Haruna Niyonzima yamaze gusinyira Rayon Sports amasezerano y’umwaka umwe.
Uyu mukinnyi wari usoje amasezerano ye muri Al Ta’awon muri Libya, ku mugoroba wo kuri uyu Kabiri ni bwo Rayon Sports yemeje ko yamaze kumusinyisha.
Niyonzima Haruna aba yarakomeje muri Libya ariko kubera ko arimo gukorera License B yasanze ibyiza yaguma mu Rwanda kuko ari byo byamufasha cyane ko yifuza kwinjira no mu butoza agahagarika gukina aho ashobora guhera mu bato ba Yanga yo muri Tanzania.
Akaba agarutse muri Rayon Sports yakiniye 2006-07 avuye muri Etincelles, yahise ajya muri APR FC yakiniye kugeza 2011 ahita ajya muri Yanga yo muri Tanzania ayikinira kugeza 2017 ajya muri Simba SC yamazemo imyaka 2 ahita agaruka mu Rwanda muri AS Kigali ayikinira umwaka umwe ahita asubira muri Yanga yakiniye na yo umwaka umwe maze 2021 agaruka muri AS Kigali yakiniye kugeza 2022 ari nabwo yajyag muri Al Ta’awon yakiniraga kugeza uyu.
APR FC iri mu biganiro bya nyuma na rutahizamu w'umunya-Nigeria, Chidiebere Johnson Nwobodo usatira unyuze ku mpande.
Uyu musore w'imyaka 21 wakiniraga Enugu Rangers yayigezemo muri 2020 ibiganiro bisa n'ibyarangiye na APR FC igisigaye ari ukugera mu Rwanda bagasinya amasezerano.
Nta gihindutse uyu rutahizamu agomba kuza ejo ku wa Gatatu ndetse akaba agomba gusanga abandi muri Tanzania aho bari muri CECAFA Kagame Cup.
Si uyu gusa kuko bivugwa ko irimo no kuganira n'undi munya-Nigeria na we usatira anyuze ku ruhande, Godwin Odibo wakiniraga Sporting Lagos yamanutse mu cyiciro cya kabiri, gusa ibiganiro biracyari hasi.
Ubwo Abanyarwanda biteguraga gutora Umukuru w'Igihugu n'abadepite, Roth yatangarije ku rubuga nkoranyambaga X ko Paul Kagame natsinda amatora kuri 99%, azaba asebeje inzira yose y'amatora yo mu Rwanda.
Yagize ati 'Paul Kagame w'u Rwanda ntazi ko 'natsinda amatora kuri 99%, azaba asebeje imigendekere y'amatora, buri wese akabona ko yashakaga kurangiza umuhango kubera ko adashobora kwemera ko haba amatora nyakuri.'
Makolo yasubije Roth ko imigendekere y'amatora y'u Rwanda ireba Abanyarwanda, atari abanyamahanga nk'uyu musaza uvuga ko ari impirimbanyi y'uburenganzira bw'ikiremwamuntu. Yamusabye kurazwa ishinga n'ibyo mu gihugu cyabo.
Yabwiye Roth ati 'Iyihe migendekere? Ni iya nde? Abantu nka Ken Roth bakwiye kumenya ko badashobora kutwigisha uko tugomba kubaho. U Rwanda ni urw'Abanyarwanda. Mu gihugu cya Ken hari ibikwiye kwitabwaho cyane. Byashoboka ko ari byo byakuraza ishinga?'
Tariki ya 24 Kamena 2024 ubwo Kagame yiyamamarizaga mu karere ka Muhanga, yanenze abanyamahanga bavuga ko mu Rwanda hataba demokarasi, babishingiye ku kuba mu 2003, 2010 na 2017 yaratowe ku majwi hafi 100%, asobanura ko akenshi usanga mu bihugu byabo ubwitabire bw'amatora buba ari buke.
