Category: Uncategorized

Aya matora yari ateganyijwe kuba ku wa 16 Kanama 2024, ariko Komisiyo y'Amatora irayasubika, ivuga ko izatangaza ikindi gihe azabera.

Ni amatora ateganyijwe kubera mu turere twose tugize umujyi wa Kigali aho abazayitabira bazatoranyamo babiri bahagararira buri Karere, umugabo n'umugore.

Biteganyijwe ko amatora azatangira saa mbili za mu gitondo kandi ku turere twose tugize Umujyi wa Kigali akabera mu cyumba cy'Inama cy'utwo turere uretse Nyarugenge azabera mu Cyumba cy'Inama cy'Umujyi wa Kigali.

NEC yatangaje ko nyuma yayo matora hazakurikiraho amatora ya Biro y'Inama Njyanama n'aya Komite Nyobozi y'Umujyi wa Kigali azabera muri Camp Kigali.

Itegeko nimero 22/2019 ryo ku wa 29 Nyakanga 2019 rigenga Umujyi wa Kigali mu ngingo yaryo ya kane, rigaragaza ko Umujyi wa Kigali uyoborwa n'Inama Njyanama yawo.

Riteganya ko Umujyi wa Kigali ugira Abajyanama 11 barimo batandatu batorwa bahagarariye uturere tuwugize ndetse na batanu bashyirwaho n'Umukuru w'Igihugu.

Icyakora iri tegeko ryemerera Perezida wa Repubulika kuba yagabanya cyangwa akongera umubare w'abajyanama yemerewe gushyiraho, ari na yo yakurikijwe kuri iyi nshuro.

Abo bajyanama nibo batorwamo Umuyobozi w'Umujyi wa Kigali, Umuyobozi w'Umujyi wa Kigali Wungirije ushinzwe Imiturire n'Ibikorwa remezo n'Umuyobozi w'Umujyi wa Kigali Wungirije ushinzwe Ubukungu n'Imibereho y'Abaturage.

NEC yatangaje yashyize ahagaragara iby'aya matora nyuma y'uko ibiro bya Minisitiri w'Intebe bitangaje ko Perezida Paul Kagame yashyizeho abajyanama b'Umujyi wa Kigali batandatu nk'uko itegeko ribimwemerera.

Abashyizweho ni Fulgence Dusabimana wari usanzwe Umuyobozi w'Umujyi wa Kigali wungirije ushinzwe ibikorwaremezo, Samuel Dusengiyumva wari usanzwe ari Meya w'Umujyi wa Kigali, Flavia Gwiza, Christian Mugenzi Kajeneri, Marie Grace Nishimwe na Jack Ngarambe.

Amatora y’abagize Inama Njyanama y’Umujyi wa Kigali ateganyijwe ku wa 22 Kanama 2024

Inteko Ishinga Amategeko umutwe w'Abadepite yarahiriye manda yayo ku wa 14 Kanama 2024.

Mu Nteko Rusange yo kuri uyu wa 21 Kanama 2024, Abadepite bari bafite inshingano yo kwitoramo biro za komisiyo zihoraho.

Depite Muhakwa Valens wari Perezida wa Komisiyo ishinzwe gukurikirana imikoreshereze y'imari n'umutungo bya Leta (PAC) muri manda ishize, yongeye gutorwa n'abadepite bose.

Uyu mugabo w'imyaka 41 yagaragaje ko mu gihe yari Perezida wa PAC, hari byinshi byakozwe harimo kuzuza ibitabo by'ibaruramari byateye intambwe igaragara, iyi komisiyo icyuye igihe ikaba yarasize bigeze kuri 92%, mu bijyanye no kubahiriza amategeko byarazamutse bigera kuri 69% naho gukoresha neza umutungo wa leta bigera kuri 59% no kubahiriza inama z'umugenzuzi mukuru w'imari ya leta.

Yahamije ko iyi manda ari 'iyo gushimangira ihame ndetse n'amahitamo igihugu cyacu cyiyemeje yo kubaza abayobozi inshingano bityo umuturage azahore ku isonga.'

Visi Perezida w'iyi Komisiyo watowe ni Depite Murumunawabo Cecile.

