Category: Uncategorized

Fiokee asanzwe afite ku isoko Album ya mbere yise 'Man' iriho indirimbo zabiciye bigacika. Mu bihe bitandukanye yagaragaje ko anyurwa no gukorana indirimbo n'abahanzi banyuranye, kandi ashyira imbere buri gihe kwiyungura mu bijyanye no gucuranga gitari.

Mu ijoro ryo kuri uyu wa Gatanu tariki 6 Nzeri 2024, nibwo yagaragaje ko indirimbo 11 yakubiye kuri Album ye ya kabiri zageze ku mbuga zitandukanye zicururizwaho ibihangano by'abahanzi birimo na Youtube. Kandi, yumvikanisha ko ari umusaruro w'igihe yari amaze ari kuzikoraho.

Muri izi ndirimbo harimo 'Bilinda' yakoranye na Yago. Uyu muhanzi w'umunyarwanda ubifatanya n'itangazamakuru, yifashishije konti ye ya Instagram yagaragaje ko yakozwe ku mutima no kuba Fiokee yaramuhisemo mu bahanzi bakoranye kuri iyi Album. Yasabiye umugisha Fiokee.

Hariho indirimbo nka 'Fine Girl Today' ndetse na Oma GBE yakoranye na Javpizzle, 'No Way' yakoranye na Cremixi, Johnny Drille ndetse na Jaypizzle.

Hariho kandi 'Pozi' yakoranye na Raybekah, 'Loyal' yahuriyemo na Bruce Africa, 'Ibadi', 'Soco', 'No Way' na 'Turn It Up' yahuriyemo na Raybekah, Kholi, Vicky Samdate.

Fiokee arazwi cyane mu muziki wo muri Nigeria, kuko amaze imyaka 20 atangiye kugaragaza ko ashobora kuririmba ariko akanacuranga gitari. Yibanda cyane ku ndirimbo zubakiye ku mudiho wa Afribeats, ndetse akunze kuvuga ko ariwe muhanzi wa mbere mu bakora iyi njyana ku Mugabane wa Afurika.

Uyu musore yigeze kwegukana irushanwa 'Star Quest' binyuze mu kiganiro cyo kuri Televiziyo yo mu Mujyi wa Lagos mu 2008. Ariko izina rye ryatangiye kuvugwa cyane mu 2010, ubwo yacurangaga gitari mu ndirimbo 'Zaria' ya D'Banj yanaririmbyemo Kanye West.  

Ibinyamakuru byo muri kiriya gihugu, bivuga ko kuva kiriya gihe yakomeje kumenyekanisha umuziki we nk'umucuranzi wa Gitari utanga icyizere.

Mu 2022, Fiokee yatangazaga ko amaze kugira uruhare mu ndirimbo zirenga 70 aho yacuranzemo gitari. Mu 2017, yashyzie hanze indirimbo 'Woman' yakoranye na Jumabee, 'Very Connected' yakoranye na Flavour, 'Sweetest thing' yakoranye na Ric Hassani, 'Dumebi' yakoranye an Davido na Peruzzi n'izindi.

Fiokee yagaragaje indirimbo 11 zigize Album ye nshya ya kabiri zirimo iyo yahuriyemo na Yago
Johnny Drille yahaye umusanzu we Fiokee kuri Album ye yubakiye ku mudiho wa Afrobeats 

Yago yagaragaje ko yasabiye umugisha Fiokee nyuma y'uko bakoranye indirimbo

Kuva mu myaka 20 ishize, Fiokee yashyize imbere gukora indirimbo zumvikanisha ubuhanga bwe mu gucuranga gitari
 

KANDA HANO UBASHE KUMVAINDIRIMBO 'BILINDA' FIOKEE YAKORANYE NA YAGO

 “>

KANDA HANO UBASHE KUMVA ALBUM YA KABIRI YA FIOKEE

“>

Umutoza w’ikipe y’igihugu Amavubi, Frank Spittler yamaze gukora impinduka mu bakinnyi barimo kwitegura umukino wa Nigeria

Izi mpinduka, yamaze gusezerera mu mwiherero Dushimimana Olivier Muzungu wa APR FC maze azana Niyibizi Ramadhan na we wa APR FC.

Uyu mukinnyi akaba ejo hashize yaratangiranye na bagenzi be imyitozo nyuma yo kuva muri Libya aho bakinnye n’iki gihugu bakanganya 1-1.

Niyibizi Ramadhan akaba aje kongera imbaraga mu gice cy’ubusatirizi bw’Amavubi ubwo azaba akina na Nigeria ku wa Kabiri w’icyumweru gitaha kuri Stade Amahoro.

Uzaba ari umukino wa kabiri w’itsinda D mu gushaka itike y’igikombe cy’Afurika cya 2025.

Amavubi akomeje imyiteguro aho uyu munsi afite umukino wa gicuti na Police FC saa 10h00′.

