Category: Uncategorized

Uyu muraperi umaze imyaka irenga 18 mu muziki, yabigarutseho mu kiganiro cyihariye yagiranye na InyaRwanda yahuriyemo na Riderman mu rwego rwo kwamamaza Album yabo bise 'Icyumba cy’amategeko' iriho indirimbo 6.

Ni Album bavuga ko bazakorera igitaramo muri uyu mwaka mu rwego rwo kuyimurikira abafana babo n'abakunzi b'umuziki muri rusange. Ni ubwa mbere bombi bari bakoranye Album, nyuma y'imyaka irenga 18 bombi bari mu muziki.

Bull Dogg yabwiye InyaRwanda ko ashingiye ku bikorwa abaraperi bamaze gushyira hanze muri uyu mwaka, bigaragaza ko uyu mwaka ari uwabo.

Yavuze ko afite ibikorwa ari gutegura birimo na Album yahuriyemo na Riderman. Ati 'Nanjye ndi gutegura gusohora Album kandi uko bimeze kose, Imana nishoboza nzayisohora muri uyu mwaka. 

Ni ikintu cyiza kuko mfite abantu bakunda Hip Hop yanjye kandi batari bacye.' Bull Dogg avuga ko n'ubwo bimeze gutya, Riderman nawe ari gutegura Album ye bwite.

Atangaje ibi mu gihe muri Nzeri 2021, yashyize hanze Album ye ya mbere yise 'Kemotheraphy' iriho indirimbo nka 'Byukuri', 'Kemo Style', 'Kuri Time'', 'Karibuni' n'izindi.

Bull Dogg wabonye izuba tariki 16 Nzeri 1998, ni umwe mu bahanzi bakomeye mu njyana ya Hip Hop mu Rwanda, washyize imbere umwihariko wa Old Skool.

Ni umwe mu babarizwa mu itsinda rya Tuff Gangs, rimaze igihe riri gukora kuri Album itegerejwe na benshi. Uyu muraperi yaciye ibintu binyuze cyane mu ndirimbo yise 'Ku munsi w'imperuka' yashyize hanze mu 2008, 'Imfubyi' yakoranye na The Ben n'izindi.

Bull Dogg yatangaje ko muri uyu mwaka azashyira hanze Album ye bwite

Bull Dogg yavuze ko iyi Album iriho indirimbo yakoranyeho na Riderman

REBA UHEREYE KU MUNOTA WA 30 UREBE BULL DOGG AVUGA KURI ALBUMYE

KANDA HANO UBASHE KUMVA ALBUM ‘ICYUMBA CY’AMATEGEKO’ YA RIDERMAN NA BULL DOGG

 “>

Byabereye mu Mudugudu wa Nyabisindu, Akagari ka Shyembe, Umurenge wa Murambi mu Karere ka Karongi ku wa 17 Kamena 2024.

Saa Kumi n'Ebyiri n'Igice nibwo umurambo w'uyu mugabo wabonetse munsi y'urutoki, nyuma y'umunsi umwe umugore wa nyakwigendera atanze amakuru ko yabuze umugabo we.

Uyu mugore bivugwa ko yabanje kwigira nyoni nyinshi, avuga ko umugabo yari yabuze none akaba abonetse yapfuye, ariko abaturage n'ubuyobozi bakurikiranye basanga uyu mugabo yiciwe munsi ye, ajugunywa aho munsi y'urutoki.

Umwe mu bayobozi b'inzego z'ibanze mu Karere ka Karongi yabwiye IGIHE ko bakimenya aya makuru bageze aho byabere bari kumwe n'uhagarariye Polisi, uhagarariye ingabo n'uhagarariye Urwego rw'Igihugu rw'Ubugenzacyaha (RIB).

Babajije umugore wa nyakwigendera impamvu avuga ko umugabo we yiciwe ahandi akajugunywa munsi y'urutoki, kandi bigaragara ko nkuta z'inzu yabo hari amaraso avuga ko umugabo we yatahanye n'abandi bagabo, abo bagabo bafungirana uyu mugore mu nzu kugira ngo babone uko bica umugabo we.

