Category: Uncategorized

Ni uruganda rwatangiye kubakwa muri Nyakanga 2022 ruzatanga amazi ku baturage bo mu mirerenge itandatu y'aka karere rukaba rugeze ku musozo kuko biteganywa ko imirimo yo kubaka izarangira muri uku kwezi, Nzeri 2024.

Ni umushinga w'amazi yakusanyijwe hirya no hino hatandukanye mu migezi yitwa Muhembe, Nyamyotsi na Nyirarongero yose ikaba izifashishwa mu gukwirakwiza amazi mu mirenge ya Kavumu, Muhanda, Ngororero, Kabaya, Sovu ndetse na Kageyo.

Uru ruganda rugiye kuzura muri aka karere ka Ngororero ruzajya rutanga amazi angana na metero kibe ibihumbi bitatu ku munsi, ahabwe abaturiye iyi mirenge basaga 78,500 ndetse n'inyubako z'ibikorwa remezo nk'ibitaro bya Kabaya, uruganda rw'Icyayi rwa Rubaya ndetse n'ibigo by'amashuri bitandukanye.

Umuyobozi uhagarariye ishami ry'Ikigo cy'Igihugu gishinzwe amazi isuku n'isukura (WASAC Group) mu karere ka Ngororere Niringiyimana Felecien, asobanura ko uru ruganda mu Ukwakira ruzaba rwaramaze gushyirwaho akadomo.

Ati 'Umushinga uzarangira muri uku kwezi ariko uzatahwa mu kwezi gutaha k'Ukwakira, uyu mushinga uzageza amazi ku bantu basaga ibihumbi 78,500 bo muri iyi mirenge ndetse n'inyubako z'ibikorwa remezo za leta ukaba warashowemo asaga Miliyari 9,3 Frw.'

Akarere ka Ngororero ni kamwe mu turere abaturage babona amazi hatiyambajwe za pompes zikoreshwa n'amashanyarazi cyangwa inganda zo kuyatunganya kubera imiterere yako. Ni Akarere k'imisozi miremire bituma amazi amanuka cyangwa akazamuka mu matiyo nta zindi ngufu bisabye.

Muri urwo rwego biteganyijweko uyu mushinga watewe inkunga na Banki Nyafurika Itsura Amajyambere, AFBD, mu gihe wamaze gushyirwa mu bikorwa abagerwaho n'amazi meza bazava kuri 80% ikigereranyo cy'abari basanzwe bagerwaho n'amazi meza bakagera kuri 92%. Ni mu gihe ariko abo mu mirenge ine ya mbere nka Kavumu, Kageyo, Kabaya ndetse na Sovu amazi yatangiye gukoreshwa.

Uru ruganda rwitezweho gukemura ibibazo by’amazi mu baturage b’aka karere

uruganda rw’amazi ruzatanga amazi mu mirenge itandatu y’akarere ka Ngororero rugiye kuzura

Bamwe batangiye gukoresha amazi akusanyijwe mu migezi ya Muhembe, Nyamyotsi na Nyirarongero

Uwatawe muri yombi ni Niwamanya Kenneth w'imyaka 24 ufite umuryango avuga ko wita ku iterambere ry'urubyiruko wwa UMOJA Youth Development Initiative Uganda.

Niwamanya yagaragaye mu Rukiko rwa Buganda kuri uyu wa 04 Nzeri 2024.

Ubushinjacyaha bwagaragaje ko Niwamanya yagerageje kugaragaza Janet Museveni usanzwe ari Minisitiri w'Uburezi na Siporo, nk'umuyobozi w'umuryango yashinze kugira ngo agere ku byo yifuzaga.

Byatumye akora inyandiko mpimbano akazandikira abantu batandukanye barimo n'ibigo bya leta, akaziherekesha umukono mpimbano wa Janet Museveni.

Ubushinjacyaha bumurega ko yagerageje gukoresha izo nyandiko asaba amafaranga inzego zitandukanye kugira ngo abone amafaranga ayo guteguza ibirori yagombaga gukorera ahitwa i Kalolo.

Kalolo iherereye mu Mujyi wa Kampala. Ni ahantu hategurirwa ibirori bitandukanye ku buryo udafite mu mufuka habyibushye utabasha kuhigondera.

