Category: Uncategorized

Ni ubutumwa yagarutseho kuri uyu wa Gatandatu, tariki ya 22 Kamena 2024, ubwo yatangizaga ibikorwa byo kwiyamamariza umwanya w'Umukuru w'Igihugu.

Ni igikorwa cyabereye mu Karere ka Gasabo, Umurenge wa Jabana, Akagari ka Bweramvura, Umudugudu wa Gitega.

Iki gikorwa cyari giteganyijwe gutangira saa 14:00 ariko gitangira zirenzeho imonota 20. Umunyamabanga Nshingwabikorwa w'Umurenge wa Jabana, Shema Jonas, niwe watanze ikaze ku bari aho bose, yemeza ko ibikorwa byo kwiyamamaza bitangira.

Dr Habineza yagize ati 'Hari ibyo dushaka kuzasaba Umuryango w'Ababibumbye, ko hashyirwaho ikigega cy'indishyi z'akababaro ku Rwanda kubera Jenoside yakorewe Abatutsi.'

'Mwese murabizi ko Loni n'ibindi bihugu mpuzamahanga hari uruhare byabigizemo, ariko hakaba hari n'abandi bakatiwe mu rukiko mpuzamahanga rwashyiriweho u Rwanda ariko ntihashyirweho uburyo hatangwa indishyi.'

Uyu mukandida uri kwiyamamaza ku mwanya w'umukuru w'igihugu ku nshuro ya kabiri, yakomeje agira ati 'None ko Loni yashyizeho ikigega cyo gufasha Israel, ubu na Amerika buri mwaka ikaba ishyiraho ingengo y'imari yihariye itanga kuri Israel, ndetse n'u Budage bukagira amafaranga bwohereza muri iki gihugu, natwe twifuza ko Loni biciye mu kanama gashinzwe umutekano ku Isi, hashyirwaho ikigega 'Genocide Special Fund for Rwanda'.'

Yavuze ko ayo mafaranga aramutse ahawe u Rwanda, rwazajya ruyifashisha mu bikorwa binyuranye birimo kubaka ibikorwa remezo binyuranye birimo imihanda, ibitaro n'ibindi.

Dr Habineza, yagarutse kuri byinshi yasezeranyije Abanyarwanda ubwo yiyamamarizaga ku mwanya nk'uyu mu 2017, bikaba byaragezweho n'ubwo atigeze agira amahirwe yo gutorwa.

Yagaragaje ko mu migabo n'imigambi y'ishyaka Green Party, harimo gukuraho imisoro y'ubutaka burundu, gahunda yo kwihaza mu biribwa ku buryo buri Munyarwanda wese azajya arya inshuro eshatu ku munsi, ndetse no guteza imbere urwego rw'ubuhinzi, ari nako hanagabanywa ingano y'ibiribwa bitumizwa mu mahanga.

Yagaragaje kandi ko bafite gahunda yo gushyiraho umurongo mu mitangire y'ubutabera nyuma y'uko hagaragaye ko 'Abantu bafungwa by'agateganyo iminsi 30 ariko bakamaramo umwaka bagifunzwe, birababaje.'

Dr Habineza yavuze ko iki ni kiramuka gikozwe kizatanga n'umusanzu wo kugabanya ubucucike mu magororero.

Ati 'Dufite gahunda yo kugabanya ubushomeri cyane cyane mu rubyiruko, tuzashyiraho gahunda y'inganda ntoya buri murenge wose wo mu Rwanda tuzashyiramo uruganda rutunganya ibintu runaka. Nidushyiraho izo nganda buri muntu wese yaba yarize yaba atarize azaba afite icyo gukora.'

'Tuzaba dufite intego yo gutanga imirimo ibihumbi 500 ku mwaka.'

Uretse kuba Ishyaka rya Green Party ryaratanze umukandida ku mwanya w'umukuru w'igihugu akemerwa, rifite n'abakandida depite 50 bemejwe barimo 26 b'abagabo mu gihe abagore ari 24.

Visi perezida w'Ishyaka rya Green Party, Carine Maombi, akaba na kandida depetite, yijeje abaturage bo muri Jabana, ko nibatora Dr Habineza Frank, bakanashyigikira abakandida b'abadepite b'iri shyaka, bazagabanya umusoro nyongeragaciro ukava kuri 18% ukagera kuri 14%.

Ati 'Icyo gihe bizatuma na babandi bacuruza bihishe, noneho basora batiganyira.'

Yavuze ko kandi hazashyirwaho uburyo bwo gucukura amabuye y'agaciro hifashishijwe ikoranabuhanga mu rwego rwo guca akajagari, ari nako ubukungu bw'igihugu bwiyongera.

Yagize ati 'Aha niho tuzahera.'

