Category: Uncategorized

Semuhungu nyuma yo kwirukana ashwishwirije DJ General Benda muri Crue ye yaba Traffic Jam, akazi ntikahagaze ubwo ku wa gatanu taliki ya 22 Ugushyingo 'PEOPLE NIGHT CLUB' bizaba ari umuriro.

Umuyobozi wa 'Ngarama Social Development Company Ltd', Habimana Cyprien, ari nayo irimo abantu 152 biyemeje kubaka isoko rya kijyambere na gare nshya, yabwiye IGIHE ko byose bamwe bizuzura bitwaye miliyari 1,5 Frw.

Yavuze ko batangiye kwishyira hamwe nyuma y'uko Leta ihanyujije umuhanda wa kaburimbo bakabona ko ari ngombwa ko umurege bavukamo wagira isoko rya kijyambere ryiza ndetse na gare ijyanye n'igihe abaturage bategeramo imodoka.

Yagize ati 'Iyi mishanga tuzayubaka nk'abaturage ba Ngarama bifuza guteza imbere aho bavuka, turabona nta kibazo kirimo kuko abantu bose turi kumwe muri iki gikorwa turacyumva kimwe.'

Habimana yavuze ko ikibanza bazubakamo cyari gisanzwe kirimo isoko rya Leta rishaje akaba ari ho bazahera bahubake isoko rishya ryiza ndetse ngo na gare nziza ijyanye n'igihe. Yavuze ko inyigo yamaze gukorwa ndetse na banki bamaze kuyegera ku buryo Akarere nikabegurira ikibanza bazubakamo, bazahita batangira.

Umuyobozi w'Akarere ka Gatsibo, Gasana Richard, yashimiye abikorera bo mu Murenge wa Ngarama bishyize hamwe, abizeza ubufatanye mu kubona ubutaka bazubakaho ibi bikorwaremezo.

Yagize ati 'Turabashyigikiye ku buryo umushinga wabo tuzawukorera ubuvugizi muri Minisiteri ifite ubutaka mu nshingano ikabubegurira. Turateganya kubasura tukajya kumva ibyo bateganya gukora tukanabafasha guhabwa ubutaka, tuzareba niba Leta yabubaha ku buntu cyangwa niba babugura. Tuzaganira turebe igisubizo cyiza cyavamo.'

Meya Gasana yakomeje asaba abikorera bo mu yindi mirenge kugira uruhare mu kubaka ibikorwaremezo kuko Leta ibashyigikiye kandi ishyize imbere ubufatanye hagati yayo n'abikorera.

Iri soko rigezweho rizaba riri kumwe na gare y’imodoka rusange

Iri soko rizatwara arenga miliyari 1.5 Frw

Ni mu mukino wakinwe kuri uyu wa Mbere saa Kumi n’ebyiri z’umugoroba kuri Godswill Akpabio Stadium.

Abakinnyi 11 ba Nigeria babanje mu kibuga;

Okoye, Osayi-Samuel, Troost-Ekong, Osho, Onyemaechi, Onyeka, Iheanacho, Yusuf, Simon, Bashiru na Boniface.

Abakinnyi 11 b’Amavubi babanje mu kibuga; Ntwali Fiacre, Imanishimwe Emmanuel, Manzi Thierry, Mutsinzi Ange, Fitina Omborenga – Mugisha Bonheur, Bizimana Djihad, Ruboneka Bosco Gilbert Mugisha, Innocent Nshuti na Olivier Dushimimana.

Umukino watangiye ubona ikipe y’igihugu y’u Rwanda, Amavubi, ihererekanya umupira neza gusa kugera mu rubuga rw’amahina rwa Nigeria bikaba ari byo biba ikibazo.

Ku munota wa 10 ikipe y’igihugu ya Nigeria yabonye uburyo bwa mbere bwashoboraga kugira icyo bubyara imbere y’izamu aho Bruno Onyemaechi yari abonye umupira ari mu rubuga rw’amahina, gusa atinda kurekura ishoti birangira Mutsinzi Ange atabaye ashyira umupira muri koroneri.

