Category: Uncategorized

Mu gitondo cyo kuri uyu wa Gatandatu tariki 8 Kamena 2024, ni bwo abanyeshuri basoje amasomo y'icyiciro cy'amashuri yisumbuye muri Green Hills Academy bagaragiwe n'ababyeyi babo, abarezi ndetse n'Ubuyobozi bwa Leta y'u Rwanda, bahawe izi mpamyabumenyi, hashimangirwa ko ubutwari bwabaranze bwatumye Kaminuza zirenga 100 ziyemeza kubakira mu cyiciro gikurikira bagiye kwinjiramo.

Madamu Jeannette Kagame yitabiriye ibirori bisoza amashuri yisumbuye ku banyeshuri 112 bo muri Green Hills Academy (GHA) mu 2024, bahawe izina ry'Indatwabigwi. Ibi birori byabereye muri Kigali Conference and Exhibition Village [Camp Kigali].

Madamu Jeannette Kagame yibukije aba banyeshuri gukomeza kurangwa n'ikinyabupfura no gukora cyane kuko ari byo bizabageza ku byo bifuza byose. Yabasabye no kugira ibitekerezo birimo udushya no gukora amahitamo meza mu byo bakora.

Abanyeshuri barangije uyu mwaka bahawe izina ry'Indatwabigwi, baturuka mu bihugu biherereye hirya no hino ku Isi. Benshi bagiye gukomeza amasomo ya Kaminuza muri Leta Zunze Ubumwe za Amerika, u Bwongereza, u Buholandi, Canada n'ahandi.

Mu ijambo ryuje impanuro, Minisitiri w'Intebe Dr. Eduard Ngirente wavuze mu mwanya w’uhagarariye ababyeyi barerera muri iri shuri, yabwiye abanyeshuri basoje amasomo yabo ko nk'ababyeyi ndetse n’igihugu cyababyaye babitezeho byinshi, abasaba ko aho bazajya hose bagomba gukomeza kurangwa n’imico myiza ndetse n’indangagaciro zikwiye umunyarwanda.

Yagize ati: 'Mu gihe mutangiye urugendo rushya muzirikane ko nk'ababyeyi banyu tuzahora duhari ku bwanyu. Turabasaba guhora muzirikana aho mugiye kwiga, ahandi mu bindi bihugu cyangwa se mu Rwanda. Inshingano ya mbere mufite ni uguhaha ubumenyi, kugira ngo muzagaruke kubukoresha mwubaka igihugu cyatubyaye. Mufite uruhare runini mu kubaka u Rwanda twiyemeje, twifuza, rutekanye kandi rwagutse mu bitekerezo no mu bikorwa.”

Umuyobozi w'icyiciro cy’amashuri yisumbuye muri Green Hills Academy, Anna Bagabe, yavuze ko ku mishinga ibiri myiza kurusha iyindi yatekerejwe na bamwe muri aba banyeshuri igashyirwa mu bikorwa na bagenzi babo bose, avuga ko yagize ingaruka nziza bityo ikigo kizakomeza kuyikurikirana.

Yashimangiye ko aba banyeshuri basoje mu mwaka wa 2024 bahawe izina ry’Indatwabigwi barikwiriye kubera ko bagize uruhare runini mu bikorwa bikomeye bifitiye ikigo n’igihugu akamaro.

Abanyeshuri ba Green Hills Academy bakora ibikorwa bitandukanye bigamije imibereho myiza ya bagenzi babo n'Abanyarwanda muri rusange. Abarangije muri uyu mwaka, bafashije ababyeyi bakiri bato babyariye iwabo batuye mu Ntara y’Iburasirazuba, haba mu buryo bwo kubaba hafi no kubatera inkunga y’amafaranga. Banatangije kandi isomero rusange i Jali mu Mujyi wa Kigali.

Umunyamideli akaba n'umwe mu banyuze muri iri shuri mu 2008, yasangije barumuna be amwe mu masomo akomeye yize mu buzima, abasaba kwishimira intambwe bagezeho no kubyaza umusaruro amahirwe yose bafite.

Yabahaye impanuro zitandukanye, abagira inama yo kumenya abo baribo n'icyo bashaka, kandi bagakomeza kugira intego, amatsiko yo kumenya ibishya, kubaka ubushuti n’abantu, gufasha abandi n’izindi nama nyinshi zizabaherekeza mu buzima bushya binjiyemo.

Kagabo Gwiza Mika, umwe muri aba banyeshuri basoje amasomo yabo, yabwiye InyaRwanda ko yishimira inshuti nziza akuye muri iki kigo nubwo rwari urugendo rurerure kandi rutoroshye.

Yagize ati: “Ndashimira ababyeyi n’abarimu badufashije muri iyi myaka yose itandatu mu mashuri yisumbuye, ndabashimira kuko ni bo baduteye imbaraga zo gukomeza. Nshaka kwiga ‘Mechanical Engeering’ muri Kaminuza, kandi namaze no kubona aho nzakomereza mu mashuri yanjye mu Bwongereza.”

Green Hills Academy ni ishuri rimaze imyaka 26. Ni ishuri ry'ababyeyi barimo na Madamu Jeannette Kagame, ryatangiye mu 1997 ritangirana abanyeshuri 130.

