Category: Uncategorized

Yabigarutseho nyuma y'ikiganiro Inteko Ishinga Amategeko umutwe w'Abadepite yagejejweho na Musoni Protais kuri uyu wa 21 Kanama 2024, kigaruka ku mateka yaranze u Rwanda kuva mu gihe cy'u Bukoloni kugeza mu myaka ya vuba.

Abadepite basobanuriwe ko mu gihe Jenoside yakorewe Abatutsi yari imaze guhagarikwa, ibiganiro byo mu Urugwiro byarimo ingingo yibaza icyo Abanyarwanda bapfaga.

Depite Mussolini yavuze ko mu bigikwiye kwibazwaho ari icyo Abanyarwanda bapfa na Loni kuko kuva na kera yatereranye abari impunzi, inanirwa guhagarika Jenoside yakorerwaga Abatutsi mu 1994, ndetse n'ubu igishyigikira imitwe y'iterabwoba yihishe mu mashyamba ya Repubulika Iharanira Demokarasi ya Congo.

Ati 'Ubundi Abanyarwanda bapfa iki na Loni? Kuko aho bari bamwe bagerageje kubicisha ibisimba Loni ntiyavuga, abahunze kera basabye ngo babacyure bati 'oya ntabwo twari tubatunze, abahunze bari mu mashyamba bicwa na macinya babasangayo babaha ibiryo, babasabye kubacyura bati 'oya'. Icyemezo kiza gufatwa na Leta idafite imishahara, idafite ingengo y'imari, idafite na kimwe yemera kugarura abana bayo ngo badashira.'

Yavuze ko n'uyu munsi hari abahamagarwa ngo batahe mu Rwanda ariko Loni ikabakomeraho.

Ati 'N'uyu munsi hari abo duhamagara ngo mutahe mwuhagirwe nta kibazo, umwe azabazwa ibye ntagire ikibazo ubutabera burahari, na bo bakabakomeraho. Ubwo umuntu ntabwo yakwibaza ngo Abanyarwanda ubundi dupfa iki na Loni? Kuko mu bibazo byinshi bakingira ikibaba, bahisha abantu kandi mu by'ukuri abatashye n'abagize ibyo bakora dufatanya kubaka igihugu.'

Mu bihe bitandukanye ingabo za MONUSCO ziri muri RDC zagiye zifatanya na FARDC yiyunze kuri FDLR bakagaba ibitero, uyu mutwe w'iterabwoba ukanakomeza guhungabanya umutekano w'u Rwanda.

Umuyobozi w'Umuryango Uharanira Agaciro n'Ukwigira kwa Afurika [Pan-African Movement Rwanda], Musoni Protais, yavuze ko iyo mikorere itaba ku Banyarwanda gusa, igendera ku cyo ibihugu bikomeye bifitemo inyungu.

Ati 'Ni ukubyumva tukagendana na yo kuko nta kundi ariko kandi tukanishakira ibisubizo kuko irayoborwa na yo kandi nk'uko mumaze kubona ibintu byinshi ni igishoro, ni ukunguka. Irahari bayishoramo kandi ikabungukira. Imitegekere y'ibihugu bishaka kuyobora ibindi bishaka ahari imvururu, biranaziteza kugira ngo bikomeze.'

Musoni yavuze ko ubu hatangiye ibiganiro by'ukuntu Loni yavugururwa ikaba umuryango wa bose aho gukomeza kuba igikoresho cy'ibihugu bikomeye gusa.

Depite Mussolini yagaragaje ko bitumvikana ukuntu Loni ahantu hose yagiye ikingira ikibaba abatifuriza ineza u Rwanda

Umuyobozi wa Pan-African Movement Rwanda, Musoni Protais yavuze ko Loni na yo ikorera aho ibona inyungu

Rwanda Premier League yamaze kumenyesha Rayon Sports ko umukino yagombaga kwakiramo Amagaju FC ejo saa 18h00′ wazanywe saa 15h00′ kuko amatara ya Pele Stadium izakira uyu mukino afite ikibazo.

