Category: Uncategorized

Imideli yafashe intera muri iki kinyejana cya 21. Mu busanzwe imideli bisobanuye uburyo bwo guhanga uburyo bw'imyambarire n'imyambaro ukaba wakongeraho utundi tuntu tuyigira myiza kurushaho, bituma uyambaye agaragara neza.

Mu ntangiriro z'ikinyejana cya 20 imideli yose yari igezweho yaturukaga mu Bufaransa rimwe na rimwe no mu Bwongereza. Hagati muri icyo kinyejana, intambara ya kabiri y'isi yatumye ibintu bihinduka, Paris yari izwi nk’igicumbi cy'imideli itangira kugira izindi nganda bihangana na zo zakoraga ibijyanye n'imideli.

Mu mpera z'ikinyejana cya 20 abahanga mu gukora imideli bariyongereye ndetse n'inzu zimurika imideli, aho imideli y'i Burayi yatangiye kugenda ikwirakwira no mu bindi bice bitandukanye by'isi.

Umuhanzi w'imideli wa mbere wamenyekanye ni Charles Fredrick Worth. Yagize uruhare rukomeye mu isi y'imideli mu kinyejana cya 19. Worth yavutse mu 1825 i Lincolnshire mu Bwongereza, atangira gucuruza imyenda nyuma aza kwimukira i Paris haje kuba igicumbi cy'imideli.

Gisele Bündchen uzwi cyane nk’umunyamideli ukize cyane ku isi, ni Umunya-Brazil w'imyaka 44 y’amavuko. Mu 1998 yagaragaye ku gifuniko cy'inyamakuru gikomeye mu Bwongereza 'Vogue'. Kuva mu mwaka wa 2001 kugeza ubu ahora imbere ku rutonde rw’abanyamideli binjiza amafaranga menshi ku Isi.

Yabonye izuba ku ya 20 Nyakanga 1980, atangira kumurika imideli ku myaka 14 ubwo yari yitabiriye ibirori byo kumurika imideli mugihugu cya Brazil. Yahoze ari umugore wa Tom Brady, ubu bafitanye abana babiri.

Gisele yavukiye mu muryango w’Abakatolike, avukana n’abana batanu b’abakobwa. Sekuru witwa Walter Bundchen yahoze ari Umuyobozi Mukuru w’umujyi wa Horizontina. 

Nubwo yakuze yiyumvamo impano yo gukina Volleyball, umubyeyi we (Nyina) yatangiye kumutoza ibijyanye n’imideli mu 1993 maze atangira kubishyira mu bikorwa.

Mu 2007 Gisele yagizwe umugore wa 16 ukize kurusha abandi mu bucuruzi bw’imyidagaduro kandi yegukana umwanya wa mbere ku rutonde rw’abanyamideli binjije amafaranga menshi mu 2012.

Ntacyiyerekana mu byo kwerekana imideli no gukora ibitaramo byo kurimba ariko Gisele Bündchen aracyayoboye abo basangiye umwuga mu kwinjiza amafaranga. Uyu mwaka, umutungo we wageze kuri miliyoni 400 z’amadolari, ibimugira umunyamidelikazi ukize cyane kuva mu mwaka wa 2002.

Forbes magazine igaragaza ko uyu mugore wamamaye muri filime 'Taxi, The Devil Wears Prada' amafaranga menshi yayavanye mu bikorwa byo kwamamaza n'ubufatanye agirana n'ibigo bikomeye by'ubucuruzi.

Gisele Bündchen yagiye akorana n’ibigo bikomeye nka Chanel, Carolina Herrera na Pantene, ibi byiyongeraho ibikorwa byo kwamamaza inkweto zikorwa na Arezzo ndetse na SkyTV y'iwabo muri Brazil. Afite kandi ibikorwa bye bwite by'ubucuruzi bubyara inyungu.

Muri Gicurasi 2014, Forbes yamugize umugore wa 89 mu 100 bafite izina rikomeye ku Isi, yarimo ari umunyamideli umwe gusa.

Kuva muri 2000, Gisele ashyize umutima mu bikorwa byo gufasha rubanda nyamwinshi, aho yatangiye kwigisha abagore uko bakwirinda kanseri y’ibere, agatanga amafaranga menshi yo gufasha abana batishoboye, n’ibindi byinshi.

