Category: Uncategorized

Igihugu cyabijyanishaga no gushyiramo imishinga itandukanye y'iterambere, kugira ngo bidaherera ku kuba mu nzu nziza cyane abayirimo bakicira isazi mu jisho.

Icyakora imwe muri yo yatangiye gukendera ku buryo nta gikozwe ibintu byaba bibi, iterambere ryashakwaga rigakomwa mu nkokora. Urugero rwa hafi ni imishinga yo mu midugudu y'icyitegererezo yo mu turere twa Nyagatare na Gatsibo.

Abaturage bagaragaza ko imicungire mibi y'imishinga y'iterambere bahawe, iri gutuma ikendera bikaba intandaro y'ubukene bunuma muri bamwe bagize iyo miryango.

Umwe muri iyo midugudu irimo uwa Gishuro wo mu Murenge wa Tabagwe mu Karere ka Nyagatare watujwemo imiryango 64 mu 2020.

Mu kwita ku bizabatunga binabateze imbere muri uwo mu dugudu ugizwe n'inzu zigezweho, hashyizwemo inka 64 n'inkoko 1400.

Iyo miryango yahawe na hegitari 32, ni ukuvuga igice cya hegitari y'ubutaka bw guhinga kuri buri muryango, bashyirirwaho n'ivuriro n'amashuri.

Uyu mudugudu watashywe na Perezida Kagame wubatswe ahafite amateka akomeye mu rugamba rwo kubohora igihugu, kuko ari ho ingabo zahoze ari iza RPA zafashe ubutaka bwa mbere mu Rwanda buzwi nka 'Gasantimetero'

Muri uyu mudugudu wubatswe n'Ingabo z'u Rwanda ku bufatanye n'izindi nzego za Leta, buri muryango wahawe inzu ifite ibyumba bibiri, uruganiriro, ubwogero n'ubwiherero.

Mu nka 60 zisigaye, 12 zikamwa litiro 42 z'amata agemurwa ku ikusanyirizo, hegitari 15 zigakorerwaho ubuhinzi bose bahuriyeho, ibyo byose bigacungwa na koperative ibahuje, nubwo hari abagaragaza ko amafaranga ava muri ibyo bikorwa bayaheruka bitari ibya vuba.

Uwitwa Mutabazi Emmanuel aganira na RBA yagize ati 'Ubwo mperuka ibihumbi 20 Frw hari kuri Noheli yo mu 2021. Niba inka ari izacu nibaziduhe nyiragire ari iyanjye, ikintu cyose cyitwe icyacu.

Za nkoko zigera ku 1400 bahawe bagitaha uwo mudugudu, mu kiraro cyazo iyo uhageze usanga haguhamagara, nta nkoko n'imwe ihari.

Bisobanurwa ko bijyanye n'ibiryo by'inkoko byari bihenze, abaturage babuze ubushobozi bwo kuzitunga, (hasabwaga nka toni eshanu z'ibyo biryo), izindi zikuze, ziragurishwa mu gihe bategereje ikindi cyakorwa.

Uretse Umudugudu w'Icyitegererezo wa Gishuro, i Gatsibo hari undi wa Nyabikiri uri mu Murenge wa Kabarore wari watujwemo imiryango 44 mu myaka itandatu ishize.

Mu nka 44 bari barahawe aho kubyara ngo zororoke, zaragabanyutse bigaragara kuko ubu basigaranye inka umunani. Inka 36 zarapfuye, izindi zijyanwa ku bw'amakosa y'abaturage.

Biogas nk'uburyo bari bahawe bubaha ingufu zose zarapfuye zitamaze kabiri yewe n'isoko bahawe ryatangiye gusambuka.

Bamwe mu baturage bagaragaza ko nubwo harimo amakosa yabo, abaturage batitaweho bikwiriye n'ubuyobozi nk'uko Mukandayisenga Elina.

Ati 'Bampaye inka nyiragira mu Kigo cya Gabiro barayijyana nsigarira aho. Ni amakosa dusabira imbabazi, ariko ni inka yakagombye kuba imfasha abana bakiga. Abana basubiye inyuma, tukimeze gutya ntituzigera dutera imbere.'

