Category: Uncategorized

Ni inama y'iminsi itatu yatangiye kuri uyu wa 18 ikaba izarangira ku wa 20 Ugushyingo 2024.

Ihurije hamwe impuguke mu ngeri zinyuranye nk'abaganga, abasirikare, abapolisi, abahanga mu bijyanye n'ubutabire ndetse n'abasivile.

Bari kwiga ku ikoreshwa ry'ibintu binyuranye biri mu itsinda rizwi nka 'Chemical, Biological, Radiological, Nuclear, and Explosive (CBRNE) bihuriye ku kubamo ibinyabutabire bigira ingaruka mbi ku buzima no ku bindi bintu mu buryo bunyuranye.

Iryo tsinda rya CBRNE, ribarizwamo ibinyabutabire byangiza harimo bikomoka ku binyabuzima nka virusi zitera indwara, ibikomoka ku ngufu za nucléaire, ibikomoka ku buvuzi bwifashisha kureba imbere mu mubiri (radiology), ibiva ku ntwaro nk'ibisasu biturika ndetse n'ibiva ku bindi binyabutabire.

Amabwiriza azashyirwaho azaba atanga umurongo ku bikomoka kuri ibyo binyabutabire byakoreshwa mu gisirikare cy'ibihugu bya EAC, mu rwego rwo kwirinda ingaruka bishobora kugira ku binyabuzima n'ibindi bintu.

Col.Deng Mayom Manyang Malual ushinzwe guhuza ibikorwa by'ingabo muri Sudani y'Epfo, yavuze ko nubwo bimwe mu bikomokaho ibyo binyabutabire muri uyu muryango nta bihari ariko hagomba kubaho imyiteguro.

Ati 'Nubwo nta gihugu na kimwe mu bigize EAC gifite cyangwa giteganya gukora izo ntwaro [zirimo bya binyabutabire], ni ingenzi ko ingabo zacu zitegura kurinda abaturage. Birumvikana muri uyu muryango izo ntwaro nta zihari ariko haduka indwara nyinshi zifitanye isano n'ibyo binyabutabire.'

Col. Deng Mayom yongeyeho ko uko EAC ikomeza kwaguka, ari ngombwa gufatanya mu kwita ku mutekano n'amahoro mu Karere hirindwa ibibazo bishobora kwaduka bishingiye ku iterambere ry'ikoranabuhanga n'impinduka mu mikorere y'imitwe y'iterabwoba ku rwego mpuzamahanga.

Umuyobozi Mukuru w'Ibitaro bya Gisirikare bya Kanombe, Brig Gen Dr. Ngoga Eugène, yavuze ko ubufatanye bw'ibihugu mu guhangana n'ibibazo byibasira umuryango mugari ari ingenzi cyane kandi bihuje n'intego y'iyo nama.

Ati 'Ibinyabutabire bikomoka kuri CBRNE ni bibi cyane kandi bigira ingaruka mu buryo bw'umwihariko. Bishobora kubaho bitewe n'ibikorwa bigambiriwe, ku bw'impanuka cyangwa se bitewe n'ibiza kamere. Mu kubikemura rero, dukeneye amatsinda akora neza kandi akorera hamwe, agahana amakuru kandi akizerana'.

Brig Gen Dr. Ngoga yongeyeho ko amabwiriza iryo tsinda rihuriweho rizafatanya gushyiraho, azagira akamaro haba mu buryo bwa gisirikare no mu zindi nzego.

Iyi nama ihurije hamwe impuguke zinyuranye z’ibihugu bya EAC

Brig Gen Dr. Ngoga Eugène, yavuze ko amabwiriza azashyirwaho azagira akamaro mu bya gisirikare no mu zindi nzego

Col.Deng Mayom Manyang Malual, ushinzwe guhuza ibikorwa by'ingabo muri Sudani y'Epfo yavuze ko nubwo bimwe mu bikomokaho ibyo binyabutabire muri EAC bidahari, hagomba kubaho kwitegura

Inama yitabiriwe n’inzobere zitandukanye ziturutse mu bihugu bya EAC

Byatangajwe ku wa 15 Ugushyingo ubwo hizihizwaga Umunsi Mpuzamahanga wo kurwanya indwara ya Diabète.

Abanyarwanda barya imbuto n'imboga baracyari ku kigero cyo hasi ugereranyije n'ibyo Ishami ry'Umuryango w'Abibumbye ryita ku Buzima (WHO) risaba. Hagaragajwe ko barya imboga ku kigero cy'iminsi ine mu cyumweru naho imbuto zikaba ziribwa iminsi ibiri mu cyumweru gusa.

