Category: Uncategorized

Mu mpera z'umwaka ushize, Harmonize yari mu rukundo n'umunyarwandakazi Yolo The Queen aho yamutakagizaga avuga ko ari we mukobwa w'inzozi ze ndetse uhaza kwifuza kwe.

Mu ntangiriro z'umwaka wa 2024, Harmonize yatunguranye yemeza ko yamaze gutandukana na Yolo The Queen ahishura ko urukundo ruryoshye hagati ye n'umushabitsi ufite inkomoko mu Rwanda ari we Poshy Queen.

Urukundo rw'aba bombi rwakomeje kuryoha bigera ubwo Harmonize atangaje ku mugaragaro ko Poshy Queen ari we umuhagije atazongera kwiruka mu bintu by'abagore ahubwo afite gahunda yo gukora ubukwe mbere y'uko uyu mwaka urangira.

Muri iki gihe bamaze bakundana, Harmonize yatewe amabuye kenshi kubera uyu mukunzi we ariko akajya yihagararaho muri ibyo byose yanengwagaho n'abafana be. Mu byo yanenzwe bifitanye isano na Poshy Queen, harimo kujya gusengera mu bakirisitu kandi ari umuyisilamu, kwica igisibo,…

Mu mezi abiri ashize kandi, Harmonize yagize Poshy Queen CEO w'ibikorwa bye byinshi nkuko byigeze kugenda ubwo yari ahararanye na Kajala Frida bakaza gutandukana bigatuma Harmonize ahomba amafaranga menshi kubwe.

Kugeza magingo aya, Harmonize na Poshy Queen ntabwo bagikurikirana kuri Instagram ndetse n'amakuru aturuka muri Tanzania yemeza ko batakiri kumwe ukundi.

Ibya Poshy Queen na Harmonize si shyashya

Amashusho yafashwe muri Mutarama ya Poshy Queen na Harmonize bari mu bwato ni yo yatumye abantu bamenya ko urukundo ruryoshye

Muri Gashyantare Poshy Queen yari yateye imitoma Harmonize avuga ko azahora ashimishwa n’uko ari umugabo we 

Harmonize ubu nta mukunzi afite nyuma yo kwigera abarenga 5 mu myaka 5 ishize

Imibare mishya yatangajwe na Minisiteri y'Ubuzima kuri uyu wa 08 Ukwakira 2024, igaragaza ko kugeza ubu hamaze kugaragara abantu 58 banduye Marburg, barimo babiri bagaragaye kuri uyu munsi, aho hamaze gufatwa ibipimo 2 655 birimo 268 byafashwe kuri uyu wa Kabiri.

Ni mu gihe abari kuvurwa ari 33, kuko 13 bamaze kubura ubuzima bazize iyi ndwara, barimo umwe yahitanye Ejo kuwa Kabiri. Naho abamaze gukira iyi ndwara ya Marburg, bose hamwe ni 12, barimo bane (4) bayikize kuri uyu wa Kabiri.

Dr. Menelas ni Inzobere mu buvuzi buhabwa indembe akaba n’umwe mu itsinda ry’Abaganga bavura abarwayi ba Marburg. Ni Umuyobozi ushinzwe imyigishirize no guteza imbere abakozi bo mu rwego rw'Ubuzima (Health Workforce Department).

Kuri uyu wa Gatatu tariki 09 Ukwakira, uyu muganga w’inzobere akaba n’umuyobozi, yagaragaje ibyiza byo gufata urukingo rwa Marburg anavuga ko iturufu yafasha Abanyarwanda guhashya iyi ndwara ihagayikishije Isi by’umwihariko igihugu cy’u Rwanda.

Mu butumwa yandise kuri X, yagaragaje ko nawe yamaze guhabwa uru rukingo. Ati: “Urukingo rwa Marburg twahawe ruzatwongerera ubudahangarwa bityo turusheho kwita ku bafite iyi virusi no kubaha ubuvuzi nta mpungenge z’uko twakwanduzwa nabo. Iyi ni intambwe ishimishije. #DutsindeMarburg”.

Dr. Menelas Nkeshimana yavuze kandi ko “twishimiye cyane ko twagize amahirwe yo kubona inkingo, uyu munsi nanjye nakingiwe kandi nabyishimiye kuko bitwongereye ubudahangarwa twari dufite mu kuvura abarwayi”. Yavuze ko impungenge zo kwandura iyi ndwara zagiye hasi cyane bishoboka.

Yasabye abanyarwanda gukaraba intoki bakoresheje amazi meza n’isabune no kwirinda gukora ku muntu ufite ibimenyetso nk’uko ‘twabibwiwe na Minisiteri y’Ubuzima’. Yongeyeho ati “Kandi wihutire gushaka ubutabazi bw’ibanze 114”.

Mu gihe u Rwanda rukomeje ibikorwa byo gukingira Icyorezo cya Marburg, ruhereye ku bakozi bo kwa muganga, Dr Nkeshimana yishimiye guhabwa urukingo rwiyongera ku zindi ngamba zo kwirinda kwandura virusi ya Marburg mu gihe avura abayifite kuko ruzatuma akomeza akazi ke nta mpungenge zo kwandura.

