Author: webrwanda

Ubwo u Rwanda rwari rumaze kunganya ubusa ku busa na Nigeria mu gushaka itike y'igikombe cy'Africa, Umudage utoza u Rwanda Trosten Frank Spitller yavuze ko amasezerano ye narangira azamanika inkweto atozanya, ashimangira ko yashaje ndetse ko yari afite ubwoba ko itazamugeza ku musozo w'amasezerano ye.

Nyuma yo gutangaza ko azamanika inkweto ye kandi yari amaze kugaragaza imbaraga nyinshi mu kubaka ikipe y'Amavubi atsinda, ababishinzwe bihutiye kumuganiriza ngo abe yakwisubiraho ku cyemezo yari yarafashe.

Umuyobozi wa FERWAFA Munyantwali Alphonse yari aherutse kubwira itangazamakuru ko mu minsi mike, bazatangariza abanyarwanda ibyerekeye amasezerano y'umutoza Trosten Frank Spitller.

Akimara guhaguruka mu Rwanda, abakunzi ba ruhago batashwe n'ubwoba batekereza ko Trosten Frank Spitller agiye ubutazagaruka, kuko yamaze kuva mu Rwanda atarahabwa amasezerano mashya. 

Abasesengurira hafi ruhago bashimangiye ko icyajyanye Trosten Frank Spitller iwabo, ari ukwizihiza iminsi mikuru, cyane ko mu Budage bagira umuco wo kwizihiza iminsi mikuru bari kumwe n'imiryango yabo banywa inzoga nyinshi cyane.

Ikindi cyatumye abakunzi ba ruhago mu Rwanda bagira ubwoba, ni uko kuba Trosten Frank Spitller yavuye mu Rwanda atarahawe amasezerano mashya, byamubera impamvu nyamukuru yo kutazagaruka, cyane ko n'ubundi yari afite gahunda yo gusezera ku mirimo yo gutoza ruhago.

Umutoza w’Amavubi Trosten Frank spitller yamaze gusubira iwabo mu Budage

Ibyo Amavubi yahomba mu gihe Trosten Frank yagenda ubutagaruka

1. Ubuyobozi bukomeye no gushyira ku murongo

Spittler azwiho gukoresha uburyo bwo guha abakinnyi amabwiriza asobanutse kandi agendanye n'umurongo yifuza ko ikipe igenderaho. Afasha buri mukinnyi kumva neza uruhare rwe mu kibuga, bigatuma bakina bafite intego isobanutse.

Aha umutoza w'Amavubi Frank Trosten Spitller yamaze kwereka abakinnyi be ko nta mukinnyi kamara mu ikipe y'iguhugu, ndetse anagaragaza ko iyo umukinnyi akoze neza abibemberwa.

Twafatira urugero ku mukino wahuje ikipe y'igihugu y'u Rwanda Amavubi na Benin ukarangira Benin itsinze u Rwanda ibitego bitatu ku busa, aha umutoza yahisemo gukinisha Niyomugabo Claude inyuma kuri gatatu yirengagiza Manguende. 

Umutoza abajijwe impamvu yakoze ibyo, yavuze cyari nk'igihembo kuri Claude wari witwaye neza ku mukino wa Nigeria, kandi anavuga ko atari guhita akinisha Manguende ngo ni uko abonetse ako kanya kandi hari imikino yari yakinwe mbere atari kumwe na bagenzi be.

2. Kubaka uburyo bw'imikinire buhoraho

Spittler yakoze ku buryo abakinnyi bamenya neza uburyo bakina kandi bakabishyira mu bikorwa kenshi mu myitozo no mu mikino kuko baba bazi intego ibajyana mu kibuga.

Gukina mu buryo budahindagurika cyane byatumye ikipe imenyerana ndetse abakinnyi bagahuza mu kibuga kuko bose baba bahuriye ku ntego imwe, ibi bikaba bimaze kubaka icyizere cyo gutsinda mu ikipe y'igihugu y'u Rwanda Amavubi. 

3. Kubaka imikinire igamije gusatira

Amavubi yo mu gihe cya Spittler arangwa no gusatirana cyane, aho umutoza ashyira imbaraga ku kugumana umupira ndetse no kugaba ibitero byihuse ku ikipe bahanganye. Ibi bituma bagira amahirwe menshi yo gutsinda kandi bikabangamira amakipe bahanganye.

 4. Gukoresha Abakinnyi bato bari kuva mu rwego rwo hasi (Development)

Spittler yagize uruhare mu guha amahirwe abakinnyi bato bafite impano, bakazamurwa mu ikipe nkuru kandi bakagirira ikipe akamaro. Uru rubyiruko rufite ingufu n'amashyushyu yo kwitangira igihugu, bigafasha kuzamura umukino w'Amavubi. Kugeza ubu ikipe y'u Rwanda itozwa na Frank Trosten Spitiller mu mukino amaze gutoza Amavubi yinjijwe ibitego 7, yinjiza ibitego11.

Mu bitego birindwi Frank Trosten Spitller yatsinwe harimo bitanu amaze kwinjizwa n'ikipe y'igihugu ya Benin, kimwe yinjijwe na Libya na kimwe yinjijwe na Djibouti. Ibitego 11 yatsinze harimo Bibiri yatsinze Madagascar, bibiri yatsinze Afurika y'Epfo, kimwe yatsinze Lesotho, kimwe yatsinze Libya, bibiri yatsinze Benin na bitatu yatsinze Djibouti. 

