IDFC igizwe na banki zo mu bihugu bikize n'ibikiri mu nzira y'amajyambere 27, zigamije kugira uruhare mu bukungu bw'Isi cyane cyane hibandwa ku butangiza ibidukikije.

Ubu bunyamuryango BRD yaherewe mu Nama Ngarukamwaka ya IDFC yabereye Washington D.C muri Amerika, bugiye gutuma iryo huriro rishinga imizi muri Afurika no gukomeza kuzamura ubukungu bw'u Rwanda.

IDFC yashinzwe mu 2011 ni ihuriro rifite ijambo rinini mu bijyanye n'imari mu Isi, ikaba ikigo kini mu iterambere ry'ibihugu no gutera inkunga imishinga igamije guhangana no kurwanya ingaruka z'ihindagurira ry'ibihe.

Imari shingiro ya IDFC ibarirwa agaciro ka miliyari 4000$ ndetse buri mwaka iri huriro, ryiyemeza gutera inkunga imishinga y'iterambere ya miliyari 600$ irimo n'iya miliyari 150$ yo guteza imbere imishinga ijyanye no kurwanya iyangirika ry'ibihe.

Ibigo binyamuryango bya IDFC biba bigomba gutera inkunga ishyirwa mu bikorwa ry'imishinga itandukanye hashingiwe kuri politiki y'ibihugu bikomokamo ariko bikanahuriza ku kubahiriza politiki mpuzamahanga ku ngingo runaka.

Byose bihurira ku gushyira mu bikorwa intego z'iterambere rirambye n'imishinga ijyana n'amazezerano ya Paris yo gufasha imishinga irengera ibidukikije.

Nk'umunyamuryango wa IDFC, ubu BRD ni imwe muri banki zishobora kungukira ku mahirwe y'inkunga n'ishoramari bitangirwa muri iryo huriro, ubwunganizi mu bya tekinike n'ubunararibonye mu gutera inkunga imishinga itangiza ibidukikije.

Ni n'amahirwe ku ishoramari mvamahanga ritaziguye rizanwa mu Rwanda, ibifasha n'izindi banki kubona amafaranga zifashisha mu mishinga itandukanye y'iterambere u Rwanda rufite.

Umuyobozi Mukuru wa BRD, Kampeta Sayinzoga yavuze ko kuba umunyamuryango wa IDFC ari intambwe ikomeye banki ayoboye iteye.

Yongeyeho ko uretse gufasha mu gushyira mu bikorwa imishinga y'iterambere rirambye no guteza imbere imishinga ibungabunga ibidukikije, bizanabafasha mu bufatanye bwagutse n'ibindi bigo ku rwego rw'Isi.

Ati 'Twiteguye kubyaza umusaruro iri huriro mu guteza imbere ihangwa ry'udushya, gukusanya amikoro no gukomeza guharanira impinduka nziza mu baturage duha serivisi.'

IDFC kandi izafasha BRD mu kugira uruhare mu biganiro bigamije guteza imbere politiki z'imari zirandukanye zaba iz'igihugu no ku rwego mpuzamahanga, ibiri mu murongo mugari w'icyerekezo 2050 aho u Rwanda ruzaba ruri mu bihugu bikize, n'uwa Afurika Yunze Ubumwe yo mu 2063, aho uyu mugabane uzaba warahuje gahunda zitandukanye z'iterambere.

BRD yagizwe umunyamuryango w’Ihuriro rya za banki z'iterambere ku Isi, IDFC

Mu 2017 nibwo uyu muhanda uhuza uturere dutanu two mu Ntara y'Iburengerazuba dukora ku Kiyaga cya Kivu warangiye. Kuva icyo gihe kugeza ubu inzu abakozi ba sosiyete yawukoze babagamo mu karere ka Nyamasheke zirarangaye ndetse zuzuyemo umwanda ukabije kubera ko hari abazikoresha nk'ubwiherero.

Ni inzu ziherereye mu mudugudu wa Museke , Akagari ka Kigoya, zifite ibyumba birenga 20. Zubatse mu buryo uzibonye utazi ibyazo wagira ngo hahoze ikigo cy'ishuri.