Yasabye Abanyarwanda gusenyera umugozi umwe mu kwirinda no kurwanya Marburg, avuga ko nibabikora gutyo nta kabuza bazahashya iyi ndwara. Ati “Twese hamwe nitubikorera hamwe tuzabasha kwirinda iyi ndwara, twese tubashe kubaho ubuzima bwiza nk’uko tubyifuza”.

Kuwa Kabiri w’iki Cyumweru, Umunyamabanga wa Leta muri Minisiteri y’Ubuzima, Dr Yvan Butera; Umuyobizi w’Ikigo Gishinzwe gutanga amaraso muri RBC, Dr Muyombo Thomas [Tom Close] bari mu bakingiwe hamwe n’abakora mu Bitaro byitiriwe Umwami Faisal.

Minisiteri y'Ubuzima iributsa ko igikorwa cyo gukingira iyi ndwara cyatangiye, aho cyatangiriye ku baganga n'abandi bakozi bari ku ruhembe mu buvuzi. Dr. Yvan Butera aherutse kuvuga ko urukingo rwa Marburg rwatangiye gukoreshwa muri 2018 muri Leta Zunze Ubumwe za America.

Uru rukingo rutangwa ari doze imwe, nyuma y'iminsi itatu umuntu aruhawe rutangira kurema ubudahangawa bw'umubiri buba buri kuri 70%, naho nyuma y'icyumweru bukaba bwageze ku budahangarwa bwa 95%.

Dr. Nkeshimana ni umwe mu bamaze guhabwa urukingo rwa Marburg

Dr. Menelas Nkeshimana yatangaje inyungu ziri mu gufata urukingo rwa Marburg

Luisa Kmreva avuga ko yafashwe ku ngufu n’uyu mukinnyi muri 2017 akabikorera mu modoka ye yo mu bwoko bwa ‘Porsche Cayenne’ impande y’akabyiniro ko muri Espagne.

Uyu munyamideli kandi yavuze ko icyo gihe yavunitse ku mavi nyuma y’uko yari amaze kumufata ku ngufu akamusohora muri iyo modoka ku gahato.

Yagize ati “Mfite ibimenyetso ku mugongo no ku mavi. Theo aramutse asabye imbabazi. Ni cyo kintu gito nkwiriye.”

Theo Hernandez utarigeze afungwa kubera iki cyaha yemera ko yaryamanye na Luisa Kremleva ariko bakaba bari babyumvikanyeho.

Police yo mu gihugu cya Espagne yemereye ikinyamakuru The Sun ko irimo irakora iperereza kuri iki ikirego cy’ihohoterwa rishingiye ku gitsina.

Icyakora iki kirego cyari cyarahagatitswe n’urukiko nyuma yuko habuze ibimenyetso gusa nyuma abashinjacyaha baza kubona amashusho yerekana uyu munyamideli yakomeretse mu ivi by’impanuka ari inyuma y’akabyiniro muri Espagne.

Nkuko The Sun yabyanditse urubanza rwa Kreml rwashyizwe taliki ya 28 Ukwakira mu rukiko i Malaga muri Espagne gusa ntabwo bizwi neza niba Theo Hernandez azajyayo cyangwa azarwitabira akoresheje ikoranabuhanga.

Uyu mukinnyi w’imyaka 27 usanzwe anakinira ikipe y’igihugu y’u Bufaransa, yatangiye gukina ruhago ahereye mu ikipe ya Atletico Madrid y’abato, ajya muri Deportivo Alavés, ayivamo ajya muri Real Madrid nayo ayivamo ajya muri Real Sociedad mbere yo kwerekeza muri AC Milan muri 2019.

Luisa avuga ko yafashwe ku ngufu n’umukinnyi wa Ac Milan 

Theo Hernandez ari mu mazi abira

Dore ibyiza byo kureba filime ziteye ubwoba ku buzima:

1. Gutuza

Nubwo iyo uri kureba izi filimi usanga stress yazamutse ariko nanone bitegurira umubiri wacu kuzabasha kwihanganira stress mu buzima buzaza.

2. Kuzamuka kwa adrenarine

Uyu musemburo ukorwa mu gihe cya stress ni umusemburo utuma ubwonko buvamo umunabi kandi bibushyiramo ingufu bityo ukagira umutuzo

3. Bifasha ubwonko (by'umwihariko abagore)

Kureba izi filimi bituma amarangamutima azamuka cyangwa akamanuka bitewe n'aho bageze bakina. Ibi rero ku bagore, dore ko aribo bakunze kugaragaza amarangamutima ku buryo bworoshye bituma ubwonko bwabo burekura dopamine, glutamate na serotonin bikabatera kuba maso kandi n'ubwonko bwabo bugakora cyane

4. Gusangira amarangamutima

Iyo uri kurebana iyi filimi nuwo mukundana bituma nk'iyo bigeze ahateye ubwoba cyane mufatana mu biganza cyane cyangwa mugasa n'abahoberana. Ibi bituma buri wese abasha gutuza kandi bikabafasha kongera ubusabane

5. Gutwika calories

Ubushakashatsi bwakorewe muri Westminster University bugaragazako kureba iyi filimi igihe cy'iminota 90 (isaha n'igice) birekura umusemburo wa adrenalin ufasha gutwika 113 calories. Ibi bikaba bifasha abashaka kugabanya ibiro kuko bingana no gukora urugendo rw'isaha n'amaguru.