Depite Amb. Tumukunde Hope Gasatura yatorewe kuba Perezida wa Komisiyo y'Ububanyi n'Amahanga, Ubutwererane n'Umutekano.

Depite Amb. Tumukunde wari uhagarariye u Rwanda muri Ethiopia na Djibouti, kuva mu 2016 kugeza mu 2023 yavuze ko ubunararibonye afite mu bubanyi n'amahanga buzatuma yuzuza inshingano neza.

Yanahagarariye u Rwanda mu kanama ka Afurika Yunze Ubumwe gashinzwe amahoro, aho yamaze imyaka itandatu, ndetse mu biganiro byari bigamije gukemura ibibazo by'impunzi n'abimukira yagize uruhare rukomeye.

Umwanya wa Visi Perezida muri iyi komisiyo wegukanywe na Jean Claude Ntezimana wagize amajwi 77. Yize icyiciro cya gatatu cya Kaminuza mu bijyanye n'Ububanyi n'Amahanga na Dipolomasi.

🚨𝐀𝐌𝐀𝐊𝐔𝐑𝐔 𝐌𝐀𝐒𝐇𝐘𝐀🚨

Abagize Inteko Ishinga Amategeko Umutwe w'Abadepite bari gutora komite za komisiyo zihoraho.

Ku ikubitiro, Depite Nabahire Anastase yatorewe umwanya wa Perezida wa Komisiyo y’Imiyoborere, Uburinganire n’Ubwuzuzanye bw'Abagore n'abagabo agize… pic.twitter.com/jRi76Ei46T

— IGIHE (@IGIHE) August 21, 2024

Komisiyo y'Imiyoborere, Uburinganire n'Ubwuzuzanye bw'Abagore n'abagabo yahawe Depite Nabahire Anastase nka Perezida wayo, mu gihe Visi Perezida ari Depite De Bonheur Jeanne D'Arc watowe.

Despite De Bonheur wakoze imyaka 11 mu nzego za Leta, harimo n'aho yari Minisitiri Ushinzwe Ibiza no gucyura impunzi yavuze ko ubunararibonye afite mu mategeko buzatuma imirimo ya komisiyo yatorewemo igenda neza.

Uyu mubyeyi w'abana batatu yigeze kuba umwanditsi n'Umujyanama mu Nteko Ishinga Amategeko mu gihe cy'imyaka irindwi, gusa mu bihe bishize yari yarinjiye mu kwikorera aho yari umwavoka na noteri wigenga.

Mu bandi batowe harimo Depite Munyangeyo Théogène uyoboye Komisiyo y'Ubukungu n'Ubucuruzi, mu gihe Visi Perezida wayo ari Depite Mukarugwiza Judith wakoze mu Kigo cy'Igihugu cy'Imisoro n'amahoro imyaka irenga 20.

Depite Rubagumya Furaha Emma yatorewe umwanya wa Perezida wa Komisiyo y'Uburezi Ikoranabuhanga, Umuco Siporo n'Urubyiruko na ho Visi Perezida wayo aba Depite Rutebuka Barinda.

Depite Uwamariya Veneranda yatorewe kuyobora Komisiyo y'Imibereho y'Abaturage yungirizwa na Depite Mukabunani Christine wahoze ari Visi Perezida wa Komisiyo y'Ubutaka, Ubuhinzi n'Ubworozi muri manda ya kane iheruka kusa ikivi.

Perezida wa Komisiyo y'Ubumwe bw'Abanyarwanda, Uburenganzira bwa Muntu no Kurwanya Jenoside yabaye Depite Ndangiza Madina, yungirizwa na Depite Uwiringiyimana Philbert.

Iyi komisiyo ifite inshingano zo kwita ku bijyanye n'ubumwe n'ubudaheranwa, ndetse no kurwanya ingengabitekerezo ya Jenoside no kuyikumira, akavuga ko nk'impuguke mu mategeko azakora ku buryo byubahirizwa.

Depite Odette Uwamariya yatorewe kuba Peredida wa Komisiyo y'Imari n'Umutungo bya Leta, na ho Visi Perezida wayo aba Depite Pie Nizeyimana.