Yagize ati 'Hari abatatwumva rero, batumva u Rwanda ariko buhoro buhoro ibikorwa bizajya bibabwira. Biriya twavugaga mbere ngo 100%, hari abatumva ko 100% ari demokarasi. Ngo 100% ishoboka ite? Ngo nta demokarasi ihari. Hari uwo nabajije ejo bundi, ndamubaza nti 'abayoborwa na 15% ndetse n'abatoye ari nka 30% cyangwa 40% by'abagombaga gutora, iyo ni demokarasi? Gute se'?'
Paul Kagame yavuze ko amatora ari amahitamo y'Abanyarwanda y'ugomba kubayobora mu rugendo rwo kubaka igihugu cyabo, bityo ko ari bo gusa areba. Yasabye abanyamahanga banenga imigendekere y'amatora yo mu Rwanda kujya bareba iby'iwabo.
Abanyarwanda baba mu mahanga batoye Umukuru w'Igihugu tariki ya 14 Nyakanga, ababa mu Rwanda bamutora ku ya 15 Nyakanga 2024. Mu majwi 78,9% Komisiyo y'igihugu y'amatora yamaze kubarura, byagaragaye ko Kagame yagize 99,15%, akurikirwa na Dr. Frank Habineza wagize 0.53%, na ho Mpayimana Philippe agira 0,32%.
Kenneth Roth yanenze imigendekere y’amatora yo mu Rwanda
Makolo yasubije Roth ko akwiye kurazwa ishinga n’ibyo muri Amerika
Ni umubyeyi wo mu Mudugudu w'Akakanyamaza mu Kagari ka Rango B, Umurenge wa Tumba, wabyariye mu Bitaro bya Butare agira amahirwe bihurirana ni uko muri ibi bitaro hashyizwe site y'itora mu rwego rwo korohereza abarwayi n'abarwaza gutora.
Mu kiganiro na IGIHE, uyu mubyeyi yavuze ko yabyutse mu gitondo, atangiye kwitegura ngo ajye gutora yumva igise kiramufashe, ahita ajya kwa muganga, kubyara ariko agenda asenga asaba Imana ngo imufashe abyare kare amasaha yo guhagarika itora ataragera.
Niyonsenga avuga ko mu byo yishimira harimo kuba u Rwanda rutekanye no kuba umubyeyi utwite n'uwonsa bahabwa ubufasha butuma abana bakurana ubuzima bwiza.
Avuga ko afite intego yo gukora cyane akiteza imbere no kuboneza urubyaro kugira ngo abana batatu afite bakurane ubuzima bwiza.
Ati 'Namwise Iganze Hirwa Yvan, ndamwifuriza kuzakorera igihugu akaba yaba nk'umupolisi, umusirikare se cyangwa akaba nk'umuyobozi ukomeye'.
Site y'itora ya CHUB hatoreye abantu barenga 700 harimo abarwayi, abarwaza ndetse n'abandi bantu bari baje kwivuza ariko bari butahe.
Niyonsenga yishimiye ko yabashije kuzuza inshingano yo gutora
Yifuza ko umwana yabyaye ku munsi w’amatora yazaba umupolisi, umusirikare cyangwa umuyobozi ukomeye
Abaganiriye na IGIHE, ni abatuye n'abacururiza mu Bugarama ahazwi nko muri Cité, aho aya makamyo aparika ategereje ko abashinzwe abinjira n'abasohoka ku mupaka wa Kamanyora bayaha uburenganzira bwo gukomeza urugendo.
Rusizi ni akarere gafite umwihariko wo gukora ku bihugu bibiri by'abaturanyi; Repubulika Iharanira Demokarasi ya Congo (RDC) n'u Burundi.
Mu minsi aba bashoferi bamara bategereje guhabwa uburenganzira bwo kwambuka umupaka, aho aya makamyo aba aparitse hahora urujya n'uruza rw'abakobwa barimo n'abangavu binjira muri aya makamyo bakaryamaniramo nk'uko abaturage bo muri aka gace babivuga.
Mu kiganiro na IGIHE, umwe mu babyeyi batuye muri Cité banze ko dutangaza amazina yabo ku mpamvu z'umutekano wabo, yavuze ko buri munsi abona abakobwa biganjemo abangavu binjizwa mu makamyo bamwe bakararamo bagataha mu gitondo.