6. Kongera ubudahangarwa

Nyuma yo kureba izi filimi umubiri wacu uratuza bityo ubudahangarwa bukazamuka bitewe na serotonin, glutamate na dopamine biba byazamutse kandi bigatera umubiri kuba maso

7. Kugabanya stress

Nubwo iyo uri kureba iyi filimi bizamura igipimo cya stress ariko nanone bifasha mu kugabanya igipimo cya stress yo mu buzima busanzwe. Ikorwa rya adrenaline rituma imvubura za adrenal zikora bityo bikagabanya kwiheba no kwigunga

8. Ni nziza kuri DNA

Kureba izi filimi kandi bifasha mu gukabura DNA kuko tuba tumeze nk'abahanganye n'ibiteye ubwoba ariko birenze ibitubaho mu buzima busanzwe. Kuri bamwe kureba izi filimi bizamura igipimo cyabo cyo kwigirira icyizere no kugaragaza amarangamutima mu buzima busanzwe

9. Gufasha amaraso gutembera neza

Iyo tureba izi filimi umutima uteragura cyane ibi bikaba kimwe na kwa kundi utera iyo twirukanka. Ibi bituma imiyoboro y'amaraso yaguka bigafasha n'umutima gukora neza mu nyuma

10. Bivura ubwoba

Kureba izi filimi bifasha bamwe kutagira ubwoba cyane cyane nk'ubwo kuba yagenda mu mwijima, kwiraza mu nzu, n'ubundi bwoba bumeze nk'ubudafite ishingiro cyane.

Ni ingingo Umukuru w'Igihugu yagarutseho kuri uyu wa Gatatu tariki 9 Ukwakira 2024, ubwo yatangizaga inama izwi nka 'Biashara Afrika'. Iyi nama igamije guteza imbere ubucuruzi n'ubuhahirane hagati y'ibihugu bya Afurika binyuze mu Isoko Rusange rya Afurika (AFCFTA).

Ni inama yitabiriwe n'abanyacyubahiro batandukanye barimo Mahamadou Issoufou wabaye Perezida wa Niger, Umuyobozi wungirije wa Komisiyo y'Umuryango w'Ubumwe bwa Afurika, Monique Nsanzabaganwa, Minisitiri w'Intebe w'Ubwami bwa Eswatini, Russell Dlamini n'abandi.

AFCFTA ni ryo soko ryagutse ku Isi rihuza ibihugu 54 byo mu Muryango wa Afurika Yunze Ubumwe n'indi miryango y'ubukungu itandukanye.

Kugeza ubu ibihugu 47 ni byo byamaze kwemeza ayo masezerano, mu gihe u Rwanda ruri mu bihugu birindwi bya mbere byamaze gutangira gukora ubucuruzi binyuze muri ayo masezerano rusange.

Iyi nama igamije kurebera hamwe uburyo ibihugu bya Afurika byarushaho kubyaza umusaruro aya masezerano binyuze mu gukorana ubucuruzi.

Minisitiri w'Ubucuruzi n'Inganda mu Rwanda, Prudence Sebahizi yavuze ko ari ishema kuba u Rwanda rwakiriye iyi nama cyane ko gahunda y'Isoko rusange rya Afurika ariho yatangiriye mu 2018.

Yavuze ko Biashara Afrika ari urubuga rukomeye rw'ibiganiro n'ubufatanye hagati y'abakora ubucuruzi n'izindi nzego zitandukanye ku Mugabane wa Afurika.

Umunyamabanga Mukuru w'Isoko Rusange rya Afurika, Wamkele Keabetswe Mene, yavuze ko iyi nama ari ingenzi cyane kuri ba rwiyemezamirimo bo muri Afurika.

Ati 'Ni iby'agaciro gakomeye kuri twe kugaruka i Kigali mu Rwanda muri iyi nama ya kabiri ya Biashara Afrika […] Ndashimira Perezida Paul Kagame na Guverinoma ayoboye ku bwo kwakira 'Biasha Afrika' ifasha nk'urubuga rukomeye mu kunganira n'urwego rw'abikorera muri Afurika by'umwihariko ibigo bito n'ibiciriritse na barwiyemezamirimo b'urubyiruko.'

Yakomeje avuga ko isoko rusange rya Afurika ari amahirwe yo kurwanya ubukene bukigaragara ku mugabane wa Afurika banyuze mu gukorana.

Ati 'Abanyafurika barenga miliyoni 400 babayeho mu bukene bakomeye, ubucuruzi no kugera ku masoko mashya ni ingenzi kuri twe ngo tubashe kugabanya ubukene, isoko rusange rya Afurika riha Abanyafurika amahirwe yo kuva mu bukene binyuze mu bucuruzi, iyo dushyize imbaraga zacu mu bijyanye no kwihuza mu bukungu no gushyiraho imikorere ya Afurika nk'isoko rimwe rusange, nemera ko nk'Abanyafurika tuba twiyongereye amahirwe yok urwanya ubukene bukabije.'