Hari aho ikipe y’igihugu y’u Rwanda, Amavubi, yari ibonye amahirwe ku mupira wari ufashwe na Ruboneka Jean Bosco agiye kuwuhindura ashaka Nshuti Innocent imbere y’izamu, William Troost Ekong aratabara awushyira muri koroneri.

Mbere y’uko igice cya mbere kirangira, Kelechi Iheanacho yarekuye ishoti riremereye ryashoboraga kuvamo igitego ariko Ntwari Fiacre aratabara.

Mu gice cya kabiri Augustine Eguavoen utoza Nigeria yaje akora impinduka mu kibuga havamo Alhassan Yusuf na Kelechi Iheanacho hajyamo Frank Onyeka na Samuel Chukwueze.

Ikipe y’igihugu ya Nigeria n’ubundi yakomeje gusatira nk’aho Moses Simon yazamuye koroneri maze Victor Boniface ashyiraho umutwe ariko umunyezamu w’Amavubi yongera gutabara.

Ku munota wa 59 Samuel Chukwueze yaje gufungura amazamu ku mupira yakuye mu kibuga hagati azamuka acenga ageze imbere y’izamu arekura ishoti riragenda rinyeganyeza inshundura.

Umutoza w’Amavubi, Torsten Frank Spittler nyuma yo gutsindwa yahise akora impinduka mu kibuga akuramo Ruboneka Jean Bosco hajyamo Samuel Gueulette.  

Ku munota wa 67 Ntwari Fiacre yaje kugira ikibazo cy’imvune asimburwa na Buhake Clement ndetse na Dushimimana Olivier ‘Muzungu’ nawe aha umwanya Kwizera Jojea.

Ku munota wa  72, Amavubi yaje kubona igitego cyo kwishyura gitsinzwe na Mutsinzi Ange akoresheje umutwe ku mupira wari uzamuwe na Kwizera Jojea.

Nyuma y’iminota 3 gusa mu buryo butunguranye ikipe y’igihugu y’u Rwanda, Amavubi, yabonye igitego cya kabiri ku mupira Imanishimwe Emmanuel Manguende yazamukanye ageze imbere y’izamu awuha Nshuti Innocent nawe arekura ishoti riruhukira mu nshundura.

Umukino warangiye Amavubi atsinze Nigeria ibitego 2-1 ariko kujya mu gikombe cy’Afurika cya 2025 kizabera muri Morocco biranga. Ni nyuma yuko byasabaga ko Libya itsinda Benin ariko byarangiye aya makipe yombi anganya 0-0.

Mu itsinda D amakipe azitabira igikombe cy’Afurika ni Nigeria ya mbere n’amanota 11 ndetse na Benin ya kabiri n’amanota 8 yanganyaga n’Amavubi ariko yo ikaba nta mwenda w’igitego yarimo mu gihe u Rwanda rwo rwari rurimo umwenda w’ibitego bibiri.

Amavubi yakoze amateka yo gutsinda Nigeria gusa birangira abuze itike yo kujya mu gikombe cy’Afurika cya 2025

Umunsi ku wundi, ubukungu bw'u Rwanda bukomeje kuzamuka nyuma y'ibihe bitoroshye bwanyuzemo kubera icyorezo cya Covid-19.

Ibi ni ibikubiye muri raporo igaragaza ibikorwa bya BNR, byo kuva ku itariki ya 01 Nyakanga 2023 kugeza ku itariki ya 30 Kamena 2024. Iyi raporo isesengura ibyagezweho na Banki Nkuru y'u Rwanda mu mwaka w'ingengo y'imari wa 2023/24, ikagaragaza umuhate wayo wo kubahiriza inshingano zo kubungabunga agaciro k'ifaranga no kubaka urwego rw'imari rutajegajega.

