Category: Uncategorized

Ushobora kutabyumva ko mu gihe kitagera ku mwaka umuhanzi ashobora kuba avuye muri Miliyoni zitagera ku ijana z’amafaranga y’u Rwanda akagera kuri miliyoni magana z’amanyarwanda.

Ntiwakwiyumvisha kandi ko kugeza ubu Afurika ifite umuhanzi ushobora kwishyuza agera kuri Miliyari 2Frw kugira ngo atarame mu gitaramo.

Mu Rwanda na ho hari abahanzi bishyurwa muri Miliyoni zisaga 100Frw kugira ngo bemere gutarama mu gitaramo kimwe cyo hanze y’u Rwanda.

Ibiciro tugiye kugarukaho bishobora guhindurwa n'umubano w'umuhanzi n'uwamutumiye, icyo igitaramo kigamije n'ibindi, ariko kugeza ubu ni ko bihagaze.

Nk’uko twabigarutseho, ibi bihinduka mu gihe gito bijyanye n'ibyo umuhanzi afite ku isoko.

Nigeria ni cyo gihugu gifite abahanzi benshi bahenze kandi banafite indirimbo nyinshi zikunzwe mu Rwanda, ariko na none Tanzania na yo iza hafi mu bihugu bifite abahanzi bakunzwe mu Rwanda.

Duhereye muri Nigeria, Burna Boy arayoboye. Kugeza uyu munsi kugira ngo yemere gutaramira mu gitaramo, amafaranga asaba abarirwa hagati ya Miliyari 1.3Frw na Miliyari 2Frw.

Ni mu gihe umusore ukiri muto, Rema, mu gihe kitagera ku mwaka umwe yazamutse bikabije mu biciro, ava ku bihumbi 260Frw ubu bikaba bisigaye bisaba agera kuri Miliyari 1.3Frw kugira ngo abashe gutarama mu gitaramo kimwe.

Wizkid we muri 2024 arabariwa Miliyoni 650Frw kugera kuri Miliyari 1Frw aca uwifuza ko yataramira mu birori cyangwa igitaramo cye.

Asake we ari kuzamuka bikomeye aho muri Gicurasi 2023 yishyurwaga atagera kuri Miliyoni 100Frw, ariko ubu ageze ku mafaranga abarirwa muri Miliyoni 650Frw.

Davido, igiciro cye kiri muri Miliyoni 780Frw, ibintu bimaze imyaka igera kuri 2 bidahindagurika cyane.

Ku rundi ruhande, abahanzikazi bo muri Nigeria barimo Tems na Ayra Starr na Tyla wo muri Afurika y’Epfo na Shensea wo muri Jamaica, bose bishyuza ari hagati ya Miliyoni 195Frw na Miliyoni 400Frw.

Tiwa Savage na Diamond Platnumz na bo bamaze igihe barigaruriye imitima y'abanyarwanda, kugeza uyu munsi bisaba  Miliyoni 130Frw kubatumira mu gitaramo cyawe.

Mu Rwanda, abahanzi nka Meddy na Israel Mbonyi ni bo baza imbere mu bahenze mu gutumirwa mu bitaramo aho mu buryo bw'umwuga basaba asaga Miliyoni 100Frw.

Ni mu gihe Zuchu uri mu bahanzikazi bari mu bihe byabo byiza mu Karere k'Ibiyagabigari asaba abarirwa muri Miliyoni 80Frw.

Zuchu uri mu bahanzi bafite indirimbo zikunzwe mu Rwanda ari mu bahanzi bakosha kugira ngo umutumire  Umunya-Jamaica Shenseea ukomeje kwigarurira imitima ya benshi akomeje kuzamuka mu biciroDiamond ari mu bahanzi bo mu Karere bihagazeho mu biciro ndetse bamaze kugwiza ibigwi mu muzikiWizkid uri mu bihagazeho baturuka muri Afurika ari mu basaba agera muri Miliyari 1Frw ku gitaramo kimwe Ayra Starr ari mu bahanzikazi basaba agera kuri Miliyoni 400Frw mu gitaramo kimwe Burna Boy ni muhanzi uhenze kugeza ubu ku isoko ry’umuziki wa Afurika aho asaba agera kuri Miliyari 2Frw

Umuhanzi ukomoka muri Nigeria, Kizz Daniel wakunzwe mu ndirimbo nka ‘Buga’, ‘Mama’, ‘Woju’ n’izindi, biravugwa ko yaba yatandukanye n'umugore we, ibi ni nyuma yo gusiba amashusho n'amafoto yose ari kumwe n'uyu mugore we.

