Category: Uncategorized

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe, uwo kuramya no guhimbaza Imana ndetse n’abakora umuziki gakondo bose bakoze mu nganzo.

Mu ndirimbo ziri ku ruhembe harimo iyitwa 'Plenty' ya The Ben yamaze gushyira hanze mu buryo bw'amagambo [Lyrics Video] mu gihe byitezwe ko aya nyayo azajya hanze mu bihe bya vuba.

Ni indirimbo yasohokeye ku munsi umwe ndetse no mu masaha amwe n'iya Bruce Melodie yakoranye n'umuhanzi w'umunya-Kenya, Bien bise 'Iyo Foto.'

Mu ndirimbo nshya zagiye hanze mu mpera z'icyumweru gishize ndetse no muri iki cyumweru, InyaRwanda yaguhitiyemo 10 gusa zagufasha guherekeza neza Nzeri ndetse zikanakwinjiza neza mu kwezi k'Ukwakira.

Muri izi ndirimbo harimo iyahuriwemo n’abahanzi benshi ba Gospel ari yo “Turaje”, bikaba byitezwe ko bazanayiririmba muri “Rwanda Shima Imana” izaba ku Cyumweru tariki 29 Nzeri 2024 muri Stade Amahoro.

1.     Iyo Foto — Bruce Melodie ft Bien

“>

2.     Plenty — The Ben

“>

3.     Luv Again — Confy

“>

4.     Turaje — Rwandan Worshippers

“>

5.     Mbali – Chiboo

“>

6.     Need Me — Rita Ange Kagaju ft Kivumbi King

“>

7.     Stuck — Fifi Raya

“>

8.     Days & Night — Kevin Klein ft Shemi

“>

9.     Ngumirize Nigine Imana

“>

10. Forever — Jado Sinza ft Esther

“>

11. Yesu Kristo — Zikama Tresor

“>

12. Dai Neno La Mungu — Healing Worship Team Rwanda

“>

13. Shimwa Yesu — Siloam Choir/ ADEPR Kumukenke

“>

14. Amatiku — Yee Fanta

“>

15. Ubuzima — Addy D'afrique

“>
  

Gereza ni mbi yo gatsindwa ariko kandi habayo abantu. Mu Rwanda izwi cyane ni iya Nyarugenge, kubera ubwinshi bw'abayifungiyemo n'amateka yayo. Inzego zibishinzwe zarabisuzumye, zihindura n'iyo nyito iva ku kuba gereza yitwa igororero

Nta wamenya neza ubuzima bw'ibiberamo kurusha Eric Nshimiye wabubayemo ndetse akaba n'Umuyobozi w'Umurenge w'Igororero rya Nyarugenge kugeza ubwo yafungurwaga muri Mutarama 2023.

Nshimiye yinjiriye muri gereza yahoze ari iya Kimironko, mbere yo guhuzwa n'iya '1930' bikitwa 'Nyarugenge' cyangwa se Mageragere nk'uko bamwe bayizi.

Mu kiganiro na IGIHE, yavuze ko umuntu ucyinjira muri gereza aba yihebye, icyizere cyo kubaho kiri hafi ya ntacyo.

Ati 'Ni ubuzima bukwiriye gutinywa kuko utabutinye waba udatinya ikibi ariko iyo wisanze amategeko yakugonze, ugira impungenge z'aho ugiye. Abantu baba muri gereza ni abantu bafungiye ibyaha bitandukanye, uhita utangira gutekereza ko utari buharare ariko iyo wagezemo usanga bitandukanye n'ibitekerezo wari ufite.'

Abari muri gereza uwinjiye mushya bavuga ko avuye mu gihugu, bo babyita ko bari i Madrid muri Espagne n'ibindi.

Imibare igaragaza ko Igororero rya Nyarugenge ricumbikiye abasaga ibihumbi icyenda, biganjemo abagabo nubwo n'abagore bahafungirwa. Nibura 75% by'abahafungiwe ni urubyiruko.

Nshimiye avuga ko na we yinjiyemo ari urubyiruko, byumvikane ko ingorane za bagenzi be ari na bo benshi bahafungiye azumva neza.

Icya mbere cyamutunguye akigeramo, ni imiyoborere ijya gusa n'iba mu buzima busanzwe.

Ati 'Gereza yose yitwa Umurenge. Bambwiye ko babikoze mu gusanisha kugira ngo n'abantu bamaze igihe muri gereza barimo abahamijwe icyaha cya Jenoside, na bo bigishwe imiyoborere y'igihugu cyacu, kugira ngo nibiba ngombwa ko asoza ibihano ntazumve Umurenge, Akagari, Umudugudu, Isibo ngo yumve ari ibintu bishyashya.'

Nshimiye avuga ko kimwe mu bifasha abantu kubaho batuje muri gereza, ari ukubaha amategeko n’amabwiriza

Nyuma y'iminsi bageze i Mageragere, Nshimiye yatoranyijwe kuba Gitifu cyangwa se Umunyamabanga Nshingwabikorwa w'Umurenge wa Gereza, ahabwa kuyobora iyo mbaga isaga ibihumbi icyenda.

Ni inshingano avuga ko zitari zoroshye ariko yashobojwe n'uburyo inzego z'aho zubatse kuko aba afite abandi bamwungirije batuma akazi kagenda neza.

Ati 'Hariya hari Gitifu w'Umurenge, abamwunganira bayoboye amashami ndetse n'inama njyanama. Hari nk'Ishami ry'Imibereho myiza, Ishami ry'Ubutabera, Isuku n'Isukura n'Umutekano. Nyuma y'umurenge habamo n'utugari, hari utugari 21 tw'abagabo n'akagari kamwe k'abagore.'