Iyi raporo kandi yagaragaje iby'ingenzi byaranze ubukungu mpuzamahanga n'ubw'igihugu, ikagaragaza imbogamizi igihugu cyahuye na zo, ishimira intambwe z'ingenzi zagezweho ndetse igaragaza ibikwiye kwitegwa mu bihe biri imbere.

Hagaragajwe ko Umwaka w'ingengo y'imari wa 2023/24 watangiye mu gihe cy'ibibazo bikomeye by'ubukungu ku rwego rw'Isi no mu Rwanda. Izamuka ry'ibiciro ryari hejuru, ibipimo by'inyungu na byo byari byarazamuwe n'agaciro k'idorali ry'Amerika na ko kari hejuru. 

Ibyo byose, hasobanuwe ko byashyize igitutu ku igabanuka ry'agaciro k'amafaranga y'ibindi bihugu, harimo n'ifaranga ry'u Rwanda. Ibibazo bya politiki mpuzamahanga byarushijeho gukomera, ndetse n'ubushyamirane bwo mu burasirazuba bwo hagati bukomeza kwiyongera. Ibyo byose byakomeje kuba imbogamizi ku iterambere ry'ubukungu.

Banki Nkuru y'Igihugu yagaragaje ko yakomeje ingamba zayo zihamye zo kugabanya izamuka ry'ibiciro nk'igisubizo ku ihindagurika ry'ibiciro ryagaragaye kuva mu mwaka ushize w'ingengo y'imari. Mu mwaka wa 2023, Banki ishingiye kuri politiki yayo y'ifaranga, yakajije ingamba bityo izamura igipimo cy'urwunguko cya Banki Nkuru y'u Rwanda (CBR) kiva kuri 7% muri Gicurasi kigera kuri 7,5% muri Kanama.

Mu mezi atandatu ya mbere y'umwaka wa 2024, igipimo cy'izamuka ry'ibiciro cyagumye ku gipimo kiri hasi ya 5%. Muri Gicurasi 2024, Banki Nkuru y'u Rwanda ishingiye ku bukungu bwari buhagaze neza ndetse n'ibyari biteganyijwe, yavuguruye politiki yayo, bityo igabanya igipimo cy'urwunguko (CBR) kigera kuri 7%.

Ibyemezo byo gukaza ingamba za politiki y'ifaranga byagiye bifatwa kuva muri Gashyantare 2022, ku bufatanye n'izindi politiki za Leta; igabanuka ry' igitutu cy'ihindagurika ry'ibiciro ku rwego mpuzamahanga; no guteza imbere umusaruro uturuka k'ubuhinzi bw'imbere mu gihugu, byatumye igipimo cy'izamuka ry'ibiciro ku isoko kimanuka kikava kuri 11,9% muri Nyakanga 2023 kigera kuri 5,0% muri Kamena 2024.

Iyi raporo yagaragaje ko hatewe intambwe ishimishije ku bijyanye n'intego yo guteza imbere uburyo bwo kwishyurana mu Rwanda n'ubukungu burimo uburyo bwo kwishyurana hakoreshejwe ikoranabuhanga, ugereranyije n'umusaruro mbumbe w'igihugu bikaba byariyongereye cyane bikagera ku kigero cya 210,9%.

Guverineri Rwangombwa yavuze ko muri rusange ubukungu bw'Isi bugikomeje guhangana no kwigobotora ibibazo byasizwe n'icyorezo cya Covid-19, intambara ziri hirya no hino ku Isi, imihindagurikire y'ibihe n'ibindi.

Ati 'Icyo twishimira ni uko ubukungu bw'igihugu cyacu kuva Covid-19 yarangira, bwakomeje gutera imbere, umwaka ushize bwateye imbere ku gipimo cya 9,3%.'

Yakomeje agira ati: 'Ubukungu bw'u Rwanda bwakomeje kugaragaza ubudahangarwa, aho umusaruro mbumbe w'igihugu wiyongereye cyane ukagera ku kigero cya 9,3% mu mwaka w'ingengo y'imari wa 2023/24. Mu rwego rwo kurushaho guteza imbere ubukungu bwacu, Banki Nkuru y'u Rwanda izakomeza kugira imikoranire myiza n'abafatanyabikorwa mu guhangana n'imbogamizi zishobora kuvuka zikaba zabangamira ubukungu n'iterambere rirambye.'