Ati 'Abo bangavu baza buri kanya, ariko biyongera saa Kumi n'Ebyiri z'umugoroba, hari n'igihe mbabona mu gitondo basohotse mu makamyo barayemo'.
Aba bashoferi bahawe izina ry'Abababa (ababyeyi b'abagabo mu Giswahili) bahitamo gusambanya abangavu kuko ari bo batabahenda. Umukobwa ukuze wicuruzwa yishyurwa 5000Frw kuzamura ariko abo bangavu barimo n'ababa baravuye mu Karere ka Nyamasheke na 1000Frw barayafata.
Ati 'Ubu busambanyi buteje ikibazo kuko usanga mu bakobwa basambanyizwa muri aya makamyo harimo n'abana batarageza ku myaka w'ubukure. Njye ntuye inaha abo bangavu bamwe turaziranye banyuraho bakansuhuza. Harimo abo nzi bafite imyaka 13,14 na 15'.
Abatuye mu Bugarama n'abahakorera batekereza ko impamvu aba bashoferi basambanyiriza abangavu mu modoka ari uko bazi ko icyaha cyo gusambanya umwana mu Rwanda cyahagurukiwe, bityo bagatinya kubajyana mu macumbi (Lodges) kuko bazi ko ba nyiri amacumbi batabemerera kwinjiza abangavu mu byumba ngo babasambanyirizemo.
Umwe mu bagore bacururiza imbuto muri Cité avuga ko mu masaha y'umugoroba akunze kubona abangavu bagiye guhahira abashoferi b'aya makamyo.
Ati 'Abo bashoferi ni abantu baparika uyu munsi ejo bakaba baragiye. Uwo mwana baba bari gukorana gutyo, akinjira mu ikamyo akamaramo isaha hari ikindi baba bamucaho? Ni indaya zabo'.
Uyu mucuruzi avuga ko mu bana abona binjira muri aya makamyo harimo ab'imyaka 15 na 16 gusa ngo harimo n'abakuze.
Ati 'Ingaruka bibagiraho ni ugukurayo indwara, ashobora gukurayo inda itateganyijwe ntamenye umuntu azayerekezaho'.
Mu Bugarama ni hamwe mu hagaragara abangavu benshi baterwa inda. Ababyeyi bakeka ko bifitanye isano n'ubwo busambanyi bubera mu makamyo.
Umwe yagize ati 'Nk'aha hirya mu Mudugudu wa Nyange, harimo abangavu benshi bibana ni nabo usanga bicuruza'.
Umuyobozi w'Akarere ka Rusizi, Dr. Anicet Kibiliga, yavuze ko mu rwego rwo gukemura iki kibazo bateganya kubaka parikingi y'amakamyo mu Bugarama, indi ikubakwa kuri Magerwa mu Murenge wa Mururu ku buryo amakamyo aparika ahantu hazwi.
Ati 'Ikijyanye n'abakobwa by'ukuri bahasambanyirizwa, ibyo yaba ari amakuru muduhaye tugomba kugenzura'.
Mu Rwanda gusambanya umwana utarageza ku myaka 18 ni icyaha gihanwa n'amategeko, ugihamijwe ahanishwa igifungo cy'imyaka 25 n'igifungo cya burundu igihe yanduje uwo mwana indwara idakira.
Ibarura rusange rya 2022, rigaragaza ko Akarere ka Rusizi kari ku isonga mu turere 30 mu kubyara abana benshi. Mu kubyara, aka karere gafite uburumbuke bwa 4.5%, gakurikirwa n'aka Gisagara ifite 4,4Â %, Nyaruguru na Nyagatare zifite 4.2% mu gihe Nyanza iza ku mwanya wa gatanu ifite 4%.
Mu ijoro ry'itariki 15 Nyakanga 2024 ni bwo Komisiyo y'Igihugu y'Amatora yatangaje iby'ibanze byavuye mu matora ya Perezida, aho Kagame Paul wa FPR Inkotanyi yagize amajwi 99.15%, Dr. Habineza Frank wa DGPR agira 0.53% na ho Mpayimana Philippe wiyamamaje nk'umakandida wigenga agira 0.32%.