Niyibizi Ramadhan yatangiye imyitozo mu Mavubi

Muzungu yamaze gusezererwa

Duhagaze muri 'orchestra' cyangwa se imbuga nini wagereranya na hamwe bakinira mu kibuga cy'ubu. Imbere yacu, tuzengurutswe n'imyanya y'abafana tureba turaramye, muri metero 32 hejuru yacu. Mu gihe cy'imikino mu myaka 1800 ishize, aha hantu turi hicaraga abantu barenga ibihumbi bitandatu baje kwishimisha mu birori bitandukanye.

Iki kibuga turiho ni ikizwi nka Roman Theater, kikaba kimwe muri Colosseum zirenga 200 Abaroma bubatse hirya no hino ku Isi ubwo bari ku gasongero k'ubutware bwayo kugera nibura mu myaka 1500 ishize.

Aho duhagaze ntihakitwa Philadelphia, ubu habaye Amman, Umurwa Mukuru wa Jordanie.

Colosseum ivugwaho kuba ari yo yatanze imbata y'uburyo ibibuga by'imikino bimeze magingo aya, kuko urebye ishusho y'umuzenguruko, ikubuga gikinirwaho, urwambariro n'ibindi byinshi, usanga nta tandukaniro n'ibibuga bigezweho muri iyi myaka ya vuba.

No muri Jordanie barayihubatse ku Ngoma y'Umwami Antoninus Pius (138-161), gusa bitandukanye n'iy'i Roma, iyi yari nto cyane kuko yajyagamo abantu ibihumbi bitandatu gusa.

Yakoreshwaga mu bikorwa bitandukanye birimo inama zikomeye, ibirori by'amakinamico n'ibindi byinshi, bigakekwa ko nta mikino njyarugamba yaberagamo, n'iyabagamo ikaba yari mike cyane.

Iyi nyubako yubatswe mu musozi, ibyari bigamije koroshya akazi kuko bitasabaga kuzamura urukuta ruvuye hasi, ahubwo byasabaga guca imyanya mu musozi no kuyitunganya neza.

Ibirimo amabuye, amakoro, umucanga, amazi n'ibindi byinshi byarakoreshejwe ku kuyubaka, byinshi bikaba byaraturukaga mu bice by'aho hafi, icyo Abaroma bakora ari ukuzana abahanga bayobora abubatsi gusa.

Imiterere yayo kuva ku buryo bwo kurinda amazi kugera ku miterere y'imiryango n'ibyicaro byayo, nta kinini cyahindutse ugereranyije n'iy'i Roma ndetse n'izindi nto zo mu bindi bice. Umwihariko w'ibi bibuga kandi ni uko byagiraga uburyo bifasha abakinnyi kuba bavuga baranguye amajwi yabo, akumvikana n'abafana bari kure yabo.

Imitingito no gusaza kw'ibikoresho byayubatse byagize ingaruka ku buryo iyi nyubako igaragara magingo aya, gusa mu 1957, Leta ya Jordanie yafashe icyemezo cyo kuyisana ku buryo magingo aya ibisigazwa byayo bigihari.

Ifite uburebure bwa metero 33 n'ubugari bwa metero zirenga 100.

Hakurya yayo gato, Abaroma bubatse Urusengero rw'intwari y'igitekerezo izwi nka Hercules, yari ifite imbaraga zidasanzwe ndetse ikagira n'abakozi 12.

Ni inyubako iri ku musozi ku buryo iyo uhageze, uba ureba ubwiza bw'Umujyi wa Amman muri Jordanie.

Amavu n'amavuko ya Colosseum

Turi mu mwaka wa 107 nyuma y'Ivuka rya Yesu, Umwami Trajan amaze imyaka icyenda ayoboye Ubwami bw'i Roma, yicaye ahagana hasi mu myanya y'icyubahiro, ategereje gutangiza imikino n'ibirori njyanamuntu byitabiriye n'abarenga ibihumbi 80 bicaye inyuma ye bamuzengurutse.

Aha uyu Mwami yicaye ni muri Colosseum y'i Roma, inyubako y'agatangaza ikaba kimwe mu birango bikomeye by'Ubwami bw'Abaroma bwatunze bugatunganirwa mu gihe cy'imyaka irenga 1000 bwamaze.

Munsi y'iyi nyubako, aho twagereranya n'urwambariro rw'ubu, indwanyi z'akataraboneka zabigize umwuga, abacakara, imfungwa z'intambara, abanyabyaha n'abashinzwe umutekano w'imikino bapakiye mu twumba duto dushyushye kubi bavirirana ibyuya, bari mu mwijima w'icuraburindi benshi bitegura kubona izuba ku nshuro yabo ya nyuma, ubwo baza kuba binjiye mu kibuga mu minota mike iri imbere.

Uribuka wa mukino wa 'Sinabyaye' wahoze ukinwa hambere aha? Neza neza hano imvugo yabaye ingiro koko, mbega ni hamwe umwana yashobora kurira nyina agahunga adashaka kumva.

Muri twa twumba buri wese ari kubarira iminota ku mitwe y'intoki, cyane ko hirya gato inyamaswa z'inkazi zimwe zirya inyama zigakomba amaraso zariye karungu, intare ikaba kibamba muri zose.