Ku bijyanye n'isoko ry'ivunjisha, hagaragajwe ko habayeho igabanuka ry'agaciro k'ifaranga ry'u Rwanda biturutse ahanini ku ikazwa ry'ingamba za politiki y'ifaranga muri Leta Zunze Ubumwe za Amerika n'ikinyuranyo hagati y'ubwiyongere bw'amafaranga ashorwa mu gutumiza ibicuruzwa mu mahanga n'igabanuka ry'amafaranga yinjira aturutse ku bicuruzwa byoherezwa mu mahanga.

Ariko kandi, igipimo cy'igabanuka ry'agaciro k'ifaranga ry'u Rwanda cyari ku muvuduko muto ugereranyije n'umwaka w'ingengo y'imari ushize, aho agaciro k'ifaranga ry'u Rwanda kagabanutse ku kigero cya 3,73% mu mpera za Kamena 2024, bivuye ku 8,76% byagaraye muri Kamena 2023.

Mu byerekeranye n'iterambere ry'ikoranabuhanga, Banki Nkuru y'u Rwanda yagize iterambere rigaragara mu bikorwa byayo by'ikoranabuhanga, ishyira imbaraga mu bikorwaremezo ndetse n'ibijyanye n'umutekano w'ikoranabuhanga.

Raporo ya Banki Nyafurika itsura Amajyambere (BAD) yagiye hanze mu mwaka ushize igaragaza ko ubukungu bw'u Rwanda butanga icyizere cyo gukomeza kuzamuka ku muvuduko udasanzwe muri Afurika y'Iburasirazuba (EAC), ugereranyije n'ibindi bihugu.

Muri raporo ya World Economic League Table (WELT 2020) igaruka ku miterere y'ubukungu bw'ibihugu bitandukanye ndetse n'uko birutanwa, u Rwanda rwari rwagaragajwe nka kimwe mu bihugu bizitwara neza mu guhangana n'ingaruka z'icyorezo cya Coronavirus, ku buryo nyuma yacyo, ubukungu bwarwo buzakomeza kuzamuka ku muvuduko uri hejuru.

Mu mwaka wa 2020 ubwo icyorezo cya Covid-19 cyari cyarayogoje Isi, ubukungu bwasubiye inyuma ku kigero cya 3,4% munsi ya zeru. Ni ukuvuga ngo ni habi hashoboka bwageze ugereranyije n'indi myaka yari ishize.

Bikiba, Guverinoma yashyizeho ingamba zo kubuzahura zatanze umusaruro ufatika mu gihe gito kuko mu myaka itatu gusa, ni ukuvuga kuva mu 2021 kugera mu 2023, ikigero cyabwo ari uko bwazamutse bukagera kuri 8%.

Muri izo ngamba, harimo nk'Ikigega Nzahurabukungu, cyashyizwemo amafaranga yifashishijwe mu gushyigikira inzego zari zarahungabanyijwe na Covid-19 cyane zirimo ubukerarugendo.

Mu 2021, ubukungu bwazamutse ku kigero cya 10,9% buvuye munsi ya zeru bwari buriho mu 2020. Bigeze mu 2022, bwazamutse ku kigero cya 8,2%. Umwaka wa 2023 nawo bwakomeje kuzamuka, ndetse imibare y'agateganyo igaragaza ko mu bihembwe bitatu bya mbere bya 2023, ubukungu buzazamuka hejuru y'igipimo cya 7%.

BNR yagaragaje ko ubukungu bw’u Rwanda bwazamutse ku kigero gishimishije nyuma ya Covid-19 nubwo habayemo imbogamizi y’izamuka ry’ibiciro rikabije  

Umuhango wo gutanga ibi bihembo wabaye mu ijoro ryo ku wa Gatanu rishyira ku wa Gatandatu tariki 16 Ugushyingo 2024, muri Kampala Serena Hotel.