5. Ubumenyi mu Kureba Ahakenewe Gukosorwa no Kwihutira Gukemura Ibibazo

Nk'umutoza ufite ubunararibonye, Spittler azi neza uko yakemura ibibazo by’umuvuduko, gutakaza imipira no kwirinda gutakaza ibitego mu buryo budasobanutse. Ibi byahaye ikipe ikizere mu mikino yayo ndetse bigatuma ibasha kurushaho guhagarara neza mu by’umutekano wo mu bwugarizi.

Ingingo yo gukemura ibibazo mu buryo bwihuse, Frank Trostten Spitller yayishimangiye mu minsi ishize ubwo yari amaze gutsindwa na Djibouti. Kubera ko yari azi neza ko agifite umukino wo kwishyura, yarebye mu bakinnyi yari afite abona badafite imbaraga zo kumufasha gukuramo Djibouti. Ako kanya yahise ahamagara abandi bakinnyi bane maze asezerera abakinnyi batatu mu ikipe y'igihugu.

6. Kudacika intege no kutagira ubwoba

Frank trosten Spitller ni urugero rwiza ku batoza badacika intege ndetse batanagira ubwoba. Ibi tubirebera mu mikino yagiye akina aho ibihugu bikomeye bisigaye bijya gukina n'u Rwanda bigenda byikandagira. Kuva yatangira gutoza u Rwanda, ibihugu bibiri bikomeye Frank Trosten Spitller yakinnye na byo ari Afurika y'Epfo na Nigeria kandi ibyo bihugu byombi akaba amaze kubikuraho amanota ane. 

Umukino wahuje u Rwanda na Afurika y'Epfo, u Rwanda rwatsinze ibitego bibiri ku busa naho uwa Nigeria amakipe yombi agwa miswi.

Ku kijyanye no kudacika intege, Frank abigaragaza mu mikino akina aho usanga umusaruro mubi akura mu mukino wa mbere utamuca intege zo kwitwara neza mu mukino wa kabiri.

Kunganya na Mozambique mu mukino wa mbere mu gushaka itike y'igikombe cy'Isi ntabwo byabujije Frank guhondagura Afurika y'Epfo mu mukino ukurikiyeho. Gutsindwa na Benin mu gushaka itike y'igikombe cy'Isi mu mukino wa Gatatu ntabwo byamubujije gukubitira Lesotho muri Afurika y'Epfo mu mukino wa Kane.

Kunganya ba Botwana mu mikino ya gicuti yabereye muri Madagascar ntabwo byabujije Frank gutsinda Madagascar mu mukino wa kabiri, gutsindwa na Benin mu mikino yo gushaka itike y'igikombe cya Afurika, ntabwo byamubujije kuyigaranzura mu mukino wakurikiye. 

Gutsindwa na Djibouti mu mukino ubanza wo gushaka itike yo kujya mu gikombe cya Africa CHAN, ntabwo byamubujije kuyandagariza mu maso ya Perezida Kagame akanayisezerera. 

Ku ngoma ya Trossten Frank Spitller kandi, u Rwanda n'ubwo rutagiye mu gikombe cya Africa, rwagaragaje ubuhanga budasanzwe, harimo no gutsinda igihugu gikomeye nka Nigeria mu rugo. 

Trosten Frank Spitller amaze kugeza u Rwanda ku rwego rwo guhangamura ibihangange nka Nigeria

Amakuru atangwa n'urubuga rwa RwandAir, agaragaza ko ukoresheje 'Private Jet' uvuye mu Mujyi wa Dar es Sallam muri Tanzania, ukoresha isaha imwe n'iminota 51' (1 hour 51 minutes). 

Ni mu gihe uturutse mu Mujyi wa Addis Ababa, ukoresha isaha 2 n’iminota 30′; mu Mujyi wa Nairobi ukoresha isaha 1 n’iminota 12′, naho i Kampala ukoresha iminota 36′.

Diamond afite gahunda yo kumara iminsi ibiri i Kigali. Ushingiye kuri gahunda yo kwishyura kugira ngo uparike 'Private Jet' ku kibuga cy'indege Mpuzamahanga cya Kigali i Kanombe, bisaba ko wishyura amadorali ari hagati ya 3,500 [4,878,817.16 Frw] n'amadorali 18,000 [25,091,059.68 Frw] ku isaha.

Inyandiko nyinshi ziri kuri internet, zo zikavuga ko kugira ngo gusa uparike 'Private Jet' ku kibuga cy'indege icyo ari cyo cyose wishyura amadorali ari hagati ya 100 ndetse n'amadorali 1,500.             

'Private Jet' ziri mu bwoko butandukanye, bituma n'amafaranga yishyurwa kugira ngo uparike ku kibuga cy'Indege Mpuzamahanga cya Kigali atangana. Bishingira mu kuba zitangana mu burebure cyangwa se mu ngano muri rusange, igihe igomba kumara ku kibuga cy'indege n'ibindi. 

'Private jet' yo mu bwoko bwa 'Turboprop' wishyura ari hagati ya $1,800—$2,300; iya 'Very light jet' wishyura $3,000—$3,800, 'Light jet' wishyura '$5,400—$6,300;, 'Midsize jet' ukishyura $6,400—$8,000, 'Super midsize jet' wishyura $8,900—$10,000, ni mu gihe 'Heavy jet' wishyura $10,000—$14,000.

Amakuru avuga ko Diamond yasabye 'Private Jet' ahanini bitewe n'uko afite ibindi bitaramo azaba arimo ahantu hatandukanye, bityo akeneye indege izamwihutisha kugira ngo azabashe guhita agera mu Mujyi wa Kigali.

