Author: webrwanda

Mu gihe bamwe biteguye umunsi w’abakundana witiriwe “Valentine”, Burna Boy yatangiye kuwizihiza habura iminsi 7 ngo umunsi nyirizina ugere. Impano y’agatangaza igaragaza urukundo rwa Burna Boy, akaba yatanze isaha y’igiciro cyo hejuru kuri Chloe Bailey. 

Umuririmbyi w’umunyamerika Chloe Bailey, akaba n’umukinnyi wa filime, yasesekaye mu gihugu cya Nigeria mu rwego rwo kwitegura no kwizihiza umunsi wa Valantine w’uyu mwaka hamwe n’umuhanzi wa Burna Boy, bivugwa ko urukundo rwabo ruri ahashyushye.

Nyuma yo gusura igihugu cya Nigeria, Chloe yagaragaye mu mashusho ku mbuga nkoranyambaga, ari mu birori byihariye byateguwe na Burna Boy. 

Mu mashusho yakwirakwiriye ku mbuga nkoranyambaga, Burna Boy uzwi cyane nka “African Giant”, yagaragaye ari kumwe na Chloe n’inshuti zabo za hafi, bari kumwe mu birori byo gusangirira hamwe.

Byatangaje benshi ubwo impano idasanzwe ya yatangwaga na Burna Boy, isaha ifite agaciro gakomeye, ivugwa ko ifite agaciro ka miliyoni 92 z’ama-Naira. Iyi mpano y’agatangaza yavugishije benshi, bikongeza amakuru y’uko bashobora kuba bari mu rukundo.

Muri ibyo birori, Burna Boy na Chloe bagaragaye bafatanye agatoki ku kandi basangira ibyishimo, ibintu byongereye imyumvire y’abantu batari bacye bahamya ko aba bombi bakundana, gusa bombi nta n’umwe urabishyira ahagaragara.

Chloe Bailey, umuhanzikazi wahogoje Burna Boy

Burna Boy yishimanye n’umukunzi we mu ijoro ryo kuwa Kane

Kuri uyu wa 8 Gashyantare 2025, i Dar es Salaam hateganyijwe inama ihuza abakuru b'ibihugu byo mu muryango wa Afurika y'Iburasirazuba (EAC) n'uwa Afurika y'Amajyepfo (SADC), igamije gushakira igisubizo kirambye intambara z'urudaca zimaze imyaka myinshi mu burasirazuba bwa RDC.

Ubwo umutwe witwaje intwaro wa M23 wafataga Umujyi wa Goma tariki ya 27 Mutarama, EAC na SADC, byasohoye amatangazo atandukanye, asaba ko habaho ibiganiro hagati y'impande zishyamiranye kugira ngo imirwano ihagarare.

Ibiganiro na Leta ya RDC ni byo M23 isaba kuva ubwo yasubukuraga imirwano mu Ugushyingo 2021, ndetse yanabishimangiye nyuma yo gufata Umujyi wa Goma, iteguza ko nibitaba ibyo; izakomeza urugendo rwayo kugera i Kinshasa.

Umuvugizi wa Perezida Tshisekedi, Tina Salama, yemereye Radio Okapi ko uyu Mukuru w'Igihugu yitabira iyi nama, kandi ngo yifuza ko iyi miryango yakwamagana icyo yise 'Ubushotoranyi bw'u Rwanda', ikanarusaba gukura ingabo mu gihugu cyabo.

Imvugo 'ubushotoranyi bw'u Rwanda' ikunze gukoreshwa n'abayobozi bo muri RDC, bagamije kugaragaza ko u Rwanda rufasha umutwe wa M23, ariko rwabiteye utwatsi kenshi, rusobanura ko ari ibirego bidafite ishingiro. Ahubwo, rwagaragaje ko Leta ya RDC ikorana n'umutwe w'iterabwoba wa FDLR.

Salama yatangaje kandi ko Tshisekedi yifuza ko EAC na SADC bisaba M23 gusubiza Leta ya RDC Umujyi wa Goma, hakanafungurwa ikibuga cy'Indege Mpuzamahanga cya Goma kugira ngo cyifashishwe mu gutwara inkomere no mu bindi bikorwa by'ubutabazi.

Ntabwo Salama yagaragaje niba hari icyo Leta ya RDC yiteguye kubahiriza mu byo yasabwe n'Umuryango Mpuzamahanga cyangwa M23, kugira ngo amahoro aboneke mu Burasirazuba bwa RDC.

