Category: Uncategorized

Kuri iki Cyumweru tariki 23 Kamena, Dr Frank Habineza umukandida watanzwe n'ishyaka riharanira Demokarasi no kubungabunga ibidukikije, Green Party yakomereje ibikorwa bye byo kwiyamamaza mu karere ka Kamonyi, Umurenge wa Runda akagari ka Gihara.

Mu nzira yerekeza i Gihara, Dr Frank Habineza n'abari bamuherekeje banyuze mu nzira zitandukanye agenda asuhuza abantu by'umwihariko abatuye mu mujyi wa Kigali. Imwe mu mihanda yanyuzemo harimo umuhanda wa Yamaha, mu Mujyi, Nyamirambo, akomereza Norvege, Ruliba no ku Ruyenzi, bazamuka berekeza i Gihara.

Mu masaha ya saa Saba abantu bamaze kuva gusenga, ni bwo Dr Frank Habineza umukandida w'ishyaka Green Party yageze i Gihara kuri site ahabereye iki gikorwa cyo kwiyamamaza yakiranwa yombi muri 'morale' yo hejuru, ibintu byatumye n'abatari bazi amakuru bahita baza kwirebera ibiri kuhabera.

Bamwe mu bakandida 50 bari kwiyamamariza kwinjira mu Nteko Nshingamategeko umutwe w'Abadepite, bageze imbere y'abaturage bo mu karere ka Gihara hanyuma barabasuhuza ndetse bamwe babagezaho imigabo n'imigambi y'ibyo bakora mu gihe baba batowe.

Gashugi Leonard umwe mu bakandida 50 b'ishyaka rya Green Party mu matora y'Abadepite, yavuze ko mu gihe baba batowe mu byo bazakoraho ari ugushyiraho ikigega cy'itangazamakuru ku buryo itangazamakuru ryarenga kuba akazi kagoye gusa ahubwo rikaba n'aho umuntu yakora ariko yizeye ko ejo n'ejo bundi rya mugoboka.

Mu migabo n’imigambi ye, Dr Frank Habineza yatangaje ko naramuka atowe azongera amafaranga ya muganga kuko bibabaje gusanga umuganga kugira ngo agufashe kandi nawe yasize mu rugo hugarijwe n’ibibazo.

Frank Habineza yagize ati: “Uzi kujya kuri Centre de Sante ugasanga umuganga afite abana atabonye uko ajyana ku ishuri!, abana baburaye!, ubwo se urumva yakuvura neza? Mu kwezi kwa Nzeri bizaba byatunganye nimutora kuri Kagoma”.

Yongeye kandi kwitsa ku kibazo cy’ubushomeri bwugarije urubyiruko bityo akaba yijeje abaturage bo mu karere ka Kamonyi ko naramuka atowe azahita ashyiraho gahunda zo guhanga imirimo, aho igera ku 500,000 izahangwa kandi ko bishoboka cyane kubera ubushakashatsi bakoze bwagaragaje ko bishoboka.

Mu mwaka ushize, hasohotse ubushakashatsi buvuga ko 25% by’urubyiruko ari abashomeri nta mirimo yo gukora bafite.

Dr Frank Habineza yijeje abaturage bo mu karere ka Kamonyi ko nibamutora azahanga imirimo 500,000

Dr Frank Habineza yaherekejwe n’umuryango we

 

Ibi byagarutsweho ubwo iri shyaka ryatangizaga ibikorwa byo kwiyamamaza, byatangiriye mu Karere ka Nyarugenge, aho abarwanashyaka ba PL barimo n'abaturutse muri Diaspora, bagaragarijwe ibitekerezo byifuzwa kuzashyirwa mu bikorwa mu gihe abayihagarariye bazaba binjiye mu Nteko.

Ni igikorwa cyabereye ku Kibuga cya Handball kiri hanze ya Kigali Pele Stadium i Nyamirambo, kuri iki Cyumweru, tariki ya 23 Kamena 2024.