Komisiyo y'Ubutaka, Ubuhinzi, Ubworozi n'Ibidukikije yahawe Depite Muzana Alice, yungirizwa na Depite Ayinkamiye Speciose.

Biro za komisiyo zihoraho mu mutwe w'Abadepite zigira manda y'imyaka ibiri n'igice ishobora kongerwa, mu gihe Perezida na Visi Perezida batorwa n'Inteko Rusange.

Depite Munyangeyo Theogene yongeye gutorerwa kuyobora Komisiyo y’ubukungu n’ubucuruzi

Depite Amb Hope Tumukunde Gasatura wari umaze iminsi ari ambasaderi yatorewe kuba Perezida wa Komisiyo y’Ububanyi n’amahanga, Ubutwererane n’Umutekano

Depite Uwamariya Odette na we ari mu batorewe kuyobora komisiyo zihoraho

Depite Muhakwa Valens yongeye gutorerwa kuyobora PAC

Inteko Rusange y’Abadepite yari iteranye bwa mbere muri manda y’imyaka itanu baherutse kurahirira

Amafoto: Ingabire Nicole

Ni mu mukino wo ku munsi wa mbere wa shampiyona wakinwe kuri uyu wa Gatatu tariki ya 21 Kanama 2024 Saa Cyenda kuri Kigalkipe ya AS Kigalii Pelé Stadium.

Uyu mukino wagombaga kuba warakinwe mu cyumweru gishize wimurirwa uyu munsi nyuma y’ubwumvikane bw’amakipe yombi.

Watangiye ikipe ya AS Kigali ubona ariyo ihererekanya neza ndetse ntiyatinda no kwinjira mu mukino.

Nta gutinzamo ku munota wa 15 gusa AS Kigali yafunguye amazamu ku gitego cyari gitsinzwe na rutahizamu wayo ukomoka mu gihugu cy’u Burundi, ,Hussein Shaban Tchabalala akoresheje umutwe ku mupira warI uzamuwe na Mark Nkubana ku ruhande rw’iburyo.

Uko iminota yagendaga ninako ikipe ya Kiyovu Sports itarifite bamwe mu bakinnyi bayo bakomeye yasinyishije nka Cédri Amiss na Sugira Ernest…yinjiraga mu mukino ndetse igatangira no kurema uburyo imbere y’izamu ishaka igitego cyo kwishyura.

Mbere y’uko igice cya mbere kirangira ku munota wa 44 iyi kipe y’Urucaca yaje kubona igitego cyo kwishyura gitsinzwe na Hakim Diene 

Mu gice cya kabiri amakipe yombi yakomeje gukina asatira buri imwe ishaka igitego cy’intsinzi. Bigeze ku munota wa 75 Kiyovu Sports yabonye igitego cya 2 gitsinzwe na Mugisha Desire nyuma ya kufura yari irekuwe maze Hakizimana Adolphe ntiyafata umupira neza ahita agenda asongamo.

Mu minota nyuma y’umukino,AS Kigali yasatiriye cyane ishaka igitego cyo kwishyura ariko umunyezamu Nzeyurwanda Djihad ababera ibamba akuramo imipira iremereye. Umukino warangiye Kiyovu Sports itsinze ibitego 2-1.

Abakinnyi 11 ba AS Kigali babanje mu kibuga

Abakinnyi 11 ba Kiyovu Sports babanje mu kibuga

Tchabalala yishimira igitego yatsinze

Mugisha Desire yishimira igitego cya 2 cya Kiyovu Sports yatsinze

“>

Uyu musaruro mwiza waturutse ku bwiyongere bw'inguzanyo zihabwa abakiliya zageze kuri miliyari 353 Frw, inyongera ya 12%.

Ku rundi ruhande, amafaranga yabikijwe na abakiliya yarazamutse agera kuri miliyari 593 Frw, inyongera ya 27% ugereranyije ni gihembwe cya kane cy'umwaka ushize.

Inyungu yabonetse mu bucuruzi bw'amadevize yazamutseho 46% mu mezi atandatu ya mbere y'uyu mwaka.