Yakomeje agira ati 'Akagari kamwe kagira abaturage bari hagati ya 500 na 550, hakabamo imidugudu. Buri kagari kagira imidugudu ine, hanyuma mu midugudu hakabamo Amasibo.'

Gitifu w'Umurenge wa gereza n'abamwungirije bagira ibiro bakoreramo akazi kabo ka buri munsi. Ako kazi ni ugukurikirana ibibazo by'abagororwa, nko kumenya abafite indwara, abakeneye ubufasha, abazaburana, umutekano n'ibindi.

Nshimiye yavuze ko buri munsi inzego z'umurenge ziterana mu gitondo mu nama mpuzabikorwa, bagahana amakuru y'ibibazo bihari n'uburyo byakemurwa.

Gereza mu yindi ku nkozi z'ibibi

Umunyarwanda yaciye umugani ko 'ahari abantu hatabura urunturuntu'. Mu mbaga y'abantu ibihumbi icyenda, abanyamakosa ntibabura.

Nshimiye yavuze ko kimwe mu bintu babwira umuntu mushya winjiye muri gereza, ari ukwirinda amakosa n'ibindi byaha kuko nubwo baba bafunze, hari ibindi bihano.

Ati 'Urugero ntibyemewe ko umugororwa yakubita mugenzi we. Iyo bigenze gutyo ubuyobozi bwa gereza buhamagaza ubugenzacyaha, icyaha kikagenzwa na cyo ukagikurikiranwaho.

Birashoboka ko wakorera icyaha muri gereza. Umunyamategeko wa gereza ashobora kwitwa umugenzacyaha ariko iyo bimurenze dosiye ayishyikiriza RIB igakora iperereza, cya cyaha ukagikurikianwaho mu rukiko.'

Mu gihe ikosa umugororwa yakoze ridakabije ku buryo yajya mu rukiko, ubuyobozi bwa gereza bufite ahantu hihariye hagenewe gufungira abanyamafuti mu gihe runaka, akaba akuwe mu bandi.

Uwahamijwe icyaha yakoreye muri gereza, igihano cyongerwa ku cyo asanganywe.

Nubwo bamwe bahagera bakigunga, Nshimiye avuga ko muri gereza haba harateganyijwe ibikorwa by'imyidagaduro bitandukanye nk'imikino, imbyino n'ibindi.

Abakunda kureba televiziyo, sinema, indirimbo n'ibindi na bo bagira umwanya ku nsakazamashusho zitandukanye ziba zarashyizwemo, gusa ibyo bareba byose bikabanza kwemezwa n'ubuyobozi.

Mu gihe mu gihugu habaye imihango ikomeye, abagororwa bose bahurizwa hamwe bakayikurikira imbonankubone, kugira ngo bamenye aho gahunda z'igihugu zigeze. Ni na ko bigenda mu gihe cy'amakuru, bose basabwa kujya kuyakurikira.

Icyifuzo cyo gutera akabariro….

Mu bihugu bimwe na bimwe nka Leta Zunze Ubumwe za Amerika, hari aho umugororwa ashobora gusaba guhabwa umwanya, we n'uwo bashakanye bakaba batera akabariro ahantu habugenewe.

Biba mu gihe umwe afunzwe azira ibyaha runaka, na ho undi akaba ari mu buzima busanzwe.

Bikorwa mu kwirinda ko imiryango ishobora gusenyuka cyangwa hakaba habaho gucana inyuma. Binafasha ufunzwe cyangwa ufite uwe wafunzwe gukomeza kwiyumvamo uwo bashakanye.

Mu Rwanda ntabwo byemewe ko uwafunzwe akora imibonano mpuzabitsina n'uwo bashakanye. Ni ingingo yakunze kutavugwaho rumwe ndetse ikanashingirwaho, bamwe bavuga ko urugo rugize ibyago umwe mu bashakanye agafungwa, byongera ibyago byo gusenyuka.

Nshimiye yabwiye IGIHE ko akurikije imyaka yamaze ayoboye bagenzi be, icyo gitekerezo gishyizwe mu bikorwa byakemura byinshi.

Ati 'Iyo ufunzwe uba uzi ko utemerewe gukora imibonano mpuzabitsina, rimwe na rimwe bifite uko bikora ku bwonko ko hari ikintu wabujijwe kandi wari umenyereye gukora. No hanze uwo usize uba umufitiye impungenge […] bifite ukuntu bikora ku bwonko, bikaba byasenya kurusha uko byakubaka.'

'Nzi neza ko bishobora kuzagera igihe bigakunda nk'uko no kujya gushyingura uwawe ubu byakunze. Ku ruhande rwanjye mbona ko byafasha.'

Nshimiye kandi atanga inama zo kongera gahunda zifasha abafunzwe cyane cyane mu kubongerera ubumenyi mu bijyanye n'imyuga n'ubumenyingiro, ndetse amagororero agashaka amasoko hirya no hino y'ibijyanye n'ibyo abagororwa bazi.

Yavuze ko byakorwa mu buryo n'umugororwa ajya agira amafaranga runaka ajya kuri konti ye mu gihe hari igikorwa yakoze cyinjiriza igororero bivuye ku bumenyi afite, bikaba byatuma benshi babaho bafite icyizere cy'uko bagifitiye akamaro sosiyete, no mu gihe barekuwe ntibahere ku busa.

Mu magororero haba ibikorwa bitandukanye bigamije gufasha abafungiyemo kugira icyizere cy’ejo hazaza

Kuri uyu wa Gatanu tariki 27 Nzeri 2024, Minisiteri y’Ubuzima yatangaje ko mu Rwanda hagaragaye abarwayi bake barwaye indwara y’umuriro mwinshi iterwa na virusi ya Marburg. Mu bimenyetso by’iyi ndwara harimo umuriro mwinshi, umutwe ukabije, kuruka, kuribwa mu mitsi cyangwa kuribwa mu nda.