Perezida Tshisekedi ni umwe mu bakuru b’ibihugu bazajya i Dar es Salaam

Tina Salama yatangaje ko mu byo Tshisekedi yifuza harimo ko EAC na SADC byasaba M23 kuva mu Mujyi wa Goma

Mu myaka 11 ishize, Bayern Munich ni yo yihariraga igikombe cya Bundesliga, ariko ibintu byahindutse ubwo Bayer Leverkusen yakuragaho ako gasuzuguro.

Mu gihe benshi batekerezaga ko Borussia Dortmund ari yo izakuraho ako gasuzuguro ka Bayern Munich, habaye impinduka zitunguranye maze Bayer Leverkusen yegukana igikombe. 

Nubwo Dortmund itabashije kwegukana shampiyona, hari ikintu ikomeje gukora neza cyo kuzamura abakinnyi bafite impano zidasanzwe ku rwego mpuzamahanga.

Mu ntangiriro z'imyaka ya 2000, Borussia Dortmund kimwe nk’andi makipe menshi yashoye amafaranga menshi kugira ngo ihangane n'ibihangange. 

Iyi politiki yagejeje Dortmund ku bibazo bikomeye by'ubukungu, kuko yashatse gukomeza guhatana na Bayern Munich mu buryo budashoboka.

Icyakora, nyuma yo kugera hafi yo guhomba, Dortmund yafashe icyemezo cyo guhindura imikorere. Yaretse gushora amafaranga mu kugura abakinnyi b'ibihangange ahubwo yibanda ku gushakisha impano nshya no kuziteza imbere. 

Yatangiye gukura abakinnyi bato bafite impano, ikabaha amahirwe yo kwigaragaza mbere y'uko ibagurisha ku nyungu nyinshi. Iyi gahunda yatumye Dortmund iba imwe mu makipe ashimwa cyane mu Burayi kubera luzamura abakinnyi beza bakomeye.

Ubushakashatsi bwimbitse ku bakinnyi bato bwasanze Dortmund ari inzu y'abakinnyi bafite ejo hazaza heza. Uretse kuzamura abakinnyi b'Abadage, Dortmund yagaragaje ubuhanga bwo gushakisha impano ku rwego mpuzamahanga, bikaba ari byo byatumye iba ikiraro cya mbere cy'abakinnyi bashaka kugera ku rwego rwo hejuru.

Jude Bellingham ni umwe mu bakinnyi bakiri bato bafite impano idasanzwe, yavuye muri Birmingham City mu Bwongereza maze yerekeza muri Dortmund afite imyaka 17. Yabonye amahirwe yo gukina ku rwego rwo hejuru, ubu akaba ari umwe mu nkingi za mwamba za Real Madrid.

Robert Lewandowski nawe yavuye muri Lech Poznań yo muri Pologne mu 2010, yageze muri Brussia Dortmund atsinda ibitego 74 mu mikino 131, mbere yo kwerekeza muri Bayern Munich aho yageze ku bigwig bidasanzwe none ubu akaba ariwe mukinnyi ngenderwaho mu ikipe ya FC Barcelona.

Umunya Norway Erling Haaland yavuye muri Red Bull Salzburg ajya muri Brussia Dortmund atsinda ibitego 86 mu mikino 89. Haaland akimara kwigaragariza muri Brussia Dortmund yahise abengukwa na Manchester City mu mwaka we wa mbere ayifasha gusogongera ku bikombe bikomeye ku ugabane w'Iburayi.

Si Haaland, Bellingham na Lewandowiski gusa bagaragarije impano muri  Dortmund kuko hanazamukiyemo abakinnyi nka Jadon Sancho, Ousmane Dembélé, Pierre-Emerick Aubameyang, Christian Pulisic ndetse n'abandi bose ni bamwe mu bakinnyi bakomeye baciye muri Dortmund mbere yo kujya mu makipe akomeye bakaba ibitangaza ku isi.

Nubwo Dortmund ikomeje kuba inzu y'impano nshya, ikibazo gikomeye ni uko yabuze igikombe cya Bundesliga kuva mu 2012 kabone no Mu gihe Bayern Munich yagaragaraga nk'iyitwara nabi ntabwo Dortmundi yabibyaje umusaruro ngo itware shampiyona, Borussia Dortmund yabuze igisubizo. 