Dukeneye kunoza politike n'imiyoborere yacu

Perezida Kagame yavuze ko ibyakozwe byose mu kunoza imikorere y'Isoko Rusange rya Afurika bishimangira ubushake uyu mugabane ufite mu gukorana no gushaka ibisubizo by'ibibazo biwugarije.

Yavuze ko koko Afurika ifite ubushobozi bwo gukemura Ibibazo ifite, gusa ashimangira ko kugira ngo bigerweho hari icyo abayobozi basabwa.

Ati 'Afurika ifite ubushobozi bwo kunga ubumwe mu gukemura Ibibazo byacu, ariko Ndasaba Abayobozi bacu kumva ko bimwe mu bintu bitwitambika bitagoye gukemura, ntabwo bikwiriye gukomeza kuba ikibazo, dukwiriye gukemura Ibibazo biri muri politike yacu, imiyoborere yacu kandi Byose bitangirira ku myumvire no kugira Icyerekezo gisobanutse.'

Perezida Kagame yagaragaje ko kimwe mu bintu bitumvikana kugeza uyu munsi ari uburyo Abaturage ba Afurika bagorwa no kugenderanirana.

Ati 'Kuki hakwiriye kubaho Ikintu nk'icyo, kuki hatabaho urujya n'uruza rw'abantu mu bwisanzure ndetse n'urw'ibicuruzwa na serivisi, kubera iki? Kubera iki abaturage b'igihugu kimwe badashobora kwambuka imipaka bajya mu kindi gihugu cyo hirya no hino ku Mugabane nta nkomyi? Ikibazo ni ikihe? Birangira twemeranyije ko turi abavandimwe, turi abantu bamwe, bakeneye ibintu bimwe ariko bikarangira tubuze uru rujya n'uruza rw'abantu rukozwe mu bwisanzure. Ndavuga urujya n'uruza rwo kurenga imipaka ariko hari n'abantu batagenda imbere mu mipaka yabo mu bwisanzure, kandi ibyo byose ni politike ikwiriye kunozwa kandi tugomba kuyinoza.'

Kugeza ubu u Rwanda rwatangiye kubyaza umusaruro amahirwe y'Isoko Rusange rya Afurika aho rwohereza hirya no hino muri Afurika ibicuruzwa birimo ikawa, icyayi, amavuka akomoka kuri avoka, ubuki n'ibindi binyuranye.

Umuyobozi wungirije wa Komisiyo y'Umuryango w'Ubumwe bwa Afurika, Monique Nsanzabaganwa, yavuze iyi nama ishimangira ubushake bw'umugabane wa Afurika bwo guhuza isoko.

Yavuze ko kuba Afurika ituwe n'abantu hafi miliyari ebyiri ari amahirwe akomeye akwiriye kubyaza inyungu mu bijyanye n'ubucuruzi.

Minisitiri w'Ikoranabuhanga na Inovasiyo, Ingabire Musoni Paula, aganira na mugenzi we w'ibikorwaremezo, Dr. Jimmy Gasore

Umuyobozi Mukuru w'Urwego rw'Igihugu rw'Iterambere, Francis Gatare, aganira na bamwe mu bitabiriye iyi nama

Minisitiri w'Ikoranabuhanga na Inovasiyo, Ingabire Musoni Paula, aganira na mugenzi we w'ibikorwaremezo, Dr. Jimmy Gasore, uw'ubuzima, Dr Sabin Nsanzimana n'uw'ubuhinzi n'ubworozi, Dr. Ildephonse Musafiri

Umuyobozi Mukuru wa I&M Bank Rwanda, Benjamin Mutimura, hamwe n'Umuyobozi Mukuru wa RwandAir, Yvonne Makolo

Minisitiri w'Ubuzima, Dr Sabin Nsanzimana hamwe na Minisitiri w'Ububatera, Dr Emmanuel Ugirashebuja

Umuyobozi w'Umujyi wa Kigali, Samuel Dusengiyumva ni umwe mu bitabiriye inama ya Biashara Afrika

Minisitiri w'Intebe w'Ubwami bwa Eswatini, Russell Dlamini yitabiriye iyi nama

Mahamadou Issoufou wabaye Perezida wa Niger yashimiwe uruhare yagize mu ishyirwaho ry’Isoko Rusange rya Afurika

Perezida Kagame yavuze ko ibyakozwe byose mu kunoza imikorere y'Isoko Rusange rya Afurika bishimangira ubushake uyu mugabane ufite mu gukorana no gushaka ibisubizo

Perezida Kagame yagaragaje ko kimwe mu bintu bitumvikana kugeza uyu munsi ari uburyo Abaturage ba Afurika bagorwa no kugenderanirana.

Visi Perezida wa Komisiyo y'Umuryango wa Afurika Yunze Ubumwe, AU, Dr Nsanzabaganwa Monique, yitabiriye iyi nama

Amafoto: Niyonzima Moses & Habyarimana Raoul

Uyu muhanda uzubakwa mu Kagari ka Nyamagana mu Midugudu ya Gataka na Ruhuha, akavuga ko yabitewe n'impanuro za Perezida Kagame uhora asaba Abanyarwanda kwishakamo ibisubizo.