Mu Karere ka Nyagatare bagaragaza ko bari kwereka abaturage uko ubihinzi n'ubworozi bukorwa, banabereka ko ibikorwa bahawe bagomba kubigira ibyabo, ibyo bikazajyana n'impinduka mu miyoborere y'iyo mishinga.

Ni mu gihe mu Karere ka Gatsibo ho bijyanye n'amikoro y'akarere bari guteganya kongera ingengo y'imari muri iyo midugudu, izatuma ibyangiritse bisanwa.

Kugeza ubu mu midugudu ya vuba yubatswe ikanatahwa harimo uwa Rweru wo mu Karere ka Bugesera, uwa Horezo w'i Muhanga, uwa Karama mu Mujyi wa Kigali, uwa Shyira uri i Nyabihu, uwa Gishuro wubatswe mu Karere ka Nyagatare, uwa Kinigi uri mu Karere ka Musanze n'uwa Muhira uherereye mu Rugerero mu Karere ka Rubavu.

Kuri ubu u Rwanda rufite imidugudu y'icyitegererezo isaga 250 aho yiyongereye cyane mu myaka irindwi ishize ishize aho yavuye ku 165 mu 2016, yongerwaho ikabakaba mu 100.

Mu Mudugudu w’Icyitegererezo wa Gishuro wo mu Karere ka Nyagatare, hashyizwemo inkoko 1400. Ubu nta n’imwe igihari

Inka ni zimwe mu matungo ashyirwa mu midugudu y’icyitegererezo ariko kubera kutazitaho zigapfa izisigaye zigatanga umusaruro muke

Uwo ni Umudugudu w’Icyitegererezo wa Gishuro mu Karere ka Nyagatare watujwemo imiryango 64

Umudugudu w’Icyitegererezo wa Nyabikiri wo mu Karere ka Gatsibo watuwemo imiryango 44 yiganjemo iyavuye muri Tanzania

Ni uruganda ruzwi nka 'Kigali Silk Factory' ruherereye mu cyanya cy'inganda i Masoro mu Karere ka Gasabo.

Rurimo imashini zishobora gutunganya izo ndodo ziri hagati ya toni 70 na 100 ku mwaka.

Rutarafunga rwakoranaga n'abahinzi barenga 3500 mu kubyaza umusaruro ubwo budodo buva kuri utwo dusimba, binyuze mu kubagurira ibobere, ibyatsi bifatwa nk'ibiryo by'utwo dusimba.

Mu 2021 ibwo sosiyete yo muri Koreya y'Epfo yari ifite uru ruganda yitwa HEworks Rwanda Ltd yaseshe amasezerano bituma yaba imashini zaguzwe n'ibindi bikorwa byahakoze bihombera Leta.

Mutaganzwa Patrick wari ushinzwe abakozi muri iyo sosiyete yabwiye RBA ko nyuma y'ihungabana ry'ubukungu ryatewe na Covid-19 yazahaje ibihugu bitandukanye, umushoramari yacitse intege ku bwo kubura abakiliya.

Ati 'Natwe twarabibonaga. Niba naramaranye ububiko amezi umunani butarabona abakiliya na we urabyumva. Twari twumvikanye na NAEB ko nubwo HEworks Rwanda Ltd ifunze abahinzi tutazabatererana ngo bya bintu bari bafite bipfe ubusa ahubwo NAEB ikabigura.'

Ubuhinzi bw'ibobere yo kugaburira amagweja bwagombaga gukorerwa kuri hegitari ibihumbi 10, bugateza imbere abahinzi barenga ibihumbi bitanu.

Kubera kubura aho bagemura umusaruro, abahinzi bahingaga ibobere babivuyemo bihingira indi myaka, bakagaragaza ko ari na byo byiza kuko ari byo biri kubungura.