Kizz Daniel yerekeje kuri Instagram ye asiba amafoto amafoto n'amashusho ari kumwe n’umugore we witwa Mjay Anidugbe, mu gihe yasizeho inyandiko nke z’amatangazo y'ibitaramo bye, bityo rero ibinyamakuru bitandukanye muri Nigeria bikaba bivuga ko bombi bashobora kuba baratandukanye.

Kizz Daniel aravugwaho gutandukana n’umugore we Mjay Anidgube

Icyakora, kuri Instagram ya Mjay Anidugbe, byagaragaye ko nta kindi kibazo cyabaye cyane ko we atigeze asiba amafoto ari kumwe n'umugabo we Kizz Daniel.

Uyu muhanzi yamaze gusiba amafoto yose y’umugore we kuri ‘Instagram’

Ibi bibaye ntagihe kirashira asohoye indirimbo yise ‘Double’ avuga ko yatuye umugore we Mjay Anidugbe ndetse akamushyira no mu mashusho yayo. Iyi nayo yayisohoye byari bimaze igihe bivugwa ko batabanye neza.

Ibi bivuze ko kuri iki kibuga, iki kigo gishobora kuhakorera imirimo igamije kugenzura ubuziranenge bw'indege zacyo cyangwa abakiliya bacyo, yaba mbere na nyuma y'uko zikora ingendo. Iyo mirimo irimo kugenzura imiterere y'indege mbere yo gukora urugendo ndetse no gusana byoroheje ibishobora kuba byangiritse.

Muri make, ushobora kugereranya iyi Sitasiyo y'Igenzura ry'indege, nk'igaraje risanzwe ry'imodoka.

Kugira ngo GainJet ihabwe ubu burenganzira bwo gutangiza ibi bikorwa mu Rwanda, ni uko yahawe icyemezo n'ibigo mpuzamahanga nka European Union Aviation Safety Agency (EASA) ndetse na Hellenic Civil Aviation Authority (HCAA) ku bufatanye n'Ikigo cy'Igihugu gishinzwe Indege za Gisivile, Rwanda Civil Aviation Authority (RCAA).

Ubu burenganzira nabwo bwabonetse nyuma y'uko Ikibuga Mpuzamahanga cya Kigali kibonye uburenganzira bwo gutanga serivisi nk'izi, aho cyemerewe kuba cyakoreshwa n'ibigo bitanga serivisi z'ubwikorezi bwo mu kirere mu kugenzura indege hifashishijwe iki Kibuga.

Umuyobozi Ushinzwe gukurikirana Ubuziranenge muri GainJet, Simon Roussos, yavuze ko bahisemo gushyira imbaraga ku isoko rya Afurika kubera amahirwe ribitse, yaba muri ibi bihe ndetse no mu bihe biri imbere.

Ati “Twakunze gukorera ubuvugizi isoko rya Afurika mu myaka 15 turimazemo. Twashyizeho ingamba zigamije gutuma tugira imbaraga kuri uyu Mugabane zirimo nko gushyiraho Ibiro biduhagarariye bishinzwe kwakira abanyacyubahiro hirya no hino muri Afurika. Gusa gushyira Sitasiyo y'Igenzura mu Karere ni intambwe idasanzwe duteye, igaragaza uburyo dukomeje kwaguka muri Afurika.”

Roussos yavuze ko kuba u Rwanda rwarahawe uburenganzira bwo gukoreshwa n'abifuza gusana no gukanika indege ari ikimenyetso cy'uko serivisi zabo zitazahungabana.

Ati “Bihamya ko ibikorwa byacu ku Kibuga Mpuzamahanga cya Kigali bizaba byujuje ubuziranenge busabwa na EASA.”

Ishami rya GainJet rifite icyicaro mu Rwanda rizajya rikorana bya hafi n'Icyicaro Gikuru cya GainJet kiri i Athens mu Bugereki, ari naho iki kigo gifite Ibiro Bikuru. Ishami ry'u Rwanda kandi rizajya rikora amasaha yose y'umunsi mu gihe cy'umwaka wose, nta na rimwe rifunze imiryango. Inzobere mu gusaba indege zisanzwe zikorana na GainJet, nizo zizaba zikorera i Kigali.