Diamond si we wa mbere usabye 'Private Jet' kugira ngo agera i Kigali. Kuko muri Kanama 2023, Kizz Daniel yageze i Kigali ari mu indege yihariye, hatanzwe Miliyoni 20 Frw kugira ngo abashe kugera ku kibuga cy'indege cya Kigali.

Ni icyemezo cyafashwe ahanini bitewe n'uko indege yari yasize Kizz Daniel, mu bitaramo yarimo mu gihugu cya Tanzania n'ahandi.

The Ben aherutse gutangaza ko azataramira muri BK Arena, ku wa 1 Mutarama 2025 mu gitaramo cyihariye, kandi azataramana ku rubyiniro 'n'abahanzi bose twakoranye indirimbo' kuko 'ngomba gukora ibishoboka byose bose bakazahaboneka'.

Mu bahanzi ba hafi bazagaragara muri iki gitaramo harimo nka Riderman, Tom Close, Kevin Kade, Element, umuraperi Kivumbi King n'abandi bagiye bakorana ibihangano mu bihe bitandukanye, kandi byakunzwe mu buryo bukomeye.

Avuga kuri iyi ndirimbo ye 'My Name' na Kivumbi King izasohoka muri iki cyumweru, The Ben yumvikanishije ko idasanzwe. 

Ati 'Nizeye ko iyi izahindura ikibuga cy'umuziki. Ariko kandi dufite indirimbo nyinshi ziri kuri Album ndetse n'abahanzi batandukanye, kandi niteguye kuzazibamurikira ku mugaragaro, tariki 1 Mutarama 2024.

Uyu muririmbyi yashimangiye ko 'iyi ndirimbo izaba iy'umwaka uko byagenda kose'. The Ben yavuze ko mu rugendo rwo kwitegura kumurika Album ye, yatangiye gushyira hanze indirimbo ze zirimo nka 'True Love' yakoreye muri Country Records yashinzwe na Noopja.

Mu buryo bw'amajwi, iyi ndirimbo yakozwe na Producer Real Beat, ndetse no mu kuyandika barakoranye. Ni indirimbo avuga ko bazakorera amashusho, kandi izasohoka mu gihe kiri imbere; ndetse mu ndirimbo azaririmba iri ku rutonde.

The Ben yavuze ko iki gitaramo cye kizanarangwa n'ibintu byinshi cyane birimo n'ibishimangira umuco w'u Rwanda. Ati 'Tujya tubibona kenshi, aho abahanzi bahuza ibigezweho, ndetse n'umuco w'u Rwanda muri rusange.'  Yavuze ko azataramana kandi n'Itorero Inyamibwa, Itorero Ishyaka ry'Intore n'abandi.

Diamond na The Ben bakoranye indirimbo 'Why', ndetse bombi bayiririmbye mu birori bya Trace Awards mu 2023 

Diamond yasabye ko ahabwa 'Private Jet' kugirango azabashe kugera i Kigali 

The Ben yatangaje ko tariki ya 1 Mutarama 2025 azakorera igitaramo gikomeye muri BK Arena

KANDA HANO UREBE AMASHUSHO Y'INDIRIMBO 'WHY' YA THE BEN NA DIAMOND

Uyu muhanzikazi uri gukora kuri Album ye nshya, yahagurutse ku kibuga cy’indege Mpuzamahanga cya Kigali i Kanombe mu rukererera rwo kuri uyu wa Kabiri tariki 10 Ukuboza 2024. 

Ageze i Kampala, yakiriwe mu buryo bwihariye n’abamutumiye muri iki gitaramo; ndetse biteganyijwe ko hari inama agomba kwitabira mbere y’uko ataramira abafana be n’abakunzi b’umuziki we, kuri uyu wa Gatatu tariki ya 11 Ukuboza 2024, kuri Nomad Bar and Grill.

Knowless afitanye amateka meza na Uganda, kuko yahakoreye ibitaramo mu bihe bitandukanye, ndetse hari bamwe mu bahanzi baho bakoranye indirimbo zagiye ziganza cyane mu itangazamakuru.

Agiye kuririmba muri Nomad abisikana na Producer Element wahataramiye mu Cyumweru gishize, ku wa 24 Ugushyingo 2024.

Ndetse, binateganyijwe ko na Rudeboy wamamaye muri Nigeria azahakorera igitaramo ku wa 19 Ukuboza 2024. Ni mu gihe Pallaso na Harmonize bazahataramira ku wa Gatanu tariki 6 Ukuboza 2024, mu gitaramo kizaherekezwa no gusabana n'abafana.

Knowless aherutse kubwira InyaRwanda, ko yiteguye kuzatanga ibyishimo muri iki gitaramo cyane, ko yari amaze igihe kinini atagera muri Uganda.

Yavuze ati “Igitaramo nyiteguye neza. Sinjye uzabona nsubiye muri Uganda gutaramana n’abavandimwe baho, inshuti, abanyarwanda n’abanya-Uganda bahatuye bose, ni nyuma y’igihe kitari gitoya naherukagayo.'

'Rero ndishimye cyane gusubirayo, niteguye neza, icyo niteguye ni ukwishima, ni ukwishimana n’abantu, ni ugusabana, niteguye neza cyane. Intego yanjye ni ukugirango abantu bishime banezerwe, kuko iyo umuntu asohotse yaje gusangira n’inshuti, aba yaje kwishima.”

