Author: webrwanda

Igihugu cya Mexique yatangije gahunda yise “México te abraza” igamije kwakira no gufasha Abanya-Mexique bazasubizwa mu gihugu cyabo bitewe n'ingamba nshya zifatwa ku bimukira muri Leta Zunze Ubumwe za Amerika. 

Iyi gahunda izashyirwa mu bikorwa ku bufatanye bwa minisiteri n'ibigo bya leta 34, intara 6 ziri ku mupaka wa ruguru, ndetse n'intara 10 zo hagati no mu majyepfo ya Mexique, hagamijwe korohereza abimukira gusubira mu buzima busanzwe mu miryango yabo.

Hazubakwa ibigo icyenda bizakira abimukira ku mupaka, harimo amatenti azashyirwa ahaparika imodoka, mu byanya by'imikino no mu bubiko bunini. Minisiteri y'Ingabo za Mexique izatanga serivisi z'ibiribwa binyuze mu gikoni kigendanwa ndetse inashinzwe umutekano muri ibyo bigo. 

Abimukira bazahabwa kandi “Tarjeta Bienestar Paisano” irimo amafaranga angana na 2,000 pesos (hafi $100) yo kubafasha kugera mu ngo zabo, hamwe n'ubufasha mu byerekeye serivisi z'ubuzima, amahugurwa, no kubona akazi.

Perezida Claudia Sheinbaum Pardo yibukije abimukira ko batari bonyine, abasaba kugira ituze mu gihe gahunda “México te abraza” izashyirwa mu bikorwa. Yijeje ko guverinoma ya Mexique izakora ibishoboka byose mu kubafasha gusubira mu buzima busanzwe. 

Yavuze kandi ko iyi gahunda izafasha mu guhangana n'ibibazo by'ubukene n'imibereho mibi bikunze kugaragara ku bimukira.

Mu rwego rwo kunoza iyi gahunda, abimukira basabwe gukurikiza amabwiriza y'inzego z'umutekano n'ubuyobozi kugira ngo gahunda izagerweho neza kandi bazagaruke mu gihugu cyabo mu mutekano n'ituze. Ubufatanye bw'inzego zitandukanye mu ishyirwa mu bikorwa ry'iyi gahunda buratanga icyizere cyo kugera ku ntego zayo nk’uko bitangazwa na New York times 

Umwanditsi: Kubwayo Jean de la Croix 

Ibyo birori, byabereye mu Bwongereza tariki ya 29 Nyakanga 2024, byari byitabiriwe n'abana benshi bakunda umuhanzikazi Taylor Swift. Axel Rudakubana yemereye imbere y'urukiko rwa Liverpool ko yishe abana batatu bari bitabiriye ibyo birori. Abana bishwe ni Alice da Silva Aguiar w'imyaka 9, Bebe King w'imyaka 6, na Elsie Dot Stancombe w'imyaka 7.

Rudakubana yanemeye kugerageza kwica abandi bantu 10 barimo abana umunani hamwe na mwarimu wabo Leanne Lucas na John Hayes, umucuruzi wari hafi aho. 

Yanemeye icyaha cy'iterabwoba gikomoka ku nyandiko ya 'pdf' y'inyigisho z'umutwe w'iterabwoba wa Al Qaeda, zabonywe n'abashinzwe iperereza ubwo bamusakaga. Yahise akatirwa imyaka 52 nyuma yo kwemera icyaha, bityo yirinda kujyanwa mu rubanza rwuzuye.

Mu rukiko, amashusho ya CCTV yerekanye abana bagerageza guhunga, umwe w'imyaka umunani akururwa asubizwa mu nyubako na Rudakubana. Ibyo byateye agahinda gakomeye abari mu cyumba cy'urubanza. Umwe mu barokotse yagize ati: 'Ndagufata nk'umugome utagira impuhwe. Ndagusaba umbwire impamvu wabikoze.'

Ababyeyi b'abana bishwe bagaragaje agahinda kabo, nk'uko byatangajwe n'ababyeyi ba Alice Silva Aguiar bati: “Ubuzima bwacu bwarahagaze igihe twaburaga umwana wacu Alice,”.