Kuva mu 2000 kugeza mu 2005, yakundanye n’umukinnyi wa filime Leonardo DiCaprio, aza gushyira iherezo ku by’uru rukundo nyuma yo kurwara agahinda gakabije.

Mu 2006 nibwo yinjiye mu rukundo na Tom Blandy, baje gushyingiranwa mu 2009 bakabyarana abana babiri b’abahangu. Aba bombi, baje guhana gatanya nyuma y’imyaka 13 babana nk’umugabo n’umugore mu 2022.

Dore amwe mu mafoto y’umunyamideli ukize kurusha abandi ku Isi:

Gisele amaze imyaka irenga 20 yicaye ku ntebe y’umunyamideli utunze agatubutse ku Isi

Ku wa 02 Mutarama 2022 nibwo hasohotse indirimbo 'Why' ya The Ben na Diamond Platnumz, kaba ari indirimbo yari itegerejwe cyane n'abanyarwanda benshi. Niyo yaje kugeza ku mikorere ya Coach Gael na Bruce Melodie kubera kutumvikana The Ben yagiranye na Coach Gael.

Iyi ndirimbo yatumye bwa mbere ahurira ku rubyiniro rumwe na Diamond Platnumz hanyuma bayiririmbana imbere y'amahanga. Aba bahanzi bombi baririmbanye mu birori byo gutanga ibihembo bya Trace byabereye mu Rwanda umwaka ushize.

Ku rundi ruhande, Bruce Melodie amaze kugirana ubucuti bwimbitse na Harmonize wahoze ari umwe mu bahanzi barebererwa na Wasafi ya Diamond Platnumz ariko akaza kuyivamo ashinga label ye yise 'Konde Gang' ndetse akiyemeza guhangana na Diamond ku giciro icyo aricyo cyose.

Benshi mu bafana ba Bruce Melodie bagiye bumvikana kenshi bifuza ko yakorana indirimbo na Diamond kugira ngo ace agasuzuguro k'abafana ba The Ben bavuga ko Bruce Melodie atari yakorana n'umuhanzi ukomeye cyane mu karere nka Diamond Platnumz.

Ubwo yari mu kiganiro na Radiyo Citizens yo muri Kenya, Bruce Melodie yabajijwe niba hari umushinga w'indirimbo yaba afitanye na Diamond Platnumz kubera ko amaze kuba umuhanzi ukomeye mu karere ka Afurika y'Iburasirazuba.

Mu gusubiza, Bruce Melodie yavuze ko atari yagira amahirwe yo guhura no kuganira n'umuhanzi nka Diamond, avuga ko icyiza ari ugutegereza umwanya wa nyawo wo guhura no kuba bakorana ariko hari abahanzi bo muri Tanzania bafitanye ubucuti byumwihariko Harmonize bakoranye indirimbo.

Bruce Melodie yagize ati 'Ntabwo nigeze ngira amahirwe yo gukorana na Diamond. Ni umuhanzi mukuru mpora ntekerezaho ariko uba ukwiye gutegereza igihe cya nyacyo cyo guhuza n'umuhanzi. Byashoboka ko mu gihe kiri imbere dushobora gukorana.'

Muri iki kiganiro Bruce Melodie yahishuye ko ibanga ryo kuba umuhazi ukunzwe cyane mu Rwanda ari ugukora indirimbo ifite injyana iryohereye mu matwi y'abayumva.

Ku rundi ruhande, The Ben aherutse gutangaza ko atari Why yakoranye na Diamond gusa ahubwo hari indi mishanga bafitanye izagenda ijya hanze mu minsi iri imbere. Mu yindi mishinga harimo indirimbo 2 yakoranye na Israel Mbonyi n'abandi.

Bruce Melodie yatangaje ko atari yagira amahirwe yo gukorana na Diamond ariko ategereje igihe cya nyacyo

Bruce Melodie yerekeje mu gihugu cya Kenya mu bikorwa byo kumenyekanisha indirimbo Iyo Foto yakoranye na Bien Sol

The Ben wakoranye na Diamond mu ndirimbo Why, aheruka gutangaza ko hari indi mishinga bafitanye izajya hanze mu minsi iri imbere

Mu mwaka ushize mu birori by’ibihembo bya Trace Awards, Diamond yiyambaje The Ben ku rubyiniro baririmbana indirimbo Why