Icyakora ku rundi ruhande, amafaranga iki kigo gikoresha mu bikorwa bitandukanye yiyongereyeho 4% ahanini bitewe n'ibikorwa bigamije kurushaho kugeza serivisi zayo ku bakiliya benshi hirya no hino mu gihugu no hanze y'igihugu.

Inguzanyo zitishyurwa neza zarazamutse zigera kuri 4.63% zivuye kuri 2.41% mu Ukuboza umwaka ushize. Icyakora iyi banki ikomeje gushyiraho ingamba zizatuma iki kibazo kidafata umurego ukabije.

Umuyobozi Mukuru wa I&M Bank (Rwanda) Plc, Mutimura Benjamin, yavuze ko bakomeje gukorana na bakiliya n'ibigo biri mu byiciro bitandukanye mu kwiteza imbere, ndetse no kuzamura ubukungu bw'igihugu muri rusange.

Ati “Ibigo bito n'ibiciriritse bikomeje kuba inkingi za mwamba mu kongera inyungu yacu kandi twishimiye iterambere ry'inzego za banki yacu. Uyu musaruro tubonye uhesha agaciro ishoramari twakoze ndetse ukanahesha agaciro abanyamigabane bacu.”

Uyu muyobozi yongeyeho ko iyi banki izakomeza gushyira mu bikorwa ingamba zose zigamije iterambere muri rusange.

Ati “Dushyize imbere gukomeza gukorana n'abakiliya bacu ndetse tukaba bu bigo byambere by'imari mu Rwanda mu gukorana n'ibigo mu byiciro byose. Binyuze muri serivisi nziza dutanga, twizeye ko tuzaha ubushobozi ibigo bito n'ibiciriritse mu guteza imbere ibikorwa byabo.”

Yashimangiye ko bafitanye imikoranire myiza n'abandi bafatanyabikorwa ituma bakomeje gushyira imbaraga mu mishinga itandukanye igamije gufasha abakiliya bayo, irimo no gushyira imbaraga mu guteza imbere abari mu rwego rw'ubuhinzi.

Umuyobozi Mukuru wa I&M Bank (Rwanda) Plc, Mutimura Benjamin, yavuze ko bakomeje gukorana na bakiliya n'ibigo biri mu byiciro bitandukanye mu kwiteza imbere

I&M Bank (Rwanda) Plc yungutse miliyari 12 Frw mu mezi atandatu ya mbere y'uyu mwaka

Ubusanzwe iyo impanuka ibaye ikozwe n'ikinyabiziga kuko akenshi biba bifite ubwishingizi, ni bwo bwishyura indishyi ku byangiritse cyangwa ku bitabye Imana. N'iyo ikinyabiziga kitari mu bwishingizi, uwari ugitwaye arakurikiranwa akaryozwa ibijyanye n'iyo mpanuka. Gusa iyo uwateje impanuka atamenyekanye, biragora gusaba indishyi.

Aha ni ho Ikigega Cyihariye cy'Ingoboka (Special Guarantee Fund) gifatira inshingano zo gutanga izo ndishyi kuri aba bantu baba badafite ahandi ho kubariza nyamara bahahuriye n'igihombo cyangwa kubura abantu kandi bitabaturutseho.

Iki Kigega Cy'Ingoboka ni ikigo cya Leta gikora mu rwego rw'ubwishingizi, gifite inshingano zo gutanga indishyi ku mpanuka zatejwe n'ibinyabiziga bifite moteri bigendera ku butaka, igihe nta bwishingizi bifite cyangwa bitashoboye kumenyekana. Iki kigega gitanga kandi indishyi ku bantu bari ku butaka bw'u Rwanda bahohotewe n'inyamaswa z'agasozi ziba muri parike cyangwa ahandi hantu hakomye.

Uko uwangirijwe yaka indishyi

Indishyi zitangwa ku wangirijwe n'ikinyabiziga iyo icyo kinyabiziga kitashoboye kumenyekana cyangwa cyakoze impanuka cyambuwe cyangwa cyibwe nyiracyo.

