Impuzamashyirahamwe y'Umupira w'Amaguru muri Afurika y'Iburasirazuba no Hagati (CECAFA) yatangaje ko irushanwa rya CECAFA 2024 (CECAFA y'ibihigu) yari iteganijwe muri Zanzibar tariki ya 29 z'uku kwezi ikuweho.
Impamvu ngo ni ukugirango ama Clubs yitegure neza CECAFA Kagame Cup igomba kubera muri Tanzania ariko nayo ikigizwa imbere ikava kuya 20 Nyakanga 2024.
Ni nako byagenze kuko uyu munsi uko serivisi z'ubuvuzi zari zihagaze mu myaka irindwi ishize ubu zahindutse ari na yo mpamvu icyizere cyo kubaho cyageze kuri 69,6% kivuye kuri 66,6% mu 2017.
Ubusanzwe abahanga mu buzima bagaragaza ko igihugu kicyishakisha kiba gifite ibikorwaremezo by'ubuvuzi biherereye ikantarange bigasaba ko umuntu amara amasaha n'amasaha ngo agere ku ivuriro.
Mu Rwanda hakozwe ibikomeye kuri uyu munsi. Ubu bisaba umuturage wa kure bimusaba iminota 20 gusa ngo abe ageze ku ivuriro mu gihe byasabaga iminota 50 mu myaka irindwi ishize.
Umukecuru wo mu Karere ka Muhanga wari umaze imyaka agahishyi ajya kwivuriza indwara zitandukanye mu Bitaro bya Ruli mu Karere ka Gakenke, kubona ibya Nyabikenke byuzuye na n'ubu ntarabyakira.
Ati 'Nivuje i Ruli nko mu myaka igeze ku icumi, nivuza umuvuza umuvuduko [w'amaraso]. Abana bari barabimenyereye ko ndara kabiri mu nzira.'
Yumvize ko Ibitaro bya Nyabikenke bigiye kuza, 'nti ntabwo bizansanga. Nti koko nzaruhuka uriya musozi? Ubwo nabonye byuzuye numva ndishimye kuko mu gitondo tujyayo nimigoroba tukaba twageze mu rugo.'
Ibi uyu mukecuru avuga bishimangirwa n'ingano y'amavuriro, ibigo nderabuzima n'ibitaro byagejejwe mu bice bitandukanye by'igihugu ndetse hari n'ibiri mu mishinga.
Mu bitaro birindwi byubatswe harimo ibya Gatunda biherereye mu Karere ka Nyagatare, byavunnye amaguru abajyaga kwivuriza muri Uganda barimo abo mu Mirenge ya Karama, Kiyombe, Rukomo, Mimuri, Mukama n'ahandi bajyaga kwivuriza muri Uganda.
Impamvu ni uko kuva aho ibi Bitaro bya Gatunda byubatswe bisaba iminota iri munsi ya 20 ngo ube ukandagiye mu baturanyi bo mu Majyaruguru.
Mu bitaro birindwi kandi hubatswe ibitaro bya Gatonde, byaruhuye abaturage bo mu bice bitandukanye by'Akarere ka Gakenke bakoraga urugendo rw'ibilometero bisaga 50 bagiye gushaka serivisi z'ubuvuzi ku Bitaro bya Nemba.
Hari aho byananiranaga bakagana iya Nyabihu mu bya Shyira, bakabanza kwambuka umugezi wa Mukungwa, ariko aho huzuriye ibi bitaro byatwaye miliyari 4,3Frw, ubu ibyishimo ni byose.
Muri iya mezi 84 ashize kandi hubatswe ibitaro bya Munini byo mu Karere ka Nyaruguru, mu mushinga watwaye miliyari zisaga 9 Frw.
Hubatswe kandi Ibitabo bya Nyabikenke aho abatuye mu Ndiza babyemerewe na Perezida Paul Kagame mu 2015, nyuma y'uko bajyaga kwivuriza i Kabgayi, mu bilometero 45 uvuye i Nyabikenke. Ni umushinga wagenewe miliyari 7 Frw.
