Category: Uncategorized

Muri iyi nama yatangiye kuri uyu wa 4 Ugushyingo ikazageza ku wa 7 Ugushyingo 2024, Minisitiri Dr. Ugirashebuja ari kumwe n'Umuyobozi Mukuru wa Polisi y'u Rwanda, CG Felix Namuhoranye, Umunyamabanga Mukuru w'Urwego rw'Igihugu rw'Ubugenzacyaha, RIB, Col (Rd) Jeannot K Ruhunga na Ambasaderi w'u Rwanda mu Bwongereza, Busingye Johnson.

Iyi Nteko Rusange ibaye ku nshuro ya 92, yitabiriwe n'abarenga 1000 baturetse mu bihugu 179.

Mu by'ingenzi iyi Nteko Rusange izibandaho harimo kwiga ku buryo bwo gutangira gukoresha ubwenge bukorano (AI) mu bikorwa byo gucunga umutekano ndetse no kurwanya iterabwoba.

Ni inama kandi izanakirirwamo Umunyamabanga Mukuru mushya w'iri huriro, Umunya-Bresil, Valdecy Urquiza, hakaba hazanabaho gutora abazajya muri Komite Nyobozi bahagarariye ibihugu bitandukanye.

Inteko Rusange ya Interpol iterana rimwe mu mwaka hagafatwa ibyemezo bikuru bigize gahunda z'umuryango, ibikenewe mu mibanire mpuzamahanga, imari na gahunda z'ibikorwa. Ibyo byemezo bishyirwa mu myanzuro y'inteko rusange. U Rwanda rwayakiriye mu 2015.

Muri iyi nama, Minisitiri Dr. Ugirashebuja ari kumwe n’Umuyobozi Mukuru wa Polisi, CG Felix Namuhoranye, Umunyamabanga Mukuru wa RIB, Col (Rd) Jeannot K Ruhunga na Ambasaderi w’u Rwanda mu Bwongereza, Busingye Johnson.

Ni inama iteranye ku nshuro ya 92

Yitabiriwe n’abasaga 1000 baturutse mu bihugu 179

Uwase yageze ku kwegukana aya makamba atatu muri iri rushanwa nyuma y’uko ashyigikiwe n’abantu benshi, ndetse n’umuhate yashyizemo. Ni irushanwa ryari ribaye ku nshuro ya Gatatu, kandi ryasojwe muri Nzeri 2024. 

Umukobwa witwa Joyce Kalavanda wo muri Repubulika Iharanira Demokarasi ya Congo (RDC) niwe wegukanye ikamba rya Cultural Queen ahigitse abo bari bahatanye.

Ni mu gihe Uwase wari uhagarariye u Rwanda yabashije kwegukana amakamba atatu. Uyu mukobwa yabwiye InyaRwanda, ko yabashije kwegukana ikamba rya ‘Culture Queen Africa’, ‘Boss Walk Challenge’ ndetse n’iry’umukobwa wakunzwe mu irushanwa (Miss Popularity).

N’ubwo yabashije guhesha ishema u Rwanda ariko ntibyigeze bivugwa mu itangazamakuru. Ariko avuga ko buri ‘kamba ryose natwaye ryaherekejwe n’amafaranga’.

Yavuze ko kwitabira ariya mafaranga ndetse no kwinjira muri cinema kwe, ahanini byaturutse mu kuba yarakuze ari ibintu ashaka kandi buri gihe aharanira kugera ku nzozi ze. 

Ati “Numva ndi umukobwa ushoboye, kandi witeguye kwitinyuka nkagera kure.” Yavuze ko gukina muri iyi filime byabaye inzira yo gutegura uko azakina filime ze bwite. Ati “Ndashaka kugera kure muri Cinema ku buryo nanjye nazakora izanjye.” 

Nyamwiza yavuze ko iyi filime “Was Love (Rwari urukundo)” yayikoze mu rwego rwo gushushanya inkuru y’abantu babiri bigeze gukundanaho.

Yakinnyemo abakinnyi basanzwe bazwi cyane muri filime muri iki gihe zitambuka ku muyoboro wa Youtube, barimo nka ‘Nyamitete’, ‘Denyse’, ‘Honorine’ uzwi muri filime za ‘Regis Skits’ n’izindi. 

