Category: Uncategorized

Mu myidagaduro ahantu hari hahari hagutse ho kuba abantu bahurira bakidagadura hakaba hari muri BK Arena yakira abagera mu bihumbi 10.

Ni inyubako yagiye ikomeza kugarukwaho, bamwe bavuga ko yabaye umunzani wo kugaragaza aho imyidagaduro igeze dore ko umuhanzi wabashije kuyisukira akayuzuza aba aciye agaigo.

Kugeza ubu Israel Mbonyi akaba ari we wabashije kuyuzuza abantu bagataha babuze aho bajya.

Ikibazo kugeza ubu ni uko abahanzi mbarwa aribo bari barabashije kwipima BK Arena bityo  hakibazwa igisabwa kugira ngo haboneke uwipima Stade Amahoro yakira ibihumbi 45.

Intambwe ikaba ari ukuba haboneka abayigerageza ku buryo byanasobanura neza ikibura n’igikenewe kugira ngo habashe kuba haba ahantu ha siporo n'imyidagaduro ihisange.

Hagendewe ku gikorwa gitandukanye cya Rwanda Shima Imana n’imikino na gahunda za Guverinoma zimaze kubera muri Stade Amahoro ivuguruye hari icyizere ko ibi byagerwaho.

Igiterane Rwanda Shima Imana cyabaye  ejo ku Cyumweru tariki  29 Nzeri 2024, cyitabiriwe n’amadi n’amatorero atandukanye.Imiryango nk’uko byari biteganijwe yafunguwe Saa Tanu byagiye kugera Saa Munani 50%  bamaze kugeramo.

Abantu bakaba ari nako bakomezaga kwiyongera ku buryo imvura yagiye kugwa bigaragara ko hari hasigaye nk’isaha imwe ngo hantu hakubite huzure.

Ni igikorwa cyari cyatumiwemo abahanzi batandukanye nka Aime Uwimana, Tonzi, Gabby Kamanzi, Ben, Chryso Ndasingwa n’abandi.

Hari kandi na Korali zimaze kugwiza ibigwi nka Jehovah Jireh na Ambassadors Of Christ, ibi bitanga icyizere ko igitaramo cyo kuramya no guhimbaza Imana cyabasha rwose kuzuza Stade Amahoro.

Ibi bikanagaragaza ko ibyagarutsweho n’abo twaganiriye kuri iyi ngingo bishoboka birimo gukomeza gutanga umwanya ngo hageragezwe ko amahirwe yo kureba ibishoboka.

Hakaza kandi no kuba abantu bahurije hamwe igikorwa cyose cyahategurirwa ntakabuza cyabasha kubona abacyitabira kandi bagahabwa serivisi iboneye.Rwanda Shima Imana yerekanye ko Stade Amahoro  yaje ikenewe mu bikorwa by’imyidagaduro ishingiye ku bintu bisanzwe cyangwa kuramya no guhimbaza Imana

InyaRwanda tukaba twaganiriye na bamwe mu bakurikiranira hafi imyidagaduro mu Rwanda babigarukaho ariko bose bahuriza ku kuba hari icyizere, bakagaragaza n’icyo bisa.

Umunyamakuru wa RadioTV10, Khamis Sango ati'Stade Amahoro yakuzura  kuko ni igikorwa cyubakiwe abanyarwanda ngo barusheho guteza imbere impano zabo no kwidagadura muri rusange.'

Kandi asanga abanyarwanda bahari kandi banezerewe bityo ntacyababuza kuba bakwitabira igikorwa cyose cyabateguriwe gusa bisaba ubukangurambaga no kwamamaza byisumbuye.

Ati'Abantu bose dufitanye isano mu myidagaduro dukoreye hamwe ntakabuza Stade Amahoro yakuzura, kuko dufite impano nyinshi kandi zidasanzwe by'akarusho umuziki wacu ni mwiza n'abantu barawukunda.'

Iyi ngingo kandi ayihurizaho na Beni Abayisenga ukorera RC Musanze uvuga ko nubwo hari byinshi bisa nk'imbogamizi birimo kuba Stade Amahoro yarubatswe hagendewe ku bikenewe by’ibanze mu mupira w'amaguru ariko icyizere gihari ko yakuzura.

Ati'Mbonyi ni we wabaye uwa mbere wujuje BK Arena ariko twamaze kubona ko na nyuma ye hari abandi, hakenwe undi muntu rero uza gutanga isomo agatinyura abandi.'

Agaragaza ko hari ibisabwa abafite mu nshingano Stade Amahoro bakorohereza ababyifuza kwipima kugira ngo hanarebwe ikibura n'uko cyabasha kuboneka.

Gusa Beni Abayisenga avuga ko bitazatwara igihe kugira ngo haboneke igikorwa cy’imyidagaduro kiyinyeganyeza cy'umuziki.

Beni Abayisenga kandi yibutsa ko hari ibitaramo bikomeye n'ubundi byagiye bikorerwa muri Stade Amahoro mbere y’uko ivugururwa kandi byagiye biyuzuza.

Urugero rw'ibitaramo byahabereye bikahatigisa mbere y’uko havugurwa birimo MTN Tuwukate, igitaramo cya Makoma, igitaramo cya nyuma cya Lucky Dube muri Fespad , Brenda Fassie n'abandi.

Ikigaragazwa n'ababa banyamakuru bombi b'imyidagaduro ni uko icyizere gihari ariko na none bisaba gutegura yaba mu buryo bwo kumenyekanisha ibihabera no ku ruhande rwo kureba inzira nziza yakorohereza abantu kureba umuntu waba ahataramira.

Tidjara Kabendera na we agaragaza ko ari byiza kuba Stade Amahoro yaramaze kubakwa ariko abahanzi bagifite umukoro wo kubanza kwipima BK Arena.