NST1 isize hubatswe Ibitaro bya Byumba mu Karere ka Gicumbi, ibya Nyarugenge ndetse mu Ukwakira 2023 Perezida Paul Kagame yatangije ku mugaragaro ibikorwa IRCAD Africa.
Ni icyicaro cya Afurika cy'Ikigo cy'Abafaransa gikora ubushakashatsi mu buvuzi muri Afurika, giherereye i Masaka mu Mujyi wa Kigali.
Iki kigo gikora ubushakashatsi kikanatanga amasomo mu kubaga umuntu hifashishijwe ikoranabuhanga, cyuzuye gishoweho miliyari zisaga 20 Frw.
Ibyo bitaro kandi bisanze ibindi 52 byari bisanzwe ndetse n'ibindi bibiri byavuguruwe birimo ibya Kabgayi mu Karere ka Muhanga n'ibya Kibogora by'i Nyamasheke.
Ku bigo nderabuzima bingana na 495 byari bisanzweho mu 2017 hongeweho 12 bishya, amavuriro mato ava kuri 473 mu 2017 agera ku 1252 mu 2024.
Ibyo bikorwaremezo byatumye ubwitabire mu kugura ubwisungane mu kwivuza buva ku 83% mu 2017, bugera mu 90,6% mu 2024, ari na byo bituma icyizere cy'Umunyarwanda kigeze kuri 69,6%.
Ntiwavuga ibyakozwe muri uru rwego utagaragaje imibare y'ababyeyi babyarira kwa muganga yageze kuri 93%, iy'abicwaga na malariya yavuze ku 427 mu 2017 igera kuri 35 mu 2023 n'ibindi.
Ubuvuzi ntibwahereye ku kuvura indwara zisanzwe gusa kuko serivisi zimwe zasabwaga kujya ibwotamasimbi ubu zisigaye zitangirwa mu Rwanda.
Muri Werurwe 2024 Ibitaro Byitiriwe Umwami Faisal byatangaje ko mu gihe kitageze ku mwaka bitangiye gutanga ubuvuzi bwo gusimbuza impyiko, abarwayi bagera 24 bahawe impyiko barakira.
Ni mu gihe abandi barenga 175 babazwe biturutse ku ndwara z'umutima.
Kugeza uyu munsi u Rwanda rwihaye intego ko mu myaka ine abaturage 1000 bazaba bitabwaho n'abaganga bane bavuye ku muganga umwe kuri ubu uri kwita ku bantu 1000.
Nk'uko byamaze gutangazwa ko imirimo yo gusana Sitade Amahoro isa nk'iyageze ku musozo aho biteganyijwe ko izajya yakira abantu basaga 45000.
Kuri ubu umukino wa mbere ugiye kubera muri Stade Amahoro uzahuza APR FC na RAYON SPORTS kuri uyu wa Gatandatu tariki 15 Kamena 2024.
Kwinjira ni 1000 FRW ahasanzwe, n'ibihumbi 10,000 FRW muri VIP.
Inzu y'Umukuru w'Igihugu cya Malawi yatangaje ko indege yari itwaye Visi-Perezida w'iki gihugu, Saulos Chilima n'abandi bantu icyenda yaburiwe irengero kuri uyu wa Mbere tariki ya 10 Kamena 2024.
Iyo ndege y'igisirikare cya Malawi byatangajwe ko 'yavuye kuri radar', nyuma y'iminota mike ihagurutse i Lilongwe mu murwa mukuru mu gitondo cyo kuri uyu wa Mbere.
Byari byitezwe ko igwa ku kibuga mpuzamahanga cy'indege cya Mzuzu giherereye mu majyaruguru ya Malawi saa yine z'igitondo.
Itangazo rya Perezidansi ya Malawi rivuga ko Perezida Lazarus Chakwera yategetse ishakishwa ry'iyi ndege no kurokora abari bayirimo, gusa abayobozi b'ikigo gishinzwe ingendo z'indege ntibabasha kuyibona.