Senateri Alex Mugisha akaba n'umurwanashyaka wa Green Party, yavuze ko abaturage bo muri Jabana nibagirira icyizere Dr Habineza Frank, mu rwego rwo kurengera ibidukikije bazakorerwa ubuvugizi ku buryo batazongera kwishyuzwa igiciro cy'imyanda iva mu rugo, ahubwo abazajya baza kuyitwara aribo bazajya bayishyura nabo bakajya kuyitunganyamo ibindi birimo ifumbire.

Ishyaka riharanira Demokarasi no kurengera ibidukikije mu Rwanda (DGPR), ryatangijwe mu 2009, ryemerwa nyuma y'imyaka ine mu 2013. Mu matora y'umukuru w'igihugu yo mu 2017, iri shyaka ryatanze umukandinda ariko ntiyatsinda amatora.

Mu 2018 iri shyaka ryatanze abakandida deptite baranatsinda babona amajwi abemerera kwinjira mu Nteko Ishinga Amategeko ari babiri aribo, Senateri Alex Mugisha na Dr Frank Habineza, ubu bakaba bamazemo imyaka itandatu.

Muri uyu mwaka Dr Frank Habineza wa Green Party, ahatanye na Paul Kagame, umukandinda wa FPR-Inkotanyi ndetse na Mpayimana Phillipe wiyamamaje nk'umukandida wigenga.

Mu rugendo rumwerekeza aho yari agiye kwiyamamariza, Dr Frank Habineza, yagendaga asuhuza abaturage

Yageze Jabana, afata umwanya wo gusuhuza abaturage

Dr Frank Habineza, yishimiwe n’abaturage bo muri Jabana

Dr Frank Habineza, yijeje Abanyarwanda ko nibamutora mu matora y'umukuru w'igihugu, azabakorera ubuvugizi mu Muryango w'Abibumbye, hagashyirwaho ikigega cyihariye cy'indishyi kubera Jenoside

Dr Frank Habineza, yijeje kuzakuraho umusoro w’ubutaka burundu

Abaturage benshi baje kumva imigabo n’imigambi y’umukandida wa DGPR

Umunyamabanga Mukuru w'Ishyaka DGPR, Ntezimana Jean Claude, niwe wari uyoboye iki gikorwa cyo kwiyamamaza

Visi perezida w'Ishyaka rya Green Party, Carine Maombi, akaba na kandida depetite, yavuze ko nibaramuka batowe umusoro nyongeragaciro uzagezwa kuri 14%

Senateri Alex Mugisha, yijeje kuzakuraho ikiguzi cyo gutwara imyanda yo mu rugo

Amafoto: Ingabire Nicole

Umuyobozi ushinzwe ubucuruzi, Uwingabire Solange, yagarutse kuri serivisi z'inguzanyo yerekana ibanga umukiriya yakoresha akagenda azamuka mu bucuruzi akoresheje inguzanyo.

Ati''Umukiliya ashobora guhera ku nguzanyo isanzwe akoresha mu bucurizi, ndetse akagira decovert iyunganira aho biri ngombwa, mu gihe ufite ibicurizwa muri gasutamo bigakorwa n' umurabyo uratinda uboneka mu minsi itatu uru rugendo rwose uko ugenda uzamuka wishyura neza ukaba Wabasha no gutuza umuryango binyuze mu nguzanyo y'inzu ''mortgage loan''dore ko kuri ubu umukiliya ashobora kubona agera kuri Miliyoni 507 Frw icyarimwe''.

Solange yongeye gutinyura abacuruzi gukangukira gukorana na Banki ko ari amahirwe bafite muri COPEDU Plc izabafasha kugera mu iterambere rirambye.

Umuyobozi ushinzwe ibikorwa muri COPEDU Plc, Nyangezi Joseph, mu izina ry'Umuyobozi Mukuru yashimiye abakiliya ko ari bo bagize uruhare mu iterambere ry'iki kigo ndetse avuga ko hari gushyirwa imbaraga muri serivisi z'ikoranabuhanga nkuko byagiye bisabwa n'Abakiliya mu bihe bitandukanye.

Ati 'Twashyize imbaraga muri Mobile na internet banking aho umukiliya akoresha konti atavuye aho ari. kuri ubu ushobora kwakira cyangwa kohereza kuri MoMo cyangwa muzindi Banki akoresheje e-Kash. Hari n'uburyo bwa RIPPS ''transfer'' ukohereza amafaranga akagera k'uwo uyoherereje mu gihe gito ntankomyi kandi muri banki zose.'

Abakiriya b'iki kigo baboneyeho umwanya wo kungurana ibitekerezo n'ubuyobozi bwa Copedu Plc ndetse bizezwa ko ibyifuzo byabo bigeye gusuzumwa bigahabwa umurongo.