Mbere yo kugaragaza imigabo n'imigambi PL ishaka kwinjirana mu Nteko, abarwanashyaka bayo bibukijwe ko umukandida wa mbere bashyigikiye ku mwanya w'umukuru w'igihugu ari Paul Kagame, hashimangirwa ko kumutora ari ugutegenyiriza Abanyarwanda ahazaza heza.

Mukabalisa Donatille yagize ati 'Dushaka kuzaharanira ko abasora biyongera, tukongera 'assiette fiscale' kugira ngo umusoro wiyongere. Murabizi ko ingengo y'imari yacu ahanini iba igizwe n'amafaranga aturuka mu gihugu. Turashaka kwigira no kwihaza.'

Yakomeje agira ati 'Ni ngombwa ko abasora baba benshi kurushaho, izo gahunda zose tukazaziharanira kugira ngo umusoro we kubera umutwaro abantu.'

Mu bakandida depite 589 bemerewe kwiyamamaza na NEC, harimo 54 b'Ishyaka Riharanira Ukwishyira Ukizana kwa buri Muntu [PL].

Imigabo n'imigambi ya PL n'ibyo iteganya kugeza ku Banyarwanda muri manda y'imyaka itanu yo kuva mu 2024-2029 nibaramuka binjiye mu Nteko, bishingiye ku nkingi y'ubukungu, imibereho myiza y'abaturage ndetse n'iy'imiyoborere myiza.

Mukabalisa Donatille, yavuze ko ishyaka abereye ubuyobozi rizaharanira guteza imbere imiyoborere myiza ishingiye ku mahitamo y'Abanyarwanda, ikazashingira ku byo bakeneye.

Ati 'Tuzakomeza gufatanya n'imitwe ya politiki kugira ngo ibitekerezo byacu bikomeze kubaka igihugu cyacu.'

Ishyaka rya PL, rifite gahunda yo guteza imbere urwego rw'abikorera, rigakangurira urubyiruko, abagore n'abagabo kuyoboka imirimo ibateza imbere ikanateza imbere igihugu, ari nako haharanirwa ko imikoranire y'abikorera n'ibigo by'imari irushaho kunoga, iri shyaka rikaba ikiraro gihuza impande zombi.

Mukabalisa, ati 'Tuzashyiraho inganda nto n'iziciriritse zikazagera aho zikura, tukanashyira imbaraga mu guteza imbere gahunda y'inganda bityo igihugu cyacu kibe igicumbi cy'ibyoherezwa mu karere no ku Isi yose.'

PL, yijeje ko niramuka igiriwe icyizere, izaharanira kugeza ibikorwaremezo birimo imihanda n'amazi ahantu henshi mu gihugu.

Ati 'Ku mpamvu zo kwimura abantu ku nyungu rusange, tuzakomeza guharanira ko tukazakomeza guharanira ko zinozwa binyuze mu gushyiraho amategeko anoze no kugira ngo ashyirwe mu bikorwa nk'uko bikwiye.'

PL, kandi ifite gahunda yo kunoza gahunda y'imiturire mu Mujyi wa Kigali, ari nako hashyirwa ingufu mu korohereza abanya-Kigali kubona amacumbi aciriritse.

Hari kandi gahunda yo kurushaho kubungabunga ibidukikije, bikajyana no kunoza neza gahunda yo gukusanya no gutwara imyanda yo mu ngo, ikabyara ibisubizo byinshi aho kuba ibibazo.

Iri shyaka riri mu ay'akuze mu Rwanda, rifite gahunda ngari yo gukangurira urubyiruko kwiga imyuga no guteza imbere ikoranabuhanga mu gihugu.

Ishyaka PL ryatangiye ku itariki ya 14 Nyakanga 1991. Muri Nyakanga ubwo hazaba hari kuba amatora y'umukuru w'igihugu n'ay'abadepite, iri shyaka rizaba ryujuje imyaka 33.