Denyse wakinnye muri iyi filime ‘Was Love’ asanzwe afite ikamba rya Nyampinga w’Umuco (Miss Culture) yegukanye mu irushanwa rya Miss Mulenge. Iyi filime kandi yakinnyemo Yves ndetse na ‘Nyamwiza’ uri mu bakinnyi b’imena.

'Nyamwiza' wamamaye muri filime 'Nyaxo Comedy' yatangaje ko yatangiye gushora imari muri filime ze bwite

 

Uwase Aimée wegukanye amakamba atatu mu gihugu cya Nigeria, yatangaje ko yinjiye muri cinema agamije kuzakora filime ze bwite

 

Uwase Aimée yavuze ko yahagarariye u Rwanda muri Nzeri 2023, kandi abasha kwitwara neza kugeza ageze ku ntsinzi 

Uwase yivuga nk'umukobwa ugerageza gukora uko ashoboye agaharanira kugeza ku nzozi ze

 

Yves uri mu bakinnyi b'ibanze muri filime 'Was Love' ya Nyamwiza wamamaye muri Nyaxo

 

Denyse wakinnye muri iyi filime asanzwe afite ikamba rya Miss Culture muri Miss Mulenge 

Honorine uzwi cyane muri filime zinyuranye zitambuka ku muyoboro wa Youtube yiyambajwe muri iyi filime 

KANDA HANO UBASHE KUREBA IGICE CYA MBERE CYA FILIME 'WAS LOVE' YA NYAMWIZA

“>

KANDA HANO UBASHE KUREBA IKIGANIRO TWAGIRANYE NA NYAMWIZA

“>

RIB yatangaje ko uyu muyobozi yafashwe ku wa 1 Ugushyingo 2024, akaba yarafatiwe mu cyuho amaze kwakira indonke y'amafaranga 10,000 Frw yarahawe n'Umuturage kugirango akore ikinyuranyije n'itegeko aho yari kuzamufasha kubona icyangombwa cyo kubaka inzu.

Urwego rw'Ubugenzacyaha kandi twatangaje ko atari ubwa mbere uyu Munyamabanga Nshingwabikorwa yari akurikirwanyweho icyaha nk'icyo cyo gusaba no kwakira indonke kuko na tariki 20 Werurwe 2023, Urukiko rw'ibanze rwa Nyarubuye rwamutegetse kujya yitaba ubushinjacyaha ku rwego rw'ibanze rwa Nyarubuye buri wa Gatanu wa mbere w'ukwezi no kutarenga imbibi z'igihugu cy'u Rwanda igihe cyose agikurikiranyweho icyo cyaha.

Icyo gihe mu 2023 ngo yatawe muri yombi amaze kwakira 20.000 Frw kugira ngo adadunga iduka ry'umuturage ryari ryabereyemo urugomo.

Uwafashwe afungiye kuri Sitasiyo ya RIB ya Kirehe, mu gihe dosiye iri gutunganywa kugira ngo yohererezwe Ubushinjacyaha.

Icyaha akurikiranyweho cyo gusaba, kwakira cyangwa gutanga indonke, giteganywa n'ingingo ya 4 y'itegeko n°54/2018 ryo ku wa 13/08/2018 ryerekeye kurwanya ruswa. Iyo abihamijwe n'urukiko igifungo kirenze imyaka itanu ariko kitarenze irindwi n'ihazabu y'amafaranga y'u Rwanda yikubye inshuro kuva kuri eshatu kugeza kuri eshanu z'agaciro k'indonke yatse cyangwa yakiriye.

RIB iributsa abaturarwanda ko itazihanganira uwo ariwe wese ukora icyaha nk'iki cyo gusaba no kwakira ruswa yitwaje umwuga akora, ikanibutsa abantu bose ko ari icyaha kidasaza kandi gihanwa n'amategeko kandi ko ubikoze wese azafatwa agashyikirizwa Ubutabera.

RIB yataye muri yombi Gitifu w'Akagari ka Kigarama muri Kirehe akurikiranyweho kwakira ruswa ya 10.000 Frw

Yabivugiye mu Nama yateguwe n'Ibiro by'Umujyanama wihariye w'Umunyamabanga Mukuru wa Loni ushinzwe kurwanya Jenoside ku bufatanye n' Umuryango uharanira kurwanya Jenoside ku Isi, AEGIS Trust.