Nyuma yo gutangaza ibi, Dr. Frank Habineza wari hamwe n'abamufashaije mu gihe cyo kwiyamamaza yatangiye ashimira uburyo ibikorwa by'amatora no kuyitegura byagenze. Yashimye by'umwihariko inzego z'umutekano zakoze akazi gakomeye ndetse n'itangazamakuru ryafashije gutangaza ibyakorwaga byose.
Yashimye kandi umuryango we wamubaye hafi, abo mu ishyaka DGPR bamushyigikiye mu bikorwa byo kwiyamamaza ndetse n'abamuhaye impano zo kumushyigikira.
Ati 'Reka nshimire n'Abanyarwanda batwakiriye neza hirya no hino mu Gihugu mwarabibonye ko baje kumva imigabo n'imigambi yacu. Bavuye mu nzu zabo, amaduka yabo, baza kutwakira ku mihanda n'ahandi'.
Agereranyije amatora ya Perezida yaherukaga kuba n'ay'uyu mwaka, yagize ati 'Mu 2017 habayeho imbogamizi nyinshi cyane zaterwaga n'inzego z'ibanze. Tugereranyije n'amatora y'uyu mwaka. Imbogamizi zabaye ziri kuri 2% indi 98% byagenze neza'.
Dr. Frank yavuze ko nubwo yafashe umunsi wo kwiyamaza kuri diaspora hari abandi baba mu mahanga bifuje ko yabagenera undi mwanya ntibyashoboka ariko ahamya ko itangazamakuru ryari ririmo byose bakenera kumenya kandi biboneka hose hashoboka.
Komisiyo y'Igihugu y'Amatora izatangaza ibyavuye mu matora ya Perezida n'ay'abadepite bya burundu ku itariki 27 Nyakanga 2024, mu gihe ku gicamunsi cy'itariki 16 Nyakanga ari bwo iri butangaze iby'ibanze byavuye mu matora y'abadepite.
Benshi mu rubyiruko rugejeje igihe cyo gutora ariko bakaba aribwo bwa mbere batoye, bavuga ko mu myaka itambutse babonaga abantu bajya gutora bakumva ko ntaho bahuriye, ko aribo Banyarwanda buzuye, ko hari imbaraga bafite n'uburenganzira bahwabwa bo batagira. Nyuma yo gutora, bavuga ko aribwo nabo noneho bakumva ko bafite uburenganzira nk'ubw'abandi n'imbaraga zingana.
Amatora y'Umukuru w'Igihugu ndetse n'ay'Abadepite yabaye kuri uyu wa 15 Nyakanga 2024, hari abayitabiriye batora ku nshuro ya mbere. Abo biganjemo urubyiruko rutigeze rwitabira andi matora yabanje kuko bari bataruzuza imyaka yo kwemererwa gutora.
Benshi muri aba basore n'inkumi, bari bafite amatsiko, ndetse bumva ko kudatora hari uburenganzira bibambura. Hari n'abavuga ko kuba batari bafite ubwo burenganzira batiyumvaga nk'abandi banyarwanda iyo bajyaga gutora bo bagasigara.
Ineza Pride, afite imyaka 19 y'amavuko yaratoreye kuri Site ya Gitisi. Yishimira kuba yaragize uruhare mu kwitorera Perezida wa Repubulika ndetse n'Abadepite bazajya mu nteko ishinga amategeko akaba afite uruhare mu kubatora.
Yishimira ko ubu nawe hari indi mbaraga agize yajyaga abonana abandi bajyaga gutora we ntajyeyo bitewe n'uko atari abyemerewe. Avuga ko yumvaga ibyo bituma yisanga nk'udafite uburenganzira nk'ubw'abandi banyarwanda.
Ati' Ubu nishimye cyane kuko nanjye byamfashije kwihitiramo Umuyobozi nshaka. Byanshimishije cyane kukoba ntera igikumwe nkihitiramo umuyobozi nshaka. Kuba nari ntaratora numvaga iki gihe ngitegereje cyane! Ndumva hari ikindi kigero nagezeho mu buzima, hari imbaraga nagize ntari mfite iyo nabonaga abandi batora njyewe ntabyemerewe'.