Ikipe ya Brussia Dortmund yibitseho ibanga ryo gutanga impano zikomeye mu mupira w’amaguru

Abakinnyi barimo Jadon Sancho, Jude Bellingham na Erling Haaland ni bamwe mu bakuriye muri Brussia Dortmund

Iyi mirambo yanyujijwe ku mupaka munini w'u Rwanda na RDC uzwi nka 'La Corniche' ahagana Saa sita z'amanywa, itwawe n'imodoka z'Ubutumwa bw'Amahoro bw'Umuryango w'Abibumbye muri RDC, MONUSCO.

Nyuma yo kugezwa mu Rwanda, imodoka zitwaye iyi mirambo zakomereje ku mupaka wa Cyanika aho zigomba kwerekeza i Kampala muri Uganda, mu rugendo ruza gukomeza rujya muri Afurika y'Epfo.

Iyi mirambo yari “yaratangiye kubora” nk'uko byemejwe n'umunyapolitiki Julius Malema utavuga rumwe n'ubutegetsi bwa Afurika y'Epfo aho yavuze ko ari amakuru yahawe n'umwe mu basirikare bari muri Congo. Icyuwe mu gihe hari bagenzi babo bakiri i Goma babuze uko bahava nyuma y'uko uyu mujyi wigaruriwe na M23.

Umuvugizi wa M23 mu rwego rwa politiki, Lawrence Kanyuka, yavuze ko abasirikare ba Afurika y'Epfo bari mu kigo cyabo ndetse n'intwaro zabo zose, kandi ko M23 iri kubafasha kubona amafunguro ndetse n'amazi.

Ati 'M23 nta mugambi ifite wo kugirira nabi abasirikare ba Afurika y'Epfo bari mu kigo cyabo n'intwaro zabo zose. M23 iri kubafasha kubona amafunguro n'amazi. Bakwiye gusaba Leta yabo kubacyura bwangu.

Aba basirikare bari muri iki kigo, bacungiwe umutekano na M23 kuva tariki ya 27 Mutarama 2025 ubwo abarwanyi b'uyu mutwe bafataga umujyi wa Goma.

Mu gihe hibazwa byinshi ku butumwa SAMIDRC, aba basirikare ba Afurika y'Epfo barimo, ku wa 8 Gashyantare i Dar es Salaam muri Tanzania hazatangira inama ihuza umuryango wa Afurika y'Iburasirazuba (EAC) n'uwa Afurika y'Amajyepfo (SADC), hagamijwe gushaka icyagarura amahoro n'umutekano mu burasirazuba bwa RDC.

Abakuru b'ibihugu bya EAC bagaragaje ko ibiganiro hagati ya Leta ya RDC na M23 ari byo byakemura intambara ihanganishije impande zombi. Aba SADC na bo bagaragaje ko bashyigikiye ibiganiro bya politiki.

Hari hashize iminsi Afurika y’Epfo ishakisha ubundi buryo yacyuramo iyi mirambo itanyujijwe mu Rwanda, ariko ntibyayishobokeye kubera ko izindi nzira zose zaba iz’ikirere no mu mazi zafunzwe na M23

Iyi mirambo izabanza kunyuzwa muri Uganda mbere yo kugera muri Afurika y’Epfo

Imodoka ya Loni ifite ubushobozi bwo gukonjesha ni yo yacyuye iyi mirambo

Igikorwa cyo gucyura iyi mirambo y’abasirikare ba Afurika y’Epfo cyayobowe na Loni

Imodoka za Loni ni zo zakuye iyi mirambo i Goma yerekeza i Kampala muri Uganda mu rugendo rwanyuze mu Rwanda

Amafoto: Rusa Prince

Marcelo yasezeye ku mupira w'amaguru afite imyaka 36, nyuma yo gutwara ibikombe 25, birimo bitanu bya UEFA Champions League, agasiga izina rye mu mateka y'iyi kipe y'igihangange.

Ku itariki ya 6 Gashyantare 2025, Marcelo yatangaje ko asezeye burundu ruhago, nyuma yo gutandukana na Fluminense, ikipe ye ya nyuma yakiniye muri Brazil.

Iki cyemezo cyazamuye amarangamutima ya benshi, ariko ntawakigereranya n'ukuntu cyagize ingaruka kuri Cristiano Ronaldo, wamaze imyaka cyenda akinana na Marcelo muri Real Madrid.