Reba indirimbo Why Diamond Platnumz yakoranye na The Ben

“>

Reba indirimbo Zanzibar ya Bruce Melodie na Harmonize ishingiro Bruce Melodie aheraho avuga ko hari abandi bahanzi bakomeye bo mu karere bakoranye nawe

“>

Reba indirimbo Iyo Foto Bruce Melodie yagiye kumenyekanisha muri Kenya

“>

Umuyobozi w'Ikigo Nyafurika gishinzwe kurwanya no gukumira Indwara z'Ibyorezo (Africa CDC) Dr. Jean Kaseya, yavuze ko Inama ya Biashara Afrika 2024 ari umwanya mwiza wo gutekereza ku hazaza ha Afurika ndetse n'Isoko Rusange rya Afurika.

Ati: 'Biashara Afrika 20224, ni umwanya wo kongera gutekereza ku hazaza ha Afurika n'ah'Isoko Rusange rya Afurika nk'inzira yo gufungura ubucuruzi hagati y'ibihugu bya Afurika.'

Dr Kaseya yavuze ko bibabaje kuba buri gihe iyo hari icyorezo kije mu bihugu byacu bya Afurika twisanga twagiye kwinginga ngo tubone inkingo n'imiti.

Yagize ati: 'Ariko reka nanone mvuge, turananiwe kubera ko buri gihe iyo hari icyorezo, tugira ubwoba kubera ko dukeneye gutangira gusaba Isi inkingo, imiti […] ni ko byagenze kuri Mpox, ni na ko byagenze mbere kuri Covid-19 kandi ni ko biri ubu kuri Marburg.'

Dr Kaseya yavuze ko bigizwemo uruhare na Perezida Kagame, Perezida wa Kenya, William Ruto n'abandi bakuru b'ibihugu bya Afurika hakwiye gufatwa ingamba z'uko Afurika yajya yikorera inkingo n'imiti. Ati: 'Twafashe uyu mwanzuro, twatangiye gukora.'

Ubwo yafunguraga ku mugaragaro Inama ya Kabiri y'Ihuriro ry’Ubukungu rigamije kwihutisha ishyirwa mu bikorwa ry'Isoko Rusange rya Afurika (AfCFTA Business Forum), izwi nka Biashara Afrika, Perezida Kagame yagaragaje ko u Rwanda ruri gukora ibishoboka byose mu guhangana n'Icyorezo cya Marburg ruhanganye na cyo.

Iyi nama y'iminsi itatu iri kubera muri Kigali Convention Centre, yitabiriwe n'abantu barenga 1200 barimo abayobozi mu nzego za Leta n'iz'abikorera, abahagarariye ibigo by'ubucuruzi n'abashoramari, inzobere mu bijyanye n'ubucuruzi, ba rwiyemezamirimo b'urubyiruko n'abagore.

Dr Kaseya yashimangiye ko u Rwanda ari ishuri kuri benshi mu bijyanye no guhangana n'ibyorezo bitandukanye.

Ku wa 27 Nzeri 2024 ni bwo abarwayi ba mbere ba Marburg bagaragaye mu Rwanda. Kuva icyo gihe, abamaze kwandura Marburg ni 58 barimo 13 bamaze kwicwa na yo mu gihe abagikize ari 12 naho abagera kuri 33 bakiri kwitabwaho n'abaganga.

Minisiteri y'Ubuzima ikomeje ibikorwa byo gukingira Marburg ndetse hashyizweho ingamba zo guhangana na yo hibandwa cyane ku kunoza isuku neza.

Umwaka ushize ubwo bari i Kigali mu nama ya 9 y’Umuryango wa Afurika y'Iburasirazuba ku buzima n’ubushakashatsi, yahuje abayobozi mu nzego z’ubuzima baturutse mu bihugu binyamuryango, inzobere n’abashakashatsi biga ku mbogamizi n’ingamba zafatwa mu rwego rwo guhangana n’indwara ndetse n’ibyorezo hashingiwe ku masomo icyorezo cya COVID19 cyatanze, Minisiteri y’Ubuzima yatanze integuza ko mu gihe kitarambiranye, izatangaza aho gahunda yo gukorera inkingo mu Rwanda igeze kuko ngo hari intambwe nziza imaze guterwa. 