Green Hills Academy yakoze ibirori yatangiyemo impamyabumenyi ku banyeshuri bayo bagera ku 112

Ibi birori byitabiriwe na Nyakubahwa Madamu Jeannette Kagame  

Yasabye ‘Indatwabigwi’ gukomeza kurangwa n’ibitekerezo byubaka igihugu cyababyaye

Minisitiri wa Siporo, Munyangaju Aurore na Minisitiri w’Intebe Dr. Eduard Ngirente bari bitabiriye

Minisitiri Ngirente yibukije abanyeshuri basoje ko urugendo rutarangiriye aha 

Sonia Mugabo wize muri Green Hills Academy yahaye impanuro barumuna be

Umunyeshuri wahize abandi akomoka mu Bushinwa

Akanyamuneza kari kose ku banyeshuri basoje amashuri yabo yisumbuye

Bishimiye impamyabumenyi bahawe

Ubwo bafataga ifoto na Madamu Jeannette Kagame

Abayobozi b’abanyeshuri bakase ‘Cake’ hamwe na Madamu Jeannette Kagame hishimirwa intambwe ikomeye bagezeho

Ababyeyi bari bishimiye abana babo cyane

Itorero rya GHA ryasusurukije abitabiriye mu mbyino gakondo zinogeye ijisho

Intore nazo zahamirije

Band y’ikigo nayo yafashije abitabiriye gususuruka

Kanda hano urebe amafoto menshi yaranze ibi birori

AMAFOTO: Murenzi Dieudonne – InyaRwanda

Aya matora ari kubera ku rubuga rwa www.Noneho.com yatangiye kuva ku wa 27 Gicurasi 2024, biteganyijwe ko azasozwa tariki 22 Kamena 2024.

Ni irushanwa riri gutegurwa na Embrace Afrika Rwanda. Kuva aya matora yatangira, umukobwa witwa Saluwa Rutayisire ari ku mwanya wa mbere aho kugeza ubu agejeje amajwi 1,304.

Akurikiwe na Isaro Rosine Utezeneza ufite amajwi 1,248. Uyu mukobwa nawe amazeigihe kinini ari kuri uyu mwanya. Ku mwanya wa Gatatu hari Gloria Bobette Gahigana ufite amaji 848, ni ubwa mbere uyu mukobwa abonetse kuri uyu mwanya nyuma y’ibyumweru bitatu bishize aya matora atangijwe.

Akurikiwe na Prechia Kamikazi ufite amajwi 730. Ni ubwa mbere uyu mukobwa ageze kuri uyu mwanya, kuko mu byumweru bitambutse, yabonekaga ku mwanya wa Kabiri ndetse no ku mwanya wa Gatatu.

Ku mwanya wa Gatanu hariho umusore witwa Eddy Yakin Mugisha ufite amajwi 418. Uyu musore amaze igihe kinini ari kuri uyu mwanya.

Clarisse Dusenge ari ku mwanya wa Gatandatu ni mu gihe cy’umweru gishize yari mu myanya itanu ya mbere. Kuza mu myanya ya mbere, bihesha amahirwe umunyamideli yo kuzagaragara mu banyamideli 30 bazagera mu cyiciro kibanziriza icya nyuma.

Rutayisire uri ku mwanya wa mbere, kuri instagram ye agaragaza ko ari umunyamideli umaze igihe kinini ubikora, kandi ari mu babarizwa mu inzu y’imideli ya Kigali Model Academy.

Iri rushanwa ryagiye riba mu bihe bitandukanye, kandi abaritegura bafashije ababaga bahize abandi guserukira u Rwanda mu marushanwa atandukanye ku Isi asanzwe afasha abanyamideli kwiteza imbere no kugaragaza impano zabo ku ruhando mpuzamahanga. 

Aya matora ari kubera ku rubuga rwa www.noneho.com azasiga hamenyekanye abasore n'inkumi 30 bazinjira mu cyiciro kibanziriza icya nyuma 'Top 30'.

Umuyobozi uhagarariye Embrace Africa itegura amarushanwa ya Rwanda Global Top Model, Ndekwe Paulette, yabwiye InyaRwanda ko hari hiyandikishije abantu 162, nyuma y'isuzuma ryakozwe n'Akanama Nkemurampaka kemeza ko 101 aribo binjira mu cyiciro cy'amatora yo kuri Internet.

Ati 'Twahisemo 101 tubona bajyanye n'ibyo twashingiyeho ubwo ndavuga ko ibyo bagombaga kuba bujuje. Dukorana n'amarushanwa atandukanye yo ku Isi, ku buryo ugize amahirwe yo gutsinda muri Rwanda Global Top Model tumufashe kwitabira ariya marushanwa mpuzamahanga dukorana nayo.'

Akomeza ati 'Dushingira cyane ku kureba umukobwa/umusore wujuje iby'amarushanwa Mpuzamahanga y'imideli dukorana nayo (ibyo) adusaba, hanyuma tugahitamo ababikwiriye kurusha abandi. Ariko bitavuze ko atabashije gukomeza batabikwiye, ahubwo ni uko batahiriwe. Turabifuriza kuzageragera ku yindi nshuro.'