Roussos yavuze ko “Ibi bizatuma dutanga serivisi nziza kandi zihuse zo gusana [indege] ku bakiliya bacu bari muri Afurika y'Iburasirazuba no muri Afurika yo Hagati.”

Indege zishobora gusanirwa mu Rwanda zirimo Gulfstream GV-SP (G550), Gulfstream GVI (G650), Bombardier Global 7500 (BD-700-2A12), Bombardier CL604/605, Boeing 737NG (-600, -700, – 800, -900) na Boeing 737CL (-300, -400, -500).

Amakuru avuga ko uyu mwaka ushobora kurangira na Gulfstream G700 ziri gusanirwa mu Rwanda.

Private Jet, kimwe n'izindi ndege muri rusange, zikenera gukorerwa ubugenzuzi kuva zivuye mu ruganda kugeza zisenywe burundu, ibikoresho byazo bigakoreshwa mu gusana indege.

Mbere ya buri rugendo na nyuma yarwo, indege iba igomba kugenzurwa ibintu bimwe na bimwe by'ingenzi. Hari ibyiciro bitandukanye byo kugenzura indege bishingira ahanini ku gihe imaze n'andi makuru atandukanye arimo impanuka cyangwa ibindi bibazo yaba yaragize.

Hari ibizwi nka 'A Checks', ibi bikaba igenzura rito rikorwa nyuma y'uko indege ikoze ingendo, igiteranyo cy'amasaha yagenze kikaba kiri hagati ya 500 na 800, bitewe n'igihe imaze ndetse n'ubushobozi bwayo.

Hari kandi 'C Checks' ikorwa hagati y'amezi 12 na 18, ikajyana no gukora igenzura ryimbitse ndetse no gusana ibisanzwe bifite ikibazo.

Ikindi cyiciro ni ikizwi nka 'D Checks' aho indege ikorerwa ubugenzuzi mu buryo bwuzuye, bugakorwa hagati y'imyaka itandatu n'imyaka 10, ndetse bukagira n'umwihariko w'uko mu gihe buri gukorwa, indege imara igihe itari gukoreshwa.

Kenshi iyo indege isanganywe ibibazo bidasanzwe muri ubu bugenzuzi, hari ubwo ababukora batanga inama ko yahagarikwa burundu, ntizongere gukora ingendo.

GainJet yahawe uburenganzira bwo gukanikira Gulfstream GV-SP (G550) mu Rwanda

Gulfstream GVI (G650) ishobora kuzajya ikanikirwa mu Rwanda na GainJet

Bombardier Global 7500 (BD-700-2A12) ziri mu ndege zishobora kuzajya zisanirwa mu Rwanda na GainJet

Bombardier CL604/605 nazo zizajya zikanikirwa mu Rwanda na GainJet

Indege zo mu muryango wa Boeing 737NG ((-600, -700, – 800, -900) nazo zizajya zikanikirwa i Kigali na GainJet

Indege zo mu muryango wa Boeing 737CL ziri mu nini zizajya zikanikirwa mu Rwanda

Abakinnyi bahamagarwa mu ikipe y’igihugu Amavubi bakina imbere mu gihugu batangiye kugira ubwoba ko mu minsi iri imbere batazongera guhamagarwa mu gihe bakomeza gukina mu Rwanda, ni mu gihe iyi kipe ikomeje gukurura benshi mu bakinnyi bakina hanze.

Muri iyi minsi ikipe y’igihugu Amavubi irimo kureshya benshi mu bakinnyi bakina hanze y’u Rwanda ariko bafite inkomoko mu Rwanda bakina muri shampiyona zikomeye ndetse na bamwe bakaba baratangiye kuza.

Ibi rero byatumye umubare w’abakinnyi bakina muri shampiyona y’u Rwanda uhamagarwa mu ikipe y’igihugu ugabanuka ndetse abasoma ibimenyetso by’ibihe bavuga ko mu minsi iri imbere bizagorana kuba umukinnyi yahamagarwa akina mu Rwanda cyane ko mu minsi iri imbere hari n’abandi bazaza.

Ni na yo mpamvu benshi mu bakinnyi bakina mu Rwanda basanzwe bahamagarwa mu ikipe y’igihugu ndetse banabona umwanya wo gukina, batangiye gutekereza kuba bajya gukina hanze kugira ngo bizere kuguma mu Mavubi.