Ubushinjacyaha bwagaragaje ko Niwamanya yanditse ibaruwa ku wa 22 Kanama 2023 igaragaza ko ari Minisitiri Janet Museveni wayanditse, inyandiko igaragaza ko yandikiwe kuri iyo minisiteri, ukekwa ashaka kubeshya abantu ngo abone izo ndonke.

Ni icyaha Niwamanya ahakana yivuye inyuma.

Perezida w'iburanisha Ronald Kaviizi Kayizi yabwiye Niwamanya ko nubwo afite uburenganzira bwo gusaba gukurikiranwa adafunzwe, azakomeza gufungwa kugeza ku wa 23 Nzeri 2024, kuko nta cyizere gihari ko aramutse arekuwe yagaruka kuburana.

Niwamanya Kenneth akurikiranyweho icyaha cyo kwigana umukono wa Janet Museveni

Ni umushinga wiswe Supporting Women Farmers' Climate Resilience, uzakorerwa mu Karere ka Gasabo mu Mujyi wa Kigali mu gishanga cya Rufigiza Nyagisenyi giherereye mu Murenge wa Kinyinya.

Biteganyijwe ko uwo mushinga uzakorerwa ku buso bwa hegitare 140 ndetse abahinzi 580 bakazawungukiramo byinshi birimo ubumenyi ku guhangana n'ihindagurika ry'ibihe, amahugurwa ku buhunzi no guhuzwa n'abaguzi b'umusaruro wabo.

Umuyobozi Mukuru wa Prime Biodiversity Conservation, Niyonsaba David, yagaragaje ko bahisemo gutangiza uwo mushinga mu rwego rwo gufasha abahinzi ku kubungabunga umusaruro no kurengera ibidukikije.

Ati 'Ni ugufasha abahinzi 580, mu bu buryo bwo kubafasha kugeza umusaruro wa bo ku isoko ukimeze neza no kubaha ubumenyi n'ubushobozi bwo guhangana n'imihindagurikire y'ibihe.'

Yagaragaje ko muri uwo mushinga hazabaho ubufatanye n'inzego zitandukanye zirimo iza Leta n'iz'abikorera kandi ko bifuza gukemura ikibazo cyo kuba haba hari abahinzi bafite ubutaka budakoreshwa neza n'abafite umusaruro ushobora gutakara.

Umwe mu bahinzi babarizwa muri koperative y'abahinzi bahuje intego ba Gasabo bakorera mu gishanga cya Kinyinya (KOABIGA) yagaragaje ko bishimiye ko uwo mushinga uzabafasha mu guteza imbere ubuhinzi no kugira ubumenyi ku guhangana n'imihindagurikire y'ikirere.

Ati 'Hari Ibiza, amapfa ndetse n'udukoko twangiza imyaka, ibyo byose bitugiraho ingaruka zikomeye kuko bituma umusaruro ugabanyuka. Buriya n'uburyo abantu bagenda biyongera baganisha amazi mu bishanga mu gihe cy'imvura usanga haba imyuzure. Turizera ko ku bufatanye bwacu na mwe muzabidufashamo tugahangana n'ihindagurika ry'ibihe.'

Ambasaderi wa Canada mu Rwanda, Julie Crowley, yagaragaje ko bishimiye gutera inkunga uyu mushinga uzafasha abahinzi guhangana n'ihindagurika ry'ibihe ndetse no kurengera ibidukikije.

Ati 'Tuzatanga inkunga izatumaa Prime Biodeversity Conservation ifasha abahinzi mu kuzamura urwego rw'uburyo bakoramo ubuhinzi kandi dutekereza ko bizazamura umusaruro ndetse bigatuma n'abahinzi barushaho kugira ubuzima bwiza.

Yagaragaje ko Canada izatanga inkunga ingana n'ibihumbi 35 by'amadorali angana na miliyoni 35 Frw kuri uwo mushinga uzamara umwaka umwe gusa.

Prime Biodiversity Conservation igaragaza ko uretse gufasha abahinzi mu kubaha amahugurwa itegenya no gutunganya ahantu abaguzi bazajya basanga abo bahinzi ngo bagurirwe umusaruro n'uburyo bwo kuwubungabunga ngo utangirika.