Nyirarukundo Alvera w'i Karongi ati 'Ibobere ntacyo yatwinjirizaga. Twarwazaga bwaki ariko ubu turahinga karoti imboga n'ibindi. Twicwaga n'inzara. Twaburaga abaguzi, ibyatsi bikumira mu murima.'

Mugenzi we ati 'Ibobere ntabwo zatangaga umusaruro. twaburaga aho tugurishiriza tukamererwa nabi, tubona twahabyaza umusaruro duhinga imboga dore ko duturanye n'amahoteli. Leta na yo yarabitwemereye n'ibyasigaye turi kubirandura.'

Icyakora Umuvunyi Mukuru, Nirere Madeleine yasabye abahinzi kutarandura ibobere bahinze, akabasaba kuba bihanganye mu gihe hashakishwa umushoramari uzabagurira umusaruro.

Ati 'Turasaba ko abo baturage batarandura izo bobere. Hari izindi nzego zagiye muri icyo kibazo. Mu gihe cya vuba hazaboneka undi mushoramari wafata uwo mushinga bityo bakabona inyungu. Inama yatanzwe ni uko RDB na NAEB bashaka undi mushoramari wakoresha urwo ruganda. Twavugaga ko mu mezi atatu baduha raporo y'ibyakozwe. Twasabye NAEB kugaragaza uko ibibazo twabonye mu igenzura uko byakemutse.'

Inzobere mu bijyanye n'ubukungu witwa Straton Habyarimana yagaragaje ko iyo umushinga uza kuba warizwe neza, igihombo leta yahuye na cyo cyari gukumirwa, akavuga ko abahinzi bakwiriye kugira icyo bahabwa.

Ati 'Ndi leta nareba uko nabaha nk'agahimbazamusyi mu kugaragaza ko nubwo byabaye tubihanganishije ariko nta gihombo bazagira, uwabihinze wese bakamufasha agakomeza agakora. Yabikora anashishikaye kuko azi neza ko nubwo bitagenze neza mu myaka yashize ubu leta igiye kubishyiramo imbaraga.'

Imibare ya NAEB igaragaza ko kuva mu 2011 kugeza muri Nzeri 2024 hagurishijwe hanze toni 152,3, mu gihe kuva mu 2019 kugeza ku 2023 umusaruro ukomoka kuri iyi pamba iva ku magweja winjirije u Rwanda ibihumbi 535$.

Uruganda rutunganya indodo mu Rwanda rumaze imyaka igera kuri ine rudakora

Igice cy'abatangabuhamya cyarasojwe ndetse kuri ubu hagiye gukurikiraho ubusabe bw'abaregera indishyi, Ubushinjacyaha, ijambo rya nyuma ry'uregwa, umwiherero w'urukiko ndetse no gutangaza icyemezo kuri urwo rubanza.

Abatangabuhamya batandukanye barimo abahamya ko babonye Dr. Rwamucyo mu gihe cya Jenoside yakorewe Abatutsi ndetse bakanamushinja uruhare mu rupfu rwa bamwe mu Batutsi bwarumviswe kimwe n'abo yari afite bamushinjura.

Bamwe mu batangabuhamya bavuze ko Dr. Rwamucyo yagize uruhare muri Jenoside yakorewe Abatutsi rurimo no gushyingura bamwe mu Batutsi bakiri bazima.

Hari kandi uwavuze ko Dr. Rwamucyo yafanyije n'Interahamwe zafataga abakobwa n'abagore b'Abatutsi zikabasambanya nubwo we akunze gushimangira ko ari umwere ku byaha aregwa.

Uretse ibyo kwica ariko ku wa 11 Ukwakira 2024, hari umutangabuhamya washinje Dr. Rwamucyo gukorera ikinyamakuru cya Kangura aho yemereye imbere y'urukiko ko yakunze kumubona akosora inkuru z'icyo kinyamakuru kizwi nka kimwe mu bitangazamakuru rutwitsi byakanguriraga Abahutu kwanga no kwica Abatutsi.

Ku rundi ruhande ariko Dr. Rwamucyo na we yari afite abatangabuhamya bamushinjura barimo na Kambanda Jean wabaye Minisitiri w'Intebe kuri ubu uri kurangiza igihano cye muri Sénégal.