SKY News ivuga ko abakora iperereza bavuze ko Rudakubana yakoze aya mahano ku bushake, bikaba byarabaye intandaro yo guhagarika ibyo birori byari bigamije gutanga ibyishimo.

Urupfu rw’aba bana bazize akarengane, rwashavuje benshi mu Bwongereza no ku Isi yose, cyane ko byabereye mu birori byari bigamije guha abana umwanya wo kwidagadura no kugaragaza urukundo rukomeye bafitiye umuhanzikazi Taylor Swift.

Uyu musore w’umwogereza ufite inkomoko mu Rwanda, yakatiwe mu buryo bukomeye kugira ngo bimere nk'isomo ku bandi bagerageza gukora ibyaha nk'ibi. Urukiko rwagaragaje ko icyaha yakoze gikomeye, cyane ko cyahitanye ubuzima bw'inzirakarengane.

Amakuru avuga ko yari gukatirwa burundu ariko kubera ko yari afite imyaka 17 ubwo yakoraga iki cyaha, ni yo mpamvu yakatiwe igifungo cy’imyaka myinshi. Abasesenguzi bavuga ko mu mategeko y’u Bwongereza, icyaha cya burundu gihabwa umuntu ufite imyaka 21 kuzamura.

Urupfu rw’abana batatu bishwe mu 2024 rwashavuje benshi

Alex Rudakubana yakatiwe igifungo cy’imyaka 52

Abana bishwe bari bitabiriye ibirori byo kwidagadura no kwizihiza Taylor Swift baririmba indirimbo ze

Umwanditsi: Kubwayo Jean de la Croix & Irene Tuyihimitima

Trump yashinje Panama gusoresha ubwato bwa Amerika umusoro uhanitse no kubangamira ingendo zabwo zinyura mu bunigo bwa Panama, mu ngendo zibangamirwa hakabamo n'ingendo z'ubwato bw'intambara bwa Amerika.

Ku rundi ruhande, Trump yashinje Panama guha u Bushinwa ubugenzuzi bw'ubu bunigo, agahamya ko bibangamira inyungu za Amerika bityo ko ishobora kubwisubiza.

Iyi ngingo Perezida Trump yayigarutseho mu Ijambo yavuze amaze kurahirira kuyobora Amerika, aho yashimangiye ko Amerika ishobora kwisubiza Panama, ikintu atari avuze ku nshuro ya mbere.

Nyuma y'iryo jambo, Panama yahise isohora itangazo ryamagana ibyatangajwe na Perezida Trump, ivuga ko ifite ubudahangarwa busesuye kuri ubu bunigo.

Ibi ahanini ni byo byasunikiye Umunyamabanga wa Leta Zunze Ubumwe za Amerika ushinzwe Ububanyi n'Amahanga, Marco Rubio, gukorera urugendo rwa mbere rwo hanze y'igihugu muri Panama.

Rabio kandi azasura Guatemala, El Salvador na Costa Rica. Byitezwe ko uru ruzinduko ruzaba mu mpera za Mutarama n'intangiriro za Gashyantare.

Hari abafashe uru ruzinduko nk'ikimenyetso gikomeye cy'uburemere Amerika iha iki kibazo, ku buryo hari n'abatekereza ko iki gihugu gishobora gukoresha imbaraga za gisirikare mu gushyira mu bikorwa icyifuzo cya Trump cyo kwigarurira ubunigo bwa Panama.

Ubu binigo bwatangiye kubakwa n'u Bufaransa mu 1881 ariko buhagarika iyo mirimo mu 1890 kubera uburyo iki gikorwa cyari kigoye kandi gihitana abantu benshi.

Mu 1904, Perezida Theodore Roosevelt wayoboraga Amerika yategetse iyubakwa ry'ubu bunigo, bwuzura mu 1914. Mu 1999, ni bwo Panama yatangiye kubugenzura mu buryo bwuzuye kugeza n'ubu.

Marco Rubio agiye gusura Panama

Abafite imodoka bazandikisha kuri uru rubuga bigaherekezwa n'igiciro cyazo n'andi makuru y'ibanze, abashaka kuzikodesha bo bakajyaho buzuza ibikenewe no guhitamo imodoka bifuza. Ibi byose bikorwa umuntu yabanje gufunguzaho konti.