Ibyo bijyana no kuba yaba mu muziki no muri siporo hakongerwa uburyo bwo guhamagarira abantu n'abava mu Ntara kujya bitabira ibikorwa bihategurirwa.

We avuga ko abantu bakunda ibyo byombi ari bamwe, bityo hakenewe gushakishwa uburyo bwo gukundisha n'abandi ibibera muri Stade Amahoro.

Iyi ngingo KNC uheruka kuhategurira umukino yayigarutseho, avuga ko Stade Amahoro isaba gutekereza birenze aho abategura imikino wavuga ko yabwiraga abari mu myidagaduro ko batekereza bakareba udushya bakwiriye kurema tuzazana n’abadasanzwe bisanga muri ibi byiciro.Khamis Sango asanga abanyarwanda banezerewe kandi bakunda imyidagaduro bityo ntakabuza kuba bakwitabira bakuzuza Stade AmahoroBeni Abayisenga agaragaza ko hakenewe umuntu runaka utinyura abandi kuko nta n’uwari uzi ko BK Arena yakuzuzwa na Israel MbonyiTidjara Kabendera agaragaza ko hakiri urugendo n’isomo abahanzi bafite kwigira kuri BK Arena KNC yakomoje ku guhanga udushya ku bategura ibikorwa bihuriza abantu muri Stade Amahoro, igikorwaremezo abona kimeze nka Hoteli y’inyenyeri eshanu

Ni kimwe mu byagarutsweho mu Nteko Rusange y'Inama y'Igihugu y'Abagore ya 23 yabaye kuri uyu wa Mbere tariki 30 Nzeri 2024, yateraniye mu Ngoro y'Inteko Ishinga Amategeko, kuri uyu wa Mbere, aho mu bindi iri gusuzuma harimo ikibazo cy’abana bata ishuri n’inda ziterwa abangavu.

Insanganyamatsiko y'iyi nama ya 23 igira iti: 'Iterambere ry'umugore, iterambere ry'Igihugu.'

Iyi nama yafunguwe ku mugaragara na Perezida w'Inteko Ishinga Amategeko umutwe w'Abadepite, Kazarwa Gerturde, yitabiriwe n'abagore babarirwa mu 150 bahagarariye abandi kuva ku rwego rw'Uturere kugeza ku rwego rw'Igihugu, ndetse n'abayobozi bo mu nzego zinyuranye barimo na Minisitiri w'Umuryango.

Abagore bitabiriye iyi nama, baganirijwe ku cyateza imbere abagore muri rusange no gukemura ibibazo by'igihugu.

Aba bagore kandi, biyemeje gukora ku mihigo ijyanye n'icyiciro cya kabiri cya Gahunda y'Igihugu y'imyaka 5 yo kwihutisha iterambere (NST2), mu kurushaho gutanga umusanzu wabo mu kubaka Igihugu.

Gahunda ya 2 y' Igihugu yo Kwihutisha Iterambere (NST2) 2024-2029, izita ku nkingi eshanu z'ingenzi zirimo guhanga imirimo myiza kandi itanga umusaruro, kugabanya igwingira n'imirire mibi, kongera ibyoherezwa mu mahanga, kuzamura ireme ry'uburezi no kuzamura imitangire ya serivisi nziza.

Perezida w'Inama y'Igihugu y'abagore Nyirajyambere Bellancilla, yagaragaje ko abagore bagize uruhare mu kubaka Igihugu, ndetse ko binyuze mu Nama y'Igihugu y'Abagore hari ibikorwa by'iterambere byakozwe birimo gufasha imiryango itishoboye.

Yakomeje agira ati: 'Turashaka ko dufatanya n'inzego z'ibanze kugira ngo tubashe kwesa imihigo duhereye hasi ku Mudugudu, turifuza ko buri karere na buri ntara tuzajya duhiga imihigo tugendeye ku mwihariko waho ariko nanone dushingiye kuri gahunda ya NST2 ndetse n'icyerekezo 2050.'

Mu myanzuro imwe y'Inama Rusange y'Inama y'Igihugu y'Abagore ya 22 yashyizwe mu bikorwa harimo inzu 213 zubakiwe abatishoboye, imiryango 31,581 yubakiwe ubwiherero, imiryango 37,513 yubakiwe kandagira ukarabe, imiryango igera ku 34,915 yubakiwe ingarani,;

Imiryango 3,563 yishyuriwe ubwisungane mu kwivuza, abantu  929 bahawe inka, abagera ku 2,105 bahawe ihene, 230 bahabwa  intama, 376 bahawe ingurube, mu gihe abantu  4,871 bahawe inkoko. 

Hateranye Inteko Rusange y’Inama y’Igihugu y’Abagore ya 23

Bishimiye igaruka ry’ingengo y’imari yagenerwaga ibigega bishinzwe iterambere ry’abagore

Abagore biyemeje gukorera muri gahunda y’igihugu y’imyaka 5 yo kwihutisha iterambere, NST2 

Umuhanzi Nyarwanda, Juno Kizigenza yamaze kwinjira no muri Sinema aho yahereye kuri filime ya Muzika izajya inyura kuri Zacu TV.

Ibi byatangajwe na Zacu TV inyuraho filime Nyarwanda ikaba igaragara kuri CANAL+, hari mu gikorwa cyo kumurika imishinga ya 2025.

Ni ibirori byabaye tariki 27 Nzeri bikitabirwa n’abantu b’ingenzi zinyuranye, harimo abakinnyi ba filime nyarwanda, abayobozi ba CANAL+ na ZACU TV, ndetse n’abafatanyabikorwa banyuranye.