Ibura ry'iyi ndege ryatumye Perezida Chakwera asubika uruzinduko yagombaga kugirira muri Bahamas, nyuma yo guhabwa amakuru n'Umugaba Mukuru w'Ingabo za Malawi, Gen Valentino Phiri.
The post Visi-Perezida wa Malawi yaburiwe irengero ari mu ndege iteye ubwoba appeared first on KASUKUMEDIA.COM.
Source : https://kasukumedia.com/visi-perezida-wa-malawi-yaburiwe-irengero-ari-mu-ndege-iteye-ubwoba/
Abahanzi bakunzwe hano mu Rwanda; Chriss Eazy na Christopher bibiwe mu nzu y'umwe n'umuntu utaramenyekana aho yabatwaye mudasobwa ebyiri, ndetse aniba telefoni igendanwa ya Chriss Eazy.
Ubu bujura bwabereye mu rugo rwa Christopher aho atuye ku Kimironko mu ijoro ryo ku wa 9 Kamena 2024 nk'uko byemezwa na Junior Giti ureberera inyungu za Chriss Eazy.
Giti yagize ati 'Twari kwa Christopher kuko murumuna we ukora amashusho y'indirimbo yari ari kudufasha kurangiza 'Sekoma' ya Chriss Eazy, twari mu cyumba bakoreramo baza kudusaba kujya kurya, mu gihe twari ku meza twagarutse dusanga imashini ebyiri na telefone ya Chriss Eazy bazitwaye.'
Ba nyiri kwibwa bari gucyeka ko baba bibwe n'umuntu waje bari kurya maze akinjira mu cyumba bari bari gukoreramo amashusho maze agatwara bimwe mu bikoresho byabo.
Amakuru ahari kandi avuga ko aba bahanzi bamaze kugeza ikirego cyabo mu Rwego rw'Igihugu rw'ubugenzacyaha, RIB, aho bategereje ikiza kuva mu iperereza.
The post Chris Easy na Christopher bibwe kuburyo na mayo bazitwaye appeared first on KASUKUMEDIA.COM.
Source : https://kasukumedia.com/chris-easy-na-christopher-bibwe-kuburyo-na-mayo-bazitwaye/
Mu Kigo cy'amashuri yisumbuye cya GS Mater Dei riherereye mu murenge wa Busasamana, Akarere ka Nyanza mu ntara y'Amajyepfo haravugwa inkuru y'icuruzwa ry'amafaranga hagati mu banyeshuri ibizwi nka 'Banki Lamberi' cyangwa 'Urunguze'.
Mu nama rusange yahuje ababyeyi barerera muri iki kigo mu kwezi kwa Gicurasi 2024, bamwe mu babyeyi baganiriye na BWIZA barerera muri iki kigo cya GS Mater Dei batifuje ko imyirondoro yabo yajya ku karubanda bavuga ko ubuyobozi bw'ikigo bwababwiye ko hari ikibazo kibugarije bahuye nacyo mu kigo aho abanyeshuri bacuruza amafaranga muri bagenzi babo ibizwi nka Lamberi.
Umwe mu babyeyi baharerera yagize ati:' Abana bakunda kuduhamagara badusaba kuzajya kubasura tujyanye n'amafaranga ngo yo kwishyura bagenzi babo bagujije, wabikurikirana ugasanga ayo mafaranga aba ariho n'inyungu zikubye kabiri.'
Amabwiriza ngo yo kugirango umunyeshuri agurize mu genzi we amafaranga bagomba kumvikana ko aba azayamwishyura ku munsi wo gusurwa 'Visite' akayamwishyura yikubye kabiri, bivuze ngo uwagurijwe amafaranga ibihumbi 5 yishyura amafaranga ibihumbi 10, gutyo gutyo.