Kugeza ubu nta gihugu na kimwe mu bigize Umuryango wa Afurika y’Iburasirazuba gikora inkingo cyangwa imiti, ibintu Umunyamabanga wa leta muri Uganda ushinzwe Umuryango wa Afurika y’Iburasirazuba, James Magode Ikuya yavuze ko bishimangira intege nke z’urwego rw’ubuzima muri aka Karere.

Yaragize ati 'Nk'uko twese tubizi icyorezo nta mupaka kigira, icyorezo cya COVID19 cyatwigishije amasomo menshi by’umwihariko isomo ry’uko dukeneye gukorera hamwe nk’ibihugu bigize Umuryango wa Afurika y’Iburasirazuba tugashyiraho uburyo buhuriweho n’ingamba zimwe zo gukumira, gucunga no kugenzura ibyorezo. Byinshi mu bihugu byacu ntibirashobora kwikorera ibikoresho by’ibanze byo kwa muganga nk’inkingo n’imiti ya ngombwa.'

Dr. Jean Kaseya yavuze ko Afurika yatangiye gushyira mu bikorwa icyemezo cyo kwikorera inkingo n’imiti

Nk’uko biherutse gutangazwa ko bamwe mu byamamare by’inshuti ya hafi ya P.Diddy ko bihangayitse ko bashobora kuzahamagarwa mu rubanza rwe. Aba rero barimo na Justin Bieber ucyeka ko ashobora kugirwaho ingruka n’umubano yigeze kugirana n’uyu muraperi.

US Weekly yatangaje ko amakuru yizewe ari uko Hailey Baldwin umugore wa Justin Bieber aherutse kuganiriza umwe mu nshuti ze amubwira ko umugabo we afite umutima uhagaze kuva P.Diddy yafungwa. 

Yagize ati: ”Afite umutima uhagaze ko ashobora kuzahamagarwa mu gutanga ubuhamya bw’ibintu byaberaga mu biroro bya P.Diddy yakundaga kwitabira. Ntashaka kugira aho ahurira naruriya rubanza”.

Ni mu gihe The New York Times yo yatangaje ko kuva mu 2014 Justin Bieber yashwana na P.Diddy yagize ibanga icyo bapfuye none aka afite inkeke ko ahamagawe mu rubanza byahita bimenyekana kandi yarifuzaga ko bikomeza kuba ibanga.

Ibi bije nyuma yaho Justin Bieber yari amaze iminsi ashyirwa mu majwi ko nawe yaba yarahohotewe na P.Diddy mu 2010 nubwo we ku giti cye atarabyivugira.

Umutima wa Justin Bieber nturi hamwe kuva P.Diddy yafungwa

Ahangayikishijwe no kuba yahamagarwa mu rubanza kuvuga ibyaberaga mu birori by’uyu muraperi

Biranavugwa ko Justin yaba yarahohotewe na P.Diddy biri mu byatumye bashwana

Ku ruhande rw'u Rwanda by'umwihariko, iri Soko rivuze byinshi, bijyanye n'uko rizagabanya ikiguzi cyo kohereza no gutumiza ibicuruzwa hanze.

Dushingiye ku rugero rw'u Burayi, ubona ko Isoko nk'iri ku Mugabane wa Afurika rishobora no kugira ingaruka nziza ku bihugu bidakora ku nyanja muri Afurika kurusha n'ibiyikoraho.

Dufashe nk'urugero rwa Hongrie, iki gihugu cyohereza mu Burayi hejuru ya 78% by'ibicuruzwa cyohereza hanze, bikaba 70% kuri Autriche na 80% kuri Slovakie.

Mu bihugu bikora ku nyanja nk'u Budage usanga uyu mubare uri hasi kuko bwohereza mu Burayi ibingana na 53% gusa, ku Bufaransa bikaba 55%.

Birashoboka ko u Burayi butaba igipimo cyiza cyo kugereranya na Afurika, na cyane ko ubucuruzi bukorerwa imbere mu Burayi bungana 61% by'ubucuruzi bwose uwo Mugabane ukora, nyamara ugasanga muri Afurika tutararenza 16%. Gusa nanone ibi biduha ishusho ngari, yerekana ko ibihugu bidakora ku nyanja bishobora kungukira muri iri Soko rusange.

Ku ruhande rw'u Rwanda, nta gushidikanyamo ko ruyabona agaciro gakomeye, ibinashingirwa cyane cyane n'ubushake bw'ubuyobozi mu kuyihutisha.