Cédric Pierre-Louis, umuyobozi ushinzwe gahunda n’ibiganiro bya ZACU TV, yagaragaje ko muri 2025, ZACU TV ifite gahunda zo gukora imishinga izaba igizwe ahanini n’inkuru z’urubyiruko, ndetse ku nshuro ya mbere mu Rwanda, bakaba bagiye gukora filime na seri ziganjemo inkuru z’umuziki ari na yo umuhanzi Juno Kizigenza azagaragaramo

Ati 'Mu gihe ZACU TV yitegura kwizihiza imyaka ibiri ishize ibayeho, twishimiye ko imishinga inyuranye twamurikiye Abanyarwanda bayikunze. Mu gihe tumurika imishinga y’umwaka mushya, twishimiye ko ku nshuro ya mbere, abakurikira ZACU TV, bazaryoherwa na filime zivuga ku nkuru z’urubyiruko, ndetse na muzika.'

Si ibyo gusa kandi kuko Cédric Pierre-Louis yatangaje ko ZACU TV iherutse gusinyana amasezerano na NBC Universal, imwe muri sitidiyo zikomeye i Hollywood, aho ku nshuro ya mbere, Abanyarwanda bagiye gukurikira zimwe muri filime zabiciye bigacika hirya no hino ku Isi, 100% ziri mu Kinyarwanda.

Umuyobozi mukuru wa ZACU Entertainment, sitidiyo ya CANAL+ GROUP itunganya filime nyarwanda zinyuranye, Wilson Misago, yatangaje ko ashimishijwe no kuba seri ya Seburikoko igiye kugaruka by’umwihariko mu ishusho nshya kuri ZACU TV.

Ati 'Inshuro nyinshi nagiye mbisabwa n’abantu banyuranye, bambaza niba ntateganya kongera gukora seri ya Seburikoko. Ubu nishimiye ko abakunzi b’iyi seri bagiye kongera kuyibona mu isura nshya kuri ZACU TV, ndetse ikaba izaba iherekejwe n’indi mishinga inyuranye ZACU Entertainment isanzwe itunganya.'

Sophie Tchatchoua, umuyobozi wa CANAL+ RWANDA yavuze ko atewe ishema n’intambwe shene ya ZACU TV imaze kugeraho, atangaza ko abakiliya b’iki kigo gicuruza amashusho bakunda kureba cyane ZACU TV, ndetse ko iyi shene yashyizweho kugira ngo irusheho guteza imbere inkuru zakorewe mu Rwanda.

Sophie yakomeje ashimangira ko abantu badakwiye kugira impungenge zo gucikwa na gahunda ZACU TV, asoza yibutsa abakunzi ba sinema nyarwanda ko imishinga yose ZACU TV imurika, bashobora kuyireba igihe cyose bifashishije APPLICATION CANAL+.

ZACU TV ni shene ubusanzwe iboneka ku miyoboro ya 3, 38 ndetse na 390 kuri dekoderi za CANAL+, kuva ku ifatabuguzi ry’ibihumbi 5,000 RWF rizwi nka 'IKAZE.’

Juno Kizigenza yinjiye muri Sinema

Umuyobozi wa Zacu Entertainment, Wilson Misago yagaragaje ko Seburikoko igiye kugaruka mu isura nshya

Cédric Pierre-Louis, umuyobozi ushinzwe gahunda n’ibiganiro bya ZACU TV, yagaragaje imishinga ya 2025 harimo na filime izkinwamo na Juno Kizigenza

Sophie Tchatchoua, umuyobozi wa CANAL+ RWANDA, yatangaje ko atewe ishema n’intambwe shene ya ZACU TV imaze kugeraho

Bamwe mu bakinnyi ba filime zitambuka kuri ZACU TV bari bahari

Ikibazo cy'abangavu baterwa inda kiri mu bihangayikishije cyane ahanini bitewe n'umubare ugenda wiyongera, ndetse umubare munini ukagaragaza ko ababateye inda ari abantu bakuru bubatse.

Nko mu 2023 abangavu bafite imyaka iri hagati ya 10 na 19 babyaye bagera kuri 19,406. Mu mezi atandatu ya mbere ya 2024, abangavu batewe inda barenga ibihumbi 10. Barimo abatarengeje imyaka 14, bagera kuri 50.

Imibare igaragaza ko mu 2017, abangavu batewe inda zitateganyijwe bari 17.331, umubare wazamutse cyane mu myaka yakurikiyeho bagera ku 23.622 mu 2019 mu gihe mu 2020 bari 19.701, bigeze mu 2021 baba ibihumbi 23.534.

Minisitiri Consolée Uwimana ubwo yari mu nama rusange 23 y'Inama y'Igihugu y'Abagore kuri uyu wa 30 Nzeri 2024 yagaragaje ko abayobozi b'abagore bakwiye kugira uruhare mu guhashya ikibazo cy'ihohoterwa rishingiye ku gitsina rikorerwa abana.

Ati 'Ntabwo byumvikana kandi kubona umugabo atera abana inda akabikora rimwe, kabiri, gatatu turi aho tubizi, duturanye tumuzi. Ibi birababaje. Ntiwibuke ko nawe ufite umwana w'umukobwa urera. Urabyiruye, uyu murozi umunsi umwe nawe ashobora kukugeraho. Uhishira rero umurozi akakumara ku rubyaro.'

Yavuze ko ibi byose bibaho nyamara abari mu nzego zitandukanye z'abagore barimo abayobozi batandukanye ku buryo bamwe bajya mu muryango bagakemura ikibazo kimwe birengagije ko hari n'ibindi bibazo byugarije umuryango.

Ati 'Icyaha cyo gusambanya abana ntabwo gikorerwa abana b'abakobwa gusa, n'abana b'abahungu barahohoterwa. Aba bantu tubagaragaze bahanwe.'