Ni ubutumwa bukubiye mu itangazo iyi Minisiteri yashyize hanze rivuga ko hamaze no gushyirwaho ingamba zo kwirinda no guhangana n’indwara y’umuriro mwinshi iterwa na Virus ya Marburg. Yavuze ko hamaze kuboneka abarwayi bacye bafite ibimenyetso by’iyi ndwara mu bitaro bitaro bitandukanye mu gihugu.

MINISANTE yavuze ko ku bw’iyo mpamvu hashyizweho ingamba zo kuyirinda no kuyikumira mu bitaro no mu bigo nderabuzima bitandukanye. Hatangiye kandi igikorwa cyo kumenya abagiye bahura n’abagaragaweho n’iyi Virus, mu gihe abarwayi bakomeje kwitabwaho n’abaganga.

Minisiteri y’Ubuzima yanatangaje ko “Iyi ndwara ikwirakwizwa no gukora ku maraso n’amatembabuzi y’abantu bayirwaye. Ntabwo ikwirakwizwa binyuze mu mwuka”.

Yakomeje ivuga ko uwo ari we wese wagaragaza ibimenyetso byayo ari byo kugira umuriro mwinshi, umutwe ukabije, kuraka, kuribwa mu mitsi, cyangwa kuribwa mu nda, “yahamagara Ikigo cy’Igihugu Gishinzwe Ubuzima [RBC] kuri nimero 114 cyangwa akegera ivuriro rimwegereye”.

Minisiteri y’Ubuzima yatangaje ko ikomeje gukurikiranira hafi iki kibazo kandi ikaba ikomeza kugeza ku baturarwanda amakuru ajyanye n’iyi ndwara. Yavuze ko abaturage basabwa gukomeza imirimo yabo birinda kandi bakaza ingamba z’isuku.

Itangazo ryaturutse muri Minisiteri y’Ubuzima kuri uyu wa Gatanu

Byinshi wamenya kuri Virusi ya Marburg nk’uko bikubiye mu nkuru twakoze mu 2023

Ishami ry’Umuryango w’Abibumbye ryita ku buzima, OMS, rivuga ko virusi ya Marburg yamenyekanye bwa mbere mu 1967 mu gihugu cy’u Budage mu mujyi wa Marburg yica abantu 7. Kubera ko ari ho yagaragaye bwa mbere niyo mpamvu yiswe Marburg ndetse yageze no muri Frankfurt mu Budage, icyo gihe yanageze mu mujyi wa Belgrade muri Selbia.

Ubwo yageraga muri Marburg icyo gihe yagejejweyo n’inkende zakuwe mu gihugu cya Uganda zikajyanwa muri icyo gihugu. Ni virusi yibera mu ducurama two mu bwoko bwa Fruit bat, abantu bakunze kujya gucukura mu bisimu no buvumo igihe barimo gucukura amabuye y’agaciro iyo batinzeyo bakagera ahari utwo ducurama barayandura nabo bakayanduza abandi.

Iyi ndwara yandura biturutse mu matembabuzi ndetse no gukora ku wanduye iyi virusi. Iyo virusi umuntu ashobora no kuyandura mugenzi we binyuze mu matembabuzi ava mu mbiri nk'inkari, amacandwe, amaraso, amavangingo no kuryamana n'umuntu wamaze kuyandura.

Ni gute wamenya ko umuntu yanduye Marburg?

Uwanduye iyi virus agira umuriro w’igikatu, aribwa umutwe ndetse akababara ingingo. Nyuma y’iminsi ayanduye, agaragaza ibindi bimenyetso birimo kuruka, kuva amaraso no kuribwa mu nda cyane. Isura ye maso igahindana, agacika intege, akava amaraso menshi ku buryo apfa mu minsi 9 ayanduye kubera ko amaraso ashobora kumushiramo. Iyo virusi ishobora kwica 1/2 cy’abayanduye.

Ni gute Marburg ivurwa?

Iyi ndwara nta muti wihariye igira ndetse nta rukingo rwayo. Kuyivura hakoreshwa ubuvuzi bwo kongerera amaraso ingufu mu mubiri (Imunotherapie). Uyirwaye kandi ahabwa ibintu byo kunywa byinshi kandi ashobora kongererwa amaraso yatakaje, niyo mpamvu uwayanduye agomba kwihutira kujya kwa muganga.

Icyo abantu basabwa kugira ngo bakumire iyo virus

Abantu basabwa kwirinda kurya no gukora ku nyama zivuye mu ishyamba, bagomba kwirinda gukora ku ngurube n’inkende kuko nabyo biyikwirakwiza. Uwigeze kwandura iyi virusi agomba kwirinda gukora imibonano mpuzabitsina adakoresheje agakingirizo kuko nubwo yayikira ashobora kuyanduza.

Kugira ngo uwanduye akore imibonano mpuzabitsina adakoresheje agakingirizo, bisaba ko hapimwa amasohoro ye nibura kabiri mu gihe cy’umwaka basanga iyo virusi itakirimo akareka gukoresho agakingirizo.

Ibihugu byo muri Afurika y’Iburasirazuba yagaragayemo ni RDC aho yishe abantu 128 mu bayanduye 154, muri Kenya na Uganda naho icyo cyorezo kigeze kuhagera. Icyo cyorezo kigeze kwibasira Igihugu cya Angola aho mu bantu 374 bayanduye, hapfuyemo 329.

Mu 2023 byavuzwe ko iyi ndwara yagaragaye muri metero 300 uvuye ku mupaka wa Rusomo, ariko ntiyari yakageze mu Rwanda. Umuyobozi w’ibitaro by’Akarere ka Kirehe, Dr Munyemana Jean Claude, yabwiye InyaRwanda ko abakozi b’ibitaro ayobora batangiye gukangurira abaturage kwirinda no gukumira icyo cyorezo.