BWIZA yashatse kumenya iby'iyi Banki Lamberi mu banyeshuri ba GS Mater Dei, maze mu kuvugana n'umuyobozi w'iki kigo, Soeur Marie Pélagie Umumararungu, acyumva imiterere y'amakuru tumukeneyeho yahise abihakana vuba na bwangu nk'umuntu ubifiteho amakuru ahita anakupa telefoni, twongeye kumuhamagara inshuro 3 zose aratwihorera.
Egide Bizimana, Gitifu w'umurenge wa Busasamana iri shuri rya GS Mater Dei rihereyemo yatubwiye ngo 'Aya makuru nibwo tuyamenye, tugiye gukurikirana tumenye niba koko ari byo. Ubwabyo bigize icyaha, gucuruza amafaranga mu buryo bumeze gutyo ntibyemewe, baramutse babikora bakurikiranwa bakabihanirwa.'
Ubusanzwe 'Banki Lamberi' ni ubucuruzi butemewe bukorwa igihe umuntu ukeneye amafaranga noneho agasanga uyafite akayamuguriza bakavugana igihe azayamwishyurira hiyongereyeho inyungu bumvikanye akenshi ziba zihanitse. Muri ubu bucuruzi akenshi hanakenerwa ingwate ariko kuri aba banyeshuri bo nta makuru dufite ku ngwate baba bahana.
Ubu bucuruzi bukunze kumvikana cyane mu ntara y'Amajyaruguru, aho babwita 'urunguze', ariko no mu bindi bice by'igihugu burahakorerwa, hamwe bakabwita 'banki lamberi' cyangwa 'purusa' (pour cent).
The post Banki Lamberi mu mashuri ziravuza ubuhuha appeared first on KASUKUMEDIA.COM.
Source : https://kasukumedia.com/banki-lamberi-mu-mashuri-ziravuza-ubuhuha/
Ubucukuzi bw'amabuye y'agaciro ni imwe mu ngeri zitera imbere amanywa n'ijoro, ndetse mu 2023 yinjirije u Rwanda arenga miliyari 1.1$ avuye kuri miliyoni 374$ mu 2017, ahanini biturutse ku kugurisha hanze ayatunganyijwe.
Magingo aya mu Rwanda hari inganda zitunganya amabuye mbere yo koherezwa ku isoko zirimo urwa Luna Smelter rutunganya Gasegereti, urwa Gasabo Gold Refinery rutunganya Zahabu, Ngali Mining Ltd itunganya amabuye y'amabengeza n'izindi.
Nyuma y'ibiganiro Minisitiri w'Intebe Dr Edouard Ngirente yagiranye na Amb Gatete Claver kuri uyu wa 10 Kamena 2024, Amb Gatete yatangaje ko mu ngingo baganiriyeho harimo no kureba uburyo u Rwanda rwaba igicumbi gitunganyirizwamo amabuye y'agaciro yose.
Ati 'U Rwanda rwakoze akazi gakomeye ko gushakisha aho amabuye y'agaciro aherereye, hanatangizwa inganda zitunganya zahabu na gasegereti ariko turashaka kugira u Rwanda icyitegererezo mu gutunganya amabuye y'agaciro kandi bigakorwa mu buryo bunoze.'
Abayobozi bombi banaganiriye ku byerekeye ubukerarugendo, hagamijwe gusuzuma ahakiri intege nke no kubunoza kugira ngo burusheho kubyarira umusaruro igihugu.
Ati 'Turagira ngo turebe twakwisuzuma dute? Ibimaze kugenda neza ni ibiki, ibitagenda neza ni ibiki, ni he twashyira imbaraga handi, kugira ngo noneho turebe uko twabigira uwo nushinga ushobora kuba wagira akamaro.'
Ubukerarugendo bushingiye ku nama mpuzamahanga (Meetings, Incentives, Conferences and Events) mu 2013 bwinjirije u Rwanda miliyoni 49$, ariko yikubye inshuro hafi ebyiri mu myaka 10 gusa, agera kuri miliyoni 91$ mu 2023. Muri rusange ubukerarugendo bwinjirije u Rwanda miliyoni 495$.
