Category: Uncategorized

Umuhanuzikazi UWAMBAZA Clementine wabarizwaga mu itsinda rya Love your Nation yamaze guhunga igihugu ubu amakuru atugeraho aravuga ko abarizwa mu gihugu cy’u Bubiligi ku mugabane w’u Burayi.

Haracyekwa ko uwo muhanuzikazi yaba yaragiranye ikibazo gikomeye na bamwe mu bayobozi bakomeye mu gihugu. Twagerageje kumushaka kuri telephone ye igendanwa ntitwabasha kumubona ngo abe yabasha kudusobanurira neza ibiri kumuvugwaho.

Hari umwe mu banyarwanda utashatse ko dutangaza izina rye uri mu gihugu cy’u Bubiligi watwemereye ko UWAMBAZA Clementine koko yaba yarahungiye mu Bubiligi anatwizeza ko mu minsi iri imbere azatugezaho amakuru atari igihuha agaragaza aho uwo muhanuzikazi yaba arimo kubarizwa.

Yabigarutseho mu ijoro ryo kuri iki Cyumweru tariki 29 Nzeri 2024, ubwo yatangaga ubuhamya mu giterane cyagutse cyabereye mu Mujyi wa Portland muri Leta ya Maine muri Leta Zunze Ubumwe za Amerika.

Ni uruhererekane rw’ibiterane yise 'Night of Worship& Testimonies with Meddy' yateguye mu rwego rwo kwiyegereza abafana be n’abakunzi b’umuziki, mu rwego kandi rwo guhamagarira urubyiruko n’abandi kwakira Yesu nk’Umwami n’Umukiza.

Yifashishije abahanzi barimo Adrien Misigaro bakoranye indirimbo 'Niyo ndirimbo' n’abandi banyuranye mu rwego rwo gutanga ubutumwa bwe ku bihumbi by’abantu.

Meddy yavuze ko kwakira agakiza ari ibintu byamutunguye. Kuko yabayeho ubuzima bwose yumva afite inyota yo gukorera amafaranga menshi no gukira, ariko ko ubwo yageraga muri Amerika yatangiye gutekereza ku iherezo ry’ubuzima bwe, ahitamo gutangira gusoma ijambo ry’Imana.

Uyu muhanzi wamamaye mu ndirimbo zirimo ‘Igipimo’ yavuze ko yamaze umwaka wose asenga asaba Imana kumuhishurira icyo yamuhamagariye. Kandi, igihe cyarageze Imana iramwumva atangira kuyikorera.

Meddy yavuze ko yamenye byinshi kandi asobanukirwa ko Imana ari ukuri. Ati “Nabonye Yesu, ndabizi ntimwabyizera, mbabwiye ko namenye Yesu ntacyo byabamarira, kuko n’abigishwa ba Yesu nabo baramwihakanye, kandi bari bari kumwe. Bisaba umwuka wera kugira ngo akwemeze, ntabwo ari amagambo yanjye, ntabwo ari inararibonye ryanjye gusa.”  

Uyu mugabo yavuze ko yakiriye agakiza mu gihe hari hashize igihe gito abanye n’umugore we. Ndetse avuga ko umugore we yatunguwe n’uburyo yinjiye muri uyu muhamagaro. Yavuze ko yajyaga asangira ‘umutobe’ n’umugore we mu bihe bitandukanye, ariko ko akimara kwakira agakiza byahise bihagaragara.

Yavuze ko akimara kwakira agakiza kandi, yatangiye gusaba Imana kwiyereka n’umugore we. Icyo gihe atangira inzira yo kumusengera. Ati “Mu ijoro rimwe yarabyutse arambwira ati nabonye umuntu ariko ntabashije gusobanukirwa. Ndamubaza nti yakubwiye iki? Ndamubwira nti uwo ni Yesu, ndamubwira nti wowe tuza, nagiye mu cyumba mbwira Imana guha izindi nzozi umugore wanjye kugira ngo amwizere.”

Meddy yavuze ko bigoye kuvuga Imana utarayimenya. Yasobanuye ko akimara kwakira umwuka wera, yagize imbaraga zo kuvuga ijambo ry’Imana imbere y’abantu ‘nyamara nari umuntu ugira isoni cyane’.

Yavuze ko yarenze urugero rw’abantu bamuvuzaho nabi umunsi ku munsi, kuko muri we yifitemo imbaraga zirenze ibyo bicantege. Yasobanuye ko icyo gihe yahise atangira urugendo rwo gusengera umugore we, ndetse amusaba ko yakwifatanya nawe kugirango babashe kwiyegereza Imana.