Amakuru avuga ko Marburg ari virusi mbi kuko yica hafi 88% by'abayanduye. Bisaba gusa iminsi hagati y'umunani n'icyenda kugira ngo uwayanduye atangire gukenera kongererwa amaraso. Ubusanzwe abahanga bagaragaza ko ishobora gukwirakwizwa binyuze mu ducurama, inkende n'ingurube.

Mu Rwanda hagaragaye abarwayi bafite ibimenyetso bya Virus ya Marburg

Abahanga bavuga ko Virus ya Marburg ari virusi mbi kuko yica hafi 88% by'abayanduye

Ni urutonde rwakozwe na The Business of Fashion [BoF]. Ni ku nshuro ya mbere u Rwanda rwinjiyeho.

Mbonyumutwa ari kumwe n'abandi bantu batandukanye bakomeye ku Isi nka Thomas Plantenga washinze Vinted, abahanzikazi Aya Nakamura na Tyla, Chemena Kamali uri mu bayobozi b'inzu y'imideli ya Chloé, Umunya-Kenya Wandia Gichuru washinze Vivo Fashion Group n'abandi batandukanye bakomeye.

Maryse Mbonyumutwa yashyizwe kuri uru rutonde kubera guhanga imideli iterekana ubuhanga bwa Afurika gusa, ahubwo no kugira uruhare runini mu nganda zashinzwe ku Mugabane wa Afurika wose.

Ikindi kandi ni ukuba yaratangije uruganda rwa C$D Pink Mango rukora imyenda yoherezwa mu mahanga ruherereye mu cyanya cy'inganda i Masoro, rwafashije mu guhanga imirimo itandukanye rukanafasha mu gutanga umusanzu ku hazaza heza h'imideli ya Afurika.

Asantii ni igitekerezo cyatangijwe na Mbonyumutwa Mukangabo Maryse. Ifite intego zo guteza imbere uruganda rw'imideli rwa Afurika rukabasha guhangana ku rwego mpuzamahanga.

Ihuriyemo abahanga imideli 14 bo mu bihugu 12 bya Afurika. Barimo Amal Belcaid (Maroc), Martin Kadinda (Tanzanie), Toni Grace (Rwanda), Soraya de Piedade (Angola), Emmanuel Okoro (Nigeria) n'abandi.

Ifite amaduka y'imyenda ahantu hatandukanye harimo u Bubiligi, Nigeria, Côte d'Ivoire, Ghana, u Rwanda, Amerika n'u Bwongereza.

Mu mwaka ushize, Asantii yegukanye igihembo muri Ethiopia kubera ubuhanga bwakoranywe imyambaro yaserukanye mu birori by'imideli byabereye muri iki gihugu.

Muri Werurwe uyu mwaka nabwo Asantii yegukanye igihembo cy'uko mu bikorwa byayo ishyira imbere kurengera ibidukikije no kwita ku bakozi bayo mu buryo bwose bushoboka.

Iki ni igihembo yahawe ihigitse ibindi bigo by'imideli bisaga 760 byo hirya no hino ku Isi byari byatumiwe n'Ikigo Showroom Etc. Muri ibi bigo Asantii yatoranyijwe mu bigo bitanu bituruka muri Afurika byerekanye imyambaro yabyo muri Coterie New York, isanzwe yerekanirwamo imyambaro iturutse hirya no hino ku Isi.

Maryse Mbonyumutwa yashyizwe mu bantu 500 bavuga rikijyana mu bakora mu ruganda rw’imideli ku rwego rw’Isi

Uyu mugore ari ku rutonde rwakozwe na The Business of Fashion

Uyu muhango wabereye i New York muri Leta Zunze Ubumwe za Amerika ahateraniye Inama y'Inteko Rusange ya Loni.

Minisitiri w'Ububanyi n'Amahanga n'Ubutwererane, Amb Olivier Nduhungirehe abinyujije kuri rukuta rwa X yagize ati 'ku wa 25 Nzeri 2024 nitabiriye umusangiro wateguwe na Perezida Joe Biden n'umufasha we Madamu Jill Bien i New York, aho bakiriye abakuru b'ibihugu n'abayoboye amatsinda ahagarariye ibihugu bitabiriye Inteko Rusange ya Loni ya 79.'

On Wednesday 25 September 2024, I attended in New York a reception organized by H.E. @POTUS and H.E. @FLOTUS for Heads of State and Heads of Delegation attending #UNGA79.

🇺🇲🇷🇼 pic.twitter.com/pIhP7ANL12

— Olivier J.P. Nduhungirehe (@onduhungirehe) September 27, 2024

Abakuru b'ibihugu n'aba za guverinoma, n'abayobozi bahagarariye abakuru b'ibihugu bose bitabiriye inama bari batumiwe uretse Minisitiri w'Intebe wa Georgia, Irakli Kobakhidze ubutumire bwe bwahise bukurwaho.

Ubutegetsi bwo muri Georgia bwatangaje ko itsinda ry'abaherekeje Minisitiri w'Intebe na ryo nta muyobozi wa Amerika ryigeze ryemererwa kugirana na we ibiganiro.

Ibinyamakuru byo muri Georgia byagaragaje ko kudatumirwa byaturutse ku bikorwa by'ubutegetsi bw'iki gihugu bibangamira demokarasi, gukwirakwiza ibihuha no kwifuriza inabi Amerika n'Uburengerazuba bw'Isi muri rusange.

Amerika n'ibihugu byo mu Burengerazuba bw'Isi bishinja ubutegetsi bwa Georgia gukoresha igitugu no gukorera mu kwaha k'u Burusiya.