Ni ku nshuro ya 13 ibi bihembo bitanzwe. Byitabiriwe n'umubare munini w'ibyamamare mu ngeri zinyuranye, barimo n'Umunyamabanga wa Leta muri Misiteri y'Ikoranabuhanga muri Uganda, Hon. Joyce Nabbosa Ssebugwawo.

Umunyamuziki Joshua Baraka ni we wegukanye igikombe cy'umuhanzi mwiza wo mu Karere k'Afurika y'Iburasirazuba (East Africa Best Artist). Mu butumwa bwe bwo kuri X, yagaragaje ko yatunguwe n'uburyo yagize amarangamutima ubwo yashyikirizwaga iki gikombe ari ku rubyiniro.

Uyu musore yahigitse abarimo: Bien; Diamond Platnumz, Drama T, Element Eleeeh, Mbosso, Navio, Sheebah ndetse na Zuchu.

Yavuze ko yiyumvaga nk'umuntu ufite icyo kubwira abantu “ariko naganjijwe cyane n'amarangamutima”. Ati 'Ndabashimira mwese ku bw'urukundo munyereka, urukundo rurakomeje kandi ni rwiza cyane.'

Aaronx yahawe igikombe cy'umuhanzi wigaragaje mu 2024 (Breaktrough Artist), Sheebah Karungi yegukana igikombe cy'umuhanzikazi mwiza (Best Female) ahigitse abarimo: Carol Nantongo, Irene Namatovu, Lydia Jazmine, Rema Namakula, ndetse na Winnie Nwagi. Ni mu gihe Korali 'Strems of Life' ariyo yegukana igikombe cy'umuhanzi w'umwaka wa 2024.

Indirimbo 'Dalilah' ya Joshua Baraka niyo yegukanye igihembo cya 'East Africa Best ACT/Song'. Bivuze ko uyu musore yegukanye ibikombe bibiri.

Yari ahataniye iki gikombe n'indiirmbo 'Niyo ndirimbo' ya Meddy na Adrien Misigaro, 'Mapoz' ya Diamond Platnumz, 'I Want You' ya Bien Aime, 'Huu Mwaka' ya Rayvany, 'Mad Infinity' ya Navio, 'Umechelewa' ya Mbosso, 'Kosho' ya Drama T ndetse na 'Zawadi' ya Zuchu Ft Dadiposlim.

Acidic Vokoz yahawe igihembo cy'umuhanzi mwiza w'umugabo (Best Male), ni mu gihe indirimbo y'amashusho meza y'umwaka yabaye iya Spice Diana yakoranye na Anko Ronie.

Ni mu gihe indirimbo 'Komasava' ya Diamond, Jason Derulo, Khalil Harisson na Chley yegukanye igikombe cya 'Africa Best Act'.

Ibi bihembo mu 2023 byari bihatanyemo indirimbo 'Fou de Toi' ya Bruce Melodie, Element EleéeH na Ross Kana ndetse n'indirimbo 'Bonane' Deejay Pius yakoranye na Alyn Sano na Bushali, ariko muri bose nta n'umwe wigeze wegukana igikombe ubwo byatangarwa mu 2023.

Mu 2017, itsinda rya Charly&Nina ryatwaye igikombe muri ibi bihembo bya HiPipo Music Awards. Bari bahatanye mu cyiciro cy'indirimbo nziza y'umwaka mu Rwanda ['Song of the Year: Rwanda'], babicyesha indirimbo 'Indoro' baririmbanye na Big Farious wo mu Burundi.

Mu 2018, Bruce Melodie yegukanye igihembo cy'umuhanzi wigaragaje muri Afurika y'Iburasirazuba (East Africa Best Breakthrough Artist) muri HiPiPo Music Awards. Icyo gihe yahigitse Ben Pol, Darassa, Lydia Jazmine, Meddy, Nyashinski, The Band BeCa, The Ben na Ykee Benda.

