Author: webrwanda

Hashize iminsi bivugwa ko Ingabo z'u Burundi zikorana na FDLR hamwe n'umutwe wa FLN.

Hari umwe mu bofisiye bo ku rwego rwo hejuru mu Ngabo za RDC uherutse kubwira ikinyamakuru Great Lakes Eye ko Ingabo za Repubulika Iharanira Demokarasi ya Congo n'iz'u Burundi ziri kubaka ikigo cya gisirikare cy'ibanga muri teritwari ya Uvira mu Ntara ya Kivu y'Amajyepfo, kizajya gihuza imitwe yitwaje intwaro ifite umugambi wo guhungabanya umutekano w'u Rwanda.

RDC bivugwa ko ari yo iri kohereza ibikoresho bikenewe byose mu kubaka iki kigo giherereye mu gace ka Kitoga.

Kuri Leta y'u Burundi by'umwihariko, bivugwa yo imaze iminsi itegura inama ziyihuza n'imitwe yitwaje intwaro irimo FDLR na CNRD-FLN, zigamije kwihuza kugira ngo izatere u Rwanda. Izi nama zatangiye kuvugwa mu mpera za Kanama 2024.

Ni FDLR yagabye ibitero mu Majyaruguru y'u Rwanda mu bihe bitandukanye, ndetse na CNRD-FLN yagabye ibindi mu majyepfo y'uburengerazuba iturutse muri Pariki ya Nyungwe, mu 2018 na 2019.

Perezida Ndayishimiye mu kiganiro yagiranye n'itangazamakuru kuri uyu wa Gatanu, yagarutse no ku mubano w'u Rwanda n'u Burundi, avuga ko gushinja ingabo ze gukorana na FDLR ari nk'igitutsi.

Ati 'Ni nko kudutuka kugira ngo amahanga akunde abumve. Igihe twajyaga gufasha igihugu cya Congo, murabizi ko twabyumvikanye twese abakuru b'ibihugu bo muri Afurika y'Iburasirazuba, nta n'umwe uvuyemo, n'u Rwanda rwarimo.'

'Twumvikana ko tujya gufasha igihugu cya Repubulika Iharanira Demokarasi ya Congo kugarura amahoro n'umutekano […] twumvikanye ko turwanya imitwe yose y'abanyamahanga ikorera ibyaha muri Congo, yose nta n'umwe ivuyemo, tugasaba ko iyo muri Congo ijya mu biganiro bya Nairobi.'

Yavuze ko yaganiriye n'u Rwanda, akarumenyesha ko rukwiriye gufasha kuko arirwo rwari rushinzwe ibikorwa by'iperereza, rukaba rwatanga amakuru y'ubutasi y'aho umutwe wa FDLR uherereye.

Ati 'Mutubwire aho abo ba FDLR bari murebe ko tutabatera, nitutabatera murabona ko dufatanya.'

Ndayishimiye yunze mu rya Tshisekedi, ashinja u Rwanda gukorana n'umutwe wa M23. Yavuze ko rumaze kubona ko u Burundi bukorana na RDC, rwatangiye kutabyishimira.

Nubwo Ndayishimiye avuga ibi, hari amakuru agaragaza ko hari inama Ingabo z'u Burundi zakoze zikurikira iyahuje Guverineri w'Intara ya Kivu y'Amajyaruguru, Gen Maj Peter Cirimwami na Brig Gen Hakizimana Antoine alias Jeva uyobora CNRD-FLN, aho baganiriye ku bufatanye bw'impande zombi bwatangiye muri Werurwe 2024.

Biteganyijwe ko ikigo RDC n'u Burundi biri kubaka, nikimara kuzura, abarwanyi b'imitwe yitwaje intwaro irwanya Leta y'u Rwanda, bazajya bahuriramo, bateguriremo ibitero, nibamara kubitegura bakomereze mu ishyamba rya Kibira mu Burundi bagambiriye kwinjira mu Rwanda.

Ingabo za RDC, iz'u Burundi, FDLR hamwe n'indi mitwe yitwaje intwaro yibumbiye mu ihuriro Wazalendo bisanzwe byifatanya mu bikorwa byo kurwanya umutwe witwaje intwaro wa M23 kuva mu 2023.

