Category: Uncategorized

Minisiteri y'Ingabo ya Kazakhstan yagaragaje ko Brig Gen Nyirubutama yari aherekejwe na Ambasaderi w'u Rwanda mu bihugu birimo Kazakhstan, Lt Gen (Rtd) Charles Kayonga.

Brig Gen Nyirubutama yageze muri Kazakhstan, ajyaniye Perezida w'iki gihugu, Kassym-Jomart Tokayev, ubutumwa bwa Perezida Paul Kagame bujyanye no kwagura ubufatanye.

Perezida Tokayev tariki ya 26 Nzeri yagaragarije Brig Gen Nyirubutama ko yishimiye amasezerano yaherukaga gusinywa na Kazakhstan n'u Rwanda yo gukuriraho abaturage Visa mu rwego rwo koroshya urujya n'uruza.

Ibiro Ntaramakuru Akorda byo muri Kazakhstan byasobanuye ko bombi banaganiriye ku zindi nzego ibihugu byombi byakwaguriramo ubufatanye. Urwego rw'umutekano ni rumwe mu zatekerejweho.

Col Gen Ruslan Zhaksylyko (wa kabiri iburyo) n’abandi bofisiye bakuru bakiriye Brig Gen Nyirubutama

Brig Gen Nyirubutama yari kumwe na Lt Gen (Rtd) Charles Kayonga uhagarariye u Rwanda muri Kazakhstan

Brig Gen Nyirubutama na Lt Gen (Rtd) Kayonga baherutse kwakirwa na Perezida Tokalev

Umuyobozi w'Ishami ry'Umuryango w'Abibumbye ryita ku Buzima, OMS, Dr. Tedros Adhanom Ghebreyesus, yavuze ko uwo muryango uzafatanya n'u Rwanda mu guhangana n'iki cyorezo muri rusange, kugira ngo gihashywe hakiri kare.

Dr. Tedros yagize ati “Minisiteri y'Ubuzima yatangaje ko hari abarwayi ba Marburg. OMS izakomeza kongera ubufasha ndetse ikorane na Guverinoma y'u Rwanda mu guhagarika ikwirakwira ry'iyi virus mu kurinda abaturage bari mu byago.”

Mu itangazo ryashyizwe hanze na Minisiteri y'Ubuzima, yavuze ko ikomeje iperereza ku nkomoko y'iyi ndwara, kandi ko hashyizweho ingamba zo kuyirinda no kuyikumira mu bitaro no mu bigo nderabuzima bitandukanye.

Itangazo ryayo rigira riti 'Hatangiye igikorwa cyo kumenya abagiye bahura n'abagaragaweho n'iyi virusi, mu gihe abarwayi bakomeje kwitabwaho n'abaganga. Iyi ndwara ikwirakwizwa no gukora ku maraso n'amatembabuzi y'abantu bayirwaye. Ntabwo ikwirakwizwa binyuze mu mwuka.'

Minisante yatangaje ko uwo ari we wese wagaragaza ibimenyetso byayo ari byo kugira umuriro mwinshi, umutwe ukabije, kuruka, kuribwa mu mitsi, cyangwa kuribwa mu nda, yahamagara Ikigo cy'Igihugu Gishinzwe Ubuzima (RBC) kuri nimero 114 cyangwa akegera ivuriro rimwegereye.

Bati 'Minisiteri y'Ubuzima ikomeje gukurikiranira hafi iki kibazo kandi irakomeza kubagezaho amakuru ajyanye n'iyi ndwara. Abaturage barasabwa gukomeza imirimo yabo birinda kandi bakaza ingamba z'isuku.'

Minisitiri w'Ubuzima, Dr. Sabin Nsanzimana, yahumurije Abanyarwanda, avuga ko iki cyorezo kizatsindwa, ati “Dufatanye twese guhangana n' iyi virusi ya Marburg. Andi makuru turakomeza kuyabagezaho mu masaha ari imbere. Tuzayitsinda vuba.”

Virusi ya Marburg ni icyorezo kiri mu cyiciro cy'ibindi bikomeye nka Ebola. Yamenyekanye cyane mu 1967 mu mijyi ya Marburg na Frankfurt mu Budage ndetse no mu mujyi wa Belgrade muri Serbia.

Ibindi byorezo bya Marburg byagiye bigaragara mu bihe bitandukanye mu bihugu nka Angola, RDC, Kenya, Afurika y'Epfo na Uganda.

Umwaka ushize mu kwezi kwa kabiri, iki cyorezo cyagaragaye muri Tanzania.