Mu kiganiro aherutse kugirana na IGIHE, Minisitiri w'Ubucuruzi n'Inganda, Prudence Sebahizi, yavuze ko u Rwanda rukeneye guhangana n'ikibazo cy'umusaruro muke, hakifashisha ikoranabuhanga mu kuwungera.

Ati ” Ushobora gutanga umusaruro mwinshi ariko umubare w'ibyo wakoreshaga bitiyongereye. Ubutaka butiyongere, umubare w'abakozi utiyongereye, ariko umusaruro ukiyongera. Kugira ngo hiyongereye umusaruro, ni uko hiyongeramo ikoranabuhanga kandi ibyo bikorwa binyuze mu bushakashatsi.”

Minisitiri Sebahizi agaragaza isoko rusange rya Afurika nk’amahirwe akomeye ku bashoramari

Yongeyeho ati “Tugomba kwinjira mu bintu byadufasha ibyo dukora byiyongera, niyo ibyo dukoresha bitaba byiyongereye. Nk'abafite inganda bakibaza uburyo bagomba gukuba kabiri cyangwa gatatu umusaruro wabyo.”

Kudashyira aya masezerano mu bikorwa ni ukwiyahura

Minisitiri Sebahizi yavuze ko kudashyira aya masezerano mu bikorwa ari nko kwiyahura.

Ati “Kudashyira aya masezerano mu bikorwa ni ukwiyahura bikomeye nka Afurika. Aya masezerano akemura ibibazo dufite, kutayashyira mu bikorwa ni ukwemera ko icyari kidutegereje kibi cyatubaho.”

Yashimangiye ko aya masezerano azongera ishoramari ryo ku Mugabane wa Afurika, ati “Hari ibintu bibiri aya masezerano azadufasha. Iterambere rya Afurika rishingiye ku byo tuzashobora gukora, ibyo nibyo bizadufasha kugera ku ntego twiyemeje nk'Umugabane yo kwikura mu bukene.”

Yatanze urugero rw'uko “Umushinwa wabonaga isoko muri Afurika, azabona ko ari ngombwa kuzana uruganda rwe muri Afurika, icyo gihe agatangaza akazi n'ubumenyi ku Banyafurika.”

Gusa kimwe mu bibazo bikomeye biri mu Rwanda ni ikijyanye n'umusaruro muke w'inganda nke igihugu gifite. Nk'ubu inganda izitunganya umuceri, zatunganyaga 45% by'ukenewe mu gihugu, ibigori bikaba 35%, izitunganya ibya pulasitiki bikaba 11%, imbaho bikaba 4%, imyenda bikaba 10%, isukari bikaba 11%.

Muri rusange, mu Rwanda hari inganda 1.162. ariko izikora mu bijyanye no gutunganya umusaruro w'ubuhinzi n'ubworozi, zihariye 49.91%.

Birumvikana ko kugira u Rwanda rwitegure kubyaza amahirwe umusaruro w'iri soko, ari na ngombwa ko rushyira imbaraga mu guteza imbere inganda zarwo muri rusange.

Mu nama ya Biashara Afrika iri kubera mu Rwanda, hagaragajwe imbogamizi zikibangamira imikorere y'iri soko muri rusange, irimo gukumira urujya n'uruza rw'abantu aho usanga ingendo muri Afurika zigoranye ndetse zinahenze kurushaho.

Muri gahunda ya Guverinoma y'imyaka itanu iri imbere u Rwanda rwifuza ko ishoramari ry'abikorera rigomba kwikuba kabiri mu gaciro. Rikazava kuri miliyari 2,2$ bingana na 15,9% y'umusaruro mbumbe w'igihugu, rizagere kuri miliyari 4,6$ bingana na 21,5%.

Gahunda yo guteza imbere ibikorerwa mu Rwanda biteganyijwe ko izahabwa umwihariko aho ibyo bikorerwa mu Rwanda bigomba kwiyongera ku ijanisha rya 13% buri mwaka.

U Rwanda ruri mu bihugu bya mbere byashyize umukono ku masezerano y'isoko rusange rya Afurika.

Kugeza ubu ibihugu 47 ni byo byamaze kwemeza ayo masezerano, mu gihe u Rwanda ruri mu bihugu birindwi bya mbere byamaze gutangira gukora ubucuruzi binyuze muri ayo masezerano rusange.