Izi ntare zirashonje, zifite uburakari, ziri gutontoma mbega zirategereje, ubwo ibyo ziri bukorere abantu zihanganye nabo mu kibuga, ni kimwe mu bice by'ingenzi byabaga bigize imikino yahurije imbaga muri iyi Colosseum, ari nayo mpamvu iyi mikino yitwaga iy'amaraso.

Kuri iyi nshuro, Umwami Trajan yahisemo gutegura imikino idasanzwe izamara iminsi 123, ari nacyo gihe kinini iyi mikino yamaze mu mateka y'Ubwami bw'Abaroma yose.

Ni mu gihe kandi kuko ari kwishimira itsinzi idasanzwe avanye mu Burasirazuba, aho yari amaze guhangamura Ubwami bw'Aba-Dacia (muri Romania y'ubu), bwari bumaze imyaka bumuzengereza.

Ku rundi ruhande, Ingoma y'Abaroma iri ku gasongero kayo, aho igenzura ubuso bwa kilometero kare zirenga miliyoni eshanu kuva mu Bwongereza kugera muri Syria na Jordanie, uduce turi mu twa nyuma twongewe kuri iyi Ngoma, bikozwe na Trajan uvugwa nk'umwe mu bayobozi beza b'urugamba babayeho mu mateka y'Isi.

Abahanga bakoze igishushanyo kigaragaza uko iyi Collaseum yari imeze itarasenyuka

Ku nshuro ya mbere mu mateka y'Isi, abarenga miliyoni batuye mu Mujyi umwe, uwo ukaba i Roma. Inzira zose zagerayo koko umugani w'Umunyarwanda, kuko waba umuganga, umwubatsi, umwanditsi n'undi wese wifuza iterambere, feri ya mbere wagombaga kuyifatira i Roma kugira ngo ibyo ukore bigaragare, bigire agaciro nawe ubyungukiremo.

Ahagana saa moya z'igitondo abantu babaga batangiye kugera muri Colosseum, cyangwa se stade, umuntu wese afite itike iriho umuryango anyuramo, igice yicaramo na nimero y'umwanya nyirizina agomba kuba arimo.

Ibirori byabaga mu byiciro bine, bibanzirizwa n'akarasisi kadasanzwe, kagakurikirwa n'umukino uzwi nko 'guhiga.'

Aha niho za nyamaswa zishonje kubi, zahuzwaga n'abantu bafite ibikoresho byoroheje nk'amacumu, umuntu yakwica intare akarakoka, rimwe na rimwe akohererezwa indi gutyo gutyo.

Nyuma yabo hafatwaga amasaha y'ikiruhuko gusa nabwo ibirori bigakomeza. Kuri iyi nshuro, hatangwaga ibihano ku banyabyaha bagomeye Umwami, cyangwa se abandi bantu bakoze ibyaha bidasanzwe.

Ibihano byabaga bitandukanye, kuva ku guterwa icyuma ugapfa vuba kugera ku gusaturwa umubiri, inyamaswa zikaza kukurya uri muzima kugeza upfuye. Rimwe na rimwe kandi abantu bararwanaga kugeza ubwo umwe yishe undi, akohererezwa undi munyabyaha gutyo gutyo, uwa nyuma muri bose nawe akaba gutegezwa intare zikamurya.

Abakirisitu bo mu minsi ya mbere ni uku bicwaga, mu rwego rwo kwereka abaturage ko nta mikino ihari, bityo badakwiriye guhirahira binjira muri iyi myemerere, cyane ko yavuguruzaga ibyo Ubwami bw'Abaroma bwifuzaga ko abantu batekereza.

Igice cya kane ari nacyo cya nyuma, nicyo cyabaga gitegerejwe kikaba mu masaha y'umugoroba, aho indwanyi zikomeye zahuraga zikarwana kugeza rubuze gica, utemera kumanika amaboko agakubitwa kugeza ubwo apfuye.

Nubwo Trajan yateguye ibi birori agamije kwishimira itsinzi y'Aba-Dacia, mu mwaka wari wabanje, mu 106, yari yakoze akandi gashya kuko ari bwo yari amaze gufata ibice bya nyuma bya kure Abaroma bagenzuye, ubwo ni muri Syria na Jordanie, nyuma yo gutsinda Aba-Nabatée babanje gukorana nawe ubucuruzi atabashira amakenga, bikarangira ahisemo kubigarurira.

