Author: webrwanda

Yabigarutseho kuri uyu wa Kane tariki 25 Mutarama 2025, ubwo yaganirizaga abitabiriye igitaramo cy'urwenya cya Gen-Z Comedy, cyabereye ahazwi nka Camp Kigali. Ni ubwa mbere uyu muhanzi yari yitabiriye iki gitaramo, gihuza cyane cyane urubyiruko, ndetse yumvikanishije ko ari ishema kuri we kuba yatumiye.

Iki gitaramo cyari mu rugendo rwo kumenyekanisha Album ye 'Colorful Generation' aherutse gushyira ku isoko, kuva tariki 17 Mutarama 2025. Iriho indirimbo 20, ndetse agaragaza ko yazikuye mu ndirimbo 200 yahimbye mu bihe bitandukanye.

Imbere y'abitabiriye iki gitaramo, Bruce Melodie yumvikanishije ko yanyuze muri byinshi mu ikorwa ry'iyi Album, ndetse yihaye intego y'uko atazigera ava mu muziki.

Mu bihe bitandukanye, uyu muhanzi yumvikanye avuga ko Niyomugabo Philémon amufata nk'umuhanzi w'umuhanga u Rwanda rwagize, ashingiye ku bikorwa bye. Ndetse yabwiye abitabiriye iki gitaramo ko mu rwego rwo kumuha icyubahiro, yifashishije uburyo yacurangagamo gitari, abyumvikanisha mu ndirimbo 'Nari nziko uzagaruka' yahimbiye umubyeyi we.

Ati 'Niyomugabo ni byo ndamukunda. Ni umuhanzi w'umuhanga wabayeho mbere, indirimbo nakoze ngendeye ku bintu nakoze/ Ku bihangano bye iri kuri Album nasohoye 'Colorful Generation', nimuza kumva gitari iri mu ndirimbo 'Nari nzi ko Uzagaruka' kuri 'Colorful Generation murabyumva nyine.'

Niyomugabo Philemon yari umuhanzi w’umunyarwanda wamenyekanye cyane mu myaka ya 1990 kubera indirimbo ze zifite ubutumwa bwimbitse.

Yavutse mu mwaka wa 1969 mu yahoze ari Komini Mabanza, Perefegitura ya Kibuye (ubu ni mu Karere ka Karongi, Intara y’Iburengerazuba). Yatangiye urugendo rwe rw’ubuhanzi akiri muto, aho yize gucuranga gitari mu ishuri ry’icyumweru, akomereza mu ishuri ry’ubugeni rya Nyundo, aho yakomeje gutyaza impano ye mu muziki.

Mu ndirimbo ze zakunzwe cyane harimo “Zirikana ibanga”, “Nanjye ndakunda”, “Munsabire”, “Habwa impundu”, “Nzagukurikiza”, n’izindi nyinshi zagarukaga ku butumwa bw’urukundo, ukwemera, n’ubuzima busanzwe. Indirimbo “Munsabire” yamenyekanye cyane, ikaba yarasohotse mu myaka ya 1990. 

Niyomugabo yakoze impanuka y’imodoka mu Buholandi mu mwaka wa 2001, ari na ho yitabye Imana. Yasize umugore we, Jacqueline Jados, n’umuhungu umwe witwa Oliver Niyomugabo.

Ibihangano bye biracyakunzwe kandi byasigaye bifite agaciro gakomeye mu muziki nyarwanda, aho bikomeje gusubirwamo n’abahanzi batandukanye ndetse bikifashishwa mu birori bitandukanye. Urugero ni indirimbo “Nanjye ndakunda” yakunzwe cyane kandi igasubirwamo kenshi.

 

Niyomugabo Philemon yibukwa nk’umuhanzi w’umuhanga wagize uruhare rukomeye mu iterambere ry’umuziki nyarwanda, cyane cyane mu ndirimbo zifite ubutumwa bwimbitse kandi bwubaka. 

Bruce Melodie yatangaje ko mu ikorwa ry'indirimbo 'Narinziko uzagaruka' bacuranze gitari nk'uko Niyomugabo Philemon yabikoraga mu rwego rwo kumuha icyubahiro 

Bruce Melodie yaganirije abitabiriye igitaramo cya Gen-z Comed ashingiye ku ikorwa rya Album ye 'Colorful Generation'

Bruce Melodie yavuze ko indirimbo 20 ziri kuri Album ye zavuye mu ndirimbo 200 yakoze 

Bruce Melodie yagiranye ikiganiro na Fally Merci utegura ibitaramo bya Gen-Z Comedy, aganiriza urubyiruko ku rugendo rwe rw'ubuzima 

Bruce Melodie yavuze ko adateza kureka gukora umuziki, kuko ari ubuzima bwe bwa buri munsi 

