Category: Uncategorized

Perezida wa Repubulika y’u Rwanda, Paul Kagame yitabiriye umukino wa UEFA Champions League, Paris Saint Germain yo mu Bufaransa yatsinzemo Chelsea FC ibitego 5-2.

Uyu mukino wa PSG isanzwe yamamaza ubukererarugendo bw’u Rwanda binyuze muri ‘Visit Rwanda’, waraye ubaye mu ijoro ryakeye ryo ku wa 11 Werurwe 2026.

Ubutumwa bwashyizwe kuri konti ya X y’Ibiro by’Umukuru w’Igihugu, Village Urugwiro bugaragaza ko Perezida Kagame yitabiriye uyu mukino kuri Parc des Princes.

Buragira buti 'Muri iri joro, Perezida Kagame yitabiriye umukino wa UEFA Champions League kuri Parc des Prince, aho Visit Rwanda ifite ubufatanye na Paris Saint-Germain yatsinze 5-2 Chelsea FC.'

Paris Saint-Germain ikaba yamamaza Visit Rwanda muri Stade yayo ya Parc des Princes, ku myambaro y’imyitozo ndetse n’iyo bishyushyanya mbere y’umukino, ni amasezerano yasinywe muri 2019, avugururwa mu 2025 aho agomba kugeza mu 2028.

Binyuze muri aya masezerano buri mwaka iyi kipe yohereza abakinnyi bayo kuza gusura u Rwanda aho abaheruka ari Océane Nathalie Toussaint Dit Marseille, Baby Jordy Benera na Jade Le Guilly bakinira Paris Saint-Germain y’Abagore aho baje muri Gashyantare uyu mwaka.

Yakiriwe neza Parc des Princes

Pereziza Kagame yarebye umukino wa PSG na Chelsea

Ni umukino Chelsea yatsinzwemo na PSG 5-2

Myugariro wa Toulouse mu Bufaransa, Warren Håkon Christofer Kamanzi witezwe kuzakinira Amavubi isaha n’isaha, biracyagoranye ko yakwitabira ubutumire kuri iyi nshuro kuko hari ibyo agitekereza, bibaye byaba bitunguranye.

Uyu myugariro wo ku ruhande rw’iburyo wavukiye muri Norway ku babyeyi b’abanyarwanda, yagiye yifuzwa n’ikipe y’igihugu Amavubi ariko ntibyakunda.

Muri 2022 ni bwo u Rwanda rwamuhamagaye bwa mbere ariko yanga ubwo butumire kuko yari afite icyizere ko ikipe y’igihugu ya Norway yazamutekerezaho gusa bisa n’aho bitakunze.

Nyuma yo kubona imyaka irimo igenda izamuka ariko Norway ntimwitabaze, Amavubi yongeye kumwegera, baramuganiriza bamusaba ko yakwemera kuza gukinira ikipe y’igihugu y’u Rwanda, ndetse ISIMBI yamenye amakuru ko n’ibiganiro byari birimo bigenda neza bitanga icyizere.

U Rwanda rwari runafite icyizere ko no muri iyi mikino ya 'FIFA Series’ izabera mu Rwanda mu mpera z’uku kwezi, ndetse amakuru anavuga ko bari banamwoherereje ubutumire (Invitation) gusa kuri iyi nshuro amahirwe menshi ni uko atazitabira.

Bivugwa ko uyu myugariro atarafata umwanzuro neza wo kuba yaza gukinira u Rwanda, akaba yarababwiye ko hari ibintu bitarajya ku murongo neza, kuza mu Mavubi kuri iyi nshuro byaba ari nk’ibitangaza.

ISIMBI kandi yamenye ko undi mukinnyi u Rwanda rwifuza, Mike Tresor Ndayishimiye wakiniye ikipe y’Igihugu y’u Bubiligi na we bikigoranye ariko yabwiye abantu ba hafi be ko yifuza kuba yasura u Rwanda ndetse akagira n’ibikorwa ahakorera birimo kuzamura impano z’abakiri bato, ngo nubwo atakinira u Rwanda ariko inyota rwamweretse ko rumwifuza yifuza na we kuba hari ikintu hakora ari nayo mpamvu yifuza kurusura.