Uyu muhanzikazi yavuze ko iki gitaramo kiri mu murongo wo gufasha Abanya-Uganda n’Abanyarwanda babarizwa muri kiriya guhugu ‘gusoza neza umwaka’.

Kandi n'Abanyarwanda bari mu Rwanda nta n'umwe uhejwe bazajyaa nawe. Ati “Ndabatumiye abantu bose bari muri Uganda, n’abari mu Rwanda bashaka kuza tukigendera kwinezerwa i Kampala nabo ndabatumiye baze, kuri Nomad, twinizererwe twishime.”

Knowless agiye kuririmbira muri Uganda, nyuma y'uko ku wa 10 Ukwakira 2024 yataramiye muri Leta Zunze Ubumwe za Amerika binyuze mu gitaramo cya 'African Rythms' gitegurwa n'umuryango 'Global Livingston Institute', cyabereye muri Leta Zunze Ubumwe za Amerika muri Leta ya Colorado. 

Butera Knowless yageze i Kampala yakirwa na bamwe mu bafana be bahabarizwa 

Urukumbuzi rwari rwo ku bakunzi ba Butera bamuherukaga mu myaka 7 ishize 

Knowless yatangaje ko yiteguye gususurutsa abakunzi be, muri iki gitaramo yahuje n’impera z’umwaka 

Knowless yakoreye ibitaramo bikomeye muri Uganda, ndetse hari abahanzi baho bakoranye indirimbo 

Imyaka irindwi yari ishize, Knowless atagera muri Uganda

 Knowless azataramira abafana be n'abakunzi be kuri uyu wa Gatatu tariki 11 Ukuboza 2024 

KANDA HANO UREBE AMASHUSHO Y'INDIRIMBO 'OYA SHAN' YA BUTERA KNOWLESS

“>

Ibi bwagaragajwe mu gikorwa cy'ubukangurambaga bwa RIB ku byerekeye ihohotera. Ubu bukangurambaga bwakorewe mu Murenge wa Kabaya, mu Karere ka Ngororero.

Bamwe mu bayobozi b'inzego z'ibanze mu Murenge wa Kabaya, basobanuye ko guhishira ihohoterwa babiterwaga ahanini no kutamenya amoko yaryo n'ibyaha biyashingiyeho, no kuba abahohoterwa ubwabo badakunda uwabatangira amakuru kuko bifatwa nko gusebya umuryango.

Nzakizwanimana Béatrice uyobora umwe mu midugudu yo mu Murenge wa Kabaya muri Ngororero, yavuze ko yari yarahisemo kwifata, atagitanga amakuru yafasha mu gukumira ihohoterwa, yirinda ko umuryango urimo iryo hohotera wamufata nk'aho ari kuwutaranga no kuwusenya.

Ati 'Usanga umugore iyo tumugiriye inama ngo aregere ihohoterwa yakorewe, yanga kubikora ngo batamufungira umugabo. Umugore iyo avuze ngo umugabo nashaka anyice se, urumva ataba akuzitiye? Ubu hari urugo ntabasha kugeramo kuko umugabo waho arampiga avuga ko ari njyewe umusenyera urugo, sinzi niba mwaduha inama zo kujya duca inyuma tukabakorera raporo rwihisha.'

Ngendahayo Jean Baptiste, umwe mu Nshuti z'Umuryango mu Murenge wa Kabaya, yavuze ko hari amakuru amenya ariko akirinda kuyatanga mu nzego zishinzwe kurwanya ihohotera kuko bene yo baba badashaka ko asohoka ngo ajye hanze.

Yagize ati 'Usanga umubyeyi ahohoterwa ariko ntashake gutanga amakuru kuko iyo abantu badutabaje umuntu tumugeza kwa muganga, ariko akagenda ayobya uburari ko yaguye akavunika kandi yari yakubiswe. Ibyo rero, bituma natwe tutamenya uko twakurikirana ibyo bibazo kuko niba nyir'ubwite na we adashaka ko amakuru ye asohoka akatwita abanyamagambo, tukabura uko tumufasha.''

Gusa ariko, ngo Ngendahayo yahinduye imyumvire nyuma yo guhugurwa na RIB, akavuga ko agiye kujya atanga amakuru, ari na bwo azaba abaye inshuti y'umuryango nyakuri.'

Umukozi w'Akarere ka Ngororero ushinzwe iterambere ry'umuryango, Mukantabana Odette, yavuze ko hari abagore bagihohoterwa kubera imiryango yabo, aho yifashishije urugero, yagaragaje ko we ubwe azi urugero rw'umugabo wakubise umugore we akamukomeretsa, ariko inkiko zikaza kumugira umwere kubera ko abagize umuryango we basabye umwe mu bana be kubeshya ko nyina yakomerekejwe no kugwa hasi aho gukubitwa.

Ati 'Twabimenye nyuma habonetse ubutumwa bwa telefone nyinawabo yandikiye uwo mwana amushimira ko yafunguje se. Ni urugamba tugomba gukomeza kurwana na rwo.''

Umukozi muri Isange One Stop Centre, Mukankaka Alice, yavuze ko kudatanga amakuru ku wahohotewe bihereye hasi, bituma inzego zindi zo hejuru zitabasha kumufasha, bikaba byanatuma uwahohotewe arengana no mu butabera, kuko kenshi ibimenyetso biba byasibanganye.

Ati 'Ntimukagire impungenge ko umuntu yahishiriye amakuru cyangwa adashaka kuyatanga, ahubwo mwe nimutinyuke muyatange kuko n'iyo azadufasha kumurenganura. Uwo wifuza ko umugabo we arekurwa ngo mu rugo badasonza cyangwa bakamusenda, abikora atishimye. Mwe nimubivuge, ni bwo muzaba mutanze umusanzu nk'abayobozi.'