Meddy yavuze ko kiriya gihe yatangiye kuvuga mu ndimi, ndetse umugore we nawe atangira kurira no kuvuga mu ndimi. Ati “Naranezerewe mu mutima, ndamubwira nti komeza cyane. Arambwira ati sinzi uko niyumva. Byari bigoye kuko ni ibintu atigeze atekereza. Naramubwiye nti reka dusubire mu rugo.”

Yavuze ko igihe cyageze bongera gusenga. Ati “Uzi ibyo nakoze namuzanye mu gakiza. Nabwiye Yesu ndakwakira. Aho niho ubuzima bwanjye bwatangiriye.”

Meddy yavuze ko urugo rwe rurimo amahoro, kandi ubusabane butarimo Yesu bwuzuye kwikunda no kwirengagiza.

Yavuze ko hari ishusho abantu bamufiteho ‘ariko hari n’ishusho Imana imfiteho’. Meddy yavuze ko yakuze ashaka kumenyekana, no gukorera amafaranga menshi ‘ariko buri gihe cyose nageraga kuri iyo ntego naburaga amahoro mu mutima’.   

Meddy yavuze ko yanyuze mu bintu byinshi bikomeye ‘ntashobora no kuvugira hano’. Yavuze ko abantu batekereza ko yabaye umuhanzi w’indirimbo zihimbaza Imana ‘ariko ibyo sibyo byari binshinshikaje’.

Uyu muhanzi yashimangiye ko ‘atakiri wa wundi’. Yavuze ko azakomeza gukora umuziki ariko wubakiye ku buhanuzi kuko ari cyo Imana yamuhamagariye cyane muri iki gihe. Yavuze ko azakoresha imbaraga mu muziki we mu kwamamaza ingoma y’Imana. 

Meddy yatangaje ko umugore we yatunguwe n’uburyo yakiriye agakiza, ariko ko yaje kubona ko yamenye Imana yo kwizera

Meddy yavuze ko ubwamamare bwe bwabangamiye urukundo rwe n’umugore we, kuko yabaga ashagawe n’abakobwa mu bihe bitandukanye, bigatuma umugore we agira gushidikanya Meddy yavuze ko yakiriye agakiza amaramaje, kandi yiteguye gukoresha ibihangano bye mu kwamamaza Kristo

Byabereye mu gace kazwi ka ‘Dubai Marina’ ku wa 29 Nzeri 2024. Uyu mukobwa yahawe impano n’impanuro azakenyereraho mu rugemdo rwe rw’urugo n’umukunzi we Michael Tesfay.

Ni ibirori byitabiriwe n’inshuti ze za hafi cyane cyane abo mu muryango babana binyuze mu itsinda rya Mackenzies n’abandi.

Nishimwe aherutse gusohora impapuro z’ubutumire “Invitation” agaragaza ko azakora ubukwe n’umukunzi we, mu birori bizaba ku wa 29 Ukuboza 2024.

Umuhango w’ubukwe bwabo wubakiye ku magambo aboneka muri Mark 10:8-9 hagira hati ” Bombi bakaba umubiri umwe, bigatuma baba batakiri babiri ahubwo baba babaye umubiri umwe. Nuko icyo Imana yateranije hamwe, umuntu ntakagitandukanye.”

Ibirori byo gusaba no gukwa bizabera mu Intare Conference Arena ari naho hazabera umuhango wo kwiyakira, ni mu gihe gusezerana imbere y’Imana bizabera mu rusengero Noble Family Church ya Apotre Mignone ku Kimihurura.

Bazakora ubukwe ku wa 29 Ukuboza 2024, mu gihe hazaba habura iminsi ibiri (2) kugira ngo umwaka ugere ku musozo, kuko uyu mwaka uzagira iminsi 366. Bizaba kandi ari ku cyumweru cya 52.

Uzaba ari umunsi udasanzwe kuri aba bombi! Kuko bazaba batangiye paji nshya mu mubano wabo, aho bazarahirira kubana nk'umugabo n'umugore, bakazatandukanwa n'urupfu. 

Ku wa 24 Gashyantare 2024, Michael Tesfay ahagarariwe n'abo mu muryango we yafashe irembo mu muryango w'umukunzi we. Ni nyuma y'uko ku wa 1 Mutarama 2024, yatunguye Nishimwe Naomie amwambika impeta y'urukundo [fiançailles], mu birori byihariye byabereye muri imwe muri resitora yo mu Mujyi wa Kigali.