Ibi ISIMBI yanabihamirijwe na Omborenga Fitina umwe mu bakina mu Rwanda ndetse banabona umwanya wo gukina mu ikipe y’igihugu aho yavuze ko ari ihurizo kuko mu minsi iri imbere bizagorana guhamagarwa ukina mu Rwanda.

Ati 'Ni byo, nk’uku ikipe y’igihugu irimo kwitwara neza muri Afurika akenshi abakinnyi bo hanze n’abakinnyi baba baravukiye hanze ariko Abanyarwanda baba bashaka kuza gukinira ikipe ya bo y’igihugu, rero umukinnyi ukina imbere mu gihugu iyo haje abakinnyi benshi bavuye hanze biba bigoye kuba yabona umwanya mu ikipe y’igihugu.'

'Ibyo ni byo, buri mukinnyi wese ukina mu imbere mu gihugu usanzwe ahamagarwa mu ikipe y’igihugu akwiye gushaka uko ajya gukina hanze kuko mu gihe kiri imbere bizaba bigoye kubera abakinnyi bakina hanze ari benshi.'

Ibi ni nabyo bituma Omborenga Fitina atarasinyira ikipe yo mu Rwanda iyo ari yo yose kuko yabanje kubanza kureba mu makipe amwifuza yo hanze y’u Rwanda niba hari iyo byakunda ko yasinyira. Ni ibintu asangiye na Niyigena Clement wa APR FC na we utarongera amasezerano kubera akirimo kureba niba yabona uko ajya gukina hanze y’u Rwanda.

Abakinnyi bakina mu Rwanda bafite amahirwe make yo guhamagarwa mu ikipe y’igihugu

Omborenga yavuze ko abakina mu Rwanda bakwiye gutekereza kureba uko bajya gukina hanze

Mu minsi iri imbere Amavubi azajya ahamagarwamo umugabo asibe undi

Mu bakandida bemewe kwiyamamariza kuba Perezida wa Repuburika, bose bahatanye mu mwaka wa 2017 mu matora y'umukuru w'Igihugu yarangiye, Paul Kagame yegukana intsinzi.

Muri iyi nkuru, tugiye kugaruka ku mateka y'abakandida batatu bahatanye mu matora y'umukuru w'Igihugu mu mwaka wa 2024.

Pauk Kagame

Paul Kagame yavutse kuwa 23 Ukwakira 1957, ni bucura mu muryango w'abana 6. Ababyeyi be ni Deogratias Rutagambwa wari umunyamuryango w'Umwami Mutara III Rudahigwa, ndetse na Asteria Rutagambwa wari ufitanye isano ya hafi n'Umwamikazi wa nyuma w'u Rwanda, Rosalia Gicanda.

Yashakanye na Jeannette Kagame mu mwaka wa 1989, bafitanye abana 4 abahungu batatu n'umukobwa umwe. Paul Kagame kugeza ubu afite abuzukuru babiri, bavuka ku buheta bwe bw'umukobwa witwa Ange Kagame washyingiranwe na Bertrand Ndengeyingoma mu mwaka wa 2020.

Paul Kagame yageze mu gihugu cya Uganda mu mwaka wa 1962 ahunganye n'umuryango we bahunze itotezwa, ihohoterwa n'ibindi binyuranye byakorwaga n'abahutu bari bararenzwe n'urwango batifuzaga ko umututsi yabaho atekanye mu gihugu cye cy'u Rwanda.

Yakuze nk'abandi bana ariko akaba umuhanga cyane aho yize hose, kandi intumbero yari iyo kuzagarura abanyarwanda bari barahejwe imyaka myinshi mu gihugu cyabo cy'u Rwanda. Byatumye mu mwaka wa 1979 yinjira mu gisirikare yanaherewemo imyitozo mu ishuri rya CGSC ryo muri Leta ya Kansas muri Leta Zunze Ubumwe za Amerika, ryabonye izuba mu 1881.

Mu myaka ya za 1980, Paul Kagame ari mu basirikare barwanije Leta y'igitugu ya Obote wayoboye Uganda, barayitsinda bimika Yoweli Kaguta Museveni ku butegetsi, Paul Kagame ahita ahabwa inshingano zikomeye zo kuyobora urwego rw’ubutasi rw'igisirikare cya Uganda, hari mu mwaka wa 1986.