Minisitiri Uwimana yahamije ko bitari bikwiye gukomeza kubona hari imiryango itagira ubwiherero, bikamara imyaka irenga 10.

Ati 'Ntabwo byumvikana ko dushobora kumara imyaka irenga 10 tuvuga abantu badafite ubwiherero, ugasanga akarere kahize, mu bijyanye n'ubwiherero tuzakora 200. Barahiga 200 mu bwiherero ibihumbi bitanu bafite bakavuga ngo ni bwo bushobozi akarere gafite.'

'Ndagira ngo tubifate nk'umuhigo ba mutima w'urugo ntabwo tuzabikora twenyine ariko tuzafatanya n'abandi duhige umuhigo wo kugira icyo dukora.'

Abakoresha abana bataye ishuri bahwituwe

Minisitiri Uwimana yagaragaje ko muri iki gihe hari ikibazo cy'abana bata ishuri ugasanga hari abayobozi batabimenye cyangwa n'ababimenye ntibabyiteho.

Ati 'Ntibyumvikana ko dushobora kumva umwana yataye ishuri ntitubimenye cyangwa twanabimenya ugasanga ahubwo tugira uruhare mu kumukoresha iwacu mu ngo. Ibyo na byo numva ba mutima w'urugo dufite icyo twabikoraho.'

Yanavuze ko bitumvikana kubona abana bagwingiye, 'Tukavuga ngo turava kuri 30% tujye kuri 20%, tuve kuri 20% tujye kuri 10%. Umuntu wagwingiye ingaruka turazizi, turi guteza igihombo igihugu dute? Ntabwo tuzagutuma kugaburira umuntu, ariko kumenya ko umuntu arwaye, afite imirire mibi ukamugeza kwa muganga biragoranye? Nta mafaranga yawe ushoyemo ariko tugire uko kumva ari ibintu tugize ibyacu.'

Imibare y'ubushakashatsi bwa gatandatu ku bwiyongere n'ubuzima bw'abaturage mu Rwanda, RDHS, bwa 2020 igaragaza ko igipimo cy'igwingira mu bana cyari kuri 33% kivuye kuri 38% mu 2015.

Muri gahunda ya Guverinoma y'imyaka itanu harimo ko igipimo cy'igwingira ry'abana bari munsi y'imyaka itanu kizava kuri 33% kikagera munsi ya 15%.

Raporo ya Minisiteri y'Imari n'Igenamigambi igamije gufasha umuturage gusobanukirwa ingengo y'imari, igaragaza ko amafaranga yagenewe guhangana n'ikibazo cy'igwingira ry'abana yiyongereye mu mwaka wa 2024/2025.

Minisitiri Uwimana yagaragaje ko bidakwiye kubona umwana ata ishuri umuyobozi akaba ari we ufata iya mbere mu kumukoresha mu rugo

Abagore bayoboye abandi mu Nama y’Igihugu y’Abagore basabwe guhangana n’ihohoterwa rishingiye ku gitsina

Amafoto: Kwizera Remy Moise

Ikoranabuhanga ni imwe mu ntwaro ziri kwihutisha iterambere rirambye ariko hari bamwe mu rubyiruko n'abakuru barikoresha mu buryo butaboneye, burimo n'ibikorwa bisenya umuryango mugari.

Ubwo yari mu Nama rusange ya 23 y'Inama y'Igihugu y'Abagore kuri uyu wa 30 Nzeri 2024, Perezida w'Inteko Ishinga Amategeko Umutwe w'Abadepite, Kazarwa Gerturde, yatangaje ko abagore bagira uruhare runini mu iterambere ry'igihugu, ariko hakiri n'ibyo bagomba kwitaho ngo umuryango urusheho gutekana.

Ati 'Ni umwanya wo gutekereza tukaganira ku nzitizi, ku bibazo byugarije imiryango yacu ari byo bigira ingaruka ku gihugu no kuba bishobora kuba byadindiza iterambere ry'igihugu muri rusange tugahera aho rero twiha intego ndetse dufata n'ingamba z'icyo twakora.'

'Natanga ingero nke za bimwe mu bibazo numva dukwiriye kwitaho by'umwihariko. Hari ikoreshwa ry'imbuga nkoranyambaga mu rubyiruko rwacu. Ni iterambere ry'ikoranabuhanga ariko ritagombye nanone kuba ikibazo. Dukwiriye kwiga uburyo duhangana n'ingaruka zaryo cyane cyane ko rimwe na rimwe byabangamira n'umuco wacu, tukaba rero tugomba kugira uburyo bwo kubihuza nta kibangamiye ikindi.'

Perezida w'Inama y'Igihugu y'Abagore, Nyirajyambere Belancille, yahamije ko haba mu rubyiruko ndetse n'abakuze hari aho ikoranabuhanga rikoreshwa nabi ariko bagiye gutangira gushyira ingufu mu gutuma umuryango urinda abana gukoresha telefoni bakiri bato.

Ati 'Tugiye gufatanya, turebe ngo ese ni ryari umwana akwiriye guhabwa telefoni, afite imyaka ingahe? Ndetse n'ababyeyi bakavuga ngo uyu mwanya turi gukoresha telefone, turi gukora akazi kuko ikoranabuhanga ni ryiza ariko iyo urikoresheje nabi ritanga umusaruro udakwiye.'

Yagaragaje ko abagize umuryango bakwiye kugena umwanya wihariye wo gukoresha ikoranabuhanga kandi bakanagena umwanya wo kuganira.

Ati 'Umuryango ukwiye kuba uganira. Ntabwo tuba dukwiye kuganira turi kuri telefone, ngo mpamagare papa, umwana avugishe mama ari uko abicishije kuri telefone. Dukwiye gufata umwanya tukaganira n'imiryango yacu ni bwo tuzashobora kubaka umuryango ushoboye kandi utekanye.'