Ndekwe Paulette avuga ko ashima Leta “idufasha mu gushyigikira impano z'urubyiruko” kuko bibafasha muri byinshi, aho guta umwanya mu biyobyabwenge n'ibindi byabangiriza ejo hazaza.

Ndekwe Paulette yavuze ko iyi nshuro uzegukana umwanya wa mbere azahabwa amafaranga ataratangazwa umubare, ndetse bazamufasha kwitabira amarushanwa mpuzamahanga akomeye ku isi.

Uzegukana umwanya wa Kabiri azahembwa ibihumbi 500 Frw, uzegukana umwanya wa Gatatu azahembwa ibihumbi 300 Frw.

Ni mu gihe uzahiga abandi mu gutorwa cyane kuri internet azahembwa ibihumbi 300 Frw. Mu bindi biteganyijwe ni uko abazatsinda bose, bateguriwe kuzatemberezwa ahantu nyaburanga hihariye.

30 bazagera mu cyiciro kibanziriza icya nyuma bazahatana mu matora yo kuri internet azaba guhera tariki 25 Kamena 2024 kugeza tariki 12 Nyakanga 2024.

Abanyamideli 30 bazatorwamo 5 bazaba bahize abandi mu kugira amajwi menshi mu itora ryo kuri internet (Most Voted), 5 bazaba bahize abandi mu kwishimirwa n'abatoye (Public Choice). 

15 bo bazatorwa n'Akanama Nkemurampaka gafite amajwi ya 60% na 40% azatangwa n'abakurikiye iri rushanwa muri rusange. 

KANDA HANO UBASHE GUTORA UWO USHYIGIKIYE

Rutayisire uri ku mwanya wa mbere ahanganye n’abandi banyamideli 101 muri iri rushanwa

Umuhanzi Diamond Platnumz yemeye gutera inkunga Zuchu bavugwa mu rukundo (nubwo hashize iminsi bizwi ko batandukanye) inkunga yo kujya kwibagisha bakamwongerera amabere bizwi nka ‘plastic surgery’.

Ni muri video Zuchu yashyize ku Snapchat (bitazwi igihe yafatiwe kuko bari barashwanye), yasabaga Diamond ko yamutera inkunga akajya kwibagisha.

Diamond Platnumz yamwemereye amubwira ko nta kibazo ariko amusezeranya ko atazigera amusura muri cyo gihe ari mu bitaro yarabazwe.

Muri 2023 Diamond yagaragaje ko ibintu byo kwibagisha abantu bagahindura imiterere atabishyigikiye.

Icyo gihe yifashishije ifoto ya Michael Jackson avuga ko atigeze yihinduza imiterere ye maze iherekezwa n’amagambo agira ati “bamwe mu bagore baribagisha ariko bakamera nk’aho ari karemano.”

Mu bagore bane baheruka gukundana na Diamond Platnumz, Zari Hassan, Hamisa Mobetto, Tanasha Donna na Wema Sepetu bose bavuzweho kuba baribagishije bagahindura imiterere y’imibiri ya bo.

Diamond Platnumz yemeye gutera inkunga Zuchu akajya kwiyongeresha amabere

Ibijyanye n'umushinga wo kubaka African Leadership University mu Rwanda, Fred Swaninka yongeye kubigarukaho kuri uyu wa gatanu ubwo habaga umuhango wo gutanga impamyabumenyi ku barenga 400 baherutse kurangiza amasomo yabo muri iyi kaminuza.

Uyu mugabo yavuze ko yaje mu Rwanda bwa mbere yitabiriye inama, ariko biza kurangira agiranye ibiganiro na Perezida Kagame byavuyemo gutangiza iyi Kaminuza mu Rwanda.

Ati 'Ubwo twazaga mu Rwanda mu 2014 mu nama yahuje Abanyafurika batandukanye kugira ngo bamenyane, waduhaye (Perezida Kagame) ikaze. Mu 2015 ubwo twaganiraga ibijyanye no gutangiza kaminuza hano waduhaye ubufasha bw'ako kanya, kubera ibyo twabashije kubona uruhushya n'ibyangomba byo kubona kaminuza hano. Ubwo twatekerezaga kurushaho kwagura kaminuza, waduhaye ubutaka uyu munsi twubatseho iyi kaminuza nziza.'

Mu gihe Swanika yashimiraga abagize uruhare mu kubaka ALU kugeza ku rwego iriho uyu munsi, yazirikanye uruhare rw'Ikigo gitanga serivisi z'ubwibatsi cya SUMMA kubera imirimo yo kuyubaka.

Yakomeje avuga ko yamenye iki kigo cy'ubwubatsi biturutse ku makuru yahawe na Perezida Kagame.

Ati “Abandi bantu bakeneye kuzirikanwa uyu munsi ni SUMMA. Ubwo twavugaga ibijyanye no kubaka iyi kaminuza, [Perezida Kagame] yarambwiye ati 'hari ikigo cy'ubwubatsi gikora neza cyane ibijyanye no kubaka vuba' ambwira inkuru y'uburyo bubatse BK Arena mu mezi atandatu, arambwira ati 'ntekereza ko bakubaka kaminuza yawe' kandi koko mu mezi arindwi babashije kubaka iyi kaminuza kandi ari mu bihe by'icyorezo cy'icyorezo (Covid-19).”