Bruce Melodie yavuze ko yishimiye gutaramana n'abitabira ibitaramo bya Gen-Z Comedy

 

Niyomugabo Philemon yabaye umuhanzi w'icyatwa, ndetse ibihangano bye biracyumvikana n'ubu hirya no hino

KANDA HANO UBASHE KUMVA INDIRIMBO 'NARI NZIKO UZAGARUKA' YA BRUCE MELODIE

“>KANDA HANO UBASHE KUMVA ZIMWE MU NDIRIMBO ZA NIYOMUGABO PHILEMON

“>

Uyu mugabo yabigarutseho mu ijoro ryo kuri uyu wa Kane tariki 23 Mutarama 2025, mu gitaramo cy'urwenya [Gen Z Comedy] cyabereye muri Kigali Conference and Exhibition Village ahazwi nka Camp Kigali. 

Ni we wari watumiwe mu gace kazwi nka 'Meet me Tonight', aho uwatumiwe aganiriza cyane urubyiruko ku rugendo rwe rw'ubuzima, ndetse akabagira inama z'uko bakwiye kurushaho kwitwara mu rugendo rwabo rw'ubuzima.

Bayingana yibanze cyane ku kuntu yinjiye mu itangazamakuru kuva mu 2005, agaruka ku bikorwa yakoze birimo kugira inama abahanzi, iby'umukunzi we aherutse kugaragaza ku mbuga nkoranyambaga, ndetse n'aho ikirego cye kuri Nsengabo Jean Bosco wamamaye nka Fatakumavuta kigeze. 

Uko yisanze yiga amategeko

Yavuze ko yashakaga kwiga ibijyanye na 'International Relations and Mass Communication' asanga bitaba muri Kaminuza y'u Rwanda, bituma yiga amategeko. 

Ati 'Njyewe icyatumye mpitamo amategeko, ntabwo imibare yanjye ari myinshi. Ndavuga nti aho kurwana n'imibare, narwana n'ururimi. Nahisemo kwiga amategeko. Ntabwo nifuzaga gukora amategeko, gusa amategeko yandinze byinshi.”

Bayingana yavuze ko kwiga amategeko byatumye amenya amategeko mu buryo bwisumbuyeho, ndetse byamurinze kugongwa nayo.

Uyu mugabo yanavuze ko n'ubwo yakundaga cyane Siporo, ariko mu 2009 yatangiye urugendo rwo gufasha abahanzi ahereye kuri Riderman, ndetse ni umwe mu bagize uruhare mu guhitamo izina 'Inshuti z'ikirere'.

Ati: 'Ririya zina ryari rishingiye ku nshuti zari zirimo K8 Kavuyo, Riderman, The Ben, Lil Ngabo, Tom Close,.. Nibo bari inshuti z'ikirekire, ni na ryo tsinda ryari riri aho ngaho risa n’irikomeye mbere gato y'uko na Tuff Gang igira imbaraga. Njyewe na Alex Muyoboke twabafashaga mu bintu byabo.'

Uko yayoboye ibirori bya mbere byarimo Perezida Paul Kagame

Mu 2016, ubwo Perezida Kagame yahuraga n'abayobozi b'Ingaga za Siporo, David Bayingana ni we wayoboye ibi birori. Bwari ubwa mbere ayoboye ibirori birimo Perezida Kagame. 

Yavuze ko kiriya gihe yumvaga afite ubwoba muri we, ariko agenda arushaho kumenyera. Ati 'Ugira ubwoba, ariko icyo nabonye ni uko ababa bari hafi bari gutinyura cyane.' 

Yanavuze ko mu bantu bagize uruhare mu buzima bwe, harimo na Jado Castar bafatanyije gushinga Radio bise 'B&B Kigali Fm' ndetse, na Muyoboke Alex bamaze imyaka 20 ari inshuti.

Bayingana yavuze ko atabona amagambo meza yo gusobanura uburyo Jado Castar ari umuvandimwe we 'kubera ko twahuje ibitekerezo n'ubuzima pe.' 

Ati 'Twabaye umwe. Ni umuntu ukomeye mu buzima cyane.' Yavuze ko bajya guhitamo izina rya Radio, Jado Castar 'niwe warizanye izina.'

Uyu mugabo yanavuze ko yabaye Dj igihe kinini, ndetse yanyuze mu ishuri rya Dj Bisoso amwigisha kuvanga imiziki. Yavuze ko kiriya gihe yigannye n'abarimo Dj Anitha Pendo, Dj Mupenzi, Dj Marnaud n'abandi. Ati 'Dj Bisoso ni uwo gushimira kuko yigishije benshi.'