Mu bindi bibazo by'ihohoterwa rikorerwa mu ngo bigahishirwa, harimo gusambanya abana, gukubita no gukomeretsa, gusesagura umutungo w'urugo, umwe mu bashakanye agatinya kubiregera byitwa ko abikoze yaba asenye urugo, ingaruka zivamo zikabamo no kwicana ku bashakanye kuko habuze uwabafasha kugaragaza ibibazo biri mu ngo.

Nubwo nta mibare ihamye ihari, ariko bigagara ko abagore bahohoterwa kurusha abagabo mu Karere ka Ngororero

Ubu bukangurambaga bubaye mu gihe isi yose iri mu gihe cy'iminsi 16 yo kurwanya ihohotera, aho isi yifuza umuryango mwiza uzira ihohotera.

Ubuyobozi bwa RIB bwibukije abayobozi b’inzego z’ibanze ko ari itara ry’abaturage, bityo ko banakwiye gufata iya mbere mu kurwanya ihohotera rihabera, baritangira amakuru

Nzakizwanimana Beatrice uyobora umwe mu midugudu muri Ngororero, yavuze ko mbere y’ubu bukangurambaga yari yarahisemo kwifata aho gutanga amakuru, ariko ubu akaba agiye guhindura imikorere

Gitifu w’Umurenge wa Kabaya mu Karere ka Ngororero, Ndayisenga Simon, yavuze ko imyumvire ikiri hasi ku ihohoterwa mu miryango, bisaba urugendo kuyihindura

Abayobozi bo mu nzego z’ibanze barimo ba mudugudu, abajyanama b’ubuzima, inshuti z’umuryango n’abandi, bajyaga bahisha amakuru banga kwiteranya, bavuze ko bagiye guhindura imikorere

Iteka rya Minisitiri w'Intebe ryasohotse ku wa 9 Ukuboza 2024, rigaragaza ko hakozwe impinduka no mu Rukiko rwa Gisirikare aho Lt Col Muhigirwa Gerard, yagizwe Visi Perezida warwo.

Abandi bahawe inshingano ni Lt Ndayishimiye Darcy na Lt Mukasakindi Thérèse bagizwe Abacamanza mu Rukiko Rukuru rwa Gisirikare.

Rigaragaza ko Inama y'Abaminisitiri yateranye ku wa 9 Ugushyingo 2024 ari yo yasuzumye kandi ikemeza ko aba basirikare bashyirwa muri izi nshingano.

Brig Gen Karuretwa Patrick yari Umuyobozi Mukuru ushinzwe imikoranire mpuzamahanga mu Ngabo z'u Rwanda, inshingano yagiyemo avuye ku mwanya w'Umuyobozi ushinzwe ibikorwa muri Diviziyo ya Kabiri y'Ingabo ikorera mu Ntara y'Amajyaruguru.

Yabaye kandi Umunyamabanga Mukuru wihariye wa Perezida wa Repubulika guhera mu 2013 kugeza mu ntangiriro za 2021.

Brig Gen Karuretwa ni umunyamategeko wayaminurije muri Kaminuza y'u Rwanda mu 2000, akomereza muri The Fletcher School at Tufts University muri Leta Zunze Ubumwe za Amerika aho yakuye Icyiciro cya Gatatu cya Kaminuza (Masters) mu mategeko mpuzamahanga.

Muri iyi kaminuza kandi hagati ya 2008-2009 yahize amasomo ajyanye n'Umutekano Mpuzamahanga, n'Umutekano wa muntu.

Nyuma yaho, yamaze imyaka 10 akora muri Perezidansi ya Repubulika ku myanya itandukanye, bwa mbere kuva muri Nyakanga 2011 kugera muri Werurwe 2016 yari Umujyanama mu by'umutekano.

Kuva mu Ugushyingo 2013 kugera muri Nyakanga 2021, yari Umunyamabanga wihariye w'Umukuru w'Igihugu.

Brig Gen Karuretwa yinjiye mu gisirikare mu rugamba rwo kubohora igihugu mu 1992.Karuretwa yavutse ku wa 9 Ugushyingo 1974, ni umugabo wubatse.

Brig Gen Karuretwa yagizwe Perezida w’Urukiko Rukuru rwa Gisirikare

Dore urutonde rw'ibihugu 10 bifite ibisasu kirimbuzi byinshi n'umubare wa buri gihugu:

1. U Burusiya

Bufite ibisasu 5,889. U Burusiya ni igihugu gifite umubare munini w'intwaro kirimbuzi zo mu bwoko butandukanye, harimo izishobora gutera kure cyane no mu bihugu byo ku yindi Migabane. Mu bisasu bya kirimbuzi iki gihugu gifite harimo icyitwa Oreshnik kigendera ku muvuduko uri hagati y’Ibilometero 2,5-30 ku Isegonda ni ukuvuga ko gikubye incuro 10 umuvuduko w’ijwi.

2. Amerika

Ifite ibisasu 5,244. Amerika, kimwe n'u Burusiya, ifite ibikoresho byayo mu birindiro hirya no hino ku Isi kandi ifite ubushobozi bwo gukora ibitero byo mu kirere no mu mazi.Muri Missile nshya Amerika ifite harimo iyitwa Sentinel ICBM(LGM-35A) na Precision Strike Missile(PrSM) igendera ku muvuduko ukubye 5 uw’ijwi.