SUMMA ni ikigo cy'ubwubatsi kimaze gukora imishinga itandukanye mu Rwanda irimo BK Arena, Kigali Convention Centre na Stade Amahoro igeze ku musozo.

Bitewe n'uburyo iki kigo cyakoze neza imirimo yacyo, muri Nzeri mu 2023, Leta ya Uganda yasinyanye amasezerano na SUMMA, yo kubaka inzu y'imikino nka Dakar Arena yo muri Sénégal na BK Arena yo mu Rwanda.

African Leadership University yubatse mu buryo bwiza kandi bugezweho

Ubuyobozi bwa Kaminuza Mpuzamahanga ya African Leadership University bwageneye Perezida Paul Kagame igihembo kubera imiyoborere ye myiza ishyira imbere ibijyanye no gufasha ndetse no gushyigikira ba rwiyemezamirimo

Fred Swaninka yavuze ko yaje mu Rwanda bwa mbere yitabiriye inama

Iri Soko ry'ibiribwa rya Musanze ryubatse mu Kagari ka Mpenge mu Murenge wa Muhoza, ahahoze isoko ryari rishaje rikaza gusenywa, mbere yo kongera kubakwa mu buryo bugezweho, bukabungabunga ibidukikije kandi rikakira abantu benshi barikoreramo n'abarihahiramo.

Nibura abacuruzi 2800 bazaba bakorera muri iri soko.

Imirimo yo kuritunganya yatangiye mu ntangiro z'uyu mwaka, itewe inkunga n'Ikigo cy'u Bubiligi cy'Iterambere (Enabel) binyuze mu Kigo gishinzwe Guteza Imbere Ibikorwa by'Iterambere mu Nzego z'Ibanze (LODA).

Ibi byose bishimangira amasezerano y'ubufatanye hagati ya Leta y'u Bubiligi n'iy'u Rwanda, agamije gufasha abacuruzi n'abakoraga ubuzunguzayi kubona aho gukorera heza.

Iri soko rizaba rifite ububiko bwo kubikamo imyaka, igice kizakorerwamo ubworozi bw'inkoko no gutunganyirizamo inyama z'amoko atandukanye ndetse na parikingi nini.

Umuyobozi w'Akarere ka Musanze wungirije ushinzwe Imari, Ubukungu n'Iterambere, Clarisse Uwanyirigira, avuga ko iri soko ryitezweho guhuriza hamwe abacuruzi no kurimbisha Umujyi, agasaba abazarikoreramo kurushaho kunoza serivisi batanga.

Yagize ati “Icyo twiteze kuri iri soko ni uko rizongera ubwinshi bw'abarikoreramo, kongera ubwiza bw'Umujyi wa Musanze. Niyo mpamvu dusaba abazarikoreramo kunoza serivisi batanga zikaba nziza.”

Bamwe mu bacuruzi bazacururiza mu isoko rya 'Carrier' bemeza ko muri iyi mwaka 30 ishize u Rwanda rwibohoye badashidikanya ko iterambere bagenda barigeraho.

Nikuze Diane ni umwe muri bo, yagize ati “Ubundi mbere twakoreraga mu isoko ryari ryaratangiye kwangirika ndetse rifunganye ku buryo hari n'igihe umukiliya wawe yakunyuragaho kubera kuba hato. Ririya urabona ko ryubatse neza kandi ni rinini. Turifuza ko ibiciro byazaba bidakanganye kugira ngo natwe dukore twunguke.”

Kubaka iri soko byatanze akazi ku basaga 700 bakora amanywa n'ijoro, ubu bakaba bageze ku cyiciro cyo gutera amarangi, ubusitani n'indi bijyanye n'isuku.

Isoko ry'ibiribwa rya Musanze ryubatswe mu buryo ibyiciro byosebizibona aho bikorera, bityo bigabanye umubare munini w'abakoraga ubucuruzi butemewe bw'ubuzunguzayi babaga barabuze aho bakorera.

Ubu Akarere ka Musanze kari muri gahunda yo kureba uko gatangira kwakira ubusabe bw'abakeneye kwiyandikisha kuzarikoreramo kugira ngo bashakirwe aho bazakorera.

Abari abazunguzayi bubakiwe isoko rigezweho

Isoko rishya rya Musanze rizagabanya ikibazo cy’ubucucike

Imirimo yo kubaka Isoko ry’ibiribwa rya Musanze igeze kuri 96% ku buryo rizatahwa mu minsi ya vuba

Isoko ry’ibiribwa rya Musanze rizaba rifite ubushobozi bwo kwakira abacuruzi barenga 2800

Ku itariki ya 04 Kamena 2024, nibwo uyu umugabo yasanzwe mu iduka rye, afatanwa amavuta yo mu bwoko bwa Beauti, Paw paw, Caro light, Éclair 600, Extra Claire, Epiderme Crème, Totem, Infini Clear na Diproson, afite agaciro ka miliyoni 14Frw.