David Bayingana yavuze ko yakoranye cyane na Alex Muyoboke ubwo bateguraga igitaramo cyo kumurika Album ya mbere ya Tom Close. Yavuze ko yatangaga ibitekerezo by'uko ibintu byakorwa, ariko kandi agakurikiranira hafi ikorwa ry'ibyo bintu.

Yavuze ko mu rugendo rwe yakoranye cyane n'abahanzi barimo Tom Close, The Ben, Meddy n'abandi. Bayingana yishimira ko hari abanyamakuru yaciriye inzira bisanga muri uyu mwuga, ndetse n'uyu munsi iyo abumvise aterwa ishema nabo.

Yanavuze ko mu rugendo rwe hari igihe yacitse intege, ariko kubera gukunda ibyo akora, yahojejeho none yatangiye gusarura amatunda y'ibyo yakoreye.

Uyu mugabo ari mu bazwi cyane binanyuze mu buryo akoresha imbuga nkoranyambaga, yavuze ko ibyo ashyiraho byose bijyanye n'umurongo w'ibyo akora. Ati: 'Imbuga nkoranyambaga nzikoresha mu gutanga amakuru, cyane cyane muri Siporo ndetse n'imyidagaduro.'

Urubyiruko rwamubajije ku mukunzi we, ndetse n'ikirego yateguje azatanga kuri Fatakumavuta

Ku wa 8 Ugushyingo 2024, David Bayingana yasohoye inyandiko, yavuzemo ko yitandukanyije n'ivangura yavuzweho na 'Fatakumavuta' ubwo yireguraga mu Rukiko rw'Ibanze rwa Kicukiro, tariki ya 05 Ugushyingo 2024.

Mu ibaruwa yashyize hanze, yavuze ko yatunguwe kandi ababazwa n'ibyo Fatakumavuta yatangaje. Ati 'Mu buzima bwanjye bwose, uko narezwe, natojwe n'uko nize nta na hamwe mpurira n'ivangura, iryo ariryo ryose. 

Nzira kandi ndwanya n'ingufu zanjye zose irondakoko aho riva rikagera. Ndi umunyarwanda biteye ishema kandi ubyubahira abo tubisangiye bose, nkanubaha kandi ngaha agaciro ikiremwamuntu ku isi yose. Ibi birandanga, mbyemera ntyo kandi nta gahato.'

Yavuze ko afatanyije n'abanyamategeko be, bazazasengura ibyavuzwe na Fatakumavuta, hanyuma bisunge ubutabera kugira ngo akurwego igisebo yashyizwemo na Fatakumavuta mu byo yise 'ibinyoma'.

Umwe mu bitabiriye iki gitaramo cy'urwenya, yabajije David Bayingana niba koko yaratanze ikirego, cyangwa se yarahaye imbabazi Fatakumavuta. Yamubajie ati 'Twabonye Fatakumavuta agushyira mu bibazo bye, tubona nawe wandika ko ugiye kumujyana mu nkiko, waba waramubabariye ko n'urwo ariho rutamworoheye?'

Mu gusubiza, David Bayingana yagize ati 'Icya kabiri rero ntabwo nkisubiza kuko sinkunda kwivanga muri Politike. Murakoze.'

Uyu mugabo yanabajijwe ku mukobwa witwa Nadia Umutesi witabiriye Miss Rwanda ya 2017 wavuzwe mu rukundo nawe mu bihe bitandukanye. Yemeza ko bakundana. Ati 'Nanjye ndagukunda nk'abandi, ubwo ndamukunda cyane.'

David Bayingana yabajijwe niba yaratanze ikirego arega Fatakumavuta, avuga ko nta byinshi yatangaza kuko atajya yivanga muri Politiki

Bayingana yakiriwe mu kiganiro 'Meet me Tonight' ari kumwe na Fally Merci utegura Gen-Z Comedy 

Bayingana yavuze ko imyaka 20 ishize ari inshuti ya Muyoboke Alex, kandi bahuriye ku guteza imbere uruganda rw’umuziki mu Rwanda 

Bayingana yavuze ko yahuje Jado Castar bigeza ku gushinga Radio B&B Kigali Fm 

Bayingana yavuze ko yakoranye n’abahanzi benshi, kandi yize amategeko mu buryo bwamutunguye kuko yashakaga kwiga ibindi

Bayingana yemeje ko ari mu rukundo na Nadia Umutesi witabiriye Miss Rwanda 

Nanjye ndagukunda – Bayingana avuga ku mukunzi we mushya 

Chipukeezy wo muri Kenya, ni we wari umunyarwenya mukuru muri iki gitaramo cya Gen-z Comedy

Umunyarwenya uzwi nka Inkirigito Clement yongeye gutembagaza abantu muri iki gitaramo

Chipukeezy ari kumwe na Fally Merci wamutumiye i Kigali mu gitaramo cya mbere cya Gen-z Comedy