Icyo gihe, Michael yanditse kuri konti ye ya Instagram avuga ko yatangiye paji nshya mu mubano we n'umukunzi we Naomie, kuko yamubwiye 'Yego' nk'ikimenyetso cy'uko yiteguye kubana nawe ubuziraherezo.

Muri Gashyantare 2024, Miss Nishimwe yabwiye Radio Rwanda ko atabona amagambo asobanura uko yiyumva nyuma yo kwambikwa impeta kuko ‘ni ibintu bikubaho, hari ukuntu umuntu aba atekereza ikintu akavuga ngo kiriya kintu nikimbaho sinzigera nkibagirwa’.

Ati “Nubu ntabwo nabyibagirwa. Ariko ibyiyumviro ugira sinzi uko nabisobanura. N’iyo ubajije abantu benshi bagiye bambika impeta, hari igihe utumva n’amagambo yakubwiye. 

N’uyu munsi iyo ambaza amagambo yambwiraga, nta kintu na kimwe numvaga, ariko cyeretse avuze ngo ‘Will you marry me’ (Wakemera gushyingiranwa nanjye) ni cyo kintu cyo nyine numvishije. Ni ibintu n’ubu ngubu, sindabimenyera…”

Uyu mukobwa yavuze ko yari yiteguye kwambikwa impeta n’umukunzi we, ku buryo yatekerezaga ko byari kuba kuri Noheli ya 2023, ariko yarategereje ntibyaba. 

Ashingira ku kuba hari hashize iminsi micye umukunzi we ahuye na Se umubyara, bityo ko byamuhaga ishusho y’uko bidatinze azambikwa impeta.

Nishimwe asobanura umukunzi we akabikubira mu ngingo eshanu; avuga ko ari umuhungu ufite ikinyabupfura; umuhungu ucisha macye; umuhungu utameze nk’abandi bose; umuhungu ukunda Imana kandi umukunda. 

Uyu mukobwa ufite iduka ry’imideli, yabanje gutuza, avuga ko we n’umukunzi we bameze neza kandi “Turi kwitegura gukora ubukwe mu Ukuboza 2024.” Yirinze kuvuga aho ubukwe buzabera ndetse n’itariki buzaberaho. 

Abajijwe niba atekereza kuba azatura hanze y’u Rwanda nyuma yo kurushinga, yasubije ko bizaterwa n’ibiganiro, amahitamo ndetse n’akazi gashobora gutuma bimuka. Ati “Ariko mu Rwanda ni mu rugo.”

 

Ibyishimo ni byose kuri Nishimwe Naomie nyuma y'uko akoreye ibirori bya 'Bridal Shower' i Dubai

 Inshuti, abavandimwe n'abandi bashyigikiye intambwe Nishimwe Naomie agiye gutera mu buzima bwe
 

Ibi birori byabereye mu gace ka Dubai Manira mu mpera z'iki cyumweru

Umuhanzikazi Nyarwanda Teta Cyuzuzo Liza (Lisaa) yiyongereye ku rutonde rw’abakobwa bakora umuziki, nyuma y’uko asohoye indirimbo ye ya mbere yise “Forever” ishingiye ku nkuru mpamo y’inshuti ze.

Ni indirimbo yagiye hanze kuri uyu wa Gatanu tariki 27 Nzeri 2024, yakozwe mu buryo bw’amajwi na Prince Kiiiz, ni mu gihe amashusho yakozwe na Director C.

Yakozwe mu gihe cy’amezi arenga atatu, hagamijwe ko ijyanisha n’ubutumwa uyu muhanzikazi yaririmbyemo.

Lisaa yasobanuye ko kwinjira mu muziki byatewe ahanini no kuba ari nzozi yakuranye.

Ati “Navuga ko niyumvisemo umuziki kuva nkiri muto. Nakundaga kuririmba rimwe na rimwe mu rugo, kandi nkakunda kubwira ab’iwacu ko nzakora umuziki, none inzozi zabaye impano.”

Yavuze ko uko yagiye akura, ni nako yagiye ashyira imbaraga mu kwiga indirimbo z’abahanzi banyuranye, kugeza ubwo yiyeguriye umuziki.

Uyu mukobwa yasobanuye ko yinjiye mu muziki ashaka gushyira itafari rye ku muziki w’u Rwanda.

Ati “Njye gutanga umusanzu wanjye mu ruganda rw’umuziki w’u Rwanda. Hari benshi mu bakobwa bakoze umuziki ndetse n’ubu bakirimo bagaragaza imbaraga zihambaye. Rero, njye gushyiraho itafari ryanjye.”