Iyi nyubako yabaga yubatswe mu buryo budasanzwe

Kenshi izi nyubako zubakwaga mu musozi

Kenshi izi nyubako zubakwaga mu musozi

Iyi nyubako yabaga yubatswe mu buryo budasanzwe

Mu myaka 1800 ishize, aha hateraniraga abarenga ibihumbi bitandatu baje kureba imikino itandukanye

Benshi ni ubwa mbere bari bageze muri Colosseum

Urusengero rw'intwari y'igitekerezo izwi nka Hercules, yari ifite imbaraga zidasanzwe ndetse ikagira n'abakozi 12

Ibi bisigazwa bimaze imyaka irenga ibihumbi bihagaze

Ibi bisigazwa byari amarembo yinjira muri uru rusengero

Aha hakundaga guteranira abanyacyubahiro baje gusenga

Umujyi wa Amman muri Jordanie

Izindi Collaseum zubatswe n'Abaroma hirya no hino ku Isi

Aha ni muri Turukiya

Aha ni muri Tunisia

Aha ni muri Turukiya

Aha ni muri Chypre

Iyi nayo iri muri Turukiya

Iyi iherereye mu Butaliyani

Abaroma bakundaga kubaka Collaseum aho bageze hose, aha ni muri Turukiya

Ni mu muhango wabaye kuri uyu wa Gatanu tariki 6 Nzeri 2024, kuri Sar Motors Ltd i Remera mu Mujyi wa Kigali, aho Action College isanzwe ifite ishami.

Ni ubwa mbere Action College itanze impamyabushobozi mu birori nk'ibi. Byitabiriwe n'abayobozi mu nzego zinyuranye, umuhanzikazi Butera Knowless usanzwe ari 'Brand Ambassador', abafatanyabikorwa b'iri shuri ndetse n'abandi basoje amasomo y'abo muri iri shuri bashima ubumenyi bahakuye.

Izi mpamyabushobozi zatanzwe mu gihe iri shuri ryizihiza imyaka 10 ishize ritangiye gukora, ndetse ryashyize imbere gutanga amasomo akenewe cyane ku isoko ry'umurimo.

Abahawe impamyabushobozi n'impamyabumenyi basoje amasomo mu myuga itandukanye y'igihe gito irimo nk'ubukanishi, guteka, ubudozi, 'Make-Up', amategeko y'umuhanda, indimi n'abandi.

Abitabiriye uyu muhango basusurukijwe kandi n'Itorero Inyamibwa bisunze indirimbo zinyuranye, ndetse n'imbyino zakoze ku mutima benshi.

Abahawe impamyabushobozi ni abakurikiranye amasomo kuva mu 2019, kandi ni abo mu bice bitandukanye by'Igihugu abarizwa amashami yose ya Action College.

Mu ijambo rye, Umuyobozi Mukuru wa Action College, Ingabire Cynthia yavuze ko mu myaka 10 ishize iri shuri ryashyize imbere kwigisha amasomo atandukanye, kandi buri wese wanyuze muri iri shuri, umurimo we waheshejwe agaciro no kuba yarize, ari nayo mpamvu bahisemo no gukora ibirori byo gutanga impamyabushobozi.

Ati '[…] Mu gufata icyekerezo cy'Igihugu nk'uko Nyakubahwa Perezida wa Repubulika, Paul Kagame yaduhaye icyerekezo cyo guteza imbere imyuga n'ubumenyingiro natwe ntitwasigaye inyuma ari nayo mpamvu umunyeshuri wacu yahatana ku isoko ry'umurimo kandi neza bitewe n'ubumenyi yakuye muri Action College […] Uyu munsi umushoferi tumuhaye agaciro ahabwa impabushobozi 'Certificate’.”     

Yavuze ko iyi myaka 10 ishize itari yoroshye, ariko kandi hamwe n’intego bihaye babashije kubigeraho. Avuga ko batangiriye ku ishami rimwe, none ubu dufite amashami atandukanye mu gihugu. Yashimye abafatanyabikorwa batandukanye barimo Polisi y’igihugu ishami rishinzwe ibizamini byo mu mahanda.

'Chancellor' wa Action College, Runiga Jean Paul, yabwiye abanyeshuri basoje amasomo ko 'uyu munsi ufite igisobanuro kinini mu buzima bwanyu kuko byavuye mu bwitange.'

Yabwiye buri wese ko ubumenyi yungukiye muri iri shuri, akwiye kubukoresha mu gutegura ejo hazaza. Avuga ko urugendo rwabo rwabayemo ibicantenge, ariko hamwe n’umuhate n’ubushobozi byarashobotse.

Avuga ko ubumenyi bungukiye aha, bakwiye kubwifashisha mu guhindura amateka yabo, kandi barakenewe ku isoko ry’umurimo. Yabwiye cyane cyane abasoje amasomo y’indimi ‘ko bakwiye gukoresha ubumenyi bakuye hano mu kuvugana n’abandi mu bihugu bitandukanye’.

Uwantege Elisabeth wavuze mu izina rya bagenzi be basoje amasomo, yashimye ‘abarimu n’abayobozi baduhaye amasomo ndetse n’abafatanyabikirwa’. Yavuze ko mu izina rya bagenzi be bize muri Action College ‘dufite amashimwe ku mutima’.

Uyu mugore yavuze ko yinjiye muri Action College amaze imyaka 21 adakandagira mu ishuri, ariko bitewe n'uburyo yakiriwe yashyize imbere amasomo ye.

Kandi avuga ko bamwigishije, kugeza ubwo anatekereza gukomeza amasomo. Akomeza ati 'Action College twabasanganye umuco no kwita ku bantu. Uretse ko twe abantu bigarukira aha, ariko Imana ibahe umugisha.'