Umunyarwenya Babu yongeye kugaragara mu bitaramo bya Gen-Z Comedy bisusurutsa urubyiruko

Umunyarwenya wamamaye nka Muhinde yagaragaje ko 2025 abantu bakwiye kumwitega

Mu 2023 Urubuga rw’Abanyamerika rushyirwaho amakuru y’ubushakashatsi ku buzima (CDC), ndetse n’Ishami ry'Umuryango w'Abibumbye ryita ku Buzima (WHO), byatangaje ko buri munsi abaturage miliyoni 61 ba Amerika banywa itabi ry’amoko atandukanye, aho 34% by’ab’igitsinagore barinywa, bibasirwa n’ikibazo cyo gukora imibonano mpuzabitsina ntigende neza.

Abenshi babyita ubusirimu cyane ko hari n’abatumura itabi bagendeye kuri bagenzi babo cyangwa se inshuti zabo bagendana bababwira ko ari ubusirimu n’ubwo ubushakashatsi budahwema kugaragaza ububi bw’itabi ryose ribarizwamo ikinyabutabire cya Nicotine.

Ubushakashatsi bushya ku ngaruka z’itabi ku b’igitsinagore, bwatangajwe mu mwaka ushize mu muhango wo kwizihiza Umunsi Mpuzamahanga wo kurwanya indwara ya Diabète wabaye ku wa Gatanu, tariki ya 15 Ugushyingo 2024 wahuriranye no kumurika ubushakashatsi bwakozwe.

Ubu bushakashatsi bwakorewe ku baturage 5,676 bo mu gihugu cyose n'Umujyi wa Kigali, bari hagati y'imyaka 18 na 69. Ibyavuye muri ubwo bushakashatsi ni uko intara y'Amajyepfo iri ku mwanya wa mbere mu kugira abanywi b’itabi benshi n'ijanisha rya 9.8%, Intara y'Iburasirazuba ikaba iya kabiri ku kigero cya 8.8%.

Umujyi wa Kigali uri ku mwanya wa gatatu mu kugira abanywa itabi benshi, aho bari ku kigero cya 6.9%, Amajyaruguru ni 5%, mu gihe Intara y'Iburengerazuba ari yo ifite abantu bake banywa itabi mu Rwanda ugereranije n’izindi ntara, aho bagera kuri 4.2%.

Icyakora ubu bushakashatsi bushya bwagaragaje ko abanywa itabi mu Rwanda bagabanyutse ku buryo bugaragara kuva mu 2013 kugeza mu 2022 baganutse ku kigero cya 5.8%. Ni ukuvuga ko mu 2013 bari 12.5%, mu gihe mu 2022 bari kuri 7.1%.

Ubushakashatsi bugaragaza ko ab’igitsinagore banywa itabi ribagiraho ingaruka zo gutakaza ubushake bwo gukora imibonano mpuzabitsina no kutanyurwa na yo, n’ibindi bibazo bitandukanye ku buzima bw’imyororokere bitewe n’lkinyabutabire cya Nicotine kiribamo.

Itabi rigira ingaruka mbi ku miterere y'umubiri, rikangiza intanga ngore kandi rigatera ikibazo cy'imihangayiko y'imisemburo. Ku bagore batwite, rishobora gutera inda kuvamo, umwana kuvuka adashyitse, cyangwa umwana kuvuka afite ibiro bike.

Urubuga rw’Abanyamerika rushyirwaho amakuru y’ubushakashatsi ku buzima, CDC, rugaragaza ko ab’igitsinagore banywa ibirimo itabi n’ibindi biyobyabwenge birimo Ikinyabutabire bya Nicotine, ibyago byabo byo kutagenda neza kw’igikorwa cy’imibonano mpuzabitsina byikuba gatatu ugereranyije n’ab’igitsinagore bagenzi babo batabinywa.

Ni mu gihe n’ab’igitsinagabo banywa itabi n’ibindi birimo Ikinyabutabire cya Nicotine, na bo bibasirwa no kubura ubushake bwo gukora imibonano mpuzabitsina bikanagaragazwa ko ari bibi cyane kuri bo kuko udafite ubwo bushake atanashobora kuyikora, n’abagerageje kubugira ugasanga badashamajwe no kuyikora, ibi bikaba bishobora gusenyera abubatse muri bo.

Hatangwa inama y’uko kureka itabi bifite akamaro kanini ku buzima, kandi ingaruka nziza zigaragara vuba. Ushobora gushaka ubufasha nk'ubujyanama, imiti yunganira, cyangwa kwifatanya n'amatsinda y'abamaze kureka itabi kugira ngo bigufashe kugira ubuzima bwiza wagizemo uruhare. Iyo uhagaritse itabi, uba uhisemo inzira nziza y’ubuzima bwiza.