Ibyavuye mu ibarura rusange bigaragaza ko Abanyarwanda barenga 65% ari urubyiruko.
Imibare igaragaza ko mu 2024 abantu barenga miliyari 5.3 ku Isi [bangana na 66% by'abayituye] bakoresha internet.

Ku mugabane wa Afurika umubare w'abakoresha internet ugeze kuri 43%, bigaragaza ukwiyongera gukomeye kuko mu myaka 20 ishize abaturage 2% gusa by'abari bawutuye ari bo bonyine bakoreshaga internet.

Perezida w’Inteko Ishinga Amategeko umutwe w’Abadepite Kazarwa Gerturde yagaragaje ko ikoreshwa ry’imbuga nkoranyambaga rikwiye guhagurukirwa

Abahuzabikorwa b’Inama y’igihugu y’Abagore baturutse mu nzego zitandukanye kuva ku Karere kugeza ku rwego rw’igihugu bahuriye mu nama rusange

Bararebera hamwe ibyo bazakora mu mwaka wose bagamije iterambere ry’umunyarwanda

Biyemeje guharanira iterambere ry’umuryango

Amafoto: Kwizera Remy Moses

Mu Rwanda, uru ni urwego rufatiye runini igihugu kuko nko mu gihembwe cya mbere cy'uyu mwaka rwari rwihariye 25% by'umusaruro mbumbe, mu gihe mu gihembwe cya kabiri cy'uyu mwaka rwiyongera ku rugero cya 7%.

Abahanga mu by'ubuhinzi bagaragaza ko gushyira ingufu mu buhinzi bugamije ubucuruzi ari ingenzi kuko byakomeza kuzamura urwego rw'ubuhinzi bikanagira uruhare mu kongera ibyoherezwa mu mahanga.

Bagaragaza ko ibi bitari kugerwaho neza kubera ko hakiri imbogamizi nyinshi zirimo nk'iz'abahinzi batabona inyungu bagakwiye kubona ugereranyije n'ibyo bashoye, ndetse no kuba ibiciro by'ibiribwa bihenda cyane ugereranyije n'ibyo abantu binjiza.

Prof. Ken Giller wagiye akora ubushakashatsi ku buhinzi mu Rwanda, yagaragaje ko ikibazo cy'ubwinshi bw'ibyo abahinzi bashora ugereranyije n'inyungu babona ku musaruro wabo, Guverinoma y'u Rwanda igomba kugishakira umuti.

Ati 'Ndabizi ko u Rwanda rukura amavuta muri Aziya, bigahita bigora abahinzi bahinga ibivamo amavuta hano kuko bibasaba kubigurisha ku giciro cyo hasi cyane. Ndatekereza ko hagomba gushyirwaho uburyo bwo kugenzura amasoko kugira ngo Abanyarwanda batangire guhingira u Rwanda.'

Yagaragaje ko kimwe mu bisubizo cyaba gufata ingamba zo kuzamura imisoro y'ibikomoka ku buhinzi biva mu mahanga ari na ko ubuhinzi bukorerwa mu gihugu burushaho kwitabwaho.

Prof. Ken Giller, yavuze ko abakora ubuhinzi bugamije ubucuruzi bagomba kwibumbira mu makoperative kugira ngo biborohere kugera ku masoko yagutse no kugera kuri serivisi z'imari mu buryo bworoshye.

Uruhare rw'amashuri

Mu minsi ishize Ishuri Rikuru ry'Ubuhinzi n'Ubworozi butangiza ibidukikije [Rwanda Institute for Conservation Agriculture, RICA], ryashyikirije impamyabumenyi abanyeshuri 81 bari bahasoreje amasomo.

Ni icyiciro cya kabiri kuko muri Kanama 2023, ari bwo icyiciro cya mbere cy'abanyeshuri 75 bahasoreje amasomo.

Mu banyeshuri 75 basoreje kwiga mu 2023 muri iri shuri, 93% muri bo bamaze kwinjira mu kazi mu nzego zitandukanye zijyanye n'ubuhinzi mu gihe abandi bakomeje amasomo.

Umuyobozi Mukuru wa RICA, Dr. Ron Rosati, yavuze ko intego ari ukubaka ubushobozi 'Abantu babashe kugura ibyo kurya byiza kandi ku giciro gito, abahinzi bacu babone inyungu nyinshi, kandi ibyo bikorwe mu buryo burambye.'

Yavuze ko iri shuri ribinyujije muri gahunda rifite, hari abakozi baryo boherezwa gukorana n'abahinzi, bakabigisha ubuhinzi bugezweho kandi butangiza ibidukikije ku buryo bushobora kubazanira inyungu nyinshi.

Ati 'Dufite n'ikindi gice cyita ku bushakashatsi bwibanda ku gushakisha uburyo bwiza bwo kunoza ubuhinzi bubungabunga ibidukikije bukanongera inyungu y'abahinzi kandi bigakorwa mu buryo butabateza ibyago byinshi.'

'Ubu buhinzi kandi buzagabanya ibyo bashora kandi bwongere umusaruro wabo. Nibagurisha byinshi, bazabona amafaranga menshi yo kwishyura amashuri, imyambaro, kwivuza n'ibindi byose by'ingenzi mu buzima bwabo.'

Impuguke muri uru rwego zigaragaza ko leta ikwiriye gushishikariza banki z'ubucuruzi gushaka ibisubizo biri mu bibazo by'ubukungu bw'ibihugu bya Afurika, ubuhinzi bukaba mu by'ibanze.