Uwakomerekejwe na kimwe muri ibyo binyabiziga ushaka kugobokwa n'iki kigega asabwa guhita abimenyesha Station ya Polisi yegereye aho yakoreye impanuka bitarenze iminsi irindwi, gusa agomba kuba yarahise abimenyesha Polisi impanuka ikiba.

Ibyo bishobora gukorwa n'uwakomerekejwe ariko yaba atabishoboye bigakorwa n'abo mu muryango we cyangwa umuntu wese wabibonye washobora kubikora.

Nyuma yo kubimenyesha Polisi, ushaka kugobokwa n'iki kigega akurikizaho kubimesha ubuyobozi bwacyo aho gikorera cyangwa akaboherereza ubutumwa bwanditse bwo kubamenyesha ibyabaye akeneyemo ingoboka mu gihe kitarenze imyaka ibiri impanuka ibaye.

Iyo ibyo byose birangiye, usaba indishyi yandikira iki kigega ibaruwa isaba kugobokwa akongeraho inyandikomvugo ikorwa na Polisi igararaza uburyo impanuka yagenze, inyandiko ya muganga igaragaza ibikomere byatewe n'impanuka ndetse n'inyandikomvugo z'abatangabuhamya babibonye n'ibindi byangombwa bitanga amakuru amwerekeye.

Ibyo byangombwa abijyana aho iki kigega gikorera cyangwa akohereza ubutumwa bikubiyemo, byamara gusuzumwa neza akazahabwa indishyi.

Mu gihe uwakabaye yaka indishyi yahitanywe n'impanuka, abavandimwe be, ababyeyi, abana cyangwa uwo bashakanye niba yari amufite, bashobora kubikurikirana noneho mu byangombwa batanga bakongeraho icyemezo cy'uko usabirwa indishyi yapfuye n'ibindi bigaragaza amakuru ye.

Iyo nzira ni na yo ikoreshwa n'ukeneye indishyi z'imitungo yangirikiye mu mpanuka gusa we mu byangombwa asabwa, yongeraho inyandiko y'igenagaciro k'ibyangiritse n'igaragaza ko ibintu byangiritse ari ibye koko.

Iki kigega kandi kigoboka abangirijwe n'inyamaswa aho usaba indishyi iyo yonewe n'inyamaswa yo muri pariki cyangwa ahandi hakomye asabwa kubimenyesha inzego z'ubuyobozi mu gihe kitarenze iminsi irindwi bibaye. Asabwa kandi kubimenyesha Ikigega Cyihariye cy'Ingoboka mu gihe cyitarenze amezi abiri yonewe n'inyamaswa.

Mu gihe usaba indishyi ari we wakomerekejwe n'inyamaswa cyangwa uwo mu muryango w'uwishwe na we asabwa kubimeyesha ubuyobozi mu gihe kitarenze iminsi irindwi bibaye ndetse akabimenyesha n'Ikigega Cyihariye cy'ingoboka mu gihe kitarenze imyaka ibiri bibaye.

Iyo ibyo birangiye usaba indishyi z'ubwone yandikira iki kigega ibaruwa ibisaba iherekejwe n'ibindi byangombwa by'amakuru amwerekeye ndetse n'izindi nyandiko zerekeye ibyo yonewe n'inyamaswa.

N'uwakomerejwe n'inyamaswa usaba indishyi cyangwa uwo mu muryango w'uwahitanywe na yo na we yandikira iki kigega ibaruwa ibisaba akongeraho ibindi bya ngombwa by'ubumuga yatewe cyangwa icy'uko uwo asabira yapfuye n'ibindi bishyikirizwa iki kigega byamara gusuzumwa indishyi zigatangwa.

Ikigega Cyihariye cy'Ingoboka gishobora kugufasha kubona ingoboka mu gihe wakoze impanuka, uwayiteje akabura

APR FC yashyize hanze itike y’ibihumbi 900 Frw ku mukino wo kwishyura wa CAF Champions League izakiramo Azam FC ku wa Gatandatu.

Ni umukino wo kwishyura w’ijonjora rya mbere rya CAF Champions League APR FC izakiramo Azam kuri Stade Amahoro ku wa Gatandatu tariki ya 24 Kamena 2024.