Ryari ijoro ridasanzwe kuri uyu mugabo, kuko nyuma y’imyaka 15 yari yongeye gushyira ku isoko Album ye. Yashyigikiwe n’abayobozi mu nzego nkuru z’igihugu, ndetse uruhumbirajana rw’abanyamuziki bamuba hafi kugeza ashyize akadomo kuri iki gitaramo cy'amasaha arenga ane. 

Ni Album idasanzwe mu rugendo rwe, kuko yatumye mu 2024 aticisha irungu abakunzi be. Ndetse abahanzi barimo Yampano, K8 Kavuyo, itsinda rya Tuff Gang, Shemi, itsinda rya J-Sha n’abandi bataramanye nawe biratinda.

Iki gitaramo cyabaye tariki 1 Mutarama 2025, abantu biteze ko Album ihita ijya ku isoko ariko siko byagenze.

The Ben yigeze kubwira InyaRwanda ko izina rya Album yarihisemo ashingiye ku rukundo yeretswe n’abakunzi be. Ati “Urugendo rwanjye rw’umuziki ngerageje kubona ahantu naruramburira ntabwo nabona aho kururamburira ngo rurangiye mu bijyanye n’urukundo. 

Urukundo nakiriye kuva natangira uru rugendo rw’umuziki ruri ku kigero cyo hejuru ku buryo ntabasha kubona uko mbisobanura. Mu by’ukuri birenze urugero.”

Yavuze ko guhitamo izina ry’iyi Album, yagendeye ku ndirimbo ye ‘True Love’; kuko yafashe ijambo ‘Love’ aryongera kuri ‘Plenty’ biba ‘Plenty Love’. Album ye yakozweho na ba Producer barimo Element, Prince Kiiiz, Made Beats, Kozzy ndetse na Real Beat. Ati “Nagerageje kwita ku banyarwanda cyane cyane ku ba Producer.”

Ko iminsi 24 ishize amuritse iyi Album, iri he?

Ku mbuga nkoranyambaga zicururizwaho umuziki n'ahandi ntushobora kubonaho Album ya The Ben. Mu kiganiro cyihariye na InyaRwanda, The Ben yavuze ko “Kuri uyu wa Gatatu tariki 22 Mutarama 2025 nakoranye inama na Sosiyete ya ONErpm twemeranya ko indirimbo 7 zisigaye zizajya hanze tariki 31 Mutarama 2025. Bivuze ko Album yose abantu bazayumva kuri iriya tariki.”

The Ben yavuze ko indirimbo eshanu ziri kuri iyi Album ziri ku mbuga zitandukanye zicururizwaho umuziki nka Spotify, kandi ko imibare y’abantu bazumva igenda izamuka. Unyuze kuri ruriya rubaga n’izindi mbuga, hariho indirimbo nka ‘True Love, ‘Plenty Love’ n’izindi.

Uyu muriririmbyi yanavuze ko ari gutegura igitaramo cyo kuzamurika iyi Album mu buryo bwihariye mu birori agereranya na “Executive Gala” bizabera muri Kigali Convention Center tariki 28 Gashyantare 2025. 

Ati “Turi gutegura uburyo bwo kumurika iyi Album mu buryo bwiyubashye, nyuma y’uko izaba yagiye hanze tariki 31 Mutarama 2025.” 

Yasobanuye ko gutinda gusohoka kw’iyi Album byatewe n’abatekinisiye ba ONErpm “Kuko nifuzaga ko yose isohoka kuri uriya munsi w’igitaramo.” 

The Ben yatangaje ko Album ye izajya ku isoko tariki 31 Mutarama 2025

The Ben yavuze ko tariki 28 Gashyantare 2025, azakora igitaramo cyo kumurika iyi Album mu buryo bwihariye kizabera muri Kigali Convention Center

ABARIMO BRUCE MELODIE NA COACH GAEL BITABIRIYE IGITARAMO CYA THE BEN

KANDA HANO UREBE THE BEN UBWO YARIRIMBAGA INDIRIMBO ZE ZAKUNZWE MU MYAKA ISHIZE

“>

Tonzi ni umwe mu bahanzi barambye mu muziki wa Gospel dore ko awumazemo imyaka irenga 20. Igitaramo cye cya mbere yishyuje amafaranga ijana (100Frw) mu myanya y'icyubahiro (VIP), mu gihe mu myanya isanzwe byari ukwishyura mirongo itanu (50 Frw). Iki gitaramo cy'agashya cyabaye mu 1993 muri St Andre i Nyamirambo. Icyo gihe Tonzi yigaga muri APACE.