Mu gitondo cyo kuri uyu wa Kane tariki ya 22 Kanama 2024 ni bwo hagiye hanze ibaruwa Umujyi wa Kigali yandikiye FERWAFA iyimenyesha ko ikurikije ingengabihe ya shampiyona y’icyiciro cya mbere mu Rwanda umwaka w’imikino 2024-25 yatanzwe na FERWAFA igaragaza ko Kigali Pele Stadium izajya yakira imikino ya ni njoro kandi bikaba bisaba amatara acanwa na generator.

Yagize iti “Hashingiwe kandi ku myanzuro y’inama yo ku wa 31 Werurwe 2024, umuyobozi mukuru w’ibikorwa by’Umujyi wa Kigali yagiranye n’Umunyamabanga Mukuru wa FERWAFA hagaragazwa ikibazo cya Generator idafite ubushobozi bwo gucana amatara akenewe kugira ngo ubashe kuba;”

“Turabamenyesha ko ikibazo cya Generator ya Kigali Pele Stadium idatanga urumuri ruhagije kitarakemuka. Akaba ari muri urwo rwego twabamenyeshaga ko Kigali Pele Stadium itazakira imikino ikinwa mu gihe cya ni njoro.”

Rwanda Premier League yamaze kwandikira Rayon Sports iyemenyesha ko bitewe n’iki kibazo umukino wakuwe saa 18h00′ ushyirwa saa 15h00′.

Umukino wa Rayon Sports n’Amagaju wimuriwe saa 15h00′

87% by'abaturage bamaze gusubira mu byabo, umutekano waragarutse ku buryo busesuye, ibikorwa by'ubucuruzi na serivisi zose ziratangwa nta nkomyi amanywa n'ijoro ari nako Abanyarwanda bakomeje kwerekeza amaso muri aka gace. N'ikimenyimenyi, mu matora aherutse hatoreye abarenga 100.

Magingo aya, Inzego z'Umutekano z'u Rwanda ziri mu bikorwa byo gusimbuza abari bamaze umwaka mu butumwa mu Ntara ya Cabo Delgado. Gen Maj Emmy Ruvusha ni we uzayobora izi ngabo mu gihe cy'umwaka nk'Umuhuzabikorwa w'Inzego z'Umutekano z'u Rwanda muri Mozambique.

Azaba yungirijwe na Col Nyirihirwe Emmanuel, uzaba ushinzwe ibikorwa by'urugamba mu gihe Abapolisi b'u Rwanda bo bazaba bayobowe na CP William Kayitare yungirijwe na ACP Francis Muheto.

Col Nyirihirwe yamaze kugera muri Cabo Delgado we na ACP Muheto kuva mu ntangiriro za Kanama. Ibikorwa byo gusimbuza aba basirikare, bizarangira ku wa 19 Nzeri.

Aba basirikare bakuru bagiye gusimbura Gen Maj Alex Kagame wari ukuriye ibikorwa by'Inzego z'Umutekano z'u Rwanda muri Mozambique, Joint Task Force Commander. Yari yungirijwe na Brig Gen Bahizi Theodomir wari ushinzwe Ibikorwa by'Urugamba.

Indege z'intambara ziri mu kazi

Kuva Ingabo z'u Rwanda zagera mu Ntara ya Cabo Delgado, zahawe uturere dutatu, zirwanya ibyihebe birahunga. Byavuye mu Mujyi wa Palma na Mocimboa da Praia bihungira mu mashyamba y'inzitane y'ahitwa Katupa.

Guhera mu mpera z'umwaka ushize, Ingabo za SADC zari mu butumwa muri Mozambique, zatangiye gutaha. Ubu zose zavuyeyo. Byatumye ku wa 15 Gicurasi, u Rwanda rwongera Ingabo muri Mozambique, zijya mu Karere ka Macomia ahari iza SADC.

Ubu usibye Ingabo z'u Rwanda, muri Cabo Delgado izindi ngabo zihagaragara ni iza Tanzania, nazo ziri mu butumwa bushingiye ku masezerano yabayeho hagati ya Mozambique na Tanzania.

Ingabo za SADC zifatanya n'iza Leta, FADM, mu kugarura amahoro mu gace ka Nangande.