Leta z'ibihugu byombi zishinja u Rwanda gufasha M23 n'undi mutwe wa RED Tabara urwanya ubutegetsi bwa Perezida Evariste Ndayishimiye, zimaze igihe zigerageza guhuza FDLR na CNRD-FLN kugira ngo byifatanye mu gutera u Rwanda.

Perezida w’u Burundi yatangaje ko nta mikoranire igisirikare cye gifitanye na FDLR nubwo hari ibimenyetso bibihamya

Mu gitondo cyo kuri uyu wa Gatanu tariki ya 27 Ukuboza 2024 ni bwo Amavubi yakoze imyitozo ya nyuma itegura kuzakina na Sudani y’Epfo mu mukino wo kwishyura w’ijonjora rya nyuma rya CHAN 2024 uzaba kuwa Gatandatu Saa kumi n’ebyiri muri Stade Amahoro.

Nyuma y’iyi myitozo, abakinnyi b’Amavubi basuwe na Minisitiri mushya wa Siporo, Nelly Mukazayire ari kumwe n’Umunyamabanga Mukuru wa Leta muri Minisiteri ya Siporo, Ngarambe ndetse n’abayobozi n’ishyirahamwe ry’umupira w’amaguru mu Rwanda, FERWAFA, bari barangajwe imbere na Perezida waryo Munyantwari Alphonse.

Babaganirije ku bijyanye n’umukino w’ejo ndetse banasaba kwitwara neza bagashimisha Abanyarwanda.

Amavubi yatsinzwe umukino ubanza na Sudani y’Epfo ibitego 3-2 ndetse yamaze no gusezererwa mu gushaka itike ya CHAN 2024 nyuma yuko Sudani yo yatsinze imikino yayo ibiri yakinnyemo na Ethiopia ndetse ni na yo ihabwa amahirwe menshi yo kuba yakweguna iyi tike imwe yari ihataniwe n’ibihugu 5.

Minisitiri wa Siporo, Nelly Mukazayire yasuye Amavubi 

Abarimo Minisitiri wa Siporo baganira n’umutoza w’Amavubi, Jimmy Mulisa 

Amavubi yakoze imyitozo ya nyuma yitegura Sudani y’Epfo 

“>

Uyu muhanzi kuri uyu wa 25 Ukuboza 2025, ni bwo yari yashyize hanze iyi ndirimbo ye nshya. Iyi ndirimbo yise 'Celebration' yari yahuriyemo n'abandi bahanzi barimo Nahim na Sakrimhasa.

Li John yabwiye IGIHE ko mu gukora amashusho yayo bari bifashishije abana babyinamo, batarageza imyaka 18 bituma umubyeyi we amwandikira amusaba ko iyi ndirimbo yasibwa vuba na bwangu.

Ati 'Uyu mwana yari yagiyemo umubyeyi we atabizi, bituma arakara nyuma yo kuyishyira hanze. Ubu turi mu biganiro nibyanga tuzashaka uko yavanwamo, cyangwa tugakora andi mashusho bundi bushya.'

Yijeje abakunzi be ko mu minsi mike iyi ndirimbo izaba yasubiye kuri YouTube. Ati 'Ni impano nari nari nageneye abakunzi banjye mu minsi mikuru, rero ntabwo nakwemera ko indirimbo nabageneye iva kuri YouTube burundu.'

Reba 'Shenge'; indirimbo Li John yaherukaga gushyira hanze yumvikanamo ijwi rya Jay Polly

Li John yakuye kuri YouTube indirimbo yakoreshejemo abana batarageza imyaka y'ubukure

Abagize Inteko Ishinga Amategeko 192 batoye bemeza ko Han yeguzwa, mu gihe abatoye ibinyuranye n'ibyo bari 151.

Minisitiri w'Intebe, Han yari yafashe ubutegetsi asimbuye Yoon wegujwe n'Inteko Ishinga Amategeko nyuma yo kugerageza gushyiraho ibihe bidasanzwe mu gihugu ku wa 3 Ukuboza.

Han yagombaga kuyobora igihugu akakivana mu bihe kirimo bya politiki itameze neza, gusa abatavuga rumwe mu Nteko Ishinga Amategeko bihutiye gusaba ko yeguzwa.

Han Duck-soo wari Perezida w'Agateganyo wa Koreya y'Epfo yegujwe

Atangaje ibi, ahanini biturutse mu kuba ku mbuga nkoranyambaga, byaravuzwe cyane atabanye neza na  Bwiza. 