Akomeza ati' Nabonaga abandi bajya gutora nkibaza igihe nanjye nzaba mbyemerewe nkabasha kuyoborwa n'abo nagize uruhare mu kwishyiriraho. Hari irindi peti ryo kuba Umunyarwanda ryiyongereye kuri njye. Gutora Umuyobozi w'Igihugu nabyo ni irindi shema. Gutora, kugira uruhare mu kwishyiriraho ubuyobozi ni byiza. Iyo utaratora uba wumva hari akantu kabura'.
Gaudence, afite imyaka 19 y'amavuko akaba yatoreye kuri Site ya Nyamagara. Avuga ko yajyaga abona abandi bajya gutora agasigara ababaye yumva ko we atari kimwe n'abandi. Ati' Gutora byanshimishije cyane kuko ntoye ari ubwa mbere. Najyaga mbona abandi batora njyewe ntajyayo bikambabaza. Nishimiye gutora uwo numva ko azanyobora. Mbaye nanjye umunyarwanda nk'abandi, mfite uburenganzira nanjye bwo kwihitiramo uzanyobora'.
Niyoyigenera Shakila, afite imyaka 22 y'amavuko. Yasohotse mu biryo by'itora aseka nyuma yo kuba aribwo bwa mbere atoye. Avuga ku mpamvu zamuteye guseka, yagize ati' Nsekejwe nuko ari byiza kuba ntoye Umukuru w'Igihugu, ndi kumva azatugirira akamaro kuko mufitiye icyizere. Mu bintu mbonye bidasanzwe ni uko ngiye bakampereza igipapuro aribwo bwa mbere nkibonye, ndatora'.
Kuba yazindutse iyarubika ajya gutora, hari impamvu asobanura, Ati' Nagira ngo ntakererwa, ntasanga bancitse birangiye nanjye ngahomba gutora. Byanshimishije cyane kuko nanjye ndi Umunyarwanda, binyeretse ko nanjye ndi Umunyarwanda'.
Nti wamenya ko aha ari ku muhanda wa Kaburimbo, mu Byimana. Aba babyeyi, nti bitaye ku zuba cg se umuyaga n'ivumbi, bari bafite ishyaka ryo kwerekana ko amatora iwabo yubahwa nk'ibindi birori byose. Hasi hariya handitse ngo' AMATORA MEZA â” MURAKAZA NEZA'.
Valens Habarurema, Meya w'Akarere ka Ruhango asanga kwitabira amatora, haba abato ndetse n'Abakuru hari ishusho bitanga mu rwego rw'Imiyoborere ndetse n'imibanire y'Ubuyobozi n'Abaturage.
Akomeza ati' Icyo bakeneye ni ukugira ngo bajye mu mirimo yabo, ariko na gahunda z'imiyoborere bazishyiriyeho. Biraduha ishusho yuko bazi yuko imiyoborere y'Igihugu ari iyabo, Abaturage nibo badushyiraho. Ishusho biduha ni uko buri wese azi inshingano ze, inshingano z'Umunyagihugu inshingano z'Umuturage ni ukwishyiriraho abayobozi mu gihugu gifite Demokarasi'.
Muri aya matora ya Perezida wa Repubulika ndetse n'Abadepite, Akarere ka Ruhango hari Site zitorerwaho 66, hateguwe kandi ibyumba by'itora 547. Henshi kuri site z'itora, abaturage bazindutse iyarubika baratora ku buryo hari n'aho ku I saa munani bari basoje gutora, bamwe bagiye mu mirimo bagaruka kureba uko amajwi abarurwa.
Aha ni Gitisi, aho abaturage bari benshi mu cyumba bakurikirana uko babarura amajwi.
Umunyezamu w'ikipe y'igihugu Amavubi, Ntwari Fiacre yasezeye kubo babanye mu ikipe ya TS Galaxy FC, akaba yerekeje mu ikipe ya Kaizer Chiefs.
Mu minsi ibiri ishize, nibwo Fiacre yasinyiye ikipe ya Kaizer Chiefs amasezerano y'imyaka 3, agurwa agera kuri Miliyoni 400 Frw.