Kuri ubu ari mu bahanzi bafite ibigwi bikomeye mu rw’imisozi igihumbi ndetse uyu mwaka wa 2025 uzasiga yicaye ku ntebe y’Ubwamikazi bw’umuziki nyarwanda mu bafite Album nyinshi kandi zengetse kuko ateganya kuwumurikamo Album ya 10, ibintu bitarakorwa n’undi muhanzikazi uwo ari we wese mu Rwanda.

Mu kiganiro na inyaRwanda.com, Tonzi washyize hanze indirimbo nshya yise 'Nimeonja,' [KANDA HANO UYIREBE] yabajijwe abahanzi afata nka ba 'mwikorezi' mu muziki Nyarwanda n’icyo abona abahanzi bashya n’abanyamuziki babigiraho, ashyira ku rutonde abarimo Liliane Kabaganza, Aline Gahongayire, Gabby Kamanzi, Alexis Dusabe, Theo Bosebabireba n'abandi. Birumvikana, Tonzi nawe ari muri aba bahanzi.

Yagize ati: 'Navuga Liliane Kabaganza, Aimé Uwimana, Patient Bizimana, Theeo Bosebabireba, Gaby Kamanzi, Aline Gahongayire, Alexis Dusabe, Richard Ngendahayo, Dominic Ashimwe … bambanye benshi kandi ndabishimira Imana ko duhari kandi turi muri 'ministry' uko bimeze kose turahari. Ku rundi ruhande hari Massamba Intore, Muyango, Mariya Yohana, Cecile Kayirebwa, Makanyaga, Nyiranyamibwa n'abandi.'

Tonzi usanzwe ari Visi Perezida w’Inama y’Igihugu y’Abahanzi, yavuze ko icyashoboje aba bahanzi kuba abanyabigwi ari ukudacika intege, akaba ari isomo abakiri bato babigiraho. Ati: 'Isomo rya mbere ni ukudacika intege uko byaba bimeze kose inyenyeri ikamurika ugakomeza gukora ibyo ukunda nk’uko wahamagawe kandi ugakomeza ukaba wowe.'

Tonzi wamamaye mu ndirimbo “Humura”, yanakomoje ku ndirimbo ye nshya yise “Nimeonja” yageze hanze kuwa 22 Mutarama 2025, avuga ko inganzo yayo yashibutse muri Zaburi: 34:9 havuga ngo 'Nimusogongere mumenye yuko Uwiteka agira neza, Hahirwa umuhungiraho.'

Ati: 'Abasogongeye kukugirwa neza n’Uwiteka ndimo ndi umuhamya w'uko Imana igira neza kuko hahirwa abamuhungiraho. Nabonye ihumure riva ku Mana, nabonye imbabazi z’Imana, urukundo, ineza, kurindwa …ni byinshi navuga nsogongeraho umunsi ku munsi, Impano y’ubuzima nk'uko ko ibyo Imana ivuga ibisohoza ku bana bayo. Ni aho rero indirimbo yaturutse.'

Uyu muhanzikazi yasobanuye umwihariko w'indirimbo ari gushyira hanze muri iyi minsi aragira ati: 'Ngira indirimbo nyinshi ariko byarahuriranye mu minsi ishize nsohora iyitwa 'Merci,' ubu mbahaye 'Nimeonja,' zose ni indirimbo nasohoye amashusho yazo muri uyu mwaka ariko indirimbo mu buryo bw’amajwi ziri kuri Album ya 9 nise 'Respect to God.'

Uyu mwaka mu gihe ndi kubategurira Album ya 10 nzajya njyenda nshyira hanze  n’amashusho yazo kuko Album nayishyize ku mbuga zicururizaho imiziki ndetse bakanayigura mu buryo bwa flash, ubu rero nizo ngenda nzana kuri YouTube mu buryo bw’amashusho.'

Tonzi kandi, yaboneyeho no guhanura abahanzi bashya bakizamuka mu muziki bifuza gutera ikirenge mu cy'abababanjirije, abagira inama yo kubaha ibyo bakora, na bo ubwabo bakiyubahisha, ndetse bakubahisha n'Imana yabahaye iyo mpano, kandi bakirinda ibituma ibyatuma inyenyeri zabo zitaka, bagakora bafite intego bakiteza imbere, bakirinda ibyabavangira byose kandi bakigirira icyizere.

Mu minsi ishize, uyu muhanzikazi yabwiye InyaRwanda ko 2025 ateganya “gushyira hanze Album ya 10 ntagihindutse, narayirangije, bishobotse nkayimurikira abakunzi banjye”. Ati “Hari n’indi mishinga nakoranye n’abandi bahanzi izagenda isohoka muri uyu mwaka”.

Uyu muhanzikazi usanzwe ari na Visi Perezida w’Inama y’Igihugu y’Abahanzi, yavuze ko ibyo Imana izamushoboza azabikora byose. Yumvikanishije ko azashyira hanze indirimbo nyinshi cyane kuko “Imana yampaye umugezi w’indirimbo zidakama, uko nzajya nshobozwa kuzikora muri studio nzajya nzisangiza abana b’Imana”.