Myavu Fabien yabwiye IGIHE ko ubwo sosiyete y'abashinwa yari ije gukora uwo muhanda, abakozi bayo babanje kubaka izi nzu kugira ngo bage bakora umuhanda bazitahamo.

Ati 'Umuhanda urangiye zimwe barazisenye bajyana ibikoresho, ziriya bazigezeho ubuyobozi burababuza. Kuba zipfa ubusa ni ikibazo kuko zikorewemo umushinga zaduteza imbere'.

Izi nzu ziri mu kabande iruhande rw'umuhanda hafi y'isantere y'ubucuruzi ya Kirambo. Ni ahantu hari inzira nyabagendwa ku baturage bajya cyangwa bava ku mirimo, ariko zitaruye ingo z'abaturage.

Habimana Elisée avuga ko izi nzu ziteye impungenge ku mutekano wabo kuko bitewe n'uko inzugi zakuweho, hashobora kwihishamo abagizi ba nabi bagahungabanya umutekano w'abaturage.

Musabyimana Pascasie ukoresha umuhanda w'igitaka unyura hafi y'izi nzu, yavuze ko iyo ahanyuze nimugoroba ari wenyine aba afite ubwoba ko hashobora kuba hihishemo umugizi wa nabi.

Ati 'Icyifuzo cyacu nk'abaturage ni uko bahaha umushoramari akahabyaza umurasaruro. Habonye umushoramari yajya asorera Leta kandi yanaha abaturage akazi, naho gutya zimeze ntacyo zimariye Leta nta n'icyo zimariye abaturage.'

Umuyobozi w'Akarere ka Nyamasheke, Mupenzi Narcisse yabwiye IGIHE ko izo nzu zubatswe mu buryo butarambye, ku buryo zitahabwa abaturage.

Yijeje ko bagiye kuganira na Koperative zihinga ibigori zari zarazitijwe ngo bazifashishe babikamo umusaruro, kugira izo nzu zibungabungwe mu gihe zitaravanwaho.

Izi nzu zubatswe mu buryo butarambye ari nayo mpamvu zizakurwaho

Izi nzu zubatse ahantu hari inzira inyuramo abaturage

Ni amatora adasanzwe, ariko benshi bakomeje kwibaza ku mahitamo y'Abanyamerika, cyane ko aba bakandida bombi bafite inenge zitari nke, nubwo hari na byinshi bashoboye.

Mu kiganiro Indiba y'Ibivugwa, iyi ngingo yagarutsweho mu buryo burambuye.

Yabigarutseho ku wa 02 Ugushyingo 2024 mu nama yahuje Polisi y'u Rwanda n'abanyamakuru bakorera mu Ntara y'Iburengerazuba. Ni inama yibanze ku kunoza imikoranire hagati y'abanyamakuru n'uru rwego rushinzwe umutekano w'abantu n'ibyabo.

Hamaze iminsi humvikana ikibazo cy'abantu bafatwa bakajyanwa mu bigo by'inzererezi ariko mu by'ukuri batakabaye bitwa inzererezi.

Abanyamakuru batanze ingero z'aho umuturage n'umuyobozi bagirana ikibazo, umuyobozi mu kumwihimuraho akamwohereza mu kigo cy'inzererezi, hakaba n'abacuruzi bafatwa bakajyanwa mu bigo by'inzererezi bazira ko batahaye abakiliya inyemezabwishyu ya EBM.

ACP Rutikanga yavuze ko abantu Polisi ijyana mu bigo by'inzererezi ari abakeneye kugororwa no kugirwa inama.

Ati 'Biriya bigo ibyinshi ni transit (ibinyurwamo by'igihe gito). Harimo abajya i Gitagata, harimo abajya Iwawa harimo n'abo turekura bakagaruka. Abajya hariya ni ba bandi bakeneye kugororwa n'abakeneye kugirwa inama n'abo dukeneye ko urwo ruhererekane rw'abo turufata'.

Umuvugizi wa Polisi yavuze ko ku muntu usanzwe acuruza neza ikibazo cyo kudatanga EBM gifite uburyo gikemuka atajyanywe mu bigo by'inzererezi rimwe na rimwe bidasabye kujya no mu nkiko.