Ni ku nshuro ya mbere uwo mugabo yari yemeye gutanga ubuhamya mu rukiko ndetse yagaragaje ko uregwa ari umwere ahubwo ko ngo ari gukurikiranwa ku mpamvu za politiki.

Mu bandi bagaragaye muri urwo rubanza kandi ni umwanditsi w'ibitabo Charles Onana na we washinjwe guhakana no gupfobya Jenoside yakorewe Abatutsi binyuze mu bitabo yandika ndetse akaba yaraburanishijwe mu Bufaransa nubwo urubanza rwe rutari rwasomwa.

Mu gihe Dr. Rwamucyo yahabwaga umwanya ngo agire icyo avuga ku byo ashinjwa nta na rimwe yigeze yemera uruhare rwe muri Jenoside yakorewe Abatutsi.

Bamwe mu batangabuhamya banze kubutanga

Muri uru rubanza rwa Dr. Rwamucyo, hari abanze kujya gutanga ubuhamya mu rubanza rwa Dr Rwamucyo harimo Vincent Ntezimana, Jean Marie Vianney Ndagijimana na Noel Ndanyuzwe.

Vincent Ntezimana yafatwaga nk'umutangabuhamya ufite amakuru menshi ku byaha Rwamucyo ashinjwa kuko mu gihe cya Jenoside yakorewe Abatutsi yabaga i Butare, ndetse akaba yarahamijwe n'Urukiko rwa Rubanda rwa Bruxelles ibyaha bya Jenoside yakorewe Abatutsi, birimo gukora urutonde rw'Abatutsi bigaga cyangwa bakoraga muri Kaminuza Nkuru y'u Rwanda (UNR).

Ku rundi ruhande Jean Marie Vianney Ndagijimana wabaye Minisitiri w'Ububanyi n'Amahanga muri Guverinoma ya mbere ya Leta y'Ubumwe na we yari yitabajwe ariko yanga gutanga ubuhamya.

Si abo gusa kuko hari na Dr. Alphonse Karemera wahamijwe ibyaha bya Jenoside yakorewe Abatutsi mu 1994, wanze gutanga ubuhamya ariko yandikira urukiko ibaruwa ashinjura uregwa.

Kugeza ubu hasigaye ko Ubushinjacyaha busabira Dr. Rwamucyo guhamwa n'ibyaha ndetse agasabirwa n'ibihano, hanyuma urukiko rukihererera hakamenyekana icyemezo cyarwo kuri uru rubanza.

Ibyaha Dr. Rwamucyo ashinjwa birimo gukora Jenoside, ubufatanyacyaha muri Jenoside, kugira uruhare mu mugambi wa Jenoside, ibyaha byibasiye inyokomuntu, ubufatanyacyaha n'ubwinjiracyaha mu gutegura Jenoside. Bihanishwa igihano kigera ku gifungo cya burundu.

Urukiko rwa Rubanda mu Bufaransa rwaherukaga guhamya ibyaha bya Jenoside Dr. Munyemana Sosthene rumuhanisha igihano cy'igifungo cy'imyaka 24.

Dr. Rwamucyo ashinjwa kugira uruhare muri Jenoside yakorewe Abatutsi

Ibi ni bimwe mu byagarutsweho mu kwizihiza Umunsi Mpuzamahanga w'Ibiribwa wabaye tariki ya 25 Ukwakira 2024.

Iyi gahunda yo gutera ibiti yatangirijwe mu ishuri ryigenga Joy Nursery and Primary School riherereye mu Mudugudu wa Gikuriro Akagari ka Ninzi, Umurenge wa Kagano no mu ishuri rya GS St Joseph Nyamasheke.

Umuyobozi wa Joy Nursery and Primary, Ndindayino Jean Claude yabwiye IGIHE ko buri cyumweru iri shuri ryishyura ibihumbi 80 Frw mu kugura imbuto zo guha abanyeshuri, ni ukuvuga agera kuri 2.880.000 Frw ku mwaka.