Muri uriya mwaka kandi, indirimbo 'Binkolera' ya The Ben na Sheebah yahawe igihembo cya Best East African Collabo muri HiPiPo.

Yahigitse 'Babiee' ya Avril na A Pass, 'Barua Kwa Mama' ya Bahati na Eddy Kenzo, 'Just a Dance' ya Buravan na AY, 'Owooma' ya Charly & Nina na Geosteady, 'Throne' ya Navio na King Kaka, 'Body' ya Rabadaba na Jody ndetse na 'Nikungushe' ya Willy Paul na Rayvanny.

Mu bandi bahawe ibihembo barimo Knowless wegukanye icy'umuhanzi wakoze amashusho y'indirimbo meza, binyuze mu ndirimbo ye yise 'Uzagaruke'. Icyo gihe yahigitse 'Zahabu' ya Charly & Nina, 'Ntawamusimbura' ya Meddy na 'Habibi' ya The Ben. 

Ni mu gihe 'Slowly' ya Meddy yabaye indirimbo y'umwaka mu cyiciro cy'abahanzi bo mu Rwanda.

Joshua Baraka yegukanye ibihembo bibiri muri HiPipo Music Awards
Element yari ahatanye mu cyiciro cya 'East Africa Best Artist', ahatanye n'abarimo: Bien, Diamond Platnumz, Zuchu na Mbosso; Drama T, Joshua Baraka [Watwaye igikombe], Navio na Sheebah Karungi
Meddy na Adrien Misigaro bari bahatanye muri HiPipo Music Awards babicyesha indirimbo yo guhimbaza Imana bakoranye bise ‘Niyo Ndirimbo’ Umuhanzikazi Gloria Bugie ufite inkomoko mu Rwanda yaririmbye mu gutanga ibi bihembo- Uyu mukobwa amaze iminsi avugwa cyane muri Uganda ahanini bitewe n'amashusho y'urukozasoni ye yasakaye

KANDA HANO UREBE AMASHUSHO Y’INDIRIMBO ‘NIYO NDIRIMBO’ YA MEDDY NA ADRIEN MISIGARO

Uyu munyabigwi mu kiganiro n’abagize Rwanda Arts Initiative kuri iki Cyumweru tariki 17 Ugushingo 2024, ubwo yasubizaga ikibazo cy’uwari umubajije niba yifuza gutura mu Rwanda cyangwa ubwenegihugu bwarwo, yagize ati: ”Ndatekereza, u Rwanda ni Igicumbi cy’urukundo n’amahoro”.

Yvonne Chaka Chaka yahishuye ko yatangiye gushaka ubutaka mu Rwanda, mu Karera ka Muhanga akaba ari ho yashimye biturutse ku izina rya Kabiri ry’umugabo we witwa Mhinga.

Yakomeje avugako u Rwanda rufite ubushobozi bwo kwigisha ibindi bihugu byose byo muri Afurika ndetse n’Isi yose. Yavuze kandi ko yagize amahirwe ahura na Perezida w’u Rwanda afata nk’umuvandimwe, akaba n’inshuti ye magara ndetse ko ari na ko bimeze kuri Madamu Jeannette Kagame.

Avuga ko abanyarwanda bakwiye gushimira Imana kuba yarabahaye Perezida Kagame kuko kumugira ari amahirwe. Yunzemo ati ”Ariko nawe agira amahirwe yo kugira abantu nk’abanyarwanda”.

Umuhanzikazi Yvonne Chaka Chaka waje mu Rwanda mu bihe bitandukanye, kuri iyi nshuro yaje yitabiriye inama ya Access yigaga ku iterambere ry’umuziki wa Afurika yanatanzemo Ikganiro.

Ikiganiro yatanze yakebuye bamwe mu bari ku ruhembe rw’umuziki bagishyira imbere kwaka ruswa abagore, avuga ko bituma batagaragaza ubushobozi bwabo anasaba abagore gukora cyane no gufata umuziki nk’akazi kuruta kwishimisha.