Ati 'Niba hari umucuruzi uri muri ibyo bigo kubera EBM muze kumumbwira uwo turamufasha. Ibibazo by'abacuruzi, umuntu ufite aho abarizwa usanzwe afite ibyangombwa, acuruza neza, ikibazo cya EBM gifite uburyo gikemuka rimwe na rimwe bitarinze kujya no mu nkiko'.

Umucuruzi utatanze inyemezabwishyu ya EBM aba yanyereje umusoro ku nyungu yahawe n'umuguzi. Ikigo cy'Igihugu gishinzwe Imisoro n'amahoro iyo kimufashe kimuca 200.000Frw y'amande, habaho insubiracyaha aya mande akikuba kabiri.

Umuvugizi wa Polisi y’u Rwanda CP Rutikanga avuga ko umucuruzi utatanze inyemezabwishyu ya EBM atari mu bakwiye kujyanwa mu kigo cy’inzererezi

Dushimimana ni umusore wavukiye i Nyamasheke, ariko akurira mu Karere ka Gasao ku Gisozi. Amashuri abanza yize kuri E.P Gisozi II, ayisumbuye ayiga kuri E.S Kigoma ayasoreza kuri E.S Kiyanza mu ishami ry'Imibare, Ubugenge n'Ubutabire [Physics-Chemistry and Mathematics, PCM].

Icyiciro cya Mbere cya Kaminuza yize muri IPRC- Kigali ku Kicukiro mu Ishami ry'Ikoranabuhanga n'Imenyekanishamakuru (Advanced Diploma in Information Technology, IT).

Nyuma yo gusoza amasomo ye muri IPRC, uyu musore yakomereje amasomo mu gihugu cy'u Buhinde muri Kaminuza ya Marwadi University mu Ishami rya 'Computer Engineering', aho kuri ubu ageze mu mwaka wa Gatatu w'amashuri.

Dushimimana avuka mu muryango w'abana batandatu, abahungu bane ndetse n'abakobwa babiri, ni umwana wa Kabiri mu muryango. Ubu, umuryango we ubarizwa mu Rwanda, ni mu gihe we ari mu Buhinde aho akurikirana amasomo ye.

Mu kiganiro cyihariye yahaye InyaRwanda, Dushimimana yavuze ko yitabiriye irushanwa Mister United Nations nyuma y'uko amenye amakuru ajyanye naryo. Avuga ko icyo gihe yafashe igihe cyo kwitegura no kumenya byinshi byasabwaga kuri iri rushanwa.

Iri rushanwa ryari rihitanyemo abasore mu bihugu bitandukanye bibarizwa mu Muryango w'Abibumbye (UN). Yagize ati 'Nakoze ubushakashatsi bwimbitse kuri gahunda y'irushanwa no kugenzura ko ribumbatiye indangagaciro n'icyerekezo mfite mu buzima.'

Nahereye ku gusaba kwitabira, hanyuma nuzuza ibisabwa byose birimo gutanga amakuru y'umwirondoro wanjye, amafoto yasabwaga ngo azakoreshwe mu irushanwa batora hanyuma ndetse nza no kwitabira ibiganiro byo kumenya abakandida twari kumwe mu irushanwa aho ibihugu byose ku Isi byari bihagarariwe.'

Iri rushanwa ribera mu bihugu bitandukanye biteraniramo abahatana ku rwego Mpuzamahanga. Kuri iyi nshuro ryabereye mu gihugu cy'u Buhinde mu murwa Mukuru wa New Delhi, hatoranywa abahize abandi bahabwa amakamba atandukanye.

Ni irushanwa rigamije guteza imbere ubuyobozi, ibikorwa by'ubugiraneza no guhagararira umuco w'ibihugu bitandukanye. Ryatangiye ku wa 26 Nzeri 2024 risozwa ku wa 29 Nzeri 2024.

Ni irushanwa riba rimwe buri mwaka ndetse mu 2025 rizabera mu Mujyi wa Florida muri Leta Zunze Ubumwe za Amerika.

Dushimimana yavuze ko yageze ku kwegukana ikamba rya Mister Elite United Nations 2024, kubera umubare munini w'Abanyarwanda babarizwa mu Buhinde, ndetse n'Ambasade y'u Rwanda muri kiriya gihugu bamushyigikiye cyane.

Avuga ati 'Ndaboneraho no gushimira cyane kandi Ambasade y'u Rwanda mu Buhinde ndetse n'Abanyarwanda bose bantoye ndetse na bandi batabimenye.'