Knowless niwe wari umutumirwa mu gace kazwi nka ‘Meet me tonight” mu gitaramo cya Gen-Z Comedy, cyabereye muri Camp Kigali, kuri uyu wa Kane tariki 26 Ukuboza 2024.

Yaganirije urubyiruko yibanze cyane ku rugendo rwe rw’umuziki, ndetse n’amasomo yakuyemo, n’aho ashaka ko abato baganisha inganzo yabo.

Umwe mu bitabiriye iki gitaramo, yamubajije niba abanye neza na Bwiza, cyane ko atagaragaye mu bahanzi bakiriwe n’Umukuru w’Igihugu kandi nawe atuye mu Karumuna muri Bugesera.

Uyu musore yabajije ibibi, ashaka kumenya niba Knowless ariwe wari ufite mu nshingano gutumira abahanzi, noneho akaba yarasize Bwiza ku bushake.

Mu gusubiza, Knowless yumvikanishije ko nta ruhare yagize, kandi niwe wari wasabye Umukuru w’Igihugu, kuzabashakira umwanya akabasura nk’abaturanyi.

Yavuze ati “Ndagisubiza mu buryo bworoshye, kandi twese turi bakuru turabizi. Ikintu turi Kuvuga ni icyerekeranye n’Umukuru w’Igihugu, njyewe ndi Butera, ndi inde ufite ubushobozi ku buryo ubu nonaha nahaguruka nkavuga nti inkuru hano zizararangiye reka tujye kuganira na Boss (Perezida Kagame) mfite ubwo bushobozi? “

Abitabiriye bati ‘Oya” yungamo ati “Ibyo birasubiza ibintu byinshi rero. Hari ibintu bimwe na bimwe nk’abantu bakuru nk’abanyarwanda, dushobora kugiriramo urwenya cyangwa tukagira gute ariko ni bya bindi navugaga y’uko hari n’ahantu tuba tugoma kugarukira”.

Yavuze ko azi Bwiza nk’umuhanzi mwiza, kandi amwifuriza iterambere. Yavuze ko Bwiza akiri muto, kandi akomeje kwigaragaza ku isoko, bityo ntakwiye gucika intege. Ati “Nifuza kumubona ahantu kure ndetse atari we gusa.”

Knowless yavuze ko hari igihe byigeze kubaho, aho wasangaga mu bahanzi bagombaga kuririmba mu gitaramo runaka, harimo umukobwa umwe ‘ariwe njyewe, mwaba benshi mukaba babiri’.

Ati “Niyo waba ushaka gukora ngo ukire bingana gute ntabwo icyo kintu cyagushimisha ngo ujye mu irushanwa, ugasanga uri muri ‘Bus’ y’abagabo wicayemo uri umwe. Ntabwo bishobora ku gushimisha.”

Knowless yavuze ko amarushanwa yose yitabiriye, yagiye ahura n’imbogamizi zirimo kuba yarakoraga ari wenyine. Ati “Nta kibazo nta kimwe mfite nawe nta n’ikindi nagirana n’undi. Buriya ibibazo biterwa n’abantu, ariko binakemurwa n’abantu.”

 

Butera Knowless yatangaje ko nta kibazo yigeze agirana na Bwiza 

Knowless yavuze ko Bwiza n’abandi bakobwa bari kwinjira mu muziki bakwiye gushyigikirwa  

Butera Knowless yari kumwe n'umugabo we Ishimwe Karake Clement mu gitaramo cya Gen-Z Comedy 

KANDA HANO UREBE AMASHUSHO Y’INDIRIMBO ‘BEST FRIEND’ YA BWIZA NA THE BEN

“>

KANDA HANO UREBE AMASHUSHO Y’INDIRIMBO ‘UZITABE’ YA BUTERA KNOWLESS

“>

Ni icyizere yatanze mu gihe abacuruzi bakomeje kugaragaza ko imirimo yo gusuzuma ibi bicuruzwa imara igihe kinini, kuko mu gushaka ibyangombwa bibemerera kubyinjiza binyura bigo byinshi bitandukanye.

Hari ubwo ikigo gishobora gutumiza ibicuruzwa mu mahanga kigasabwa kubinyuza muri Rwanda FDA, kigakomereza mu Kigo cy'Igihugu gishinzwe Ubugenzuzi bw'Ubuziranenge, Ihiganwa mu bucuruzi no Kurengera Umuguzi (RICA), mu Kigo cy'Igihugu Gitsura Ubuziranenge, RSB cyangwa se n'ahandi.