Umuyobozi ukuriye ishami rishinzwe kurwanya indwara zitandura (NCDs), Dr. Uwinkinda François yagiriye inama abaturage, ababwira ko bakwiye kongera inshuro n'ingano by'imboga n'imbuto barya.

Ati 'Haracyari ikibazo ku bantu barya imbuto n'imboga, twitegereje neza mu ngo zacu cyangwa aho tubigurira, usanga imboga bazishyize inyuma y'ibindi biryo byose. Warura umuceri, amafiriti n'ibindi, ukajya kugera ku mboga nta mwanya ufite wo kuzishyiraho kandi ari zo zikenewe cyane.'

Yakomeje agira ati 'Ubundi umuntu ku munsi yagakwiye kurya nibura imboga cyangwa imbuto zuzuye ikiganza inshuro eshanu, rero usanga abantu byibuze 10% aribo bashobora kugera kuri iki kigero, murumva rero ko bikiri hasi cyane.'

Yavuze ko ari ngombwa gushyiraho ingamba zituma Abanyarwanda barya imbuto n'imboga baba benshi ku buryo tuzagera ku rugero rwiza.

Raporo yagaragaje ko Umujyi wa Kigali uza imbere, aho abatuye uyu mujyi barya imbuto iminsi ibiri n'igice mu cyumweru, imboga bakazirya hafi iminsi itanu mu cyumweru. Intara y'Iburasirazuba ikurikiraho, Amajyepfo, Amajyaruguru n'Intara y'Iburengerazuba.

Abanyarwanda barya imboga n’imbuto baracyari bake cyane

Ni ibihembo bashyikirijwe mu iserukiramuco n'inama bya 'Access 2024' byabereye i Kigali mu mpera z'icyumweru gishize. Iyi nama ni ubwa mbere yari ibereye i Kigali, kuko yakunze kubera cyane mu bihugu birimo Kenya.

Buri gihe mu gusoza iyi nama hatangwa ibihembo ku bahanzi n'abandi bagize uruhare mu guteza imbere indangamuco mu gihugu iyi nama iba yabereyemo. Ariko habaho guhitamo no kureba amateka ya buri muntu bashaka guha igihembo.

Ibi bihembo byiswe 'Music in Africa Honorary Award for the year 2024' babishyikirijwe n'umuryango 'Music In Africa Foundation (MIAF)' ari nawo utegura inama ya Access ibera mu bihugu bitandukanye byo ku Mugabane wa Afurika.

Ni muri urwo rwego Cecile Kayirebwa na Muyango Jean Marie, buri umwe yahawe igihembo cye. Music In Africa Foundation (MIAF) kandi yanahaye ishimwe Minisiteri y'Urubyiruko ndetse n'Iterambere ry'ubuhanzi, inatanga ishimwe kuri Minisiteri y'Ubucuruzi n'Inganda.

Mu 2017, igihembo nk'iki cyahawe Maal wo muri Senegal, Eric Wainaina wo muri Kenya mu 2018, Bibie Brew na Ebo Taylor bo muri Ghana mu 2019, Thandiswa Mazwai na Vusi Mahlasela bo muri Afurika y'Epfo mu 2021, ndetse na DDC Mlimani Park Orchestra na Saida Karoli mu 2022 bo muri Tanzania.

Nyuma y'uko yakiriye igihembo, Muyango yashimye 'Music in Africa' ndetse na 'Access' yamugeneye iki gihembo ndetse bagashima n'ibikorwa biteza imbere umuziki Nyarwanda.

Yavuze ko 'Nabikoze kubera y'uko ari impano yanjye, kandi nabikoraga mbikunze, ni ubuzima bwanjye.' Uyu munyabigwi mu muziki yanashimye umuryango avukamo, kuko wamutoje umuco no gukunda u Rwanda 'Bibaka ariyo soko y'inganzo yanjye.'

Yanashimye kandi itsinda 'Muyango n'Imitari' bakoranye mu bihe bitandukanye indirimbo zakunzwe cyane ubwo yari hanze y'igihugu. Muyango yashimye byihariye umutoza we Sentore Athanase kuko 'Inganzo mfite ariwe nyicyesha, kandi niwe wanyigishije kuririmba'.

Muyango yanashimye 'Abatumye tubona u Rwanda tugataha mu Rwanda, kuko n'inganzo yanjye yaharaniye k'u Rwanda, ku rugamba rwo kubohora Igihugu na nyuma nkomeza gukora inganzo ishima u Rwanda, irata u Rwanda n'abatumye tubona Igihugu.'