Abinyujije ku rukuta rwe rwa Instagram, Ntwari Fiacre yagize ati 'Ubwo mbasezeyeho. Ndashaka gushimira umuyobozi Tim Sukazi wampaye amahirwe yo gukinira iyi kipe nziza n'abatoza bayobowe na Sead Ramovic, kuba barampaye amahirwe yo gukina umukino wanjye wa mbere w'umwuga no kuri bagenzi banjye mwanyakiranye yombi, ndashima urukundo rwanyu.'
Yakomeje agira ati' Ku bafana ba Rockets rwose ndashima urukundo mwanyeretse mwarakoze⁇ Mbifurije ibyiza byose TS GALAXY FC. Buri gihe jya usiga umwenda wawe ahantu heza.'
Nyuma y'amakuru yagaragaje uzaba Perezida wakwibaza iki kibazo: Ese Dr. Frank Habineza yaba agiye kwerekeza mu Nteko Ishingamategeko nyuma y'uko abuze amahirwe yo kuba Perezida?
Nk'uko byaraye bitangajwe na Komisiyo y'Amatora mu Rwanda, uwaraye atsindiye intebe ya Perezida wa Repubulika muri manda y'imyaka itanu (2024-2029) yagaragaye. Mu masaha make gusa saa munani, hari butangazwe abadepite bagiye gufatanya na Perezida Paul Kagame muri iyi manda.
Manda irangiye, Dr. Frank Habineza yari umudepite, aho n'ubushize yari yatsinzwe kuba Perezida ariko akinjira mu nteko nshingamategeko nk'umwe mu badepite babiri ba Green Party.
Itegeko rishya rihindura amategeko y'amatora
Ubu itegeko ryaje guhinduka, aba depite biyamamaje ukwabo. Ku lisiti y'abakandida depite ba Green Party hariho abantu 50 bemejwe na Komisiyo y'Igihugu y'Amatora mu Rwanda. Abantu batangiye kwibaza niba Green Party yabonye amajwi 0.53% ishobora kubona amajwi 5% abinjiza mu nteko nshingamategeko.
Hari abari guhabwa amahirwe yo kwisanga Kimihurura muri iyi nteko nshingamategeko mu gihe iri shyaka ryaba ribonye ayo majwi. Ni Hon Jean Claude urangije manda y'imyaka itandatu, akurikiranwe na Dr. Frank akaba ari n'umunyabanga mukuru w'ishyaka, ndetse na Madamu Maombi Carine wari Visi Perezida wa mbere w'iri shyaka.
Inshingano za Maombi Carine muri Green Party
Maombi Carine amaze imyaka 15 mu bikorwa bya politiki muri Green Party ndetse akaba yaranakozemo imirimo myinshi itandukanye muriri shyaka. Ubwo yaganiraga na Zakwetu.TV, yagize ati, 'Maze imyaka 15 muri politiki, nahagarariye amashyaka ashinzwe kurengera ibidukikije muri EAC.'
Imikorere y'ishyaka mu matora ya 2024
Abakurikirana hafi ibikorwa bya politiki baganiriye na Zakwetu.Com bavuze ko babona Green Party iri bwongere gutsindira imyanya ibiri mu nteko nshingamategeko, bityo Hon Jean Claude na Madamu Maombi bakaba bahabwa amahirwe yo kwinjira mu nteko. Bati: 'Haracyari kare mu banyarwanda kuba bakwiyumvamo Green Party, kuba ivuga ko itavuga rumwe na Leta (FPR) abanyarwanda benshi ntibarasobanukirwa imikorere yayo. Bizayisaba imbaraga n'indi myaka mu kumvisha abanyarwanda opozisiyo yabo uko ikora kuko babafata nk'abarwanya ubutegetsi.'
Imbogamizi mu kwiyamamaza
Mubikorwa byo kwiyamamaza, byatumye abantu batangira kuyitinyuka kuko babonaga bakiriwe n'inzego za Leta, bitandukanye n'amatora ya 2017, aho hamwe na hamwe bakirwaga nabi. Bati rero kuri ubu haricyo byahinduye gusa ntibaragera mu kigero cyo kuyitora ngo igire amajwi menshi.