Chaka Chaka afata Perezida Kagame na Madamu Jeannette Kagame nk’abavadimwe be 

Yvonne Chaka Chaka yashimangiye ko u Rwanda ari intangarugero

Afata ubuyobozi bwa Perezida Kagame nk’umugisha ku banyarwanda

Yahishuye ko yifuza gutura mu Rwanda ndetse ko hari ubutaka yashimye mu Karere ka Muhanga

Yvonne Chaka Chaka yabengutse ubutaka mu Karere ka Muhanga

Mu 2009 ubwo Yvonne Chaka Chaka yahuraga na Perezida Kagame bwa mbere mu Bwongereza

IMWE MU NDIRIMBO ZA CHAKA CHAKA YACIYE IBINTU

Mu butumwa burebure Yolo The Queen yashyize kuri Instagram, yavuze ku bantu bagiye bahakana ko ataziranye na Drake, ndetse bakavuga ko ibimenyetso byose yerekana abihimba ibizwi nka ‘Photoshop.’

Yagize ati: “Ndabyibuka ubwo Drake yatangiraga kunkurikira, mwese muvuga ko ari ‘Photoshop,’ noneho akaza gushyira ubutumwa bwanjye kuri paji je [ya Instagram], nayo mukavuga ko atari iya nyayo.”

Yolo yakomeje avuga ko afite byinshi ashobora gutangaza ariko atekereza ko abantu bashobora kumugirira ishyari. Yavuze ko abantu babona bike ugereranije n’ibiganiro byihariye agirana n’uyu muraperi. 

Yatangaje ko paji ye ya Instagram atari iyo gushyiraho amafoto gusa, ahubwo imwinjiriza n’amafaranga binyuze mu kuba akurikirwa n’ibyamamare byinshi, ashishikariza abantu gukanguka bakamwigiraho.

Ati: “Ariko mwibuke ko ndi hano ngo nkorere amafaranga kuri iyi paji, ntabwo ndi nka bamwe muri mwe mwirirwa musubiza ibintu bibi. Ndi gukorera amafaranga ijoro n’amanywa, rero mutuze. Imana ni nziza niyo mpamvu mpora mbabwira ngo muyizere.”

Ubu butumwa burebure, yabushyizeho nyuma y’ifoto imugaragaza avugana na Drake mu buryo bw’amashusho, aho yagiraga ati: “Musuhuze umugabo wanjye.”

Drake uri mu baraperi bakomeye ku Isi ubusanzwe yitwa Aubrey Drake Graham. Graham ndetse ni na rimwe mu mazina Yolo The Queen yabwiye umwe mu bamukurikira ubwo yamubazaga uko umwana yabyaye yitwa.

Yolo ntabwo avuga se w'umwana, gusa mu minsi yashize yagiye agaragara ari kumwe n'ibyamamare bikomeye mu Isi birimo Umuraperi Drake, Harmonize n'abandi.

Harmonize nawe yirutse inyuma ye kuko hari n'igihe bagaragaye bishimanye uyu mukobwa yamusuye mu rugo iwe muri Tanzania.

Mu mwaka ushize uyu muhanzi mu butumwa bw'uruhererekane yashyize kuri Instagram Stories yabanje kugaragaza Yolo The Queen, ari kuririmba indirimbo ye yise 'Single Again' arangije akurikizaho ubutumwa agira ati 'Uko uba wiyumva iyo utegereje imodoka yawe ya Range Rover.''

Aya magambo yakurikiwe n'amashusho arimo Ranger Rover, ikikijwe n'izindi modoka nyinshi ziri imbere y'inyubako ya Harmonize yise 'Konde Village'. Imbere iyi modoka yari yanditseho ngo 'BOSS YOLO''. Arangije ati 'Iyo mvuze ngo ndagukunda, amafaranga yanjye aba ari ayawe.'