Ibi biganiro bizamara iminsi itandatatu biri kubera ku Rwibutso rwa Jenoside rwa Kigali.

Bizaba byiga ku ngingo zigamije kurwanya Jenoside n'ibindi byaha by'intambara n'ibyibasira inyokomuntu n'uko abari mu byago byo kurimburwa barindwa.

Mu bibazo bikomeje kuba agatereranzamaba mu Isi aho abantu bapfa umusubizo Isi irebera, harimo n'icy'Abanye-Congo bavuga Ikinyarwanda cyane cyane abo mu bwoko bw'Abatutsi bazizwa uko bavutse, akenshi bakicwa bivugwa ko ari Abanyarwanda 'bagomba gusubira abo bavuye.'

Ni ikibazo gifite imizi mu myaka agahishyi ishize, ha handi Abanyaburayi baciye Afurika mo imirwi, ibyageze no ku Rwanda ibice byahoze ari ibyarwo bikomekwa ku bihugu by'Abaturanyi na RDC irimo.

Icyakora iyo ngingo irirengagizwa bamwe mu baturage batijwe umurindi n'ubutegetsi bw'i Kinshasa bagafata abo bahavukiye nk'abanyamahanga.

Lisansi yasutswe mu muriro ugurumana ubwo abasize bakoze Jenoside yakorewe Abatutsi mu Rwanda, bahungiraga muri RDC, ubundi ingengabitekerezo y'urwango bagakomeza kuyikongeza n'aho bagiye, bikaba intandaro y'iyicwa ry'Abatutsi, gutotezwa nyamata, no kwirukanwa mu gihugu.

Ubwo yagarukaga kuri iyo ngingo, Nderitu yagaragaje ko umunsi ku wundi ahora atewe impungenge n'imvugo z'urwango zigaragara mu Burasirazuba bwa RDC zikomeje koreka abo muri icyo gice.

Yavuze ko ubwo aherutse mu Rwanda, yasuye imwe mu nkambi zicumbikiye Abanye-Congo, ahura n'Abatutsi bo muri icyo gihugu bahungiye mu Rwanda baganira ku bwicanyi n'urwango bagirirwa mu gihugu cyabo.

Ati 'Nababwiye ko ntazigera nceceka ku biri kubabaho. Ibi biro byashyiriweho kurwanya jenoside nk'iyabaye mu Rwanda ishobora kugira ahandi iba. Nta kintu kizatuma nceceka mu gihe mbona ibintu nk'ibyo biba. Njye rwose mvuga nkomeje ko imvugo z'urwango zibasira Abatutsi b'Abanye-Congo, zigomba guhagarara vuba.'

Ikindi cy'ingenzi kurushaho kuri Nderitu ni ukureba uko harebwa ku muzi w'ibyo bibazo byose, hakarandurwa ingengabitekerezo ya Jenoside ikomeje gukongezwa muri icyo gice kuva ku bakiri bato.

Yavuze ko byakorwa haherewe ku guta muri yombi abagize uruhare muri Jenoside yakorewe Abatutsi, bakomeje kuyibiba, bihishe mu bihugu bitandukanye birimo na RDC.

Ati 'Tugomba kugaruka ku kijyanye n'ingengabitekerezo ya Jenoside n'imvugo z'urwango ziri kuba ku Batutsi bo muri Congo. Gifite inkomoko ku byabaye ku Batutsi bo mu Rwanda. Tugomba kubirwanya. Ntitugomba kuvuga gusa nta gikorwa. Bigenze uko none imvugo ya 'Ntibizongere' yaba imaze iki mu gihe tudakemura ikibazo gitera ibyo byose?'

Ubwo yari mu nama i New York muri Leta Zunze Ubumwe za Amerika ku wa 25 Nzeri 2024, Minisitiri w'Ububanyi n'Amahanga n'Ubutwererane w'u Rwanda, Amb. Olivier Nduhungirehe yavuze ko u Rwanda rwohereje impapuro zirenga 1100 zo guta muri yombi abbagize uruhare muri Jenoside yakorewe Abatutsi bari mu bihugu 33 ariko nkeya ni zo zagize icyo zikorwaho.