.@RwandaHealth has reported cases of #Marburg. @WHO is scaling up its support and will work with the government of #Rwanda to stop the spread of the virus and protect people at risk.https://t.co/F5PS91cdOa pic.twitter.com/nEC06viE6n

— Tedros Adhanom Ghebreyesus (@DrTedros) September 28, 2024

Dufatanye twese guhangana n' iyi virusi ya Marburg. Andi makuru turakomeza kuyabagezaho mu masaha ari imbere. Tuzayitsinda vuba. https://t.co/frfq6hvD5P

— Dr Sabin Nsanzimana (@nsanzimanasabin) September 27, 2024

Umuhanzi Itahiwacu Bruce [Bruce Melodie] yongeye gusa n’ucokoza The Ben mu ndirimbo ye nshya yashyize hanze ejo hashize ku wa Gatanu yise Iyo Foto.

Ni indirimbo yakoranye n’umunya-Kenya, Bien-Aimé Baraza wamamaye muri Sauti Sol. Byabanje gutungura benshi ukuntu yatangaje ko azayishyira hanze ku munsi The Ben na we yari yavuze ko azashyira hanze iye, tariki ya 27 Nzeri 2024.

Benshi bazi amashusho ya The Ben yakwirakwiye ari kumwe na Baby Emelyne bifotoza i Musanze, uyu muhanzi akaza kugaragara asa n’ukurura umwenda w’imbere w’uyu mukobwa ariko nyuma bakaza kuvuga ko ari ishanga.

Bruce Melodie na we yabaye usa n’ucokoza uyu muhanzi muri iyi ndirimbo ye kuko hari agace agaragaramo akora neza ibisa n’ibi bya The Ben ndetse n’umukobwa akitwara nk’uko Emelyne yitwaye.

Aka gace karimo guhererekanywa ku mbuga nkoranyambaga abantu bibaza uko niba atari ukugaragaza ko bahanganye.

Amashusho y’iyi ndirimbo yafashwe na Fayzo Pro. Bruce Melodie ashyize hanze iyi ndirimbo iri kuri Album 'Sample’ mu gihe amaze gushyira hanze izindi ziyigize zirimo nka 'Sowe’.

Iyi foto ya The Ben yavugishije benshi

Bruce Melodie yamwiganye

Umuziki w'u Rwanda uri kugenda utera imbere, mu buryo bukomeye ndetse abahanzi benshi uyu munsi bakora umuziki nk'akazi ka buri munsi; ikintu gitandukanya cyane ab'ubu n’abo mu bihe byo hambere.

Buri munsi ariko hagenda havuka impano ziba zikwiye gushyigikirwa kuko ari zo ejo hazaza h'umuziki. InyaRwanda yakusanyije abahanzi bari kuzamuka buri wese akwiriye guhanga amaso kubera ubuhanga bwabo buhambaye mu kuririmba.

1.            France Mpundu

“>

Gusenga Munyampundu Marie France, uri gukoresha Mpundu France nk'izina ryo ku rubyiniro, yavukiye mu Ntara y'Amajyepfo mu Karere ka Nyanza. Ni umwe mu bahanzikazi bari gukora cyane muri iki gihe kandi b'abahanga bari gutanga icyizere muri iki gihe.

Yatangiye kuririmba akiri muto afite imyaka hagati y'itanu n'itandatu. Afashwa cyane n'ababyeyi be, ariko atangiye gukura ni bwo yagendaga yiyumvamo ko umuziki ari impano ikomeye afite kandi agomba kuwubyazamo umusaruro.

Yakomeje kuririmba nyuma yaho agira amahirwe yo kwitabira amarushanwa yitwa 'I am the future' arayatsindira bimuhesha amahirwe yo kwinjira no gukomeza urugendo rwe rw'umuziki, akabya inzozi yahoranye kuva kera. Mu 2019 yegukanye miliyoni 15 Frw nyuma yo kuba uwa mbere mu Irushanwa 'I am The Future' ritegurwa na Future Music ya David.

Uyu mukobwa w'imyaka 24 y'amavuko, amashuri y'incuke n'abanza yayize ku Ishuri rya Saint Joseph. Ayisumbuye mu cyiciro rusange ayigira muri College du Christ-Roi i Nyanza kuva mu 2013 kugeza mu 2015.

Yasoreje amashuri muri Ecole Notre Dame de la Providence i Huye aho yize kuva mu 2016 kugeza mu 2018. Yiga kaminuza muri African Leadership University (ALU).

2.            Fela Music

“>

Feikel na Labii ni abavandimwe bahuriye mu itsinda rya Fela Music rimaze gushinga imizi mu ndirimbo nka 'Wasanga' bakoranye na Papa Cyangwe na Jowest. Intego yabo ni ukwiyubaka bagakora ibihangano byabo kurusha ibyo bahuriyemo n'abandi, gusa na byo biri mu byo bateganya mu mishinga iri imbere.