Yaguze ati 'Iyi gahunda yo gutera ibiti by'imbuto mu bigo by'amashuri tuyitezeho umusanzu ukomeye mu kunganira gahunda yo kugaburira abana ku mashuri, kuko bakenera indyo yuzuye, kandi ntabwo ishobora kuba yo itarimo imbuto.”

Igirimpuhwe Gisele wiga mu mwaka wa kabiri mu ishuri rya GS St Joseph Nyamasheke, yashimye iyi gahunda yo gutera ibiti by'imbuto mu bigo by'amashuri, avuga ko bayitezeho kubongerera imirire myiza.

Ati “Ibi biti bizaduha imbuto ziribwa kandi ni kimwe mu bigize imirire myiza kandi binatuma ikirere cyacu kiba cyiza.”

Umuyobozi w'Akarere ka Nyamasheke, Mupenzi Narcisse, yabwiye IGIHE ko iyi gahunda yo gutera ibiti by'imbuto bayitekereje mu rwego rwo kurwanya imirire mibi n'igwingira.

Ati 'Guhitamo kubitera mu bigo by'amashuri dufatanyije n'abanyeshuri, ni uko iyo uteye igiti ufatanyije n'umwana, uba ugihaye ubuzima kandi iyo gahunda iba irambye. Bizatuma abana bakura baziko kugira igiti cy'imbuto ari umuco atari ukubibwirizwa.'

Yakomeje avuga ko iyi gahunda izanakomereza no mu ngo z'abaturage ndetse n'ahandi hose hazashoboka bitewe n'ubutaka.

Akarere ka Nyamasheke karateganya gutera ibiti by'imbuto 10,000. Ibigo byose gafite uko ari 181, byamaze kubona ingemwe 6,500, izimaze guterwa ni 2257.

Umunsi Mpuzamahanga w'Ibiribwa wizihijwe ku nsangamatsiko igira iti “Uburenganzira ku biribwa: ubuzima bwiza n'ejo hazaza.”

Uyu munsi wasanze abaturage ba Nyamasheke bihagije ku biribwa ku kigero cya 70% mu gihe ku rwego rw'Igihugu Abanyarwanda bihagije ku kigero cya 80%.

Abayobozi batandukanye bateye ibiti by’imbuto bafatanyije n’abana mu rwego rwo kuzibakundisha

Minisitiri w’Ubuhinzi n’Ubworozi, Dr Marc Cyubahiro Bagabe nawe yafatanyije n’abanyeshuri gutera ibiti by’imbuto ziribwa

Kuri uyu wa 26 Ukwakira, 2024, mu Karere ka Nyaruguru, Umurenge wa Rusenge, mu Kagari ka Mariba, hatangirijwe icyumweru cyo kwizigama ku rwego rw'igihugu.

Ni ubukangurambaga bubaye ari nabwo hatangiye 'Gahunda yo kwihutisha iterambere rirambye' izashyirwa mu bikorwa mu myaka itanu (NST2), aho kuri ubu ubwizigame buri kuri 12.5% muri uyu mwaka wa 2024, intego ikaba kuzagera kuri 25.9% by'Umusaruro mbumbe w'igihugu mu 2029.

Umuyobozi ushinzwe ibigo by'imari muri MINECOFIN, Hategekima Cyrille, yagaragaje ko umuco wo kwizigama atari uwa none, kuko na kera kose abantu bahunikaga imyaka mu bigega.

Yakomeje avuga ko noneho ubu hagezweho kwizigamira amafaranga nubwo no guhunika imyaka bitaciwe, avuga ko bifasha igihugu n'abaturage gukora ibikorwa bikomeye.

Ati “Kwizigama amafaranga turi benshi byoroshya no kubona inguzanyo kuri make, bigatuma abantu babasha gukora imishinga y'iterambere.''

Yakomeje avuga ko nta rwitwazo ruhari kuko Leta y'u Rwanda yashyizeho uburyo bunyuranye bwo kwizigamira bwaba ubw'igihe kirekire nka Ejo Heza, mu mabanki, za SACCO mu mirenge n'ahandi nko mu matsinda arimo azwi cyane nka 'care'.