Umuvugizi wa polisi y'u Rwanda, ACP Boniface Rutikanga, yavuze ko ubufatanye bwa Polisi y'u Rwanda, inzego z'umutekano, iz'ibanze ndetse n'abaturage, butuma abakora ubucuruzi butemewe n'amategeko na magendu babasha gufatwa bagashyikirizwa Urwego rw'Ubugenzacyaha, RIB, bagahabwa ibihano by'ibyaha bakoze.

Ati 'Byagiye bisobanurirwa abantu inshuro nyinshi ko hari amavuta yo kwisiga yakuwe ku rutonde rw'ayemewe na Minisiteri y'Ubuzima mu Rwanda bitewe n'uko akoranywe ibinyabutabire byangiza uruhu rw'abayisiga.'

ACP Rutikanga yaboneyeho gushishikariza abaturage kujya bitonda bakita ku kureba amatariki y'igihe igicuruzwa cyakorewe n'igihe kizarangirira mu rwego rwo kurengera ubuzima bwabo, no kwirinda kugura amavuta atemewe ndetse aho babibonye bakihutira gutanga amakuru.

Ishami ry'Umuryango w'Abibumbye ryita ku Buzima (OMS) rivuga ko ayo mavuta ashobora kugira ingaruka zikomeye ku mpyiko n'umwijima.

Itegeko nº68/2018 ryo ku wa 30/08/2018 riteganya ibyaha n'ibihano muri rusange; Ingingo ya 266 ivuga ko umuntu wese ukora, ugurisha, utanga ibintu bibujijwe nk'umuti; ibintu bihumanya; ibintu binoza cyangwa bisukura umubiri n'ibindi bikomoka ku bimera; aba akoze icyaha.

Iyo abihamijwe n'urukiko, ahanishwa igifungo kitari munsi y'umwaka umwe (1) ariko kitarenze imyaka ibiri (2) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

Polisi y'u Rwanda iragira inama abacuruzi yo kwirinda gukora ibikorwa bishobora gushyira ubucuruzi bwabo mu kaga.

Iyi ndirimbo yagiye hanze kuri uyu wa Gatandatu tariki 8 Kamena 2024, ishyirwa kuri shene ya Youtube y'Umuvugizi Wungirije wa Guverinoma y'u Rwanda, Alain Mukuralinda [Alain Muku] kubera uruhare yagize mu ikorwa ry'iyi ndirimbo.

'Contre Succès' yabaye ibendera ry'umuziki wa Dr Claude, yaba mu Rwanda ndetse no mu Burundi. Yumvikanye mu bitangazamakuru bitandukanye, bituma uyu muhanzi abona ibiraka byo kwamamaza, kuririmba mu bitaramo bikomeye n'ibindi.

Mu kiganiro cyihariye na InyaRwanda, Dr Claude yavuze ko gusubiramo iyi ndirimbo akayihuza n'ibikorwa Perezida Kagame yagejeje ku Banyarwanda, yashingiye ku rukundo amukunda no kuba yarahaniye ko u Rwanda rugira ijambo mu mahanga.

Uyu muhanzi wamamaye mu ndirimbo zirimo 'Igikara', avuga ko se yitabye Imana 1992 ubwo yari afite imyaka 14 y'amavuko, avuga ko kuva icyo Perezida Kagame yamubereye umubyeyi, biri no mu mpamvu zatumye avugurura indirimbo ye.

Ati 'Impamvu nasubiyemo iyi ndirimbo ni ukubera y'uko Nyakubahwa Perezida Paul Kagame ari umubyeyi wacu, ni umubyeyi w'Abanyarwanda bose. Njyewe ni Papa wanjye, ndabikubwiye. 

Nta muntu wamfashije mu buzima bwanjye nkawe, kuko Papa wanjye bwite yapfuye mfite imyaka 14 hari mu 1992, rero nyuma y'itabaruka ry'umubyeyi wanjye, nabonye undi mubyeyi ariwe Nyakubahwa Perezida Kagame. Mama wanjye wamfashije ni Nyakubahwa Jeannette Kagame.'

Dr Claude yavuze ko yasubiyemo iyi ndirimbo anashingiye ku bikorwa byivugira Perezida Kagame yagejeje ku banyarwanda. Ati 'Ibintu yagejeje ku Banyarwanda, ni ibintu bikomeye cyane, ubu ngubu umunyarwanda afite agaciro ahantu hose ku isi hose, nanjye ubwanjye iyo ngiye hanze abantu bampa agaciro, narabibonye […]'

Uyu muhanzi yavuze ko ari umuhamya w'ibikorwa Perezida Kagame yageje ku Banyarwanda, kuko nawe byamugezeho. Avuga ko Umukuru w'Igihugu ari umubyeyi we mu buryo bwihariye, biri no mu mpamvu yakoze mu nganzo akandika iyi ndirimbo.

Iyi ndirimbo 'Contre Succès' yagiye hanze bwa mbere mu 2007, bivuze ko imyaka irenze 17 iri ku isoko. Mu kuyivugurura yagaragaje amashusho yafashwe mu bihe bitandukanye, agaragaza bimwe mu bikorwa Perezida Kagame yagejeje ku Banyarwanda.