Umucuruzi witwa Nsengiyumva Emmanuel umaze imyaka irindwi akorana na COPEDU yashimye uburyo iki kigo cy'imari cyegera abakiriya bacyo kikabasobanurira neza serivise z'imari bagatera imbere.

Yagize ati 'Iyo uri umukiriya wa Copedu Plc irakwegera ikakugira inama ikakwereka ingazi wanyuraho ngo ubashe gutera imbere. Natse inguzanyo mu bihe bigoye bya Covid-19 barayimpa ndayishyura ubu bampaye iya kabiri ndi kuyikoresha na yo kandi ubucuruzi bwanjye buri kugenda bwaguka'.

COPEDU PlC yasezeranyije abakiliya ko mu gihe gito bazashyirirwaho uburyo bwa ''Agency Banking'' kuko bigeze kure bitegurwa kugira ngo boroherezwe.

COPEDU Plc n'ikigo cy'imari kimaze imyaka irenga 26 gitanga serivisi zo kwizigama n'inguzanyo kuri ubu gifite amashami 11 hirya no hino mu gihugu.

COPEDU PLC yakanguriye abakiliya bayo gukoresha serivisi z'ikoranabuhanga

COPEDU PLC yasabanye n’abakiliya bayo

Paul Kagame watanzwe n’Umuryango FPR-Inkotanyi nk’umukandida ku mwanya wo kuyobora igihugu yatangaje ko abantu bose aho bava bakagera ntawe ufite uburenganzira bwo guhitiramo Abanyarwanda abayobozi bababereye, bitwaje politike 'bitirirwa ko bazanye.'

Chairman wa FPR-Inkotanyi yavuze ko nubwo abantu bumva bihabanye ingingo ya demokarasi, Abanyarwanda bo ubwabo bafite uko bayumva by’umwihariko bijyanye n’amateka mabi u Rwanda rwanyuzemo ndetse agomba guhinduka uko yakabaye.

Ni mu butumwa yatanze kuri uyu wa 22 Kamena 2024, ubwo yatangiriraga ibikorwa byo kwiyamamariza kuyobora u Rwanda mu Ntara y’Amajyaruguru, i Busogo mu Karere ka Musanze, aho yakiriwe n’ibihumbi by’abaturage

Perezida Kagame yavuze ko abaturage basanzwe bazi ndetse basobanukiwe byuzuye icyo FPR- Inkotanyi ari cyo ndetse ashimangira ko u Rwanda rufite ubudasa mu buryo bw’ibigomba guhinduka.

Ati 'Ikibazo ni ukuvuga ngo bihindurwa na nde? Bihinduka bite? Bihindurwa namwe, mwebwe! Bihindurwa namwe muri politiki nziza, ni uko bihinduka.'

Nk’uko intero ya FPR-Inkotanyi ibishimangira, Perezida Kagame yavuze ko ahari Ubumwe, hakaba Demokarasi, ndetse hakaba n’Iterambere byose bishoboka kugira ngo amateka mabi ahindurwe.

Perezida Kagame wakiriwe n’ibihumbi amagana by’Abanya-Musanze, yababwiye ko nubwo ingingo ya demokarasi abantu benshi batayumvikanaho neza cyangwa ngo bayumve kimwe, Abanyarwanda bo bafite uko bayumva hashingiwe kuri buriya budasa bw’Inkotanyi.

Yashimangiye ko Abanyarwanda bazi ndetse bazirikana ko demokarasi ivuze guhitamo ibibabereye, bahitamo icyo bashaka, ariko Umunyarwanda akagira n’ubwisanzure bwo guhitamo.

Ati 'Nta we uguhitiramo. Ni ko bikwiye kumvikana hano, ni na ko bikwiriye kumvikana n’ahandi, aho byitwa ko bikomoka. Aho bikomoka, nta we ubahitiramo.'

Kuri Perezida Kagame iyo ni yo mpamvu nyamukuru nta muntu n’umwe ufite uburenganzira na buke bwo guhitiramo abandi kuko guhitamo kw’Abanyarwanda kuva kuri bwa budasa bw’igihugu, ubw’abantu, 'ndetse ubu turavuga ubw’u Rwanda.'

Yerekanye ko abo bandi bafite ibisa ukundi ndetse ashimangira ko ibyo bakora atabifiteho Ijambo. Ati 'birabareba ariko hano muri uru Rwanda, birakureba, birandeba.'

Mu bwuzu bwinshi Perezida Kagame yeretse Abanya-Musanze ko baherukanaga kera mu birori nk’ibi avuga ko 'ariko uyu munsi ngira ngo turimara agahinda. Aho duherukanira, umugambi wari nk’uyu nguyu.'

Yongeye kubibutsa ko amateka y’u Rwanda, ajyanye n’aho rwavuye hatari heza, ari yo mpamvu ubu kuruteza imbere ari inshingano za buri wese.