Prof. Ken Giller, yagaragaje ko leta ikwiye kuzamura imisoro y’ibiribwa biva mu mahanga ari na ko hongererwa urwego rw’ubuhinzi imbaraga

Umuyobozi Mukuru wa RICA, Dr. Ron Rosati, yavuze ko bakorana n’abahinzi mu kwimakaza ubuhinzi bubongerera inyungu kandi burengera ibidukikije

Muri gahunda ya Guverinoma yo kwihutisha iterambere, NST2, byitezwe ko urwego rw’ubuhinzi ruzajya ruzamuka ku kigero cya 6% ku mwaka, umusaruro ukaziyongeraho 50% mu myaka itanu iri imbere

Uru rusengero rwitwaga 'Light of Jesus' rukaba urwa Uwamariya Consolée uzwi cyane nka Mama Ito. Rwari rwubatse mu Mudugudu wa Cyurusagara mu Kagari ka Karama ho mu Murenge wa Kanombe mu Mujyi wa Kigali.

Aho rwari rwubatse ubu hasigaye imbuga ngari mu gihe inzego z'ibanze zitangaza ko kuhubaka urundi bishoboka mu gihe byaba bikurikije amategeko.

Ubwo twageraga ahari hubatse urwo rusengero, twahasanze abaturage bahaturiye bavuga ko na bo batunguwe n'ibyabaye gusa hari n'abemera ko urwo rusengero rwari runini ariko rwubatse mu buryo buteye impungenge, kuko hari aho inkuta zari zarasadutse.

Ubwo twageragezaga kuvugana na Uwamariya kuri iki kibazo cy'urusengero rwe, yirinze kugira icyo adutangariza ngo kuko urusengero rwamaze gusenywa.

Umunyamabanga Nshingwabikorwa w'Akagari ka Karama urwo rusengero rwari rwubatsemo, Bayingana Pierre Claver, yemereye IGIHE ko urwo rusengero rwasenywe n'ubuyobozi bw'inzego z'ibanze nyuma yo gusaba Uwamariya kurusenya kuko rutari rwujuje ibisabwa, ariko ntabikore.

Yagize ati “Ni urusengero rwari rwubatse mu buryo bw'akajagari kuko rwari rufite nka metero 15 z'ubujyejuru ariko rutagira inkingi. Ikindi cyagendeweho ni uko nta n'icyangombwa rwubakiweho, nta n'umu-ingénieur uzwi warwubatse ku buryo twari kugira icyizere ko abantu barusengeramo batekanye. Twabonaga rwateza ibibazo mu buryo bumwe cyangwa ubundi kuko rwubatswe mu byiciro bagenda bongeraho ikindi gice.”

Bayingana yakomeje avuga ko ubuyobozi butabyutse bufata icyemezo cyo kuza kurusenya butabanje kumenyesha nyir'urwo rusengero.

Ati “Urusengero rwari rufunze mu zitujuje ibisabwa, [ariko] rwo dusanga rugomba gusenywa. Twandikiye nyirarwo tumuha n'iminsi itanu yo kurwisenyera ariko iyo minsi irarenga. Iyo iminsi twamuhaye yo kuba yarusenye irenga ariko yarabitangiye, twari kumureka agakomeza kubyikorera ku muvuduko w'abo yahaye akazi ariko ntiyigeze abitangira. Ubuyobozi bwafashe icyemezo cyo kohereza abantu baza kurwisenyera.”

Amakuru aturuka mu baturiye urwo rusegero, ni uko nyirarwo yari aherutse gusabwa kuvugurura ubwiherero arabikora ariko ngo batunguwe no kubona baza gusenya urusengero rwose.

Ibi na byo Bayingana yasobanuye uko byagenze. Ati “Ubwo bwiherero ukuntu yabwubatse ni kwa kundi twasuraga abantu n'ubwiherero tukabukemanga na bwo bufite ikibazo. Ubwo twarahatirimutse ahita atangira kubwubaka ariko niba afite icyangombwa cyo kubwukaba akikwereke.”

Uyu muyobozi yakomeje asobanura impamvu yo gusenya uru rusengero, ati “Ni uko urusengero rutari rwujuje ibisabwa byonyine, byaba akarengane tumubujije kubaka urundi ariko ubu yemerewe kwaka ibyangombwa agatangira bushyashya kuko aho rwari ruri si mu manegeka.”

Uwo Munyamabanga Nshingwabikorwa yongeyeho ko urwo rusengero atari rwo rwasenywe rwonyine mu Kagari ayobora kuko n'urundi rwitwaga 'Ishyanga Ryera' rwasenywe kandi ko ba nyirarwo nta kibazo babigizeho kuko babibonaga ko rutujuje ibisabwa. Izo nsengero zombi kandi ngo ni zo zagombaga gusenywa zonyine mu Kagari ka Karama.

Minisiteri y'Ubutegetsi bw'Igihugu yatangaje ko igenzura ry'insengero mu gihugu hose ryageze ku nzu zisengerwamo 14.094 zikoreshwa n'amadini n'amatorero atandukanye, risiga izirenga 9.000 zifunzwe kubera kutuzuza ibisabwa.

Ni mu gihe inyubako 336 zisengerwamo basanze bitewe n'aho ziri cyangwa uko zimeze, zitakomeza gukorerwamo ibikorwa by'amasengesho ahubwo zigomba gusenywa.

Video igaragaza urusengero ruri gusenywa

Ibisigazwa by’inyubako y’uru rusengero byatangiye gukurwaho

Aho uru rusengero rwari ruherereye ubu hari imbuga gusa

Umunya-Brazil, Robertinho utoza Rayon Sports yavuze ko nta mutoza urakora nk’ibyo yakoze muri iyi kipe ndetse ko nta n’umuyobozi wayimugaruyemo ahubwo ari abafana.