Yashishikarije ababyeyi kujyana abana babo muri Action College. Avuga ko asoje amasomo ye mu mategeko y’umuhanda ‘kandi nakoze rimwe.’

Ati 'Ku myaka yanjye irenga 40 nakoze rimwe. Ndi umugabo wo guhamya ko iyo uje muri Action College ufite icyo ushaka ukigeraho.'

Yijeje Ubuyobozi bwa Action College ko ‘bazakoresha ubumenyi bahawe ku isoko ry’umurimo, kandi ‘tuzashishikariza n’abandi gutera ikirenga mu cyacu’.

Ati 'Turashaka kubizeza y'uko aho tugiye hanze hariya ku isoko ry'umurimo ntabwo tuzababera ibigande, ahubwo tuzababera ba Ambasaderi beza. Turumva tuzagenda ku isoko ry'umurimo, tugashishikariza abandi kuza muri Action College, kuko natwe ibyo twaje tukashaka twarabibonye.'

Ubusanzwe iki kigo kigishaga amasomo arimo indimi nk'Icyongereza, Igifaransa, Igiswahili, Igishinwa, Icyesipanyore, Ikidage ndetse n'Ikinyarwanda.

Banatanga kandi impamyabushobozi (Certificates) zo ku rwego mpuzamahanga zirimo TOEFL, SAT, DELF, IELTS, TEF, Duolingo na HSK, bakanigisha amategeko y'umuhanda no gutwara ibinyabiziga.

Banigisha kandi amasomo agendanye n'ikoranabuhanga, arimo ICT, Computer Networking na Computer Maintenance.

Amasomo mashya yongewemo arimo aya tekinike, imyuga n'ubumenyingiro arimo kwigisha gusuka ibisuko by'amoko yose, gutunganya inzara (Pedicure na Manicure), kogosha, kudefiriza, gusiga ibirungo by'ubwiza (Make-up) ndetse no gukora umusatsi karemano.

Banongeyemo kwigisha abakandida bigenga (Candidat Libre), mu masomo ya Tourism and Hospitality, Accounting, Mathematics -Computer and Economy (MCE), Literature- Economics and Geography (LEG), History- Economics and Geography (HEG) na Networking.

Icyicaro gikuru cy'iki kigo giherereye mu Mujyi wa Kigali mu nyubako ya CHIC, mu igorofa rya kabiri mu muryango wa mbere (045C).

Kinafite amashami hirya no hino mu gihugu, aho kinakorera i Remera mu nyubako ya Sar Motor, Nyabugogo mu nyubako yo kwa Materne n'i Musanze mu nyubako Melano ikoreramo.

Umwihariko w'iki kigo ni uko nko mu kwigisha indimi, gikoresha abarimu barimo n'abanyamahanga bavukiye mu bihugu bikoresha ururimi umuntu ashaka kwiga, nk'ururimi rwabo gakondo.

Ni mu gihe ku biga amategeko y'umuhanda no gutwara ibinyabiziga bo, bigishwa ku buryo batsindsa ibizamini 100%.

Ubishaka ashobora kwiga muri gahunda ya ku manywa (Day Program), nimugoroba (Evening Program), ndetse no mu mpera z'icyumweru (Weekend Program), yaba ahari cyangwa adahari akiga hifashishijwe ikoranabuhanga. 

Uwifuza ibindi bisobanuro yahamagara kuri 0787246268 muri CHIC, 0788648572 ku ishami rya Nyabugogo, 0788603795 ku ishami rya Remera, no kuri 0788658977 ku ishami rya Musanze.

Ishuri Action College yashyize ku isoko abanyeshuri 313 basoje amasomo yabo hagati ya 2019 na 2024

Umuyobozi Mukuru wa Action College, Ingabire Cynthia, yashimye abafatanyabikorwa barifasha  gukomeza gushyira mu ngiro icyerekezo cy'Igihugu mu guteza imbere amasomo y'imyuga

Umuhanzikazi Butera Knowless yitabiriye ibirori byo gutanga impamyabushobozi ku basoje amasomo yabo 

Ibyishimo ni byose ku banyeshuri basaga 400 basoje amasomo yabo

 Itorero Inyamibwa ryasusurukije abitabiriye umuhango wo gutanga impamyabushobozi ku banyeshuri 400 basoje amasomo yabo

Umuyobozi Ukuriye abakozi mu ishuri Action College [Uri iburyo] yagaragaje ko mu myaka iri imbere bazakomeza kubakira ku ntego bihaye

 
Umunyamakuru Uwayo Divin wari umusangiza w’amagambo muri ibi birori byo gutanga impamyabushobozi

Umuyobozi Ushinzwe Imenyakanishabikorwa muri Action College, Steven yavuze ko mu myaka iri imbere bazaharanira kugira ishami muri buri Ntara 

Umuyobozi Mukuru wa Action College, Cynthia yashishikarije abanyeshuri kugana amashami yose bashyizeho mu rwego rwo kwiyungura ubumenyi 

Butera Knowless yashyikirije igihembo umunyeshuri wahize abandi muri Action College mu ishami rya ‘Mechanics’

Kanda hano urebe amafoto menshi yaranze umuhango wo gutanga impamyabushobozi ku banyeshuri basoje amasomomuri Action College

 

AMAFOTO: Serge Ngabo- InyaRwanda.com

ICPA ni umuryango udaharanira inyungu uhuriza hamwe abahanga bari mu nzego z'amagereza n'amagororero. Imaze imyaka 26 Ishinzwe.