Gukoresha uru rubuga ni ubuntu, kandi aho waba uri hose mu gihugu ushobora gushakiraho imodoka. Rubonekaho iz'ibigo 12 bikomeye mu Rwanda bisanzwe bizobereye muri serivisi zo gukodesha imodoka.

Rwatangijwe ku mugaragaro ku wa 1 Mutarama 2025. Mu minsi 22 ya mbere, hari hamaze gushyirwaho imodoka zirenga 60 zo mu byiciro bitandukanye.

Abantu ibihumbi 21 ni bo bari bamaze gusura urubuga, mu gihe 327 muri bo bari bamaze gufunguzaho konti.

Mbabazi Jean Paul washinze Ikigo Umunota Plus gifite mu nshingano urubuga rwa Umunota.rw, yavuze ko mu bisubizo bazanye harimo kubona imodoka igihe uyishakiye, ukayikoresha umwanya wifuza kandi byose mu buryo bworoshye.

Ati 'Ubu biragoye ko gushaka imodoka wayibona mu buryo bworoshye. Ikindi ni uko uburyo bukoreshwa mu kuzibona bugoye kuko ubu ushaka imodoka nk'amasaha atanu bigoye kuyibona kuko abenshi bahera ku munsi,'

'Ikindi ni uko byari ugushaka igisubizo ku kibazo cy'ubushomeri, nk'ubu dufite aba-agent 40 mu gihugu hose. Urumva byari uburyo bwo guteza imbere abantu benshi, kuko ubu ni urubuga rushobora kuzaha akazi abantu barenga 100 mu ngeri zitandukanye.'

Mbabazi Jean Paul washinze Ikigo Umunota Plus gifite mu nshingano urubuga rwa Umunota.rw, yavuze ko mu bisubizo bazanye, harimo kubona imodoka igihe ushakiye

Kuri uru rubuga, hari uburyo bwo gukodesha imodoka kuva ku isaha imwe kuzamura. Haba hari amahitamo y'uko bayigusangisha aho uri cyangwa ukajya kuyifatira.

Haba hari n'amahitamo yo kuyihabwa irimo lisansi cyangwa ukayigurira. Igiciro cyayo ukibona ku rubuga, hakaba uburyo bwo kwishyura hifashishijwe ikoranabuhanga na ryo ryo kuri uru rubuga cyangwa ugakoresha uburyo busanzwe.

Magingo aya abashaka serivisi bazibona banyuze ku rubuga rusanzwe (website), ariko muri Gashyantare 2025, hazamurikwa porogaramu za telefoni zaba iza IOS na Android.

Ubu urubuga ruboneka mu rurimi ry'Icyongereza, ariko hari gahunda yo kurushyira mu ndimi z'Ikinyarwanda n'Igifaransa.

Ku muntu ukeneye gukodesha imodoka, asabwa kwinjira ku rubuga, akabazwa aho ari [kugira ngo aze guhabwa imodoka zimwegereye], akabazwa amatariki y'igihe ayikenereye n'igihe cyo kuyigarura.

Nyuma yo kwemeza, ahita abona imodoka hashingiwe ku makuru yatanze. Iyi porogaramu ikoresha ikoranabuhanga rya 'machine learning'.

Ku muntu ukeneye ko imodoka ye ikodeshwa, na we iyo afunguye urubuga, akanda ahabugenewe 'list your car', nyuma akabazwa amakuru y'imodoka n'ibiciro byayo.

Mbabazi Jean Paul, yavuze ko n'ubwo Isi iri mu bihe amakuru bwite ya muntu aba afite ibyago byinshi byo kwibasirwa ku ikoranabuhanga, nta wuzajya akoresha uru rubuga ukwiye kugira impungenge.

Ati 'Urubuga rwacu rurarinzwe ku buryo utabifitiye uburenganzira atagera ku makuru y'abandi.'