Ubuhinzi n'ubworozi na byo byagarutsweho
Amb Gatete yavuze ko UNECA yiteguye gufatanya n'u Rwanda mu guteza imbere umushinga wa Gako Beef uzatunganya inyama zigurishwa ku isoko ry'u Rwanda no hanze yarwo.
Yagaragaje ko bagiye kureba ibisabwa byose kugira uruhererekane rwo gutunganya inyama no kuzigeza ku isoko rutungane hanyuma bigirire akamaro abaturage bose.
Ati 'Ni ukureba ururerekane nyongeragaciro rw'ibintu byose bikenewe, kureba ishoramari, kureba abikorera bajyamo n'icyo bakora. Turagira ngo bikorwe neza kuko ahandi hose birakorwa, aho tumaze kugera muri Botswana birakora neza, Namibia, n'ibindi bihugu nk'aho usanga cyane cyane uruhererekane nyongeragaciro ku bijyanye n'uruhu nka Ethiopia imaze gutera imbere ni yo mpamvu bakora ibintu byose, ari ibikapu, inkweto ibintu byose babikorera hariya kandi ibyo natwe ubwacu twabikora.'
Yagaragaje ko kuri uyu mushinga bifuza ko ugirira akamaro abaturage bose batunze inka, aho kuba abaturiye uruganda gusa.
UNECA kandi izafatanua n'u Rwanda mu mushinga wa Gabiro Agribusiness Hub na wo uzakorerwamo ubuhinzi bugezweho ku buso bwa hegitari ibihumbi 16.
Ni mu gihe mu byerekeye ubucuruzi harimo koroshya ubwambukiranya imipaka aho bagiye kwigira hamwe uburyo ibicuruzwa byajya binyuzwa mu nzira y'amazi bikagera Kagitumba mu mushinga wiswe 'Akagera Navigation'.
Ibi byagarutsweho mu irushanwa ry'iminsi ibiri ryo kwibuka umukinnyi, umwalimu n'umutoza wa Volleyball ryabereye mu karere ka Huye na Gisagara, aho abaryitabiriye basaga ibihumbi umunani bibukijwe ibyiza byo kwizigamira muri EjoHeza.
Umuhuzabikorwa wa EjoHeza mu Karere ka Huye, Nsabimana Ladislas, yagaragaje uburyo iyi gahunda ari ubundi buryo Leta y'u Rwanda yashyizeho kugira kugira ngo abaturarwanda bongere batekereze ku gaciro ko kuzigamira ibihe by'amasaziro.
Ati 'RSSB ni gahunda yo kuzigamira izabukuru ireba Abanyarwanda bose baba abari hanze n'abari mu Rwanda, guhera k'ukivuka kugeza k'ukibasha kwizigamira wese. Intego y'ubu bukangurambaga ni ukugira ngo buri wese atekereze uko zabona pansiyo binyuze muri aya mahirwe Leta yabateganyirije.'
Nsabimana yakomeje avuga ko bahisemo gutanga ubu butumwa muri iri rushanwa ryo kwibuka Alphonse Rutsindura kugira ngo bahe ubu butumwa urubyiruko by'umwihariko urwitabiriye iri rushanwa, baba abakinnyi cyangwa abafana.
Yababwiye ko ari abantu bakerebutse mu ikoranabuhanga bityo byoroshye gukanda *506# bakiyandikisha, bakandikisha abana, bakizigamira cyangwa se bakareba ubwizigame bagize. Ibi kandi byanakorwa hifashishijwe urubuga rwa murandasi www.ejoheza.rssb.rw.
Nsabimana yemeje ko iyi gahunda imaze gutuma abamaze kuyigeramo bizigamira miliyari 1,3 Frw by'umwihariko mu Karere ka Huye.