Minisitiri Amb Nduhungirehe, Perezida Joe Biden na Madam Jill Biden bafashe ifoto y’urwibutso

Abagabo bashinjwa kwiba ibi biryo ni umuzamu wo kuri iri shuri ndetse n'umutetsi, bivugwa ko bibye iri shuri mu ijoro ryo kuwa 23 Nzeri. Mu byo bibye harimo ibiro 260 by'ibishyimbo, Litiro 61 z'amavuta ndetse n'umunzani.

Umunyamabanga Nshingwabikorwa w'Umurenge wa Muhura, Nayigizente Gilbert, yabwiye IGIHE ko aba bagabo batawe muri yombi bakekwaho gutwara ibi biryo by'abana ndetse ngo iperereza rirakomeje kugira ngo hamenyekane aho babishyize.

Ati “Bishe ingufuri bibamo ibiro 260 by'ibishyimbo na Litiro 61 z'amavuta n'umunzani wabipimaga, twabimenye rero bukeye twihutira gushakisha ababigizemo uruhare, bariya babiri rero nibo bakekwa. Ntabwo biragarurwa ariko iperereza rirakomeje kandi abana bari kurira ku ishuri nta kibazo gihari.”

Gitifu Nayigizente yasabye abayobozi b'amashuri kuba maso ku bubiko bw'ibiryo by'abanyeshuri baba bahawe na Leta kugira ngo hatazagira ubitwara. Yavuze ko kandi bagiye kongera ubugenzuzi mu kureba niba nta handi ibiryo by'abana byaba byaribwe cyangwa bigatwarwa. Kuri ubu aba bagabo bafungiye kuri sitasiyo ya Polisi ya Muhura mu gihe iperereza rikomeje.

Ishuri ribanza rya Rumuri ryibwe ibishyimbo n'amavuta

Umutoza w’ikipe y’igihugu Amavubi, Frank Spittler yamaze guhamagara abakinnyi 39 agomba gukuramo abo azifashisha mu mikino ibiri yo gushaka itike y’igikombe cy’Afurika cya 2025 izakinamo na Benin.

Ni urutonde rwagaragayeho abakinnyi babiri bashya barimo rutahizamu Kury Johan Marvin wa Yverdon Sports na Salim Abdallah wa Musanze FC.

Ni abakinnyi batarimo Hakim Sahabo wa Standard de Liège ukunzwe n’abanyarwanda cyane muri iyi minsi akaba yaravunitse, ntiharimo kandi abakinnyi nka Rafael York wa Gefle IF muri Sweden, Hakizimana Muhadjiri wa Police FC.

Mu bakinnyi bahamagawe hongeye kugaragaramo umunyezamu Buhake Clement wa Ullensaker/Kisa muri Norway ni mu gihe Maxime Wenssens udafite ikipe yasigaye.

Tariki ya 11 Ukwakira 2024 u Rwanda ruzasura Benin bakinire muri Côte d’Ivoire ni mu gihe tariki ya 15 Ukwakira ruzakira Benin. Ni mu itsinda D ryo gushaka itike y’igikombe cy’Afurika cya 2025.

Kugeza ubu nyuma yo kunganya na Libya na Nigeria, u Rwanda ni urwa 3 n’amanota 2, Benin ni iya 2 n’amanota 3, Nigeria iyoboye n’amanota 4 mu gihe Libya ari iya nyuma n’inota 1.

Frank Spittler akaba yamaze gushyira hanze urutonde rw’agateganyo rw’abakinnyi 39 azifashisha kuri iyi mikino.

Abakinnyi 39 bahamagawe

Abanyezamu: Ntwari Fiacre (Kaizer Chiefs), Buhake Clement (Ullensaker/Kisa), Hakimana Adolphe (AS Kigali), Muhawenayo Gad (Gorilla FC) na Niyongira Patience (Police FC FC)

Ba Myugariro: Omborenga Fitina (Rayon Sports), Byiringiro Gilbert (APR FC), Ishimwe Christian (Police FC), Niyomugabo Claude (APR FC), Imanishimwe Emmanuel Mangwende (AEL Limassol), Mutsinzi Ange Jimmy (FK Zira), Manzi Thierry (Al Ahli Tripoli), Niyigena Clement (APR FC), Nsabimana Aimable (Rayon Sports), Nshimiyimana Yunusu (APR FC), Hirwa Jean de Dieu (Bugesera FC)

Abakina Hagati: Bizimana Djihad (Kryvbas), Ruboneka Bosco (APR FC), Iradukunda Simeon (Police FC), Mugisha Bonheur Casemiro (AS Marsa), Nkundimana Fiabio (Marines), Rubanguka Steve (Al Nojoom) na Ngabonziza Pacifique (Police FC)

Ba Rutahizamu: Mugisha Gilbert (APR FC), Kevin Muhire (Rayon Sports), Kabanda Serge (Gasogi United), Samuel Gueulette (Raal La Louvière), Mbonyumwami Taiba (Marines), Nshuti Innocent (One Knoxville SC), Gitego Arthur (AFC Leopards), Kwizera Jojea (Rhode Island), Niyibizi Ramadhan (APR FC), Salim Abdallah Musanze FC), Ishimwe Anicet (Olympique de Beja), Mugisha Didier (Police FC), Iraguha Hadji (Rayon Sports), Biramahire Abeddy (Clube Ferroviário De Nampula), Tuyisenge Arsene (APR FC), Dushimimana Olivier (APR FC) na Kury Johan Marvin (Yverdon Sports)

Johan Marvin Kury yahamagawe bwa mbere

Amavubi yahamagawe

Bageze muri uriya mujyi mu ijoro ryo kuri uyu wa Kane tariki 26 Nzeri 2024, ni mu gihe bitegura kuhataramira ku Cyumweru tariki 29 Nzeri 2024.