Yavuze ko mu minsi iri imbere bashobora kuzashyiraho n'uburyo bwo gukoresha abashoferi ariko badafite imodoka cyane cyane urubyiruko, ku buryo uzajya ushaka imodoka n'umushoferi na we azajya ahabwa serivisi akeneye.

Mbabazi Jean Paul yavuze ko mu byo bifuza kugeraho binyuze muri uru rubuga harimo no guhanga imirimo

Iyi Kompanyi isanzwe izwiho ubudasa mu kwakirana ubwuzu abayigana, ubu noneho yafunguye hoteli y'inyenyeri eshanu i Nairobi muri Kenya, mu rwego rwo gukomeza kugeza kuri benshi serivisi zabo ntagereranwa mu kwakira abashyitsi, no guhuza ubwiza bw'umuco wo muri Kenya n'ibyiza Hyatt Regency ihishiye abakunda gukora ingendo mu bihugu binyuranye by'umwihariko muri Kenya.

Abifuza kugana Hyatt Regency, bitege kuzahasanga ibyumba byiza bijyanye n'igihe kandi biteye mu buryo bufasha buri wese kuruhuka neza, ibyo kurya bitandukanye kandi bibereye ijisho, ndetse na serivisi zinoze mu gihe cyose wifuza kuhamara.

Hyatt Regency Nairobi Westlands iherereye hagati mu mujyi wa Nairobi ahazwi nko mu cyanya cy’ubucuruzi, ikaba yaje ari igisubizo ku bahasura ndetse na ba mukerarugendo basura Inzu Ndangamurage y’Igihugu ‘Nairobi National Museum,’ Ishyamba rya Karura, inyamanswa zo muri pariki ya Nairobi n’ahandi.

Umuyobozi Mukuru wa Hyatt mu Burasirazuba bwo hagati no muri Afurika, Stephen Ansell yavuze ko ari ibyo kwishimirwa kuba babashije gufungura hoteli nk’iyi muri Kenya, ashimangira ko iyi ari intambwe ikomeye mu iterambere rya Hyatt ku isoko rya Afurika.

Ati: “Twiyemeje kwaguka no guhaza ibyifuzo bitandukanye by’abakora ingendo. Twiteguye guha abanyamuryango n’abakiliya bacu amahitamo menshi ku Isi hose.”

Ni mu gihe Umuyobozi mukuru wa Hyatt Regency Nairobi Westlands, Igor Jovovic yagize ati: “Twishimiye gutangaza ko hafunguwe Hyatt Regency Nairobi Westlands, aho abashyitsi bashobora kugirira ibihe byiza cyane.'

Igor yakomeje avuga ko aho iyi hoteli iherereye, ari ahantu heza cyane ku babagana kuko babasha kwibonera ibyiza nyaburanga byose bitatse igihugu cya Kenya. Yavuze ko bari gukora ibishoboka byose ku buryo Hyatt Regency Nairobi Westlands hagomba kuba hamwe mu hantu ku Isi uzatemberera ukahagirira ibihe byiza utazigera wibagirwa mu buzima bwawe.

Mu rwego rwo kwita ku byifuzo by'abakiliya babo, iyi hoteli ifite ibyumba 219 birimo 147 bya 'Guestrooms & Suites,' ndetse n'ibindi 72 bya 'Apartments.' 

Ni ibyumba byiza kandi binini, birimo ibikoresho byose nka Televiziyo igufasha kutagira irungu, Wi-Fi yihuta cyane, hamwe n'ubwogero bujyanye n'igihe. Abakunda ikawa n'icyayi nabo batekerejweho, ndetse n'abifuza kuhakorera akazi na bo baroroherezwa.

Ku bifuza gucumbika muri Hyatt Regency Nairobi Westlands, hari amahitamo menshi y'ibyabafasha kumererwa neza, birimo gahunda zinyuranye za siporo, Sauna, 'pool' ku bakunda koga, n'izindi serivisi nyinshi kandi nziza ku buzima bwa muntu.

Hyatt Regency Nairobi Westlands yaje ari igisubizo ku bategura inama n'abafite ibirori bakenera ahantu hisanzuye ho gukorera, kuko bafite ahantu hagari habugenewe aho uhahagaze aba yitegeye ubwiza bw'Umujyi wa Nairobi.