Mu gutangiza imirimo yo kubaka uyu muhanda, ku wa 08 Ukwakira 2024, Rwemayire wahize kubaka uyu muhanda, yavuze ko iki gitekerezo yari akimaranye imyaka 10, ariko akagenda agira imbogamizi.

Yavuze ko inkomoko y'iki gikorwa ari impanuro za Nyakubahwa Perezida wa Repubulika, zo gusaba Abanyarwanda bose guhora batekereza uko bishakamo ibisubizo aho bishoboka hose, badategereje Leta igihe cyose.

Ati “Iyo turebye dusanga mu Karere ka Ruhango hari imihanda myinshi idakoze kandi si uko itihutirwa. Ubushobozi bw'Akarere ntabwo bwakorera byose rimwe, ni yo mpamvu twabonye natwe twakwishakamo ibisubizo,tukubaka uyu muhanda.''

Yakomeje avuga ko yumva umusanzu we uzagirira akamaro abazakoresha uyu muhanda bose bityo Akarere na ko kagakora indi mihanda na yo ikenewe muri uyu mujyi wa Ruhango no mu bindi bice by'akarere.

Bamwe mu batuye mu gace uyu muhanda uzanyuramo, bavuze ko iki gikorwa ari icy'agaciro kandi gikwiye kuba urugero rwiza no ku bandi bose.

Umwe muri bo yagize ati “Kubona umuntu ku giti cye yubaka umuhanda nk'uyu rwose, biba bikwiriye kubera abandi urugero rwiza bagatera ikirenge mu cye. Tunaretse ko uyu muhanda uzatworohereza mu ngendo abawuturiye, kubaka umuhanda ubundi bizatanga akazi ku bantu benshi nanjye ndimo.'

Umuyobozi w'Akarere ka Ruhango, Habarurema Valens,wanayoboye imirimo yo gutangiza iyubakwa ry'uyu muhanda, yavuze ko uje wiyongera ku yindi mihanda itari mike Leta imaze kubaka, ashima ubwitange bw'uyu muturage.

Ati “Uyu munsi turishimira ko mu mihanda iri kubakwa mu Karere ka Ruhango, tugiye kongeraho undi ariko noneho ku bufatanye n'abaturage ubwabo. Twaje kumushyigikira ngo tumwereke ko ibyo akora tubishima nka Leta. Uyu muhanda uzagirira akamaro abantu benshi, tukaba dushishikariza abaturage kugira imvumvire nk'uyu,abaturage bagashishikarira gukora ibikorwa nk'ibi.''

Yakomeje avuga ko muri Ruhango bakomeje kurangwa n'ibikorwa by'ubumwe n'ubudaheranwa n'ubutwari bwo kubaka u Rwanda, birimo iby'abana baramiye ibendera ry'igihugu ryari rigiye gutwarwa n'umuyaga,ndetse n'icy'uyu uri kubaka umuhanda unahenze, ibimenyerewe kuri Leta, avuga ko byo bishimangira gukunda igihugu no kwitanga.

Uyu muhanda uzaba ufite metero zirenga 800, ufite ubugari bwa metero icyenda, zirimo esheshatu z'umuhanda wa tricouche (usanzwe umenyere gucaho n'imodoka ziremereye), ukanagira metero 1.5 kuri buri ruhande ahagenewe abanyamaguru, hazaba harimo n'amapave, ukazubakwa mu gihe cy'amezi atatu.

Usibye uyu, mu Mujyi wa Ruhango hamaze kuzura imihanda ya kaburimbo, igera kuri kilometero eshanu,n'ibindi 4.5 biri hafi kuzura, byose bikaba 9.5Km.

Ni mu gihe muri gahunda ya NST2 y'imyaka itanu iri imbere, hari gahunda yo kubakamo ibindi bilometero 15.

Ibi byose bikaba biri muri gahunda yo kurimbisha umujyi, no kuwuzamurira agaciro ndetse no gufasha abahatuye gutura neza.

Ni mu gihe uyu mujyi ufite intego yiswe 'Ruhango ikeye', ikaba gahunda igamije kurushaho kunoza isuku mu mujyi wa Ruhango.

Ubwo abayobozi batambagiraga ahgiye kubakwa uyu muhanda

Meya Habarurema Valens uyobora Akarere ka Ruhango, yavuze ko igikorwa nk’iki cy’umuhanda wubatswe n’umuturage bishushanya gukunda igihugu kuko ugirira akamaro abantu benshi.

Rwemayire Rekeraho Pierre Claver, usanzwe anayobora ishuri rya Lycee de Ruhango, yavuze ko umutima wo kubaka uyu muhanda yawukuye mu mpanuro za Perezida Paul Kagame zo kumenya kwishakamo ibisubizo

Imihanda ikomeje kubakwa mu Mujyi wa Ruhango, igenda irushaho kuwongerera isuku

Uyu muhanda uzaba ushamikiye ku wundi munini wa Kigali-Ruhango-Huye

Abaturage b’ahazanyuzwa uyu muhanda n’abandi muri rusange, bishimiye iki gikorwa cyiza, bavuga ko gikwiye kubera abandi urugero

Gahunda ya ‘Ruhango icyeye’ igamije kurimbisha Umujyi wa Ruhango

Izo serivise za RICA zizajya zitangirwa ku Irembo ni ukwandikisha ubucuruzi, kwaka icyangombwa cyo gukora ubucuruzi no kwandikisha aho ubucuruzi bukorerwa.