3.            RunUp

“>

RunUp usanzwe uzwi ku mazina ya Kwizera Emmanuel Prince akora injyana ya Afrobeat. Ni umwe mu bakwiriye guhangwa amaso cyane ko ari kwigaragaza neza binyuze mu bihangano bye.

RunUp uri gukorana na Rocky afite imyaka 23 y'amavuko, avuka mu bana bane. Yavukiye mu Karere ka Kicukiro. Yize 'Software Engineering'.

Uyu musore yatangiye umuziki mu ntangiriro za 2023. Abahanzi yakuze afatiraho urugero harimo Runtown, Imagine Dragons, Chris Brown, Wizkid, Meddy , Tom Close , Bruce Melody, Justin Bieber and Michael Jackson

Mu muziki we yibanda ku rukundo ndetse n'ubuzima. Yifuza mu myaka itanu iri imbere kuzaba ari umuhanzi mpuzamahanga. RunUp amaze gukora indirimbo enye zirimo 'Delete', 'Isabella,'' 'Flower'' na 'See.'

4.            Pamaa

“>

Ndatimana Thierry [Pamaa] ukoresha izina rya Pamaa mu muziki uri mu bahanzi batanga icyizere mu Rwanda bitewe n'ubuhanga bwe, yinjijwe mu muziki na Producer Li John bavukana. Ni umuhanzi unafite itsinda ryitwa The AFROYARD Ent rimufasha nubwo batarashyira hanze ibijyanye n'imikoranire bafitanye.

5.            J Sha

“>

Itsinda rya J-Sha rigizwe n'abakobwa b'impanga Bukuru Jennifer na Butoya Shakirah, bakaba bararangije mu ishuri ry'u Rwanda ry'umuziki mu 2021.

Aba bakobwa bafite ubuhanga mu gucuranga ibikoresho bitandukanye mu muziki, baririmbye mu birori bitandukanye nka CHOGM, Kigali Up, Commonwealth, AU Summit byose byabereye i Kigali mu bihe bitandukanye. 

6.            La Reina

“>

Umuhanzikazi Uwimanzi Oda Martine wahisemo gukoresha izina rya La Reina mu muziki, aherutse gutangariza InyaRwanda ko kwiga umuziki ku ishuri rya muzika rya Nyundo byamufashije gukurikira inzozi yahoranye zo gukora umuziki no kuwandika, byanatumye agira uruhare kuri imwe mu ndirimbo igize Album ya Bruce Melodie.

Ni umwe mu bakobwa bafite impano zasamiwe hejuru, nyuma y’uko ateguje indirimbo ye yise ‘Nditinya’. Uyu mukobwa yavukiye mu Karere ka Nyamagabe mu Majyepfo y’u Rwanda ahazwi nko ku Itaba. Avuka mu muryango w’abana barindwi, ni uwa Gatatu (Ubuheture).

Asoje amashuri yisumbuye yashyize imbaraga mu kwiga umuziki, ari nabwo yafataga icyemezo cyo kujya ku ishuri rya muzika rya Nyundo.

Asobanura ko nubwo yakuranye inzozi z’umuziki, ariko yasabye umuryango we kumushyigikira, bamushakira ibyangombwa byose yari akeneye.

7.            Chiboo

“>

Umuhanzi Chiboo ari mu bahanzi bari kuzamuka neza. Yamamaye cyane ubwo yashyiraga hanze indirimbo yise 'Abatwin.' Kuri ubu uyu musore yamaze no gushyira hanze indirimbo ye nshya yise 'Mbali.'

8.            Kenny Edwin

“>

Kenny Edwin uri mu bahanzi batanga icyizere, yamenyekanye cyane mu ndirimbo 'Suku' yakoranye na Fireman. Uyu muhanzi ukiri muto mu myaka kuko afite 24, akaba akunda kuba inshuti n'abantu, gusabana udakunda kubangamirwa.

Mu kiganiro na InyaRwanda, aherutse kuvuga ko umuhanzi ko yakuze akunda Meddy n'ubu ari we afatiraho urugero, avuga uko amufata, yavuze ko ari umuntu udasanzwe.

Kenny Edwin avuga ko akunda imyandikire n'imiririmbire ya Meddy, ati 'Ndetse ibyo ntabwo biba bihagije mu muziki tuba dukeneye n'imyitwarire ibonye kandi arayifite. Buri muntu wese yagakwiye kumwigiraho.'