Kuko mu bice ibyihebe byahungiwemo ari mu mashyamba, hashize amezi make Ingabo z'u Rwanda zitangiye gukoresha kajugujugu mu kubihigira hasi kubura hejuru. Ni nyuma y'uko nabyo byari byarize andi mayeri, aho muri iryo shyamba byari byarahateze ibisasu byinshi.

Hari amakuru avuga ko mu byumweru bishize, hari imodoka y'Ingabo za Leta ya Mozambique, yaturikanywe n'ibisasu muri iryo shyamba.

Ibyihebe byashyizeho ubuyobozi bushya

Kuva u Rwanda rwakohereza Ingabo muri Mozambique kurwanya ibyihebe byo mu mutwe wa Al Sunnah wa Jama'ah, abari abayobozi babyo benshi barishwe. Nko mu mpera z'umwaka ushize, amakuru avuga ko ibitero by'Ingabo z'u Rwanda byasize ibyihebe bikuru birindwi byishwe.

Uwari umuyobozi mukuru wabyo, yishwe mu gico simusiga cy'ingabo z'u Rwanda ku wa 16 Kanama 2023.

Ubu abayobozi b'uyu mutwe, bose ni bashya kuko abari basanzweho batagihumeka.

Ubucuruzi buragenda n'Abanyarwanda bayobotse isoko

Iyo ugeze ku kibuga cy'indege cya Afungi, ubona abakozi ba Sosiyete zicunga umutekano ba ISCO Segurança. Ni ishami rya ISCO yo mu Rwanda, ryafunguye muri Mozambique, rikanaha akazi abenegihugu kugira ngo bagire uruhare mu gucunga umutekano w'igihugu cyabo.

ISCO ni yo icunga umutekano w'ibikorwa bya TotalEnergies.

Ku rundi ruhande, Abanyarwanda bakora ubushabitsi bakomeje kwiyongera muri Cabo Delgado. Hari abakora mu bucuruzi bw'amabuye y'agaciro, abafite utubari, abashinze za farumasi n'ibindi. Bose barakora kandi bakunguka.

Mu matora y'Umukuru w'Igihugu aherutse, bivugwa ko Abanyarwanda bagera ku 100 bayitabiriye.

Hagati aho, bibarwa ko nibura 87% by'abaturage bamaze gutahuka, abasigaye ni ukuvuga 13% barimo abapfuye, abakorana n'ibyihebe kuko ni ho bivuka n'abagiye gutura ahandi bavuga ko batazagaruka muri Cabo Delgado kuko aho bagiye bafatishije ubuzima.

Ubu ibikorwaremezo byose byarafunguye, nta na kimwe kidakora, ibyambu, ibibuga by'indege ndetse na TotalEnergies yasubukuye ibikorwa byayo byo gucukura Gaz.

Umugaba w’Ingabo z’u Rwanda zirwanira ku butaka, Gen Maj Vincent Nyakarundi, aha impanuro abasirikare bari bagiye mu butumwa

Brig Gen Frank Mutembe (iburyo) nawe wigeze kuba Umuyobozi w’Ibikorwa by’Urugamba by’Ingabo z’u Rwanda, asezera ku Ngabo n’Abapolisi bagiye mu butumwa

Gen Maj Alex Kagame ni we wari uyoboye ibikorwa by’Abasirikare n’Abapolisi b’u Rwanda boherejwe muri Cabo Delgado

Ni intego Guverinoma y'u Rwanda yihaye muri gahunda y'imyaka irindwi yo kwimakaza ubuhinzi n'ubworozi buvuguruye, hagamijwe kwihaza mu biribwa ariko urwo rwego rukanakorwa hagamijwe ubucuruzi.

Imibare ya RAB igaragaza ko mu mwaka w'ingengo y'imari wa 2022/2023 u Rwanda rwageze ku musaruro w'inyama ungana na toni 197.778, ibingana na ya 91% by'intego yose igihugu cyari cyihaye.

Muri uwo musaruro w'inyama, izingana na 35% zakomotse ku nka, iz'inkoko zingana na 22%, ihene zingana na 19%, ingurube zihariye 14%, inyama zaturutse ku nkwavu zingana na 6% mu gihe iz'intama zo zari 5% by'inyama zose.