Iyi nama ya 'Acces' ibera mu Mijyi itandukanye yo ku Mugabane wa Afurika, kuri iyi nshuro  yabereye mu Mujyi wa Kigali ku nshuro ya mbere.

Music Africa.net ivuga ko iyi nama ihuriza hamwe intumwa zo mu bihugu bitandukanye byo ku Isi, kandi ikamara igihe cy'iminsi itatu.

Yitabirwa n'abanyamuziki, abagira uruhare mu kumenyekanisha ibikorwa by'umuziki, abanditsi b'ibitabo, abacuranzi, abaterankunga, abafata ibyemezo n'imiryango itegamiye kuri Leta n'abandi.

Iyi nama kandi itanga amahirwe ku bayitabiriye yo gusura Inganda Ndangamuco z'ingenzi mu Mujyi wayakiriye. Kandi hatangwa amahugurwa ku bantu barimo abafata ibyemezo mu muziki n'abandi.

Gahunda ya Acces yatangijwe mu 2016 nka kimwe mu bikorwa bya Music In Africa Foundation's AGM mu muhango wabereye mu Mujyi wa Addis Abeba muri Ethiopia.

Icyo gihe gutangiza iyi nama byitabiwe n'abantu bo mu bihugu birenga 15, aho ijambo nyamukuru ryavuzwe n'umucuranzi w'icyamamare muri Ethiopia mu njyana ya Jazz, Mulatu Astatke.

Muri 2017, Acces yatangijwe nk'igikorwa Mpuzamahanga gihuza abakitabiriye mu bihugu bigera kuri 50. Icyo gihe ijambo nyamukuru ryavuzwe n'umucuranzi w’icyamamare wo muri Senegal, Baaba Maal.

Gahunda ya Acces inaherekezwa no gutanga ibihembo 'Music In Africa Honorary Award' hashimirwa abari mu bahanzi bakoze ibikorwa by'indashyikirwa ku Mugabane wa Afurika.

Music Africa ivuga ko iki gikorwa cya Acces gikorwa mu rurimi rw'Icyongereza, Igiswahili ndetse n'Igifaransa muri buri gihugu cyakiriye.

Cyitabirwa n'abantu barenga 2,000 bo mu bihugu 50, kandi kikaririmbamo abahanzi barenga 100. Cyitabirwa kandi n'abavuga rikijyana n'abashoramari barenga 70. Ni igikorwa gikurikirwa n'abantu barenga Miliyoni kandi haba hari abatanga ubumenyi barenga 150.

Muyango yashyikirijwe igihembo cy'umunyabigwi mu muziki, ashima cyane umuryango we wamubereye urufatiro rw'umuziki we 
Muyango yatangaje ko inganzo ye yagutse biturutse ku mutoza we Sentore Athanase Music in Africa yashimye Minisiteri y’Urubyiruko n’iterambere ry’ubuhanzi ku bwo kubashyigikira mu gutegura iki gikorwa ku nshuro yabo ya mbere mu RwandaUmuryango Music in Africa uvuga ko muri buri gihugu iyi nama yabereyemo batanga igihembo ku bahanzi b'indashyikirwa

Ni imibare igaragazwa na raporo y'igihembwe cya gatatu ku bijyanye n'abakozi n'umurimo mu Rwanda (Labour Force Survey).

Iyi raporo igaragaza ko kugera muri Kanama 2024, umubare w'Abanyarwanda bari bafite imyaka ibemerera gukora (kuva kuri 16) bari miliyoni 8.3.

Muri aba abafite akazi bari miliyoni 4.5, abagera ku bihumbi 815 ari abashomeri, mu gihe abandi miliyoni 3 bari hanze y'isoko ry'umurimo kubera impamvu zitandukanye zirimo nko kuba abanyeshuri bihoraho, abakuze cyane, abafite ubumuga n'abandi bacitse intege zo gushaka akazi. Ibi bituma umubare w'abakozi bari ku isoko ry'u Rwanda ubarirwa muri miliyoni 5.3.

Ikigo cy'Igihugu cy'Ibarurishamibare kigaragaza ko umwe mu bantu barindwi bafite imyaka ibemerera gukora kandi bakaba bari ku isoko ry'umurimo ari umushomeri.