Umuyobozi muri MINAGRI Ushinzwe Guteza Imbere Ubuhinzi Buvuguruye, Dr Karangwa Patrick avuga ko ubuso bwuhirwa buzongerwaho 85% mu myaka itanu

Umuyobozi Nshingwabikorwa w’Akarere ka Gasabo, Bayasese Bernard, yashimye umuhate wa Prime, abizeza ubufatanye mu ishyirwa mu bikorwa ry’uwo mushinga

Umwe mu bahinzi yagaragaje ko biteze impinduka zizava muri ubwo bufatanye

Uwo mushinga witezweho kugera ku bahinzi 580

Umuyobozi Mukuru wa Prime Biodiversity Conservation, Niyonsaba David, yagaragaje ko uwo mushinga watekerejwe mu gufasha abahinzi bo muri Gasabo

Umulisa Allen, yagaragaje ko hakiri imbogamizi ku bahinzi zishingiye ku mikoro make

Abahinzi bagaragarijwe impamvu uyu mushinga uzabafasha muri byose

Ambasaderi wa Canada mu Rwanda, Julie Crowley, yagaragaje ko biyemeje gutera inkunga uwo mushinga

Abahinzi batanze ibitekerezo ku bijyanye n’uwo mushinga

Abahinzi bagaragarijwe ko hari inyungu muri uwo mushinga

Amafoto: Kwizera Remy Moïse

Mu gushaka gusobanukirwa byinshi kuri uyu mushinga, InyaRwanda yaguteguriye ibintu by'ingenzi ukwiye kuwumenyaho, birimo no kuba amafaranga azawugendaho biteganyijwe ko azagera kuri Miliyari 60 Frw.

Green City Kigali ni umushinga w'iterambere uzaramba kandi uhendutse, ugizwe n'inyubako zitangiza ibidukikije kandi zikoresha ingufu zisubira, ibyakoreshejwe bikongera kubyazwa umusaruro kandi zubatswe n'ibikoresho byakorewe imbere mu gihugu.

Ni umudugudu uzubakwa ahahoze hakorera Radio y'Abadage ya Deutsche Welle i Kinyinya mu Mujyi wa Kigali no mu nkengero zaho, uzubakwa ku buso bwa hegitari 600.

Umuyobozi ushinzwe Igenamigambi mu Mujyi wa Kigali, Marie Solange Muhirwa, yavuze ko ari ahantu hazaba hubatswe inzu zishobora guhangana n'imihindagurikire y'ikirere, ahazakoreshwa ibikoresho bitangiza ibidukikije mu kuzubaka.

Yagize ati: 'Twifuje ko twagira umujyi cyangwa agace umuntu yabonamo ibintu byose akenera nk'ishuri ry'umwana, aho umuntu yabona akazi, ahantu umuntu yakwivuriza, aho yahaha, ibyo byose ukabibona udakoze urugendo rw'iminota irenze 15.'

Uyu mushinga wa Green City Kigali uzakorerwa mu Tugari twa Gasharu na Gitega, aho hazagabanywamo uduce (Quartiers) 18, aho buri kamwe kazajya kaba gafite ibikenerwa byose.

Muri Green City Kigali hazubakwa inzu zihendutse zizagenerwa abaturage bari hagati ya 170.000 na 200.000. Uyu mushinga uzubakwamo inzu ziciriritse ku buryo abaturage mu ngeri zose bazisangamo.

Ku birebana no gukora ingendo ku bazaba batuye muri ako agace bitekerezwa ko bazajya bakoresha uburyo bwo gutwara abantu bwa rusange cyangwa gukoresha amagare.

Hazaba hari umuhanda uzenguruka hamwe n'uwagenewe imodoka nini zitwara abagenzi mu buryo bwa rusange kugira ngo ingendo zikorwe mu buryo bworoshye, ndetse n'urusobe rw'imihanda ruzaba rwubatse ahantu hahanamye, ahari ibiti ndetse n'inzira zagenewe abanyamaguru zitwikiriye.

Umujyi wa Kigali utangaza ko abaturage batuye i Kinyinya ahazakorerwa uyu mushinga by’umwihariko abafite ubushobozi bemerewe kubaka bagendeye ku gishushanyo mbonera. Ku rundi ruhande ariko, abadashoboye kwiyubakira bijyanye n’igishushanyo mbonera, bazajya bahagurisha hubakwe n’abafite ubushobozi.