Abacuruzi bagaragaza ko iyo ibicuruzwa binyuzwa muri ibyo bigo byose, aho usanga n'ibisubizo bisa, bituma batinda bityo ibiciro bikiyongera ku baturage kubera iyo nzira ndende.

Nka Dr. Joseph Akumuntu, uhagarariye ishyirahamwe ry'abatumiza ibicuruzwa mu mahanga ati 'Nk'urugero gutumiza amavuta bisaba kwishyura amafaranga menshi mu bigo bitandukanye nka Rwanda FDA na RICA. ibyo bigatuma ibiciro byayo byikuba kandi bitari ngombwa.'

Uko kwikuba kw'igiciro cy'ibicuruzwa Dr. Akumuntu agusobabura avuga ko igicuruzwa kimwe gishobora gusabirwa inyemezabuguzi cyangwa uruhushya mu bigo birenze bitatu, bikazagera ku baguzi bibahenze.

Minisitiri Sebahizi yemeye ko hari inzitizi ziterwa n'ubusabe bwa serivisi zisubiramo muri ibyo bigo.

Yavuze ko hari ibiganiro biri gukorwa bigamije guhuza imikorere y'ibyo bigo, ku buryo hashyirwaho urubuga rumwe rutanga serivisi zose, kandi ibyo bigo bikazajya bisangira amakuru ku buryo bizajya bikorwa na kimwe bidasabye ko rwiyemezamirimo azengurutswa mu bigo byose.

Ati 'Bizatuma umucuruzi ashobora kubona serivisi yifuza byihuse kandi byoroshye. Buri kigo muri ibi kizaba gifite amakuru yose akenewe, niba ikigo kimwe cyemeje ko igicuruzwa cyujuje ibisabwa, ibindi bigo bizabyemera nta yandi masuzuma. Bizagabanya igihe ibicuruzwa byamaraga muri gasutamo ndetse n'ikiguzi byasabaga.'

Serivisi zizahuzwa zirimo izitangwa na Rwanda FDA, RSB, RICA, Ikigo cy'igihugu gishinzwe kubungabunga ibidukikije (REMA), n'Ikigo cy'igihugu cy'Imisoro n'Amahoro (RRA).

Bizagabanya igihe ibicuruzwa byamaraga mu biro bya gasutamo, bikureho amafaranga amwe n'amwe yishyurwaga muri urwo ruhererekane, ndetse bitume ubucuruzi bworoha n'abaguzi bibagereho bitabahenze.

Minisitiri Sebahizi yijeje abatumiza ibicuruzwa mu mahanga ko bagiye gushyirirwaho uburyo buzajya bwihutisha ibicuruzwa byamaraga igihe muri gasutamo bitegereje gusuzumwa

Ni ikigo cyubatse mu Karere ka Bugesera mu Murenge wa Ntarama aho Gasore yavukiye ndetse akaharokokera Jenoside yakorewe Abatutsi mu 1994.

Mu kiganiro yagiranye na IGIHE, yagarutse ku buryo kwitangira abandi yabitangiye akiri muto n'umusaruro mwiza bimaze gutanga wagejeje ku kigo gifashirizwamo abarenga 840 biganjemo abanyeshuri kandi gitangirwamo serivisi zacyo zose ku buntu.

IGIHE: Iki kigo kinini tubona uyu munsi cyatangiye gute?

Gasore: Ibikorwa byo gufasha nabitangiye mu 2008 nkiga muri kaminuza.Twatangiye iki kigo tugira ngo duhe amahirwe angana abana bavuka mu miryango itishoboye cyangwa ifite ibindi bibazo.

Naravuze nti ahantu nk'aha mvuka hakiri ibibazo by'uburere n'uburezi ni gute nabigiramo uruhare. Twatangiye ari nk'urugo mbonezamikurire ruto nko mu myaka 11 cyangwa 12 ishize dufasha abana 125 ariko tubona abo bana bari bafite ibibazo by'imirire mibi twafashije bameze neza dutekereza gutangiza n'ikigo cy'amashuri ngo tubagumane.