Anagaragaza amashusho yerekana Perezida Kagame ari mu bikorwa byo kwiyamamaza mu matora yo mu 2017. Hari aho aririmba agira ati 'Bamwe bakubwira ngo bazarusenya, abandi bakakubwira ngo bazamuvanaho, abo bose bakubwira ibyo barebe bavuge, dore umugore yahawe agaciro, uburinganire bwashinze imizi […] Kagame Paul aradukunda, tureke kumva ibyo bavuga, ibyo byose ni amashyari, abo bose ni aba 'Contre Succès'.

Anagaruka kuri gahunda zirimo Uburezi bwagejejwe kuri bose, gahunda ya Gira Inka, guhanga udushya n'ubushakashatsi, ubwisungane mu kwivuza n'ibindi.

Anavuga ku ikoranabuhanga mu buhinzi n'ubworozi, kubungabunga ibidukikije, ubumwe, kurinda ibyagezweho, umutekano, imiyoborere yahaye ijambo buri wese n'ibindi.

Dr Claude yavuguruye indirimbo ye yamamaye mu 2007 yise 'Contre Succès' ayihuza n'ibigwi bya Perezida Kagame

Claude yavuze ko yaririmbye ibyo Perezida Kagame yagejeje ku banyarwanda 'kubera ko yambereye umubyeyi' 

Ababyinnyi barimo Titi Brown na Jojo Breezy bifashishijwe muri iyi ndirimbo igaruka kuri Perezida Kagame 

Dr Claude yavuze ko Perezida Kagame yahesheje agaciro Abanyarwanda mu mahanga

 

KANDAHANO UREBE AMASHUSHO Y'INDIRIMBO 'CONTRE SUCCES' YA DR CLAUDE

“>

SKOL imaze kuba ubukombe mu Rwanda, yakoze ibirori by'agatangaza yamurikiyemo inziga yitwa 'Virunga Silver' hanatangizwa umurongo wo gushyira ku isoko izi nzoga z’abanyabirori.

Ibi birori byabaye mu ijoro ryakeye tariki ya 07 Kamena 2024 kuri Mundi Center, byitabiriwe n'abarenga 500, basogongera kuri iki cyo kunywa cy’akataraboneka cy’uruganda rwa SKOL.

Nta rungu ku bitabiriye kuko basusurukijwe n'abavanzi b'umuziki bo muri Afurika y’Epfo [DJs], Soul Nativz, bafatanije n’abo mu Rwanda ari bo DJ Sonia na DJ Fiston. Batumye abantu barushaho kwishimira iyi nzoga, babyina basabana.

Iki kinyobwa cya Virunga Silver cyakomeje kwirahirwa, dore ko gifite umwihariko wo kuba umwimerere ijana ku ijana – nta sukari yigeze yongerwamo. Gikozwe mu ruvange rwiswe 'Citra' bituma irushaho kumara icyaka no kwizihira abayisoma.

Ubu izi nzoga zose za Virunga zamaze kugera ku isoko, ikaziye imwe ikaba irimo amacupa 24 aho rimwe rimwe rifite sentilitiro 33. Igiciro cy’iyi nzoga ni 800 Frw.

Umuyobozi Mukuru wa Skol, Eric Gilson yagarutse ku budasa bw’iyi nzoga. Yagize ati: 'Iyi nzoga nshya ya Virunga Silver, ibumbatiye ubwiza bwacu bwo ku rwego rwo hejuru. Isobanuye umuhate dufite mu gukorera abakiliya bacu inzoga z’akataraboneka;

Ntewe ishema ko uru rugendo twarutangiye kandi nshimiye itsinda rigari rya Skol ku bw'iyi ntambwe yerekeza ahazaza. Dutewe icyubahiro no kuyibamurikira, biterekana gusa umurava mu gukora ibyiza ariko binerekana guhanga udushya no kumenya guhitiramo ibikwiriye abakiliya bacu.'

Umuyobozi ushinzwe Iyamamazabikorwa muri Skol, Marie Paule Niwemfura yagize ati: 'Kumurika Virunga Silver ni agahigo kadasanzwe, twifuje gukora ibirori byo kubamurikira Virunga Silver kandi twishimiye uko mwayakiriye.'

Iki kinyobwa ni icy’abanyabirori nk’uko byagarutsweho. Ibikorwa byo kwamamaza Virunga Silver bizakomeza mu nguni zitandukanye z'igihugu.

Virunga Silver yitezweho guhindura ibihe by'ibirori abantu bari kwinjiramo muri iyi mpeshyi 'Summer'. Ku bindi birambuye washaka kumenya kuri iyi nzoga, wabasura kuri Instagram aho bitwa: @virungabeverages.

Ibinyobwa bya Virunga bifite umwihariko wo kuba byihariye kandi bikananyura ababisomyeho. Ibirori byo kumurika iyi nzoga nshya y’uruganda rwa SKOL, byashimangiye umwihariko n'ubudasa bw'ikinyobwa n'uburyo gifasha abantu kwizihirwa no gusabana.