3. U Bushinwa

Bufite ibisasu 410. U Bushinwa bukomeje kwiyubaka mu bya gisirikare, kandi byitezwe ko uyu mubare uzakomeza kwiyongera.Mu bisasu bisha u Bushinwa bufite hari Dongfeng-31(DF-31)AG igendera ku muvuduko w’ibilometero birenga 8 ku isegonda.

4. U Bufaransa:

Bufite ibisasu 290.U Bufaransa bufite intwaro zo mu mazi no mu ndege zishobora kwitabazwa igihe icyo ari cyo cyose. Mu ntwaro nshya u Bufaransa bwibitseho harimo SM40 na SCALP-EG yahawe akazina ka Storm Shadow Missile ishobora kugendera ku muvuduko w’ibilometero 2,4000 ku saha.

5. U Bwongereza

Bufite ibisasu 225.U Bwongereza bwibanda ku ntwaro zo mu mazi zifite ubushobozi bwo kurasa kure cyane.Mu bisasu bishya iki gihugu gifite harimo SPEAR 3 gishobora kugenda ku muvuduko w’ibilometero 6,000 ku Saha ndetse ikaba ari Missile idashobora gupfa kuraswa kuko iyo igeze mu kirere ishobora duhindurirwa icyerekezo mu buryo bworoshye.

6. Pakisitani

Ifite ibisasu 170.Pakisitani ikomeza gushora mu kongera ubushobozi bwa kirimbuzi kugira ngo ihangane n'abaturanyi barimo nk’u Buhinde. Muri Missile Pakistan ifite harimo iyitwa Shaheen III ishobora kugendera ku muvuduko w’ibilometero 22,500 ku Saha.

7. U Buhinde

Bufite ibisasu 164. U Buhinde bushobora cyane mu kwiyubaka mu gisirikare no kongera ibikoresho bya kirimbuzi ukurikije umuvuduko bugaragaza.U Buhinde bufite icyitwa Agni Prime Missile ishobora kurasa ku muvuduko uri hagati y’ibilometero 1,000 kugeza ku 2,000.

8. Israel

Ifite ibisasu 90, nubwo idakunda kubishyira ku mugaragaro, ariko nayo yibitseho ibisasu kandi ni igihugu kitiyoroheje mu bya gisirikari. Mu bisasu bishya byakirimbuzi Israel yibitseho harimo icyitwa Jericho Missille.

9. Koreya ya Ruguru

Ifite ibisasu 30. Koreya ya Ruguru ikomeje kwerekana ubushake bwo gukomeza kubaka intwaro zayo nubwo ifite ubukungu bwazahaye.Mu bisasu kirimbuzi iki gihugu cyibitseho harimo icyitwa Hwasong-19(HS-19), gishobora kurasa ku muvuduko w’Ibilometero 15,000 ku Saha.

10.Iran

Nubwo idafite ibisasu byemewe ku mugaragaro, birakekwa ko iri mu nzira yo kubikora kandi amakuru amwe agaragaza ko Iran yibitseho ibitwaro bya kirimbuzi.

Kimwe mu bisasu bikomeye Iran ifite, ni icyitwa Sejil gishobora kurasa ku muvuduko rw’ibilometero 17,000 ku saha.

Intwaro za kirimbuzi zikomeje guteza impungenge ku mutekano w'Isi, aho ibihugu bikeneye ibiganiro bihamye byo kugabanya izi ntwaro no kurinda umubumbe dutuye binyuze mu kubungabunga amahoro.

Umwanditisi: Rwema Jules Roger

Mu Ukwakira 2024 nibwo Umuvugizi wa Guverinoma ya RDC, Patrick Muyaya yumvikanye, avuga ko urubanza rwa Charles Onana wari imbere y'ubutabera bw'u Bufaransa ashinjwa guhakana Jenoside yakorewe Abatutsi, ari urw'iki gihugu muri rusange.

Yagize ati 'Twizeye ko ubutabera buzatangwa, ubu butabera buzashimangira ko twabuze abantu benshi kurenza bo Abanyarwanda babuze muri Jenoside. Ntabwo ndibwirirwe mvuga ku ngaruka zageze ku bukungu kubera iyi ntambara, ku bw'ibyo uru rubanza natwe ni urwacu.'

Aya magambo Muyaya yayatangaje bigendanye n'uko RDC nubundi isanzwe ikorana na Onana mu bikorwa byo guharabika u Rwanda, gupfobya no guhakana Jenoside yakorewe Abatutsi.

Nyuma y'amasaha make, Urukiko rwa Paris mu Bufaransa ruhamije Charles Onana, ibi byaha byo guhakana Jenoside yakorewe Abatutsi, Minisitiri Nduhungirehe yagarutse kuri aya magambo yigeze gutangazwa na Muyaya.

Abinyujije kuri X, Nduhungirehe yagize ati 'n'ibyavuyemo nabyo (ni ibyanyu)'.

Ubu butumwa bwa Nduhungirehe bwashimangiraga ko RDC ikwiriye kwemera ko gutsindwa kwa Onana nako ari ukwayo, nk'uko yavuze ko urubanza ari urwayo.

Kuri uyu wa 9 Ukuboza 2024 nibwo Urukiko rwo mu Bufaransa rwahamije umushakashatsi Charles Onana ibyaha yari akurikiranyweho bifitanye isano no guhakana no gupfobya Jenoside yakorewe Abatutsi mu 1994.