Kagame yaje kuyobora urugamba rwo kubohora igihugu cy’u Rwanda nk’uko yari yarakomeje kubyitoza mu myaka ya 1977 na 1978 asura bucece u Rwanda yirengagije ko yatabwa muri yombi nk'umututsi wari impunzi kandi w'umusore ufite imbaraga, nyamara urukundo yari afitiye igihugu n'umuhate wo kurugarukamo ntibyabashaga gutuma atuza.

Nyuma yo guhagarika Jenoside yakorewe Abatutsi mu 1994, Paul Kagame yaje kuba Visi Perezida w’u Rwanda guhera muri uwo mwaka kugera muri 2000 akaba ari inshingano yafatanyaga no kuba Minisitiri w'Ingabo aho yari afite ipeti rya Major General, maze kuwa 22 Mata 2000 arahirira inshingano zo kuba Perezida w'igihugu cy'u Rwanda.

Mu matora yo mu mwaka wa 2017, Perezida wa Komisiyo y'Amatora, Prof Kalisa Mbanda yavuze ko Paul Kagame yatowe n'Abanyarwanda 6,675472 bangana na 98,8%.

Nyuma yo kuyobora Igihugu mu myaka 7 yari yatorewe, Perezida Kagame yongeye gutangwa n'ishaka FPR mu matora y'umukuru w'Igihugu ateganyijwe ku wa 14 na 15 Nyakanga 2024, akaba ari muri manda y’imyaka 5.

Dr Frank Habineza

Habineza Frank ni umugabo ufite imyaka 47 y’amavuko dore ko yavutse mu mwaka wa 1977, avukira mu gihugu cya Uganda, aho ababyeyi be babaga mu buhungiro.

Yize amashuri abanza n’ayisumbuye muri Uganda ayarangiza mu mwaka 1998. Amashuri ye ya Kaminuza yayigiye muri Kaminuza y’u Rwanda i Butare hagati 1999 na 2004.

Arangije kaminuza muri 2005, yahise agirwa umunyamabanga wihariye wa minisitiri ushinzwe ibidukikije, amashyamba, amazi n’amabuye y’agaciro. Mu mwaka wa 2006, yavuye mu mirimo ya leta ajya kuyobora icyitwa “Nile Basin”, ikigo cyitaga ku kubungabunga ibibaya by’uruzi rwa Nile Kugeza mu mwaka wa 2009.

Nyuma y’amahugurwa n’amasomo y’inyongera muri Afrika y’Epfo no muri Sweden, mu mwaka wa 2013 yahawe impamabumenyi y’ikirenga y’icyubahiro muri Amerika, bamushimira guharanira demokarasi n’uburenganzira bw’ikiremwamuntu.

Mu mwaka wa 2017, Dr Frank Habineza yiyamamarije kuba Perezida wa Repuburika ahagarariye ishyaka rya Green Party ariko birangira atsinzwe n'amanota 0.4% ahwanye n'abantu 32,701.

Kuri ubu, Dr Frank Habineza yongeye gutangwa n'ishyaka rya Green Party nk'umukandida mu matora y'umukuru w'Igihugu ateganyijwe ku wa 14 na 15 Nyakanga 2024.

Mpayimana Phillipe

Philippe Mpayimana wiyamamaza nk’umukandida wigenga, yavutse mu mwaka wa 1970 akaba afite abana bane. Yavukiye mu karere ka Nyaruguru, mu yahoze ari perefegitura ya Gikongoro ariko akunda kuba mu karere ka Bugesera.

Mpayimana yize amashuri yisumbuye mu rwunge rw’amashuri i Save (Groupe Scolaire Save), akomereza muri Kaminuza y’u Rwanda i Nyakinama ahava ajya kwiga ibijyanye n’itangazamakuru mu gihugu cy’u Bufaransa ndetse aba n’umwe mu batangije televisiyo y’u Rwanda yashinzwe mu ntangiro za 1990.

Uretse kuba umunyamakuru, Mpayimana yaminuje mu bijyanye n’indimi n’isesengura ryazo, ubumenyi yakuye mu gihugu cya Cameroon.