Ni ubwa mbere bombi bagiye guhurira ku rubyiniro nyuma yo gukorana indirimbo yamamaye cyane igaruka ku gusingiza no gushima Imana bise 'Niyo Ndirimbo'.

Bateregejwe n'ibihumbi by'abantu binyuze mu bitaramo bigiye kuba ku nshuro ya mbere Meddy yise 'Night of Worship and Testimonies'. 

Bizagera mu Mujyi itandukanye yo muri Amerika, mu rwego rwo kugaragaza uburyo Meddy yakiriye agakiza, no guhamagarira cyane cyane urubyiruko kurushaho gushaka Imana.

Adrien Misigaro yabwiye InyaRwanda ko bakiriwe n'abantu banyuranye babafashije gutegura biriya bitaramo muri Leta ya Maine, ndetse biteguye gufasha benshi kumva neza impamvu yo kwamamaza ingoma y'Imana no kurangamira ijuru.

Adrien Misigaro asobanura ko agiye gukorana na Meddy muri ibi bitaramo yateguye 'agamije gusangiza abantu ubuhamya bwe bujyanye n'ukuntu yakijijwe.'

Ati 'Nk'umuntu ukorana nawe bya hafi ngenda mufasha muri ibyo bikorwa bitandukanye. Ariko gahunda irategurwa na Meddy mu rwego kugira ngo agende asangiza abantu Yesu yamenye, urabona ko izina rya Meddy ari rinini cyane, hari abantu benshi batarasobanukirwa uko yakiriye agakiza.

Hari abantu baba babyumva, bakumva ni ibintu biri aho bidafashe, ariko arifuza gukoresha uyu mwanya kugirango asangize abantu Yesu yamenye. Mbese ni amahirwe yo kubwira urubyiruko n'abandi bashaka kwakira Yesu kugirango nabo baze bakizwe.'

Adrien Misigaro yavuze ko ibi bitaramo bizarangwa no gutaramira abantu, gutanga ubuhamya, no gufasha abashaka kwakira Yesu nk'umwami n'umukiza.

Akomeza ati 'Tuzakomereza no mu zindi Leta zitandukanye. Kandi nziko hari abantu benshi bazakizwa binyuze muri ibi turi gukora. Meddy rero yansabye ko twaza tugafatanya, kandi ni n'ubwa mbere tuzaba duhuriye ku rubyiniro nyuma yo gukorana indirimbo, kuko twari turatabona umwanya. Rero, biranshimishije kuba tugiye gusangiza abantu aho indirimbo yavuye, uko yaje, n'icyo isobanura ku buzima twacu twembi.'

Adrien aherutse gusohora amashusho y'indirimbo yafatiwe mu rugo rwe, mu rugendo rwo kwagura ivugabutumwa rye, aho atumira abantu banyuranye bakaramya. Ni ibikorwa ashaka kurenza iwe, akabigeza no mu zindi Leta, agamije gufasha kuramya Imana no kuyihimbaza.

Ati 'Ni ikintu rwose Imana yanshyize ku mutima, kandi ndashimira ko kibera mu rugo iwanjye, mu rwego rwo kugirango ibihe byo kuramya bikomeze.'

Mu kiganiro aherutse kugirira ku rubuga rwa Instagram, Meddy yavuze ko ahamanya n'umutima we ko atatengushye abamukunze mu ndirimbo z'Isi zizwi nka 'Secular', kuko n'ubundi yasanze nta rukundo rw'ukuri bafite.

Ati 'Ubwo nari ntangiye ibyo kureka umuziki wa secular, hari abantu bamwe bavugaga ngo Meddy yaradutengushye. Naravuze nti bavandimwe ibyo simbyitayeho. Nabayeho ubuzima bwanjye nshimisha abantu, na bo bakigira nk'aho bankunze.'

'Nabayeho muri ubwo buzima kandi mu by'ukuri ntabwo wabaho gutyo ubuzima bwawe bwose, ugomba kubaho ubuzima bufite igisobanuro. Abantu bavuga ko bagukunda ntabwo baba bagukunze, bakugukunda kubera ko hari ikintu wabakoreye kibashimisha.'

Yakomeje agira ati 'Nabonye byinshi ntacyo ntabonye, nabonye abakobwa barira bati turagukunda. Naje gusanga ibyo byose babikoreshwa n'amarangamutima. Ni ukwikunda, si urukundo nyakuri.'

Yumvikanishije ubuzima yabayemo mbere yo kwakira agakiza, bwamuhaye ishusho y'uko uwo mwahoze muri inshuti, yahinduka umwanzi wawe mu gihe gito.

Yumvikanishije ko hari abo bahoze ari inshuti, bamuvuga nabi uko bishakiye mu bihe bitandukanye. Kandi ntashaka kubaho ubuzima bushimisha bose.

Ati 'Ibaze kubaho mu buzima aho abantu bagukunda uyu munsi ejo bakaba abanzi! Ndi urugero rwiza kuko hari abamvuze neza mu buzima kandi abo ni bo bandwanya, hari abo twatangiranye ariko ubu ni bo banzi banjye ba mbere. Abamvuga nabi ubu twahoze turi inshuti.' 