Yavuze ko politiki y’uyu munsi, ndetse n’ubu hatangiye igikorwa cyo kwiyamamaza, byose bigamije ko u Rwanda rwakomeza gushakirwa ibyiza nk’uko byagenze mu myaka 30 ishize, Hagamijwe ko ubuzima bw’u Rwanda ndetse n’ubw’abarutuye byamera nk’iby’abandi bateye imbere ndetse bikanarushaho.

Perezida Kagame yavuze ko nta muntu ugomba guhitiramo Abanyarwanda ubuyobozi bubabereye

I Busogo kuri Stade y’Ishami rya Kaminuza y’u Rwanda riri i Musanze, niho hari hateraniye ibihumbi by’abaturage baturutse mu Turere twa Musanze, Burera na Nyabihu, baje kumva imigabo n’imigambi y’Umukandida w’Umuryango FPR Inkotanyi, Paul Kagame, wiyamamariza kuba Perezida wa Repubulika mu matora y’Umukuru w’Igihugu yahujwe n’ay’Abadepite ateganyijwe hagati ya tariki 14-16 Nyakanga 2024.

Umwe mu byamamare baherekeje Perezida Kagame i Musanze, ni umunyarwenya Clapton Kibonge washyize amashusho ku rubuga rwa Instagram maze akayaherekeresha amagambo agira ati: 'Twatangiye imyiteguro y'ubukwe buzaba kuri 15. Papa Nellah azatora Paul Kagame.'

Yongeye aragira ati: 'Twamaze guhitamo. PK ku gipfunsi.'

Ni mu gihe umunyarwenya akaba n'umunyamakuru wa Kiss FM, Rusine Patrick yagize ati: 'Ndagukunda Nyakubahwa Perezida.'

Mutesi Jolly wabaye Nyampinga w'u Rwanda mu 2016 yagize ati: 'Imibare ntabwo ibeshya. Umuntu w'abantu ku bw'abantu. Uyu munsi abantu ibihumbi bateraniye i Busogo mu Majyaruguru y'u Rwanda kugira ngo bamamaze #Pk2024. Mbega igihe cyo kuba umunyarwanda!'

Yakomeje agira ati: 'Ntidushobora kwihanganira ku ruhande rubi rw'amateka. #PK amahitamo yanjye, amahitamo yacu.'

Abandi ni 'couple' ya Miss Nishimwe Naomi [Mss Rwanda 2020] n'umukunzi we bagaragaye i Musanze, aho bari baherekeje Perezida Kagame.

Alexis Ngabo Karegeya, mu basore bakiri bato bakomeje kugaragaza ubudasa mu gisata cy'Ubukerarugendo, yagize ati: 'Hano mu Majaruguru indero ni imwe, twese ni ku gipfunsi. FPR Umuryango w'abanyarwanda.'

Umwe mu bakiri bato bavuga rikijyana ku mbuga nkoranyambaga by’umwihariko kuri TikTok, Kimenyi Tito yagize ati: “Urukundo rw’i Musanze. PK ku gipfunsi.”

Claude Karangwa wamenyekanye nka Mwene Karangwa kuri X [Twitter] yagize ati: “Kuki wahindura ikipe itsinda? Perezida wenyine dushaka ni PK. Tuzamutora twongere tumutore.”

Mu bandi bagiye banyuza ubutumwa bwabo bagaragaza ko bari inyuma ya Perezida Kagame harimo uzwi nka No Brainer kuri X, Sir. Uracyaryamye, Kemnique (Urinde Wiyemera), Sol Solange n’abandi.

Perezida Kagame yakiriwe n’abarenga ibihumbi 350 i Busogo Mu Karere ka Musanze mu Ntara y’Amajyaruguru. Abaturage ibihumbi n’ibihumbi bari bari i Musanze basusurukijwe n’abarimo Riderman, Ndandambara, Bruce Melodie, Dj Brianne, Ariel Wayz, Dr Claude n’abandi.

Abanyarwanda bari i Paris n’inshuti z’u Rwanda nabo bamamaje Perezida Kagame

Umukadinda wa FPR Inkoranyi, Paul Kagame, yakiranywe urugwiro i Musanze mu bikorwa byo kwiyamamaza ku mwanya wa Perezida

Kuri uyu wa Gatandatu tariki 22 Kamena 2024, ni bwo ibikorwa byo kwiyamamaza byatangiye haba ku bakandida ku mwanya wa Perezida wa Repuburika ndetse n'abakandida mu myanya y'Abadepite 53 bagomba kujya mu Nteko Nshingamategeko nyuma y'uko icyuye igihe yasheshwe ku wa 14 Kamena 2024.