Intego yayo ni uguhuza no gusangira ubumenyi n'imikorere hagati y'ibihugu muri gahunda yo kugorora, hagamijwe guteza imbere umutekano w'abafunze n'abagororwa bari mu magororero atandukanye ku Isi no gutuma barushaho kugira ubuzima bwiza.

Muri Mata 2024 ni bwo Urwego rw'u Rwanda rushinzwe Igorora (RCS) rwasinye amasezerano yaganishaga ko u Rwanda rwashoboraga kwakira iyo nama ariko bitaremezwa neza.

Icyakora ubu byemejwe ndetse inama izamara icyumweru, ni ukuvuga kuva ku wa 26-31 Ukwakira 2025.

Icyemezo ntakuka cyafatiwe mu nama nk'iyo iri kuba ku nshuro ya 26, ikaba imaze icyumweru na none ibera muri Singapour.

Kwakira iyo nama bikozwe n'u Rwanda byemejwe na Perezida wa ICPA, Peter Severin.

U Rwanda nirwakira iyo nama ruzaba rubaye urwa kabiri ruyakiriye muri Afurika nyuma ya Namibia yabikoze mu 2014, ibigaragaza uburyo u Rwanda rukomeje kuba ahantu ha nyaho ho gukorera inama zikomeye muri Afurika no mu Isi muri rusange.

ICPA2025 izaba umwanya mwiza wo gusangira ubunaribonye no kuganira ku mbogamizi zikomeje kubangamira uru rwego rwo kugorora mu bihugu bitandukanye, byose bigamije gukomeza guteza imbere gahunda zo gusubiza muri sosiyete abasoje ibihano byabo.

RCS kandi biteganyijwe ko izakura ubumenyi butandukanye muri iyo nama, ibizayifasha gukomeza guteza imbere gahunda zayo z'igorora, ibyungurura urwego rw'ubutabera rwose hagabanywa n'ibyaha.

Inama y'uyu mwaka yitabiriwe n'abayobozi batandukanye bo mu bihugu binyamuryango barenga 1000 barimo na Komiseri Mukuru wa RCS, CG Evariste Murenzi n'itsinda ayoboye ryaturutse mu Rwanda.

CG Murenzi kandi yatanze imbwirwaruhame itumira abitabiriye ICPA 2024 kuzitabira nta n'umwe usigaye ICPA2025, ubundi barebe aho u Rwanda rugeze mu bijyanye no kugorora.

ICPA 2024 yafunguwe ku mugaragaro na Minisitiri w'Umutekano wa Singapour Josephine Teo wavuze ko iyo nama ari ingenzi ku gusangira ubumenyi mu bijyanye n'ibikorwa bijyanye n'igorora mu bice bitandukanye by'Isi.

Ku Rwanda yari ingirakamaro cyane kuko yabaye umwanya mwiza n'amahirwe yo kunguka ubumenyi bushingiye ku ikoranabuhanga byose bigamije kugorora no gusubiza mu buzima busanzwe abagororwa baba basoje ibihano byabo.

Itsinda rya RCS kandi ryabonye umwanya wo gusangiza abitabiriye iyo nama bimwe mu bikorwa by'umwihariko n'udushya ifite ariko utabasha gusanga ahandi.

Bimwe muri byo ni ibijyanye n'ubuzima aho abagororwa bose bo mu Rwanda bishyurirwa ubwisungane mu kwivuza bumwe busanzwe bukoreshwa n'abaturage basanzwe, igikorwa cyishimiwe n'abitabiriye ndetse abenshi bagaragaza ubushake bwo kubitangiza iwabo.

Ikindi ni uko RCS ku bufatanye n'Ikigo cy'Igihugu gishinzwe guteza imbere Ubukerarugendo bushingiye ku Nama (RCB), yagaragaje uburyo u Rwanda rumaze kugira ubunararibonye bwo kwakira inama zo ku rwego mpuzamahanga n'uburyo ICPA2025 ruzayitegurana ubunyamwuga.

Uretse ibyo kandi imurikabikorwa ryateguwe na RCS muri iyo nama abaryitabiriye banagaragarijwe zimwe muri gahunda zitandukanye utasanga ahandi zitangirwa mu Rwanda n'amahirwe yaba ay'ishoramari ahari.

Abanyarwanda bitabiriye inama ihuza amagereza n’amagororero imaze iminsi itandatu ibera muri Singapour

ICPA2024 yahurije hamwe inzobere mu bijyanye no kugorora

CG Evariste Murenzi yakumbuje u Rwanda abazitabira ICPA2025

Mécatronique ni ishami ry'imyigishirize rihuza ubumenyi mu bijyanye na électronique, mécanique, ubumenyi mu bya mudasobwa (informatique) na automatisation ari bwo buryo butuma ibintu byikoresha hifashishijwe ikoranabuhanga.