Mu 2014 ni bwo twatangiye ikigo tubona ubundi butaka bwagutse bwo gukoreraho dutangirana ba bana 125 mu mashuri abanza gahunda ari uko bazayasoza bagakomereza ayisumbuye ahandi. Ni uko twatangiye ariko kuva icyo gihe ibikorwa ntibyasibye kwaguka birenze uko twabitekerezaga.

Gasore Serge Foundation ifite n’amashuri abanza

Serivisi z'urugo mbonezamikurire mwatangiriyeho ubu zihagaze gute?

Twaje gusanga kugira urugo mbonezamikurire ku bana dufashiriza hano mu kigo bidahagije. Urugo rwacu rwaje kuba urwa mbere mu Ntara y'Iburasirazuba noneho dufatanyije n'Akarere ka Bugesera twagiye mu zindi nzego z'ibanze dushakamo abana bari mu mirire mibi, tubitaho mu ivuro ryacu hano mu kigo abandi tubitaho bari mu Bitaro bya Nyamata.

Iyo bamaze kugera mu muhondo w'imirire basubira mu miryango yabo tukabakurikirana bariyo ariko ababyeyi babo bo tumara umwaka tubigisha uburyo bwo kwita ku mikurire y'abana kugira ngo icyo kibazo kitazongera.

Ubu ingo mbonezamikurire zo mu Karere ka Bugesera kose ni twe tuzikorera isuzuma dufatanyije n'izindi nzego zirimo Akarere na MIGEPROF kuko umukozi uzikurikirana umunsi ku munsi ni uwa GSF.

Uburezi mwatangiriye ku mashuri abanza ubu buhagaze bute?

Burya imyaka irihuta ba bana twatangiranye mu mashuri abanza twabonye bageze mu mwaka wa gatanu twibaza ukuntu tugiye kubarekura ngo bajye ku bindi bigo.

Twaravuze tuti reka dukubite inzu ibipfunsi dushinga amashuri yisumbuye.Twarayatangiye ubu aba mbere bageze mu wa gatatu w'icyiciro rusange.

Turabacumbikira kandi batsinda neza rwose. Mu mwaka utaha duteganya no gutangiza icyiciro cya kabiri cy'amashuri yisumbuye kizigisha amasomo ya siyansi, ay'imyuga n'ubumenyingiro kandi amashuri ubu yamaze kuzura.

Iki kigo gifite amashuri yisumbuye agezweho

Inzu mberabyombi y’iki kigo

Gushinga ivuriro byo byaje bite?

Ba bana 125 twatangiranye mu rugo mbonezamikurire kubera ibibazo by'imirire mibi, batangiye barwaragurika tukajya tujya kubavuza ahandi. Twaravuze tuti kuki tutantangiza ivuriro hano ryita ku bana cyane tukajya tubitaho ariko n'abaturage bakaza.

Twararitangiye ari na ryo rifite agashami kigisha imbonezamirire ariko hari no gukura amenyo, kuvura amaso tunacumbikira abarwayi.

Ubu muri Gashyantare uyu mwaka, twatangiye no kubyaza aho dukorana n'Ibitaro by'Akarere nk'andi mavuriro yose tugatanga na 'transfert'.

Iki kigo gifite ivuriro ryatangiye kubyaza muri Gashyantare

Mugeze he mu bikorwa bya siporo?

Mu Bugesera birazwi ko abakobwa batwara igare. Twafatanyije n'Akarere dushinga ikipe y'abakobwa y'amagare ya Bugesera kandi ubu bahagaze neza mu cyiciro cy'abakiri.

Dutoranya abana b'abakobwa bazi igare tukanabashyira mu ikipe ifite umutoza n'abatekinisiye ariko tunabarihira amashuri, uko basoza amashuri tugafata abandi kandi bahava bari ku rwego rwo kwitabira amarushanwa atandukanye.

Ikindi gikorwa dukora ni ugutegura irushanwa ryo gusiganwa ku magare ryitwa '20 kilomètres de Bugesera' buri mwaka.Ubu rimaze gukomera ku rwego rw'Akarere kandi iyo turikoze ryitabirwa n'abagera ku 3000 baturutse n'ahandi mu gihugu.

Tugiramo n'ibibuga hano mu kigo byo kwitorezamo gutwara igare abana babishaka bose baraza bakitoza mu mpera z'icyumweru.

Gasore Serge yavuze ko muri icyo kigo babonye ari ngombwa no kwita ku bakobwa babyariye iwabo aho abagera kuri 25 bigishwa kudoda buri mwaka bagahabwa imashini zibafasha kubikora.