Ishyaka Green Party naryo ryatangiye ibikorwa byaryo ryamamaza umukandida ku mwanya wa Perezida wa Repuburika, Dr Frank Habineza ndetse n'Abadepite 50 bemerewe kwiyamamaza.

Ni igikorwa cyabereye mu karere ka Gasabo, Umurenge wa Jabana, akagari ka Bweramvura, ku gicamunsi cyo kuri uyu wa Gatandatu.

Dr Frank Habineza wavuye ku biro by'ishyaka Green Party agaragiwe n'umubare munini w'abarwashyaka ba Green Party, yanyuze inzira yose ari mu modoka itwikuruye hejuru ku buryo yagendaga asuhuza abantu hirya no hino mu nzira aho yanyuze.

Nyuma yo kugera i Bweramvura, Dr Frank Habineza n'abari bamuherekeje bakiriwe n'umubare utari muto n'abaturage bo muri aka Kagali kandi bafite 'morale' yo hejuru bigaragaza ko bari bamwiteguye.

Mu migabo n'imigambi yagejeje ku baturage n'abarwanashyaka ba Green Party bari muri aka kagali ka Bweramvura, Dr Frank Habineza yagarutse cyane mu guca akarengane mu baturage, gukuraho igifungo cy'agateganyo akenshi gikunze kuba kirekire bigendanye n'iminsi iki gifungo kimara, kuzafasha abaturage kwihaza mu biribwa n'ibindi bitandukanye.

Dr Frank Habineza yagize ati 'Muzaba muhisemo ubuzima bwiza, kubaho mu mudendezo, nta muntu uzongera gufungwa azira ubusa mu gihe mwaba mushyize igikumwe imbere y'ikirango cya 'Kagoma' mugatora Dr Frank Habineza.'

Dr Frank Habineza yatangaje ko impamvu yo guhitamo ikirango cya Kagoma kugira ngo abe ari cyo kijya imbere y’ikirango cy’iri shyaka, ni ukubera ubuhangange bwa Kagoma akaba ari inyoni itangaje mu mibereho yayo haba mu kwiyuburura igihe ishaje igasubira bwana, imbaraga ndetse n'ubwenge bwayo.

Dr Frank Habineza yijeje abaturage ko mu gihe baba bamutoye, abaturage bose babaho ubuzima bwiza ndetse n'uwari ugeze mu zabukuru akongera agasubira mu bukumi/ubusore kubera ubuzima bwiza baba bahisemo.

Nyuma yo kugeza ku baturage imigabo n’imigambi ye, Dr Frank Habineza yatanze umwanya yakira ibibazo bitatu byose byagarutse byibanda ku karengane bamwe bakorewe harimo umubyeyi wavuze ko umuhungu we yakatiwe gufungwa amezi atatu ariko agiye kumara umwaka atari yafungurwa.

Undi watanze ikibazo cye, ni umuhinzi uhingira amafaranga yo kubaho muri uyu murenge wa Jabana waguze ikibanza ariko kugira ngo ahabwe icyemezo cy’ubutaka akaba yakwa andi mafaranga 25,000Rwf.

Umuturage wa gatatu yasabye Dr Frank Habineza ko naramuka atowe yazatekereza ku murenge wa Jabana akawushyiramo umuhanda wa ‘Kaburimbo’ akabakiza ivumbi rihari. Dr Frank Habineza yamubwiye ko n’ubundi mu migabo n’imigambi ye harimo kubaka ibikorwa remezo.

Muri aba baturage bose bagejeje ibibazo byabo ku mukandida Perezida, Dr Frank yababwiye ko bagiye kubikurikirana ndetse anashyiraho umuntu wihariye wo gukurikirana no kumenya niba ibyo bibazo byarakemutse byaba n’ubuvugizi bushoboka bukazakorwa ahashoboka hose.

Dr Frank Habineza yakiranywe ubwuzu bwinshi mu murenge wa Jabana

Abayobozi bakuru mu ishyaka rya Green Party bitabiriye bose umunsi wa mbere wo kwiyamamaza

Hon Senateri Mugisha Alex yatangaje ko kuba umuntu avurirwa kuri mituwele akigurira imiti bitazongera kubaho

Dr Frank Habineza wiyamamariza kuba Perezida wa Repuburika, yabwiye abaturage bo mu murenge wa Jabana ko Green party atari ishyaka rivuga ngo rihere mu magambo gusa ahubwo rishyira mu bikorwa ibyo bemeye

 

Ni mu mukino wo ku munsi wa 2 wo mu itsinda F wakinwe kuri uyu wa Gatandatu Saa kumi n’ebyiri z’umugoroba ubera kuri Signal Iduna Park.

Umukino watangiye ikipe y’igihugu ya Portugal isatira cyane kuko ku munota wa 2 gusa hari umupira Bernado Silva yahinduye usanga Cristiano Ronaldo ashyiraho umutwe ariko umunyezamu wa Turukiya aratabara awakuramo.