Abayobozi bamubajije impamvu atanditse ubutumwa bugufi atabariza umugabo we, Niyonkuru abura icyo asubiza yemera ko ariwe wamwishe afatanyije n'undi mugabo nyuma bashaka umuntu wo guterura umurambo no kujya kuwujugunya.

Abatawe muri yombi bafungiye kuri sitasiyo ya RIB ya Gashari, mu gihe iperereza rikomeje.

Uyu mugore n'umugabo we wari ufite imyaka 42 bafitanye abana babiri. Bikekwa ko uyu mugore yacaga inyuma umugabo bikaba ari nabyo byabaye intandaro yo kumwicisha.

Byatangarijwe mu birori byo kwizihiza umunsi w'umwana w'Umunyafurika byateguwe n'Umuryango ugamije guteza imbere imikino y'abana, KINA Rwanda ku bufatanye n'umuryango udaharanira inyungu wunganira mu bureri (IEE) n'ishami ry'Umuryango w'Abibubye ryita ku bana mu Rwanda (UNICEF).

Ni ibirori byizihijwe kuya 16 Kamena 2024 mu Karere ka Musanze, kuri Bibliothèque AGATI.

Ibirori byari bigamije kuzamura ubumenyi ku burenganzira bw'umwana, gushishikariza abaturage kwita ku bana no kugaragaza akamaro k'imikino mu burezi bw'abana bato.

Amashuri arenga atanu yo muri Musanze yitabiriye ibi birori hamwe n'ababyeyi, abarezi, n'abaturage baturutse mu duce dutandukanye.

Ni ibirori kandi byitabiriwe n'abayobozi b'amashuri n'abayobozi b'akarere, babonye neza uburyo bwo kwigisha abana hifashishijwe imikino ko bifite uruhare runini mu burezi bwabo.

Ubuyobozi bwa KINA Rwanda bwagaragaje ko gufasha abana kubona umwanya wo gukina bigira uruhare rukomeye mu mikurire yabo, no kubafasha mu gukangura no kongera ubumenyi bwabo n'imibanire myiza n'abandi.

Bagaragaje ko biyemeje gukorera hamwe kugira ngo buri mwana mu Rwanda abone uburezi bufite ireme n'amahirwe yo gutera imbere mu buryo bwuzuye.

Inzobere zigaragaza ko imikino ifasha umwana gutekereza ituma akura neza, akavumbura kandi akamenya gukorana neza n'abandi.

Imikino kandi inatoza abana kwihangana, gufata imyanzuro myiza, gutegeka ibyiyumvo byabo no gukina neza n'abandi bana.

Gukina k’umwana ntabwo bisaba amikoro ahambaye

Ababyeyi n’abana bahawe umwanya barakina, basabwa kujya babizirikana buri gihe

Abana bahawe umwanya batanga ibitekerezo ku mikino ibanyura

Myugariro w’umunyarwanda uri mu igeragezwa mu ikipe ya Al Jazira muri Leta Zunze Ubumwe z’Abarabu mu Mujyi wa Abu Dhabi, bishobora kurangira agarutse atayisinyiye kubera ko atigeze akinira ikipe y’igihugu y’u Rwanda.

Uyu mukinnyi amaze iminsi mu igeragezwa muri iyi kipe ikina mu cyiciro cya mbere muri Leta Zunze Ubumwe z’Abarabu, ni nyuma yo gusoza amasezerano ye muri Rayon Sports.

Didier ukina ku ruhande rw’iburyo yugarira, yabwiye ISIMBI ko ubu bishoboka ko yagaruka gukina mu Rwanda nubwo igeragezwa yaritsinze, bidahagije kuko hari ibindi bareba atujuje.

Ati 'mu kibuga yaba umuvuduko na tekenike nta kibazo. Hari ibindi bareba ntujuje nko kuba ntarakinira ikipe y’igihugu na 'transfermarkt’ yanjye yanditse nabi. Rwose birashoboka ko nshobora kugaruka mu Rwanda ndabona amahirwe arimo kugabanuka.'