Amatora ya Perezida n'ay'abadepite 53 batorwa ateganyijwe tariki ya 14 Nyakanga 2024 ku banyarwanda baba mu muhanga na tariki ya 15 Nyakanga ku bari mu gihugu.

Perezida wa PL, Mukabalisa Donatille, yavuze ko imwe muri gahunda bazinjirana mu Nteko Ishinga Amategeko nibaramuka batowe, ari ugufasha u Rwanda kwihaza mu ngengo y’imari

Morale yari yose ku barwanashyaka ba PL biteguye gukora bakandida depite babo

Ishyaka rya PL rishyigikiye Paul Kagame, nk’umukandida ku mwanya w’umukuru w’igihugu

Iki gikorwa cyabereye ku Kibuga cya Handball kiri hanze ya Kigali Pele Stadium i Nyamirambo

Herekanywe abakandida bazahagarira ishyaka PL mu matora y’Abadepite

Amafoto: Ingabire Nicole

Umuhanzi Kevin Kade aravugwa mu rukundo n’umunyamideli wo muri Tanzania witwa Jasinta Makwabe, wigeze guhagararira Tanzania mu irushanwa rya Miss Africa Calabar mu 2021, akaba umwe mu nkumi zavuzwe mu rukundo na Diamond Platinumz.

Ni inkuru zaje nyuma y’amafoto Jasinta Makwabe yasangije abamukurikira ku rukuta rwe rwa Instagram ari kumwe na Kevin Kade ubona bahuje urugwiro n’andi amuteruye, bisemburwa n’ubutumwa uyu munyamideli yakurikije aya mafoto ati 'Love’ (Urukundo).

Ni amafoto yasamiwe hejuru ku mbuga nkoranyambaga benshi batangira kuvuga ko Jasinta yaba ari we wigaruriye umutima wa Kevin Kade.

Amakuru agera ku kinyamakuru ISIMBI avuga ko Kevin Kade amaze iminsi ari kubarizwa muri Tanzania, aho ari kumwe na The Ben ndetse na Producer Element mu bikorwa bitandukanye by’umuziki akaba ari ho yahuriye n’uyu munyamideli batangiye kuvugwa mu rukundo.

Kevin Kade na The Ben bari kubarizwa muri Tanzania mu bikorwa byo gufata amashusho y’indirimbo bakoranye bateganya gushyira hanze mu gihe kiri imbere, muri uru rugendo rwa bo bajyanye na Producer Element kugira ngo nihagira amahirwe babona yo gukorana indirimbo n’abahanzi bo muri iki gihugu bitazabagora.

Kugera ubu hagiye hanze amashusho agaragaza Kevin Kade n’umuhanzi Marioo wo muri Tanzania bahuje urugwiro, bica amarenga ko urugendo rw’aba bahanzi muri iki gihugu rushobora gusiga bakoranye indirimbo.

Bivugwa ko Jasinta Makwabe uri mu banyamideli bakomeye muri Tanzania ashobora kugaragara mu mashusho y’indirimbo ya Kevin Kade na The Ben cyane ko akunze kugaragara mu mashusho y’indirimbo akazi afatanya no kumurika imideli n’ibindi akora bimwinjiriza amafaranga.

Kevin Kade aravugwa mu rukundo n’umunyamideli wo muri Tanzania, Jasinta

Bagaragaye bahuje urugwiro

RUKUNDO Sulaiman / ISIMBI.RW

Dr Utumatwishima Abdallah yatangaje ibi kuri iki Cyumweru tariki 23 Kamena ku kibuga cya Gisa mu Murenge wa Rugerero, mu karere ka Rubavu, ku munsi wa kabiri w’ibikorwa byo kwiyamamaza by’Umuryango FPR Inkotanyi mu matora ya Perezida n’ay’Abadepite.