Meddy [Uwa Gatatu uvuye iburyo] yagaragaje ko ibi bitaramo bizagera mu Mujyi inyuranye muri Amerika

Meddy [Uwa kabiri uri ibumoso] yateguye ibi bitaramo agamije gufasha abantu gusobanukirwa uko yageze ku kwakira agakiza

Adrien yatangaje ko bakiriwe n’abantu banyuranye bari kubafasha mu kwitegura iki gitaramo cy’ivugabutumwa

Adrien Misigaro [Uwa kabiri ubanza ibumoso] ari kumwe n’abakobwa bamwakiriye muri Leta ya Maine mu bitaramo by’ivugabutumwa

KANDA HANO UREBE AMASHUSHO Y’INDIRIMBO ‘NIYO NDIRIMBO’ YA MEDDY

Ni igikorwa cyabaye kuri uyu wa Kane tariki 26 Nzeri 2024, kibera ku kigo cy’amashuri giherereye ku rusengero rwa Eglise Methodiste ruri i Gikondo. Muri iki kigo, niho hanakorera umuryango wa Organisation A-Bato, usanzwe ukurikirana aba bana 28 bafashwa na Canal+.

Nk’uko bitangazwa na Mukamakuza Therese, Umuyobozi wungirije wa Organisation A-Bato, avuga ko nyuma yo kugirana umubano na Canal+ hari byinshi byahinduye ku bana bareberera.

Mukamakuza yemeza ko ubufasha Canal+ iha abana, butuma biga bafite icyizere, ndetse bikanorohereza ababyeyi babo. Yemeza ko kuba Canal+ ifasha abana igatekereza no kubabyeyi ari ikintu cyiza cyo kubashimira.

Akomoza ku gisobanuro cy’ubu bufasha bamaze imyaka 4 bakira yagize ati: “Bivuze ikintu gikomeye cyane kuko aba bana dufasha nka Organization A-Bato, ni abana baturuka mu miryango ikennye. Bivuze rero ko iyo ufashije umwana kwiga, uba uri kumuha ubuzima. 

Ubwo ni ubufasha buzahoraho bw’igihe kirekire butuma umwana ashobora kwigira, ndetse akazafasha n’ababyeyi be mu gihe kizaza. Ni ubufasha bukomeye, busumba ubundi bufasha bwose abantu bashobora kubona.”

Yakomeje avuga ko kuba Canal+ ikora ubucuruzi ariko ikagira n’ibindi bikorwa ikora bigirira umumaro Sosiyete Nyarwanda, bisobanuye ubumuntu kubera ko mu bucuruzi bwabo bazirikana no gufasha abantu cyane cyane abatishoboye.

Ati: “Turashimira ubu buryo Canal+ ikoresha kuba icuruza, ariko ikibuka no gufasha abantu bakennye. Ni ibintu by’agaciro gakomeye cyane kandi bituma bunguka. Aba babyeyi n’abana bafasha, imigisha babasabira ituma bunguka buri gihe no mu bucuruzi bakora. Duhora tubibashimira kuko babikoze imyaka 4 kandi babikora neza.”

Yashimiye kandi Canal+ ku budasa yihariye bwo kudakorera mu biro gusa ahubwo ifata n’umwanya ikaza gusura aba bana n’ababyeyi ifata, aho ibasha no kwibonera umusaruro ufatika w’ubufasha itanga.

Umwe mu babyeyi bafite abana babarizwa muri uyu muryango, Twagirimana Nicole, yabwiye InyaRwanda ko mbere y’uko Canal+ itangira kubatera inkunga bari mu buzima bugoye ku buryo kubona amafaranga y’ishuri y’abana byari ingorabahizi.

Ati: “Twari mu buzima bubi kubera ikibazo cyari ‘Minerval,’ byari bigoranye cyane, ariko aho badufashirije ibintu byaroroshye. Ndabashimira, aho baba bakuye Imana ijye ibakubira 7, ikomeze no kubongerera imigisha mu byo bakora.”

Nduhijabagabo Emmanuel na we afite umwana muri Organisation A-Bato, yunze mu rya mugenzi we ashimangira ko mbere byari bigoye cyane kubona ubushobozi bwo kujyana abana ku ishuri.

Umuyobozi ushinzwe ubucuruzi ku rwego mpuzamahanga muri Canal+, Adrien Boureau yavuze ko nka Canal+ bizera ko kugira uruhare mu iterambere rya sosiyete bakoreramo ubucuruzi bwabo, ari ikintu cy’ingenzi cyane. Iki ni igikorwa bakora mu bihugu binyuranye by’Umugabane wa Afurika, binyuze muri gahunda yabo bise ‘Canal+ Impact.’

Yashimangiye ko bakozwe ku mutima no kubona impinduka nziza ituruka mu byo bakora birimo no guhyigikira imyigire y’aba bana ndetse no guherekeza imiryango yabo muri urwo rugendo, atangaza ko batari mu Rwanda ku bw’ubucuruzi gusa.

Ati: “Ntabwo turi hano gusa kugira ngo dukore ubucuruzi, ahubwo turi hano by’igihe kirekire kandi turifuza kubona impinduka nziza ku Baturarwanda.”

Yakomeje agira ati: “Iyi gahunda ntiteze kurangira ahubwo iri ni itangiriro. Twayitangiye mu myaka 4 ishize mu Rwanda, kandi nizeye ko izakomeza no mu myaka iri imbere.”

Organisation A-Bato, ni umuryango utari uwa Leta, ufasha abana cyane cyane abaturuka mu miryango ikennye. Mu bana benshi uyu muryango uafasha mu buzima bwa buri munsi, abagera kuri 28 nibo Canal+ isanzwe ifasha, aho hashize imyaka 4 ibamenyera buri kimwe kijyanye n’ishuri. 

Muri aba bana harimo abatangiye kugera no mu mashuri yisumbuye, aho Canal+ yemeye gukomeza kubafasha no muri icyo cyiciro.

Hashize imyaka 4 Canal ikorana n’umuryango A-Bato, aho bafasha abana kujya ku ishuri babaha ibikoresho ndetse n’amafaranga by’ishuri. Si ibyo gusa, kuko Canal+ ifasha n’ababyeyi b’aba bana kwiteza imbere, aho batangiye kwibumbira no mu matsinda mato abyara inyungu.