Uwitonze Clementine avuga ko ibyo agambirira byose bigamije kuzamura icyubahiro cy’Imana binyuze mu bihangano bitandukanye ndetse no gukomeza gufatanya mu guteza imbere ubuhanzi muri rusange. Yunzemo ati “Hari n’ibindi byiza mbateganyiriza nzagenda mbamenyesha uko mbishobojwe n’Imana”.

Tonzi azwiho gukora cyane ndetse urebye umuvuduko ariho muri iyi minsi, wavuga ko umwaka wa 2025 uzarangira ashyize hanze nk’indirimbo 50. The Sisters bigeze gutangarira umurava Tonzi agira, bamuhimba izina rya “Igifaru”. Gaby ati: 'Tonzi tumuziho gukora cyane no kugira ishyaka mu byo akora, mbese tumwita Igifaru kuko byose arakwakwanya'.

Umuhanzikazi Tonzi witegura kumurika Album ya 10 yagaragaje abahanzi afata nk’inkingi za mwamba mu muziki Nyarwanda

Abakiri bato mu muziki yabagiriye inama yo kubaha ibyo bakora no kubahisha Imana yabahaye iyo mpano

Kanda hano urebe indirimbo nshya ya Tonzi yise ‘Nimeonja’

 

Ibirori byo kwishimira iyo ntambwe ikomeye byabaye ku wa 22 no ku wa 23 Mutarama 2025, nk'uko Minisiteri y'Ingabo y'u Rwanda yabitangaje kuri X.

Abo basirikare b'u Rwanda kandi bize mu mashuri ya gisirikare atandukanye yo muri Qatar, aho bakuye ubumenyi bunyuranye mu bijyanye n'uyu mwuga wo kurinda ubusugire bw'igihugu.

Ibirori byo gusoza ayo masomo byitabiriwe n'Umuyobozi w'Ikirenga wa Qatar, Sheikh Tamim bin Hamad Al Thani, ari kumwe n'abayobozi bakuru batandukanye bo muri iki gihugu.

Byitabiriwe kandi n'itsinda ry'abayobozi batandukanye baturutse mu Rwanda, bari bayobowe n'Umuyobozi w'Ishuri rya Gisirikare rya Gako, Brig Gen Franco Rutagengwa.

U Rwanda ni inshuti ya Qatar, aho ibihugu byombi bifitanye umubano mu ishoramari ndetse n'umutekano. Mu bihe bitandukanye, abasirikare b'u Rwanda bakomeje guhabwa amahugurwa mu mashuri ya gisirikare ya Qatar, cyane cyane abapilote.

Uretse ubufatanye mu bijyanye n'igisirikare, mu mpera za 2024 Polisi y'u Rwanda n'Urwego Rushinzwe Umutekano imbere muri Qatar byasinye amasezerano y'imikoranire mu byerekeye umutekano no guhangana n'ibyaha.

Ayo masezerano akubiyemo ingamba z'ubufatanye hagati y'inzego zombi mu gusangira ubunararibonye mu bikorwa byo gucunga umutekano n'uburyo bwo guhugura abashinzwe umutekano.

Yaje akurikira andi yo muri Mutarama 2024, aho na none u Rwanda na Qatar byasinyanye amasezerano y'ubufatanye mu bijyanye n'umutekano no gukomeza kwagura imikoranire impande zombi zifitanye.

Abasirikare batanu ba RDF basoje amasomo y’imyaka ine baherewe muri Qatar

Abasirikare ba RDF bari bamaze imyaka ine bahabwa amasomo muri Qatar bari kumwe n’abo mu bindi bihugu

Ibirori byo gusoza amasomo abasirikare batandukanye bari bamaze imyaka ine bahabwa na Qatar witabiriwe n’Umuyobozi w'Ikirenga wa Qatar, Sheikh Tamim bin Hamad Al Thani

Ni amasezerano yasinywe kuri uyu wa 23 Mutarama 2025, ubwo Perezida wa Turukiya, Recep Tayyip Erdoğan, yakiraga Perezida Paul Kagame wari mu ruzinduko muri iki gihugu cyo mu Burasirazuba bwo Hagati.

Perezida Kagame na Madamu Jeannette Kagame bageze muri Turukiya ku wa 22 Mutarama 2025, mu ruzinduko rw'akazi.

Basuye ahantu hatandukanye, aho basuye banashyira indabo ku mva ya Mustafa Kemal Atatürk ufatwa nk'uwashinze Turukiya, akaba ari na we wayibereye Perezida wayo wa mbere nyuma yo kubona ubwigenge. Yayoboye Turukiya kuva mu 1923 kugeza igihe yapfiriye mu 1938.