Kompanyi ya Hyatt Regency, izwiho uburambe mu kugira amahoteli akomeye ndetse n'ahantu heza ho kuruhukira (Resorts), aho imaze gufungura ahantu hagera kuri 230 mu bihugu 40 biherereye hirya no hino ku Isi.

ku bindi bisobanuro, wasura urubuga rwabo arirwo www.hyatt.com, ari nako ukurikira imbuga nkoranyambaga zabo zirimo Facebook, Instagram na X [Twitter], hose bitwa @HyattRegency.

Ubwiza bwa Hoheli ‘Hyatt Regency Nairobi Westlands’ yafunguwe ku mugaragaro 

Ibyumba byaho ni byiza kandi ni bigari

Abakunda koga na bo batekerejweho

Umuyobozi Mukuru wa Hyatt muri Afurika no mu Burengerazuba bwo hagati, Stephen Ansell yavuze ko hoteli nshya bafunguye isobanuye byinshi ku iterambere ryabo ku isoko rya Afurika

Umuyobozi wa Hyatt Regency Nairobi Westlands yatangaje ko iyi hoteli igiye kuza mu za mbere nziza ku Isi

Yashyinguwe kuri uyu wa Kane tariki 23 Mutarama 2025 mu irimbi ryo kuri Mont Kigali, ni nyuma y’umuhango wo kumusezeraho wabereye i Nyamirambo mu Mujyi wa Kigali aho yari asanzwe abana n’umubyeyi we (Nyina).

Yitabye Imana tariki 21 Mutarama 2025, nyuma y’amasaha macye yari ashize agejejwe mu bitaramo bya Masaka aho abaganga bari bagaragaje ko ari indwara ya 'Typhoïde'.

Mu burwayi bwe, yaranzwe no gukomera, ariko kandi mu minsi ye ya nyuma umubiri wagiye ucika intege, kugeza ubwo yari yaratakaje ubushobozi bwo kumva no kuvuga nk’ibisanzwe.

Ubuhamya bw’abo babanye mu bihe bitandukanye, bwiganje cyane ku kumvikanisha uruhare rwe mu rugendo rw’umuziki w’u Rwanda, ndetse n’uburyo yagiye abanira neza abantu banyuranye.

Dj Theo azakomeza kuzirikanwa nk’umwe mu bantu batumye impano ya Kitoko Bibarwa [Kitoko] imenyekana cyane kugeza n’uyu munsi. Uyu mugabo kandi yagiye agira uruhare mu kuzamura abarimo umuraperikazi Young Grace.

Theo yanavuzwe cyane mu itangazamakuru nyuma y’uko yari yashyize imbere ibijyanye no kuvanga imiziki. Yabaye Dj wihariye w’itsinda rya Just Family ryatandukanye, ndetse yabaye Dj w’umuraperi Riderman igihe kirekire.

Theo niwe wafashije Brianne kuvamo Dj ukomeye muri iki gihe, ni nyuma y’uko amukuye mu tubari n’ahandi yakoreraga. Ni nawe wafashije impano ya Dj Tasha kumenyekana, n’abandi barimo Dj Fabiola na Dj Cyusa.

Uyu mugabo yari yanashoye imari mu bijyanye no gukodesha ibyuma by’umuziki. Ndetse ari mu bagiraga uruhare mu rugendo rw’inzu ifasha abahanzi mu bya muzika ya Kikac Music Label ibarizwamo Bwiza.

Mu burwayi bwe, Dj Theo yarwaje na Murumuna w’umuhanzi Mico The Best ndetse na Dj Fabiola. Yari yabanje kwivuriza ku bitaro byo kwa Nyirinkwaya, nyuma ajya kwivuriza mu Bitaro bya Masaka.

Mu 2000, Dj Theo w’imyaka 41 y’amavuko yavuzaga ingoma mu rusengero, ni mu gihe mu 2003 ari bwo yatangiye urugendo rwo kuba Dj- Yacurangiye abahanzi bakomeye nka The Ben, Meddy, Butera Knowless n’abandi.