Ubwo Minisitiri Utumatwishima Abdallah yari agiye kwakira Perezida Paul Kagame watanzwe n'Umuryango FPR-Inkotanyi nk'Umukandida ku mwanya w’Umukuru w’igihugu, yabanje kumushimira ku bikorwa byiza amaze kubagezaho.

Yavuze ko muri iyi myaka ishize abaturiye umupaka wa Rubavu bagiye bumva inyuma yawo bihora biturika ariko Perezida Kagame akababwira gukora imirimo yabo kuko nta muntu n’umwe watinyuka umutekano w’Abanyarwanda.

Ati: “Nyakubahwa Chairman nta ntambara yabaye indirimbo ariko yabaye n'igitekerezo. Abaturage bo mu murenge wa Busasamana, Bugeshi na Cyanzarwe batuye ku mupaka, muri iyi myaka myinshi ishize inyuma y'umapaka bihora biturika.

Ndetse nk'Abanyarwanda bari bazi amateka y'ibiturika bagizemo n'akoba ariko Nyakubahwa Chairman mwabatumyeho, murababwira ngo ‘ni mukore imirimo yanyu, mukore ubuhinzi bwanyu, mwohereze abana ku mashuri nta muntu n’umwe watinyuka umutekano w'Abanyarwanda’ “.

Komiseri ushinzwe ubukangurambaga mu Muryango wa FPR Inkotanyi akaba na Minisitiri w’Urubyiruko n’Iterambere ry’Ubuhanzi, yakomeje avuga ko nyuma yo kugira umutekano usesuye, ibikorwa by’iterambere byakomeje birimo n’isoko ryambukiranya imipaka.

Ati: “Nyuma y’ibyo tumaze kugira umutekano usesuye, ibikorwa by’iterambere mu karere ka Rubavu, mu turere twose Rutsiro na Nyabihu byarakomeje. Ubungubu umujyi wa Rubavu, imihanda imeze neza haracyeye ndetse dufite n'isoko ryambukiranya imipaka;

Ba bandi iyo ibiturika byoroheje baza no guhahira iwacu. Iyo urebye ibintu byinshi twubatse nta bwoba, nta mpungenge nta ntugunda. Ubona ko umutekano ari wo shingiro ry’ibintu byose”. 

Minisitiri Utumatwishima Abdallah yavuze ko abanya-Rubavu bamutumye kugira ngo abashimire Perezida Kagame ko yabatabaye ubwo bahuraga n’Ibiza. 

Ati: “Nyakubahwa Chairman, abanya-Rubavu bantumye kugira ngo mbashimire by’umwihariko, ubwo umugezi wa Sebeya watezaga ibiza hano ubundi bakabura abantu, bakabura ibintu ndetse bakanasenyerwa, Nyakubahwa Chairman mwarabatabaye ndetse ibikomeye mwabatabariye kuri iki kibuga”.

Arakomeza ati “Urubyiruko rwa Rubavu rwambwiye ngo babonye ubutabaye, wiyiziye ngo bibuka ko hari ahandi bajya babona bagira ibibazo, bakagira ibiza nk’ibyacu bakareba Perezida wabo we yirira za mushikaki i Brussels.

Nyakubahwa Chairman mwebwe mwabasanze kuri iki kibuga nta buzima bafite, bameze nabi none uyu munsi bishimiye kukwakira bishimye bafite ubuzima bameze neza”.

Biteganyijwe ko ibikorwa byo kwiyamamaza ku bakandida ku mwanya wa Perezida n’Abadepite bizarangira tariki ya 13 Nyakanga 2024. Amatora azaba tariki ya 14 Nyakanga ku banyarwanda baba mu mahanga no ku wa 15 Nyakanga 2024 ku b'imbere mu gihugu.