Uku kongera izo serivise mu zitangwa mu buryo bw'ikoranabuhanga, RICA itangaza ko bigamije gufasha abakorera ubucuruzi mu Rwanda koroherwa.

Ibi bivuze ko izo serivise zose umucuruzi azajya azisabira kuri internet bitabaye ngombwa kujya gutonda umurongo aho RICA ikorera.

Serivise yo kwandikisha ubucuruzi muri RICA ireba abacuruza cyangwa abakora ibijyanye no gutunganya ifumbire n'imiti yica udukoko. Bazajya babanza bakorerwe isuzuma na RICA harebwe niba ibyo bakora byujuje amabwiriza y'ubuziranenge ateganywa n'icyo kigo.

Igihe iryo suzuma rizaba rirangiye neza, ikigo gikora ubwo bucuruzi nibwo kizajya gihabwa icyangombwa cy'uko cyanditswe mu Rwanda kandi cyemerewe kuhacururiza.

Kwandikisha ubwo bucuruzi binyuze ku Irembo bizajya byihuta kandi bitume n'ibicuruzwa bigera ku isoko vuba. Bizajya kandi bifasha abaturage cyane cyane abahinzi kubona ibifashisha mu buhinzi byujuje ubuziranenge bwose bugenwe.

Serivise yo kwaka icyangombwa cyo gukora ubucuruzi yo izajya ifasha umucuruzi kuzuza ibikenewe ngo akorere mu Rwanda kandi RICA ikomeze gukurikirana ibikorwa bye ireba ko byubahiriza ibiteganyijwe byose.

Ibyo bizajya bifasha umucuruzi gukora mu buryo bukurikije amategeko ndetse n'abaturage babone serivise zinoze kubera iryo suzumwa.

Ni mu gihe serivise yo kwandikisha ahantu ubucuruzi bukorerwa yo ireba ibikorwa byo gusiga amarangi ku bintu, gupfunyika ibicuruzwa, gusana ibinyabiziga, gutunganya inyama no gukusanya amata.

Ibyo bigomba kwandikishwa muri RICA ngo harebwe niba byujuje ubuziranenge busabwa mu bijyanye n'ubuzima n'andi mabwiriza.

Nyuma y'iryo suzuma ni bwo hazajya hatangwa icyangombwa ku bakora ubwo bucuruzi.

Ibyo bizafasha ubwo bucuruzi gukorwa mu buryo butangiza ubuzima ndetse n'abaturage bungukire mu kugura ibicuruzwa na serivise byujuje ubuziranenge.

Ni mu butumwa bwatangiwe mu kibaya cya Mvurwa mu Murenge wa Murambi ku wa 8 Ukwakira 2024, ahatangirijwe ku mugaragaro igihembwe cy'ihinga cya 2025A ku rwego rw'Akarere ka Karongi.

Ni igihembwe gitangijwe mu gihe mu matariki nk'aya bamwe abahinzi babaga bageze mu ibagara, ariko uyu mwaka bakaba baratinze guhinga bitewe n'uko imvura yaguye itinze.

Murebwayire Epiphanie yabwiye IGIHE ko kimwe n'uko basanzwe babigenza buri mwaka, uyu mwaka barimye baniyandikisha mu gufata imbuto n'ifumbire ariko ntibatera kuko bari bagitegereje ko imvura igwa.

Ati “Dufite impungenge ko uyu mwaka tutazabona umusaruro ushimishije kuko niba imvura yaratinze kugwa ishobora no kuzacika vuba imyaka itarera.”

Munyeshyaka Charles yavuze ko nk'abahinzi batazi uko babyitwaramo kugira ngo bazabone umusaruro bitewe n'uko imvura yaguye itinze.

Ati 'Imirima twayiteguye ku gihe tubura imvura, none iguye igihe cyarahise. Imbere turabona hatazaba heza kubera imvura itagwiriye igihe.”

Umuyobozi w'Ishami ry'Ubuhinzi n'Umutungo Kamere mu Karere ka Karongi, Gahutu Mbabarira Anastase, yavuze ko Umurenge wa Murambi utangiye ihinga utinze kuko watinze kubona imvura.

Ati 'Ni yo mpamvu twaje kubabwira ngo na bo bafate isuka bashoke imirima, batere kugira ngo nabo bazabone ikibatunga.”

Umuyobozi wa RAB, Ishami rya Gakuta rikorera mu turere twa Karongi na Rutsiro, Kimenyi Martin, yabwiye IGIHE ko nta minsi ibiri irashira imvura y'umuhindo itangiye kugwa mu Murenge wa Murambi.

