “Wahozeho”. Nta ndirimbo n’imwe ye iruzuza Miliyoni ebyiri. Ubwo yakoraga icyo gitaramo, kuri Twitter yari afite abamukurikira bagera kuri 300 gusa. 

Uko Imana yahagararanye na Chryso, abantu ibihumbi n’ibihumbi bakamwitaba kandi bagahembukira mu gitaramo cye, ubu akaba ari ku rutonde rw’abahanzi b’ibyamamare mu Karere, byerekanye ubutunzi buhambaye afite benshi batari bazi, binerekana kwizera kwe gukomeye nk’uko abarimo Ally Soudy baherutse kubitangariza inyaRwanda.

Gukora cyane kwe no kwizera kwinshi, byavuyemo amateka atazibagirana mu Rwanda. Uko Imana yabanye nawe, ni ryo sengesho rya Elsa Cruz, umuhanzi wo mu Badivantiste b’Umunsi wa Karindwi wo guhangwa amaso kubera ubuhanga bwe no kuba yizeye Imana. Elsa yizeye ko Imana yasekeje Chryso, nawe izamusetsa.

Ati “Mu myaka 5 rwose hazaba harabaye akantu ntazi (yahise akubita igitwenge). Njya ngirira Imana icyizere ku rwego abandi bantu bashobora kumfata nk’umurwayi wo mu mutwe ariko Imana irashoboye mu gihe udacitse intege ukayikorera birangira igutunguye nk’uko yasekeje umuhungu wayo Chryso (Nimuze murebe iby’Imana yakoze yaba indirimbo yanjye)”.

Kuririmba si ibintu Elsa atangiye ejo, ahubwo abirambyemo dore ko ubuzima bwe bwaranzwe cyane no kuririmbira Imana nk’uko yabigarutseho ati “Kuva nkiri umwana, jyewe navukiye mu baririmbyi n’ubu ndacyaririmba, ariko imyaka nzi nabayeho ntaririmba ni imyaka 4 nigaga muri SFB kubera amasomo.” 

Ati “Nyuma yo gusoza amasomo muri 2014 Imana yamfunguriye imiryango mfasha Korali Yesu Araje, nayandikiye Albums 3, mbafasha gutegura ibitaramo bitandukanye byo kuzimurika, byaduhaye kumenyekana mu Rwanda no mu mahanga.”

Elsa Cruz avuga ko nta mubare ntarengwa w’abantu yifuza gukirisha ubutumwa mu ndirimbo ze ahubwo arifuza ko abo buzageraho bose bazakizwa kandi nk’uko ijambo ry’Imana rivuga ‘nibabona imirimo yanjye myiza bazahere ko bahindukire’. Ati “Kubaho ubuzima buhindutse biruta kuvuga ubutumwa bwinshi ubuzima bwawe buhakana ibyo uvuga”.

Uyu mugabo uzwiho kutarya indimi iyo muganira, avuga ko “nta turufu navuga nzanye yatuma bemera ubutumwa mvuga, ahubwo Mwuka Wera uganiriza imitima ni we nifuza ko azajya yemeza abantu hamwe no gukora cyane no gufatanya n’abandi tuzagera kuri byinshi.”

Elsa Cruz ni intiti. Afite Master’s mu Icungamutungo “MBA in Finance” yavanye muri UNILAK. Nyuma yo gusoza amasomo (BBA) muri Kaminuza y’u Rwanda, yakoze mu miryango mpuzamahanga itandukanye hano mu Rwanda nka ADRA, FH Rwanda, Catholic Relief Services, World Relief Rwanda, ubu ari gukorera Handicap International.

Yizeye ko mu myaka 5 iri imbere azaba ari inyenyeri mu muziki wo kuramya no guhimbaza Imana

Igitaramo cy’amateka Chryso Ndasingwa yakoreye muri BK Arena cyongereye kwizera kwa benshi barimo Elsa Cruz

Elsa Cruz yavuze ko ntakidashobora uwizeye Imana atanga urugero kuri Chryso Ndasingwa

REBA INDIRIMBO “SI UBUSA” YINJIJE ELSA CRUZ MU MUZIKI NK’UMUHANZI WIGENGA

REBA INDIRIMBO “BURYA” YA ELSA CRUZ N’UMUGORE WE CHANTINA

REBA INDIRIMBO NSHYA “KWIMUKA” YA ELSA CRUZ

Bidasubirwaho ntabwo rutahizamu ukomoka muri Nigeria ukinira Bugesera FC, Ani Elijah azakinira Amavubi mu mikino ibiri iri imbere.