Kuri iyi nshuro Nderitu yavuze ko nubwo izo nyandiko zoherejwe, abo bantu bakomeje kubaho nta cyo bikanga muri icyo gihugu, akavuga ko, icy'ingenzi ari ukudateshuka kugaragaza ukuri, abantu bagakomeza kugaragaza ko abakoze ibyaha bagomba kubiryozwa.

Umuyobozi Mukuru wa AEGIS Trust, Freddy Mutanguha, yavuze ko inama iri kubera mu Rwanda izafatirwamo imyanzuro itandukanye ijyanye n'uko imvugo z'urwango n'ibindi bishobora gukurura Jenoside n'ibyaha byibasira inyokomuntu byarwanywa mu buryo bushya.

Ati 'Havamo ibyemezo bireba ibihugu binyamuryango bya Loni binabihabwe. Inama izatanga uburyo ibihugu byarwanya ibyo bikorwa no kuba barinda abashobora kurimburwa. Na RDC irimo kandi na yo ni umunyamuryango wa Loni. Ni gahunda izagira akamaro kanini mu kuyifashisha mu kurengera abaturage bari mu byago byo kurimburwa.'

Muri urwo rihererekane rw'ibiganiro biri kubera mu Rwanda hazigwa ku buryo abagore bahaguruka bakarwanya imvugo z'urwango n'ibindi bishobora gushyira kuri Jenoside.

Hazaganirwa kandi ku biryo abantu basesengura ibibazo bibatanya bibanda ku bisubizo bibahuza, nyuma hasorezwe ku kiganiro cyiga ku gushyiraho umurongo ngenderwaho yo gutegura uburyo ubwoko cyangwa inyokomuntu iri mu kaga ko kurimburwa yarindwa byihariye.

Umujyanama wihariye w'Umunyamabanga Mukuru wa Loni ushinzwe kurwanya Jenoside, Alice Wairimu Nderitu, yongeye gutabariza Abanye-Congo bo mu bwoko bw’Abatutsi bakomeje kuzizwa uko bavutse

Uwo ni Umuyobozi Mukuru wa AEGIS Trust witwa Freddy Mutanguha. Yaganirizaga abitabiriye inama yiga ku kurwanya imvugo z’urwango zishobora gushyira kuri jenoside, ibyaha by’intambara n’ibyibasira inyokomuntu

I Kigali hateraniye inama yiga ku ngingo zitandukanye zijyanye no gukumira ibibazo byatuma mu Isi hagira ahongera kuba Jenoside

Abagore bo mu bihugu byiganjemo intambara bahuriye i Kigali aho bari kwiga uburyo umugore yaba umusemburo w’impinduka mu guhangana n’ibishobora gukurura jenoside

Amafoto: Rusa Willy Prince

Kuri uyu wa mbere ku biro by'umujyi wa Kigali, ubuyobozi bwa MTN Rwanda, Kompanyi ya Ericsson, Ubuyobozi bw'umujyi wa Kigali ndetse n'ubuyobozi bwa Minisiteri y'ikoranabuhanga bahuriye muri sale y'umujyi wa Kigali kugira ngo MTN Rwanda ibereke aho ibikorwa bamazemo iminsi bigeze.

Ni igikorwa MTN Rwanda yari imaze iminsi ikora hirya no hino mu mujyi wa Kigali mu rwego rwo kubanza gucyemura ibibazo biri mu mujyi wa Kigali hanyuma hagakurikiraho imijyi yunganira Kigali igendana n'ibindi bice by'icyaro.

Mu kiganiro n'itangazamakuru, Gakwerere Eugene ushinzwe Tekenike muri MTN Rwanda, yavuze ko kuva muri 2020 batangiye gahunda yo kuvugurura imiyoboro yayo harimo kubaka iminara mishya ndetse no kuvugurura ibindi bikoresho bisabwa kugira ngo byakire ikoranabuhanga rihambaye.

Gakwerere yavuze ko muri icyo gihe cyose, MTN Rwanda imaze kuvugurura iminara 447 iri muri Kigali gusa. Ati 'Uko Isi ya none yihuta, twebwe nka MTN ndetse n'Igihugu muri rusange nitwe tugomba guha umusingi iryo koranabuhanga. Twahereye muri Kigali aho tumaze kuvugurura iminara 447 kugira ngo abakiriya bacu tubahe serivisi zinonze.'