Uko iminota y’umukino yagendaga ni nako ikipe y’igihugu ya Turukiya nayo wabonaga yinjira mu mukino ari na ko abakinnyi nka Samet Akayidin bagerageza amahirwe imbere y’izamu gusa ntibibakundire.

Ku munota wa 21 myugariro w’ikipe y’igihugu ya Turukiya, Orkun Kokcu yakoze amakosa yihera umupira Bernado Silva ahita aterekamo igitego cya 1 cya Portugal.

Nyuma yo gutsindwa, Turukiya yakomeje gukora amakosa maze ku wa 27 myugariro wayo Samet Akaydin yitsinda igitego cya 2 ku mupira muremure wutewe na Joao Cancelo.

Amakipe yombi yagiye kuruhuka ikipe y’igihugu ya Portugal igikomeje kuyobora umukino n’ibitego 2-0.

Igice cya kabiri cyatangiye Roberto Martinez utoza Portugal akora impinduka mu kibuga akuramo Rafael Leao na Joao Palhinha ashyiramo Pedro Neto na Ruben Neves naho uwa Turukiya, Vincenzo Montella akuramo Orkun Kokcu ashyiramo Yusuf Yazici.

Ku munota wa 56 abasore b’ikipe y’igihugu ya Turukiya bongeye gukora amakosa uwitwa Abdulkerim Bardakci yihera umupira Cristiano Ronaldo nawe awushyira kwa Bruno Fernandes ahita atsinda igitego cya 3 mu buryo bumworoheye.

Umukino wakomeje ku ruhande rwa Portugal abarimo kizigenza Cristiano Ronaldo bashaka igitego ariko amahirwe akomeza kutamusekera arata uburyo nk’aho yahawe umupira mwiza na Bernado Silva, gusa ashyizeho umutwe biranga.

Mu minota ya nyuma y’umukino ikipe y’igihugu ya Turukiya ibifashijwemo n’abasore binjiye mu kibuga basimbuye nka Yusufu Yizikic basatiriye cyane bashaka igitego cy’impozamarira ari na ko babona koroneri nyinshi, gusa birangira nta musaruro bazibyaje.

Umukino warangiye ikipe y’igihugu ya Portugal itsinze ibitego 3-0 ihita ikatisha itike ya 1/8 cya Euro ya 2024, iba iya 3 iyibonye nyuma y’u Budage na Espagne.

Kugeza kuri ubu muri iri tsinda F, Portugal niyo iyoboye n’amanota 6, Turukiya ni iya 2 n’amanota 3, Repubulika ya Tchéque ni iya 3 n’inota 1 naho Georgia yo ni iya 4 n’inota 1.

Uburyo Bruno Fernandes yatsinzemo igitego cya 3

Ikipe y’igihugu ya Portugal yakatishije itike ya 1/8 cya Euro ya 2024

Cristiano Ronaldo na Bruno Fernandes bishimira igitego cya 3 bagizemo uruhare

Umwana yinjiye mu kibuga ashaka kwifotozanya na Cristiano Ronaldo maze nawe amwakirana urugwiro

Ibi byagarutsweho ubwo iri shyaka ryatangizaga ibikorwa byo kwiyamamaza byatangiriye mu Karere ka Bugesera, aho abarwanashyaka ba PSD bagaragarijwe ibitekerezo byifuzwa kuzashyirwa imbere mu gihe abayihagarariye bazaba binjiye mu Nteko.

Ni ibitekerezo 60 bikubiyemo mu nkingi eshatu z'ingenzi.

Umwe mu bashinze Ishyaka PSD, Senateri Nkusi Juvenal, yagaragaje ko mu rwego rw'ibikorwaremezo, PSD izakora ubuvugizi ku buryo haboneka ikigega gishobora gutanga inguzanyo mu buhinzi kandi ku nyungu ntoya.

Hazashyirwa imbaraga mu kubahiriza ibishushanyo mbonera byashyizweho, gukomeza kubaka imihanda ihuza ibice bitandukanye by'igihugu ndetse no gukora ubuvugizi ku buryo umusoro ku nyongeragaciro ugabanywa ukava kuri 18% ukagera kuri 14%.

Yakomeje ati 'TVA, ni umusoro ku nyongeragaciro, biravuze ngo umuntu uguze ikintu yongeraho ya 18%. Bisobanuye ko uzagura agomba gutanga menshi kugira ngo icyo gicuruzwa akeneye akibone.'

Yakomeje ati 'Dutekereza ko kugabanya umusoro kugeza kuri 14%, ni ukugira ngo Abanyarwanda bashobore kugira ubushobozi bwo kugura ibintu byinshi, ikindi ni uko uwo musoro muri aka karere turimo u Rwanda nirwo ruri hejuru ngira ngo abandi bari munsi.'