Ni ibyaha yakoze abinyujije mu gitabo yasohoye tariki ya 30 Ukwakira 2019, gifite umutwe ugira uti 'Rwanda, la vérité sur l'Opération Turquoise: Quand les archives parlent'.

Uru rukiko rwategetse Onana kwishyura ihazabu y'Amayero 7400 mu minsi itarenze 120. Damien Serieyx wakosoye iki gitabo na we yaciwe ihazabu y'Amayero 5000.

Urukiko rwasobanuye ko icyakoze, Onana na Serieyz babaye bishyuye iyi hazabu mu gihe kitarenze iminsi 30, bagabanyirizwaho 20% ariko agabanywa ntagomba kurenga Amayero 1500.

Onana na Serieyx kandi bategetswe guha indishyi y'ibihumbi 11 by'Amayero imiryango itandukanye yatanze ikirego, arimo 1000 bazaha IBUKA France, 2000 azahabwa LICRA, 2000 azahabwa CRF, 2000 bazaha CPCR, 2000 bazaha Survie, 1000 bazaha FIDH na 1000 bazaha LDH.

Nduhungirehe yasubije RDC yavuze ko ibona urubanza rwa Onana nk'urwayo

Yabigarutseho ku wa Gatandatu tariki 7 Ukuboza 2024, ubwo yabwirizaga Abakristu bo mu Mujyi wa Brisbane mu gihugu cya Australia, mu ivugabutumwa ryibanze cyane ku kumvikanisha ko Isi n’ibiyituyemo byose ari iby’Imana; kandi ko kurangamira ingoma y'Ijuru biharanirwa. 

Ni mu ruherekane rw’ibiterane amazemo iminsi hirya no hino ku Isi, ndetse yari ageze ku munsi wa kabiri w’ibi biterane muri Australia.

Nk’ibisanzwe, yabwirizaga mu rurimi rw’Ikinyarwanda, hari usobanura ibyo avuga akabishyira mu rurimi rw’Icyongereza; ariko nawe yanyuzagamo agakoresha ururimi rw’Icyongereza.

Apôtre Gitwaza yavuze ko urusengero/ikanisa rukwiye kubakirwa ku ijambo ry’Imana no ku ndangagaciro z’ababyeyi, kandi bikumvikana kuri buri wese.

Yumvikanishije ko imibereho n’indangagaciro by'abanyafurika bitandukanye cyane n’imibereho y’abo mu burengerazuba bw’Isi. Ari na yo mpamvu nta mwana w’imfura wagatoboye amatwi ‘cyeretse aba bazungu’.       

Ndetse ngo nta mwana w’imfura wakagiye ku ruhimbi kuririmba cyangwa se kuramya yambaye ipantalo ya ‘deshire’. Ati “Ntibibaho, kandi namwe aba Pasiteri murabibona mukabyihorera.”

Yabwiye abashumba n’abakristu ko “Nta mudamu, umukobwa uzaza aha kubayobora (ku ruhimbi) yambaye ipantalo, Oya! Nta muririmbyi w’umukobwa ugomba kuririmba yambaye ipantalo, Oya! Ntibibaho. Oya, Oya! Mujye mwubaha aha hantu.”

Uyu mushumba yavuze ko ibyo avuga ari nako bimeze mu itorero ashumbye. Ati “Muri Zion Temple ntushobora. Umukobwa akaza yambaye ipantalo zimufashe….agaragara, ari kuramya Imana? cyangwa arimo guteza umwuka urusengero.”

Yavuze ko abakobwa bakwiye kwambara amajipo meza. Akomeza ati “Bashumba muri aha namwe bakristu munyumva, amakorali yanyu yose ntihazagire umukobwa wongera kuririmba yambaye ipantalo cyangwa gukora ‘Protocol’ yambaye ipantalo. Ntabwo mubuze amakanzu, hano ni ay’ubuntu…”

Gitwaza yakomeje agira ati: “Nta mwana w’umuhungu ugomba kuza gucuranga afite amaherena mu matwi, Oya! Iherena rivuze iki? Barishyiragaho umuntu wanze gucyurwa ngo abe imbata itahe iwabo, nyuma y’imyaka irindwi n’imyaka 50, basubizaga imbata zose iwabo;

Ariko uwanze akavuga ati njye ndashaka gukomeza kuba kwa Databuja bafataga uruhindu bagatobora ugutwi, bagashyiramo iherena… Iherena (Kwambara iherena) ni ukuvuga ngo ndi imbata iteka ryose. Kuki abana bacu mwemera ko baba imbata.”

Uyu mukozi w'Imana, yavuze ko muri rusange nta mwana w’umuhungu wemerewe kwambara amaherena. Yanavuze ko nta mwana w’umuhungu wemerewe kujya ku ruhimbi kuririmba afite ku mutwe imisatsi y’amarasita (Dread).

Ati “Oya! Ariya marasita ni idini ryitwa rasitafara, rasitafara ni idini rya Satani, rero abana barabyambara batazi ibyo ari byo.”

Gitwaza yanavuze ko nta musore cyangwa umukobwa ushaka kujya ku ruhimbi, ukwiye kuba afite imisatsi ikaraze, ati “gira imisatsi mizima.” Yabwiye urubyiruko rwari muri aya materaniro n’abandi, gutahana icyemezo cyo guhindura imisatsi yabo kuko ‘ni nako Bibiliya idusaba’.

Yavuze ko ibyo avuga azi neza impamvu yabyo n’ingaruka zabyo ashingiye mu kuba ‘umwuka w’urumogi n’ubutinganyi bihera mu musatsi’. Ati “Ni Imana iyo igiye gukoresha abantu ihera mu musatsi.”