Lisaa avuga ko ubuzima yakuriyemo, no kuba umuryango we waramushyigikiye ‘biri mu byatumye ninjira muri Muzika’.

Lisaa yavuze ko yagize inshuti zakundanye igihe kinini, Kandi zigahana amasezerano yo kubana akaramata akaba ari n’aho yakomoye iyi ndiirimbo.

Ati “Aha niho nahereye nandika iyi ndirimbo. Narebye uburyo bw’urukundo rwa bo, ndugereranya no kubana n’umukunzi wawe akaramata.”

Ni indirimbo avuga ko idasanzwe mu rugendo rwe rw’umuziki, kuko ifunguye itangiriro rya ‘paji nshya mu buzima bwanjye’.

Ati “Nawe urabyumva ko idasanzwe, kuko itangije ubuzima bushya wanjye niba ariko navuga. Ni indirimbo yatumye ndotora inzozi zanjye. Rero ntisanzwe”..

Teta Cyuzuzo Liza yavutse ku wa 17 Ukuboza 1998. Amashuri abanza yize kuri Ecole Primaire de Kimisagara, amashuri yasimbuye yiga kuri Saint Philippe. Kaminuza yiga muri Mount Kenya, Ishami rya Nairobi mu Ishami rya ‘Pschologie’.

Ni umwana wa Kane mu Bana batanu (Bose ni abakobwa). Avuga ko akunda gusoma ibitabo, kureba Filime, gutembera ahantu hantu ahanini bitewe n’uko mu mashuri yisumbuye yize ‘Tourism’.

Teta Cyuzuzo Liza yinjiye mu muziki

Indirimbo ‘Forever’ yahereyeho avuga ko ari inkuru mpamo

Ngo aje gushyira itafari mu muziki Nyarwanda

Umuhanzi Nyarwanda Ngabo Medard [Meddy] wiyeguriye umuziki wo kuramya no guhimbaza Imana, yavuze ibihe bikomeye yanyuranyemo n’umugore we Mimi Mehfira.

Meddy yabigarutseho ubwo yari mu giterane yatumiwemo mu Mujyi wa Portland muri Leta ya Maine ku wa 29 Nzeri 2024.

Meddy yakomoje ku rugendo rwe rwo gukizwa, mu kiganiro yagiranye n’abitabiriye iki giterane Meddy yahishuye ko yigeze kubaho mu ntambara n’uwari umukunzi we uyu munsi wabaye umugore we.

Izi intambara Meddy yavuze ko zatewe n’uko Mimi yasanze ari umuhanzi ukomeye kandi akunzwe n’abakobwa bifuzaga kumwegera igihe cyose.

Ati 'Mpuye n’umugore wanjye nagerageje kumwereka ko ndi umusore mwiza utagoye, nari umuntu wamamaye iwacu ariko ntabyo yari azi, abimenye rero hatangiye kuzamo utubazo. Ugiye mu gitaramo ufite umugore akabona buri mukobwa ashaka kukwegera, bimutera umutekano muke.'

'Umubano wacu wahise utangira kuzamo agatotsi, buri wese yibaza icyo yakora ngo anezeze undi, hatangira kuzamo intambara za hato na hato, nari naratakaye, ndacanganyukirwa kuko ntari mfite icyerekezo, ibintu bitangira kujya ahabi.'

Yakomeje avuga ko muri ibyo bibazo yabifashijwemo n’amasengesho aho yamaze umwaka mu cyumba cye asenga.

Ati 'Nafashe Bibiliya nsoma Ijambo ry’Imana mu cyumba cyanjye kuko numvaga byandenze, ntazi icyo nshaka, ntazi uwo ndiwe. Namaze umwaka mu cyumba cyanjye nsenga. Numvaga ko umunsi umwe Imana izaza ikanyiyereka ariko siko byagenze. Ndimo nsenga umwuka wanjye watewe imbaraga ntangira guhinduka ntarabimenya.'

Meddy yakomeje agira ati 'Nari naratangiye kubana n’umukunzi wanjye, mubwira ko bitakunda ko dukomeza kubana, nti ‘tugomba kubanza gushakana mbere y’uko tubana’.'