Uyu musore asobanura ko nyuma yo kwegukana iri kamba, mu 2025 azaserukira u Rwanda muri Amerika. Ati 'Nizera ko abantu bose bazafatanya nanjye mu buryo bw'itora rikorwa 'Online' mu Ukuboza 2025.'

Dushimimana asobanura ko yitabiriye ririya rushanwa mu Buhinde, kubera ko mu Kuboza 2022 yari yagerageje kwitabira irya Mister Rwanda rigahagarikwa ku munota wa nyuma.

Iri kamba rya Mister Elite United Nations 2024 yegukanye rimara imyaka ibiri, cyo kimwe n'ikamba rya Mister Grand Prix. Ni mu gihe ikamba rya Mister United Nations rimara umwaka umwe.

Dushimimana yavuze ko iri kamba ari ishema rikomeye kuri we ndetse n'u Rwanda muri rusange. Ati 'Iri kamba ndisobanura nk'ishema rikomeye ku gihugu cyanjye kuko rihesha icyubahiro n'agaciro umuco n'impano z'Abanyarwanda.'

Yungamo ati 'Mu rugendo rwanjye, ndisobanura nk'intangiriro y'amahirwe akomeye yo kugera ku bikorwa bifatika nko guteza imbere ibikorwa by'impuhwe n'ubutumwa bwo kubaka umuryango mpuzamahanga.'

Uretse iri kamba yegukanye, yanahawe ibihembo bitandukanye biriherekeza. Ati 'Uretse ikamba, duhabwa n'impano zirimo amafaranga adufasha gukora ibikorwa binyuranye cyane cyane ibiri mu murongo w'Umuryango w'Abibumbye (UN).'

Iri rushanwa rifite umwihariko w'uko rihatanamo n'abakobwa, kandi bose bahurira ku rubyiniro (Stage) iyo bahatana. Biyerekana mu byiciro bitandukanye nka 'Sportwear', 'High Fashion Attire', Cultural/Traditional Wear and Formal Wear' n'ibindi.

Iri rushanwa ryegukanwe na Pratham Soni wo mu Buhinde wegukanye ikamba rya Mister United Nations 2024. Ni mu gihe umunya-Sudani, Linnaeus Deku yegukanye ikamba rya Mister Grand Prix (2024-2025.

Miss Good Will World 2024 ryegukanwe na Likeleko Grace Machai wari uhagarariye igihugu cya Lesotho. Miss Charity World 2024 ryegukanywe n'umukobwa wari uhagarariye Sudani y’Epfo. Ikamba rya Miss United Nations 2024 ryegukanwe na Victoria Skye wari uhagarariye Leta Zunze Ubumwe za Amerika.

Hatanzwe kandi ikamba rya Miss United Nations Earth 2024 ryegukanywe na Samatha Raldan wo muri Philippines.

Miss Charity World 2024 ryegukanywe na Adhar Deng wo muri Sudani y'Epfo. Miss Grand Prix world 2024 ryegukanywe na Tebello Lets Ela wa Zimbabwe nandi atandukanye.

Dushimimana yambitswe ikamba rya Mister Elite United Nations mu ijoro ryo ku wa 28 Nzer 2024

Umuyobozi wa Sanjay Singh ubwo yashyikiriza ikamba Dushimimana

Ubwo Dushimimana yatambukaga ku rubyiniro yiyerekana mu cyiciro cya 'Formal Wear'

Dushimimana yaserutse mu mwambaro ugaragaza umuco w'u Rwanda mu birori bya 'High Fashion Section'

Umukobwa wo muri Lesotho wegukanye ikamba rya Miss Godwill World 2024 ari kumwe na DushimimanaDushimimana yabonetse mu basore batatu bavuyemo uwegukanye ikamba rya Mister United Nations

Umukobwa wo muri Sundani y'Epfo wegukanye ikamba rya Miss Charity World 2024
Abasore bahatanye mu cyiciro cya 'Sportswear' bari mu itsinda ry'abantu batandatu

Ubwo Dushimimana yari kumwe na bagenzi be bakiriwe muri iri rushanwa ryabereye mu Buhinde

2024, Israel Mbonyi azayivuga nk’umwaka udasanzwe watumye yagura imbago z’umuziki. Kuko ni bwo yabashije gutaramira mu gihugu cya Uganda, muri Kenya, mu Bwongereza, mu Bubiligi n’ahandi hose agamije gusabana n’abafana be n’abakunzi b’umuziki we hagamijwe kwamamaza ingoma y’Imana.