Mu mwaka wa 2017, nibwo Mpayimana yahatanaga ku mwanya wo kwicara muri Village Urugwiro nka Perezida wa Repuburika, ariko aza gutsindwa amatora aho yaje ku mwanya wa kabiri n'amajwi 0.7% angana n'abantu 49,031.

Mu mwaka wa 2018 Mpayimana yatangaje ku mugaragaro ko ashinze ishyaka ritwa (Parti du Progress du Peuple Rwandais: PPR) rigamije iterambere ry'Abanyarwanda, ariko ntabwo yakomeje kumvikana mu ruhando rwa Politiki.

Mu mwaka wa 2021, Mpayimana Phillipe wiyamamarije kuba Perezida wa Repuburika mu matora ya 2017, yahawe umwanya muri Minisiteri y'Ubumwe bw’Abanyarwanda n'uburere mboneragihugu (MINUBUMWE), aho yagizwe impuguke ishinzwe ubukangurambaga muri iyo Minisiteri.

Ni umwanya yahawe bitangarizwa mu nama y'Abaminisitiri yateranye ku wa 12 Ugushyingo 2021 iyobowe na Perezida wa Repuburika Paul Kagame.

Kuri ubu, Mpayimana Phillipe yongeye gutanga kandidatire ye mu matora y'umukuru w'Igihugu nk'umukandida wigenga. Ni amatora ateganyijwe ku wa 14 na 15 Nyakanga 2024.

Asohoye iyi ndirimbo mu gihe abahanzi n’abandi bagenerwabikorwa bamaze igihe bibaza igihe ibi bihembo bizongera gutangirwa. Ni nyuma y’uko mu 2023, ubuyobozi bwa Radio Kiss Fm bufashe icyemezo cyo kubisubika, ahubwo bahuza imbaraga n’abateguye ibihembo bya Trace Awards.

Ni ibihembo byari bitanzwe ku nshuro ya mbere. Umuhango wabereye muri BK Arena, ku wa 21 Ukwakira 2023. Kiss Fm yafatanyije na Trace Awards mu guhemba umuhanzi w’umunyarwanda uhiga abandi, icyo gihe igihembo cyegukanwe na Bruce Melodie.

Umuyobozi wa Radio Kiss Fm, Lee Ndayisaba kiriya gihe yabwiye InyaRwanda ko bahisemo gukorana na Trace Awards kugira ngo bigire ‘ku bunararibonye bw’abategura ibi bihembo’.

Ati 'Twahisemo gufatanya na Trace Awards muri uyu mwaka mu murongo umwe n'ubundi wa Kiss Summer Awards, ariwo gutanga uruhare rwacu nka Kiss FM mu guteza imbere abahanzi Nyarwanda.'

Impeshyi irakomanga; Kiss Summer Awards yagiye nka nyomberi?

Kugenda nka Nyombeli: Kugenda mahera kandi bucece ntawe umenye aho unyuze- Ibi bihembo byatangiye gutangwa mu 2018. Byasubitswe bwa mbere mu 2023, kandi mu bihe bitandukanye bagiye babitanga imbona nkubone nko mu birori byabereye muri BK Arena, ibindi byabereye kuri Radio, kuri Norrsken House Kigali n’ahandi hanyuranye.

Mu mpeshyi ni bwo Kiss Fm yatangazaga abahanzi bahatanye muri buri cyiciro, ndetse ikagaragaza indirimbo zakunzwe cyane, ubundi bagaha abafana bagahitamo.

Ibi bihembo bikurikirwa cyane n’umubare munini, ndetse usanga buri muhanzi wese afite inyota yo kugira icyo yegukanamo. Amatora yo kuri Internet arakurikirwa cyane, ndetse ibitekerezo by’abafana biba bigaragaza umuhanzi bashaka.  

InyaRwanda ifite amakuru yizewe ahamya ko muri uyu mwaka wa 2024 ibi bihembo bizatangwa ku nshuro ya Gatanu. Ni mu gikorwa kizaba nyuma y’amatora y’Umukuru w’Igihugu ndetse n’ay’Abadepite. Byitezweho ko hari ibyiciro bizakurwamo, ibindi bikongerwamo.

Ibi bihembo bihabwa abahanzi, abatunganya indirimbo (Producers) bagize uruhare mu gukora indirimbo zahize izindi mu gihe cy'impeshyi.