'Umugore wanjye twabanye mu birori, twatemberanye ahantu henshi […] inshuro nyinshi nakundaga kumuha ku nzoga numva ari byiza. Akanya gato naje kwisanga ndi Pasiteri we, ndamusengera buri munsi na buri joro ngo Yesu abashe kumwiyereka. Asinziriye ambwira ko yagize inzozi, musobanurira ko ari Yesu wamwiyeretse we ntiyabyumva.'

Meddy yshimira ko yasengeye umugore we akamubaza uko basenga none ubu na we akaba yaraje kwakira agakiza.

Ati 'Nakomeje gusengera umugore wanjye, akajya ambaza uko basenga nanjye mubwira ko yajya aza tukajyana, umunsi umwe twagiye gusengera muri Pariki ari nijoro, nkajya mvuga indimi we akagira ngo ndi gusenga mu Kinyarwanda, atangira kurira, ararira cyane, nta kintu na kimwe yari azi kuri Yesu.'

Umugore we Mimi bashakanye muri 2021 yaje kwakira agakiza maze no muri 2024 yemera kubatizwa, ubu bakaba bishimye mu rugo rwa bo.

Meddy yahishuye ko umugore we yakomeje kubonekerwa kugeza ubwo amubwiye ko ashaka kwakira Yesu, ibyahinduye ubuzima bwabo.

Meddy yatanze ubuhamya bw’uburyo yamaze igihe ashwana n’umugore we

Ubu yavuze ko we n’umugore we babanye neza

Muri Werurwe 2023, mu Rwanda hatangajwe ibyerekezo by'imihanda byiyongereyemo 12 bishya, bituma mu Mujyi wa Kigali honyine habarurwa ibyerekezo cyangwa imihanda 79 ibonekamo imodoka zitwara abagenzi mu buryo bwa rusange.

Imibare igaragaza ko abagenda mu modoka za rusange bazikoresha cyane mu masaha yo kujya mu kazi no mu gihe cyo gutaha bakavuyemo.

Kubera imodoka 200 zitwara abantu mu buryo bwa rusange ziheruka kugurwa, imirongo miremire muri gare yamaze gusa n'iyibagirana.

Raporo y'igihembwe cya kabiri yerekeye umurimo mu Rwanda, Labour Force Survey, y'Ikigo cy'Igihugu cy'Ibarurishamibare, igaragaza ko Abanyarwanda barenga miliyoni 8,3 bafite imyaka yo gukora, mu gihe miliyoni 4,3 ari bo bari bafite akazi na ho abandi biganjemo abatari ku isoko biteguye gukora akazi mu gihe abashomeri barenga ibihumbi 800.

Mu bafite imirimo bakora mu Mujyi wa Kigali harimo abarenga 61% bajya ku kazi n'amaguru mu gihe 25,9% bakoresha uburyo bwo gutwara abantu bwa rusange na ho 12,7% bo bakoresha ibinyabiziga biguriye.

Mu yindi mijyi ho abajya ku kazi n'amaguru babarirwa muri 75,3% abagenda n'imodoka za rusange bo ni 14,5% mu gihe abakoresha ibinyabiziga byabo bwite ari 10,2%.

Abatuye mu bice by'icyaro bakoresha ibinyabiziga byabo bwite bagiye ku kazi ni 5% mu gihe abakoresha imodoka za rusange ari 2%.

Raporo ya Banki y'Isi igaragaza uko ubukungu bw'u Rwanda buhagaze, yagaragaje ko abakora akazi batigeze biga n'abasoje amashuri abanza bahembwa impuzandengo y'ibihumbi 26 Frw, abize icyiciro rusange bahembwa ibihumbi 40 Frw, abasoje ayisumbuye bagahembwa ibihumbi 100 Frw na ho abasoje kaminuza bahembwa impuzandengo y'ibihumbi 200 Frw ku kwezi.

Imodoka zitwara abagenzi mu buryo bwa rusange zariyongereye

Abashaka kwihuta bakoresha moto ugereranyije n’imodoka za rusange

Abenshi mu bakora imirimo iciriritse bajya ku kazi kandi bakavayo n’amaguru

Icyumweru cya mbere cy’Irushanwa Mpuzamahanga rya Tennis, Rwanda Open M25 cyegukanywe na Corentin Denolly atsinze mwene wa bo w’Umufaransa, Bax Florent.

Uyu munsi ni bwo hashyizweho akadomo ku cyumweru cya mbere cya Rwanda Open M25 ya 2024, ni irushanwa ririmo kuba ku nshuro ya 2 kuva ribaye mpuzamahanga.

Umukino wa nyuma wahuje Abafaransa babiri, Corentin Denolly na Bax Florent, ni nyuma yo kwitwara neza muri 1/2.