Mu butumwa bwe bwuje urukundo, Ronaldo yavuze amagambo yo kwibuka ibihe byabo byiza, aho bagize ubufatanye bwihariye ku kibuga.Ati  “Ntabwo byoroshye kubona amagambo yo kuvuga kuri Marcelo. Twanyuze mu bintu byinshi, twagize intsinzi nyinshi, twakiniye ikipe itazibagirana, kandi twagize ubucuti budasanzwe. Ndagushimira kuri byose, bro!”

Ubu butumwa bwakoze ku mitima y'abafana benshi, by'umwihariko abakunzi ba Real Madrid, bacyibuka ukuntu Marcelo na Ronaldo bakoze ibikomeye ku kibuga cya Santiago Bernabéu.

Marcelo yinjiye muri Real Madrid mu mwaka wa 2007, ahamara imyaka 16, aba umwe mu bakinnyi b'inyuma babayeho neza mu mateka y'iyi kipe.

Yari umukinnyi w'ingenzi mu ikipe yatwaye ibikombe bitanu bya Champions League, harimo bitatu byikurikiranya (2016, 2017, 2018), ibintu bigoranye kugeraho mu mateka ya ruhago.

Ubuhanga bwe mu gusatira no gufasha ba rutahizamu byatumye Real Madrid iba ikipe itinyitse, cyane cyane ku ruhande rw'ibumoso aho yafatanyaga na Ronaldo mu buryo bwari bugoye guhagarika.

Nyuma yo kuva muri Real Madrid, Marcelo yerekeje muri Olympiakos, ariko ntiyahatinze, agaruka muri Fluminense, ikipe y'iwabo muri Brazil. Nubwo yari yagarutse aho yatangiriye umupira, yafashe icyemezo cyo gusezera ku mukino wakomeje kumugira icyamamare.

Ku kibuga no hanze yacyo, Marcelo na Ronaldo bari inshuti magara. Bafatanyije gutsinda ibitego byinshi, kwishimira intsinzi zidasanzwe, ndetse n'ibihe by'amateka muri ruhago. Mu myitozo, mu mikino, no hanze yayo, ubucuti bwabo bwari ndakuka.

Nubwo ubu batakiri mu ikipe imwe, abafana ntibahwema kwifuza kuzongera kubabona bahurira ku mushinga runaka. Hari amahirwe ko bashobora gukorana mu buryo bushya, cyane ko Ronaldo ari kwagura ibikorwa bye bya YouTube, aho Marcelo ashobora kuzagaragaramo.

Niba hari ikintu kitazibagirana mu mateka ya Real Madrid, ni uko Cristiano Ronaldo na Marcelo bari abakinnyi badasanzwe, bashyize hamwe ubushobozi bwabo, bagahesha iyi kipe amateka adasanzwe.

Cristiano Ronaldo yakoze ku mitima y’abakunzi ba Real Madrid ubwo yabibutsaga ibihe byiza yagiranye Marcelo

Babo wakoranye cyane n'abahanzi barimo The Ben, Bruce Melodie, itsinda rya Urban Boyz n'abandi, yabigarutseho mu kiganiro cyihariye yagiranye na InyaRwanda, ubwo yagarukaga cyane ku myaka itandatu ishize ari mu muziki. 

Uyu mukobwa yakunze cyane gushyira imbere gukorana indirimbo n'abahanzi bakomeye, ariko kandi yagiye agaragara mu bitaramo byinshi byabereye hirya no hino mu gihugu.

Muri iki gihe yinjiye mu gushora imari mu muziki, kuko yashinze kompanyi yise 'Horn Entertainment' atangira ategura ibirori yise 'Amore Valentines' Gala' yatumiyemo Kidum ukorera umuziki muri Kenya, umuhanzikazi Alyn Sano ndetse na Ruti Joel.

Ni igitaramo avuga ko kizabera muri Kigali Conference and Exhibition Village ahazwi nka Camp Kigali, tariki 14 Gashyantare 2025, cyahujwe no kwizihiza Umunsi w'abakundana uzwi nka 'Saint Valentin'.

Babo yabwiye InyaRwanda ko kumenyekana mu muziki byabanjirijwe no gukinira ikipe y'abagore y'abatarengeje imyaka 15 ya Bayern Munich.