Mu 2022, ibyiciro bihabwa ibihembo byavuye kuri bitanu bigera kuri birindwi, Ubuyobozi bwa Kiss Fm icyo gihe bwatangaje ko byaturutse ku busabe bw'abakunzi babo.

Ibyiciro bishya byongewe muri Kiss Summer Awards 2022 harimo icyiciro cy'umuhanzikazi witwaye neza n'icyiciro cy'umuhanzi wakoze alubumu nziza.

Hatangwa ibihembo ku byiciro birimo: Best Artist, Best Song, Best New Artist, Best Producer, Best Female Artist, Best Album na Life Time Achievement Award.

Abegukanye ibihembo bya Kiss Summer Awards mu 2022:

1. Igihembo cy'uwatunganyije indirimbo neza 'Best Producer' cyegukanwe na Element wo muri Country Records.

2. Igikombe cy'umuhanzi mushya (Best New Artist) yabaye Chriss Eazy wo muri Giti Business Group.

3. Igikombe cya album yahize izindi (Best Album) yabaye 'Twaje' y'umuhanzi Yvan Buravan.

4. Igikombe cy'uwitangiye umuziki Nyarwanda (Life Time Achivements Awards) cyegukanwe na Mushyoma Joseph uzwi nka Boubou.

5. Igikombe cy'umuhanzikazi wahize abandi (Best Female Artist) cyegukanwe na Alyn Sano.

6. Igihembo cy'umugabo mwiza (Best Male Artist) cyegukanwe na Kenny Sol.

7. Igikombe cy'indirimbo y'impeshyi (Best Summer Song) cyegukanwe n'indirimbo 'Inana' ya Chriss Eazy.

Chriss Eazy yegukanye igikombe cya 'Best Summer Song' muri Kiss Fm abicyesha indirimbo ye yise 'Inana'

Kenny Sol yegukanye igikombe cya 'Best Artist' muri Kiss Summer Awards ya 2022

Producer Element wo muri 1:55 AM yongeye kwegukana igikombe muri Kiss Summer Awards- Igihembo yagishyikirijwe n'Umuyobozi w'Inteko y'Umuco, Amb. Robert Masozera 

KANDA HANO WUMVE INDIRIMBO ‘BIZIMA’ YA ISH KEVIN

Nyuma y'uko iyi gahunda yari ihari ariko igahagarikwa mu 2007, mu 2021 yongeye gutangira hagamijwe kuvuguta umuti w'ibibazo by'ubuke bw'abakozi bo mu nzego z'ubuvuzi barimo abaforomo n'ababyaza.

Yatangirijwe mu bigo by'amashuri birindwi birimo ESSA Ruhengeri, GS Gahini n'Urwunge rw'Amashuri rwitiriwe Mutagatifu Aloys rw'i Rwamagana.

Hari kandi muri Groupe Officiel de Butare, ES Remera Rukoma, GS Kigeme na Groupe Scolaire Frank Adamson Kibogora, buri shuri ryari rifite abanyeshuri 30.

Aba banyeshuri 203 batangiranye ibizamini ngiro bya leta bisoza amashuri yisumbuye by'umwaka w'amashuri wa 2023/2024, n'abandi 26,482 biga mu mashuri yisumbuye ya tekinike imyunga n'ubumenyi ngiro.

Ni ibizamini byatangijwe kuri uyu wa 18 Kamena 2024.

Iby'abiga ubuforomo ku rwego rw'igihugu byatangirijwe mu Bitaro bya Rwamagana, mu gihe iby'abiga mu mashuri y'imyuga n'ubumenyingiro byatangirijwe muri Saint Joseph Integrated Nyamirambo.

Iby'abiga ubuforomo byatangijwe n'Umuyobozi ushinzwe imyigishirize mu guteza imbere abakozi muri Minisiteri y'Ubuzima, Dr. Menelas Nkeshimana.

Yavuze ko iyi gahunda na yo ari imwe muri gahunda ngari ya leta yo gukuba kane umubare w'abaganga bakava kuri umwe ufasha abarwayi 1000 bakagera kuri bane.

Ati “Uyu munsi abakoze ibizamini bisoza umwaka ni 203, ubutaha bazaba ari 400, uzakurikira ni hafi 600 bakiyongera ku bavura uyu munsi. Ni imwe muri porogaramu nyinshi dufite muri iyi gahunda ngari.”