Warren Kamanzi biracyagoye ko yazakinira Amavubi

Mike Tresor yifuza kuza gusura u Rwanda

Gen Alain-Guillaume Bunyoni wabaye Minisitiri w'Intebe w'u Burundi kuva muri Kamena 2020 kugeza muri Nzeri 2022, yafunguwe kuri uyu wa 11 Werurwe 2026 nyuma y'imyaka hafi itatu afunzwe.

Ihuriro AFC/M23 ryatangaje ko igitero cya drones ingabo za Repubulika Iharanira Demokarasi ya Congo zagabye mu mujyi wa Goma kuri uyu wa 11 Werurwe 2026 cyari kigamije kwica abayobozi bakuru baryo.

Abakinnyi bane ba Rayon Sports bivumbuye banga gukora imyitozo ya nyuma yitegura umukino ubanza wa Police FC wa 1/4 mu cy’Igikombe cy’Amahoro kubera kwishyuza umushahara.

Abo bakinnyi ni myugariro Ramazani Tshimanga, Yannick Bangala, Ben Aziz Dao na rutahizamu Bienvenu Vigninou.

Aba bakinnyi ntabwo baraye bakoze imyitozo ya nyuma yabaye ejo ku wa Gatatu tariki ya 11 Werurwe 2026.

Aba bakinnyi bageze mu Nzove ariko banga gukora imyitozo bavuga ko batakora badahawe umushara w’ukwezi kwa Kabiri.

Icyo aba bakinnyi bose uko ari bane bahuriyeho ni uko binjiye muri Rayon Sports muri Mutarama 2026 baje kuyifasha mu mikino yo kwishyura ya Shampiyona y’icyiciro cya mbere mu Rwanda umwaka w’imikino wa 2025-26.

ISIMBI yamenye amakuru ko ubwo bari bamaze gusinya, basabye ubuyobozi ko bwabahemba ukwezi kwa Mbere bari bagiye gukora kuko ayo bari bahawe ya ‘Installation’ bari bayoherereje imiryango.

Ubuyobozi bukaba bwarabikoze. Ikibazo cyaje kuvuka ubwo Rayon Sports yahembaga abandi bakinnyi.

Muri iki cyumweru Rayon Sports yahembye abakinnyi bayo ukwezi kwa Mutarama (ukwa Mbere) ariko aba bakinnyi bo ntibahembwa kuko ayabo bari barayahawe mbere.

Basabye ubuyobozi ko bahembwa ukwezi kwa Kabiri (Gashyantare) ariko ubuyobozi bubabwira ko bitashoboka batajya bahora bahemba bamwe abandi natahembwe.

Babwiwe ko bagomba bakwihangana kuko vuba uku kwezi kutararangira bazahemba n’ukwezi kwa Kabiri ko nabo ari bwo bazahembwa, ibintu bikajya ku murongo bakajya bahemberwa rimwe n’abandi, gusa ntibabyumva.

ISIMBI yamenye amakuru ko nyuma yo kwanga gukora imyitozo bahise banakurwa mu bakinnyi bakina na Police FC kuri uyu wa Kane mu mukino ubanza wa 1/4 mu gikombe cy’Amahoro.

Vinignou (Ubanza ibumoso), Tshimanga (hagati) na Yannick Bangala (iburyo) banze gukora imyitozo

Aziz Ben Dao na we ntiyakoze imyitozo

Umulisa Nelly yatangaje gukekwaho ubutunzi budahari biri mu mbogamizi zikomeye yahuriye nazo mu rugendo rwe rwo kwamamara yakuye mu gukina sinema ndetse no kwifashishwa mu ndirimbo z’abahanzi batandukanye.

Nelly wamenyakanye cyane muri filime nyarwanda zitandukanye zirimo nka 'My Heart’ ya Killaman yagaragaje ko bijyanye n’uko ibyamamare byinshi bikunze kubaho mu buzima butari ubwa nyabwo kugira ngo bakurure amaso y’ababikurikira byatumye abibarizwa muri iki gisata cyose bafatwa nk’abantu bakize.