Umuyobozi wa PSVF, Padiri Habanabashaka Jean de Dieu, ubabana n'urubyiruko yavuze ko bagira umwanya wo kurwibutsa ibyiza byo kwizigamira muri Ejo Heza kuko bituma umuntu asaza ashyigikiwe n'ubwizigame yatanze agishobye.
Ati 'Gahunda ya EjoHeza ni nziza nanjye nyirimo, ndetse n'abaseminari nabo tubashishikariza kuyitabira. Muri iki gihembwe turimo twasaba abakozi ba EjoHeza gutanga ikiganiro ku banyeshuri n'abarezi ba hano ku byiza byo kwizigamira.'
'Turateganya no guhura n'ababyeyi b'abana, tukongera kubibutsa ko urukundo babakunda rukwiye guherekezwa no kubazigamira muri EjoHeza hakiri kare.''
Umunyeshuri wiga mu mwaka wa gatandatu w'amashuri yisumbuye, Habiyaremye James, yavuze ko nawe yabanje kudahita yumva agaciro ko kwizigamira muri EjoHeza.
Ati 'Nari nsanzwe nizigamira mu matungo simbe nabura ibikoresho by'ishuri, ariko ubu nshyize imbere no kwizigama muri EjoHeza ndetse nshishikariza na bagenzi banjye kubyumva gutyo kuko ni gahunda nziza.''
Kugeza ubu mu Rwanda habarurwa abasaga miliyoni 3 n'ibihumbi 800 bamaze kwiyandikisha muri EjoHeza n'ubwizigame bw'asaga miliyari 42 Frw hatabariwemo inyungu n'uruhare rwa Leta, aho mu bwitabire urubyiruko ruri mu myaka iri hagati ya 17-30 ruri ku gipimo cya 29,1%.
uwizigamiye muri #EJoHeza ahabwa pansiyo ku myaka 55, ntahangayikira kubona icumbi cg kwishyura ishuri kuko ubwizigame bwe bushobora kumugoboka, kubona inguzanyo muri banki biramworohera kuko ubwizigame bwe bushobora kumubera ingwate.
APR FC yamaze kugura abakinnyi 4 b'abanyarwanda bategerejweho kuyifasha mu mikino nyafurika izitabira, ntagihindutse basazatangira imyitozo i Shyorongi ku mbere taliki 17 Kamena 2024.
Aba bakinnyi baguzwe muri APR FC, barimo umunyezamu Gad MUHAWENAYO wakiniraga Musanze FC, ba myugariro ni Gilbert BYIRINGIRO na Ishimwe Jean Rene bombi bakiniraga Marines FC.
Undi ni Frodouard MUGIRANEZA wakiniraga Kiyovu Sports we akaba asanzwe akina mu kibuga hagati.
Muri iyi minsi hamaze iminsi hari amatora y'abadepite mu bihugu byinshi by'uburayi ndetse no ku rwego rw'Umuryango w'Ubumwe bw'Ibihugu by'Uburayi.
Nko mu Bubiligi, mu matora yaba kuri iki cyumweru, mu biyamamaje harimo Abanyarwanda, bazwi mu gatsiko k'abahakana bakanapfobya Jenoside yakorewe Abatutsi.
Muri abo harimo na Laure Uwase, wiyamamarizaga kuba umudepite mu Nteko y'Abafurama, Marie Bamutese, umugore wa Peter Verlinden nawe wiyamamarizaga kujya mu Nteko y'Abafurama, umugabo we Peter Verlinden we washakaga kujya mu Nteko y'Ubumwe bw'Ibihugu by'Uburayi, na Mugabe Nizeyimana wiyamamaziraga mu Nteko y'akarere ka Buruseli.