9.     Melissa

“>

Mu minsi ishize nibwo umuhanzikazi ukizamuka Melissa yafatanyije na Davis D bakorana indirimbo bise 'My Dreams.' Ni indirimbo y'urukundo yatumye benshi bamenya iyi mpano nshya, aho aba bahanzi bombi bishyira mu mwanya w'umuhungu n'umukobwa bakundana urukundo bafata nko gukabya inzozi za buri umwe.

10. Ian Vanga

“>

Amazina ye ni Nshuti Jonathan akaba yariyise Ian Vanga nk'izina ryo gukoresha mu buhanzi. Ni umwe mu bahanzi bashya, bakiri bato bafite impano zigaragaza.

Aherutse gushyira hanze indirimbo yise 'Jah' ikubiyemo ubutumwa bw'uko Imana itajya na rimwe itererana abantu bayo. Avuga ko nubwo abantu bamuhiga inshuro nyinshi kandi agahura n'ibibazo byinshi Jah (Imana) amuba hafi, ibishuko akabyirinda, ibigeragezo akabitsinda.

Iyi si indirimbo ya mbere ashyize hanze, kuko mu mwaka wa 2023 yashyize hanze indirimbo yise Isengesho, ikaba ari imwe mu ndirimbo zakunzwe ku rwego rwo hejuru.

Uru rubyiruko rwanahawe amafaranga agera kuri Miliyoni imwe n’ibihumbi magana atanu (1,500,000 Rwf) kuri buri wese, azababera intangiriro mu gushyira mu bikorwa imishinga yabo yo mu buhinzi.

Umuryango Nyafurika w'Ivugabutumwa, African Evangelic Enterprise (AEE Rwanda) ku bufatanye na Tearfund, babinyujije mu mushinga wo guteza imbere ubuhinzi bw'imboga n'imbuto bashyira mu bikorwa ku nkunga y'Umuryango w’Ubumwe bw'Ibihugu by' Uburayi (European Union), batanze ibyemezo ku rubyiruko rwahawe amahugurwa ajyanye n'ubuhinzi bw’imbuto n’imboga bugezweho ndetse no gutunganya ibibikomokaho.

Kuri uyu wa 27 Nzeri 2024, ni bwo hasojwe ku mugaragaro ku nshuro ya kabiri amahugurwa y'urubyiruko rugera kuri 22 rurimo abahungu 10 n’abakobwa 12 bari bamaze amezi 3 aho biga ibijyanye n’ubuhinzi bw’imboga n’imbuto bugezweho ndetse no kongerera agaciro ibibikomokaho, mu ntego igira iti: ”Urubyiruko mu buhinzi bw’imboga n’imbuto; Inkingi y’Ubukungu burambye”. Uyu mushinga ukaba uherekeza imishinga y'urubyiruko rwo mu turere tune usanzwe ukoreramo, ari two Gasabo, Rwamagana, Kayonza na Bugesera.

Iki gikorwa cyitabiriwe kandi n'inzeho za Leta zirimo Minisiteri y'Ubuhinzi n'Ubworozi, Minisiteri y'Urubyiruko n'Iterambere ry'Ubuhanzi, Umuryango w'Ubumwe bw'Ibihugu by'Uburayi, Ikigo cya Leta cyita ku rubyiruko ruri mu buhinzi (RYAF), ibigo bya Leta nka RAB, RICA, RSB, n'ibindi.

Bwana Wilson Kabagamba, umuyobozi w'imishinga wari ahagarariye Umuyobozi Mukuru wa AEE Rwanda, niwe watangije iki gikorwa ku mugaragaro, aho yatangiye ashimira urubyiruko rwigiriye icyizere ndetse rukanitabira aya mahugurwa. Yarushimiye kuba rwarihanganiye ibitoroshye rwanyuzemo mu mezi 3 rwahawemo amahugurwa, ndetse arusaba ko ubumenyi bahawe babubyaza umusaruro. Yashimiye kandi abafatanya bikorwa kuba bitabiriye kugira ngo bashyigikire ibikorwa birimo urubyiruko kandi bigamije kubafasha gutera imbere no kugira ubuzima bwiza.

Uru rubyiruko kandi rwanashimiwe cyane na Bwana Bizimana Olivier wari uhagarariye Umuyobozi mukuru wa Tearfund aho yashimye umurava rwagaragaje anaboneraho kubaha impanuro. Yagize ati: ”Ubumenyi mwahawe mutabufatanije n’indangagaciro ntacyo bwaba bumaze. Muharanire kugira indangagaciro mu gushyira mu bikorwa imishinga yanyu kandi mugire impinduka yuzuye igaragarira buri wese”.