Kuva mu myaka itatu ishize, uyu musore wamamaye mu ndirimbo nka 'Umukunzi', 'Nina Siri', 'Urwo Rutare' 'yashyize imbere cyane gukora indirimbo ziri mu rurimi rw’Igiswahili byatumye umubare munini w’abantu batuye mu Karere k’Afurika y’Iburasirazuba umwiyumvamo. 

Mu ijoro ryo kuri iki Cyumweru tariki 3 Ugushyingo 2024, uyu muhanzi uherutse gusohora indirimbo yakubiye kuri Album ye ‘Nk’Umusirikare’ yataramiye mu Mujyi wa Dar es Salaam ku nshuro ye ya mbere mu gitaramo cyabereye ahitwa Leaders Club.

Mu kiganiro na InyaRwanda, Israel Mbonyi yavuze ko iki gitaramo cyitabiriwe n’abantu barenga ibihumbi 11, kandi yaririmbye mu gihe cy’amasaha atatu. Ati “Imana yakoze ibikomeye. Ni igitaramo cyitabiriwe n’abantu ibihumbi 11 kandi naririmbye mu gihe cy’amasaha 3”.

Bivuze ko muri Tanzania yataramiye abantu barenga abo asanzwe ataramira muri BK Arena kuko iyi nyubako yakira abantu ibihumbi 10 bicaye neza.

Yakoze iki gitaramo nyuma y’icyo yakoze ku wa Gatandatu tariki 2 Ugushyingo 2024. Yavuze ko iki gitaramo cyari icya VIP, kandi cyahuje umubare munini w’abafana be n’abakunzi b’umuziki muri rusange. Cyabereye ahitwa Mlimani City, isanzwe yakira abantu bari hagati ya 2000 na 15000.

Ibi bitaramo yakoreye muri Tanzania byaciye agahigo, kuko amatike yashize ku isoko mbere y’uko umunsi ugera. Igitaramo yakoze ku wa Gatandatu tariki 2 Ugushyingo 2024, kwinjira byari ibihumbi 1000TZs (Hari ibihumbi 50 Frw), VIP byari ibihumbi 300 TZs (hari ibihumbi 150 Frw) naho mu myaka ya VVIP byari ibihumbi 5000TZs (hafi ibihumbi 250 Frw). 

Ni mu gihe icyo yakoreye muri Leaders Club kwinjira byari ibihumbi 20TZs (Hari ibihumbi 10 Frw) mu myanya isanzwe n’ibihumbi 50TZs (hari ibihumbi 25 Frw) mu myanya y’icyubahiro.

Ni ubwa mbere Israel Mbonyi ataramiye muri Tanzania, ndetse muri iki gihe ari no kwitegura kuzakorera ibitaramo muri Afurika y’Epfo. Ni mu gihe ku wa 25 Ukuboza 2024, anategerejwe mu gitaramo cye ngaruka mwaka yise “Icyambu” azakorera muri BK Arena mu rwego rwo gufasha abakunzi be kwizihiza Noheli. 

Ni kimwe mu bitaramo biba bitegerejwe n’umubare munini buri mwaka. Kuri iyi nshuro yahinduye abari basanzwe bamufasha kubitegura, atandukana na East African Promoters (EAP) ahitamo gukorana na Authentic Events.

Hari amakuru avuga ko hari ibyo atumvikanyeho na EAP bari basanzwe bakorana bijyanye n’amafaranga, ahitamo gukorana n’iriya sosiyete isanzwe yegamiye ku Itorero Authentic World Ministries rya Apotre Gitwaza. 

Israel Mbonyi yakoreye amateka muri Leaders Club yakira abantu barenga ibihumbi 11 

Ibihumbi by’Abakristu basabanye na Israel Mbonyi ku nshuro yabo ya mbere 

Israel Mbonyi yatangaje ko yakoze iki gitaramo mu gihe cy’amasaha arenga atatu