Virunga Silver yasangiwe hanerekanwa Virunga Gold na Virunga Mist zimwe mu nzoga zihariye mu birango byazo bishyaVirunga Silver yamaze kugera ku isoko yamuritswe mu birori by’agatangaza isogongerwa n’abanyabiroriByari ibyishimo ku buyobozi bwa Skol ubwo hamurikwaga Virunga Silver inzoga ifite umwihariko Abasogongeye iki kinyobwa bemeje ko ari icy’ibirori kandi kigafasha abantu kwidagadura no gusabana Umuyobozi Mukuru wa Skol yavuze ko iki kinyobwa cyerekana umuhate iki kigo gifite mu gukora ibinyobwa byihariye ku isokoHari abavanzi b’umuziki mu ngeri zitandukanye harimo n’abavuye mu gihugu cy’Afurika y’EpfoByari bishyushye ku mugoroba muri Mundi Center ahahuriye abakunzi ba Skol berekwa inzoga nshya za Virunga by’umwihariko iyitiriwe ifeza [Silver]DJ Sonia, DJ Fiston bari mu batanze ibyishimo mu gihe mu bitabiriye harimo DJ Pius na DJ Toxxyk

KANDA HANO UREBE AMAFOTO YOSE

AMAFOTO: NGABO SERGE-INYARWANDA.COM

Ni igitaramo kiba kuri uyu wa Gatandatu tariki 8 Kamena 2024 muri Kigali Conference and Exhibition Village ahazwi nka Camp Kigali. Ni kimwe mu bitaramo byari bimaze igihe byamamazwa, ndetse mu bice bitandukanye bya Kigali hamanitse ibyapa byamamaza iki gitaramo.

Ni igitaramo cyihariye kuko cyatumiwemo abahanzi gakondo gusa. Mu rwego rwo gufasha abatabasha gukurikirana iki gitaramo imbona nkubone, hashyizweho uburyo bwa 'Online', aho buri wese ashobora kuza gukurikirana anyuze ku rubuga www.ibitaramo.com

Ni ukwishyura amadorali 5, kandi igitaramo kiratangira guhera saa kumi n'ebyiri z'umugoroba kugeza mu masaha akuze. Kuri uyu wa Gatanu tariki 7 Kamena 2024, Cyusa Ibrahim ari kumwe n'Itorero Inganzo Ngari bakoze imyitozo ya nyuma bitegura iki gitaramo gikomeye mu rugendo rwe rw'umuziki.

Ni igitaramo ahuriramo n'abahanzi yatumiye barimo Ruti Joel, Mariya Yohana, Itorero Inganzo Ngari ndetse na Chrisy Neat. Cyusa avuga ko yatumiye buri muhanzi ashingiye ku buhanga bwe, ndetse n'uruhare yagize mu guteza imbere gakondo.

Cyusa Ibrahim aherutse kuvuga ko yateguye iki gitaramo biturutse ku gitekerezo yahawe na Alex Muyoboke ndetse na Fiacre washinze Tent Makers, abona ko igihe kigeze kugira ngo ataramire abantu mu gitaramo cyagutse.

Ati 'Ndashimira cyane Muyoboke ni we wambwiye ijambo rya mbere ati Cyusa dukore igitaramo, yatumye nanjye nkanguka ndavuga nti wa mugani igihe kirageze y'uko nkora igitaramo cyanjye, ndamushimira cyane. Ndashimira Fiacre, turabana, turahorana, turagenda, atari bo ntabwo nari kubasha gukora igitaramo, atari bo ntabwo nari kubasha kwaguka bigeze hano.'

Yavuze ko iki gitaramo agiye gukora cyubakiye ku ndirimbo zakozwe n'abarimo Pastor P ndetse na Gwiza. Ati 'Rero ndishimye kuba ngiye gukora igitaramo cya mbere tariki 8 Kamena 2024 muri Camp Kigali, ni igitaramo ntashidikanya ko kigomba kuba ari cyiza, kandi kizaba kirimo uburyohe bwa gakondo.'

Cyusa yasobanuye ko iki gitaramo yacyise 'Migabo' kubera indirimbo yise 'Migabo' yahimbiye Perezida Kagame. Yavuze ko iyi ndirimbo idasanzwe mu rugendo rwe rw'umuziki, biri no mu byatumye ayitirira iki gitaramo.

Ati 'Migabo ni indirimbo nahimbye, nyihimbira Umukuru w'Igihugu, Intore Izirusha intambwe, impamvu nayise 'Migabo Live Concert' nkayishyira no ku itariki ya 8 Kamena 2024 ni uko hazaba habura iminsi micye tukagwa mu nka [Mu matora y'Umukuru w'Igihugu n'ay'Abadepite].”

“Ni umusanzu wanjye nk'umuntu wo gushimira, muri iyi myaka 30 ishize, cyane ko njyewe yanyoboye neza, nishyuriwe n'Igihugu kuva mu mashuri yisumbuye kugeza nsoje Kaminuza, rero nagombaga kumwitura, nkamuhimbira indirimbo nkakora n'igitaramo cyo kumushimira, n'iyo mpamvu igitaramo nacyise 'Migabo Live Concert'.

Asubiza ikibazo cy'umunyamakuru wa InyaRwanda, Cyusa yavuze ko nyuma y'iki gitaramo azasohora Album ebyiri zizaba zavuye mu ndirimbo zose yahimbye.