Uwize iri somo aba afite ubushobozi bwo gukora akazi gasaba ubwo bumenyi bwose icyarimwe bidasabye ko ikigo akorera gitanga akazi ku bantu benshi bagiye bafite ubumenyi kuri buri kimwe.

Muri IPRC Tumba iri shami ryahafunguwe mu 2021 ritewe inkunga na Leta y'u Bufaransa binyuze mu Kigo cyayo gishinzwe Iterambere (AFD). Ryafunguwe nyuma gato y'uruzinduko Perezida Emmanuel Macron w'u Bufaransa yagiriye muri iki kigo muri Gicurasi uwo mwaka akerekwa aho ibikorwa byo kuritangiza byari bigeze.

Umuyobozi Mukuru wungirije ushinzwe Amasomo n'Amahugurwa muri IPRC Tumba, Dr. Muhirwa Alexis, yabwiye IGIHE ko iri ishami rikiri rishyashya ku isoko ry'umurimo mu Rwanda ariko abaryize bakaba bakenewe mu ikoranabuhanga ry'inganda ziri kwiyongera mu Rwanda.

Ati 'Mécatronique ni ishami rishyashya mu Rwanda dufite muri Rwanda Polytechnic byaranatugoye kubona abarimu tugitangira. Mbere twari tutaragira iryo terambere rihindura ibyakoreshwaga intoki n'abakozi mu nganda bigakorwa n'imashini (automatisation). Inganda ubu ziri kwikoresha kandi na twe twakubye gatatu abanyeshuri twafataga ku mwaka tugitangira'.

Yakomeje ati 'Dushaka gushyira ku isoko abanyeshuri benshi bahagije bafite ubwo bumenyi bujyanye n'igihe tugezemo kuko inganda zigenda ziyongera kandi zikoresha ubwo buryo bwo kwikoresha (automatisation)'.

Dr. Muhirwa yongeyeho ko IPRC Tumba izakomeza kongera umubare w'abiga 'Mécatronique' bakagera ku 100 buri mwaka bitewe n'uburyo amikoro azagenda aboneka

ku buryo mu myaka 10 iri imbere izaba ishyize ku isoko ry'umurimo abagera ku 5000 bajya gukora mu nganda.

Iri shami rya 'Mécatronique' ryafunguwe muri IPRC Tumba, ni irya kabiri mu Rwanda nyuma y'iryo muri IPRC Kicukiro ryafunguwe mu 2020.

Abiga muri iri shami muri iri shuri bitezweho umusanzu ukomeye mu nganda zo mu Rwanda

Iki gihembo yagihawe ku wa Kane tariki ya 05 Nzeri 2024, gitangirwa mu nama ihuza abayobozi ba za guverinoma n'abahanga mu itumanaho, bakaganira ku ngingo zireba itumanaho muri guverinoma 'Sharjah Government Communication Forum'.

Iyi nama ibera mu Mujyi wa Sharjah muri Leta Zunze Ubumwe z'Abarabu. Uyu ni umujyi wa gatatu utuwe cyane muri UAE nyuma ya Dubai ndetse na Abu Dhabi.

Muri iyi nama hatangiwe ibihembo byinshi biri mu byiciro birenga 20, mu gihe icyo Minisitiri Mpambara yahawe cyari icyo mu cyiciro cya 'Distinguished government official'.

Ibi bihembo bitangwa n'Ubuyobozi bw'Umujyi wa Sharjah mu rwego rwo gushimira abantu bagiye bagira uruhare mu koroshya no guteza imbere itumanaho hagati y'inzego za leta n'abaturage.

Byatangiye gutangwa mu 2012, bitangizwa n'Umuyobozi w'Umujyi wa Sharjah, Sheikh Dr. Sultan bin Mohammed AlQasimi.

Iki gihembo Minisitiri Mpambara yahawe gitangwa mu rwego rwo gushimira abakozi ba leta bagaraza umuhate n'ubushake bwo kuzuza neza inshingano zabo. Harebwa ku bakorana neza n'abaturage bigatuma ibigo bakorera bigirana umubano mwiza na sosiyete.

Kugira ngo ube mu banyamahirwe begukana iki gihembo bisaba ko ubanza gutoranywa. Minisitiri Mpambara yatoranyijwe n'urwego 'Government Experience Exchange Programme' rwo muri Leta Zunze Ubumwe z'Abarabu.

Uru ni urwego rwashyizweho na Leta Zunze Ubumwe z'Abarabu rugamije gusangizanya ubumenyi. Intego yarwo ya mbere y'ibanze ni ugusangiza ibindi bihugu ubunararibonye bwa UAE mu bikorwa by'iterambere ryagutse. Rwatangijwe mu 2018 n'Ibiro bya Minisitiri w'Intebe.