Uyu mugabo yavukiye mu Rwanda, ariko akurira mu Burundi. Yari umwana w’ikinege mu muryango. Ariko hari umukobwa yafataga nka Mushiki we, kuko yarerewe mu muryango umwe nawe.

Theo yari afite inzozi zo kuzavamo umutekinisiye, ariko byarangiye ahisemo akazi ko kuvanga imiziki. Ni umwe mu babarizwaga mu ishyarahamwe ry’abantu batwara motto nini cyane.

Yize amashuri abanza, ndetse agisoza ayisumbuye yahise yinjira mu bijyanye n’amasomo yamufashije kuvamo umutekinisiye n’ubwo umuryango utabyumvaga neza. Dj Theo yakoreye igihe kinini muri Cadillac. Nyuma ye haje abandi ba DjBisoso, Dj Adams, Dj Khalim, Dj Pius n’abandi.

Igitaramo cya mbere yacuranzemo cyari icya Famil Squad cyabereye muri Saint Andre; icyo gihe umuhanzi Mukuru wa Riderman, ni mu gihe King James yari umuraperi n'aho Kasirye Martin uzwi nka MC Tino, niwe wari umushyushyarugamba.

Dj Theo yasezeweho bwa nyuma kuri uyu wa Kane tariki 23 Mutarama 2025 mu muhango wabereye i Nyamirambo

Umubyeyi wa Dj Theo, yavuze ko yatunguwe n’urupfu rw’umuhungu we kuko bamubwiraga ko atarwaye cyane

Tidjara Kabendera ari kumwe na Senderi Hit mu muhango wo guherekeza Dj Theo 

Riderman yavuze uburyo yabanye igihe kinini na Dj Theo, ndetse n’imikoranire yabaranze

Anitha Pendo yatanze ubuhamya, avuga ukuntu yamenyanye mu 2012 ubwo yamwigishaga umwuga wo kuvanga imiziki

Director Fayzo wakoranye igihe kinini na Dj Theo [Uri iburyo] ndetse na Bahati Makaca

Imibare ya hafi igaraza ko Dj Theo yakoranye bya hafi n’abahanzi barenga 50ndetse na ba Dj barenga 50 barimo nka Dj Bisoso na Dj Anitha Pendo

Umukinnyi wa filime nka ‘Njuga’ [Uri hagati] ari mu baherekeje Dj The bwa nyuma

Dj Theo yatangiye urugendo rwo kuvanga imiziki mu 2003, nyuma yo kuganzwa n’impano yawe yari muri we

Dr Kintu uri mu bari baratangije inzu ifasha abahanzi mu bya muzika ya Kikac akaza kuyivamo-Muri iki gihe afasha Bebe Cool mu muziki

Umuraperi Riderman ari kumwe na Senderi Legend wamamaye mu bihangano binyuranye

Kasirye Martin wamamaye nka MC Tino yakoranye na Dj Theo kuva mu 2003, yasezeyeho bwa nyuma

Producer Niz Beat [Uri iburyo wambaye ishati yerurutse] yasezeye kuri Dj Theo

Umukinnyi wa filime akaba n’umunyarwenya, Mugisha Emmanuel wamamaye nka Clapton Kibonge yasezeye kuri Dj Theo

Dj Theo yabarizwaga mu ishyirahamwe ry’abantu batwara Motto nini zifite imiterere itangaje

Umuraperi Danny Nanone [Uri iburyo] yasezeye kuri Dj Theo

Umukuru w’umurango [Wambaye ikote] yavuze ko yamenye inkuru y’urupfu rwa Dj Theo ari mu modoka

Umuhanzi akaba n’umwanditsi w’indirimbo, Mico The Best yasezeye ku nshuti ye y’igihe kirekire Dj Theo

Umuraperikazi wamamaye nka Young Grace

Dj Bisoso wakoranye igihe kinini na Dj Theo yamusezeyeho

Kanda hano ubashe kureba Amafoto menshi yaranze umuhango wo guherekeza Dj Theo

AMAFOTO: Serge Ngabo- InyaRwanda.com

Yabigarutseho ubwo yagiranaga ibiganiro n'Abadepite bagize Komisiyo y'Ubumwe bw'Abanyarwanda, Uburenganzira bwa muntu no gukumira Jenoside ku byagaragajwe na raporo y'ibikorwa bya Komisiyo y'Igihugu y'Uburenganzira bwa Muntu by'umwaka wa 2023-2024.