Uruhare rwa Leta ni ukubaka ibikorwa remezo bitandukanye bizakenerwa muri ako gace birimo imihanda, kuhageza amazi, amashanyarazi, amashuri, amasomo, amavuriro n'ibindi bitandukanye.

Umuyobozi w'Umujyi wa Kigali, Dusengiyumva Samuel, yavuze ko mu myaka itanu iri imbere hazubakwa inzu ibihumbi 10 z'abaturage by'umwihariko ab'amikoro make.

Uko bizaba bimeze muri Green City Kigali

Ibyangombwa bigiye gutangira gutangwa muri Green City Kigali

Byabereye mu Mujyi wa Rwamagana hafi ya sitasiyo ya Engen ahari umuferege munini upfundikiye ureshya na metero 100. Uyu musore yaguye muri uyu muferege ahagana saa Sita akurwamo ahagana saa Saba n'igice.

Bamwe mu bari bahari ubwo uyu musore yajyaga muri uwo muferege babwiye IGIHE ko yagiyemo ubwo umugabo w'umukire yaparikaga imodoka telefone nto ikamucika ikagwamo. Uyu musore hamwe n'undi mwana biyemeje kuyikuramo bakoresheje ibiti abahemba 500 Frw. Hasigaramo batiri uwo mugabo arayireka arigendera.

Umwe ati 'Nyuma umukire yahebye arigendera, uriya musore rero ucuruza isambusa abwira umwana ngo ajyemo aramuhemba, umwana arabyanga ahitamo kwigiramo ngo ayikuremo. Yamanutse agiye kuvamo biranga no gusubira inyuma biranga.'

Undi mugabo wabibonye yavuze ko uyu musore ucuruza isambusa ari we wigiriye inama yo kujya muri uwo muferege kugira ngo akuremo batiri isanzwe igura 2500 Frw ngo azayigurishe.

Ati 'Yagiyemo turindira ko avamo biranga ni ko guheramo kuriya. Isomo nkuyemo ni uko ushobora gukurikirana ibintu biri ahantu habi ukaba wahagwa, abantu dukwiriye kumenya ubwenge tugashakishiriza mu bintu bizima.'

Nyuma y'isaha n'igice uyu musore yamaze muri uyu muferege igice kimwe kiri hejuru ikindi kiri hasi. Hitabajwe Polisi y'Igihugu yaje isenya igice cy'uwo muferege gikora kuri kaburimbo ubundi imukuramo ari muzima.

Dukuzumuremyi nyuma yo gutabarwa na Polisi y'Igihugu yayishimiye ndetse anashimira Imana yamutabaye akava mu muferege ari muzima. Yavuze ko yagiyemo aziko byoroshye ariko nyuma yo gukora urugendo rurerure yinjiramo akanakuramo batiri kuvamo byagoranye cyane.

Ati 'Imana ibahe umugisha baramfashije, nibazaga ukuntu ndibuvemo bikanshanga Imana ishimwe rero yo ibikoze.'

Bamwe mu baturage bari bashungereye ubwo bakuragamo uyu musore bashimiye Polisi y'Igihugu ku butabazi bwa vuba yakoze, kuko bamukuyemo nyuma y'iminota mike hakagwa imvura nyinshi.

Dukuzumuremyi yari yahezemo hitabazwa Polisi

Dukuzumuremyi yavuye mu muferege afite na batiri yari yinjiyemo agiye gushaka

Ibi ubuyobozi burabitangaza nyuma y'aho Akarere ka Rwamagana kemeye ikibanza kizatunganywa kikazajya gikorerwamo imurikagurisha mu buryo buhoraho. Iki kibanza giherereye ku kibuga cya Iga aho Akarere gafite ubutaka bungana na hegitari eshanu.

Ubwo hasozwaga imurikagurisha ry'iyi ntara hagarutswe ku kuba hakenewe ahantu hisanzuye hanini hubatse neza hajya habera iri murikagurisha mu buryo buhoraho. Abahinzi n'aborozi nabo bagaragaje ko bifuza ko hashyirwaho imurikagurisha ryabo bwite ryabafasha mu kubahuza n'abaturage bakabereka uburyo bakongera umusaruro w'ubuhinzi n'ubworozi.