Umufatanyabikorwa muri iyi gahunda, Umuyobozi Mukuru wa RYAF, Bwana Rwiririza JMV yashimiye urubyiruko cyane kandi aruha impanuro nyinshi zijyanye n'amahirwe bafite badakwiriye gupfusha ubusa. Yababwiye ko RYAF ikorana n'urubyiruko ruri mu buhinzi mu gihugu cyose, ko hadakwiriye kugira n'umwe uburamo. 

Yahimiye umushinga n'abawushyira mu bikorwa, at: 'Mudufasha akazi cyane, kuko dushinzwe gufasha urubyiruko ruri mu buhinzi, ibi biratunezeza cyane kandi tuzakomeza gufatikanya namwe'. Yavuze kandi ko azafatikanya na AEE ndetse na Tearfund gusura uru rubyiruko kimwe na bakuru babo basoje iyi gahunda umwaka ushize, kugira ngo harebwe icyo amahugurwa bahawe yamaze ndetse n'icyo bamaze kwigezaho.

Ibi byakomerejweho n’ubutumwa uwari uhagarariye Umuryango w’Ubumwe bw'Ibihugu by' Uburayi (European Union)  Bwana Alex Mugayi yageneye uru rubyiruko. Ati: ”Igishoro cya mbere ni ubumenyi kandi mwarabuhawe mu mahugurwa mwari mumazemo amezi 3, mwongereho indangagaciro kandi muharanire kugera kure mu buhinzi kuko mwebwe rubyiruko ni mwe ejo hazaza h’igihugu”.

Ni mu gihe umukozi wa Minisiteri y’Urubyiruko n’Iterambere ry’Ubuhanzi witabiriye iki gikorwa ahagarariye iyi Minisiteri yashimiye uru rubyiruko ko rwahisemo neza aho kujya mu bidafite akamaro ahubwo bagahitamo kugana ubuhinzi buzabateza imbere, bugateza imbere n’igihugu cyabo. 

Yanabibukije kandi ko badakwiye guterwa ipfunwe n’ubuhinzi ahubwo ko bagomba kujya banaburata ku mbuga nkoranyambaga aho kugira ngo bajye bashyiraho ibintu by’urukozasoni nk’abandi b'imburamumaro bariho ubu, ahubwo ko bajya berekana ubuhinzi barimo bakanagura isoko y'ibibukomokaho. Yabahishuriye amahirwe menshi ariho ashobora kubafasha, kandi asoza yizeza urubyiruko ko Minisiteri y'urubyiruko izababa hafi mu rugendo rwiza batangiye.

Umuyobozi Mukuru muri Minisiteri y’Ubuhinzi, Alice Mukamugema, akaba n'umushyitsi mukuru muri iki gikorwa yashimye byimazeyo AEE Rwanda na Tearfund hamwe na EU batekereje gukora iyi gahunda nziza yo gufasha urubyiruko mu buhinzi bw’imboga n’imbuto. Yakomeje abwira urubyiruko ko rwahisemo neza kwitabira aya mahugurwa no kugana ubuhinzi. Yanakomoje ku kuba amaze igihe akorana bya hafi n’abashyira mu bikorwa uyu mushinga ndetse asezeranya uru rubyiruko rugera kuri 22 ko nka Minisiteri bazababa hafi no gushyira mu bikorwa imishinga yabo.

Tuganira n'Umuyobozi w'ibikorwa by'uyu mushinga muri AEE Rwanda, Bwana Uwiringiye Simeon, yavuze ko urubyiruko rwahawe ubumenyi bugamije kwagura ibitekerezo byarwo, ruhuzwa n'abafatanyabikorwa ndetse n'ibindi bigo bigamije kubatyaza mu kumva no gukora neza imishinga aribyo YEAN, Agri Research Unguka Ltd, Nyarutarama Business Incubation Center, RICEM, n'abandi. 

Yanavuze kandi ko ibi bigo byabahuguye bifite inararibonye mu gukorana n’urubyiruko, anabashimira cyane urukundo n'umuhati babikoranye. Yashimiye kandi cyane ubuyobozi bw'Uturere twa Gasabo, Bugesera, Rwamagana na Kayonza uyu mushinga ukoreramo, avuga ko imikoranire ari myiza kandi ko bimanuka bikagera no ku nzego zo hasi ari nabyo bituma ibikorwa bigenda neza.