Ni urwego rukomeje guteza imbere ubukungu bw'igihugu kuko nk'inyama zoherejwe mu mahanga mu 2022/2023 zinjirije igihugu miliyoni 22,3$ avuye kuri miliyoni 8,8$ mu mwaka wabanje.

Ni amafaranga yavuze kuri toni 8721 z'inyama zoherejwe mu 2022/2023 zivuye kuri toni 5485 zoherejwe mu 2021/2022, ibingana n'ubwiyongere bwa 59%.

Umusaruro wazamutse binyuze mu ngamba za leta zo guteza imbere ubworozi cyane cyane ubw'amatungo magufi, nko kugeza inkingo ku borozi, gutera intanga z'icyororo leta ikanafasha mu kuzigeza ku bahinzi byihuse hifashishijwe za drones.

Birimo no gufasha abahinzi kubona serivisi z'imari bakabona inguzanyo ku nyungu nto ya 8%.

Umuyobozi Mukuru Wungirije wa RAB, Dr Uwituze Solange yabwiye The New Times ko hakiri imbogamizi zijyanye n'aborozi binjira mu bworozi bugezweho cyane cyane ubw'inka bakiri bake.

Ati 'Haracyari n'ibibazo by'ibiryo by'amatungo bikiri bike bigaterwa n'uko akenshi ibyo abantu bakenera nk'ibigori na soya binakanerwa n'amatungo.'

Yagaragaje ko bari gushaka uburyo bwo guteza imbere no gutunganya ibiryo by'amatungo abantu badakenera nk'ibisigazwa byavuye ku musaruro w'ubuhinzi, gutunganya ibisigazwa byaturutse mu nganda zitunganya umusaruro w'ubuhinzi n'ibindi.

Dr Uwituze yavuze ko gahunda ivuguruye ikubiyemo intego igomba gukurikizwa mu myaka iri imbere igeze kure itunganywa ndetse mu gihe kitarambiranye izatangazwa.

Raporo y'Ikigo gishinzwe Iterambere ry'Ubuhinzi n'Ubworozi, RAB, kandi igaragaza ko umusaruro ukomoka ku ngurube n'inkoko wazamutse, aho nk'ukomoka ku nkoko wikubye inshuro icumi mu nyama, wikuba inshuro 200 ku magi.

Nk'inyama z'ingurube mbere ya 2019 zabarirwaga muri toni ibihumbi 19,9; iz'inkoko zibarirwa muri toni 5081; amagi akabarirwa mu bihumbi 83 birengaho gato.

Ni imibare yatumbagiye kuko inyama z'ingurube zageze kuri toni ibihumbi 22, iz'inkoko zigera kuri toni zirenga ibihumbi 50 mu gihe amagi yazo yo yageze kuri toni ibihumbi 17 birenga ku mwaka.

Mu 2022/2023 u Rwanda rwageze ku musaruro w'inyama ungana na toni 197.778

Ni ubusabe bwatanzwe kuri uyu wa 21 Kanama 2024, ubwo hasozwaga inama y'iminsi itatu yateguwe n'Ikigo cy'Igihugu Gishinzwe Imikurire no Kurengera Umwana, NCDA, hagamijwe guteza imbere imikurire y'abana binyuze mu kubakira ubushobozi za ECD.

Mu bisanzwe mu mashuri nderabarezi hatangwaga amasomo yagenewe abana b'incuke, ay'ubumenyi rusange asanzwe ariko hakaba icyuho ko amasomo cyangwa serivisi zitangirwa muri ECD bo batayatanga.

Ni serivisi zikomatanyije zirimo nko kwita ku mirire myiza y'umwana n'umugore utwite cyangwa uwonsa no kwita ku buzima bwabo, isuku n'isukura, uburere bwiza, umutekano w'umwana arindwa ihohoterwa iryo ari ryo ryose n'ibindi.

NCDA ni yo itegura ibishingirwaho mu gutanga izo serivisi, ubundi ikabiha abafite urugo mbonezamikurire, icyo kigo kikanakurikirana ko byashyizwe mu bikorwa uko bikwiriye.