Umunyamabanga Mukuru wa AfcFTA, Wamkele Keabetswe Mene yatangaje ko uyu mwaka ibihugu 38 ari byo bigiye kujya bikorana ubucuruzi bikoresheje amasezerano y'isoko rusange rya Afurika.

Ku rundi ruhande, u Rwanda rurateganya kuzohereza mu mahanga ibicuruzwa bifite agaciro ka miliyari 7.3$ mu myaka itanu iri imbere.

Isoko rusange rya Afurika ryagaragajwe nk’uburyo bwafasha u Rwanda gutera imbere ku muvuduko mwinshi

Akarere ka Gisagara kamaze igihe kubaka imiyoboro y'amazi mu mirenge itandukanye ariko kugeramo kw'amazi byakomeje kuba agatereranzamba.

Iki kibazo cy'ibura ry'amazi mu miyoboro muri Gisagara, kigaragara cyane mu mirenge ya Nyanza, Kigembe na Kansi, aho bamwe mu baganiriye na IGIHE bavuze ko barambiwe guturana n'amatiyo ndetse n'amarobine atageramo amazi.

Umwe muri bo utuye mu Murenge wa Nyanza, akanakorera mu Murenge wa Kigembe, yavuze ko babazwa no kubona imiyoboro y'amazi n'ibigega by'amazi byarumye.

Ati 'Umurenge wa Nyanza ntuyemo rwose hose nta mazi ahagera kandi amatiyo n'ibigega bikoze, ndetse na Kigembe nkoreramo ni uko kuko mu tugari dutandatu amazi agera muri tubiri twa Rusagara n'Impinga gusa.''

Yakomeje agira ati 'Bahora batubwira ko amazi yagombaga kuva i Nyaruguru ariko bikaba byaranze, gusa twe dukeka ko batubeshye. Umuyoboro wacu ugiye kurinda usaza tutavomye.'

Mugenzi we wo mu Murenge wa Kansi, mu Kagari ka Sabusaro,Umudugudu wa Gikore, na we yabwiye IGIHE ko robine baturiye imaze hafi umwaka ihubatse ariko amazi yayo yaje icyumweru kimwe gusa.

Ati 'Aya mazi yaje nk'icyumweru kimwe ntiyongera kugaruka kandi twari twabyishimiye ko twabonye amazi hafi, bamwe twarimo duteganya kuba twayashyira no mu rugo, ariko byaduciye intege.''

Uyu muturage yakomeje avuga ko icyo bashingiraho bakeka ko bababeshya ari uko iyo hari uruzinduko rw'abayobozi bakuru bari busure ibyo bice, babona amazi aje, bataha agahita akama.

Ati 'Ikidutangaza ni uko iyo hari nk'uruzinduko rw'abayobozi bakuru, nk'abadepite bari buze ino aha, barinyagambura amazi akageramo. Umunsi umwe, abashyitsi bahashingura ikirenge nayo agahita agenda.''

Bakomeza bavuga ko ubu bakeneye kubona amazi aza bihoraho maze bakaruhuka ingendo zo kuvoma kure, bakabasha gukora isuku.

Umuyobozi w'Akarere ka Gisagara Rutaburingoga Jérôme, yavuze ko iki kibazo bakizi kandi kiri gushakirwa ibisubizo birambye.

Yavuze ko iyi soko y'amazi yakomokaga muri Nyabimata mu Karere ka Nyaruguru, ifite intego yo guha amazi abo mu mirenge ya Nyanza, Kigembe, Mugombwa, Kansi na Mukindo yo mu Karere ka Gisagara, ariko yaje kugira ikibazo ntiyagera i Gisagara kubera uburebure bw'uwo muyoboro.

Yakomeje avuga ko ubu isoko ya Nyabimata yatangiye gusanwa, ikazabasha kugira amazi make itanga.

Hari no gutekerezwa kubaka uruganda rw'amazi ku mugezi wa Migina uri hagati y'imirenge ya Kansi na Kigembe.

Yavuze ko hari n'ikindi gisubizo kirambye bategereje cy'uruganda ruzubakwa na WASAC ku mugezi w'Akanyaru muri Nyaruguru, ahobiteganyijwe ko ruzatanga metero kibe ibihumbi 72 ku munsi.