Yavuze kandi ko nta yindi mpamvu ikomeye yatumye bahera muri Kigali ahubwo ari uko 54% by’akoresha telephone na serivisi zigezweho za Telephone bari muri Kigali, ariko bagiye gukomeza kwagura imiyoboro yayo no kuyivugurura kugira ngo barusheho guha serivisi nziza abakiriya hirya no hino mu gihugu.

Gakwerere yavuze ko nyuma yo kwagura iyi miyoboro, magingo aya ku ijanisha mu mujyi wa Kigali bageze ku kigero cya 99.5% mu kuba hari ‘Network’ zihuta kandi zigenda neza hanyuma 0.5% bikaba ari uko hari uduce two mu nkengero za Kigali nka Jabana, Rusororo batari bagerwaho neza n'iyi serivisi nshya.

Agaruka ku kibazo cyabaho gituma umuntu ashobora kuguhamagara ntakubone kandi ntacyo telephone yabaye, yavuze ko 'Biterwa n'impamvu eshatu. Iyi miyoboro dukoresha ishobora kugira ikibazo wenda nk'icyuma kiriho cyagize ikibazo, cyahiye, cyakubiswe n'inkuba, umuriro ubuze. Bishobora kandi guterwa n'uko ivomo ry'uwo muyoboro habaye ubucucike. Icya kabiri ni ikibazo cya telephone dukoresha mu gihe ziba zitari 'updated' hanyuma ikindi kikaba iyo umuntu umwe aguhamagaye hari n'undi arimo kuguhamagara bigahurirana.'

Yavuze kandi ko nyuma y'umujyi wa Kigali, hagiye gukurikiraho ibice biri hanze ya Kigali aho byibuze mu mwaka wa 2027 hose hazaba hamaze kugera serivisi nshya za MTN kandi zihuta cyane nkuko ubu muri Kigali ikibazo cya 'Network' zigenda nabi cyamaze kuranduranwa n'imizi yacyo.

Eugene yavuze kandi ko kuvugurura ibikorwa bya MTN byose ari uguharurira inzira za 5G. Ati 'Ntabwo turi kuvugurura duca amarenga ya 5G ahubwo niyo nzira turi kuganamo na za 6G n'indi miyoboro uko izagenda iza mu minsi iri imbere.'

Jean Kabandana umuyobozi wa Ericsson itanga ibikoresho byo kubaka iminara, yavuze ko bamaze imyaka 26 bakorana bya hafi na MTN mu kubaka iminara kandi ko ibikoresho byo kwakira 5G bihari ndetse na MTN yamaze kubona uburenganzira bwo kuyikoresha biryo mu minsi itarambiranye abantu batangira gukoresha 5G.

MTN Rwanda yahaye Certificate umujyi wa Kigali na Minisiteri y’ikoranabuhanga yuko basoje ibikorwa byo kuvugurura imiyoboro yabo muri Kigali

MTN Rwanda yasoje mu mujyi wa Kigali ibikorwa by’ibanze byo kwitegura umuyoboro wa 5G

Umuyobozi wa Ericsson mu Rwanda yavuze ko biteguye kuba batangira gutanga 5G

Umuyobozi ushinzwe ibya Tekenike muri MTN, Gakwerere Eugene yavuze ko ibi bikorwa byose bigamije kwitegura kwakira imiyoboro igezweho nka 5G

Kanda hano urebe andi mafoto

Photo: Ngabo Serge

Uyu mugabo yari amaze iminsi mu Rwanda mu bitaramo byari bigamije kumenyekanisha ibyo yanditse muri iki gitabo. Ndetse mu Kwakira 2024, yataramiye kuri Institut Francais asobanura mu buryo burambuye uko yageze ku kwandika iki gitabo. 

Ibinyamakuru bitandukanye byo mu Bufaransa byatangaje ko iki gihembo yagihawe kuri uyu wa Mbere tariki 4 Ugushyingo 2024 ahitwa Drouant Restaurant mu Ntara ya Opéra mu Mujyi wa Paris mu gihugu cy'u Bufaransa.