Hategekimana yibukije abizigamira mu matsinda kurangwa n'umuco w'ubunyangamugayo, abagujije bakibuka no kwishyura.

Ati'' Niba abantu bakugurije amafaranga yabo uyakeneye, ba inyangamugayo uzayasubize mu gihe no mu buryo mwumvikanye, ureke kwikunda ngo wibagirwe abakuvanye hariya bakugeza ahandi heza.''

Abo mu Karere ka Nyaruguru, bagaragaje ko kwizigama mu matsinda hari intambwe bimaze kubagezaho, ndetse ngo bamenye ko atari iby'abifashije gusa.

Umunyamuryango w'itsinda ryitwa Turwubake ryo muri aka karere, Nsengumuremyi Emmanuel yabwiye IGIHE ko abaturage bamaze kwitabira ibijyanye no kwizigamira mu gace atuyemo ugereranije n'ibihe byashize.

Ati'' Njye mu cyumweru nizigama 1.200Frw, imyumvire igenda izamuka, amatsinda agenda yiyongera umunsi ku munsi kuko abayobozi bakomeza kubidushishikariza.''

Mu Karere ka Nyaruguru by'umwihariko hari amatsinda 1507 agizwe n'abanyamuryango ibihumbi 29, aho muri rusange buri munyamuryango yizigama umugabane guhera kuri 500 Frw kuzamura buri cyumweru.

Iki cyumweru cy'ubukangurambaga bwo kwizigama gifite nsanganyamatsiko igira iti:” Zigama, shora imari, witeze imbere”, kikazasozwa ku wa 31 Ukwakira2024.

Leta y'u Rwanda igaragaza ko mu myaka itanu iri imbere, hazakorwamo imishinga iteza imbere urwego rw'imari, ku buryo abaturage 90% bazaba bayikoresha neza bavuye kuri 71% bariho mu 2020, mu gihe kandi Abanyarwanda bakoresha serivisi z'imari mu buryo bwanditswe, bo bazagera kuri 95% bavuye kuri 77%.

Umuyobozi muri MINECOFIN ureberera ibigo by’imari, Hategekiana Cyrille, yasabye abanyarwanda kugira ubunyangamugayo mu kwishyura igihe bafashe amadeni

Umuyobozi muri MINECOFIN, Hategekimana Cyrille, yaneretswe bimwe mu bikorwa bifasha abaturage kubona ubwizigame.

Uburyo bw’ikoranabuhanga nka Mobile Money nabwo bwagaragajwe nk’ubushobora gufasha abantu kwizigamira

Abarimo Depite Uwababyeyi Jeannette nabo bari bitabiriye uyu munsi

Insangamatsiko y’uyu mwaka igaragaza ko kwizigama binajyana no gushora imari mu bikorwa byunguka ukarushaho gutera imbere

Meya wa Nyaruguru, Dr. Murwanashyaka Emmanuel, atera igiti

Iki gikorwa kandi cyari cyabanjirijwe n’umuganda wo gutera ibiti mu bufatanye n’abaturage bo mu Murenge wa Rusenge, muri Nyaruguru

RGB ifite mu nshingano kwandika iyo miryango, isobanura ko ubufatanye bwayo na Guverinoma ari inkingi ikomeye mu iterambere ry'igihugu n'imibereho myiza y'abaturage.

Urwo rwego ni narwo rufite ububasha bwo kwaka ibisobanuro bene iyo miryango mu gihe hari ibyo yakoze bitanyuze mu mucyo, rukaba rwayambura ubuzima gatozi cyangwa rukayihagarika gukorera mu Rwanda.

Ni yo mpamvu iyo hari umwuka mubi watutumbye muri amwe mu matorero cyangwa mu makipe y'umupira, bose babyukira ku rugi rwa RGB ngo ibakiranure.