Mu kiganiro yagiranye na Isimbi , Nelly yagize ati “Abantu bumva ko twagafashe, twakize, mbese byemeye kandi tubaye mu buzima bwo kwiyoberanya nk’abandi bose .'

Nelly avuga ko uku gufatwa nk’abantu bamaze kugwiza ubutunzi ahanini bituruka ku myumvire y’uko abantu bajya muri sinema by’umwihariko abakobwa bahita bagira amahirwe yo kugirana umubano n’abadiyasipora bakabaha amafaranga menshi ku rwego rw’uko hari n’abo abwira ko ajya agenda n’amaguru cyangwa akennye bakabifata nko kubishongoraho.

Ati 'Biterwa n’uko abantu bumva ko abakobwa tujya muri sinema abadiasipora baduha amafaranga menshi kandi njyewe nta wigeze umpa amafaranga ye n’inshuro n’imwe. Nta n’umuntu ushobora kubwira ko ukennye ngo abyumve kubera yirirwa akubona kuri camera.'

Umulisa Nelly yanigeze kwiharira imbuga nkoranyambaga nyuma yo kugaragara mu mashusho atenguha umusore wari umupfukamiye rwagati mu mujyi wa Kigali amusaba ko bazabana.

Nelly Umulisa yavuze ko abantu babafata nk’abantu bakize kandi si byo

Gasogi United yatsinze APR FC mu mukino ubanza wa 1/4 cy’Igikombe cy’Amahoro cya 2026.

Uyu munsi Gasogi United ikaba ari yo yari yakiriye APR FC mu mukino wabereye kuri Kigali Pelé Stadium.

Igice cya mbere amakipe yombi wabonaga akina ashaka igitego ariko yagiye kuruhuka ari ubusa ku busa.

Mu gice cya kabiri APR FC yagerageje kurema uburyo butandukanye ariko kuyabyaza umusaruro biranga.

Ni nako na Gasogi United yashyize igitutu kuri APR FC ariko babanza kugorwa n’umunyezamu Hakizimana Adolphe.

Akagozi kacitse ku munota wa 75 ubwo Niyigena Ebenezer yatsindiraga Gasogi United igitego ku mupira yari ahawe na Ndikumana Danny. Umukino warangiye ari 1-0.

Indi mikino ya 1/4 yabaye, AS Kigali yanganyije na Gorilla FC 0-0, Bugesera FC itsinda Etincelles FC 1-0. Ejo Rayon Sports izakina na Police FC.

Umuhanzi Dr. Muyombo Thomas uzwi muri muziki nka Tom Close, yavuze ko akiri umwana yigeze kwandikira Perezida Paul Kagame kubera urukundo amakunda.

Yabigarutseho ejo hashize tariki ya 10 Werurwe 2026 mu kiganiro yatangiye mu rusengero rwa 'Citylight Foursquare Church’ aho yahuriyemo na Israel Mbonyi aho cyari gifite insanganyamatsiko yo 'Guhuza ubwamamare n’ubukirisitu.’

Tom Close yavuze ko kubera urukundo yakuze akunda Perezida Kagame, mu bwana bwe aho yakundaga gukina amakinamico yakinaga amwiyitirira.

Ati 'Ku bana bo muri iyi minsi Spiderman na Superman ni bo ba 'Super Hero’ babo, ariko twe tukiri bato, Inkotanyi ni zo zari ba 'Super Hero’ bacu. Njya nkunda kubivuga ntebya njye nkiri muto ku ishuri nakundaga gukina ndi uwari Visi Perezida na Minisitiri w’Ingabo, Paul Kagame.”

Tom Close yavuze ko akiri umwana yigeze guha mama we urwandiko ashyira Perezida Kagame.

Yagize ati “Ndibuka ko nkiri na muto cyane nigeze gusanga mama wanjye aho yakoraga muha urwandiko amushyira.'

Tom Close asa n’uwageze ku nzozi ze, kuko ngo yakuze akora umuziki ariko yirinda icyatuma izina rye ryangirika kuko yifuzaga ko Perezida Paul Kagame yazamumenya kandi akamumenya mu byiza.

Tom Close yakomoje ku ibaruwa yigeze kwandikira Perezida Paul Kagame