Category: Uncategorized

APR FC yafashe umwanya wa mbere ku rutonde rw’agateganyo rwa Shampiyona nyuma yo gutsinda Musanze FC ibitego bibiri ku busa byatsinzwe na Ronald Ssekiganda na William ToguiMel.

Kuri uyu wa Gatandatu ni bwo hatangiye umunsi wa 24 wa Shampiyona y’icyiciro cya mbere mu Rwanda umwaka w’imikino wa 2025-26 aho imikino ibiri yari yabanje Bugesera FC yatsinze Gasogi United 1-0 mu gihe Rutsiro FC yanganyije na Etincelles ubusa ku busa.

APR FC yari yakiriye Musanze FC yayitsinze 3-2 mu mukino ubanza, yashakaga kureba ko yakwihimura nayo ikaba yatsinda uyu mukino kuko yari no guhita ifata umwanya wa mbere.

APR FC ikaba yari yagaruye Seidu Yussif Dauda wari umaze iminsi mu bihano ndetse akaba yari yanabanje muri 11.

APR FC yatangiye umukino ishaka igitego hakiri kare maze ku munota wa gatanu, Memel Dao atera ishoti rikomeye ariko umunyezamu Nsabimana Jean de Dieu arawufata.

Mu minota 20 ya mbere y’umukino, APR FC yari yihariye umupira ariko itarabasha kurema uburyo bufatika.

Ku munota wa 19, Cheikh Djibril Ouattara yiherewe umupira n’abakinnyi ba Musanze FC ariko awuterana igihunga unyura hejuru y’izamu.

Ubwo umukino wari ugeze ku munota wa 28 waje guhagarara kuko amatara muri Stade yazimye.

Iki kibazo cy’amatara kikaba cyamaze iminota 20 yose abona kongera kwaka, umukino urakomeza.

Ku munota wa 37, Cheikh Djibril Ouattara akaba yahinduye umupira mwiza ariko Denis Omedi ashyizeho umutwe ujya hejuru y’izamu. Amakipe yombi yagiye kuruhuka ari ubusa ku busa.

Igice cya kabiri kigitangira, Dauda yagerageje ishoti rikomeye ariko umupira bawushyira muri koruneri itagize icyo itanga.

APR FC yabonye penaliti ku munota wa 51 ku ikosa ryakorewe Cheikh Djibril Ouattara ayiteye arayihusha kuko yayiteye hejuru y’izamu.

APR FC yari yashatse igitego yaje kukibona ku munota wa 70 cyatsinzwe na Ronald Ssekiganda ku mupira wari uvuye kuri koruneri yari itewe Raouf Memel Dao.

APR FC yagiye ikora impinduka zitandukanye ishaka igitego cya kabiri aho Ruboneka Bosco yasimbuye Seidu Yussif Dauda, Hakim Kiwanuka agasimbura Denis Omedi, Mamadou Sy asimbura Cheikh Djibril Ouattara mu gihe Mugisha Gilbert yasimbuye Memel Dao.

Bagiye barema uburyo butandukanye ariko kububyaza umusaruro bibaza kugorana aho byasabye umunota wa nyuma aho William Togui Mel yatsinze igitego ku ishoti rikomeye nyuma y’umupira Kiwanuka yahinduye mazeMugisha Gilbert akozaho umutwe, undi ahita ashyira mu rushundura. Umukino warangiye ari 1-0.

Nyuma yo gutsinda uyu mukino APR FC yahise ifata umwanya wa mbere n’amanota 46, A l Hilal SC 45, Al Merrikh 44.

Gahunda y’umunsi wa 24 wa Shampiyona

Ku wa Gatandatu tariki ya 14 Werurwe 2026

Gasogi United 0-1 Bugesera FC
Rutsiro FC 0-0 Etincelles FC
APR FC 1-0 Musanze FC

Ku Cyumweru tariki ya 15 Werurwe 2026

AS Muhanga vs Mukura VS
Kiyovu Sports vs AS Kigali
Gorilla FC vs Marines

Ku wa Mbere tariki ya 16 Werurwe 2026

Gicumbi FC vs Police FC
Rayon Sports vs Al Merrikh SC

View this post on Instagram

A post shared by Canisius Kagabo (@canisius1kagabo)

Umunyamakuru w’Ikigo cy’Igihugu cy’Itangazamakuru (RBA), Aimée Beauté Mushashi ukora mu ishami ry’amakuru kuri Televiziyo Rwanda, yakoze ubukwe na Nyamwasa Francis.

Ni umuhango wabaye kuri uyu wa Gatandatu tariki ya 14 Werurwe 2026 ubera muri Mez Park, Kinyinya.

Ni umuhango wabanjirijwe no gusaba no gukwa, witabiriwe n’abavandimwe n’inshuti, bari baje kubashyigikira.

Nyuma y’aho bakaba bagiye guhamya isezerano ryabo imbere y’Imana mu rusengero mu rusengero rwa Evangelical Restoration Church ruherereye i Masoro.

Ibirori byo kwakira abatumiwe bizwi nko Gushyingirwa bikaba nabyo byabereye muri Mez Park iherereye Kinyinya mu Mujyi wa Kigali.

Ubu bukwe bubaye nyuma y’uko tariki ya 5 Werurwe 2026, Aimée Beauté Mushashi na Nyamwasa Francis bari basezeranye imbere y’amategeko biyemeza kubana akaramata.

Kuva 2014 kugeza 2016 Aimée Beauté Mushashi yakoreye RC Huye, 2016 yahise ajya gukora kuri Radio ya Kaminuza y’u Rwanda (Radio Salus) yanizemo ibijyanye n’ububanyi bw’amahanga, 2017 yahise ajya kuri Radio&TV1 yavuye 2024 ajya kuri RBA akorera kugeza uyu munsi.