Yakomeje yifuriza Yolo The Queen gukomeza gutera imbere avuga ko ibyiza byinshi biri imbere. Harmonize yakoze ibi nyuma yaho muri Gicurasi 2023 mu ndirimbo yahuriyemo na Bruce Melodie bise 'Nzanzibar', uyu muhanzi yumvikanamo aririmba Yolo The Queen.

Harmonize ni we utangira aririmba, akavugamo umukobwa w'igitangaza utuma ata ubwenge kubera 'Imiterere ye nk'iya Yolo The Queen'.

Mu ijoro ryo ku wa 7 Gicurasi 2023 nabwo, Harmonize yatumiye Yolo The Queen kuri Instagram 'Live' ngo baganire ku rukundo rwabo.

Ubwo bari Live kuri Instagram, Harmonize yavuze ko akunda cyane Yolo The Queen, ati “Impamvu mbizanye hano ni ukugira ngo buri wese amenye ko ngukunda cyane.”

Ni ikiganiro uyu muhanzi yatereteragamo uyu mukobwa amusabira urukundo ku karubanda, ibyo bamwe bafashe nko gushaka kureshya amarangamutima y'abakunzi b'umuziki w'u Rwanda.

Gusa, ubwo yabazwaga niba umwana we yaramubyaranye n'uyu muhanzi yabiteye utwatsi. Ndetse, akavuga ko atari uwa Drake yise izina rye, nubwo agaragaza ko bafite aho bahuriye.

Yolo The Queen yasubije abamwita umubeshyi iyo avuga ko aziranye na Drake

Yagaragaje ko bavugana nubwo hari abatabyumva

Drake ni umwe mu baraperi bakomeye ku Isi

Ubu bukangurambaga bwiswe 'Coca Cola's Under the Crown Lottery' bwatangiye ku wa 11 Ugushyingo bukazageza ku wa 20 Ukuboza 2024.

Umukiliya uzajya ugura ikinyobwa kidasembuye cyo mu icupa risubizwa, asabwa kuzajya areba umubare uri mu mufuniko w'iryo cupa.

Akibona uwo mubare asabwa gukanda *786# agakurikizaho amagambo yabonye muri wa mufuniko w'icupa ubundi agatsindira igihembo cy'amafaranga.

Akimara guhabwa icyo gihembo, umukiliya ahita ashyirwa mu banyamahirwe batsindira ibindi bihembo bitandukanye bitangwa buri cyumweru na buri kwezi.

Ubu bukangurambaga bugaragaza umuhate wa Bralirwa mu gushimira abakiliya bayo b'imena binyuze mu buryo bushimishije ndetse bubungura.

Utsinze amafaranga atsindiye ahita ashyirwa kuri konti ye ya Mobile Money cyangwa Airtel Money.

Mu bihembo bitangwa buri cyumweru na buri kwezi abakiliya bafite amahirwe yo gutsindira amafaranga menshi. Igihembo nyamukuru ni miliyoni 5 Frw zizahabwa abanyamahirwe batatu.

Mu rwego rwo kudabagiza abakiliya bayo b'imena, Bralirwa izahita yoherereza icyo gihembo uwatsinze kuri MTN MoMo cyangwa Airtel Money.

Umuyobozi ushinzwe Ubucuruzi muri Bralirwa Plc, Fleury Sekiyuku, yavuze ko 'aya mahirwe ashimagira umuco wacu wo kunezeza n'abakiliya b'ibinyobwa bidasembuye no gukomeza gushyikirana nabo mu buryo bw'imikino.'

Yakomeje avuga ko 'Twiyemeje gufata abakiliya bacu neza mu buryo buhebuje tunabahemba. Dushaka ko abakiliya bacu bishimira ibinyobwa tubaha ariko bakanabona ko ari ab'agaciro uko bwije n'uko bukeye.'

Umukiliya uzajya ugura ikinyobwa kidasembuye cyo mu icupa risubizwa, asabwa kuzajya areba umubare uri mu mufuniko w'iryo cupa