Dr Utumatwishima Abdallah yashimiye Perezida Kagame ku byo yagejeje ku banya-Rubavu

Perezida Kagame yeretswe urukundo rwinshi n’Abanya-Rubavu

Perezida Kagame yashimwe ku bw’umutekano usesuye yagejeje ku banya-Rubavu

Nubwo Marcus Rashford atagize umwaka w’imikino mwiza, ntabwo bikuyeho ko ari umukinnyi mwiza buri kipe yakwifuza. Muri uyu mwaka w’imikino urangiye, yatsindiye Manchester ibitego umunani, bituma adahamagarwa n’u Bwongereza buri gukina Euro.

Nubwo muri uyu mwaka w’imikino Marcus Rashford atitwaye neza nk’uko byari bikwiye, umwaka wa mbere Eric Ten Hag akigera muri Manchester United, Rashford yamutsindiye ibitego 30 byamufashije gusoza umwaka w’imikino iyi kipe iri ku mwanya wa gatatu, inyuma ya Arsenal na Man City.

Amakuru dukesha Ikinyamakuru The Sun, avuga ko muri iyi minsi Marcus Rashford na Eric Ten Hag umwuka ari mwiza, bikaba bishoboka ko umwaka utaha azaba arangaje imbere mu busatirizi bwa Manchester United.

Nubwo Ten Hag na Rashford bameranye neza muri iyi minsi, mu mwaka w’imikino urangiye ubwo wari ugeze hagati, aba bagabo bigeze gukozanyaho, ubwo Manchester United yari imaze gutsindwa na Man City, icyo gihe Rashford yahise yiyobokera akabyiniro, ibintu byatumye adakina umukino wa FA Cup wahuje Manchester United na Newport Ciy.

Iyo imyitwarire yari yarazanye agatotsi hagati ya Eric Ten Hag na Marcus Rashford, yanatumye Rashford hanishwa n’ikipe ye ya Man United kumara ibyumweru bibiri adakina, ndetse anatanga amande y’ibihumbi 350 by’amayero.

Umwuka mwiza hagati ye na Ten Hag, uje nyuma y’uko uyu mukinnyi atagize umwaka w’imikino mwiza, bigakurikizaho kudahamagarwa mu ikipe y’igihugu y’u Bwongereza, ndetse mu minsi ishize akaba yaratangaje ko agiye gufata akaruhuko mu gukorera imbuga nkoranyambaga.

Kuba Marcus Rashford ameranye neza na Ten Hag, biraca amarenga ko uyu mukinnyi azakomezanya na Manchester United mu mwaka w’imikino utaha, bityo amakipe yamushakaga arangajwe imbere na PSG, agatangira gukura amerwe mu isaho.

Marcus Rashford kugeza ubu ameranye neza n’umutoza Eric Ten Hag, ibica amarenga ko no mu mwaka w’imikino utaha bazakomezanya 

Ubu busabe yabutanze kuri uyu wa 23 Kamena 2024 ubwo yakomerezaga ibikorwa byo kwiyamaza mu murenge wa Rugerero mu karere ka Rubavu; ahahuriye abaturutse muri aka karere, muri Rutsiro na Nyabihu mu ntara y'Uburengerazuba.

Kagame yabwiye aba baturage ko impamvu yamujyanye i Rubavu ari ukubashimira ko bamugiriye icyizere, akayobora u Rwanda, no kugira ngo bakomeze bafatanye urugendo rwo guteza imbere iki gihugu.

Ati 'Naje hano kubasuhuza, kubashimira no kugira ngo dufatanye urugendo tugiye gukomeza kugenda hamwe. Tugerageze twihute, tugende twese kandi icya rimwe ndetse duhereye ku byagiye bivugwa mu myaka ishize.'

Ashingiye ku ndirimbo zaririmbwe n'abaturage bitabiriye iki gikorwa, Kagame yahamije ko FPR Inkotanyi yagabiye Abanyarwanda bose, guhera mu gihe ingabo za RPA zari zishamikiye kuri uyu muryango zahagaritse jenoside yakorewe Abatutsi, zinakabohora igihugu.