Perezida Kagame yavuze ko isinywa ry'ayo masezerano y'ubufatanye ryerekana, ubushake bw'ibihugu byombi bwo kurushaho gufatanya.

Yagize ati “Ni ikimenyetso ko u Rwanda n Turukiya, byose birajwe ishinga no gushaka amahirwe y'ubufatanye. Isinywa ry'aya masezerano ni ikimenyetso cy'iyi ntumbero dusangiye mu kurushaho gufatanya.”

Perezida Erdoğan yatangaje ko byari iby'agaciro gakomeye guhura n'inshuti ye Perezida Kagame.

Ati 'Byari iby'agahebuzo kuri njye kwakira inshuti yanjye magara Perezida Paul Kagame, mu ruzinduko rwa mbere rw'akazi rw'Umukuru w'Igihugu uturutse mu Rwanda agiriye mu gihugu cyacu. Uruzinduko rw'uyu munsi turufata nk'indi ntambwe nshya mu guteza imbere ubufatanye bw'impande zombi.'

Perezida Erdoğan yavuze ko nyuma y'ifungurwa rya za ambasade z'ibihugu byombi muri buri gihugu, ni ukuvuga gufungura iya Turukiya mu Rwanda n'iy'u Rwanda muri Turukiya, bikozwe mu 2013 no mu 2014, umubano w'ibihugu byombi wakomeje gutera imbere umunsi ku wundi.

Ati 'Ubucuruzi hagati y'impande zombi bwari bufite agaciro kagera kuri miliyoni 1$ mu myaka ya 2000 ubu burakabakaba miliyoni 500$, bigizwemo uruhare n'ishoramari ry'ibigo byacu.'

Perezida Erdoğan yavuze ko we na Perezida Kagame baganiriye ku buryo butandukanye bugamije guha imbaraga ubufatanye bw'ibihugu byombi mu bucuruzi, ishoramari, guteza imbere ingufu, uburezi, umuco, ibijyanye n'igisirikare ndetse n'ubushakashatsi.

Perezida wa Turukiya, Recep Tayyip Erdoğan, kandi yanagarutse ku bibazo by'umutekano muke mu Burasirazuba bwa RDC, avuga ko igihugu cye gishyigikiye inzira y'ibiganiro mu kugarura umutekano mu Burasirazuba bwa Repubulika Iharanira Demokarasi ya Congo, ndetse yizeza ko igihugu cye cyiteguye gutanga umusanzu wose gisabwa kugira ngo amahoro agaruke mu Karere k'Ibiyaga Bigari.

Perezida Erdoğan yavuze ko Turukiya iri guteza imbere umubano wayo na Afurika binyuze mu buryo bunoze ndetse bushingiye ku bufatanye bw'ibigo by'impande zombi, byose bigashingira kuri politiki y'iki gihugu ijyanye n'ubufatanye na Afurika.

Ni politiki kandi yavuze ko ishingira ku gushakira ibisubizo by'ibibazo Afurika ihura na byo, akavuga ko igihugu cye cyiyemeje kugira uruhare rutaziguye mu kugira Afurika itekanye ndetse iteye imbere hashingiwe ku bufatanye bwungura impande zombi.

Ati 'Tuzirikana umusanzu ukomeye u Rwanda rutanga mu kwimakaza amahoro n'umutekano muri Afurika y'Uburasirazuba ndetse no mu Karere k'Ibiyaga Bigari. Twizeye ko ibibazo by'umutekano muke uri muri Repubulika Iharanira Demokarasi ya Congo bizakemurwa mu buryo bw'amahoro. Dushyigikiye ndetse twiteguye gufasha inzira y'ibiganiro Angola ibereye umuhuza.'

Yavuze ko Turukiya yiteguye gutanga ubufasha bwose busabwa mu gihe impande zombi zigaragaje ubushake bwo gushaka igisubizo cy'iki kibazo, ibizagira uruhare mu kugarura amahoro n'umutekano mu Karere k'Ibiyaga Bigari.

Ati 'Nizeye ko ibiganiro by'uyu munsi ndetse n'amasezerano twagiranye bizagirira akamaro ibihugu byacu.'

Perezida wa Turikiya, Recep Tayyip Erdogan yakiriye Perezida Kagame uri mu ruzinduko rw’akazi muri Turikiya baganira ku ngingo zitandukanye zijyanye no guteza imbere ubufatanye bw’impande zombi

Perezida Kagame na mugenzi we Recep Tayyip Erdogan ni bo bayoboye umuhango wo gusinyana amasezerano y’imikoranire hagati y’ibihugu byombi mu nzego zitandukanye

Perezida Kagame yakiriwe i Ankara muri Turikiya na mugenzi we Recep Tayyip Erdoğan