Yavuze ko muri ayo madosiye yashyikirijwe Ubushinjacyaha, harimo abasambanyijwe 4.849, abakobwa ni 4.646 n'abahungu 203, mu gihe abakekwaho icyo cyaha ari 4.901 barimo 4.767 b'abagabo n'abagore 134

Dr. Murangira yagaragaje ko impamvu imibare y'abakekwa iruta imibare y'abasambanyijwe ari uko hari ubwo usanga dosiye imwe ishobora gukekwamo abantu barenze umwe.

Ati 'Urebye abakekwaho gusambanya ibyaha ni bo benshi kuri bariya basambanyijwe. Ni uko hari igihe usanga hari dosiye imwe ishobora kubamo ukekwa urenze umwe.'

Umunyamabanga Mukuru w'Urwego rw'Igihugu rw'Ubugenzacyaha, RIB, Col Jeannot Ruhunga, yagaragaje ko kugenza icyaha cyo gusambanya abana atari ibintu byoroshye bitewe n'imiterere yacyo ndetse n'ibimenyetso biba bikenewe.

Abo badepite basabye Ubuyobozi bw'Urwego rw'Igihugu rw'Ubugenzacyaha RIB kugaragaza ingamba zihari zigamije gukumira icyaha cyo gusambanya abana gikomeje kwiganza mu muryango nyarwanda.

Abadepite bagaragaje ko hari ibyagiye bigaragara birimo kuba abana basambanyijwe badahabwa ubutabera bukwiye, kuba imibare y'abasambanywa ikomeje gutumbagira n'ibindi.

Umunyamabanga Mukuru RIB yagaragaje ko mu gihe inzego zose zafasha mu kugabanya umubare w'abana bagita ishuri byafasha mu kugabanya ingano y'ibyaha bimwe na bimwe bikorwa birimo n'icyo.

Yagaragaje ko imibare yerekana ko abantu bafunzwe baba abari mu magororero no muri za kasho zitandukanye, 80% byabo usanga ari abatarageze mu mashuri yisumbuye.

Yerekanye ko zimwe mu mbogamizi zikunze kubaho zituma bamwe mu bana basambanywa badahabwa ubutabera nk'uko bikwiye harimo abaceceka ntibatange ibirego, abatinda gutanga ikirego, bakabitanga ibimenyetso bitakigaragara, n'abo usanga basambanyijwe ariko bari hejuru y'imyaka 18 cyangwa abahishira ababibakoreye.

Depite Mushimiyimana Lydia yabajije ikiri gukorwa ngo icyo cyorezo gihagarare burundu.

Col Jeannot Ruhunga yagaragaje ko hari ingamba nyinshi zigamije gukumira icyo cyaha zirimo no gukora ubukangurambaga hirya no hino mu gihugu, hagaragazwa ububi bw'ibyo byaha.

Ati 'Dufite uburyo bwinshi tujya muri iyo gahunda yo gukumira, gukora ubukangurambaga cyane cyane aho tubona icyo cyaha cyiganje tugahugura abayobozi b'inzego z'ibanze mu buryo bwo gutahura n'ingaruka zo kutamenyekanisha icyo cyaha. Tujya mu mashuri, nk'ubu nabaha urugero rw'ibyaha tutari tumenyereye kubonera ibirego aho abana basigaye barega ababyeyi, akarega se, musaza we cyangwa nyirarume wamufashe ku ngufu.'

Yakomeje avuga ko nyuma yo gukora ubukangurambaga hagiye hagaragara ko n'abana batinyuka, aho usanga n'abana b'abahungu basambanyijwe basigaye bamenya gutanga ibirego.

Ati 'Abana b'abahungu bafatwaga ku ngufu ntibavuge ariko uko tugenda dukora ubukangurambaga bagenda babona ko ari ibyaha, ibyo byose bigenda byongera imibare y'ibyaha bigenda bivugwa. Si icyorezo gishya ahubwo ni uko abantu bagenda batinyuka.'