Uyu mukinnyi ategereje igisubizo cya nyuma ejo ku wa Gatatu kuko ni bwo iyi kipe izatangaza abakinnyi batsinze igeragezwa.

Bahuriye mu igeragezwa ari abakinnyi 24 kandi iyi kipe ikaba igomba gusigarana abakinnyi 7 gusa muri abo baje gukora igeragezwa, ikaba ari bo izaha amasezerano.

Mucyo Junior Didier yageze muri Rayon Sports mu mpeshyi ya 2022, hari nyuma yo kugira umwaka mwiza cyane muri Bugesera FC. Yafashije Rayon Sports kwegukana igikombe cy’Amahoro cya 2023.

Mucyo Junior Didier ashobora kugaruka adasinyiye ikipe yagiye gukoramo igeragezwa

Myugariro wa APR FC, Niyigena Clement ntabwo arimo guhuza n’iyi kipe y’Ingabo z’Igihugu z’u Rwanda ku kuba yakongera amasezerano.

Uyu mukinnyi ukina mu mutima w’ubwugarizi wari inkingi ya mwamba mu mwaka ushize w’imikino, yasoje amasezerano ye muri APR FC ariko ntabwo arayongera.

Amakuru ISIMBI yamenye ni uko uyu mukinnyi APR FC yifuje kumwongerera amasezerano ariko asaba kubanza bakamuha umwanya akareba mu makipe amwifuza yo hanze y’u Rwanda niba hari iyo byakunda kuko we amahitamo ye ya mbere ari ukujya gukina hanze.

Uku gusa no kuba ararikiye kujya gukina hanze y’u Rwanda cyane, amakuru avuga ko ari na yo mpamvu atakinnye umukino wa gicuti na Rayon Sports wabaye mu mpera z’icyumweru gishize ku wa Gatandatu aho amakipe yombi yanganyije 0-0.

Bivugwa ko ubuyobozi bwa APR FC bwamusabye kuza gukina uyu mukino ariko abitera utwatsi avuga ko akeneye akaruhuko kuko ari bwo yari akiva mu ikipe y’igihugu, gusa abamwegereye bavuga ko yanze gukina uyu mukino kubera ko nta masezerano ya APR FC afite.

Amakuru ISIMBI yamenye no uko uyu myugariro ari mu biganiro n’ikipe yo mu cyiciro cya mbere mu Bubiligi akaba ari yo mpamvu ituma atarongera amasezerano muri APR FC.

Niyigena Clement yageze bwa mbere muri APR FC 2019 ariko ihita imutiza muri Marines FC, 2020 yahise ajya muri Rayon Sports ayikinira imyaka 2 maze muri 2022 ni bwo yagarutse muri APR FC ayisinyira imyaka 2.

Niyigena Clement ntaremera kongera amasezerano muri APR FC

Amakuru avuga amasezerano aherutse gusinywa agamije ishyirwa mu bikorwa ry'uyu mushinga, azwi nka 'Implementation Agreement (IA),' akurikira ayari yasinywe mu 2019 hagati y'Urwego rw'Igihugu rw'Iterambere (RDB), ari narwo ruzakurikirana uyu mushinga, ndetse na Africa50, yari agamije gushyiraho imirongo izagena imikoranire y'impande zombi, 'Joint Development Agreement (JDA).

Leta y'u Rwanda izatanga ubutaka bungana na hegitari 61 buzubakwaho uyu Mujyi, inashyireho uburyo bukurura abashoramari bashora imari bakanakorera muri uwo Mujyi.

Africa50 niyo izakurikirana iyubakwa ry'uyu mushinga, iwugenzure ndetse inawubyaze umusaruro mu buryo bw'ubucuruzi, mu gihe amakuru avuga ko 'The Arab Bank for Economic Development in Africa (BADEA)' izatera inkunga uyu mushinga mu byiciro by'ibanze.