Canal+ yahaye abana ibikoresho binyuranye by’ishuri abana imaze imyaka ine ifasha, igenera ubufasha n’ababyeyi babo

Itsinda rya Canal+ ryakozwe ku mutima n’umusaruro mwiza uturuka mu bufasha batanga

Ababyeyi bafite abana babarizwa muri Organisation A-Bato bafashwa na Canal+ bavuze ko bishimira ko imibereho yabo imaze guhinduka biturutse ku bufasha bahabwa

Akanyamuneza kari kose ku bana bafashwa na Canal+

Ubu bari kwiga neza kuko bamaze kwishyurirwa amafaranga y’ishuri

Adrien Boureau ushinzwe ubucuruzi muri Canal+ yavuze ko hari icyizere ko iyi gahunda izakomeza gukorwa no mu myaka iri imbere 

Umuyobozi wungurije muri Organisation A-Bato, Mukamakuza Therese avuga ko ubufasha Canal+ iha aba bana bubaha icyizere bikanorohereza ababyeyi babo

Umwuka ntabwo ari mwiza hagati ya Shampiyona y’u Rwanda 'Rwanda Premier League' na Sosiyete y’Imikino y’Amahirwe ya Gorilla Games itera inkunga ibihembo by’abakinnyi bitwaye neza buri kwezi muri shampiyona ndetse ikaba yaranamaze kwandika isesa amasezerano.

Mu Kuboza 2023 ni bwo Rwanda Premier League na Gorilla Games basinyanye amasezerano y’imyaka 3 nk’abaterankunga bazajya bahemba abakinnyi n’abatoza bitwaye neza muri shampiyona buri kwezi ndetse no ku mwaka.

Ukwezi kurirenze shampiyona ya 2024-25 itangiye, gusa iyo uteye icyumvirizo usanga nta gahunda ihari yo guhemba abakinnyi bitwaye neza mu kwezi kwa 8 bitewe n’ibibazo biri hagati ya Gorilla Games na Rwanda Premier League.

Amakuru ISIMBI yamenye ni uko iyi Sosiyete y’amahirwe yanamaze kwandikira Rwanda Premier League iyimenyesha ko yamaze gusesa amasezerano bari bafitanye.

Mu gushaka kumenya ukuri ku bibazo biri hagati y’impande zombi, ISIMBI yaje gushaka amakuru maze imenya ko Rwanda Premier League hari amakosa ishinjwa yagiye ikora mu mwaka w’imikino ushize.

Iyi Sosiyete ntabwo yanyuzwe n’imikoranire yabayeho kuko habagaho amakosa bakababwira ngo bayakosore ariko ubutaha bikiyongera.

Zimwe mu mpamvu nke muri nyinshi ISIMBI yamenye ni uko Gorilla yababajwe n’uburyo umunsi w’ibihembo byo guhemba abakinnyi bitwaye neza mu mwaka w’imikino wa 2023-24 byahinduwe ku munota wa nyuma batabimenyeshejwe.

Ibi bihembo byagombaga kuba ku wa Gatandatu tariki ya 15 Kamena 2024 bikabera muri Kigali Serena Hotel, gusa byaje gusubikwa kuko kuri iyi tariki ari bwo habaye umukino wo gutaha Stade Amahoro yari imaze igihe ivugururwa, wahuje Rayon Sports na APR FC. Byaje kwimurirwa tariki ya 9 Kanama 2024 muri RBA.

Gorilla yababajwe n’uko babisubitse batabamenyesheje bakabibwirwa ku munsi wari gutangirwaho ibihembo ko bitakibaye kubera uyu mukino.

Ikindi cyabababaje cyane ni uburyo umunsi wo gutanga ibihembo, MVP (umukinnyi wahize abandi) wabaye Muhire Kevin ntabwo yigeze amenyeshwa aho ibirori bigomba kubera hahindutse we yigira Senera Hotel nk’uko byari bisanzwe.

Ibi byaje gutuma agera mu Kigo cy’Igihugu cy’Itangazamakuru ahabereye ibihembo byarangiye, igihembo cye yagihawe hari n’abamaze gutaha.

N’ababyibuka neza ni uko uyu mukinnyi wari mu ikipe y’umwaka atigeze agaragara mu ifoto y’abakinnyi bagize ikipe y’umwaka kimwe na Ishimwe Christian utari mu Rwanda, Rukundo Abdoul Rahman wari iwabo i Burundi na Sfafik Bakaki wa Musanze na we utari mu Rwanda.

Ikindi ni isezera ry’uwari umukozi wa Rwanda Premier League, Jonathan ibintu Gorilla ishinja Shampiyona y’u Rwanda kuba itarabyitwayemo kinyamwuga.

ISIMBI yamenye amakuru ko ubwo impande zombi zasinyaga amasezerano buri ruhande rwatanze umuntu uzajya uba uruhagarariye mu bikorwa bahuriyeho, bumvikana ko mu gihe habayeho kumuhindura uruhande rumwe ruzabimenyesha urundi, ibi ntabwo byigeze biba, amakuru y’uko Jonathan yagiye bayamenyeye mu itangazamakuru.

Bivugwa ko hari n’ibindi bashinja Rwanda Premier League, gusa umuyobozi wa Rwanda Premier League Board, Mudaheranwa Yussuf avuga ko amasezerano agikomeje kuko bazi neza ko bubahirije ibyo amasezerano avuga.

Muhire Kevin yageze ahatangiwe ibihembo akererewe kuko yabanje kuyoba

Kevin Muhire ntabwo yagaragaye mu ifoto y’ikipe y’umwaka

Impande zombi zari zasinye amasezerano y’imyaka 3 mu mpera z’umwaka ushize