Yatanze urugero, avuga ko Bibiliya igaragaza ko Imana yabwiye Ezekiel ati ‘Amfata umusatsi’. Ati “Mbese umusatsi, ni ihuriro ryawe ni Imana, ariko ushobora kuwutereka ikaba ihuriro ryawe na Satani.”

Yavuze ko na Samson yapfiriye mu musatsi kandi ari wo yari yarakiriyemo. Ati “Yagiraga umusatsi mwinshi, ariko umunsi yawugize amarasita ni igihe yabwiye Derilla ngo wubohemo uwugire ibirundo birindwi, uriya musatsi w’amarasita iyo uwutangiye uba ugiye kurangira.”

Gitwaza yabwiye ababyeyi kongera igitsure ku bana kugirango babashe kugira imibereho iboneye, kandi acyebura abana. Ati “Turi ababyeyi, kandi mwa bana mwe murimo muratubabaza muri ibi bihugu, dufite umubabaro kubera mwe, mufite impano, muri imbaraga zacu, ariko muri kuteza umubabaro.'

'Uyu munsi mushobora kutabyumva, ariko ejo muzabyumva ubwo muzaba mufite abana. Turabigisha gukurikira ijambo ry’Imana, aho gukurikira iby’Isi.”

Umuyobozi Mukuru wa Authentic World Minsitries akaba n’Umushumba mukuru w’amatorero ya Zion Temple Celebration Center ku Isi, Apôtre Dr. Paul Gitwaza, yatangaje ko nta mukobwa ukwiye guhabwa ikaze ku ruhimbi, yambaye ipantalo imufashe 

Apôtre Dr. Paul Gitwaza yavuze ko nta musore ukwiye kwemererwa kujya ruhimbi afite 'Dread' yaratoboye n'amatwi 

KANDA HANO: UHEREYE KU MUNOTA WA 12 KUGEZA KU WA 38' GITWAZA YABWIYE ABASHUMBA KUTEMERERA INKUMI N'ABASORE KUJYA KU RUHIMBI

v 

Amakuru dukesha Village Urugwiro avuga ko Perezida Kagame yageze i Nouakchott kuri uyu wa Mbere. Yakiriwe na mugenzi we, Perezida Mohamed Ould Ghazouani usanzwe ari n'Umuyobozi w'Umuryango wa Afurika Yunze Ubumwe (AU).

Iyi nama Perezida Kagame yitabiriye yateguwe na AU ku bufatanye n'Ishami ry'Umuryango w'Abibumye ryita ku bana UNICEF.

InyaRwanda yahawe amakuru yizewe, yemeza ko uyu mugabo azamara iminsi ibiri i Kigali mu rugendo ‘rugamije guhura na ba DJ n’abahanzi agamije kumenyekanisha Album ye nshya aherutse gushyira ku isoko’. 

Wizkid yaherukaga i Kigali mu 2016, ubwo yaririmbaga mu bitaramo binyuranye yari yatumiwemo birimo ‘Mutziig Beer Fest’ 

Ni umwe mu bahanzi bigazeho muri Afuka, ndetse ku rubuga rwe rwa Instagram akurikirwa n’abantu barenga Miliyoni 18.

Yagiye akorera ibitaramo binyuranye byo muri Afuka. Ndetse, benshi bamuzi binyuze mu ndirimbo ze zirimo nka ‘Socco’, ‘Fever’, ‘Starboy’, ‘Brown Skin Girl’ n’izindi.

Mu rugendo rwe i Kigali, azahura kandi agirane  ibiganiro n’abari mu muziki ‘ariko nta gitaramo azaririmbamo’.

Wizkid amaze gukorana n’abahanzi bakomeye ku Isi barimo nka Drake, Beyonce, Chris Brown n’abandi.

Kandi amaze gukorera ibitaramo mu bihugu birimo nka Australia, Portugal, U Bufaransa, U Bwongereza, mu bihugu by’u Burayi n’ahandi.

Wizkid ari mu bahanzi bakomeye muri Nigeria, ndetse baciye uduhigo muri Afurika.

Ashyize imbere gukora umuziki wubakiye ku njyana ya Afrobeat, Afropop, R&B, Reggae, Dancehall ndetse na Pop.

Inyandiko ziri kuri internet, zivuga ko yatangiye urugendo rw’umuziki afite imyaka 11, ndetse afatanyije na Korali yaririmbaga babashije gusohora Album y’abo.

Mu 2009 yasinye kontaro ye ya mbere muri Label ya E.M.E, amenyekana cyane nyuma yo gushyira hanze indirimbo nka ‘Holla at Your Boy’, akomereza kuri Album zirimo ‘Superstar’ yo mu 2011, yongeraho indirimbo nka ‘Tease Me’, ‘Bad Guys’, ‘Don’t Dull’ n’izindi.

Wizkid agiye kuza i Kigali agenzwa no kumenyekanisha Album ye ya Gatandatu yise ‘Morayo” yasohoye, ku wa 22 Ugushyingo 2024. Ubwo yashyiraga hanze iyi Album, yavuze ko yayituye umubyeyi we Juliana Morayo Balogun, witabye Imana muri Nzeri 2023.

Wizkid azagera i Kigali, Ku wa 23 Ukuboza 2024, asubire iwabo tariki 25 Ukuboza 2024, ni mu rugendo rugamije kumenyekanisha ibihangano bye

Wizkid yaherukaga i Kigali muri Kanama 2016- Imyaka umunani yari ishize