Ni amagambo yatangaje nyuma yo gutsinda Rutsiro FC igitego kimwe ku busa mu mukino w’umunsi wa 5 wa shampiyona ya 2024-25 wabereye i Rubavu kuri Stade Umuganda ku wa Gatandatu w’icyumweru gishize.

Uyu mutoza yavuze ko hari abantu bakwiye kujya bubaha ibyo yakoze kuko amateka afite muri Rayon Sports nta wundi uyafite.

Ati “Hari abantu bamwe bagomba kubaha ibyo umuntu amaze gukora, mwitonde Rayon Sports iri kumwe nanjye yatwaye ibikombe 4 ibona itike ya 1/4 cya CAF Confederation Cup nsezereye USM Alger, nta muntu n’umwe urakora nk’ibyo maze gukora hano.”

Yakomeje avuga ko kandi no kugira ngo agaruke muri Rayon Sports atari ubuyobozi bwabikoze ahubwo ari abafaba babyifuje.

Ati “Byongeye kandi, ntabwo ari ubuyobozi bwampamagaye ngo nze hano, ni abafana babisabye, barampamagara baranyegera, babwira ikipe irampamagara nanjye ndabyemera kuko Rayon Sports yampaye amahirwe ya mbere muri Afurika kugira ngo nerekana icyo nshoboye.”

Yavuze ko kandi hari abantu bavuga ko atazi Rayon Sports atanazi umupira w’u Rwanda, atari ukuri kuko nta mutoza w’umunyahanga uratsinda kumurusuha hanoi mu Rwanda.

Nyuma yo kugeza Rayon Sports muri 1/4 cya CAF Confederation Cup muri 2018, yaje gutandukana na Rayon Sports yerekeza muri Vipers FC yo muri Uganda na yo ayigeza mu matsinda, batandukanye yerekeza muri Simba SC na yo ayigeza mu matsinda.

Robertinho yavuze ko abafana ari bo bamwigaruriye muri Rayon Sports

Umunyarwenya Twahirwa Ravanelly wamamaye cyane nka 27ravanelly binyuze ku rubugwa rwa TikTok yinjiye itorero ‘Inganzo Ngari’ ribyina imbyino gakondo riri mu yakomeye hano mu Rwanda.

Aganira na ISIMBI, Ravanelly yatangaje ko yishimiye iyi ntambwe yateye yo kwinjira muri iri torero nyuma y’imyaka itatu atangiye kubyina imbyino gakondo nk’umwuga.

Uyu musore yatangiye kwiga kubyina imbyino gakondo mu 2019 cyane ko ari ibintu yakundaga, gusa aza kubyinjiramo byimbitse mu 2021 nyuma ya Covid 19.

Ravanelly avuga ko ari ibyishimo bikomeye kuri we kwisanga muri iri torero, ndetse ko ari itorero akunda kandi yakuze yifuza kujyamo.

Ati “Ni ibintu byanejeje kwisanga mu ‘Inganzo Ngari’ kuko n’itorero nkunda kandi nifuzaga kujyamo kuva kera.”

Ravanelly yahishuye ko gukundana umuco gakondo no gushaka kumenya byinshi ku muco ari byo byatumye yiga kubyina imbyino gakondo, amazina y’inka n’ibindi.

Ati “Nisanze nkunda umuco gakondo cyane cyane, n’uko rero nshaka uburyo ngomba kubyiga nkabimenya (Kubyina), natangiye niga amazina y’inka nkoresheje igitabo cya alex Kagame ndetse no kuba umusangiza w’amagambo (MC) gusa mbura ubunyigisha neza, ariko kubera ko ku ishuri habagamo itorero ndijyamo ni uko natangiye kubyiga.”

Itorero Inganzo Ngari ni rimwe mu matorero abyina imbyino gakondo akomeye mu Rwanda, rikaba rimaze kwigarurira imitima ya benshi.

Ravanelly yinjiye mu Itorero Inganzo Ngari

RUKUNDO Sulaiman / ISIMBI.RW

Bigaragaje imbere y'ibihumbi by'abantu mu ijoro ryo kuri iki Cyumweru tariki 29 Nzeri 2024. Ni ubwa mbere bari batamiriye muri kiriya gihugu, biturutse mu bufatanye abategura iserukiramuco 'Ubumuntu' bagiranye n'abategura 'World Culture'.

Umubano wabo wagutse cyane muri Nyakanga na Kanama 2024, Ubwo binyuze muri Mashirika bateguraga iserukiramuco 'Ubumuntu' mu kwizihiza imyaka 10 bogeza ubumuntu ku Isi, ryabereye ku Rwibutso rwa Jenoside rwa Kigali ruherereye ku Gisozi.

Binyuze muri Mashariki hashinzwe itsinda ry'urubyiruko ryiswe 'Generation 25' rigizwe n'abasore n'inkumi bavutse nyuma ya Jenoside yakorewe Abatutsi, bakina imikino inyuranye igaragaza uburyo Abanyarwanda bongeye kubana binyuze mu bumwe n'ubwiyunge.

Iri tsinda rya Generation 25 ribarizwamo abahanzi banyuranye barimo nka Peace Jolis na Lydia. Bari bamaze iminsi  babarizwa muri uriya Mujyi uzwi cyane muri Pakistan, kubera intambara zinyuranye zahabereye.

Karachi ni Umurwa Mukuru wa Pakistan, utuwe n'abantu barenga Miliyoni 20 ushingiye ku mibare itangwa na Banki y'Isi. Uri ku mwanya wa 12 ku Isi mu Mijyi minini ku Isi. Ni mu gihe muri rusange, Pakistan utuwe n'abaturage barenga Miliyoni 235.