Kutagira izo serivisi za ECD ni yo mpamvu nyamukuru abo muri ayo mashuri nderabarezi bifuza kongererwa mu byo bigisha izo serivisi, bityo bakazajya ku isoko ry'umurimo babisobanukiwe na cyane ko baba bafatwa nk'abanyamwuga mu bijyanye n'uburezi.

Ni ubusabe bwagaragajwe n'Umuyobozi Mukuru Wungirije Ushinzwe Amasomo mu Ishuri Nderabarezi rya Zaza, ryo mu Karere ka Ngoma witwa Mizero Jean Pierre na we wari witabiriye iyo nama yari iri kubera mu Mujyi wa Kigali.

Yavuze ko mu byo beretswe bitangirwa muri ECD, mu mashuri nderabarezi nta bihari, kuko porogaramu yabo yibanda ku myigishirize y'abana b'inshuke, bamwe bafite imyaka itatu gusa.

Ati 'Urumva ko twe tutagenda na gahunda ya ECD kuko iyo gahunda itangira umwana akivuka. Maze kubona ayo makuru twahawe narebye mu byo duha abana b'incuke nsanga nta bumenyi tubaha bujyanye n'ibyo twabonye aha bitangirwa muri ECD.'

Uyu muyobozi agaragaza ko 'iyo porogaramu turamutse tuyitanga, intego za NCDA n'u Rwanda muri rusange zo kwita ku mwana by'umwihariko zagerwaho byihuse cyane kuko abasohoka muri TTC bahura n'abana bakiri bato cyane.'

Ati 'Bishobotse hakorwa integanyanyigisho yihariye mu mashuri nderabarezi kuko ari yo ategura abarimu b'ejo hazaza ku buryo umuntu wese aba afite ubwo bumenyi. Ni hashyirweho gahunda itanga uburezi bw'abari munsi y'imyaka itatu, bitari bya bindi byo kurangiza yigisha imibare, ikoranabuhanga gusa.'

Ni igitekerezo cyakiriwe neza n'Umuyobozi w'Ikigo cy'Igihugu Gishinzwe Imikurire no Kurengera Umwana, NCDA, Ingabire Assoumpta, wavuze ko bagiye gufatanya na Minisiteri y'uburezi, harebwa uko byashyirwa mu bikorwa.

Ati 'Ni ikintu cyiza cyane kandi cyatanga umusanzu ukomeye ku mikurire y'abana. Minisiteri y'Uburezi ni yo ishinzwe ibijyanye n'izo porogaramu, tuzaganira turebe uko byashyirwa mu bikorwa.'

Mu 2011 ni bwo Guverinoma y'u Rwanda yafashe icyemezo cyo gutangiza gahunda ya ECD, ubu u Rwanda rukabarura ECD zirenga ibihumbi 31 zirererwamo abana barenga miliyoni 1,1 barerwa n'abantu barenga ibihumbi 100. Icyakora haracyari urugendo kuko abana bangana na 22% batagerwaho na serivisi za ECD.

Kugeza ubu abana barenga miliyoni 1,1 barererwa mu ngo mbonezamikurire

Utumatwishima yabasuye kuri uyu wa Gatatu tariki 21 Kanama 2024, mu rugendo rwari runagamije gusura ikigo gitegura ibitaramo cya Ma Africa cyabashije aba bahanzi kuba bagiye gukora igitaramo cyabo kizaba ku wa Gatandatu tariki 24 Kanama 2024 muri Kigali Conference and Exhibition Village ahazwi nka Camp Kigali.

Riderman na Bull Dogg bamaze amezi abiri bari mu myiteguro y’iki gitaramo, aho bari gukorana n’itsinda rya Shauku Band rizafasha mu miririmbire ku rubyiniro imbere y’abantu.

Minisitiri Utumatwishima yashimye Riderman na Bull Dogg ku bw’igitekerezo bagize cyo gushyira hamwe, abifuriza kuzakora igitaramo cyiza kandi gisukuye.

Yashimiye ikigo MA Africa gikomeje gushora imari mu buhanzi ndetse bagahanga imirimo mu rubyiruko ruri mu cyiciro cy’ubuhanzi.