Magingo aya, Gasore Serge aba muri Leta zunze Ubumwe za Amerika gusa ibikorwa by'ikigo bya buri munsi bikura amafaranga mu baterankunga batandukanye b'icyo kigo.

Iki kigo kandi gifite abakozi 160 bafite amasezerano y'akazi utabariyemo abandi bakora iyo akazi kabaye kenshi.

Gasore avuga kandi ko yishimira kuba ibyo yashoyemo imbaraga bigirira akamaro abaturage ndetse no kuba Perezida Paul Kagame yaramugiriye icyizere akamugira umurinzi w'igihango mu 2019.

Iki kigo giherereye i Ntarama mu Karere ka Bugesera

Iki kigo gikomeje kwaguka

Gasore Serge Foundation yagiye yaguka igira ibikorwa byinshi

Mu 2019, Gasore Serge yabaye umurinzi w’igihango

Gasore Serge yishimira aho Gasore Serge Foundation yashinze igeze

Amashusho y'iyi ndirimbo yagiye hanze kuri uyu wa Kane tariki 26 Ukuboza 2024, mu gihe habura iminsi micye The Ben agakora igitaramo cyo kumurika Album ye yise 'Plenty Love' mu gitaramo kizabera muri BK Arena, ku wa 1 Mutarama 2025. 

Iyi ndirimbo iri mu zigize Album ye nshya; ndetse ubwo yayishyiraga hanze yumvikanishije ko ari ikimenyetso gishimangira ko yabaye umwe na Pamella. Kandi ko inkuru y'urukundo rw'abo ifite ipfundo. 

Uyu mugabo yanavuze ko kwifashisha umugore we mu ndirimbo 'Ni ikimenyetso cy'imbaraga z'urukundo rwa nyarwo.' Iyi ndirimbo igiye hanze, mu gihe kuri uyu wa Gatatu tariki 25 Ukuboza 2024, ari bwo Pamella yahishuye ko yiteguye kwibaruka.

 

'True Love' ibaye indirimbo ya Kabiri, The Ben yifashishijemo Pamella, kuko yanamwifashishije mu ndirimbo 'Ni Forever' bakoreye mu bice bitandukanye byo mu Karere ka Rubavu n'ahandi. 

Iyi ndirimbo 'True Love' mu buryo bw'amajwi (Audio) yakozwe na Producer Real Beat, ni mu gihe amashusho yakozwe na John Elarts, ni nawe wakoze 'Ni Forever'. Yakorewe muri Studio ya Country Records, ari nayo yakorewemo 'Ni Forever'.

Ni mu gihe imyambaro The Ben na Pamella baserukanye muri iyi ndirimbo yahanzwe n'inzu z'imideli za Matheo ndetse na Fly Mama Africa.

The Ben avuga ko ku wa 24 Ugushyingo 2019 ari bwo bwa mbere yahuye na Pamella bahuriye mu Mujyi wa Nairobi muri Kenya.

Avuga ko icyo gihe byabaye amagambo y'urukundo yari yuzuye mu mutima we atabasha gusobanura, kandi ko umwanya bamaranye wabaye intangiriro y'urugo bagiye gushinga.

Uyu muhanzi wamamaye mu ndirimbo zirimo 'Habibi', avuga ko kuri uriya munsi, inseko n'uburyo Pamella yamuganirizaga byasize ibyishimo by'urwibutso muri we adashobora kwibagirwa. Ati 'Kuva kuri uriya munsi, umutima ntiwari ukiri uwanjye, ahubwo wahise uba uwe.'

Mu magambo ya The Ben ati '2019 Uko twahuye! Tariki 24 Ugushyingo 2019, mu mutima w'Umujyi wa Nairobi, Kenya niho ururimi rw'urukundo rwabumbukiye. Ubwiza bwe bumurikiwe n'ibijojoba by'imvura bwanyibye roho. Inseko ye n'imyitwarire itangaje byasize ishusho y'umunezero muri njye, ntari kubasha kwirengagiza.'

'Uko twahuzaga amaso, nahise mbona ahazaza ndi kumwe nawe, kuva uwo munsi umutima ntabwo wari ukiri uwanjye ahubwo wabaye uwe.'