Umushinjacyaha Mukuru w'u Rwanda, Habyarimana Angelique, yavuze ko bijyanye n'imiterere y'icyaha cyo gusambanya abana usanga iyo bigeze mu nkiko uru rwego rutsindwa imanza ku kigero cyo hejuru, bigendanye n'uko hari ubwo ibimenyetso bibura.

Ati 'Biragaragara ko ibi byaha byo gusambanya abana ku bijyanye n'ikigero dutsindiraho imanza biba biri ku kigero cyo hasi ugereranyije n'ibindi byaha muri rusange. Kuri dosiye 100 turegera urukiko 93 turazitsinda, tugatsindwa zirindwi ariko iyo bigeze kuri ibi byaha bijyanye no gusambanya abana kubera ingorane nyinshi zirimo ntabwo ari cyo kigero dutsindiraho. Bivuga ko imiterere y'icyaha ubwacyo n'uburyo gikurikiranwa gisaba ikintu cy'umwihariko.'

Yagaragaje nyuma yo gusambanywa hari ubwo usanga abasambanyijwe baterwa ipfunwe n'ibyo bakorewe kuko kenshi baba badashaka kumenyekana, bityo ko haba hagomba kubaho kwiyemeza kugenza ibyo byaha n'inzego z'ubutabera bitabaye ngombwa ko ziregerwa.

Yavuze ko nyuma yo gusambanywa hari ubwo abana baba bagize ihungabana bityo baba bakeneye gufashwa no kwitabwaho, yemeza ko atari ikibazo cyakemurwa n'urwego rw'ubutabera gusa, ahubwo hakenewe ubufatanye bw'inzego zinyuranye.

Trump yashinje Panama gusoresha ubwato bwa Amerika umusoro uhanitse no kubangamira ingendo zabwo zinyura mu bunigo bwa Panama, mu ngendo zibangamirwa hakabamo n'ingendo z'ubwato bw'intambara bwa Amerika.

Ku rundi ruhande, Trump yashinje Panama guha u Bushinwa ubugenzuzi bw'ubu bunigo, agahamya ko bibangamira inyungu za Amerika bityo ko ishobora kubwisubiza.

Iyi ngingo Perezida Trump yayigarutseho mu Ijambo yavuze amaze kurahirira kuyobora Amerika, aho yashimangiye ko Amerika ishobora kwisubiza Panama, ikintu atari avuze ku nshuro ya mbere.

Nyuma y'iryo jambo, Panama yahise isohora itangazo ryamagana ibyatangajwe na Perezida Trump, ivuga ko ifite ubudahangarwa busesuye kuri ubu bunigo.

Ibi ahanini ni byo byasunikiye Umunyamabanga wa Leta Zunze Ubumwe za Amerika ushinzwe Ububanyi n'Amahanga, Marco Rubio, gukorera urugendo rwa mbere rwo hanze y'igihugu muri Panama.

Rabio kandi azasura Guatemala, El Salvador na Costa Rica. Byitezwe ko uru ruzinduko ruzaba mu mpera za Mutarama n'intangiriro za Gashyantare.

Hari abafashe uru ruzinduko nk'ikimenyetso gikomeye cy'uburemere Amerika iha iki kibazo, ku buryo hari n'abatekereza ko iki gihugu gishobora gukoresha imbaraga za gisirikare mu gushyira mu bikorwa icyifuzo cya Trump cyo kwigarurira ubunigo bwa Panama.

Ubu binigo bwatangiye kubakwa n'u Bufaransa mu 1881 ariko buhagarika iyo mirimo mu 1890 kubera uburyo iki gikorwa cyari kigoye kandi gihitana abantu benshi.

Mu 1904, Perezida Theodore Roosevelt wayoboraga Amerika yategetse iyubakwa ry'ubu bunigo, bwuzura mu 1914. Mu 1999, ni bwo Panama yatangiye kubugenzura mu buryo bwuzuye kugeza n'ubu.

Marco Rubio agiye gusura Panama