Riderman, Bull Dogg na Dany Zibera Mironko uyobora MA Africa bashimiye Minisitiri Utumatwishima kuba yabasuye bamwizeza kuzakora igitaramo cyiza kandi bazakomeza gufatanya n’abandi mu iterambere ry’ubuhanzi mu Rwanda.

Bull Dogg yabwiye Minisitiri Utumatwishima ko binyuze muri iki gitaramo bazakora ibikorwa bizatuma abakiri bato babafatiraho urugero bakomeza kugira umuhate wo gutera ikirenge mu cyabo.

Bull Dogg ati “Nta kosa dushaka kugira mu bintu byacu. Njye na Riderman turi abaraperi ba cyera kandi bakuru, tugomba kubera ikitegererezo ba bandi batureba kandi bari kuzamuka cyangwa bari kubizamo. Turanabatumira nyine muzahagera.”

Ni mu gihe Riderman yasezeranyije Minisitiri Utumatwishima ko “tutazarengera ngo tugire ibyo dukora bidakwiye, tukanabasezeranya y’uko tuzubahiriza amasaha nk’uko mwabidusabye. Turabashimira cyane.”

Riderman na Bull Dogg bazahurira ku rubyiniro n'abaraperi barimo Siti True Karigombe, Ish Kevin, B-Threy, Tuff Gangs, Kenny K Shot, Bruce The 1^st n'abandi.

Ni ubwa mbere bombi bagiye gukora igitaramo bahuriyemo mu myaka irenga 18 ishize Riderman ari mu muziki n'imyaka 15 ishize Bull Dogg ari mu muziki.

Basobanura iki gitaramo nk'idasanzwe kuri bo! Kuko ubwo bakoraga Album 'Icyumba cy'amategeko' batatekerezaga igitaramo cyo kuyimurika, ahubwo bashingiye ku bitekerezo bakiriye bw'abafana b'abakunzi b'umuziki bategura iki gitaramo.

Riderman aherutse kubwira InyaRwanda, ko bageze kuri 99% bitegura iki gitaramo, igisigaye ari uko umunsi ugera bagataramana n'abakunzi babo. 

Minisitiri Utumatwishima yasuye ikigo gifasha kikanategura ibitaramo by'abahanzi cyitwa MA Africa

Utumatwishima yaganiriye na Riderman na Bull Dogg mu gihe bari kwitegura igitaramo cyabo

Riderman na Bull Dogg bijejeje Minisitiri Utumatwishima kuzakora igitaramo cyiza

Bull Dogg yabwiye Minisitiri Utumatwishima ko bazakora igitaramo kizatuma abakiri bato bakomeza kubafatiraho urugero 

Bull Dogg na Riderman bagaragaza ko biteguye kuzakora igitaramo cy’akataraboneka

Bull Dogg na Riderman baherutse gutangaza ko bakozwe ku mutima no kuba SKOL yarabashyigikiye muri iki gitaramo 

BULL DOGG BATANGAJE KO BINYUZE MURI TUFF GANG BITEGUYE KUZATANGA IBYISHIMO

“>

RIDERMAN YAVUZE KO BAGEZE KURI 99 BITEGURA IKI GITARAMO CYUBAKIYE KURI HIP HOP 

“>

KANDA HANO UREBE IKIGANIRO TWAGIRANYE NA B-THREY UZARIRIMBA MURI IKI GITARAMO

“>

KANDA HANO UBASHE KUMVA ALBUM ‘ICYUMBA CY’AMATEGEKO’ YA RIDERMAN NA BULL DOGG

“>

Ibintu biba byarabaye kuri iyi tariki mu myaka yashize ni byinshi cyane ariko uyu munsi, InyaRwanda yaguhitiyemo bimwe mu by'ingenzi bidateze kwibagirana mu mateka y'isi.

Uyu munsi Kiliziya Gatolika yizihiza Mutagatifu Fabrice.

Bimwe mu byaranze uyu munsi mu mateka:

1642: Mu Bwongereza habaye intambara ya mbere yahuje amoko yabarizwaga muri iki gihugu

1775: George III, umwami w'u Bwongereza yatangaje ko intara za Amerika bari barigaruriye zatangiye kwigaragambya

1827: José de La Mar yabaye Perezida wa mbere wayoboye igihugu cya Peru.