Uyu rutahizamu yasabye kuba umunyarwanda bityo abe yabasha gukinira Amavubi ahereye ku mikino ya Benin na Lesotho mu gushaka itike y’igikombe cy’Isi cya 2026.

Uyu rutahizamu akaba yarahamagawe n’umutoza Frank Spittler ariko yari atarabona ibyangombwa bimwemerera gukinira u Rwanda.

Nubwo yari yagiye mu mwiherero ariko yari atarabona igisubizo cya FIFA kimwemerera gukinira Amavubi, gusa kuko umutoza yari yakomeje kumusaba, baramureka, ntabwo ari mu bakinnyi bajyanye n’ikipe y’igihugu Amavubi.

Umuvugizi wungirije wa FERWAFA, Jules Karangwa akaba yabwiye ISIMBI ko atazakinira u Rwanda iyi mikino kuko nta gisubizo cya FIFA kiraboneka.

Ati “Ntabwo FIFA irasubiza. Kuba yahabwa ubwenegihugu biri mu biganza byacu ariko kuba yakwemererwa gukinira u Rwanda biri mu biganza bya FIFA. Imikino ya Benin na Lesotho ntabwo azakina.”

Amakuru ISIMBI yamenye ni uko Nigeria yemereye u Rwanda ko Elijah atakiniye Nigeria kandi ko gukinira u Rwanda nta kibazo ndetse hakaba hari n’inyandiko federasiyo ya Nigeria yanditse iranisinya ko nta ngaruka izateza.

Gusa u Rwanda rwanze kubyizera maze rwandikira FIFA rubaza niba yakwemererwa gukinira Amavubi cyane ko amategeko y’Impuzamashyirahamwe y’Umupira w’Amaguru ku Isi ivuga ko umukinnyi wese udafite inkomoko mu gihe yifuza gukinira icyo gihugu bisaba kuba amaze imyaka 5 muri icyo gihugu.

Ani Elijah mu Mavubi byaranze

Umutoza wa APR WVC akaba n’umunyamakuru w’imikino Peter Kamasa yasazwe n’ibyishimo nyuma yo kwegukana igikombe cye cya 3 mu mezi atandatu.

Ibi yabigezeho nyuma yo gutsinda RRA amaseti 3-0 (25-23,25-19 na 25-22) ku mukino wa nyuma w’Irushanwa ryo Kwibuka Jenoside yakorewe Abatutsi mu 1994 ryabaye mu mpera z’icyumweru gishize.

Peter Kamasa yavuze ko atari yo kipe nziza ya APR yabayeho ariko bagize ibihe byiza.

Ati “Ntabwo turi ikipe nziza mu mateka ya APR ariko twagize ibihe byiza. Twatsindiye ibikombe bitatu ariko na none bijyanye n’uburyo twabitwaye. Nk’umutoza ni byiza gutwara ibikombe bitatu bwa mbere nk’umutoza mukuru.”

Yakomeje avuga ko batagomba kwirara ahuhwo inzira ikiri ndende bafite byinshi byo gukora.

Ati “Ubu ngomba gucunga amarangamutima yanjye kuko twakoze ikintu cyiza ariko turacyafite inzira ndende.”

“Ndishimye cyane, gutwara ibikombe 3 ku mwaka wa mbere ni ibintu byiza cyane, ni ugukomeza gukora cyane kugira ngo tuzagere no ku bindi byiza.”

Iki ni igikombe cya gatatu nyuma yo gutwara irushanwa ryo kwibuka Kayumba muri Gashyantare atsinze Police amaseti 3-0 ku mukino wa nyuma, ndetse n’igikombe cya shampiyona atsinze Police imikino 2-1.

Peter Kamasa ni umwaka we wa mbere nk’umutoza mukuru wa APR WVC. Yanatoje amakipe nka REG VC na RRA hose ari umutoza wungirije.

Peter Kamasa yegukanye ibikombe 3 mu mezi 6

Peter Kamasa n’umwungiriza we Yvette

APR iri mu bihe byiza