Aimée Beauté Mushashi yakoze ubukwe na Nyamwasa Francis

Biyemeje kubana akaramata, imiryango ibiha umugisha

Mushashi yishimye cyane

Baheruka gusezerana imbere y’amategeko

← Back

Thank you for your response. ✨

Submit

← Back

Thank you for your response. ✨

Submit

Yampano yagiriye inama abantu bifata amashusho bari mu gikorwa cy’abashakanye bakayabika kuri telefone nk’ahantu batekereza ko ari hatekanye kurusha ahandi, kubireka kuko atari iyo kwizerwa.

Umuhanzi Uworizagwira Florien uzwi nka Yampano yavuze ko umuhengeri wo kwibasirwa n’abakoresha imbuga nkoranyamabaga mu mpera z’umwaka ushize wakurikiye ishyirwa hanze ry’amashusho y’urukozasoni agaragaramo ndetse n’umukunzi we byaturutse ahanini kuri telefoni ye yahaye icyizere idakwiriye.

Mu butumwa yacishije kuri shene ya Youtube y’umugore we, Uwineza Vava ari na we byemezwa ko ari muri aya mashusho, Yampano yasabye abashakanye kugenzura uko bishimira ikibatsi cy’amarangamutima yabo ndetse no gukumira ingaruka zishobora kubikurikira mu gihe habamo icyo yise ukutamenya.

Atu 'Telefone ntabwo ari iyo kwizerwa kuko ibintu byose byatubayeho byari bishingiye kuri yo ariko ibyabaye si uko bitabaho. Ntabwo mbuza abantu kwishima kuko buri wese afite kwishima ariko ntibazongere kwizera telefone.'

Uyu muhanzi uri mu bagezweho yakomeje agira abantu inama yo kutazongera kwizera undi muntu uwo ari we wese kugera ku kigero cyo kumuha uburenganzira bwo kugera ku makuru y’ibanga kuko isaha ku isaha yaguhinduka bitewe n’ibihe munyuranamo.

Ati 'Ntimuzongere kwizera abantu usibye umugore uba ufite ijambo banga rya konti bya banki yawe naho undi wese ntabwo agomba kumenya irindi banga ufite mu mutwe uretse n’ibiri kuri telefone yawe. Ntabwo agomba kukwegera kugeza aho amenya ijambo banga rya telefone yawe ndi umuhamya wabyo kuko byambayeho.'

Mu mpera z’umwaka ushize nibwo Nyuma y’igihe hahwihwiswa amakuru y’uko habitswe amashusho yerekana Yampano na Vava barimo biha umubyizi ariko benshi bagahamya ko yaba ari inkuru mpimbano igamije gutuma uyu muhanzi akomeza kuvugwa, yaje gushyirwa hanze.

Guhera ubwo ibiganiro ku mbuga nkoranyambaga wabonaga ko byashimuswe na Yampano, nubwo nta weruraga ngo ayashyire hanze abenshi bacaga amarenga ko bayafite ndetse bagaragaza ko batunguwe n’ibyo uyu musore yakoze.

Yampano yasabye abantu kutizera telefoni zabo

Umuhanzikazi w’Umunyamerika Doja Cat utegerejwe gutaramira i Kigali mu gitaramo cya Move Afrika, yatangaje ko amaze imyaka myinshi ahanganye n’indwara yo mu mutwe izwi nka Borderline Personality Disorder (BPD) ituma rimwe na rimwe yitwara mu buryo atabanje gutekerezaho kandi nta ruhare yabigizemo.

Uyu muhanzikazi w’imyaka 30 yabitangaje mu mashusho yashyize ku rubuga rwa TikTok ku wa 14 Werurwe 2026, aho yasangije abakunzi be urugendo rutoroshye yanyuzemo mu buzima bwe.

Amala Ratna Zandile Dlamini wamenyekanye nka Doja Cat yavuze ko kuva akiri muto yimenyereje kwiyerekana no kwitwara nk’uwishimye mu maso y’abandi nubwo imbere mu mutima yaba ari guhangana n’ibibazo bikomeye.

Yagize ati 'Nkiri muto nize kwigira nk’uwishimye, nkigira nk’ukunda ibintu bimwe cyangwa nkanga ibyo nkunda kugira ngo bigaragare ko byose ari byiza imbere y’abafana banjye.'

Doja Cat yavuze ko kumara igihe kinini ahisha amarangamutima ye byaje kumugeraho bikamuremerera, kugeza ubwo yemeye ko ari guhangana n’indwara ya BPD.

Nk’uko bisobanurwa n’Ishami ry’Umurango w’Abibumbye ryita ku Buzima [OMS], iyi ndwara yo mu mutwe igira ingaruka ku buryo umuntu yireba ndetse n’uko abona abandi, bigatuma ashobora kugira amarangamutima ahindagurika cyane bidafite aho bishingiye, imibanire idahagaze neza ndetse rimwe na rimwe akagira imyitwarire itatekerejweho.

Nubwo bimeze bityo, Doja Cat yavuze ko ubujyanama mu by’imitekerereze (therapy) bumaze igihe bumufasha kugenda arushaho kumva ubuzima bwe no kugenzura amarangamutima.

Ibi bije mu gihe Doja Cat ategerejwe mu Rwanda mu gitaramo kizabera muri BK Arena ku wa 17 Werurwe 2026.

Doja Cat yahishuye ko arwaye indwara yo mu mutwe