Yagize ati 'FPR ni nka bya bindi byigeze kuririmbwa, twese yaratugabiye. Murabizi, inka mu Kinyarwanda ijyanye n'urukundo, ariko icya mbere burya ijyanye n'amajyambere. Ukugabira aba agukunda. Ukugabiye, aba akwifurije gutera imbere. Ni cyo kimenyetso kiri mu nka, mu muco w'Abanyarwanda. Murabizi rero hari imyaka yashize, inka bari baraziciye mu Rwanda, FPR irazigarura, iratugabira twese.'

Umukandida wa FPR Inkotanyi ku mwanya w'Umukuru w'Igihugu, yibukije abateraniye muri iki gikorwa ko mu muco nyarwanda, uwagabiwe inka aba afite inshingano yo kwitura uwamugabiye. Yabamenyesheje ko ari cyo basabwa mu gihe cy'amatora.

Ati 'Uwakugabiye uramwitura. Kwitura ni ugusubiza urukundo uwakugabiye aba yaguhaye, ni ugusubiza amajyambere ari muri uko kugabirwa. Bityo rero, iki gikorwa turi kujyamo cyangwa twatangiye ejo, ari abadepite batweretse ejo, ari umukandida ku mwanya w'Igihugu ubwo hazaba harimo kwitura FPR.'

Kagame yahamagaye abahagarariye imitwe ya politiki yashyigikiye umukandida wa FPR ku mwanya w'Umukuru w'Igihugu, arabashimira. Yashimangiye ko ari ikimenyetso cy'ubumwe, demokarasi n'amajyambere.

Ati 'Buriya n'abanga u Rwanda, n'abavuga ko bafite ibindi bemera, bagaruka kuri ibyo ngibyo bitatu. Nta bindi watwaramo u Rwanda ngo bishoboke cyangwa ngo Abanyarwanda babyemere, hatarimo ibyo bitatu. Ni byo duharanira, ni byo tugamije, ni byo twifuza kugeraho ku rwego rwo hejuru. Rero itariki 15 z'ukwezi gutaha, tuzaba dutora ubumwe, demokarasi n'amajyambere. Ariko ikindi kijyana n'ibyo, cya ngombwa ni ibikorwa biduha ibyo ngibyo dushaka. Naho wicaye ukabiririmba gusa, ukabivuga mu mvugo gusa, udakora ibibiguha, ntacyo wageraho.'

Umukandida wa FPR Inkotanyi yakomeje ati 'FPR rero n'abo dufatanyije, dukangurira n'Abanyarwanda bose, baba abo mu gihugu, abari hanze ni ibikorwa, kubana, gutera imbere ntawe dusize inyuma. Ibyadutandukanyije mu mateka tuzi, twarabirenze. Buri Munyarwanda wese ndetse n'utari Umunyarwanda ariko uri mu Rwanda, bigomba kumugeraho ko turi hamwe, ko turi kumwe, kandi ko dukora kugira ngo ibyo byose tubigeraho.'

Ibikorwa byo kwiyamamaza bizarangira tariki ya 13 Kamena 2024. Mu matora azaba tariki ya 14 n'iya 14 Nyakanga 2024, Paul Kagame azaba ahatanye n'abandi babiri: Dr Frank Habineza w'ishyaka DGPR n'umukandida wigenga, Mpayimana Philippe.

Ababarirwa mu bihumbi bitabiriye igikorwa cyo kwamamaza Paul Kagame

Ubwo Paul Kagame yageraga kuri iyi site, yasuhuje abaturage

Umukandida wa FPR Inkotanyi yasabye abateraniye kuri iyi site kwitura uyu muryango

Ni ijambo yavugiye mu gikorwa cyo kwiyamamaza cyabereye mu murenge wa Rugerero mu karere ka Rubavu kuri uyu wa 23 Kamena 2024, ubwo yakomozaga ku mubano w'u Rwanda n'ibihugu by'ibituranyi birimo Repubulika Iharanira Demokarasi ya Congo.