Gaël Faye yegukanye iki gihembo ahigitse ibitabo bitanu bageranye mu cyiciro cya nyuma harimo: 'Les soeurs et autres espèces du vivant' cya Élisabeth Barillé, (Arléa), 'La barque de Masao' cya Antoine Choplin (Buchet Chastel), 'Houris' cya Kamel Daoud (Gallimard), ndetse na 'Les guerriers de l’hiver' cya Olivier Norek (Michel Lafon). 

Akanama Nkemurampaka kasuzumye buri gitabo, kugeza ubwo bemeje ko igitabo cya Gaël Faye ndetse n'icya Kamel Daoud ari byo bihatana mu cyiciro cya nyuma, birangira Gaël Faye ariwe utsinze.

Gaël Faye abaye umunyarwanda wa Kabiri uhawe iki gihembo nyuma ya Scholastique Mukasonga wagihawe kubera igitabo cye 'Notre-Dame du Nil'.

Muri rusange igitabo cye kigaruka ku rugendo rwo kwiyubaka ku Rwanda nyuma ya Jenoside yakorewe Abatutsi. Mu 2023, igihembo nk'iki cyahawe Ann Scott w'imyaka 59 y'amavuko ku bw'igitabo yise 'Les Insolents.'

Si ubwa mbere Gaël Faye yegukanye ibihembo kubera ubwanditsi bwe. Mu 2015, ubwo yasohoraga igitabo yise ''Petit Pays' yahawe igihembo gikomeye cyane mu Bufaransa cyitwa 'Prix Goncourt des lycéens' gitangwa na Fnac [Fédération nationale d'achats] ifatanyije na Minisiteri y'Uburezi. Yanahawe kandi igihembo gikomeye cya Prix du Premier Roman (First Novel Prize).

Muri Mata 2024, nibwo Gaël Faye yatangaje ko yatangiye gukorera kopi y'igitabo cye 'Jacaranda' yifashishije 'Imprimerie' y'i Nyamirambo mu Mujyi wa Kigali.

Yavuze ko yifashishije iduka rya Loïs ukorera i Nyamirambo, yatangiye gushyira ku murongo impapuro zigize iki gitabo. Ati 'Nyuma y’amezi atari make nanditse, nshimishijwe no gucapa ibimenyetso by’igitabo cyanjye gikurikira 'Jacaranda' mu iduka rito rya Loïs i Nyamirambo, kamwe mu turere twa Kigali ahabera igice cy’inkuru.'

Ubwo muri Nzeri 2024, yashyiraga ku isoko iki gitabo, yavuze ko yacyanditse ashingiye ku bushakashati yakoze 'Nshingiye ku byo nabonye, hari igihe naje mu Rwanda numva ubuhamya ndetse ngera n'aho njya muri Gacaca, navuyeyo ntunguwe n'ibyahavugiwe, ndibaza nti abantu babonye ibi bintu ni gute bagiseka, bakigenda, bagikora ubuzima bugakomeza.'

Akomeza ati 'Ubundi nyuma ya Jenoside yakorewe Abatutsi hagombye kuba harabayeho kwihorera cyangwa Igihugu gihorana abanyarugomo, biratangaje ukuntu Abanyarwanda babanye bigaragaza ubutwari […] Guhitamo kuvuga ntabwo ari ibintu byoroshye, muri Jacaranda, guceceka ni byo bya mbere bikunze gukorwa n'abantu barokotse Jenoside, gusa iyo ukomeje guceceka ntabwo ukira, ahubwo umutima wawe ukomeza kwandura.'

Gaël Faye ari mu banditsi b'ibitabo bakomeye. Yamenyekanye nk'umuririmbyi binyuze mu ndirimbo nka 'Je pars', 'Ma femme', 'Petit Pays' n'izindi.

Igitabo cye 'Petit Pays' yagikozemo indirimbo ndetse na filime. Iki gitabo kigaragaza inkuru y'ubuzima bw'umwana wavukiye i Burundi wabyawe n'umunyarwandakazi w'impunzi n'umuzungu w'Umufaransa.

Ibi bihembo bya 'Prix Renaudot' yegukanye byatangiye gutangwa kuva mu 1926. Jean-Noël Pancrazi niwe ukuriye Akanama Nkemurampaka, Georges-Olivier Châteaureynaud niwe munyamabanga Mukuru, bakungirizwa na Jean-Marie Gustave Le Clézio, Franz-Olivier Giesbert, Dominique Bona, Patrick Besson, Frédéric Beigbeder, Cécile Guilbert, Stéphanie Janicot ndetse na Mohammed Aïssaoui.