Iyi kipe y’ingabo z’igihugu yatsinzwe umukino ubanza 1-0 yamaze gushyira hanze ibiciro byo kwinjira kuri uyu mukino.

Ibiciro byo kwinjira kuri uyu mukino ahasanzwe hari mu byiciro bibiri, aho hasi ari 1000 Frw, hejuru bikaba 2000 Frw.

VIP ni ibihumbi 10 Frw, VVIP ni 30 Frw. Hari kandi ibyiciro bishya, aho ikitwa 'Executive Seat’ ari ibihumbi 100 Frw, mu gihe 'Executive Box’ ari ibihumbi 900 Frw ku myanya 12.

Executive Box ni icyumba cy’abanyacyubahiro gikunze kuba ari gito kitajyamo abantu benshi kuko bakunze kuba bari hagati ya 4-16, kiba kirimo insakazamashusho, ibyo kurya no kunywa byiyongera ku mwanya mwiza uba ureba mu kibuga neza.

Biteganyijwe ko ku wa Kane, mu myitozo ya nyuma izabera kuri Stade Amahoro, ubuyobozi bw’ikipe buzahura n’abafana ku rwego rw’igihugu.

Si ibyo gusa kandi kuko Umuyobozi w’Icyubahiro, Gen. Mubarakh Muganga n’Umugaba w’Ingabo zirwanira ku Butaka, Major Gen. Vincent Nyakarundi, basuye iyi kipe mu myitozo yabaye ku wa Kabiri, Kabiri tariki 20 Kanama.

APR FC izakira Azam FC ku wa Gatandatu

Yabitangaje mu ijoro ryo kuri uyu wa Kabiri tariki 20 Kanama 2024, ubwo yamukiraga itangazamakuru Album ye iriho indirimbo 10 nka: ‘Ndakubona’, ‘Gikundiro’ yitiriye Album, ‘Umwana iyi nganzo’, ‘Ntacyo Mbaye’, ‘Wintoteza’, ‘Umwali’, ‘Ndagukunda’, ‘Whew!’, ‘Gukura’, ‘Experience’ ndetse na ‘Nishimira’ nk’inyongezo (Bonus Track).

Uyu mukobwa yavuze ko buri ndirimbo iri kuri Album ye yihariye, kandi atazanditse mu gihe kimwe, kuko ari ibitekerezo yagiye agira cyane cyane guhera muri Nzeri 2023. Ati “Icyo gihe nibwo natekereje ko buri ndirimbo yakorwa na Michael Makembe kubera ko ariwe Producer wa mbere twakoranye cyane.”

Yavuze ko yanahuye na Shami nawe amufasha ku ndirimbo ‘kubera ko numvaga afite umwihariko mu micurangire bijyanye n’ibintu bigezweho’. Avuga ko nk’indirimbo ye ‘Wintoteza’ yayikoze ubwo ‘twakoraga mu gutangiza ibikorwa byo Kwibuka ku nshuro ya 30 Jenoside yakorewe Abatutsi’.

Boukuru yavuze ko Producer Flyest bakoranye kuri iyi Album ari Producer wihariye kuri we, kuko niwe muntu wa mbere atekereza iyo atekereje gukora indirimbo. Ati “Niwe nishyingikiriza. Asanzwe ari n’umuririmbyi rero aramfasha cyane. Buri ndirimbo ifite inkuru yihariye, ntabwo navuga ko natekereje kuzandika umunsi umwe.”

Yavuze ko kenshi iyo yandika indirimbo ahera ku gitekerezo, agakurikizaho injyana hanyuma akabihuza n’ururirimbo.

Boukuru yavuze ko iyi Album atayise ‘Gikundiro’ kubera ko asanzwe ari umufana wa Rayon Sports, ahubwo yayise iri zina ‘kubera ko natekerezaga ku mugore w’igikundiro cyinshi’. Ati “Izina ryari ryiza kuri njye, kandi no gutekereza ku mpuhwe byari byiza cyane.”