Ariko ko urukundo rw'umuziki rwaganjije muri we, ahitamo gukora umuziki. Ati 'Mu muryango bari bazi ko nkina umupira ariko batarabimenya, ntarabivuga. Uretse Mubyara wanjye niwe gusa wari uzi ko nkunda imiziki. Narangije gukina umupira [Gukinira Bayern Munich] hanyuma mpitamo gukora imiziki.'

Yavuze ko yorohewe cyane no kwinjira mu muziki, kuko yatangiye akorana n'abahanzi bakomeye, aho yinjiriye ku ndirimbo ebyiri yakoranye na Urban Boys, nyuma agakomeza kugeza ubwo yanakoranye indirimbo na The Ben na Bruce Melodie.

Babo yasobanuye ko gukorana indirimbo na The Ben 'byari amahirwe adasanzwe, kuko nifuzaga no kuzakorana na Meddy'.

Avuga ko yatangiye umuziki ari muto 'kuko ari ibintu nkunda'. Ati 'Ntabwo ubu naretse umuziki, ahubwo nari nafashe akaruhuko, rero nk'umuntu ushaka kwinjira mu bucuruzi, nibwo numvaga nshaka gushora imari mu gihugu cyanjye, nahisemo gushaka ubundi buryo nakoramo imyidagaduro mu gihugu cyanjye, niho navuze nti rero nashinga kompanyi yitwa 'Horn Entertainment' izajya itegura ibitaramo.'

Babo yavuze ko binyuze muri iyi kompanyi y'umuziki yatangije, azajya ategura ibitaramo kandi agatumira abahanzi bakomeye ku Isi, bagakorera ibitaramo mu Rwanda, kandi bakabasha no gukorana ibihangano n'abahanzi bazajya bataramana.

Amashimwe ni yose:

Babo yavuze ko yinjiye mu muziki, mu gihe yari amaze igihe kinini akinira ikipe ya Bayern Munich y'abatarengeje imyaka 15, ariko muri we akumva umuziki uramuganza.

Asobanura ko ubwo yagarukaga mu Rwanda, yabajijwe n'itangazamakuru niba azakomeza umuziki gusa, cyangwa se azabifatanya no gukina umupira w'amaguru.

Ati 'Ndi umuntu wizera Imana. Narabasubije nti Imana niyo izampitiramo inzira, kuba narabibuze gutyo Imana ikamitiramo inzira y'imiziki hari impamvu […].

Haba hari impamvu, icyo ukora ni iki, urizera, ukavuga uti nubwo Imana yatumye mva mu bintu bikomeye, ikantwara muri ibi, hari impamvu. Wasanga wenda nari gukomeza gukina muri Bayern Munich, ugasanga simbashije gukorera igihugu cyanjye nk'uko mbishaka. Hari impamvu, Imana yanzanye mu Rwanda.'

Babo, ni umuhanzi w’Umunyarwandakazi ufite inkomoko mu Rwanda no mu Budage. Yamenyekanye mu ndirimbo nka “Go Low” na “Bodidi”.

Mu bikorwa bye, Babo yagaragaje umutima w’ubugiraneza atanga ubwisungane mu kwivuza (Mituelle de Santé) ku bantu 50 bo mu Karere ka Bugesera.

Mu rwego rw’iyobokamana, ku wa 31 Ukwakira 2023, Babo yabatijwe mu mazi menshi mu Itorero Igicaniro cy'Umuryango, agaragaza ukwiyegurira Imana.

Mu rwego rwo kwibuka Jenoside yakorewe Abatutsi mu 1994, Babo yitabiriye ibikorwa byo Kwibuka ku nshuro ya 30 byabereye mu Budage, aho yakuye umukoro wo kubaka igihugu no kwigisha amateka abato.

Babo kandi yagaragaje urukundo akunda ababyeyi be, ashimira by’umwihariko mama we ku bw’uruhare yagize mu buzima bwe.  