Gusa kuva mu ishingwa ry'iyo miryango, imikorere n'imiyoborere yayo, iyo yubahirije amategeko ntaho RGB yagonganira na gahunda zayo. Yo ihagera iyo habaye kurenga ku mategeko n'amabwiriza.

Itegeko nimero 058/2024 ryo ku wa 20 Kamena 2024 rigenga imiryango itari iya Leta, rigena ko Umuryango Nyarwanda utari uwa Leta ushobora gushingwa n'Abanyarwanda, abanyamahanga cyangwa Abanyarwanda bafatanyije n'abanyamahanga.

Ushobora kuba umuryango ugamije iterambere ry'abaturage, ugizwe n'itsinda ry'abantu bagamije gukora ibikorwa biteza imbere abaturage batuye ahantu hamwe cyangwa ukaba ugamije inyungu rusange, ugamije guteza imbere ibikorwa bifitiye akamaro abaturage.

Hari n'ubwo waba ari umuryango ugamije inyungu z'abanyamuryango, ugizwe n'abantu baharanira inyungu z'abawugize bitewe n'umwihariko wabo.

Itegeko rigena ko ushobora no kuba umuryango ushingiye ku mwuga, ugizwe n'abantu basangiye umwuga bagamije kuwuteza imbere; cyangwa ukaba uwa siporo, imikino n'imyidagaduro wifashisha siporo, ugamije guteza imbere siporo imwe cyangwa nyinshi hakubiyemo ishyirahamwe rya siporo, ishyirahamwe rya siporo rishamikiye ku rugaga, urugaga rwa siporo na komite olempiki y'u Rwanda.

Ushobora no kuba impuzamiryango cyangwa ihuriro ry'impuzamiryango.

Umuryango Nyarwanda utari uwa Leta wifuza gukorera mu Rwanda ugomba kugira icyemezo cy'ubuzimagatozi butangwa na RGB.

Usaba icyemezo cy'ubuzimagatozi, ugashyikiriza RGB ubusabe bw'icyemezo cy'ubuzimagatozi; amategeko shingiro ari mu rurimi rw'Ikinyarwanda no mu rundi rurimi nibura rumwe rwemewe mu butegetsi mu Rwanda ariho umukono wa noteri.

Usabwa inyandiko mvugo y'inama y'urwego rukuru igaragaza ishingwa ryawo, iyemezwa ry'amategeko shingiro yawo, abawushinze n'abagize inzego zawo, iriho umukono wa noteri.

Hiyongeraho ibaruwa yatanzwe n'ubuyobozi bw'Akarere yemera imikoranire; umwirondoro na kopi y'indangamuntu cyangwa pasiporo by'uwuhagarariye imbere y'amategeko, iby'umwungirije n'iby'abagize urwego rukuru.

Hasabwa kandi icyemezo cy'indangabihano cy'uwuhagarariye imbere y'amategeko n'icy'umwungirije cy'uko batigeze bakatirwa mu rubanza rwabaye ndakuka, igihano cy'igifungo kingana cyangwa kirenze amezi atandatu.

RGB ikenera n' inyandiko yashyizweho umukono n'uwuhagarariye imbere y'amategeko n'umwungirije iriho umukono wa noteri igaragaza ko bemeye inshingano bahawe; gahunda y'ibikorwa by'umwaka, ingengo y'imari n'aho amafaranga azaturuka.

Hatangwa kandi inyandiko igaragaza imiterere y'imyanya y'imirimo yawo; inyemezabwishyu igaragaza ko wishyuye amafaranga ya serivisi adasubizwa y'ubusabe bw'icyemezo cy'ubuzimagatozi agenwa n'Urwego,

Umuryango Nyarwanda utari uwa Leta wa siporo, imikino n'imyidagaduro yifashisha siporo, usaba icyemezo cy'ubuzimagatozi, wo ugomba no gushyikiriza RGB ibaruwa ya Minisiteri ifite siporo mu nshingano yemera imikoranire na wo.

Icyakora amabwiriza ya RGB ashobora kugena ibindi bisabwa mu gusaba icyemezo cy'ubuzimagatozi bw'umuryango Nyarwanda utari uwa Leta.