Yakomeje agira ati: ”Ubu bize byinshi bakora byinshi, bafashwa gusobanukirwa ibyo bagiye kujyamo kandi banakoze imishinga myiza. Byabaye ngombwa ko tubashyigikira, maze buri wese tumugenera inkunga y’amafaranga Miliyoni 1 n’igice nk’intangiriro kugira ngo bazabashe kugera ku nzozi zabo kandi bahure n’ibigo by’imari n’ahandi amafaranga abasha kuva, bagamije guhuriza hamwe ubushobozi buzabasha kubateza intambwe ifatika banyurije mu mishinga yabo bakoze”.

Emmanuel Niyonzima wari uhagarariye urundi rubyiruko muri aya mahugurwa, akaba anakomoka mu karere ka Gasabo yatangarije InyaRwanda ibyo bungutse. Ati: ”Nkora ubuhinzi bujyana n’ikoranabuhanga bubasha kujyana n’imihindagurikire y’ikirere. Rero mu mahugurwa twahawe amasomo menshi yo guhangana n’iyi mihindagurikire y’ibihe ku buryo itagira ingaruka ku buhinzi. Amafaranga nahawe kimwe na bagenzi banjye twiteguye kuyakoresha neza ntituyajyane mu bindi, kandi nanabwira urundi rubyiruko ko ubuhinzi bakwiye kubugana kuko nta kimwaro kirimo ahubwo ko ari umwuga mwiza ubasha kubakiza iyo ukozwe kinyamwuga”.

Mugenzi we witwa Uwoyiremeye Jehovanis uturuka mu karere ka Kayonza yatangaje ko nk’umukobwa nta kibazo afite cyo kuba yakora ubuhinzi ndetse ko yabugannye kuko abukunda. Ati: ”Ndabizi hari abakobwa b’iki gihe bumva ko ubuhinzi ari ubw'abashaje ndetse ko batabukora. Baribeshya kuko ubuhinzi niyo soko y’ubukungu burambye. 

Nabugannye mbukunda kandi ngiye gushyira mu bikorwa ibyo nigishijwe mbifashijwemo n’inkunga nahawe, cyane ko nanize ibijyanye no kongerera agaciro umusaruro uturuka ku nanasi. Ubu ndabikora neza, ndetse abantu batangiye kunshakisha kugira ngo bagure ibyo nkora. Ndasaba ko ibigo bifasha kandi bigatanga ubuziranenge byazatwakira maze bikatuyobora muri iki gikorwa nk'urubyiruko, bityo tukazabasha gukora neza no kugurisha byoroshye ibyo twongerera agaciro bikomoka ku buhinzi.

Uru rubyiruko rugera kuri 22 rwerekanye ko rwishimiye icyangombwa cy'amahugurwa (certificate) ndetse n’inkunga rwahawe ndetse mu ngamba bagaragaje banerekana ko bagiye gushyira mu bikorwa imishinga berekanye. Banakomoje kandi ku kuba ubumenyi bahawe ari ntagereranywa kandi ko biteguye guhindura no guteza imbere ubuhinzi n’isoko ry’ubuhinzi bw’imboga n’imbuto n'ibyongererewe agaciro bibikomokaho.

Icyiciro cya Kabiri cy’urubyiruko rufashwa n’umushinga AEE Rwanda uterwa inkunga na EU, rwasoje amahugurwa

Urubyiruko rugera kuri 22 rwahawe impamyabushobozi nyuma y’amahugurwa yamaze amezi 3 bigishwa ubuhinzi bw’imboga n’imbuto

Bwana Simeon Uwiringiyimana umuyobozi w’ibikorwa by’uyu mushinga muri AEE Rwanda, ubwo yashyikirizaga amafaranga y’inkunga umwe mu rubyiruko

Bwana Olivier Bizimana wari uhagarariye Tearfun hamwe na Wilson Kabagamba uhagarariye ibikorwa bya AEE Rwanda, bashyikirije inkunga umwe mu rubyiruko

Umuyobozi mukuru muri Minisiteri y’Ubuhinzi, Alice Mukamugema, yahaye ubutumwa bwihariye urubyiruko rurangije amahugurwa

Bwana Alexis Mugayi wari uhagarariye EU muri iki gikorwa, yahaye impanuro urubyiruko

Buri wese mu rubyiruko 22 rwahawe aya mahugurwa yahawe inkunga ya 1,500,00 RWF

Bwana Simeon Uwiringiye yagaragaje intego y’uyu mushinga, anasobanura birambuye ubumenyi bahaye urubyiruko

Uru rubyiruko rwiyemeje gushyira mu bikorwa ubumenyi bahawe babinyujije mu mishinga yabo

AMAFOTO: Jean Nshimiyimana – InyaRwanda 

Miss Uwase Vanessa yambitswe impeta ya fiançailles n’umukunzi we Dylan Ngenzi bamaze iminsi mu rukundo wanatumye abatizwa bushya.