 Babo yari umutumirwa mu gitaramo cya Gen-Z Comedy binyuze mu gace kazwi nka 'Meeet me Tonight'

Babo yavuze ko yakiniye ikipe ya Bayern Munich y'abatarengeje imyaka 15 y'amavuko 

Babo yavuze ko yakinnye umupira w'amaguru igihe kinini, ariko umuziki wagenje muri we 

Babo yavuze ko yishimiye gukorana indirimbo na The Ben ndetse na Bruce Melodie 

KANDA HANO UBASHE KUREBA IKIGANIRO CYIHARIYE TWAGIRANYE NA BABO

   “>

KANDA HANO UBASHE KUREBA AMASHUSHO Y'INDIRIMBO YA BABO NA THE BEN

“>

KANDA HANO UREBE AMASHUSHO Y’INDIRIMBO YA BRUCE MELODIE NA BABO

“>

Mu biganiro bitandukanye, Chameleone wamamaye mu bihangano binyuranye yagiye yumvikana mu itangazamakuru, avuga ko ubuzima yabayemo i Nyamirambo bwabaye imvano yo gukora umuziki, ndetse yarushijeho kumenya ubuzima bwisumbuyemo. 

Ubu imyaka 30 irashize yinjiye mu muziki. Yifashishije konti ye ya Instagram mu ijoro ryo kuri uyu wa Kane tariki 6 Gashyantare 2025, Chameleone yagaragaje ko azirikana ibihe yagiriye i Nyamirambo ubwo yari afite imyaka 17, kuko kuva icyo gihe urugendo rw'umuziki rwe rwagutse agatanga ibyishimo ku bisekuru byombi.

Kuri konti ye ya Instagram, yanashyizeho ifoto ye yafatiye mu Mujyi wa Sudbury muri Leta Zunze Ubumwe za Amerika, aho yizihiza imyaka 47 y’amavuko- Bivuze ko imyaka 30 ishize atangiriye umuziki mu Rwanda.

Mu 2022, nabwo Chameleone yari yagaragaje ko yibuka ibihe yagiriye mu Rwanda. Icyo gihe yavuze ko yashakiye ubuzima mu Rwanda, kandi ko ari urugendo yigiyemo byinshi aho yagerageraje rimwe na rimwe agatsinda ubundi bikanga ariko agakomeza guhanyanyaza buri munsi 'kugeza ubwo bikunze'.

Chameleone yaje mu Rwanda afite imyaka nka 16 y'amavuko nyuma y'umwaka wari ushize Jenoside yakorewe Abatutsi ihagaritswe n'ingabo zari iza RPA.

Kuva icyo gihe yabwiraga abavandimwe be ko ari igihugu cyiza, nk'uko akibishimangira kugeza n'ubu. Uyu muhanzi yari atuye ahitwa mu Gatsata muri Kigali, aho yungukiye inshuti, abavandimwe, umuryango, abafana n'abandi benshi.

Uyu muhanzi yari aherutse gutangaza igitaramo cye i Kigali, cyari kuba tariki 3 Mutarama 2025, kikabera muri Kigali Universe, ariko cyasubitswe ku munota wa nyuma bitewe n'uburwayi bwamwibasiye bwatumye ajya kwivuriza muri Amerika.

Joseph Mayanja uzwi nka Chameloene, ni umuhanzi w'umunya-Uganda ukora umuziki wubakiye ku njyana ya AfroBeat.

Aririmba cyane mu rurimi rw'Icyongereza, Igiswahili na Luganda. Ni umunyamuziki watangiye urugendo mu mwaka wa 1990 ubwo yari mu gihugu cya Kenya, atangiriye mu itsinda rya Ogopa Deejays.

Yavutse ku wa 30 Mata 1979, muri Mata 2025 azuzuza imyaka 47. Afite abana barimo Abba Marcus Mayanja, Amma Christian Mayanja, Alba Shyne Mayanja n'abandi.

Afite abavandimwe barimo Pallaso na Weasel bakora umuziki, ndetse na AK 47 witabye Imana.

Kuva mu mwaka wa 2008, arwubakanye na Daniella Mayanja.

Uyu mugabo yamamaye cyane mu ndirimbo zirimo Badilisha yo mu 2012, Shida Za dunia yo mu 2005, Kuma Obwedisgwa, Tubonge n’izindi. 

Jose Chameleone yagaragaje ko yishimira ibihe yagiriye i Nyamirambo ubwo yari afite imyaka 17

Chameleone yanagaragaje ifoto yafatiye muri Amerika, mu gihe yitegura kwizihiza imyaka 47 y'amavuko 

Jose Chameleone yakunze kuvuga ko Nyamirambo yamubereye imvano y'umuziki akora muri iki gihe 

KANDA HANO UREBE AMASHUSHO Y’INDIRIMBO ‘BADILISHA’ YA JOSE CHAMELEONE

 “>

Uncle Austin na The Ben bubatse ubushuti bw'igihe kirekire, ku buryo bakoranye indirimbo nyinshi, ndetse hari n'izindi zikiri muri 'Studio' zitarajya hanze. Mu myaka irenga 15 buri umwe, ari mu muziki yagiye yumvikana avuga ko mugenzi we yamuciriye inzira, kandi ko afite ishimwe ku mutima we. 