Gusa nubwo bimeze gutyo mu gihembwe cya gatatu cya 2024, igipimo cy'ubushomeri cyagabanutseho 15,3%. Ubushomeri bwiganje cyane mu b'igitsina gore kuko buri ku ijanisha rya 18.5%, mu gihe mu bagabo buri kuri 12,5%. Mu rubyiruko ubushomeri buri kuri 18.8%, mu gihe mu bakuze buri kuri 12,6%.

Ikigo cy'Igihugu cy'Ibarurishamibare kigaragaza ko umubare w'abafite imyaka ibemerera gukora kandi bakaba bari ku isoko ry'umurimo wazamutse kuva mu 2022. Muri Kanama 2024 uyu mubare wari uri kuri 64,1%, aho wazamutseho 4,3% ugereranyije n'uko byari bimeze muri Kanama 2023, kuko wari 59,8%.

Ibi byatewe ahanini no kugabanuka k'umubare w'abafite imyaka ibemerera gukora ariko bakaba bari hanze y'isoko ry'umurimo kubera impamvu zitandukanye. Muri Kanama 2023 wari kuri 40,2%, gusa mu gihe nk'icyo mu 2024 waragabanutse ugera kuri 35,9%.

Ijanisha ry'abafite imyaka y'ibemerera gukora kandi bakaba bafite akazi mu Rwanda mu gihembwe cya gatatu cya 2024 ryarazamutse rigera kuri 54,3%, rivuye kuri 49% muri Kanama 2023.

Umubare w'ab'igitsina gabo bafite imyaka ibemerera gukora kandi bakaba bafite akazi ni 64,3%, mu gihe ijanisha muri bagenzi babo b'igitsina gore riri kuri 45.4%.

Abari hejuru y'imyaka 30 bafite akazi ni 55,6%, mu gihe abafite hagati y'imyaka 16-30 bafite akazi ari 52,6%.

Urwego rwa serivisi nirwo ruza ku isonga mu gutanga akazi ku bantu benshi, kuko abarukuramo bagera kuri 45,4%, bavuye kuri 41 % bariho muri Kanama 2023.

Umubare w'abakora mu buhinzi wo ukomeje kugabanuka, aho mu gihembwe cya gatatu cya 2024 wagabanutse ugera kuri 32.6%, mu gihe mu gihembwe nk'icyo mu 2023 wari 37.4%.

Mu rubyiruko ubushomeri buri kuri 18.8%, mu gihe mu bakuze buri kuri 12,6%

‘Unveil Africa Fest’ izabera muri Camp Kigali, tariki 07 Ukuboza 2024, yitezweho kuzatanga ibyishimo bisendereye ku bakunzi b’umuziki nyarwanda byumwihariko abakunzi ba Gakondo. Ntagushidikanya, abanyarwanda benshi bazaba berekeje amaso yabo muri iki gitaramo ndangamuco nyarwanda gisanzwe kiba buri mwaka.

Iri serukiramuco ngarukamwaka rizayoborwa n’umunyamakuru Lucky Nzeyimana uzwiho kuticisha irungu abitabiriye ibirori ayobora, riririmbemo ibyamamare mu njyana gakondo ari bo Itorero Intayoberana, Ruti Joel, Victor Rukotana, Chrisy Neat, Himbaza Club, J-Sha n’umukirigitananga Siboyintore akaba n’umuhanga mu mbyino gakondo.

Amatike yo kwinjira muri iki gitaramo ari hanze. Itike ya macye yiswe ‘Bisoke’ ni 10,000 Frw, ikurikiyeho yiswe ‘Muhabura’ iragura 25,000 Frw naho itike iruta izindi yiswe ‘Karisimbi’ iragura 50,000 Frw. Amatike ari kuboneka mu buryo bw’ikoranabuhanga unyuze ku rubuga www.noneho.com. Kanda HANO ugure itike.

Umuyobozi Mukuru wa Unveil Africa yateguye Unveil Africa Fest, Uwase Clarisse, yabwiye InyaRwanda ko abazagura amatike yo mu cyiciro cya Kalisimbi, bazahabwa ku buntu ikirahuri cya Wine cyangwa ikirahuri cya Fresh Juice ku batanywa inzoga. Ni mu gihe abo mu cyiciro cya Muhabura bazahabwa Juice/Jus iri mu icupa cyangwa icupa ry’amazi.

Uwase Clarisse yizeye neza adashidikanya ko iki gitaramo kizatanga ibyishimo byumwihariko ku bakunzi b’umuziki gakondo. Avuga ko ari ahantu heza umuntu akwiriye gusohokanira n’inshuti ze mu kwishimira ko umwaka wa 2024 urangiye mu mahoro.