Corentin Denolly akaba yaje kwegukana umwanya wa mbere ahembwa ibihumbi 3.6 by’amadorali (ni ukuvuga 4,700,000 Frw), ni nyuma yo gutsinda mugenzi Bax amaseti 2-0 (6-3, 7-6).

Hakaba hanahembwe kandi abegukanye umwanya wa mbere mu bakina ari babiri “Doubles” aho igihembo nyamukuru kingana n’amadorali 1550 cyegukanywe n’Umufaransa Corentin Denolly n’Umunya-Tunisia Aziz Ouakaa batsinze ku mukino wa nyuma abavandimwe bakomoka muri Zimbabwe, Benjamin Lock na Courtney John Lock.

Icyumweru cya kabiri kikaba kizatangira ku munsi w’ejo ku wa Mbere tariki ya 30 Nzeri gisozwe ku wa 6 Ukwakira ari nabwo irushanwa rizarangira.

Igihembo abakina ari umwe yegukanye

Igihembo abakina ari babiri begukanye

Byari ibyishimo bikomeye kuri Corentin Denolly wegukanye icyumweru cya mbere

Yabaye uwa mbere atsinze Bax Florent

Corentin Denolly ashyikirizwa igikombe

Bax Florent yabaye uwa kabiri

Corentin Denolly na Aziz Ouakaa ni bo babaye aba mbere mu bakina ari 2

Benjamin Lock na Courtney John Lock. Babaye aba kabiri

Yabigarutseho mu giterane cya Rwanda Shima Imana cyabaye kuri iki cyumweru tariki 29 Nzeri 2024, kibera muri Stade Amahoro.

Minisitiri w'Intebe, Dr. Edouard Ngirente, wari uhagaririye Perezida Kagame yabanje kugeza ku bacyitabiriye intashyo yahawe n'Umukuru w'Igihugu.

Yagize ati 'Naje hano mbafitiye ubutumwa bwa Nyakubahwa Perezida wa Repubulika ari na we naje mpagarariye muri uyu muhango. Ndagira ngo mbagezeho intashyo za Perezida wa Republika wambwiye ngo mbaramutse cyane kandi akaba yansabye kubashimira ku butumire mwamugejejeho.'

Minisitiri w'Intebe, Dr. Edouard Ngirente, yahise akomoza kuri amwe mu madini afite imigirire idahwitse kandi igamije kuyobya Abanyarwanda.

Ati 'Twabonye amadini amwe, abuza abantu kwivuza kwa muganga, akababwira ko kwivuza ari icyaha, ko kwiga ari icyaha ko kujya mu ishuri ari icyaha, twabonye amadini abuza abantu kwitabira umurimo. Twabonye amwe abwira abana gutandukana n'ababyeyi babo ngo ko bashobora kuba ari abanyabyaha.'

Minisitiri w'Intebe, Dr. Edouard Ngirente, yavuze ko nubwo amadini menshi mu Rwanda akora neza kandi afite inyigisho nzima ariko u Rwanda rutazigera rwemera abanyamadini bayobya Abanyarwanda.

Ati 'Ni nka kwa kundi umwana aba umwe agatukisha bose ariko turabizi ko amadini menshi akora neza gusa. Icyo tudakwiye kwemera ni ayo madini yaza akayobya Abanyarwanda ababuza kwitabira gahunda z'Igihugu ababuza no kwiteza imbere.'

Yasabye ubufatanye mu kurwanya amadini yaba agendera ku nyigisho zigamije kuyobya Abanyarwanda ndetse asaba ubufatanye bw'amadini mu kurwanya ko abantu basengera ahashyira ubuzima bwabo mu kaga.

Ati 'Turasaba gukomeza kurwanya abashobora kuba batuvangira twese bazana inyigisho z'ibinyoma zibabuza kwiteza imbere. Ntabwo twifuza ko muri iki gihe Abanyarwanda basengera ahantu hashobora gushyira ubuzima bwabo mu kaga, ni yo mpamvu dufatanyije namwe mu zadufasha kugira ngo iyo myumvire ihinduke abantu bahurire ahantu hajuje ibisabwa.'

Mu masengesho azwi nka National Prayer Breakfast, Perezida Paul Kagame na we yashimangiye ko u Rwanda rwanyuze mu mateka akomeye rudashobora kwemerera ibibonetse byose.

Icyo gihe yagize ati 'Ntabwo abantu banyuze mu bintu nk'ibyo twanyuzemo twaha urubuga ibibonetse byose.'