  

Iyi album iriho indirimbo zubakiye kuri Jazz, Fank, Soul n’izindi ndirimbo zifite imbamutima yitezeho abantu benshi. Uyu mukobwa avuga ko atangira kuririmba ‘ntabwo nari nzi ko nzabifata nk’umwuga’ kuko yatangiye kuririmba cyane mu ruhame mu 2018 ‘nta n’indirimbo yanjye mfite n’imwe ndirimba indirimbo z’abandi bahanzi’.

Yavuze ko ibi ari byo byatumye atinda gukora Album ‘kuko ntabwo nibonaga nk’umuhanzi’. Kandi avuga ko ikiraka cya mbere yakoze yagihawe n’umuryango Imbuto Foundation, ubwo bakoraga indirimbo z’ubukangurambaga ku kwirinda inda zitateganyijwe n’ibindi.

Bukuru yavuze ko amafaranga yahembwe na Imbuto Foundation ariyo yabaye imvano yo kubona ko umuziki yawukora nk’akazi gasanzwe. Ati “Batubwiye gukora indirimbo, baduhemba amafaranga nabonaga ari menshi cyane, ndavuga nti bino bintu bishobora kuvamo. Mbikorana n’akazi gasanzwe, ntabwo nahise mbijyamo ako kanya, ndavuga nti reka ndebe uko bizagenda, kandi byari biri gushoboka.”

Uyu mukobwa yumvikanishije kuba ageze kuri Album muri uyu mwaka, ari urufatiro rwo kuba yarashyigikiwe n’umuryango Imbuto Foundation binyuze mu kazi yahawe, kandi agakomeza no guhatana mu irushanwa ritegurwa n’uyu muryango ‘ArtRwanda-Ubuhanzi’.

Boukuru avuga ko gukora kuri iyi Album yifashishije Producer Papyge wo muri Nigeria, byaturutse ku iserukiramuco Flytime Fest ngaruka mwaka yitabiriye mu 2022. Yavuze ko ari amahirwe adasanzwe yagize kuri we, kuko yaririmbye imbere y’abarimo Kizz Daniel na Davido.

Iri serukiramuco ryabaye mu gihe cy’iminsi ine, bwari ubwa mbere bibaye kuko ryari risanzwe riba mu gihe cy’umwe gusa.

Producer Papii J ari mu bakomeye muri Nigeria, kuko yakoze ku ndirimbo z’abarimo itsinda rya Papyge. Bukuru ati “Naravuze nti nkeneye uyu muntu mu rugendo rwanjye rw’umuziki.”

Idaac Mugisha uhagarariye Metro Africa, Label ifite mu biganza Bukuru, yavuze ko bamuhisemo bashingiye ku kuba ari umuhanzi w’umuhanga kandi w’umukozi. Ati “Ni umuhanzi ukora umuziki kandi agakora n’akazi gasanzwe, aho rero uhita ubona ko ari umukozi. Bukuru afite ijwi ryihariye, uramutse wumvise Album ye ‘Gikundiro’ wumva ko ifite umwihariko.”

Yavuze ko kugira ngo bagirane amasezerano na Bukuru byafashe igihe kinini, kuko bashakaga y’uko ibintu byose babyumva kimwe. 

Mugisha yavuze ko baba bashaka gufasha umuhanzi gukora Album, kandi bakamufasha kwisanga mu itangazamakuru n’ahandi mu rwego rwo kumenyekanisha ibihangano bye.

KANDA HANO UBASHE KUMVA ALBUM YA MBERE YA BOUKURU

Boukuru yamurikiye itangazamakuru Album ye ya mbere yise 'Gikundiro'

Boukuru yatangaje ko amafaranga yishyuwe n'umuryango Imbuto Foundation ariyo yabaye imvano yo gukora umuziki nk'umwuga

Boukuru ari kumwe na Mugisha uhagarariye 'Metro Afro', Label iri kumufasha mu muziki

Boukuru yatangaje ko yifashishije Producer Papii J wo muri Nigeria kuri Album ye 

Boukuru yatangaje ko tariki 6 Nzeri 2024, azakorera Norrsken igitaramo cyo kumurika iyi Album

Boukuru azifatanya na Peace Jolis na Impakanizi igezweho mu ndirimbo ‘Igabe’ mu gitaramo cye

KANDA HANO UREBE AMASHUSHO Y'INDIRIMBO 'NISHIMA' IRI MU ZIGIZE ALBUM YE BOUKURU

“>
 

Kuva mu myaka 30 ishize, ibipimo by'ubukungu bw'u Rwanda byakomeje gutanga icyizere kuko byakunze kuzamuka uko imyaka yagiye yicuma kuva mu 1994 kugeza muri uyu mwaka.