Nk'uko twabivuze, abo bose bahuriye kuba bari mu mugambi wo guhakana Jenoside yakorewe Abatutsi, kandi baratanzwe n'ishyaka ryari inshuti magara y'ingoma ya Kayibanda na Habyarimana, ishyaka ry'Abafurama b'abakirisitu rikaba ryari no mpuzamashyaka ya gikirisitu, IDC (Internationale Démocarte Chrétien) rizwi kuba ijwi ry'abagize uruhare muri Jenoside yakorewe Abatutsi, ndetse rikaba ryaragaragaye kenshi mu mugambi ugamije guhirika FPR ku butegetsi
Laure Uwase ni umukobwa wa Anastase Nkundakozera, ruharwa wamaze Abatutsi, naho nyina Agnes Mukarugomwa akaba ari mu bambere bashinze imiyoboro ya YouTube igamije gusebya u Rwanda no guhakana Jenoside yakorewe Abatutsi.
Laure Uwase ni umunyamategeko, ariko kubera ingengabitekerezo ya Jenoside yakuze yigishwa, yabyifashishije mu kuyihakana, ndetse biba akarusho ubwo yinjiraga muri politike y'Ububiligi.
Uwase yashyizwe muri Komisiyo yiga ku ngaruka igihugu cy'Ububiligi cyagize ku bihugu cyakolonije, ariko imyemerere ye ya politike imaze kugaragazwa baza kumukaramo.
Yigize impuguke y'Akarere k'Ibiyaga Bigari, ariko usanga ibyo avuga ari nabyo abapfobya bakanahakana jenoside yakorewe Abatutsi bahoza mu kanwa.
Kuba atsinzwe ruhenu rero ni 8byo kwishimira kuko inteko y'abafarama itahaye intebe umuhakanyi wa jenoside.
Peter Verlinden ni umunyamakuru w'Umubiligi umaze igihe, akaba yari afitanye ubucuti bwa hafi na Perezida Habyarimana, binyuze muri rya shyaka ry'abafurama. Niwe wakoreshwaga kugirango ingoma ya Kinani igaragare neza mu Bubiligi .
Peter Verlinden yavanze politiki n'itangazamakuru, ahinduka ushinzwe icengezamatwara mu guhakana Jenoside yakorewe Abatutsi. Ni ijwi ry'abahakana bakanapfobya Jenoside yakorewe Abatutsi abifashwamo n'umugore we Marie Bamutese uhisha amateka ye, dore ko akabeshya ko ababyeyi be biciwe muri Kongo, kandi baraguye mu nzira bahunga. Agoreka amateka abishaka kugirango atagatifuze abakoze jenoside.
Bamutese n'umugabo we bemeza ko Jenoside yakozwe na FPR Inkotanyi nk'uko byamamazwa n'abandi bagome nka Judi Rever. Bamutese kandi yemeza ko Se yiciwe mu Ruhango na FPR naho nyina akicwa muri 2017.
Ibi ndetse babisubiyemo muri film ya BBC 'Rwanda: Untold Story'.
Amakuru yizewe ni uko Marie Bamutese ababyeyi be ari Tharcisse Sempura na nyina Beatrice Kabusoro. Se akaba yaraguye mu nzira ahungira muri Kongo kubera igicuri yarwaraga.
Bamutese yagarutse mu Rwanda, mbere y'uko ajyanwa mu Bufaransa muri 1999, ariko ibyo byose ntabyo avuga, ahubwo abeshya ko yagiye i Burayi avuye muri Kongo.
Undi wo muri Jambo asbl, ni Mugabe Nizeyimana watsinzwe amatora mu Nteko ya Buruseli.
Uyu Nizeyimana Mugabe ntabwo akunda kuvuga, ariko kuba ari umunyamuryango wa Jambo asbl birumvikana umurongo ahagazeho.
Abana b'abicanyi bahawe ubutumwa bwo gutagatifuza ababyeyi babo bakoresheje uburyo bwose, haba itangazamakuru, kwinjira muri politiki y'ibihugu bibacumbikiye, ndetse no kwifashisha inshuti zabo mu guhakana no gupfobya Jenoside yakorewe Abatutsi.
The post Abahakanyi ba Jenoside yakorewe Abatutsi biyamamarizaga ubudepite Iburayi no mu Bubiligi batashye amaramasa appeared first on RUSHYASHYA.