Yavuze ko kuba u Rwanda rushaka kuba igihugu gihangana ku Isoko ryo mu Karere no muri Afurika muri rusange hari ibigomba kugabanywa kugira ngo rugendere ku bipimo bimwe n'ibindi bihugu.

Yagaragaje ko kandi kuwugabanya byatuma abantu bishimira itangwa ryawo ntibibonwe nk'igihano.

Ati 'Iyo umusoro ubaye mwinshi mu by'ukuri uca umusoro, rero ni ibintu bishoboka twakicara tukabyiga bigasubirwamo. Byasaba guhindura itegeko no guhindura intekerezo ku buryo abantu batabona umusoro nk'igihano ahubwo bakawubona nko kubaka.'

Ishyaka PSD ryagaragaje ko mu byo rizaharanira nirigera mu Nteko Ishinga Amategeko harimo kongera umubare w'Abadepite ukuva kuri 80 ukagera ku 120 no kongera umubare w'abasenateri ukava kuri 26 ukaba 40.

Hari kandi guharanira ko mu Nteko Ishinga Amategeko no mu zindi nzego zifatirwamo ibyemezo habamo 50% by'abogore na 50% by'abagabo.

Visi Perezida wa Mbere wa PSD, Muhakwa Valens wari ukuriye ibikorwa byo kwiyamamaza mu Karere ka Bugesera yagaragarije abarwanashyaka ko ibyo bari babagaragarije mu 2018 byagezweho bityo abasaba kubahundagazaho amajwi.

Yagaragaje ko hari ibindi bitekerezo bishya bafite bifuza ko byazashyirwamo imbaraga mu gihe bazaba bamaze kugera mu Nteko Ishinga Amategeko.

Muri ibyo bitekerezo harimo ibirebana n'imibereho myiza birimo gushyiraho umushahara fatizo bikazafasha Abanyarwanda mu kwiteza imbere.

Yagaragaje ko kandi izakora ubuvugizi ku kuba abinjiza umushahara muto bashobora gusonerwa umusoro ku mushahara ku buryo uhembwa hasi y'ibihumbi 100 frw yawusonerwa.

Muhakwa yagaragaje ko bazakomeza gukora ubuvugizi ku buryo ibirebana n'umushahara fatizo bishyirwamo imbaraga ariko kandi hanitabwa ku mikoro y'Igihugu.

Ishyaka PSD kandi ryasabye abayoboke baryo kuzitabira amatora ateganyijwe muri Nyakanga 2024 batora Paul Kagame ku mwanya w'Umukuru w'Igihugu ndetse no gutora PSD ku mwanya w'Abadepite.

PSD ni rimwe mu mashyaka yiyemeje gushyigikira umukandida watanzwe n'Umuryango FPR Inkotanyi ari we Paul Kagame ku mwanya w'Umukuru w'Igihugu nk'uko ryari ryanabikoze mu 2017.

Abarwanashyaka ba PSD bari babukereye

Muhakwa Valens wahoze mu Nteko Ishinga Amategeko yari yitabiriye iki gikrowa

Uyu muyobozi yahawe izi nshingano mu muhango wabaye mu ijoro ryo ku wa Gatanu, tariki 21 Kamena 2024 muri Kigali Serena Hotel.

Rotary International ni Umuryango Mpuzamahanga utari uwa Leta ukora ibikorwa by'ubugiraneza birimo gufasha abatishoboye, gushyigikira serivisi ziteza imbere imibereho myiza y'abaturage nk'amazi meza, kurwanya indwara z'ibyorezo no gutanga umusanzu mu bikorwa bigamije guteza imbere abaturage.

Nyuma y'uyu muhango, Perezida ucyuye igihe, Nkusi Livingstone yavuze ko umwaka yayoboye wagenze neza cyane kuko yabashije kwagura umuryango.

Ati 'Ni umwaka wagenze neza kandi twishimiye cyane kuko nibwo twagize abanyamuryango benshi, aho twavuye kuri 62 bagera kuri 103. Twashinze indi Club ya Kigali Golf rero twishimira ko twaguye umuryango.'

Yakomoje no kubikorwa babashije gukora.

Ati 'Twakoze n'ibindi bikorwa byinshi birimo umubyeyi twubakiye, ikindi twakomeje gufasha abarwayi ba kanseri aho buri munsi bakira abarwayi barenga 20 kandi nta wurapfirayo kubera uko babitaho mu buryo bwiza.'

Nkusi yakomeje asaba mugenzi we yahaye inkoni kuzakomereza muri iyo nzira.

Ati 'Ndasaba mugenzi wanjye maze guha ubuyobozi ko yakomereza muri iyo nzira, akagura umuryango akanawumenyekanisha biruseho mu Rwanda ari nako dukomeza gufasha Leta yacu kuko natwe turi Abaturarwanda.'