Muri rusange, uyu mushinga uzaba urimo kaminuza enye zibanda ku bijyanye na siyansi (STEM) zirimo Carnegie Mellon University yatangiye ibikorwa byayo mu Rwanda ndetse na African Leadership University. Kaminuza y'u Rwanda nayo izagira icyicaro muri uyu Mujyi, kizibanda ku bijyanye na 'Biomedical Engeneering.'

Muri rusange, byitezwe ko uyu mushinga uzatwara miliyoni 300$ mu kuwubaka, wamara kuzura ukaba ushobora kuzakurura ishoramari rifite agaciro ka miliyoni 300$, ari nako irema imirimo ibihumbi 50 mu Rwanda.

Nibura buri mwaka, u Rwanda rizajya rusarura miliyoni 150$ aturutse mu bikorwa byakorewe muri uwo Mujyi, mu gihe abanyeshuri 2600 bazajya basoza amasomo yabo muri za kaminuza ziri muri 'Kigali Innovation City'.

Uretse kaminuza, ibigo bikomeye bitanga serivisi z'ikoranabuhanga nabyo bizahabwa ikaze, ari nako bizagenda ku mishinga ifasha urubyiruko mu bijyanye no guteza imbere ikoranabuhanga ndetse no guhanga udushya.

Ni Umujyi uzubakwa mu buryo bugezweho kandi burengera ibidukikije, burimo gufata amazi yakoreshejwe akongera agasukurwa ku buryo yakongera gukoreshwa. Hazaba hari kandi ibice byahariwe imodoka zikoresha amashanyarazi n'ibindi.

Uyu mushinga uzafasha u Rwanda mu rugendo rurimo rwo kubaka ubukungu bushingiye ku bumenyi, nk'imwe mu ngamba zizarufasha kugera ku cyerekezo cya 2050.

Kigali Innovation City izubakwa kuri hegitari 61

Carnegie Mellon University yo yamaze kuzura

Kaminuza y’u Rwanda irateganya kuhubaka ishami ryigisha iby’ikoranabuhanga rikoreshwa mu buvuzi

Zimwe mu nzu zo muri aka gace zizaba zikoresha imirasire y’izuba

Inyubako zizaba ziri muri Kigali Innovation City zimwe zizaba zifite ibisenge bibika ingufu z’imirasire y’izuba

Uyu mushinga ugamije gufasha u Rwanda kuzamura umubare w’abahanga Afurika ifite mu bumenyi n’ikoranabuhanga

Byitezwe ko ibigo bikomeye birimo nka Cisco, IDM na Ericson bizajya bihugura abanyeshuri bo muri Kigali Innovation City aho kugira ngo bajye guhaha ubumenyi mu mahanga

Yabitangaje kuri uyu wa 17 Kamena 2024 mu kiganiro yagiranye n'Urwego rw'Igihugu rw'Itangazamakuru, RBA cyari kiyobowe na Cléophas Barore na Abera Martina.

Perezida Kagame yasabye ko itangazamakuru ryashaka uburyo Ikinyarwanda kidacika.

Umukuru w'Igihugu yavuze ko kera akiri umwana ari mu nkambi y'impunzi, uretse ababyeyi be bakibavugishaga, ndetse no mu mashuri abanza bakacyigishwa, radiyo yabaye kimwe mu byatumye akimenya neza.

Ati 'Mu byatumye menya Ikinyarwanda hari ikiganiro najyaga nkurikira kuri Radio Rwanda ndi muto, cyitwaga Wari Uzi Ko? Ntibigishaga n'Ikinyarwanda gusa ahubwo bigishaga n'ibikorwa.'

Uretse kumufasha kumenya neza Ikinyarwanda, Perezida Kagame yavuze ko iki kiganiro cyamufashije no kugira ubundi bumenyi burimo n'uko Inyabarasanya ivura igikomere.

Ni ibintu byamufashije cyane ubwo yari ageze mu ntambara zo 'mu baturanyi' mu 1983.

Ati 'Narakomeretse mu 1983 ubwo twari muri izi ntambara z'abaturanyi, nta miti ihari, nibuka muri icyo kiganiro 'Wari Uzi Ko' ko bavuze inyabarasanya, kandi ni ibintu usanga mu mirima, ndabifata ndabikora nta n'igipfuko cyari gihari, mfata ikirere ndahambira, ni uko nakize. Ni hano ku kuguru.'