Kugeza ubu mu Karere ka Gisagara hari amasoko mato atanga metero kibe 240 z'amazi ku munsi, mu gihe akenewe byibura kugeza ubu ari metero kibe 350 ku munsi.

Ku Ishuri Ryisumbuye rya Kigembe, abanyeshuri bahiga bagorwa n’isuku cyane kuko nta mazi ahagera n’ubwo bafite za robine

Iyi robine yari guha amazi abaturage bo mu Mudugudu w’Umurangara, Akagari ka Nyabikenke, muri Kigembe, ariko barahebye

Rimwe mu marobine yo mu Mudugudu wa Gikore, Akagari ka Sabusaro, Umurenge wa Kansi,abarituriye haheruka amazi icyubakwa none umwaka urihiritse atagarutse

Byatangarijwe mu murenge wa Mukamira w'Akarere ka Nyabihu ku wa 09 Ukwakira 2024, ahatangirijwe ku mugaragaro ukwezi kwahariwe ibikorwa by'ubukorerabushake bigiye kumara ukwezi bibera mu turere twose tw'u Rwanda.

Muri uku kwezi urubyiruko rw'abakorerabushake rwihaye intego yo gukora ibikorwa bifite agaciro k'arenga miliyari 1Frw birimo imirima y'igikoni 21,480, ubwiherero 6,444, inzu 500 no gutera ibiti 60,000.

Ubusanzwe ukwezi mpuzamahanga kwahariwe kuzirikana ibikorwa by'ubukorerabushake kuba mu kwezi kwa 12, ariko bitewe n'amateka y'u Rwanda, urubyiruko rw'abakorerabushake rwahisemo gukora uku kwezi mu kwezi k'Ukwakira kugira ngo bahuze ibikorwa byabo n'ukwezi kwahariwe gukunda igihugu.

Abdul Madjid Ntawuruhunga umaze imyaka 9 muri uru rubyiruko, avuga ko nk'urubyiruko rw'abakorerabushake batewe ishema n'uruhare bagira mu iterambere ry'igihugu binyuze mu mirimo y'amaboko n'ubukangurambaga muri gahunda za Leta zo kurwanya igwingira n'izindi.

Ati 'Ibi bikorwa byamaze kuducengera tubikora tubikunze kandi twumva dutewe ishema no kuba imbaraga zacu tuzikoresha mu kubaka u Rwanda dufatiye urugero ku rubyiruko rw'Inkotanyi rwabohoye igihugu'.

Belise Nibishaka umaze imyaka 8 yinjiye mu rubyiruko rw'abakorerabushake, yavuze ko mbere yabonaga ibyiza bigerwaho nta ruhare yabigizemo ahitamo kujya mu rubyiruko rw'abakorerabushake.

Ati 'Ikintu nishimira cyane ni uko ntewe ishema no kuba ntakirera amaboko. Nk'uyu murima w'igikoni twubatse uzamara amezi ane abaturage ba hano barya imboga bityo niba harimo umwana uri munsi y'imyaka ibiri nta gwingira azajyamo'.

Umuyobozi mukuru muri Minisiteri y'ubutegetsi bw'igihugu, ushinzwe uru by'abakorerabushake Richard Kubana, yavuze ko ibikorwa by'uru rubyiruko biri mu byiciro bibiri birimo ubukangurambaga n'ibikorwa by'amaboko.

Mu bikorwa by'ubukangurambaga bazakora muri uku kwezi harimo gushishikariza abaturage n'urubyiruko gukumira no kurwanya ibyaha, kuboneza urubyaro, kwirinda no gukumira icyorezo cya maburg n'ubushita bw'inkende, kurwanya inda ziterwa abangavu no gushishikariza abana kudata amashuri.

Ati 'Mu bikorwa by'amaboko biteganyijwe harimo kubakira abatishoboye inzu zo kubamo, kububakira uturima tw'igikoni, ubwiherero, gutera ibiti no gusibura imirwanyasuri'.

Guverineri w'Intara y'iburengerazuba, Dushimimana Lambert avuga ko ibikorwa n'imitekerereze y'urubyiruko rw'abakorerabushake bitanga icyizere ku hazaza h'u Rwanda mu gihe hari ibihugu ugeramo ugasanga urubyiruko rurangariye mu myigaragambyo.

Urubwiruko rw’abakorerabushake rwafatanyije n’abayobozi mu bikorwa byo kubaka umurima w’igikoni no kuwuteraho imboga