Abesesengura iby'ubukungu baravuga ko u Rwanda niba rushaka gukomeza kuzamuka mu bukungu, rukwiye gukomeza gushyiraho amategeko na politiki byorohereza ishoramari ry'imbere mu gihugu, mu rwego rwo kongera ingano y'ibyoherezwa hanze.

Ibipimo bya banki y'Isi byerekana ko umusaruro mbumbe w'ibikorerwa imbere mu gihugu, wavuye kuri Miliyoni 752 z'Amadorali ya Amerika wariho mu 1994, ugera kuri Miliyari zirenga 4 z'Amadorali ya Amerika muri uyu mwaka.

Umuvuduko w'izamuka ry'ubukungu wakomeje kwigaragaza kuko nko mu 2019, izamuka ry'ubukungu ryabarirwaga ku kigero cya 12% mu gihembwe cya 2 cy'uwo mwaka.

Ibi nibyo abasobanukiwe iby'ubukungu bita 'Double-digit growth,' bakaba bakoresha iyi mvugo mu gihe igipimo cy'umuvuduko w'izamuka ry'ubukungu cyagiye hejuru ya 9%.

Iyi mibare ni yo Umukuru w'Igihugu yifuza ko yakomeza kuzamuka nk’uko aherutse kubisaba abagize Guverinoma Nshya, ubwo barahiraga.

Umukuru w’Igihugu yasabye abayobozi kubakira ku bimaze kugerwaho, hagakorwa ibirenzeho,ati: “Ko nageze kuri ibi bidasanzwe abantu bavuga, ko nasuzumye uko nakoze ibyangejeje aha, kuki wahera ku 8% cyangwa 9%, ntushake 10%? Kuki utashaka 10%?.Ni ko u Rwanda rukwiriye kuba rukora, nta kwirara.”

Abasesengura iby'ubukungu barimo Straton Habyarimana babwiye RBA ko kugira ngo ibipimo by'izamuka ry'ubukungu bikomeze bigende neza, Leta ikwiye gushyiraho amategeko na politiki byorohereza ishoramari ry'imbere mu gihugu.

Uyu musesenguzi kandi asobanura ko Leta y'u Rwanda ikomeje gukora ibishoboka byose ngo izamure ubukungu bw'igihugu ngo ariko iracyafite akazi kenshi cyane cyane mu rwego rw'ubuhinzi, nk'inkingi ikomeye yunganira urwego rw'inganda na serivisi.

Ibipimo biheruka gushyirwa ahagaragara na Minisiteri y'Imari n'Igenamibambi ifatanyije n'Ikigo cy'Ibarurishamibare, yerekana ko ubukungu bw'u Rwanda bwazamutse ku muvuduko w'I 9.7% mu gihembwe cya 1 cya 2024.

Muri iki gihembwe giheruka, umusaruro mbumbe w'imbere mu gihugu wabarirwaga agaciro ka Miliyari 4,486$, byiyongereye bivuye kuri Miliyari 3,904$, byariho mu gihembwe nk'iki cy'umwaka wari wabanje wa 2023.

Urwego rwa serivisi rwagize uruhare mu musaruro mbumbe ku kigero cya 46%, ubuhinzi bugira uruhare rwa 25% mu gihe inganda nazo zagize uruhare ku gipimo cya 23%, naho imisoro nayo igira uruhare rwa 7%.

Kuva Jenoside yakorewe Abatutsi imaze guhagarikwa mu 1994, hatewe intambwe ifatika mu mibereho y'Abanyarwanda n'ubw'igihugu, umusaruro mbumbe uzamuka ku mpuzandengo irenga 7% buri mwaka, n'ibyo umuturage yinjiza bigera ku 1040$, avuye ku 111$ mu 1994.