Bakomeza bagaragaza ko bashobora gusubizwa imyanya ibiri bari basanganywe n'umusenateri bafite. Bati, 'Gusa Dr. Frank ni umuhanga, HE ashobora no kumuha Minisiteri cyangwa akaba umunyamabanga wa Leta kuko abishoboye.'
Gutegereza ibizava mu matora
Biteganyijwe ko saa munani hatangazwa amajwi y'abadepite. Byitezwe ko aribwo hazamenyekana niba Green Party izongera kubona imyanya mu nteko nshingamategeko cyangwa niba hari ibindi byiza bishya Dr. Frank azageraho muri manda itaha.
Nyuma y’uko amatora akomatanije ay'Abadepite n'Umukuru w'Igihugu atangiye ku wa 14 Nyakanga 2024 ku banyarwanda bari hanze no ku wa 15 Nyakanga 2024 ku bari imbere mu gihugu.
Ku isaha ya saa Yine zo ku wa 15 Nyakanga 2024, Komisiyo y'amatora yatangaje icyerekezo cy’ibyavuye mu matora ku mwanya wa Perezida wa Repubulika.
Aho ibyavuye mu matora ku kigereranyo cya angana na 78.94% by'amajwi yose yari amaze kubarurwa, Perezida Kagame yari afite 99.5% anga n'amajwi Miliyoni 7,099,810 mu gihe abo bari bahatanye uteranije amajwi yabo bose atagera ku bihumbi 61.
Benshi mu banyamuryango ba FPR Inkotanyi n'inshuti zawo bagaragaje ibyishimo bikomeye, bashima Imana yongeye gutuma bakomeza kuyoborwa na Perezida Kagame.
Umuyobozi w'Ishami rishinzwe gutanga amaraso mu Kigo cy'Igihugu gishinzwe Ubuzima, RBC, Dr Muyombo Thomas [Tom Close] uri no mu bahanzi baheruka kugabirwa na Perezida Kagame.
Yagaragaje ko ari ibyishimo by’igisagirane kuba abanyarwanda batoye neza.
Ati'Intsinzi bana b’u Rwanda, intsinzi, njye ndayireba, intsinzi mu bice byose, intsinzi.Mwese muri imfura, mwakoze gutora neza.'
Abantu benshi mu ngeri zitandukanye bakaba bakomeje kurata amashimwe Perezida Kagame bishingiye ku cyerecyezo cyatanzwe na Komisiyo y'amatora cyerekana ko yatsinze.
Nyampinga w'u Rwanda 2016 ari muri abo, na we aho yagaragaje ko abanyarwanda bihitiyemo ubabereye kandi bitari ibya 2024 gusa ahubwo by'iteka kandi agaragaza ko gutora Perezida Kagame bisobanuye ko ahazaza h'u Rwanda harinzwe.
Ku wa 27 Nyakanga 2024 nibwo hazatangazwa bidasubirwaho ibyavuye mu matora akomatanije ay'Abadepite nay'Umukuru w'Igihugu.
Abanyarwanda bakomeje kugaragaza ko bishimiye intsinzi ya Perezida Kagame Mutesi Jolly yagaragaje ko guhitamo abanyarwanda bahisemo by’iteka Perezida Kagame kandi ari amahitamo aboneye Tom Close yashimiye buri umwe wagize uruhare mu ntsinzi ya Perezida Kagame ku bwo gutora nezaAlain Numa uri mu basirikare babohoye igihugu cy’u Rwanda yifurije imigisha ituruka ku Mana Perezida Kagame Â
Abanyarwanda bakomeje kugaragaza ko bishimiye intsinzi ya Perezida Kagame 
Mutesi Jolly yagaragaje ko guhitamo abanyarwanda bahisemo by’iteka Perezida Kagame kandi ari amahitamo aboneye 
Tom Close yashimiye buri umwe wagize uruhare mu ntsinzi ya Perezida Kagame ku bwo gutora neza
Alain Numa uri mu basirikare babohoye igihugu cy’u Rwanda yifurije imigisha ituruka ku Mana Perezida Kagame Â