Guverinoma yasabye abanyamadini gukomeza ubufatanye muri gahunda zinyuranye zijyanye n'iterambere nko kurwanya ubukene, igwingira ry'abana no gukoresha ibiyobyabwenge by'umwihariko mu rubyiruko.

Yashimangiye ko Guverinoma y'u Rwanda ishima abagize uruhare mu gutegura icyo giterane, kugira ngo hishimirwe intambwe igihugu kigezeho cyiyubaka, ahamagarira abanyamadini kugira uruhare mu ishyirwa mu bikorwa rya NST2.

Ati 'Turashimira umuryango Peace Plan wateguye uyu munsi wo gushima Imana ku bw'imyaka 30 y'iterambere mu Rwanda. Tubashimiye ko mwabaye abafatanyabikorwa kandi twizeye ko muzadufasha no mu gushyira mu bikorwa icyiciro cya kabiri cyo kwihutisha iterambere cya NST2.'

Yashamangiye ko amadini ari umufatanyabikorwa mwiza wa Guverinoma y'u Rwanda mu ngeri zinyuranye zirimo gutegura umuryango utekanye kandi ushoboye, iterambere rirambye ndetse n'imibereho myiza.

Umushumba wo mu Itorero rya Eglise Vivante, Pst Senga Emmanuel, wigishije ijambo ry'Imana yashimangiye ko ibyo Imana yakoze bikwiye gutuma Abanyarwanda bayishima ari byinshi birimo no kuba yarashoboje ingabo za RPA kubohora igihugu no guhagarika Jenoside.

Yijeje ko bazakomeza kugira uruhare mu gusigasira ibyo u Rwanda rumaze kugeraho ariko yizeza ko mu myaka 30 iri imbere u Rwanda ruzaba rugeze kuri byinshi byiza kandi bazabigiramo uruhare.

Umuyobozi Mukuru wa PEACE Plan Rwanda akaba n'Umushumba Mukuru w'Itorero ry'Angilikani ry'u Rwanda, Archibishop, Dr Laurent Mbanda, yashimiye ubuyobozi bw'Igihugu by'umwihariko Minisitiri w'Intebe witabiriye igiterane cya Rwanda Shima Imana.

Yashimangiye ko Abanyarwanda bafite impamvu nyinshi zo gushima nyuma y'imyaka 30 Jenoside yakorewe Abatutsi mu 1994.

Umuhuzabikorwa w'Igiterane cya Rwanda Shima Imana, Ambasaderi Dr. Charles Murigande, yagaragaje ko gushima ari umuco mwiza w'Abanyarwanda mu gihe umuntu hari icyo yagukoreye bityo ko hari impamvu nyinshi zo gushima Imana.

Amb. Murigande kandi yashimye Imana ko yahaye abanyarwanda Ijabo mu mahanga cyane ko nyuma gato ya Jenoside yakorewe Abatutsi abanyarwanda baterwaga ipfunwe n'abo bari bo mu mahanga ariko kuri ubu bakaba baterwa ishema ndetse n'abanyamahanga bashaka kurwigiraho.

Yavuze ko nko mu 2000 mu Rwanda hageraga indege 20 gusa mu cyumweru ariko kuri ubu zikaba zihagenda ku munsi.

Abantu bacinye akadiho karahava

Iki giterane cyitabiriwe n’abantu benshi

Abitabiriye iki giterane bagize umunezero udasanzwe

Umunezero wari wose ku bahanzi n’abitabiriye iyi gahunda

Amb. Dr. Charles Murigande yagaragaje impamvu nyinshi zo gushima Imana

Umuyobozi w’Umuryango Peace Plan Rwanda, Dr. Laurent Mbanda, yashimye uko guverinoma ikorana n’abanyamadini

Pst. Senga Emmanuel ni we wabwirije ijambo ry’Imana

Minisitiri w’Ubutegetsi bw’Igihugu, Musabyimana Jean Claude, Minisitiri w’Intebe Dr. Edouard Ngirente na Dr. Laurent Mbanda

Dr Edouard Ngirente aganira na Dr. Laurent Mbanda

Minisitiri w’Intebe, Dr. Edouard Ngirente, ageza ijambo ku bitabiriye iki giterane

Dr. Ngirente yagaragaje ko u Rwanda rutazajenjekera amadini yimakaje inyigisho ziyobya

Antoine Cardinal Kambanda na we ari mu bitabiriye iki giterane

Umuyobozi Mukuru wa RGB, Doris Picard na Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah

Jehovah Jireh Choir iririmba zimwe mu ndirimbo zayo zikunzwe

Amafoto: Habyarimana Raoul na Kwizera Herve

Kuri uyu wa 29 Nzeri 2024, ibihumbi by'abantu bahuriye kuri Stade Amahoro muri Rwanda Shima Imana aho umushyitsi Mukuru Minisitiri w'Intebe, Dr Ngirente yagejeje ijambo yari yateguriye uyu munsi rikubiyemo intashyo za Perezida Kagame yari ahagararariye.