Pamella asobanura ko bwa mbere ahura na The Ben ari umunsi adashobora kuzibagirwa. Uyu mukobwa wamamaye mu marushanwa ya Miss Rwanda, yavuze ko yahuye na The Ben ari ku munsi wa Gatatu w'icyumweru, kandi ko icyo gihe imvura yaraguye.

Akavuga ko ari ibihe byaranzwe no kurebana akana ko mu ijisho. Ati 'Ijwi rye, ubumuntu muri we, ukuntu yanganirizaga mu bitwenge, n'ukuntu yahumagara… (byubatse urukundo rwabo).'

Pamella anavuga ko hari igihe The Ben yamusohokanye bajya kureba filime, ibintu avuga ko 'byatumye mukunda kurushaho'.

Uyu mugore yumvikanisha ko ahura na The Ben yari ahatanye mu marushanwa y'ubwiza ya Miss Africa, ariko ko atigeze amuburira umwanya. Ati 'Buri gihe atuma mpora nseka, ku buryo kwihishira byangora. Ibindi bisigaye ni amateka.'

Pamella yavuze ko mu 2022 ubwo The Ben yamwambikaga impeta ari ibihe 'ntashobora kwibagirwa'. Yavuze ko icyo gihe bahuriye muri Maldives ubwo bari mu biruhuko.

Akomeza ati 'Kugeza ubu sindibagirwa bya bihe! Twagiye mu birwa bya Maldives kuko twese dukunda gutembera cyane, ubwo umukunzi wanjye yansabaga ko twabana afite impeta nziza hagati mu Nyanja y'Abahinde, navuze

'Yego' n'ibyishimo byinshi ari nako mwongorera mu matwi nti 'Mbega igihe cyiza cyo kubaho'

The Ben yifashishije Pamella mu mashusho y'indirimbo ashimangira ko bitegura kwibaruka imfura

Ni ku nshuro ya Kabiri, The Ben yifashishije umugore we mu mashusho y'indirimbo

The Ben na Pamella baherutse kwizihiza umwaka umwe ushize barushinze nk'umugabo n'umugore

 

The Ben ari kwitegura igitaramo cye bwite kizaba ku wa 1 Mutarama 2025 muri BK Arena 

KANDA HANO UREBE AMASHUSHO Y'INDIRIMBO 'TRUE LOVE' YA THE BEN

“> 

Muri izo ngemwe NAEB igiye kwinaza, harimo izingana n'ibihumbi 240 za avoka zitaterwa ku buso bwa hegitari 800 n'izingana n'ibihumbi 60 z'imyembe zizaterwa ku buso bwa hegitari 200.

Izo ngemwe za avoka zibanguriye zizaterwa mu bice bitandukanye by'igihugu mu turere twa Rusizi, Huye, Nyanza, Rwamagana na Bugesera.

Iz'imyembe zizaterwa kuri hegitari 200 z'ubutaka bwo mu turere twa Rusizi na Bugesera nk'uko The New Times yabyanditse.

U Rwanda kandi ruri guteganya ko rwakwagura ubuhinzi bwa macadamia aho NAEB igaragaza ko ingemwe z'icyo gihingwa zingana n'ibihumbi 102 zizaterwa ku buso bwa hegitari 100 bwo mu turere twa Nyamasheke, Karongi, Rusizi, Rutsiro na Rwamagana.

Umuyobozi w'ishami rishinzwe ibihingwa bishya muri NAEB, Jean Bosco Mulindi, yavuze ko iyi mishinga igamije guteza imbere imboga n'imbuto mu kongera ibyoherezwa mu mahanga no guteza imbere ubuzima bw'abakorera ubuhinzi ku buso buto.

Ati 'NAEB iri gushyira imbaraga mu kwagura ubuhinzi bw'ibihingwa bikenerwa cyane nka avoka, imyembe na patchouli hagamijwe guteza imbere ubukungu buturuka ku buhinzi n'ubworozi.'

NAEB igaragaza ko mu myaka itanu ishize kuva mu 2020-2024 umusaruro w'ubuhinzi woherezwa mu mahanga wazamutse cyane ugera ku gaciro k'arenga miliyari 4369 Frw).

Mu 2023/2024 honyine u Rwanda rwinjije arenga miliyari 1.139 Frw avuye kuri miliyari 1.163 Frw rwari rwinjije mu 2022/2023.

Guverinoma y’u Rwanda yiyemeje guteza imbere igihingwa cya avoka