Umuyobozi mushya wa Rotary Club Kigali Virunga, Duniah Jacqueline yatangaje ko muri manda ye azibanda ku mushinga wo gufasha abana bavukanye ubumuga ariko batitabwaho n'ababyeyi babo kubera kumva ko ntacyo bashoboye.

Ati 'Uyu mwaka dufite intego yihariye twise ibitangaza bya Rotary. Uyu mwaka ndashaka gufatanya n'umushinga witwa 'Shenge' w'abana bavukanye ubumuga ariko bahishwa n'ababyeyi babo ntibabajyane mu ishuri, ntibabiteho neza muri make babafata nk'aho ntacyo bamaze.'

Yakomeje agira ati 'Tuzakomeza kandi indi mishinga dusanzwe dukora yo gufasha abarwayi ba kanseri dufatanyamo n'ibitaro bya gisirikare biherereye i Kanombe n'indi mishinga myinshi.'

Rotary Club Kigali Virunga ni imwe muri clubs 12 zigize Rotary Rwanda nayo ibarizwa muri Rotary Club District 9150. Iyi yashinzwe mu 1982, igizwe n'ibihugu birimo u Rwanda, u Burundi, Cameroun, Congo, Gabon, Guinée Equatoriale, Repubulika Iharanira Demokarasi ya Congo, Repubulika ya Centrafrique, Tchad na Sao Tomé-et-Principe.

Rotary Club ni umuryango udaharanira inyungu ukora ibikorwa by'ubugiraneza birimo gufasha abatishoboye, gutanga amazi meza ku baturage, kurwanya indwara z'ibyorezo zirimo nk'imbasa no gutanga umusanzu mu bikorwa byose bigamije guteza imbere sosiyete.

Ubwo Duniah Jacqueline yimikagwa ku buyobozi bwa Rotary Club Kigali Virunga

Perezida ucyuye igihe, Nkusi Livingstone yishimiye ibyo yagezeho muri manda ye

Umuyobozi mushya wa Rotary Club Kigali Virunga, Duniah Jacqueline yatangaje ko muri manda ye azibanda ku mushinga wo gufasha abana bavukanye ubumuga ariko batitabwaho n'ababyeyi babo

Birungi Paul ni umwe mu bashimiwe

Umuhango wo kwimika umuyobozi mushya wa Rotary Club Kigali Virunga witabiriwe n’abanyamuryango benshi

Ibi Umuvugizi wa Polisi y'u Rwanda, ACP Boniface Rutikanga, yabigarutseho mu kiganiro yagiranye na Televiziyo Rwanda, ashimangira ko nubwo hatangiye ibikorwa byo kwiyamamaza, ubuzima bugomba gukomeza.

Ati 'Ubusanzwe nta bintu by'umutekano muke bikunze kuranga amatora yo mu Rwanda ariko ni byiza ko twongera tukibutsa Abanyarwanda ko umutuzo ari ikintu cy'ingenzi.'

'Harimo abakandida barenze umwe bafite ababashyigikiye mu bikorwa byabo byo kwiyamamaza ni byiza ko gutandukana kw'ibitekerezo bitatuma abantu bashyamirana. Ni byiza ko habamo kubahana bakubaha ibitekerezo bya bagenzi babo ndetse bakubaha n'ibirango byabo mu gihe biyamamaza.'

ACP Rutinga yagaragaje ko uretse umutekano w'aho abantu bazaba bateraniye ariko hakenewe n'umutekano wo mu muhanda bitewe no kuba ingendo zishobora kwiyongera mu bice bimwe by'igihugu kubera ibikorwa byo kwiyamamaza.

Ati 'Ubuzima buzakomeza, urujya n'uruza rw'abantu ruzakomeza, abantu bazakomeza kugenda hirya no hino bityo ndakangurira abantu kwitondera no kuzirikana amategeko agenga umuhanda.'

Yakomeje asaba abatwara ibinyabiziga gukora ibishoboka byose bakubahiriza amategeko agenga imihanda mu kwirinda impanuka za hato na hato.

Ati 'Turabasaba kwirinda umuvuduko, kwirinda gutwara mwujuje abantu birengeje urugero, kwirinda gutwara banyoye ibisindisha no kwirinda icyo ari cyo cyose cyahungabanya umutekano wo mu muhanda cyane ko ingendo ziziyongera.'

Ibikorwa byo kwiyamamaza ku bakandida ku mwanya w'Umukuru w'Igihugu n'uw'Abadepite byatangiye kuri uyu wa 22 Kamena 2024, bikazasozwa ku wa 13 Nyakanga 2024.

Polisi yasabye Abanyarwanda kurangwa n'ituze mu bikorwa byo kwiyamamaza