Guverineri w'Intara y'Iburasirazuba, Pudence Rubingisa, yavuze ko Akarere ka Rwamagana kamaze kubona ikibanza kizajya gikorerwamo iri murikagurisha mu buryo buhoraho, yavuze ko kandi mu ngengo y'imari y'uyu mwaka kazakora inyigo y'uyu mushinga hasigare ibikorwa byo kuhubaka.

Ati 'Akarere ka Rwamagana kemeye ikibanza ndetse no mu ngengo y'imari yabo bashyizemo inyigo y'icyo gikorwa. Ikibanza baragifite nk'Akarere bakoze inyigo, ubwo hazahita hakurikiraho gufatanya n'abikorera hatunganywe hajye ibyo bikorwa remezo by'ibanze rijye ribera aho ariko n'ibindi bikorwa by'abikorera bijye bibera aho ngaho byose.'

Umuyobozi w'abikorera mu Ntara y'Iburasirazuba, Nkurunziza Jean de Dieu, yavuze ko bifuje ko imurikagurisha ryajya ribera ahantu hamwe kugira ngo bibafashe kudakomeza gukoresha amafaranga menshi buri mwaka bubaka.

Ati 'Akarere ka Rwamagana kamaze kutwemerera ikibanza tugiye kubaka ahantu heza twizera ko mu myaka ibiri aho hantu hacu hazaba huzuye. Tuzajya dufata umwanya imurikagurisha ribe kabiri mu mwaka habeho irijyanye n'ubuhinzi n'ubworozi noneho hakanabaho n'irindi rihuza abikorera bo mu Ntara n'abandi.'

Nkurunziza yavuze ko bifuza kujya batumira abantu benshi barimo abafite ibikorwa bitandukanye mu Ntara y'Iburasirazuba. Yavuze ko isomo bakuye muri iri murikagurisha ari uko bagiye kujya baritegura kare kandi bakarimenyekanisha cyane kuburyo abantu bose bo muri iyi Ntara bafite udushya baza kutwerekana.

Gutegura imurikagurisha buri mwaka ngo bitwara arenga miliyoni 120 bakoresha bubaka ibikorwa byinshi biba bizakoreshwa. Iyo imurikagurisha risojwe birongera bigasenywa kuburyo ngo bibatera igihombo.

Guverineri Rubingisa yavuze ko imurikagurisha ry'Intara y'Iburasirazuba rifasha benshi kumenyekanisha ibikorwa byabo

Umuyobozi w'urugaga rw'abikorera mu Ntara y'Iburasirazuba, Nkurunziza Jean de Dieu yavuze ko bagiye gutangira kubaka ahazajya habera imurikagurisha

Inkuru y'urupfu yamenyekanye ku itariki ya 4 Nzeri 2024 ubwo umwe mu bana be yari agarutse mu rugo asanga se yimanitse mu mugozi atabaza abaturanyi ariko basanga yamaze gushiramo umwuka.

Abaturanyi ba nyakwigendera babwiye BTN ko uwo musaza yari yagiye mu kabari mu ijoro ryabanjirije urupfu rwe agataha mu rukerera.

Uyu musaza ngo yari yaraye mu kabari nyuma yo kugurisha amategura n'ibiti byari ku nzu ye bamuha amafaranga abarirwa mu 20.000 Frw ari na yo yajyanye mu kabari indaya zikayamucucura mu gasantere ka Butansida.

Umwe mu baturanyi be yagize ati “Nyakwingendera yatashye mu gitondo mu masaha ya saa moya araza abwira umuhungu we ngo uzamenyere abana ni wowe mukuru mfite ariko ntiyabyitaho kuko yari yasinze.'

'Hashize umwanya ni bwo yagarutse mu rugo avuye kuvoma asanga yimanitse mu kagozi atabaza abaturanyi basanga yashizemo umwuka”.

Aba baturage banenze cyane nyakwigendera wafashe umwanzuro wo kwiyahura ngo ni uko yibwe amafaranga n'indaya ariko nanone banenga kwishora mu ndaya kw'abantu.

Uyu musaza asize abana batandatu na bo badafite nyina kuko na we yitabye Imana.

Umurambo we wahise ujyanwa ku bitaro by'Akarere ka Nyanza ngo ukorerwe isuzuma mbere yo gushyingurwa.