Ati 'Icyo dukangurira abahinzi ni ugutera vuba, tukaba twarangije gutera ibigori bitarenze tariki 11 Ukwakira, tukabona kujya guhinga izindi mbuto zitandukanye.”

Kimenyi yavuze ko intego ya Guverinoma y'u Rwanda ari uko Abanyarwanda bagira ibiryo kandi ibyo ngo kubigeraho bisaba gukoresha imbuto y'indobanure, ishwagara, ifumbire y'imborera n'iy'imvaruganda, kurwanya indwara n'ibyonnyi, kubagara ku gihe, gusarura no guhunika neza umusaruro.

Abahinzi basanga icyaba umuti urambye mu kubafasha guhingira igihe kabone nubwo imvura yaba yaguye itinze ari uko Leta yaborohereza kubona imashini n'ibindi bikoresho byifashishwa mu kuvomerera kuko nubwo Leta ishyiraho nkunganire nk'abahinzi basanga ibi bikoresho bigihenze.

Mu Karere ka Karongi, ubuso buhingwaho ibihingwa ngandurarugo bugeze kuri hegitari 32000, naho ikibaya cya Mvurwa cyatangirijwemo igihembwe cy'ihinga gifite ubuso bwa hegitari 12.

Abahinzi bo mu Karere ka Karongi basabwe kwihutisha itera mu guhangana n’ingaruka zo kuba imvura yaraguye itinze

Mu Karere ka Karongi, igihembwe cy’ihinga cy’umuhindo wa 2025 cyatangirijwe mu Murenge wa Murambi

Abaturage bahinze bagasatira inkombe z’Ikiyaga cya Kivu babujijwe gutera imyaka kuko bahinze ahatemewe

Aba bahinzi bari gushyira ifumbire mvaruganda mu mirima

Abahinzi basabwe gukoresha ifumbire kugira ngo babone umusaruro mwinshi

Kugeza mu mwaka w'amashuri wa 2022/2023 mu Rwanda habarurwaga ibigo by'amashuri 4,923, ndetse umubare uriyongera kuko mu bice bitandukanye by'igihugu hari amashuri mashya atangirana gahunda zo kwigisha icyiciro cy'incuke n'abanza.

Gusa ntibitungurana gusanga ishuri rikorera mu nzu zo guturamo cyangwa izagenewe gukorerwamo imirimo isanzwe ku buryo ibikorwa byo kwigisha bidashobora gukorwa uko bikwiye.

Nk'urugero mu Murenge wa Kinyinya hari ishuri rikorera mu Mudugudu wa Kadobogo, riri mu nzu zahoze zituwemo n'abantu batandukanye, nyuma zihindurwa amashuri.

Umuyobozi Ushinzwe Amasomo muri iri shuri, Manishimwe Eric yemereye itangazamakuru ko izi nyubako zabanje gukodeshwa abaturage bakazibamo ariko nyuma ziravugururwa, zihindurwa amashuri.

Ati 'Twaravuguruye wabibonye dushyiramo ibyumba by'amashuri ariko tubonye ibyangombwa twavugurura akaba amashuri. Hari agace kamwe kabagamo abantu n'ikindi cyari kibereye aho ngaho.'

Umuyobozi Mukuru wa NESA, Dr. Bahati Bernard yabwiye IGIHE ko hari gukorwa ubugenzuzi ku mashuri yigisha amasomo asanzwe ku buryo atemerewe gukomeza kwigisha azashyirwa ahagaragara mu gihe cya vuba.

Ati 'Turi kubikoraho. Vuba aha tuzayerekana.'

Kugaragaza amashuri adafite uburenganzira bwo gukomeza gutanga amasomo runaka byari bimaze igihe bikorwa ku mashuri ya tekinike, imyuga n'ubumenyi ngiro.

Umuyobozi w'Ishami rishinzwe Ubugenzuzi bw'Ireme ry'Uburezi muri NESA, Kavutse Vianney Augustine mu mpera za 2023 yabwiye IGIHE ko iyo ishuri risanganywe ibibazo rihabwa umwaka wo kubikemura byananirana rigafungwa.

Ati 'Hari aho usanga rwose no kugoragoza abanyeshuri babigwamo cyangwa ugasanga inzu zirashaje zanabagwira, icyo gihe turarifunga. Ubundi twebwe tureba inyungu z'abanyeshuri, ibindi biza nyuma.'

Kavutse yahamije ko mu gihe basanze ishuri ritujuje ibisabwa rihita ribuzwa kongera gufata abanyeshuri bashya, rigahabwa igihe cy'umwaka wo gutunganya ibisabwa byatuma abanyeshuri biga neza.

Ati 'Ntabwo wahita ubwira abana bari mu ishuri ngo muhagarare. Tubaha igihe cy'umwaka, hanyuma tukamenyesha akarere kugira ngo kitegure kuzareba aho kashyira abo bana n'ibindi byose byo kwita ku kibazo kakabikora.'

'Niba ari umushoramari, ari ikibazo cy'intebe cyangwa ibikorwa remezo muri icyo gihe cy'umwaka akatwandikira akavuga ati 'bya bintu nabikoze, duhita tugenda tukamufungurira. Ntabwo wahita ubwira abanyeshuri ngo muvemo kugira ngo abana n'abarimu badahungabana.'