Ni nyuma y’imyaka itanu yambitswe impeta na Putin Kabalu ukomoka muri DR Congo ariko bakaza kubona ko ibya bo bitakunda bagatandukana. Yayimwambitse 2019 batandukana 2021.

Ku wa 27 Nzeri 2024 abinyujije ku mbuga nkoranyambaga, Miss Vanessa yavuze yasohokanye n’umukunzi we azi ko bagiye kuganira bisanzwe agataha yemeye kumubera umugore.

Ni amagambo uyu mukobwa yaherekesheje amashusho amugaragaza yambikwa impeta n’uyu musore.

Miss Vanessa na Dylan Ngenzi biyemeje kurushinga nyuma y’igihe bakundana ndetse bakaba baheruka kubatirizwa muri Zion Temple.

Miss Uwase Raissa Vanessa ni umukobwa wambitswe ikamba ry’Igisonga cya mbere cya Nyampinga w’u Rwanda mu 2015.

Miss Vanessa Raissa Uwase yambitswe impeta ya fiançailles

Umutoza w’Ikipe y’Igihugu Amavubi, Umudage Torsten Frank Spittler, yavuze ko Ishyirahamwe ry’umupira w’amaguru mu Rwanda, FERWAFA, ritamufata nk’umutoza ushoboye wayobora ikipe y’igihugu akaba ari yo mpamvu atongererwa amasezerano.

Ni nyuma yo gutangaza ko azarekera aho ibijyanye n’ubutoza ubwo amasezerano afitanye n’Amavubi azaba ashojwe.

Nyuma yo guhamagara abakinnyi azifashisha mu ya Benin tariki ya 11 na 15 Ukwakira 2024, itangazamakuru ryongeye kumubaza niba koko ibyo yatangaje byari ukuri.

Frank Trosten umaze iminsi yitwarana neza n’Amavubi yavuze ko atarafata icyemezo neza ariko byose bizaterwa n’ibiganiro azagirana na FERWAFA ku bijyanye no kongera amasezerano.

Yagize ati 'Byose bizaterwa n’uko ibiganiro bizaba byagenze ariko nibigera mu Ukuboza ntarongera amasezerano, rwose byashoboka ko nzahita nsezera ku butoza.'

Yakomeje avuga ko abona FERWAFA itamwemera kuko itaramwegera ngo bamuganirize ku kuba yakongera amasezerano.

Ati 'Iyo ndebye mbona FERWAFA itanyemera nk’umutoza ukwiye kuyobora Amavubi, iyo bitaba ibyo baba baranganirije. Gusa reka dutegereze turebe iyo bizagana.'

Frank Trosten akaba yananenze Ishyirahamwe ry’Umupira w’Amaguru muri Afurika, CAF, aho kugeza uyu munsi batari bamenya igihugu bazakina mu majonjora y’ibanze yo gushaka itike ya CHAN ndetse u Rwanda nta n’ubwo ruzi niba ruzakina iyi mikino.

Amavubi yahamagaye abakinnyi bitegura imikino ibiri u Rwanda ruzahuriramo na Bénin tariki 11 muri Côte d’Ivoire na tariki 15 Ukwakira 2024 mu mukino uzakinirwa kuri Stade Amahoro.

Frank Spittler yavuze ko abona FERWAFA itamwemera

Ni gahunda yafashije abarenga 500 bo muri Ngoma kongera kubana neza barimo abana na ba nyina, abagore n'abagabo n'abana na ba se, bose babaga barananiwe kumvikana bigasubiza inyuma iterambere ry'umuryango.

Mukagatera Ernestine utuye mu Mudugudu wa Kibugangoma I mu Kagari ka Nyamirambo mu Murenge wa Karembo, yavuze ko yabyaye umukobwa umwe, aza kumushyingira, hashize igihe atandukana n'umugabo we agarukana mu rugo abana batatu. Kwihangana ngo babane byaranze bakajya batongana, bagasigana ku buryo buri wese yagiraga inkono ye, akagira isabune ye n'ibindi byose.

Ati 'Amakimbirane twagiranye yaduteje ibibazo, umwe akavuga ngo 'Simpingira urugo rwanjye', nanjye nti 'Simpingira abana banjye' tugahora dufite inzara, tukabura isabune n'umunyu kubera amakimbirane.'

Mukarugwiza Julliet, umukobwa we, we yavuze ko urugo rumunaniye akagaruka mu rugo, nyina yananiwe kubyakira, atangira kujya anywa inzoga, byagera nijoro akaza akabasohora mu nzu we n'abana be. Ibi byose ngo byakemuwe na Sugira Muryango, bongera kuba umuryango mwiza wishimye.