Dr Nkeshimana yavuze ko aba 203 uburezi bahawe budashidikanywaho kuko integanyanyigisho yifashishijwe yagizwemo uruhare n'inzego zitandukanye zaba iz'uburezi, iz'ubuzima n'izindi.

Ikindi ni uko n'abanyeshuri ubwabo na bo bagombaga kugira ibyo basabwa kuko porogaramu itapfaga kwakira ababonetse bose, abarimu na bo barahugurwa by'umwihariko ku buryo bitezweho umusaruro ufatika.

Ku bijyanye n'akazi abazatsinda mbere yo guhabwa akazi bazajya bakorera 'lisence' itangwa n'Inama y'igihugu y'abaforomo n'ababyaza, NCNM ibahesha kwemererwa kuba bakora uwo mwuga.

Dr Nkeshimana ati “Abazashaka gukora akazi karahari kuko tubifite kuri gahunda y'abarangije amashuri yisumbuye ya Minisiteri y'Ubuzima. Uzatsinda yariyandikishije muri NCNM ashobora kujya mu murimo ariko n'uzashaka gukomeza amashuri na we arabyemerewe. “

Umuyobozi Mukuru w'Ikigo cy'Igihugu gishinzwe Ibizamini n'Ubugenzuzi bw'Amashuri, NESA, Dr Bernard Bahati watangije ibizamini by'abiga mu mashuri y'imyuga n'ubumenyingiro yasabye abanyeshuri batangiye kwitonda bakabanza gushishoza.

Yabibukije ko n'ubwo bazakora n'ibindi bizamini byanditse ariko ibi ari ingenzi kuko utazagiramo 70% atazahabwa impamyabumenyi.

Impamvu ni uko ari ibizamini ababirangiza bahita bajya ku isoko ry'umurimo, ibisaba ko baba bafite ubwo bumenyi ngiro bwuzuye.

Dr Bahati ati “Niyo mpamvu umunyeshuri udatsinze iki kizamini kugeza kuri 70% tutamuha impamyabumenyi kuko icyo aba ategerejweho gukora nagera ku isoko ry'umurimo agomba kukigaragaza. Ni ikizamini dukomeraho cyane kuko icy'ingenzi muri bo ni ubwo bumenyi ngiro.”

Ibizamini bizakorwa n'abanyeshuri biga mu mashuri yisumbuye ya tekinike, imyunga n'ubumenyi ngiro barimo abakobwa 11,976 n'abahungu 14,506 biga mu bigo 330, bigakorerwa kuri site ya 203 zatoranyijwe hirya no hino mu gihugu.

Ku ruhande rw'abiga ubuforomo abanyeshuri bazakora ibizimani bisoza amashuri yisumbuye 203, barimo abahungu 100 n'abakobwa 103.

Muri gahunda yo kwihutisha iterambere NST1 amashuri y'imyuga na tekiniki yavuze kuri 200 arenga 500 mu mirenge 392 muri 416 igihugu gifite uyu munsi.

Intego ni Uko bitarenze 2024 buri murenge uzaba ufite bene iri shuri ndetse abanyeshuri bayigamo bakagera kuri 60% bavuye kuri 40% by'abiga mu mashuri yisumbuye bahari uyu munsi.

Ni mu gihe n'amashuri y'ubuforomo mu yisumbuye ari kongerwa umunsi ku wundi, kuri ubu akaba ageze kuri 18 avuye kuri arindwi gahunda yatangiranye mu 2021, uyu munsi iyi gahunda ikaba ibarurwamo abanyeshuri 1290 barimo abahungu 575 n'abakobwa 715.

Abanyeshuri basabwe gushyiramo umwete kuko utabomye 70% mu bizamini ngiro adahabwa impamya bushobozi

Dr Bernard Bahati yerekanye ko ibizamini ngiro babyibandaho cyane kuko ari bwo bumenyi abanyeshuri bajyana ku isoko ry’umurimo

Abo ni abarimu babo bari biteguye kubagenzura mu bihe by’ibizamini

Aha abanyeshuri basoje amashuri y'imyuga n'ubumenyingiro bari bamaze guhabwa amabwiriza bagombaga kugenderaho bakora ibizamini ngiro

Umuyobozi Mukuru wa NESA, Dr Bernard Bahati ashyikirizaga abanyeshuri ibikoresho bagombaga kwifashisha mu bizamini ngiro

Amafoto: Kwizera Remy Moses