Paerezida Kagame yavuze ko atangazwa no kubona urubyiruko rw'ubu ruvuga Ikinyarwanda kivanze n'izindi ndimi zitandukanye, asaba ko hashyirwaho gahunda igamije kukibigisha.

Yavuze ko hari abatakizi bagomba gufashwa ariko hari n'abakizi babikora nkana,.

Yavuze ko ikigomba gukorwa ari uko hashyirwaho uburyo abantu bamenya Ikinyarwanda, abakigoreka bakabikora ariko ntibibuze abashaka kukimenya kubona yo mahirwe.

Barore abajije Umukuru w'Igihugu niba hari amafaranga ateganyijwe muri iyo gahunda yo kwigisha Ikinyarwanda by'umwihariko bikozwe n'abanyamakuru, Perezida Kagame yavuze ko na byo byakorwa.

Ati 'Abantu bashobora gushyira amafaranga muri iyo porogaramu ariko aba mbere bica urwo rurimi ni n'abo abanyamakuru ubwabo. Arashaka ko bamwishyura kugira ngo avuge ururimi ruzima?'

Perezida Kagame yahishuye uko Radio Rwanda yamufashije kwiga Ikinyarwanda ari mu buhungiro

Ni ibikubiye mu butumwa bugaruka ku rugendo rwo kwiyubaka k'u Rwanda, yatangiye mu nama mpuzamahanga yabereye mu Mujyi wa Kigali ku wa 17 Kamena 2024.

Iyi nama yagarukaga ku ruhare rw'inkiko mpuzamahanga n'iz'u Rwanda mu kuburanisha ibyaha bya Jenoside yakorewe Abatutsi mu 1994, no kurebera hamwe icyakorwa ngo ibyabaye bitazongera ukundi.

Minisitiri Ugirashebuja yabanje kuvuga ko Jenoside yakorewe Abatutsi mu 1994 hakicwa abasaga miliyoni imwe yakoranwe ubugome bukabije abigereranya no kurimbura igihugu, kuko hari ibihugu bisaga 40 buri kimwe gituwe n'abaturage bagera kuri miliyoni imwe, hakaba n'ibindi bihugu birindwi buri kimwe gituwe n'abasaga ibihumbi 10 wagereranya n'Abatutsi bicwaga mu munsi umwe.

Minisitiri Ugirashebuja yanakomoje ku bikomere Jenoside yakorewe Abatutsi mu 1994 yasize, ku buryo byanabaye ingorabahizi guhuriza muri Village Urugwiro abayobozi bari baragizwe impunzi n'aya mateka n'abahoze muri Leta zabanje.

Ati ''Hari inama zabereye mu Urugwiro, imbogamizi ya mbere y'inama zabereye mu Urugwiro yari uguhuriza hamwe bamwe abagizwe impunzi n'ihohoterwa ryabaga, n'abari abayobozi kuri Leta (ebyiri) zakurikiye ubwigenge bw'u Rwanda. Kubahuriza ku meza amwe ngo haganirwe ku hazaza h'igihugu ntibyari inshingano yoroshye.''

Gusa Minisitiri Dr Ugirashebuja Emmanuel yasobanuye ko bigizwemo uruhare n'ubuyobozi bwiza byagiyeho nyuma ya Jenoside bukimakaza ubumwe, ubwiyunge no gutanga ubutabera buboneye, byaje gushoboka bikagerwaho.

Yavuze kandi ko hari byinshi byakozwe mu butabera bw'u Rwanda abakoze Jenoside yakorewe Abatutsi mu 1994 bashyikirizwa ubutabera, akomoza ku kuba u Rwanda rugisaba ibihugu byahungiwemo n'abayikekwaho kubohereza bakaburanishwa, cyangwa byo bikababuranisha.

Minisitiri w'Ubutabera akaba n'Intumwa Nkuru ya Leta, Dr Ugirashebuja Emmanuel