Mu kiganiro na InyaRwanda, Uncle Austin yavuze ko ari kwitegura gushyira ku isoko Album ye ya Kane yitiriye umwana we 'London', kandi ko ibikorwa byo kuyikoraho bikomeje. 

Avuga ko byatumye ahitamo gutangira gushyira hanze indirimbo kugira ngo aticisha irungu abafana be n'abakunzi b'umuziki muri rusange.

Uyu muhanzi avuga ko hari indirimbo ebyiri yakoranye na The Ben zirimo 'Mon Coeur' ndetse na 'Icyizere' baraganira, buri umwe afata imwe kugira ngo bose bibagirire akamaro.

Yavuze ko habayeho kugurana kuko 'Mon Coeur' ariyo yari kujya kuri Album ya The Ben, ariho The Ben ahitamo gufata indirimbo yitwa 'Icyizere' inumvikanamo ijwi ry'umuhanzikazi Favor.

Ati 'Dufite indirimbo nyinshi twakoze. Ni imwe mu ndirimbo twakoze (Aravuga indirimbo ye 'Mon Coeur' ya The Ben na Lloav'). Ni indirimbo ubundi yagombaga kujya kuri Album yanjye, ariko kubera ko iya mbere twayisohoye ikajya iwanjye, urumva ko iya kabiri yagombaga kujya iwe. Byari ibintu twari twaraganiriyeho.'

Uncle Austin yavuze ko hari n'izindi ndirimbo yakoranye na The Ben 'ku buryo uzajya gusohora Album ariwe uzajya uhitamo iyo atwara'. Ati 'Uzatanga utundi.'

Yavuze ko uretse kuba yarakoranye indirimbo na The Ben, kuri Album ye yakunzeho indirimbo yitwa 'Nana', 'Ni Forever', 'True Love' n'izindi.

Uncle Austin yavuze ko mu myaka irenga 20 ari mu muziki, yashyigikiye cyane abahanzi kandi 'ibyo nkora mbikora muri rusange'.

Avuga ati 'Ntabwo indirimbo zabo ncuranga gusa kuri Radio cyangwa se nacuranze kuva cyera, hari n'abarimo Miss Jojo, Rafiki n'abandi, mba numva ntewe ishema no kugeza umuhanzi ku banyarwanda nabo bakumva impano numvise, bakemeza ko ari nziza.'

Uncle Austin ni umuhanzi w’inararibonye mu njyana ya Afrobeat akaba n’umunyamakuru ukorera kuri Kiss FM mu Rwanda. Yamamaye mu ndirimbo zitandukanye nka “Everything” na “Nzakwizirikaho”.

Mu kazi ke k’itangazamakuru, Uncle Austin azwiho gufasha abahanzi bakizamuka no guteza imbere umuziki nyarwanda. Nubwo hari abibwira ko ashobora gusinyisha abahanzi muri label ye, yagaragaje ko adateganya gusinyisha umuhanzi Lloav, ahubwo ko azamufasha mu bundi buryo.

Uncle Austin yatangaje ko yemeranyine na The Ben kugurana indirimbo yashyize kuri Album ye
 Uncle Austin yavuze ko yahisemo indirimbo 'Mon Coeur', The Ben ahitamo indirimbo 'Icyizere' 

Uncle Austin yatanze ikiganiro mu gitaramo cya Gen-Z Comedy binyuze mu gace kazwi nka 'Meet me Tonight'

Uncle Austin yaganiriye na Fally Merci utegura ibitaramo bya Gen-Z Comedy agaruka ku rugendo rwe rw'ubuzima n'urw'umuziki 

Ubwo Uncle Austin yari kumwe n'umunyamideli Franco Kabano ndetse na Alex Muyoboke wabaye umujyanama w'abahanzi banyuranye mu Rwanda 

KANDA HANO UREBE AMASHUSHO Y'IKIGANIRO TWAGIRANYE NA UNCLE AUSTIN

“> 

KANDA HANO UREBE AMASHUSHO Y'INDIRIMBO YA THE BEN NA LLOAV

  “>