Mu kiganiro na InyaRwanda, Peace Jolis yavuze ko yishimiye gutaramira muri iki gihugu nubwo baririmbye nyinshi mu ndirimbo ziri mu rurimi rw'Ikinyarwanda ariko banyuzagamo bagasobanura mu zindi ndimi zatumye abantu babasha kumva neza ubutumwa.

Ati 'Nishimye cyane birenze! Abantu nabo bishimye cyane. Ndabaririmbira mu rurimi batumva ariko ukabona bari kubyumva. Twataramye u Rwanda, byari ibintu byiza cyane.'

Iri serukiramuco ryahuje ibihugu bitandukanye byo ku Isi. Ryaranzwe n'ibitaramo by'abahanzi, ikinamico. Peace Jolis ati 'Urebye ni uruvange rw'ubuhanzi bahurije hamwe, hari abantu b'abanyabugeni n'abandi bakora ibikorwa by'ubuhanzi. Ni iserukiramuco rero ryagutse.'

Iri serukiramuco ritegurwa n'umuryango Arts Council of Pakistan, rikitabirwa n'abahanzi barenga 450 baturuka mu bihugu bitadukanye byo ku Isi birenga 40.

Hope Azeda watangije Mashirika ari nayo itegura Ubumuntu Arts Festival, yabwiye InyaRwanda ko bacanye umucyo muri iri serukiramuco ryabereye muri Pakistan kandi 'Kuri twe ni iby'agaciro cyane. Iyi niyo mpamvu y'imikino dutegura kugira ngo dusakaze amahoro n'icyizere mu bantu'.

Akomeza ati 'Tubwira abantu ko nyuma y'ibyabaye, ibyakubaho byose, hari umucyo, ejo hazaza ni heza kuri wowe. Buriya kugira ngo habe umucyo ni uko umwijima uba uhise. Iyo ufite ubushake bw'imbaraga bwo gushaka amahoro urayabona, buriya iyo ushaka ikintu n'umutima wawe.'

Yavuze ko bakozwe ku mutima no gutaramira mu gihugu nka kiriya 'ahabereye intambara zikomeye'. Ndetse mu kujya ahabereye iri serukiramuco bagiye baherekejwe n'inzego z'umutekano.

Ariko kandi 'Kuba twabashije kubasangiza umukino ufite amateka y'u Rwanda, arimo guharanira amahoro, ubwiyunge, ubumwe, mbese dusize tuhateye imbuto kandi tuzi ko izera.'

Hope Azeda yavuze ko hari umugabo wo muri Turkiya wamubwiye ko 'nyuma yo kubona uyu mukino yatumye imyumvire yanjye ku Rwanda ihinduka.'

Yavuze ko iyi mikino bakora binyuze mu itsinda 'Generation 25' ribarizwamo urubyiruko rwavutse nyuma ya Jenoside, iba igamije kwerekana uko umuntu yarenga ikibi, agaharanira ubumwe n'ubwiyunge.

Hope Azeda yavuze ko ibihumbi by'abantu babasabye kuzakomeza kugaruka muri Pakistan gukina uyu mukino. Bahuriye ku rubyiniro n'abantu bo mu bihugu bitandukanye barimo abo muri Afurika y'Epfo, Sri Lanka, Cosovo n'abandi.

Hope asobanura ko binyuze mu bihangano byabo bazakomeza guhamagarira abatuye Isi kwimakaza ubumuntu Uretse umukino bagaragaje muri iri serukiramuco, Hope Azeda yanatanze ibiganiro byagarutse ku ngingo zinyuranye zirimo ubuhanzi, ikinamico n'ibindi.

Nyuma ya Pakistan, Mashirika bategerejwe mu gihugu cy'u Bufaransa mu iserukiramuco 'Renaissance Theater' rizaba ku wa 18 na tariki 19 Ukwakira 2024, rizahuza abantu banyuranye batuye mu bihugu bitandukanye byo mu Burayi.

Ambasaderi wa Pakistan mu Rwanda, Naeem Ullah Khan, aherutse kuvuga ko biteguye gukomeza gutera inkunga iserukiramuco 'Ubumuntu' kandi ko bazajya batumira abahanzi banyuze muri iri serukiramuco. Ati 'Turi kwizihiza imyaka itatu tumaze mu Rwanda, igihugu cyacu n'iki dufitanye ubuhahirane n'igihango.'

Abasore n'inkumi babarizwa muri 'Mashirika' bahawe igikombe cyihariye nyuma yo kwitwara neza mu iserukiramuco 'World Culture' ryabereye muri Pakistan

Hope Azeda washinze Mashirika Creative and Performing Arts Group ndetse akaba n'Umuyobozi wa Ubumuntu Arts Festival yakira igihembo bahawe nyuma yo gukina umukino wakoze ku mitima ya benshi

Binyuze mu itsinda bise 'Generation 25', Mashirika yagaragarije abanya-Pakistan uko Abanyarwanda bongeye kunga ubumwe, kandi bagasakaza amahoro ku Isi hose


Mashirika ibarizwamo Peace Jolis yasangije abanya-Pakistan uko u Rwanda rwongeye kwiyubaka nyuma ya Jenoside yakorewe Abatutsi



Iri Serukiramuco ryabereye mu Mujyi wa Karachi, uzwi cyane ku Isi binyuze mu ntambara zinyuranye zahabereye ndetse no kuba utuwe n'abantu barenga Miliyoni 20 Igikombe cyahawe 
Hope Azeda yahawe ishimwe ku bw’uruhare rwe mu gusakaza amahoro ku Isi no gutegura neza Mashirika
Mashirika yahawe igikombe ku bwo kwitwara neza muri iri serukiramuco bitabiriye ku nshuro ya mbere



Abanya-Pakistan n’abandi bitabiriye iri serukiramuco basabye ko Mashirika izongera kubataramira