Kandi avuga ko azazishyira ku mbuga zitandukanye zicururizwaho umuziki. Ati 'Nyuma y'igitaramo nzashyira hanze Album ebyiri icyarimwe. Album ya mbere izitwa 'Migabo' iya kabiri izitwa 'Mwuvumwamata'.'

Cyusa Ibrahim avuga ko intego y'iki gitaramo ari kwishimira ibyo u Rwanda rwagezeho mu myaka 30 ishize ariko kandi 'dushima kandi dutarama uwo nise 'Migabo' (Umukuru w'Igihugu).'

Yasobanuye kuba yaratumiye Itorero Inganzo Ngari na Ruti Joel kuzifatanya nawe, bishingiye ku bumwe abahanzi bagomba kugirana.

Ati 'Guhamagara cyangwa se gutumira Inganzo Ngari na Ruti Joël, icya mbere ni ubumwe bw'abahanzi mu buryo bwo kwerekana umusanzu w'ubuhanzi mu byagezweho imbere y'abato n'abakuru mu budasa bw'umuco wacu. Dore ko hari n'abandi bataramye u Rwanda bazaboneka muri iki gitaramo.'

Kwinjira muri iki gitaramo ni ukwishyura 10,000 Frw mu myanya isanzwe, 20,000 Frw muri VIP, 350,000 Frw ku meza y’umuntu na 250,000 Frw ku meza y’abantu umunani; ni mu gihe amatike aboneka ku rubuga rwa www.ibitaramo.com

Ababarizwa mu bihugu bitandukanye bashyiriweho uburyo bwa 'Online' bubafasha gukurikirana igitaramo cya Cyusa Ibrahim

Cyusa Ibrahim arahurira ku rubyiniro n'abahanzi barimo Ruti Joel, Itorero Inganzo Ngari, Chrisy Neat ndetse na Mariya Yohaha 

Cyusa avuga ko yateguye iki gitaramo mu rwego rwo gushimira Umukuru w'Igihugu

 

KANDA HANO UREBE AMASHUSHO Y'INDIRIMBO 'MIGABO' CYUSA YITIRIYE IKI GITARAMO

Muri iki Cyumweru ni bwo hatangajwe amataliki y’igihe igihembo gihabwa umukinnyi wahize abandi ku Isi cya Ballon d’Or kizatangirwa. Kizatangwa taliki ya 28 Ukwakira gitangirwe i Paris mu gihugu cy’u Bufaransa kuri Theatre du Chatelet.

Kuri ubu nta kindi kiri kwibazwa kitari umukinnyi uzegukana iki gihembo, gusa abakinnyi ndetse n’abandi bakunyijeho barimo baravuga uwo babona ukwiriye kucyegukana, gusa abenshi bari guhuriza kuri Vinicius Junior.

Ku munsi w’ejo ubwo baganiraga n’ikinyamakuru ESPN, Ronaldinho na Rivaldo nabo bavuze ko uyu mukinnyi wa Real Madrid ari we ukwiye Ballon d’Or.

Rivaldo yagize ati: “Vinícius ni umukinnyi ukwiriye gushimirwa. Akwiriye Ballon d’or. Birumvikana ko nta kintu cyiza kuri we nko kubona iki gihembo rimwe ndetse gutwara Copa America ubungubu. Kugeza kuri ubu akwiriye igihembo cya Ballon d’Or, ariko anatwaye Copa America, byaba byiza kurushaho”.

Ronaldinho we yagize ati: “Ntekereza ko Viní akwiriye Ballon d’Or. Yegukanye igikombe cya Champions League n’icya La Liga, kandi yagiye abigiramo uruhare rukomeye.

Ndibuka ko ari njye wamusobanuye umunsi yageraga muri Real Madrid. Naganiriye na Vinicius byinshi ku mupira w’amaguru ndetse n’andi makuru arambuye kandi urebye byose byarabaye, ni iterambere ryiza arimo ageraho.

Ndatekereza ko igihe cye kigeze. Uyu mwaka yafashe icyemezo gikomeye muri Real Madrid. Kuri njye, uyu munsi ni we mukinnyi mwiza ku isi kugeza ubu.”

Usibye aba banyabigwi kandi na Neymar aherutse kuvuga ko Vinicius Junior ari we ukwiriye Ballon d’Or. 

Vinicius yafashije Real Madrid kwegukana igikombe cya shampiyona atsinda ibitego 15 anatanga imipira 5 yabivuyemo mu mikino 26 yakinnye. Yanayifashije kwegukana Champions League akina imikino 10 atsindamo ibitego 6 anatanga imipira 4 yabivuyemo.

Ronaldo Nazario we asanzwe afite Ballon d’Or 2, akaba yarakiniye amakipe arimo FC Barcelona, Real Madrid na AC Milan naho Rivaldo we yakiniye amakipe arimo FC Barcelona na AC Milan, akaba yaratwaye igihembo cya Ballon d’Or inshuro 1 yo mu 1999.

Ronaldo na Rivaldo bavuga ko Vinicius Junior ari we ukwiriye Ballon d’Or 

Vinicius Junior akomeje gusabirwa igihembo cya Ballon d’Or