1848: Leta ya New Mexico yongewe ku zigize Leta Zunze Ubumwe z'Amerika.

1864: Hasinywe amasezerano ya mbere i Geneve, Umuryango mpuzamahanga utabara imbabare 'Croix Rouge' uvuga kuvura imbabare nta kwita ku nkomoko yazo.

1902: Hatangiye gukorwa imodoka z'ubwoko bwa Cadillac zizwiho kuba ari zimwe mu zihenze cyane.

Cadillac ni iy'uruganda rwa General Motors rwo muri Leta Zunze Ubumwe za Amerika.

1910 : U Buyapani bwigaruriye Koreya yari ikiri igihugu kimwe.

1914: Mu ntambara ya mbere y'isi yose, u Bubiligi, u Bwongereza n'u Budage byatangiye gukozanyaho.

1926: Bwa mbere muri Afurika y'Epfo havumbuwe zahabu.

1932: BBC (British Broadcasting Corporation) yatangiye isuzuma rya mbere ku ikoreshwa rya televiziyo.

1942: Mu ntambara ya kabiri y'isi yose igihugu cya Brazil cyatangaje ko kigiye kugaba ibitero ku Budage n'u Butaliyani.

1944: Igihugu cya Canada cyibasiwe n'umutingito ukomeye mu mateka yacyo uzwi nka Queen Charlotte Earthquake wari ku gipimo kiri hagati y'umunani n'icyenda ugendeye ku bipimo bya Richter.

1950: Althea Gibson yabaye umwirabura wa mbere washoboye kwitabira amarushanwa mpuzamahanga y'umukino wa Tennis.

1968: Papa Paul VI yageze mu gihugu cya Colombia mu Mujyi wa Bogota, uru ni rwo rugendo rwa mbere umupapa wa Kiliziya Gatolika yagiriye mu bihugu byo mu Majyepfo y'umugabane w'Amerika bizwi cyane nka Latin America cyangwa se Amérique Latine.

2006: Indege ya kompanyi y'Abarusiya yitwa Pulkovo Aviation Enterprise yakoreye impanuka ikomeye hafi y'umupaka w'u Burusiya, mu Burasirazuba bwa Ukraine ihitana abantu 170.

Bamwe mu bavutse uyu munsi:

1984: Lawrence Quaye, umukinnyi w'umupira w'amaguru ukomoka mu gihugu cya Ghana.

1985: Joshua Samuel Fatu, umusifuzi wo muri Amerika.

Bamwe mu bitabye Imana uyu munsi:

1241: Papa Grégoire IX wavutse mu 1145

1280: Papa Nicolas III

1350: Philippe VI, umwami w'u Bufaransa

1958: Roger Martin du Gard, Umwanditsi w'Umufaransa wahaye igihembo cyitiriwe Nobel mu buvanganzo mu mwaka wa 1937

1978: Jomo Kenyatta, wayoboye igihugu cya Kenya.

Uyu mugabo yabaye minisitiri w'intebe kuva mu mwaka w'1963 kugera mu 1964, nyuma yabaye Perezida kuigera mu mwaka w'1978 ari nawo yatabarukiyemo. 

Ni umunyabigwi ukomeye mu mateka y'igihugu cya Kenya, aho afite byinshi yitiriwe mu rwego rwo kumuha icyubahiro birimo za Kaminuza nka Jomo Kenyatta University of Agriculture and Technology, ikibuga mpuzamahanga cy'indege Jomo Kenyatta International Airport, imihanda n'ibibuga by'imipira binyuranye.

Igihugu cya Kenya cyari cyarashyizeho itariki yo kumwibuka ya 20 Ukwakira buri mwaka mu rwego rwo kumuha icyubahiro, nyuma mu mwaka wa 2010 itegeko nshinga ryasimbuje uyu munsi uhinduka uwa Mashujaa (intwari) ari wo munsi wibukwaho intwari muri iki gihugu.

2010: Stjepan Bobek, wabaye umukinnyi w'umupira w'amaguru ukomoka mu cyahoze ari Yugoslavia.