Imibare y'Ikigo cy'Igihugu cy'Ibarurishamibare igaragaza ko ibigo by'ubucuruzi byashinzwe hagati ya 2021 na 2023 byerekeza mu ngeri y'uburezi bigera kuri 413.

Umuyobozi Mukuru wa NESA, Dr Bahati Bernard yahamije ko bari gukora igenzura ku bigo bishobora kuba bikora nta byangombwa

Amashuri yubakwa kuri ubu yubakwa mu buryo burambye

Inzu abanyeshuri ba TSS ntoma bararamo

Aho abanyeshuri barara harimo ibitanda na matels bigezweho

Ifite ubwiherero n’ubwogero bijyanye n’igihe

Muri rusange imibare y'uru rugaga igaragaza ko uru rwego rubarizwamo abenjeniyeri b'umwuga basaga ibihumbi 3.500 mu gihe ab'igitsina gore muri bo ari 10% gusa.

Mu busanzwe abenjeniyeri babarizwa mu nzego zitandukanye zirimo ubukanishi [mechanical engineering]; amashanyarazi [electrical engineering]; ubwubatsi bw'imihanda n'ibindi bikorwaremezo [civil engineering]; ikoranabuhanga [software engineering]; itumanaho [telecommunication engineering]; ubumenyi bw'ibijyanye n'indege [aerospace engineering], n'ahandi.

Mu kiganiro n'itangazamakuru cyabanjirije Inama Mpuzamahanga izarebera hamwe uruhare rw'Abenjeniyeri mu iterambere rirambye mu nzego zinyuranye, yateguwe n'Urugaga Nyarwanda rw'Abenjeniyeri mu Rwanda, IER, ku bufatanye n'Ihuriro ry'Ingaga z'Abenjeniyeri ku Isi, Umunyamabanga Nshingwabikorwa wa IER, Steven Sabiti, yagaragaje ko hari ikiri gukorwa ngo icyuho cy'abagore kiri muri uru rwego gikurweho.

Iyi nama izaba hagati ya tariki 15-18 Ukwakira, izitabirwa n'abarenga 800.

Sabiti yavuze ko umubare w'abenjeniyeri w'abagore ukiri muto kandi uteye impungenge.

Ati 'Uru rwego rufite ikintu gikomeye ruvuze ku iterambere ry'igihugu, kurujyamo dusize umubare munini w'abaturarwanda inyuma ntabwo byumvikana niyo mpamvu turimo gushyiramo ingufu nyinshi mu gukangurira abagore kuyoboka uyu mwuga.'

Sabiti yavuze ko mu rwego rwo gushishikariza abagore kwinjira mu bwenjeniyeri bashyiriweho agashami kabashinzwe, aho bategurirwa ingendoshuri, inama n'ibindi biganiro bigamije kubagaragariza amahirwe muri uru rwego.

Ati 'Turi gukora ibishoboka byose ngo dushishikarize abagore bato gukunda no kuyoboka umwuga w'ubu-enjeniyeri.'

Bipfira he?

Sabiti yavuze ko mu bushakashatsi bwakozwe n'Urugaga rw'Abenjeniyeri mu Rwanda, hari ibyagaragaye nk'inzitizi.

Ati 'Twashakaga ngo tumenye kuki mu mashuri yisumbuye harimo abakobwa benshi cyane, no muri kaminuza bikaba uko ariko waza mu mwuga ugasanga umubare uri hasi cyane?'

Mu bushakashatsi bwakozwe hagaragaye ko ikibazo cy'ibanze ari imyumvire nkene ivuga ko umwuga w'ubu-enjeniyeri ari umwuga usaba imbaraga z'umubiri nyinshi bityo bigaharirwa abagabo gusa.

Ikindi cyagaragaye n'uko ahenshi usanga ibikorwaremezo bikorerwaho imirimo itandukanye y'ubu-enjeniyeri cyane imwe isaba imbaraga, biba bitorohereza abagore gukora akazi kabo neza.

Sabiti ati 'Tumaze gukora ubwo bushakashatsi twafashe umwanzuro wo guhashya iyo mitekerereze idakwiye. Twashyizeho agashami gashinzwe abagore tunashyiraho ingamba z'uko gakora.'

Umuyobozi Mukuru wa IER, Eng. Gentil Kangaho, yavuze ko ubu-enjeniyeri ari urwego rwagutse cyane bityo abantu badakwiye kurubonera mu bwubatsi gusa.

Yavuze ko kubera iterambere Isi ikomeza kugeraho cyane mu ikoranabuhanga, uru rwego na rwo rugenda rwaguka bityo hari amahirwe menshi yo guhitamo aho umuntu yakisanga hatari mu bwubatsi gusa.

Umunyamabanga Nshingwabikorwa wa IER, Steven Sabiti, yavuze ko hari imitekerereze nkene igomba kwamaganwa

Umuyobozi Mukuru wa IER, Eng. Gentil Kangaho, yavuze ko hari amahirwe menshi muri uru rwego atari ubwubatsi

Abakobwa baracyari bake cyane mu mwuga w’ubu enjeniyeri