Mu ijambo rye yagarutse ku musanzu w'amadini n'amatorero, ibyo amwe akora bidakwiriye, asoza asaba ubufatanye mu gukomeza kubaka igihugu.

Ati”Mu izina rya Nyakubahwa Paul Kagame Perezida wa Repubulika y'u Rwanda nishimiye kwifatanya namwe muri iki gikorwa cyiza mwateguye cyo gushima Imana, ndagira ngo mbagezeho intashyo za Nyakubahwa Perezida wa Repubulika wambwiye ngo mbaramutse cyane”.

Minisitiri w’Intebe Dr.Edouard Ngirente akaba yavuze ko Guverinoma y'u Rwanda ishimira abagize bose uruhare mu gutegura iki giterane  cyo gushimira Imana ku ntambwe u Rwanda rwateye rwiyubaka.

Mu ijambo rye yaboneyeho gushimira uruhare rw'amadini n'amatorero agira mu iterambere ry'igihugu ati”Muri abafatanyabikorwa beza, ndagira ngo nshimire abayobozi b'amadini n'amatorero imbere y'abakristo banyu n'abayoboke banyu.

Guverinoma y'u Rwanda ikaba ibashimira urwo ruhare rwanyu mugira mu guteza imbere igihugu cyacu,ibikorwa byanyu mufatanya na Guverinoma turabizi hari ibijyanya n'uburezi, hari ibijyanye n'ubuzima, amavuriro, hari ibijyanye no kurwanya ubukene, hari ibijyanye n'ubuhinzi n'ubworozi.

Ariko cyane cyane ibijyanye no kubaka umuryango nyarwanda utekanye, ibyo twemera ko amadini yose dufite mu Rwanda abidufashamo ari abakristo n’atari abakristo yose abigiramo uruhare”.

Yakomeje avuga ko ntagushidikanya   amadini n'amatorero yagize uruhare rukomeye mu gufatanya na Leta kubaka u Rwanda.

Ati”Muri urwo rugamba rw'iterambere rero turimo ndetse n'urw'umutekano n'igihugu muri rusange ntabwo twareka na none kuvuga ko muri iyi minsi ishize hagiye hagaragara ibyo twakwita amadini ariko bimwe bavuga ko umwana ashobora kuba umwe agatukisha, benshi yagiye agaragaza inyigisho zibuza abantu kwitabira gahunda za Leta mu kwiteza imbere no guteza imbere imiryango yabo.

Twabonye amadini amwe abuza abantu kwivuza igihe barwaye, akababwira ko kwivuza kwa muganga ari icyaha, twabonye amadini abwira abana ko kwiga ari icyaha ko kujya mu ishuri bitemewe, twabonye amadini abuza abantu kwitabira umurimo avuga ko niyo utakora Imana yagusanga aho uri ikakugaburira.

Twabonye kandi amadini amwe abwira abana gutandukana n'ababyeyi babo ngo ko ababyeyi bashobora kuba ari abanyabyaha, twabonye kandi n'amadini yagiye atanga inyigisho zinyuranye n'indangagaciro z'umunyarwanda twifuza ariko nk’uko nabivuze nibyo abanyarwanda bavuga ko umwana ashobora kuba umwe agatukisha benshi.

Yashimangiye ko amadini menshi ari meza yakoze neza, yafatanije na Leta mu bikorwa by'iterambere,ati”Icyo tudakwiriye kwemera nk'igihugu nka sosiyete ni ayo madini n’izo nyigisho zaza ziyobya abanyarwanda zibakura ku ndangagaciro zabo, zibabuza kwiteza imbere ariko ahandi ho uruhare amadini yagize mu iterambere ry'igihugu twararubonye kandi n'ubu turacyabasaba gukomeza ngo dukomeze dufatanye twubake u Rwanda twifuza”.

Yashimiye kandi umuryango Peace Plan wateguye iki giterane cyo gushimira Imana ku bw'imyaka 30 y'amahoro n'iterambere mu Rwanda.