Ni ibihembo byubashwe ku Isi bihatanirwa n'abanditsi b'ibitabo b'amazina akomeye. Bituma ugihawe ashyirwa mu cyiciro cyo hejuru mu banditsi.

Gaël Faye yashyikirijwe igihembo kizwi nka Prix Renaudot abikesha igitabo cya Kabiri yanditse yise 'Jacaranda' kigaruka ku butwari bw'Abanyarwanda nyuma ya Jenoside yakorewe Abatutsi mu 1994 

Gaël Faye yashyize ku isoko igitabo 'Jacaranda' nyuma y'imyaka umunani yari ishize acuruje kopi zirenga Miliyoni z'igitabo 'Petit Pays' nacyo gikomoza ku mateka y'u Rwanda

Uyu mugabo ugezweho muri iki gihe mu muziki wa Côte d’Ivoire, yageze ku kibuga cy'indege Mpuzamahanga cya Kigali i Kanombe mu gitondo cyo kuri uyu wa Mbere tariki 4 Ugushyingo 2024, ni nyuma y'iminsi yari ashize ategura uru rugendo. 

Uretse kuba ibihangano bye bizwi muri Côte d’Ivoire, uyu mugabo imiziki ye yanageze mu bihugu birimo Ghana ndetse no muri Guinea.

Akigera i Kigali, Fior 2 Bior yavuze ko yishimiye kugera mu Rwanda ku nshuro ye ya mbere kandi yishimiye uko yakiriwe. Yavuze ko bimwe mu bimuzanye hano mu Rwanda harimo ibikorwa by'umuziki ndetse n'umushinga w'indirimbo agiye gukorana n'umuhanzi Vex Prince.

Yakomeje avuga ko impamvu agiye gukorana indirimbo na Vex Prince, ariko uko yanyuzwe n 'indirimbo uyu muhanzi aherutse gukora yise 'Wahla' ari nayo yabaye imbarutso yo gukorana n'uyu muhanzi.

Fior 2 Bior yagize ati 'Wahala ni indirimbo ikunzwe mu gihugu cyacu sinzi niba na hano ari uko, njye n'ikipe  dukorana yanjye tujya tugira uko dufasha na barumuna bacu ni uko twabitekereje, twizeye ko uyu mushinga nawo uzaba mwiza.'

Uyu muhanzi ageze i Kigali nyuma yo gukorana indirimbo ebyiri n'umuraperi Niska. Uyu muhanzi ari mu muziki kuva mu 2017.

Nyuma y'umwaka umwe ubwo ni ukuvuga mu 2018, Ariel Sheney yafashije Fior kwinjira mu inzu ifasha abahanzi mu bya muzika ya AS Record 7 batangiye kumufasha mu muziki.

Ibi byamufashije gukora indirimbo 'Kpokpokpouo Souhalele' yarebwe inshuro zirenga Miliyoni 2 mu gihe cy'iminsi micye.

Byanamufashije gukora indirimbo nka 'Piqué piqué' yakoranye na Oyoki Onanayo', ndetse na 'Apoutchou' yakoranye na DJ Lewis 8, 'Ewee' yakoranye na Serge Beynaud n'izindi. Uyu muhanzi anafite indirimbo 'Victago' yakoranye mu gihugu cy'u Bufaransa. 

Fior 2 Bior yageze i Kigali ku nshuro ya mbere nyuma yo gukora indirimbo zamamaye mu bihe bitandukanye 

Fior 2 Bior yatangaje ko yageze i Kigali mu rugendo rugamije gukorana indirimbo na Vex Prince 

Fior 2 Bior yavuze ko indirimbo 'Wahala' ya Vex Prince yamamaye muri Cote d'Ivoire byatumye yifuza gukorana indirimbo nawe 

Vex Prince avuga ko indirimbo yakoranye na Fior 2 Bior izakorwa mu buryo bw’amajwi na Producer Muriro     

KANDA HANO UREBE AMASHUSHO Y'INDIRIMBO 'MARADONA' YA FIOR 2 BIOR

“>  

KANDA HANO UREBE AMASHUSHO Y'INDIRIMBO 'WAHALA' YA FIOR 2 BIOR