Ambasaderi w'u Rwanda muri Leta Zunze Ubumwe z'Abarabu, John Mirenge, ni we wakiriye iki gihembo cya Minisitiri Mpambara.

Minisitiri Inès Mpambara yigeze kuyobora Ishuri ry'Itangazamakuru mu yahoze ari Kaminuza Nkuru y'u Rwanda ndetse anashingwa imirimo itandukanye muri Minisiteri y'Ubuzima. Mu Ukuboza 2011 yagizwe umuyobozi w'ibiro by'Umukuru w'Igihugu, umwanya yagumyemo kugeza mu 2020.

Muri Gashyantare 2020 Inès Mpambara yagizwe Minisitiri ushinzwe imirimo y'Inama y'Abaminisitiri, aho yari asimbuye Kayisire Marie Solange, wari umaze kugirwa Minisitiri ushinzwe ibikorwa by'ubutabazi.

Izi nshingano ni zo yagumyemo no muri Guverinoma nshya iheruka gutangazwa muri Kanama 2024.

Minisitiri Ushinzwe Imirimo y’Inama y’Abaminisitiri, Ines Mpambara, yahawe igihembo n'Ubuyobozi bw'Umujyi wa Sharjah muri Leta Zunze Ubumwe z'Abarabu

Ibi biganiro biteganyijwe ku wa 7 Nzeri 2024, birabanzirizwa n'umugoroba wo kwibuka Dr. Myles Munroe na Ruth Munroe bapfiriye mu mpanuka y'indege mu 2014.

Dr. Myles Munroe wabaye umwalimu wa Hubert Sugira Hategekimana yari umupasiteri, umwanditsi w'ibitabo byinshi bivuga ku miyoborere, kandi akaba umujyanama mu by'ubucuruzi n'ibindi.

Sugira ati 'Nakoranye na we hakaba hashize imyaka 10 baguye mu mpanuka y'indege yabo.'

Mu mugoroba wo kwibuka aba bombi hazaba hari umukobwa wabo, Charisa Munroe-Wilborn n'umugabo we Destry Wilborn ndetse.

Kujya muri uwo mugoroba wo kwibuka umuryango wa Dr Munroe ni ibihumbi 40 Frw muri Park Inn, abantu bakanagenerwa amafunguro.

Hategekimana yahamije ko ibiganiro bivuga ku buryo umuntu yagira ubuzima bufite intego biteganyijwe tariki 7 Nzeri 2024, kuva saa Tatu kugeza saa Munani n'Igice (10h00-14h30') muri Park Inn hotel.

Ati 'Ni ibiganiro birimo kuvuga ku ntego y'ubuzima, kumenya intego y'ubuzima bwawe, kumenya uburyo ubwo bumenyi bw'intego y'ubuzima bwawe wabizana mu kazi ka buri munsi yaba ari ubushabitsi bwawe cyangwa umwuga ukora, ibyo byose tukabihuza n'umuryango.'

Kwinjira muri ibi biganiro ni ibihumbi 30 Frw, ariko abashaka kujya mu bikorwa byombi bo bishyura ibihumbi 60 Frw.

Hategekimana yavuze ko abantu b'ingeri zose bararitswe baba ingaragu n'abashatse kuko ibiganiro bizahatangirwa bazabyungukiramo ubumenyi buzatuma bagira ubuzima bwiza.

Ati 'Niba utarubaka uzamenya uburyo wakubaka urugo rwubakiye ku ntego z'ubuzima bwawe, niba wubatse ufite urugo wamenya uburyo urugo rwawe urubamo ugendeye ku ntego y'ubuzima bwawe. Nta muntu uhejwe rwose. Uhagera wese azahava afite akabando kazamwigiza imbere mu buzima, waba ufite akazi cyangwa uri kugashaka, ufite ubucuruzi uzavanamo zimwe mu mfunguzo zigufasha kuba mu buzima bufite intego no kugira umuryango mwiza.'

Uretse Hubert Sugira Hategekimana uyobora ibiganiro hazaba harimo Charisa Munroe-Wilborn n'umugabo we Destry Wilborn. Charisa Munroe ni umwe mu bajyanama beza, umutoza wabihuguriwe kandi akanagira icyemezo cy'umujyanama w'imibereho ku bantu ku giti cyabo n'imiryango bafite ibibazo byaba ibyo mu ngo, kutagira icyerekezo n'ibibazo byo mu mutwe.

Uyu mukobwa wa Dr. Myles Munroe na Ruth Munroe yatsinze amakuba yamugwiriye, abera icyitegererezo abandi.

Charisa kandi azaba ari kumwe n'umugabo we Destry Wilborn, wahoze ari umugenzacyaha ubu uri mu kiruhuko cy'izabukuru. We yiyeguriye ibikorwa byo kugira inama ingimbi aziteguramo kuzaba abagabo bisobanukiwe neza kandi bafite icyerekezo gihamye.

Hazaba hari Pastor Sheena Pinder na Charlie Masala wo muri Afurika y'Epfo, ni umwanditsi, umujyanama mu by'icungamari akaba n'Umuyobozi Mukuru wa Munroe Global-Africa