Kuri ubu uyu muryango ubanye neza, aho uyu mukobwa ajya guca incuro, amafaranga akuyemo akayahahishamo, nyina we agasigara arera abana ku buryo nta kibazo bakigirana.

Nyiramuhire Venancie utuye mu Mudugudu wa Kanama mu Kagari ka Nyamirambo, yavuze ko yagiranye ikibazo n'umwana we mu 2018 ubwo bamuteraga inda imburagihe kandi ari bwo bari bamaze kubura Se. Yavuze ko amakimbirane yabo yamaze umwaka umwe ariko ko hadindiye byinshi.

Ati 'Yaje kuko yari yatwaye inda imburagihe, tukajya dutongana we akanyihorera. Nta bwumvikane bwabagaho, ubu twahombye byinshi kubera amakimbirane ava mu ishuri, tureka guhinga kubera guhimana. Amakimbirane yarekeye ari uko tubonye ibiganiro bya Sugira Muryango, dusabana imbabazi, dutangira kwizigama dutangira kugera ku iterambere.'

Maniragena Alphonsine yavuze ko nyuma yo gusabana imbabazi na nyina, yabaye inshuti ye y'akadasohoka, aho batangiye gushyira hamwe, banaka inguzanyo mu Umurenge Sacco ayaguramo imashini yo kudoda, iyi akaba ayifashisha mu gushaka amafaranga abatunga umunsi ku munsi.

Umuyobozi wa FXB mu Rwanda ari nayo yatangije iyi gahunda mu Rwanda, Emmanuel Kayitana, yavuze ko Sugira Muryango yatangijwe mu 2017 bagamije kwita ku mwana binyuze mu mikino, bigishaga ababyeyi uko bakangura ubwonko bw'umwana baza no kongeramo ibiganiro bijyaye no kwirinda amakimbirane.

Kayitana yavuze ko bifashishije inshuti z'umuryango, ziha iyo miryango ibiganiro 12 bituma bagira impinduka nziza mu muryango.

Yavuze ko muri gahunda yose ya Sugira Muryango bamaze gufasha imiryango 5200 ariko abafashijwe kuva mu makimbirane no kuyirinda ari imiryango irenga 500. Kuri ubu bagiye gufasha indi miryango 1600 kuva mu makimbirane.

Umuyobozi Mukuru muri Minisiteri y'Uburinganire n'Iterambere ry'Umuryango ushinzwe Iterambere ry'Umuryango no kurengera umwana, Aline Umutoni, yavuze ko umuturage wese akwiriye kumva ko abigiramo uruhare mu gukemura amakimbirane.Yavuze ko hirya no hino mu gihugu hari udushya tujyanye no kurwanya amakimbirane cyane cyane abifashisha imigoroba y'imiryango.

Nyiramuhire Venancie yongeye kumwenyurana n'umukobwa we nyuma y'umwaka bari mu makimbirane

Mukagatera n'umukobwa we ubu barafatanyiriza hamwe nyuma y'ibibazo byinshi bagiranye

Izi mpapuro zatangiye kugurishwa tariki 26 Nzeri bikazageza tariki 17 Ukwakira 2024. Zizagurwa mu buryo bubiri, burimo abazishyura mu Mafaranga y'u Rwanda bakazajya bahabwa inyungu ya 13,75% ku mwaka, mu gihe abazagura mu Madorali ya Amerika bo bazajya bungukirwa 9,5% ku mwaka.

Biteganyijwe ko amafaranga amwe azahita ashorwa mu mirimo yo gutunganya urugomero rw'amashanyarazi rwa Rukarara VI mu gihe andi azifashishwa mu gusana izindi ngomero.

Ubuyobozi bwa Prime Energy bwahamije ko gushyira ku isoko izi mpapuro mpeshamwenda ari igikorwa gishyigikiwe n'International Finance Corporation (IFC) cya Banki y'Isi cyanakoranye na Prime Energy mu kuzitegura.

Itangazo rigira riti 'Ubufasha bwa IFC mu byerekeye ubujyanama bufite uruhare runini mu mushinga uri kudufasha kubona amafaranga y'imbere mu buryo burambye.'

Prime Energy ifite ingomero z'amashanyarazi enye ziri mu Burengerazuba, Amajyepfo n'Amajyaruguru, ikagira amasezerano y'imikoranire na Guverinoma y'u Rwanda y'imyaka 25 ndetse yasinyanye amasezerano n'ikigo cya EUCL yo kugura ingufu z'amashanyarazi.

Prime Energy yashyize ku isoko impapuro mpeshamwenda za miliyari 9.5Frw