Ibigwi by’itsinda rya J-Sha rizasusurutsa abazitabira “Unveil Africa Fest 2024”

Mu kwezi k'Ugushingo 2023, umuziki w'u Rwanda wungutse itsinda ry'abakobwa babiri b'impanga nyuma yo kwiyungura ubumenyi mu ishuri ry'umuziki ry'u Rwanda.

Iri tsinda ryinjiranye mu muziki izina rya 'J-Sha,' rigizwe n'abakobwa b'impanga bitwa Bukuru Jennifer na Butoya Shakira, bakaba bararangije mu ishuri ry'u Rwanda ry'umuziki mu 2021.

Nyuma y’uko J Sha bamaze gushyira hanze indirimbo zirimo Mabukwe na Hobby, baherutse gutera intambwe ikomeye bashyira hanze indirimbo 'Do It' bakoranye na Andy Bumuntu.

Mu kiganiro gito bagiranye na InyaRwanda, bakomoje ku mikoranire yabo na Andy Bumuntu, bagaragaza ko byose byahereye kuri Kiss FM.

Icyo gihe aba bakobwa basabwe kuririmba imwe mu ndirimbo bafite bacuranga 'Do It', Andy Bumuntu wakoreraga iyi Radio yarayikunze.

Bati: 'Nyuma aza kudusanga muri 'studio' adusaba ko twayikorana, natwe turemera kuko n'ubundi bijyanye n'injyana akora.'

Ku rundi ruhande aba bakobwa bahamya ko bageze kure umushinga wo gukora kuri album yabo ya mbere.

Bize amashuri yabo arimo n’ay'umuziki mu Rwanda no hanze yarwo mu gihugu cya Uganda. Baherutse gutangaza ko binjiye mu muziki bawukunze ndetse kugeza ubu ntacyo barakora bagereranije n’ibyo bifuza gukora kuko bafite intumbero yagutse.

Bitewe n’icyorezo cya COVID19, aba bakobwa bize imyaka 4 amasomo yabo batangiye mu 2018, umuziki wabo bakaba barawutangiriye mu bwogero.

Ni ibintu bavuga basa n’abashyenga bashaka kumvikanisha ko atari abantu bakuriye mu rusengero nk’uko benshi mu bahanzi usanga bafite isoko yabo y'ubuhanzi muri za korali.

Shakira [umuto muri izi mpanga] asobanura uko biyemeje gutangira gukora umuziki kinyamwuga, yagize ati: “Ubundi turi ku ishuri numvaga nzaba umuhanzi ntabwo numvaga nzasubiramo indirimbo z'abandi ni aho byahereye.'

Bagaragaza ko ibyo biyemeje bitoroshye, bisaba amafaranga, imbaraga no kwihangana, ariko hamwe n'urukundo rw'abafana bizera kugera kure.

Ku byerekeranye n'amakuru avuga ko hari amasezerano bigeze kugira muri Kina Music, Jennifer yavuze ko ‘uko twakoranaga, Clement buriya akunda gutunganya indirimbo za Korali twahuriraga mu bintu by’amakorali cyane.’

Yakomeje agira ati: 'Ikindi cya kabiri nigiragayo no gutunganya indirimbo nta yindi mikoranire yari ihari irenze.'

Binyuranye n'abandi bahanzi, aba bakobwa bavuga ko nta muhanzi bavuga ko bafatiraho urugero ahubwo buri umwe mu buryo bwe bagira isomo bamwigiraho.

Bati: 'Bruce Melodie ageze ahantu heza hashimishije, Meddy, The Ben, Knowless, Alyn Sano, Ariel Wayz n'abandi.'

Aba bakobwa bafite ubuhanga mu gucuranga ibikoresho bitandukanye  bya muzika, baririmbye mu birori bitandukanye nka CHOGM, Kigali Up, Commonwealth, AU Summit byose byabereye i Kigali mu bihe bitandukanye.

J-Sha batangaje ko indirimbo bakoranye na Andy Bumuntu bari bayanditse bazi ko ari iy’itsinda gusa

Nyuma y’umwaka umwe mu muziki, bagiye guhurira ku rubyiniro n’abahanzi bamamaye mu njyana Gakondo

Ni ubwa mbere bagiye kugaragaza impano yabo mu gitaramo cyagutse 

Igitaramo cya ‘Unveil Africa Fest’ kitezweho gutanga ibyishimo bidasanzwe ku ya 7 Ukuboza 2024

“>Reba hano indirimbo J-Sha bahuriyemo na Andy Bumuntu bise “Do It”

“>