Abaturage b'i Rubavu by'umwihariko mu mirenge yo ku mupaka nka Rugerero bashimangira ko umutekano wabo uhagaze neza, nubwo mu bice bitari kure yabo byo muri RDC baba bumva urusaku rw'amasasu kenshi.

Kagame yagaragaje ko umutekano ari inkingi iterambere u Rwanda ryubakiyeho kuko aho wabuze, na ryo ridashoboka.

Ati 'Nta kintu wageraho hatari umutekano. Umutekano ni ngombwa, kandi utangwa na buri wese; mwebwe nk'Abanyarwanda ni mwe ba mbere mu ruhare rw'umutekano.'

Yakomeje asobanura ko inzego zishinzwe umutekano zikora akazi gashingiye ku kaba kakozwe n'abaturage.

Ati 'Izindi nzego mubona, ni mwe zishingiraho, ni mwe zubakiraho, ineza iba iri hagati yanyu kugira ngo bishoboke kubona umutekano usesuye, abaturarwanda bagashobora kwigeza ku byo bashaka.'

Paul Kagame yasobanuye ko igihugu cy'Abanyarwanda gitekanye kubera uruhare rwa buri wese.

Umukandida wa FPR Inkotanyi yabwiye abaturage ko mu gihe bakomeza gutanga umusanzu wabo mu iterambere ry'igihugu nk'uko babigenje mu myaka 30 ishize, uwakwifuriza u Rwanda inabi nta ho yabona ho kumenera.

Ati 'Abavutse mu myaka 30 ishize, bamwe basigaye ari ba Minisitiri, bamwe basigaye bagendera mu ndege, abandi barize, baraminuje, ariko ibyo byose tubikoze nk'uko dusanzwe tubikora, imyumvire myiza, ubwitange no gushaka, mubona uwakwifuriza u Rwanda inabi yabinyura he? Ntaho. Kandi uko dutera imbere, uko twubaka byinshi, ni ko dukomeza kubaka ubushobozi kugira ngo ibyo twubaka bizarambe.'

Kuva mu 2023, Perezida Félix Tshisekedi wa RDC na Evariste Ndayishimiye w'u Burundi bagaragaje ko bafite umugambi wo gutera u Rwanda, bagakura Paul Kagame ku buyobozi. Aya magambo yashimangiye ko umubano w'u Rwanda n'ibi bihugu wazambye bikabije.

Kagame yagaragaje ko u Rwanda rwifuza kubana neza na buri wese, ariko ko rwiteguye guhangana n'uwashaka kurugirira nabi. Ati 'Kubana, twifuza kubana rwose n'abaturanyi ndetse n'abandi, cyane cyane ibihugu bya Afurika n'abandi bo hirya cyane. Kuri twe icya mbere ni ukubana neza ariko iyo wubaka ushaka kubana neza yubaka ububanyi, ugomba no kwitegura. Ese utashaka kubana neza nawe, agashaka kukugirira nabi, uriteguye? Icyo gisubizo ni cyo duhora dushakisha mu buryo bwacu.'

Umukandida wa FPR Inkotanyi yatangaje ko icyo Abanyarwanda bashyize imbere ari ugukora ibibareba n'ibyo bashaka, bakiteza imbere; niba ari ugukorana cyangwa kubana neza n'amahanga bakabikora, ariko haje 'ibindi ntavuze', na byo babyiteguye.

Site ya Rugerero yateraniyeho abaturutse mu karere ka Rubavu, Nyabihu na Rutsiro

PauL Kagame yatangaje ko u Rwanda rwiteguye guhangana n’uwashaka kurugirira nabi